1
1	וַיִּקְרָ֖א אֶל־ מֹשֶׁ֑ה וַיְדַבֵּ֤ר יְהוָה֙ אֵלָ֔יו מֵאֹ֥הֶל מוֹעֵ֖ד לֵאמֹֽר׃
	(4Q25 frg. 1 i,1) [ויקרא אל משה וידבר יהוה אליו מאהל מועד] לאמר (Lev SP 1,1) ויקרא אל משה וידבר יהוה אליו מאהל מועד לאמר
2	דַּבֵּ֞ר אֶל־ בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם אָדָ֗ם כִּֽי־ יַקְרִ֥יב מִכֶּ֛ם קָרְבָּ֖ן לַֽיהוָ֑ה מִן־ הַבְּהֵמָ֗ה מִן־ הַבָּקָר֙ וּמִן־ הַצֹּ֔אן תַּקְרִ֖יבוּ אֶת־ קָרְבַּנְכֶֽם׃
	(4Q25 frg. 1 i,1) דבר אל בני ישראל ואמרת (4Q25 frg. 1 i,2) [אלהם אדם כי יקריב מכם קרבן ליהוה מן ]ה֯בהמה מן הבקר ומן[ ה]צאן (4Q25 frg. 1 i,3) [תקריבו את קרבנכם (Lev SP 1,2) דבר אל בני ישראל ואמרת אליהם אדם כי יקריב מכם קרבן ליהוה מן הבהמה מן הבקר ומן הצאן תקריבו את קרבניכם
3	אִם־ עֹלָ֤ה קָרְבָּנוֹ֙ מִן־ הַבָּקָ֔ר זָכָ֥ר תָּמִ֖ים יַקְרִיבֶ֑נּוּ אֶל־ פֶּ֜תַח אֹ֤הֶל מוֹעֵד֙ יַקְרִ֣יב אֹת֔וֹ לִרְצֹנ֖וֹ לִפְנֵ֥י יְהוָֽה׃
	(4Q25 frg. 1 i,3) אם עלה קרבנו ]מן הבקר זכר תמ[?]ם י֯קריבנו (4Q25 frg. 1 i,4) [אל פתח אהל מועד יקריב אתו לרצנו ]ל[פ]נ֯י֯ [יהוה (Lev SP 1,3) אם עלה קרבנו מן הבקר זכר תמים יקריבנו אל פתח אהל מועד יקריב אתו לרצונו לפני יהוה
4	וְסָמַ֣ךְ יָד֔וֹ עַ֖ל רֹ֣אשׁ הָעֹלָ֑ה וְנִרְצָ֥ה ל֖וֹ לְכַפֵּ֥ר עָלָֽיו׃
	(4Q25 frg. 1 i,4) וסמך יד]ו֯ ע֯ל ראש (4Q25 frg. 1 i,5) [העלה ונרצה לו לכפר עליו (Lev SP 1,4) וסמך את ידו על ראש העלה ונרצה לו לכפר עליו
5	וְשָׁחַ֛ט אֶת־ בֶּ֥ן הַבָּקָ֖ר לִפְנֵ֣י יְהוָ֑ה וְ֠הִקְרִיבוּ בְּנֵ֨י אַהֲרֹ֤ן הֽ͏ַכֹּֽהֲנִים֙ אֶת־ הַדָּ֔ם וְזָרְק֨וּ אֶת־ הַדָּ֤ם עַל־ הַמִּזְבֵּ֙חַ֙ סָבִ֔יב אֲשֶׁר־ פֶּ֖תַח אֹ֥הֶל מוֹעֵֽד׃
	(4Q25 frg. 1 i,5) ושחט את בן הבקר לפני יהוה והקרי]ב֯ו (4Q25 frg. 1 i,6) [בני אהרן הכהנים את הדם וזרקו את הדם על המזבח סביב א]שר (4Q25 frg. 1 i,7) [פתח אהל מועד (Lev SP 1,5) ושחט את בן הבקר לפני יהוה והקריבו בני אהרן הכהנים את הדם וזרקו את הדם על המזבח סביב אשר פתח אהל מועד
6	וְהִפְשִׁ֖יט אֶת־ הָעֹלָ֑ה וְנִתַּ֥ח אֹתָ֖הּ לִנְתָחֶֽיהָ׃
	(4Q25 frg. 1 i,7) והפשיט את העלה ונתח אתה לנתחיה (Lev SP 1,6) והפשיטו את העלה ונתחו אתה לנתחיה
7	וְ֠נָתְנוּ בְּנֵ֨י אַהֲרֹ֧ן הַכֹּהֵ֛ן אֵ֖שׁ עַל־ הַמִּזְבֵּ֑חַ וְעָרְכ֥וּ עֵצִ֖ים עַל־ הָאֵֽשׁ׃
	(4Q25 frg. 1 i,7) ונתנו ב]נ֯י֯ (Lev SP 1,7) ונתנו בני אהרן הכהנים אש על המזבח וערכו עצים על האש
8	וְעָרְכ֗וּ בְּנֵ֤י אַהֲרֹן֙ הַכֹּ֣הֲנִ֔ים אֵ֚ת הַנְּתָחִ֔ים אֶת־ הָרֹ֖אשׁ וְאֶת־ הַפָּ֑דֶר עַל־ הָעֵצִים֙ אֲשֶׁ֣ר עַל־ הָאֵ֔שׁ אֲשֶׁ֖ר עַל־ הַמִּזְבֵּֽחַ׃
	(Lev SP 1,8) וערכו בני אהרן הכהנים את הנתחים ואת הראש ואת הפדר על העצים אשר על האש אשר על המזבח
9	וְקִרְבּ֥וֹ וּכְרָעָ֖יו יִרְחַ֣ץ בַּמָּ֑יִם וְהִקְטִ֨יר הַכֹּהֵ֤ן אֶת־ הַכֹּל֙ הַמִּזְבֵּ֔חָה עֹלָ֛ה אִשֵּׁ֥ה רֵֽיחַ־ נִיח֖וֹחַ לַֽיהוָֽה׃ ס
	(Lev SP 1,9) וקרבו וכרעיו ירחצו במים והקטיר הכהן « » הכל המזבחה עלה הוא אשה ריח ניחח ליהוה *
10	וְאִם־ מִן־ הַצֹּ֨אן קָרְבָּנ֧וֹ מִן־ הַכְּשָׂבִ֛ים א֥וֹ מִן־ הָעִזִּ֖ים לְעֹלָ֑ה זָכָ֥ר תָּמִ֖ים יַקְרִיבֶֽנּוּ׃
	(Lev SP 1,10) ואם מן הצאן עלה קרבנו ליהוה מן הכשבים ומן העזים « » זכר תמים יקריבנו …
11	וְשָׁחַ֨ט אֹת֜וֹ עַ֣ל יֶ֧רֶךְ הַמִּזְבֵּ֛חַ צָפֹ֖נָה לִפְנֵ֣י יְהוָ֑ה וְזָרְק֡וּ בְּנֵי֩ אַהֲרֹ֨ן הַכֹּהֲנִ֧ים אֶת־ דָּמ֛וֹ עַל־ הַמִּזְבֵּ֖חַ סָבִֽיב׃
	(4Q24 frg. 1-7,12) ושחט ]א֯ת[ו על ירך המזבח צפנה לפני יהוה וזרקו] (4Q24 frg. 1-7,13) [בני אהרן הכהני]ם את הדם על[ המזבח סביב (Lev SP 1,11) ושחט אתו על ירך המזבח צפונה לפני יהוה וזרקו בני אהרן הכהנים את דמו על המזבח סביב
12	וְנִתַּ֤ח אֹתוֹ֙ לִנְתָחָ֔יו וְאֶת־ רֹאשׁ֖וֹ וְאֶת־ פִּדְר֑וֹ וְעָרַ֤ךְ הַכֹּהֵן֙ אֹתָ֔ם עַל־ הָֽעֵצִים֙ אֲשֶׁ֣ר עַל־ הָאֵ֔שׁ אֲשֶׁ֖ר עַל־ הַמִּזְבֵּֽחַ׃
	(4Q24 frg. 1-7,13) ונתח אתו לנתחיו ואת ראשו] (4Q24 frg. 1-7,14) [ואת פדרו ו]ע֯רך הכהן אתם על[ העצים אשר על האש אשר על המזבח (Lev SP 1,12) ונתחו אתו לנתחיו ואת ראשו ואת פדרו יעריך הכהן אתם על העצים אשר על האש אשר על המזבח
13	וְהַקֶּ֥רֶב וְהַכְּרָעַ֖יִם יִרְחַ֣ץ בַּמָּ֑יִם וְהִקְרִ֨יב הַכֹּהֵ֤ן אֶת־ הַכֹּל֙ וְהִקְטִ֣יר הַמִּזְבֵּ֔חָה עֹלָ֣ה ה֗וּא אִשֵּׁ֛ה רֵ֥יחַ נִיחֹ֖חַ לַיהוָֽה׃ פ
	(4Q17 frg. 3,1) והקרב והכרעים ירחץ במים] (4Q17 frg. 3,2) [והקריב הכהן את הכל והקטיר המזבחה עלה הוא אשה] (4Q17 frg. 3,3) רי[ח ניחח ליהוה (4Q24 frg. 1-7,14) והקרב] (4Q24 frg. 1-7,15) [והכרעי]ם֯[ ]י֯רחץ במים והקריב[ הכהן את הכל והקטיר המזבחה עלה הוא אשה] (4Q24 frg. 1-7,16) [ריח נ]י֯ח֯וח ליהוה (Lev SP 1,13) והקרב והכרעים ירחץ במים והקריב הכהן את הכל והקטיר המזבחה עלה הוא אשה ריח ניחח ליהוה *
14	וְאִ֧ם מִן־ הָע֛וֹף עֹלָ֥ה קָרְבָּנ֖וֹ לַֽיהוָ֑ה וְהִקְרִ֣יב מִן־ הַתֹּרִ֗ים א֛וֹ מִן־ בְּנֵ֥י הַיּוֹנָ֖ה אֶת־ קָרְבָּנֽוֹ׃
	(4Q17 frg. 3,3) ואם מן העוף עלה קרבנו ליהוה] (4Q17 frg. 3,4) והק[ריב מן התרים או מן בני היונה את קרבנו (4Q24 frg. 1-7,17) [ואם מ]ן֯ העוף עלה קרבנו ליהוה והקר[יב מן התורים או מן בני היונה את קרבנו ] (Lev SP 1,14) ואם מן העוף עלה קרבנו ליהוה והקריב מן התרים או מבני היונה את קרבנו
15	וְהִקְרִיב֤וֹ הַכֹּהֵן֙ אֶל־ הַמִּזְבֵּ֔חַ וּמָלַק֙ אֶת־ רֹאשׁ֔וֹ וְהִקְטִ֖יר הַמִּזְבֵּ֑חָה וְנִמְצָ֣ה דָמ֔וֹ עַ֖ל קִ֥יר הַמִּזְבֵּֽחַ׃
	(4Q17 frg. 3,4) והקריבו הכהן] (4Q17 frg. 3,5) אל המ֯[זבח ומלק את ראשו והקטיר המזבחה ונמצה דמו] (4Q17 frg. 3,6) [על קיר המזבח ] (4Q24 frg. 1-7,18) [והקרי]ב֯ו הכהן אל המז֯בח ומלק את[ ראשו והקטיר המזבחה ונמצה דמו על] (4Q24 frg. 1-7,19) [קיר המזב]ח (Lev SP 1,15) והקריבו הכהן אל המזבח ומלק את ראשו והקטיר המזבחה ונמצא דמו אל קיר המזבח
16	וְהֵסִ֥יר אֶת־ מֻרְאָת֖וֹ בְּנֹצָתָ֑הּ וְהִשְׁלִ֨יךְ אֹתָ֜הּ אֵ֤צֶל הַמִּזְבֵּ֙חַ֙ קֵ֔דְמָה אֶל־ מְק֖וֹם הַדָּֽשֶׁן׃
	(4Q24 frg. 1-7,19) והסי֯ר א֯ת֯ מראתה בנצתה[ והשליך אתה אצל המזבח קדמה אל] (4Q24 frg. 1-7,20) [מקום ]הדשן (Lev SP 1,16) והסיר את מרתו בנצתו והשליך אתו אצל המזבח קדמה אל מקום הדשן
17	וְשִׁסַּ֨ע אֹת֣וֹ בִכְנָפָיו֮ לֹ֣א יַבְדִּיל֒ וְהִקְטִ֨יר אֹת֤וֹ הַכֹּהֵן֙ הַמִּזְבֵּ֔חָה עַל־ הָעֵצִ֖ים אֲשֶׁ֣ר עַל־ הָאֵ֑שׁ עֹלָ֣ה ה֗וּא אִשֵּׁ֛ה רֵ֥יחַ נִיחֹ֖חַ לַיהוָֽה׃ ס
	(4Q17 frg. 4,1) [המזבחה על העצים אשר על האש עלה ]הו֯א א[שה ריח ניחח] (4Q17 frg. 4,2) [ליהוה ] (4Q24 frg. 1-7,20) ושסע אתיו בכנפיו ולא יבדיל[ והקטיר אתו הכהן המזבחה על] (4Q24 frg. 1-7,21) [הע]צ֯ים אשר ע֯ל[ הא]ש עלה הוא (היא) ריח ניחוח לי[הוה ] (Lev SP 1,17) ושסע אתו בכנפיו ולא יבדיל והקטיר אתו הכהן המזבחה על העצים אשר על האש עלה הוא אשה ריח ניחח ליהוה *

2
1	וְנֶ֗פֶשׁ כִּֽי־ תַקְרִ֞יב קָרְבַּ֤ן מִנְחָה֙ לַֽיהוָ֔ה סֹ֖לֶת יִהְיֶ֣ה קָרְבָּנ֑וֹ וְיָצַ֤ק עָלֶ֙יהָ֙ שֶׁ֔מֶן וְנָתַ֥ן עָלֶ֖יהָ לְבֹנָֽה׃
	(4Q17 frg. 4,3) [ונפש כי תקריב ק]רבנו מנחה [ליהוה סלת יהיה קרבנו ויצק] (4Q17 frg. 4,4) [עליה שמן ונתן עליה לבו]נ֯ה מנחה [היא ] (4Q24 frg. 1-7,22) [ונפ]ש כי תק[ריב קרבן ]מנחה ליהוה סלת יהיה[ קרבנו ויצק עליה שמן ונתן] (4Q24 frg. 1-7,23) [עליה לבונה (Lev SP 2,1) ונפש כי תקריב קרבן מנחה ליהוה סלת יהיה קרבנו ויצק עליה שמן ונתן עליה לבונה מנחה היא
2	וֽ͏ֶהֱבִיאָ֗הּ אֶל־ בְּנֵ֣י אַהֲרֹן֮ הַכֹּהֲנִים֒ וְקָמַ֨ץ מִשָּׁ֜ם מְלֹ֣א קֻמְצ֗וֹ מִסָּלְתָּהּ֙ וּמִשַּׁמְנָ֔הּ עַ֖ל כָּל־ לְבֹנָתָ֑הּ וְהִקְטִ֨יר הַכֹּהֵ֜ן אֶת־ אַזְכָּרָתָהּ֙ הַמִּזְבֵּ֔חָה אִשֵּׁ֛ה רֵ֥יחַ נִיחֹ֖חַ לַיהוָֽה׃
	(4Q24 frg. 1-7,23) והביאה אל בני אהרן ]הכהנים וקמ[ץ משם מלא קמצו מסלתה] (4Q24 frg. 1-7,24) [ומשמנה על כל לבונתה והקטיר הכה]ן֯ את אזכר֯ת֯[ה המזבחה אשה ריח ניחוח] (4Q24 frg. 1-7,25) [ליהוה (Lev SP 2,2) והביאה אל בני אהרן הכהנים וקמץ ממנה מלוא קמצו מסלתה ומשמנה על כל לבונתה והקטיר הכהן את אזכרתה המזבחה אשה ריח ניחח ליהוה
3	וְהַנּוֹתֶ֙רֶת֙ מִן־ הַמִּנְחָ֔ה לְאַהֲרֹ֖ן וּלְבָנָ֑יו קֹ֥דֶשׁ קָֽדָשִׁ֖ים מֵאִשֵּׁ֥י יְהוָֽה׃ ס
	(4Q24 frg. 1-7,25) והנותרת מן המנחה לאהרן ולבנ]י֯ו֯ [קדש קדשים מאשי יהוה ] (Lev SP 2,3) והנותרת מן המנחה לאהרן ולבניו קדש קדשים מאשי יהוה *
4	וְכִ֥י תַקְרִ֛ב קָרְבַּ֥ן מִנְחָ֖ה מַאֲפֵ֣ה תַנּ֑וּר סֹ֣לֶת חַלּ֤וֹת מַצֹּת֙ בְּלוּלֹ֣ת בַּשֶּׁ֔מֶן וּרְקִיקֵ֥י מַצּ֖וֹת מְשֻׁחִ֥ים בַּשָּֽׁמֶן׃ ס
	(4Q24 frg. 1-7,26) [וכי תקריב קרבן מנחה מאפה תנור סלת חלות מצת בלולת בשמן ורקיקי מצות] (4Q24 frg. 1-7,27) [משחים בשמן (Lev SP 2,4) וכי תקריב קרבן מנחה מאפה תנור סלת חלות מצות בללות בשמן ורקיקי מצות משחים בשמן
5	וְאִם־ מִנְחָ֥ה עַל־ הַֽמַּחֲבַ֖ת קָרְבָּנֶ֑ךָ סֹ֛לֶת בְּלוּלָ֥ה בַשֶּׁ֖מֶן מַצָּ֥ה תִהְיֶֽה׃
	(4Q24 frg. 1-7,27) ואם ]מ֯נחה [על המח]ב֯ת קרבנך֯[ סלת בלולה בשמן מצה תהיה (Lev SP 2,5) ואם מנחה על מחבת קרבנך סלת בלולה בשמן מצה תהיה
6	פָּת֤וֹת אֹתָהּ֙ פִּתִּ֔ים וְיָצַקְתָּ֥ עָלֶ֖יהָ שָׁ֑מֶן מִנְחָ֖ה הִֽוא׃ ס
	(4Q24 frg. 1-7,27) פתות] (4Q24 frg. 1-7,28) אתה פ֯[תים ויצק]ת עליה שמן֯[ מנחה היא (Lev SP 2,6) פתת אתה פתים ויצקת עליה שמן מנחה היא
7	וְאִם־ מִנְחַ֥ת מַרְחֶ֖שֶׁת קָרְבָּנֶ֑ךָ סֹ֥לֶת בַּשֶּׁ֖מֶן תֵּעָשֶֽׂה׃
	(4Q24 frg. 1-7,28) ואם מנחת מרחשת קרבנך סלת בשמן] (4Q24 frg. 1-7,29) תעשה (Lev SP 2,7) ואם מנחה מרחשת קרבנך סלת בשמן תעשה
8	וְהֵבֵאתָ֣ אֶת־ הַמִּנְחָ֗ה אֲשֶׁ֧ר יֵעָשֶׂ֛ה מֵאֵ֖לֶּה לַיהוָ֑ה וְהִקְרִיבָהּ֙ אֶל־ הַכֹּהֵ֔ן וְהִגִּישָׁ֖הּ אֶל־ הַמִּזְבֵּֽחַ׃
	(4Q24 frg. 1-7,29) והביא את המנ֯חה א[שר יעשה מאלה ליהוה והקריבה אל הכהן והגישה] (4Q24 frg. 1-7,30) אל המזבח (Lev SP 2,8) והבאת את המנחה אשר יעשה מאלה ליהוה והקריבה אל הכהן והגישה אל המזבח
9	וְהֵרִ֨ים הַכֹּהֵ֤ן מִן־ הַמִּנְחָה֙ אֶת־ אַזְכָּ֣רָתָ֔הּ וְהִקְטִ֖יר הַמִּזְבֵּ֑חָה אִשֵּׁ֛ה רֵ֥יחַ נִיחֹ֖חַ לַיהוָֽה׃
	(4Q24 frg. 1-7,30) והרים הכ֯[הן מן המנחה את אזכרתה והקטיר המזבחה אשה ריח] (4Q24 frg. 1-7,31) ניחוח ליהוה (Lev SP 2,9) והרים הכהן מן המנחה את אזכרתה והקטיר המזבחה אשה ריח ניחח ליהוה
10	וְהַנּוֹתֶ֙רֶת֙ מִן־ הַמִּנְחָ֔ה לְאַהֲרֹ֖ן וּלְבָנָ֑יו קֹ֥דֶשׁ קֽ͏ָדָשִׁ֖ים מֵאִשֵּׁ֥י יְהוָֽה׃
	(4Q24 frg. 1-7,31) והנו֯[תרת מן המנחה לאהרן ולבניו קדש קדשים מאשי יהוה ] (Lev SP 2,10) והנותרת מן המנחה לאהרן ולבניו קדש קדשים מאשי יהוה
11	כָּל־ הַמִּנְחָ֗ה אֲשֶׁ֤ר תַּקְרִ֙יבוּ֙ לַיהוָ֔ה לֹ֥א תֵעָשֶׂ֖ה חָמֵ֑ץ כִּ֤י כָל־ שְׂאֹר֙ וְכָל־ דְּבַ֔שׁ לֹֽא־ תַקְטִ֧ירוּ מִמֶּ֛נּוּ אִשֶּׁ֖ה לַֽיהוָֽה׃
	(4Q24 frg. 1-7,32) כל מנחה אשר תקריבו ל֯[יהוה לא תעשה חמץ כי כל שאר וכל דבש לא תקטירו] (4Q24 frg. 1-7,33) ממנו אשה ליהוה (Lev SP 2,11) כל המנחה אשר תקריבו ליהוה לא תעשה חמץ כי כל שאר וכל דבש לא תקריבו ממנו אשה ליהוה
12	קָרְבַּ֥ן רֵאשִׁ֛ית תַּקְרִ֥יבוּ אֹתָ֖ם לַיהוָ֑ה וְאֶל־ הַמִּזְבֵּ֥חַ לֹא־ יַעֲל֖וּ לְרֵ֥יחַ נִיחֹֽחַ׃
	(4Q24 frg. 1-7,33) [ק]ר֯[בן ראשית תקריבו אתם ליהוה ואל המזבח לא יעלו] (4Q24 frg. 1-7,34) לריח ניחוח (Lev SP 2,12) קרבן ראשית תקריבו אתם ליהוה ואל המזבח לא יעלו לריח ניחח
13	וְכָל־ קָרְבַּ֣ן מִנְחָתְךָ֮ בַּמֶּ֣לַח תִּמְלָח֒ וְלֹ֣א תַשְׁבִּ֗ית מֶ֚לַח בְּרִ֣ית אֱלֹהֶ֔יךָ מֵעַ֖ל מִנְחָתֶ֑ךָ עַ֥ל כָּל־ קָרְבָּנְךָ֖ תַּקְרִ֥יב מֶֽלַח׃ ס
	(4Q24 frg. 1-7,34) וכ֯[ל קרבן מנחתך במלח ]ת֯מלח֯[ ולא תשבית מלח ברית אלהיך] (4Q24 frg. 1-7,35) מעל מנחתך על כל קר[בנך ]ת֯קריב מלח (Lev SP 2,13) וכל קרבן מנחתיך במלח תמלח ולא תשבית מלח ברית אלהיך מעל מנחתיך על כל קרבניך תקריב מלח *
14	וְאִם־ תַּקְרִ֛יב מִנְחַ֥ת בִּכּוּרִ֖ים לַיהוָ֑ה אָבִ֞יב קָל֤וּי בָּאֵשׁ֙ גֶּ֣רֶשׂ כַּרְמֶ֔ל תַּקְרִ֕יב אֵ֖ת מִנְחַ֥ת בִּכּוּרֶֽיךָ׃
	(4Q24 frg. 1-7,36) ו֯כי תקריב מנ֯ח֯ת בכורים ליהוה אביב קלוי באש ג֯[רש כרמל תקריב את] (4Q24 frg. 1-7,37) מנחת בכ[וריך (Lev SP 2,14) ואם תקריב מנחת בכורים ליהוה אביב קלי באש גרש כרמל תקריב את מנחת בכוריך
15	וְנָתַתָּ֤ עָלֶ֙יהָ֙ שֶׁ֔מֶן וְשַׂמְתָּ֥ עָלֶ֖יהָ לְבֹנָ֑ה מִנְחָ֖ה הִֽוא׃
	(4Q24 frg. 1-7,37) ונת]ת֯ עליה שמן ושמת עליה לבו֯[נה מנחה היא (Lev SP 2,15) ונתתה עליה שמן ושמת עליה לבונה מנחה היא
16	וְהִקְטִ֨יר הַכֹּהֵ֜ן אֶת־ אַזְכָּרָתָ֗הּ מִגִּרְשָׂהּ֙ וּמִשַּׁמְנָ֔הּ עַ֖ל כָּל־ לְבֹנָתָ֑הּ אִשֶּׁ֖ה לַיהוָֽה׃ פ
	(4Q24 frg. 1-7,37) והקטיר] (4Q24 frg. 1-7,38) הכהן את זכרתה֯ מגרשה ומשמנה על כל לבונתה֯[ אשה ליהוה ] (Lev SP 2,16) והקטיר הכהן את אזכרתה מגרשה ומשמנה על כל לבונתה אשה ליהוה *

3
1	וְאִם־ זֶ֥בַח שְׁלָמִ֖ים קָרְבָּנ֑וֹ אִ֤ם מִן־ הַבָּקָר֙ ה֣וּא מַקְרִ֔יב אִם־ זָכָר֙ אִם־ נְקֵבָ֔ה תָּמִ֥ים יַקְרִיבֶ֖נּוּ לִפְנֵ֥י יְהוָֽה׃
	(4Q24 frg. 1-7,39) [ואם זב]ח֯ שלמים קרבנו ליהוה אם מן ה֯[בקר הוא מקריב אם זכר] (Lev SP 3,1) ואם זבח שלמים קרבנו אם מן הבקר הוא מקריב אם זכר אם נקבה תמים יקריבנו לפני יהוה
2	וְסָמַ֤ךְ יָדוֹ֙ עַל־ רֹ֣אשׁ קָרְבָּנ֔וֹ וּשְׁחָט֕וֹ פֶּ֖תַח אֹ֣הֶל מוֹעֵ֑ד וְזָרְק֡וּ בְּנֵי֩ אַהֲרֹ֨ן הַכֹּהֲנִ֧ים אֶת־ הַדָּ֛ם עַל־ הַמִּזְבֵּ֖חַ סָבִֽיב׃
	(4Q26a frg. 1,1) ו]סמך יד֯[ו על ראש קרבנו ושחטו פתח אהל מועד וזרקו בני אהרן הכהנים את הדם על המזבח] (4Q26a frg. 1,2) [ס]ב[י]ב֯ (Lev SP 3,2) וסמך את ידו על ראש קרבנו ושחטו פתח אהל מועד וזרקו בני אהרן הכהנים את הדם על המזבח סביב
3	וְהִקְרִיב֙ מִזֶּ֣בַח הַשְּׁלָמִ֔ים אִשֶּׁ֖ה לַיהוָ֑ה אֶת־ הַחֵ֙לֶב֙ הַֽמְכַסֶּ֣ה אֶת־ הַקֶּ֔רֶב וְאֵת֙ כָּל־ הַחֵ֔לֶב אֲשֶׁ֖ר עַל־ הַקֶּֽרֶב׃
	(4Q26a frg. 1,2) והקריב֯ מז֯[בח השלמים אשה ליהוה את החלב המכסה את הקרב ואת כל החלב] (4Q26a frg. 1,3) [אשר] על הקרב (Lev SP 3,3) והקריב מזבח השלמים אשה ליהוה את החלב המכסה את הקרב ואת כל החלב אשר על הקרב
4	וְאֵת֙ שְׁתֵּ֣י הַכְּלָיֹ֔ת וְאֶת־ הַחֵ֙לֶב֙ אֲשֶׁ֣ר עֲלֵהֶ֔ן אֲשֶׁ֖ר עַל־ הַכְּסָלִ֑ים וְאֶת־ הַיֹּתֶ֙רֶת֙ עַל־ הַכָּבֵ֔ד עַל־ הַכְּלָי֖וֹת יְסִירֶֽנָּה׃
	(4Q26a frg. 1,3) ו֯את שתי ה[כלית ואת החלב אשר עלהן אשר על הכסלים ואת היתרת] (Lev SP 3,4) ואת שתי הכליות ואת החלב אשר עליהן אשר על הכסלים ואת היותרת על הכבד על הכליות יסירנה
5	וְהִקְטִ֨ירוּ אֹת֤וֹ בְנֵֽי־ אַהֲרֹן֙ הַמִּזְבֵּ֔חָה עַל־ הָ֣עֹלָ֔ה אֲשֶׁ֥ר עַל־ הָעֵצִ֖ים אֲשֶׁ֣ר עַל־ הָאֵ֑שׁ אִשֵּׁ֛ה רֵ֥יחַ נִיחֹ֖חַ לַֽיהוָֽה׃ פ
	(4Q26a frg. 2,1) והקטירו אתו בני אהרן המזבחה על העלה אשר] (4Q26a frg. 2,2) [על הע]צ֯י֯ם אש[ר] על ה[אש אשר על המזבח אשה ריח ניחח ליהוה ] (Lev SP 3,5) והקטירו אתו בני אהרן המזבחה על העלה אשר על העצים אשר על האש אשר על המזבח אשה ריח ניחח ליהוה *
6	וְאִם־ מִן־ הַצֹּ֧אן קָרְבָּנ֛וֹ לְזֶ֥בַח שְׁלָמִ֖ים לַיהוָ֑ה זָכָר֙ א֣וֹ נְקֵבָ֔ה תָּמִ֖ים יַקְרִיבֶֽנּוּ׃
	(4Q26a frg. 2,3) [ואם מן הצ]אן קרבנו לזבח השלמ[ים ליהוה זכר או נקבה תמים יקריבנו (Lev SP 3,6) ואם מן הצאן קרבנו לזבח השלמים ליהוה זכר ונקבה תמים יקריבנו
7	אִם־ כֶּ֥שֶׂב הֽוּא־ מַקְרִ֖יב אֶת־ קָרְבָּנ֑וֹ וְהִקְרִ֥יב אֹת֖וֹ לִפְנֵ֥י יְהוָֽה׃
	(4Q26a frg. 2,3) אם כשב הוא] (4Q26a frg. 2,4) [מקריב את קרבנו ]ו֯הקריב אתו לפני יה[וה (Lev SP 3,7) אם כשב הוא מקריב את קרבנו והקריב אתו לפני יהוה
8	וְסָמַ֤ךְ אֶת־ יָדוֹ֙ עַל־ רֹ֣אשׁ קָרְבָּנ֔וֹ וְשָׁחַ֣ט אֹת֔וֹ לִפְנֵ֖י אֹ֣הֶל מוֹעֵ֑ד וְ֠זָרְקוּ בְּנֵ֨י אַהֲרֹ֧ן אֶת־ דָּמ֛וֹ עַל־ הַמִּזְבֵּ֖חַ סָבִֽיב׃
	(4Q24 frg. 8,1) [דמו ]על המזבח סביב (4Q26a frg. 2,4) וסמך את ידו על ראש קרבנו ושחט אתו לפני] (4Q26a frg. 2,5) [אהל מועד וזרק]ו֯ בני אהרן את֯ [דמו על המזבח סביב ] (Lev SP 3,8) וסמך את ידו על ראש קרבנו ושחט אתו לפני אהל מועד וזרקו בני אהרן את הדם על המזבח סביב
9	וְהִקְרִ֨יב מִזֶּ֣בַח הַשְּׁלָמִים֮ אִשֶּׁ֣ה לַיהוָה֒ חֶלְבּוֹ֙ הָאַלְיָ֣ה תְמִימָ֔ה לְעֻמַּ֥ת הֶעָצֶ֖ה יְסִירֶ֑נָּה וְאֶת־ הַחֵ֙לֶב֙ הַֽמְכַסֶּ֣ה אֶת־ הַקֶּ֔רֶב וְאֵת֙ כָּל־ הַחֵ֔לֶב אֲשֶׁ֖ר עַל־ הַקֶּֽרֶב׃
	(4Q24 frg. 8,1) והקריב מזבח השלמים [אשה ליהוה חלבו האליה תמימה] (4Q24 frg. 8,2) [לעמת ]ה֯עצה יסירנה ואת֯[ ה]חלב המכסה את ה֯[קרב ואת כל החלב אשר על הקרב ] (Lev SP 3,9) והקריב מזבח השלמים אשה ליהוה חלבו האליה תמימה לעמת העצה יסירנה את החלב המכסה את הקרב ואת כל החלב אשר על הקרב
10	וְאֵת֙ שְׁתֵּ֣י הַכְּלָיֹ֔ת וְאֶת־ הַחֵ֙לֶב֙ אֲשֶׁ֣ר עֲלֵהֶ֔ן אֲשֶׁ֖ר עַל־ הַכְּסָלִ֑ים וְאֶת־ הַיֹּתֶ֙רֶת֙ עַל־ הַכָּבֵ֔ד עַל־ הַכְּלָיֹ֖ת יְסִירֶֽנָּה׃
	(4Q24 frg. 8,3) [ואת שתי] הכליות ואת החל֯ב אשר עליהן אשר ע֯[ל הכסלים ואת היותרת על הכבד] (4Q24 frg. 8,4) [על הכליות יסיר]נ֯ה (Lev SP 3,10) ואת שתי הכליות ואת החלב אשר עליהן אשר על הכסלים ואת היותרת על הכבד על הכליות יסירנה
11	וְהִקְטִיר֥וֹ הַכֹּהֵ֖ן הַמִּזְבֵּ֑חָה לֶ֥חֶם אִשֶּׁ֖ה לַיהוָֽה׃ פ
	(4Q24 frg. 8,4) והק֯[ט]יר הכהן המזבחה ל[חם אשה ליהוה ] (Lev SP 3,11) והקטיר הכהן המזבחה לחם אשה ליהוה *
12	וְאִ֥ם עֵ֖ז קָרְבָּנ֑וֹ וְהִקְרִיב֖וֹ לִפְנֵ֥י יְהוָֽה׃
	(4Q24 frg. 8,5) [ואם עז קרבנו והקריבו לפ]נ֯י יהוה (Lev SP 3,12) ואם עז קרבנו והקריבו לפני יהוה
13	וְסָמַ֤ךְ אֶת־ יָדוֹ֙ עַל־ רֹאשׁ֔וֹ וְשָׁחַ֣ט אֹת֔וֹ לִפְנֵ֖י אֹ֣הֶל מוֹעֵ֑ד וְ֠זָרְקוּ בְּנֵ֨י אַהֲרֹ֧ן אֶת־ דָּמ֛וֹ עַל־ הַמִּזְבֵּ֖חַ סָבִֽיב׃
	(4Q24 frg. 8,5) וסמך את [ידו על ראשו ושחט אתו לפני אהל] (4Q24 frg. 8,6) [מועד וזרקו בני אהרן את דמו ע]ל֯[ המז]ב֯ח סביב (Lev SP 3,13) וסמך את ידו על ראשו ושחט אתו לפני אהל מועד וזרקו בני אהרן הכהנים את דמו על המזבח סביב
14	וְהִקְרִ֤יב מִמֶּ֙נּוּ֙ קָרְבָּנ֔וֹ אִשֶּׁ֖ה לַֽיהוָ֑ה אֶת־ הַחֵ֙לֶב֙ הַֽמְכַסֶּ֣ה אֶת־ הַקֶּ֔רֶב וְאֵת֙ כָּל־ הַחֵ֔לֶב אֲשֶׁ֖ר עַל־ הַקֶּֽרֶב׃
	(4Q24 frg. 8,6) ו֯ה֯[קריב ממנו קרבנו אשה] (4Q24 frg. 8,7) [ליהוה את החלב המכסה את הקרב ואת כל הח]ל֯[ב אשר על הקרב ] (Lev SP 3,14) והקריב ממנו קרבנו אשה ליהוה את החלב המכסה את הקרב ואת כל החלב אשר על הקרב
15	וְאֵת֙ שְׁתֵּ֣י הַכְּלָיֹ֔ת וְאֶת־ הַחֵ֙לֶב֙ אֲשֶׁ֣ר עֲלֵהֶ֔ן אֲשֶׁ֖ר עַל־ הַכְּסָלִ֑ים וְאֶת־ הַיֹּתֶ֙רֶת֙ עַל־ הַכָּבֵ֔ד עַל־ הַכְּלָיֹ֖ת יְסִירֶֽנָּה׃
	(Lev SP 3,15) ואת שתי הכליות ואת החלב אשר עליהן אשר על הכסלים ואת היותרת על הכבד על הכליות יסירנה
16	וְהִקְטִירָ֥ם הַכֹּהֵ֖ן הַמִּזְבֵּ֑חָה לֶ֤חֶם אִשֶּׁה֙ לְרֵ֣יחַ נִיחֹ֔חַ כָּל־ חֵ֖לֶב לַיהוָֽה׃
	(4Q25 frg. 2,1) וה]קטירם הכהן המזב[חה לחם ]אשה (4Q25 frg. 2,2) [לריח ניחח כל חלב ליהוה (Lev SP 3,16) והקטירם הכהן המזבחה לחם אשה לריח ניחח ליהוה כל חלב ליהוה
17	חֻקַּ֤ת עוֹלָם֙ לְדֹרֹ֣תֵיכֶ֔ם בְּכֹ֖ל מֽוֹשְׁבֹתֵיכֶ֑ם כָּל־ חֵ֥לֶב וְכָל־ דָּ֖ם לֹ֥א תֹאכֵֽלוּ׃ פ
	(4Q25 frg. 2,2) ח]ק֯ת עולם לדרתיכם בכל[ מושב]ת֯יכם כל (4Q25 frg. 2,3) [חלב וכל דם לא תאכל]ו֯ (Lev SP 3,17) חקת עולם לדרתיכם בכל מושבתיכם כל חלב וכל דם לא תאכלו *

4
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(4Q25 frg. 2,4) [וידבר יהוה אל] משה לאמר (Lev SP 4,1) וידבר יהוה אל משה לאמר
2	דַּבֵּ֞ר אֶל־ בְּנֵ֣י יִשְׂרָאֵל֘ לֵאמֹר֒ נֶ֗פֶשׁ כִּֽי־ תֶחֱטָ֤א בִשְׁגָגָה֙ מִכֹּל֙ מִצְוֺ֣ת יְהוָ֔ה אֲשֶׁ֖ר לֹ֣א תֵעָשֶׂ֑ינָה וְעָשָׂ֕ה מֵאַחַ֖ת מֵהֵֽנָּה׃
	(4Q25 frg. 2,4) דבר אל בני ישראל לא֯[מר נפש] (4Q25 frg. 2,5) [כי תחטא בשגגה ]מכל[ מ]צות יהוה אשר לא תעשינה וע[שה מאחת] (4Q25 frg. 2,6) [מהנה (Lev SP 4,2) דבר אל בני ישראל לאמר נפש כי תחטא בשגגה מכל מצות יהוה אשר לא תעשיהן ועשה מאחת מהן
3	אִ֣ם הַכֹּהֵ֧ן הַמָּשִׁ֛יחַ יֶחֱטָ֖א לְאַשְׁמַ֣ת הָעָ֑ם וְהִקְרִ֡יב עַ֣ל חַטָּאתוֹ֩ אֲשֶׁ֨ר חָטָ֜א פַּ֣ר בֶּן־ בָּקָ֥ר תָּמִ֛ים לַיהוָ֖ה לְחַטָּֽאת׃
	(4Q25 frg. 2,6) אם הכהן המש]יח יחטא לאשמת֯[ העם והקריב על חטאתו] (4Q25 frg. 2,7) אשר חט[א פר בן בקר תמים ליהוה לחטאת (Mas1a frg. 1-2,1) אם הכהן המשיח יחטא לאשמת העם וה]קריב על (Mas1a frg. 1-2,2) [חטאתו אשר חטא פר בן בקר תמים ליהוה לחטאת] (Lev SP 4,3) אם הכהן המשיח יחטא לאשמת העם והקריב על חטאתו אשר חטא פר בן בקר תמים ליהוה לחטאת
4	וְהֵבִ֣יא אֶת־ הַפָּ֗ר אֶל־ פֶּ֛תַח אֹ֥הֶל מוֹעֵ֖ד לִפְנֵ֣י יְהוָ֑ה וְסָמַ֤ךְ אֶת־ יָדוֹ֙ עַל־ רֹ֣אשׁ הַפָּ֔ר וְשָׁחַ֥ט אֶת־ הַפָּ֖ר לִפְנֵ֥י יְהוָֽה׃
	(4Q25 frg. 2,7) והביא את הפר אל פתח] (4Q25 frg. 2,8) [אהל] מועד לפני [יהוה ]וסמך את ידו ע֯[ל ראש הפר ושחט את] (4Q25 frg. 2,9) [הפר ]לפני יהוה (Mas1a frg. 1-2,2) והביא את הפר אל פתח אהל מוע[ד] (Mas1a frg. 1-2,3) [לפני יהוה וסמך את ידו על ראש הפר] ושחט את הפר לפני יהוה (Lev SP 4,4) והביא את הפר אל פתח אהל מועד לפני יהוה וסמך את ידו על ראש הפר ושחט את הפר לפני יהוה
5	וְלָקַ֛ח הַכֹּהֵ֥ן הַמָּשִׁ֖יחַ מִדַּ֣ם הַפָּ֑ר וְהֵבִ֥יא אֹת֖וֹ אֶל־ אֹ֥הֶל מוֹעֵֽד׃
	(4Q25 frg. 2,9) ולקח הכ֯[הן המשיח מדם הפר והביא אתו אל אהל] (4Q25 frg. 2,10) [מוע]ד (Mas1a frg. 1-2,3) ולקח הכהן המשיח (Mas1a frg. 1-2,4) [מדם הפר והביא אתו אל אהל מועד] (Lev SP 4,5) ולקח הכהן המשיח אשר מלא את ידו מדם הפר והביא אתו אל אהל מועד
6	וְטָבַ֧ל הַכֹּהֵ֛ן אֶת־ אֶצְבָּע֖וֹ בַּדָּ֑ם וְהִזָּ֨ה מִן־ הַדָּ֜ם שֶׁ֤בַע פְּעָמִים֙ לִפְנֵ֣י יְהוָ֔ה אֶת־ פְּנֵ֖י פָּרֹ֥כֶת הַקֹּֽדֶשׁ׃
	(4Q25 frg. 2,10) וטבל הכה֯[ן את אצבעו בדם והזה מן הדם שבע פעמים לפני] (4Q25 frg. 2,11) [יהו]ה֯ את פ֯נ֯[י פרכת הקדש ] (Mas1a frg. 1-2,4) וטבל הכהן את אצבעו בדם והזה מן הדם שבע (Mas1a frg. 1-2,5) [פעמים לפני יהוה את פני פר]כת הקדש (Lev SP 4,6) וטבל הכהן את אצבעו בדם והזה מן הדם שבע פעמים באצבעו לפני יהוה את פני פרכת הקדש
7	וְנָתַן֩ הַכֹּהֵ֨ן מִן־ הַדָּ֜ם עַל־ קַ֠רְנוֹת מִזְבַּ֨ח קְטֹ֤רֶת הַסַּמִּים֙ לִפְנֵ֣י יְהוָ֔ה אֲשֶׁ֖ר בְּאֹ֣הֶל מוֹעֵ֑ד וְאֵ֣ת ׀ כָּל־ דַּ֣ם הַפָּ֗ר יִשְׁפֹּךְ֙ אֶל־ יְסוֹד֙ מִזְבַּ֣ח הָעֹלָ֔ה אֲשֶׁר־ פֶּ֖תַח אֹ֥הֶל מוֹעֵֽד׃
	(Mas1a frg. 1-2,5) ונתן הכהן מן הדם על קרנות מזבח קטרת הסמים (Mas1a frg. 1-2,6) [לפני יהוה אשר באהל מועד ואת כ]ל דם הפר ישפוך אל יסוד מזבח העלה אשר פתח (Mas1a frg. 1-2,7) [אהל מועד (Lev SP 4,7) ונתן הכהן מן הדם על קרנות המזבח קטרת הסמים לפני יהוה אשר באהל מועד ואת כל הדם « » ישפך אל יסוד מזבח העלה אשר פתח אהל מועד
8	וְאֶת־ כָּל־ חֵ֛לֶב פַּ֥ר הַֽחַטָּ֖את יָרִ֣ים מִמֶּ֑נּוּ אֶת־ הַחֵ֙לֶב֙ הַֽמְכַסֶּ֣ה עַל־ הַקֶּ֔רֶב וְאֵת֙ כָּל־ הַחֵ֔לֶב אֲשֶׁ֖ר עַל־ הַקֶּֽרֶב׃
	(Mas1a frg. 1-2,7) ואת כל חלב פר החטאת ירים] ממנו את החלב המכסה על הקרב ואת כל הח[לב] (Mas1a frg. 1-2,8) [אשר על הקרב (Lev SP 4,8) ואת כל חלב פר החטאת ירים ממנו את החלב המכסה את הקרב ואת כל החלב אשר על הקרב
9	וְאֵת֙ שְׁתֵּ֣י הַכְּלָיֹ֔ת וְאֶת־ הַחֵ֙לֶב֙ אֲשֶׁ֣ר עֲלֵיהֶ֔ן אֲשֶׁ֖ר עַל־ הַכְּסָלִ֑ים וְאֶת־ הַיֹּתֶ֙רֶת֙ עַל־ הַכָּבֵ֔ד עַל־ הַכְּלָי֖וֹת יְסִירֶֽנָּה׃
	(Mas1a frg. 1-2,8) ואת שתי הכלית ואת החלב אש]ר עליהן אשר על הכסלים ואת היתר[ת על] (Lev SP 4,9) ואת שתי הכליות ואת החלב אשר עליהן אשר על הכסלים ואת היותרת על הכבד על הכליות יסירנה
10	כַּאֲשֶׁ֣ר יוּרַ֔ם מִשּׁ֖וֹר זֶ֣בַח הַשְּׁלָמִ֑ים וְהִקְטִירָם֙ הַכֹּהֵ֔ן עַ֖ל מִזְבַּ֥ח הָעֹלָֽה׃
	(Lev SP 4,10) כאשר יורם משור זבח השלמים והקטירם הכהן על מזבח העלה
11	וְאֶת־ ע֤וֹר הַפָּר֙ וְאֶת־ כָּל־ בְּשָׂר֔וֹ עַל־ רֹאשׁ֖וֹ וְעַל־ כְּרָעָ֑יו וְקִרְבּ֖וֹ וּפִרְשֽׁוֹ׃
	(Lev SP 4,11) ואת עור הפר ואת כל בשרו על ראשו ועל כרעיו וקרבו ופרשו
12	וְהוֹצִ֣יא אֶת־ כָּל־ הַ֠פָּר אֶל־ מִח֨וּץ לַֽמַּחֲנֶ֜ה אֶל־ מָק֤וֹם טָהוֹר֙ אֶל־ שֶׁ֣פֶךְ הַדֶּ֔שֶׁן וְשָׂרַ֥ף אֹת֛וֹ עַל־ עֵצִ֖ים בָּאֵ֑שׁ עַל־ שֶׁ֥פֶךְ הַדֶּ֖שֶׁן יִשָּׂרֵֽף׃ פ
	(4Q25 frg. 3,1) [מחוץ למחנה אל מקום טהור אל שפך הדשן ושר]ף אתו֯[ על עצים] (4Q25 frg. 3,2) [באש על שפך הדשן ישרף ] (Lev SP 4,12) והוציאו את כל הפר אל מחוץ למחנה אל מקום טהור על שפך הדשן ושרפו אתו על העצים באש על שפך הדשן ישרף *
13	וְאִ֨ם כָּל־ עֲדַ֤ת יִשְׂרָאֵל֙ יִשְׁגּ֔וּ וְנֶעְלַ֣ם דָּבָ֔ר מֵעֵינֵ֖י הַקָּהָ֑ל וְ֠עָשׂוּ אַחַ֨ת מִכָּל־ מִצְוֺ֧ת יְהוָ֛ה אֲשֶׁ֥ר לֹא־ תֵעָשֶׂ֖ינָה וְאָשֵֽׁמוּ׃
	(4Q25 frg. 3,3) [ואם כל עדת ישראל ישגו ונעלם דבר מעי]נ֯י הקהל ועשו אחת (4Q25 frg. 3,4) [מכל מצות יהוה אשר לא תעשינה ואשמו (Lev SP 4,13) ואם כל עדת ישראל ישגו ונעלם דבר מעיני הקהל ועשו אחת מכל מצות יהוה אשר לא תעשיהן ואשמו
14	וְנֽוֹדְעָה֙ הַֽחַטָּ֔את אֲשֶׁ֥ר חָטְא֖וּ עָלֶ֑יהָ וְהִקְרִ֨יבוּ הַקָּהָ֜ל פַּ֤ר בֶּן־ בָּקָר֙ לְחַטָּ֔את וְהֵבִ֣יאוּ אֹת֔וֹ לִפְנֵ֖י אֹ֥הֶל מוֹעֵֽד׃
	(4Q25 frg. 3,4) ונוד]ע֯ה החטאת אשר (4Q25 frg. 3,5) [חטאו עליה והקריבו הקהל פר בן בקר לחטאת והביא]ו֯ אתה (Lev SP 4,14) ונודע החטאת אשר חטאו עליה והקריבו הקהל פר בן בקר תמים לחטאת והביאו אתו לפני אהל מועד
15	וְ֠סָמְכוּ זִקְנֵ֨י הָעֵדָ֧ה אֶת־ יְדֵיהֶ֛ם עַל־ רֹ֥אשׁ הַפָּ֖ר לִפְנֵ֣י יְהוָ֑ה וְשָׁחַ֥ט אֶת־ הַפָּ֖ר לִפְנֵ֥י יְהוָֽה׃
	(Lev SP 4,15) וסמכו זקני העדה את ידיהם על ראש הפר לפני יהוה ושחט את הפר לפני יהוה
16	וְהֵבִ֛יא הַכֹּהֵ֥ן הַמָּשִׁ֖יחַ מִדַּ֣ם הַפָּ֑ר אֶל־ אֹ֖הֶל מוֹעֵֽד׃
	(Lev SP 4,16) והביא הכהן המשיח מדם הפר אל אהל מועד
17	וְטָבַ֧ל הַכֹּהֵ֛ן אֶצְבָּע֖וֹ מִן־ הַדָּ֑ם וְהִזָּ֞ה שֶׁ֤בַע פְּעָמִים֙ לִפְנֵ֣י יְהוָ֔ה אֵ֖ת פְּנֵ֥י הַפָּרֹֽכֶת׃
	(Lev SP 4,17) וטבל הכהן את אצבעו מן הדם והזה מן הדם שבע פעמים לפני יהוה את פני פרכת הקדש
18	וּמִן־ הַדָּ֞ם יִתֵּ֣ן ׀ עַל־ קַרְנֹ֣ת הַמִּזְבֵּ֗חַ אֲשֶׁר֙ לִפְנֵ֣י יְהוָ֔ה אֲשֶׁ֖ר בְּאֹ֣הֶל מוֹעֵ֑ד וְאֵ֣ת כָּל־ הַדָּ֗ם יִשְׁפֹּךְ֙ אֶל־ יְסוֹד֙ מִזְבַּ֣ח הָעֹלָ֔ה אֲשֶׁר־ פֶּ֖תַח אֹ֥הֶל מוֹעֵֽד׃
	(Lev SP 4,18) ומן הדם יתן הכהן על קרנות המזבח קטרת הסמים אשר לפני יהוה אשר באהל מועד ואת כל הדם ישפך אל יסוד מזבח העלה אשר פתח אהל מועד
19	וְאֵ֥ת כָּל־ חֶלְבּ֖וֹ יָרִ֣ים מִמֶּ֑נּוּ וְהִקְטִ֖יר הַמִּזְבֵּֽחָה׃
	(Lev SP 4,19) ואת כל חלבו ירים ממנו והקטיר המזבחה
20	וְעָשָׂ֣ה לַפָּ֔ר כַּאֲשֶׁ֤ר עָשָׂה֙ לְפַ֣ר הַֽחַטָּ֔את כֵּ֖ן יַעֲשֶׂה־ לּ֑וֹ וְכִפֶּ֧ר עֲלֵהֶ֛ם הַכֹּהֵ֖ן וְנִסְלַ֥ח לָהֶֽם׃
	(Lev SP 4,20) ועשה לפר כאשר עשה לפר החטאת כן יעשה לו וכפר עליהם הכהן ונסלח להם
21	וְהוֹצִ֣יא אֶת־ הַפָּ֗ר אֶל־ מִחוּץ֙ לַֽמַּחֲנֶ֔ה וְשָׂרַ֣ף אֹת֔וֹ כַּאֲשֶׁ֣ר שָׂרַ֔ף אֵ֖ת הַפָּ֣ר הָרִאשׁ֑וֹן חַטַּ֥את הַקָּהָ֖ל הֽוּא׃ פ
	(Lev SP 4,21) והוציא את הפר אל מחוץ למחנה ושרף אתו כאשר שרף את הפר הראישון חטאת הקהל היא *
22	אֲשֶׁ֥ר נָשִׂ֖יא יֶֽחֱטָ֑א וְעָשָׂ֡ה אַחַ֣ת מִכָּל־ מִצְוֺת֩ יְהוָ֨ה אֱלֹהָ֜יו אֲשֶׁ֧ר לֹא־ תֵעָשֶׂ֛ינָה בִּשְׁגָגָ֖ה וְאָשֵֽׁם׃
	(Lev SP 4,22) אשר נשיא יחטא ועשה אחת מכל מצות יהוה אלהיו אשר לא תעשיהן בשגגה ואשם
23	אֽוֹ־ הוֹדַ֤ע אֵלָיו֙ חַטָּאת֔וֹ אֲשֶׁ֥ר חָטָ֖א בָּ֑הּ וְהֵבִ֧יא אֶת־ קָרְבָּנ֛וֹ שְׂעִ֥יר עִזִּ֖ים זָכָ֥ר תָּמִֽים׃
	(4Q25 frg. 4,1) [והביא את] ק֯רבנו אשר חטא שעיר עזי[ם זכר תמים (Lev SP 4,23) או הודע אליו חטאתו אשר חטא בה והביא את קרבנו שעיר עזים זכר תמים
24	וְסָמַ֤ךְ יָדוֹ֙ עַל־ רֹ֣אשׁ הַשָּׂעִ֔יר וְשָׁחַ֣ט אֹת֗וֹ בִּמְק֛וֹם אֲשֶׁר־ יִשְׁחַ֥ט אֶת־ הָעֹלָ֖ה לִפְנֵ֣י יְהוָ֑ה חַטָּ֖את הֽוּא׃
	(4Q25 frg. 4,1) וסמך ידו] (4Q25 frg. 4,2) [על ראש השעיר ו]ש֯חט אתו במקום֯[ אשר ישחט את העלה לפני] (4Q25 frg. 4,3) [יהוה חטאת הוא (11Q1 frg. A,1) וס]מ[כ ידו על ראש השעיר ושחט אתו] (11Q1 frg. A,2) [במקומ אשר ישחט את העלה לפנ]י יהוה [חטאת הוא (Lev SP 4,24) וסמך את ידו על ראש השעיר ושחט אתו במקום אשר ישחטו את העלה לפני יהוה חטאת היא
25	וְלָקַ֨ח הַכֹּהֵ֜ן מִדַּ֤ם הַֽחַטָּאת֙ בְּאֶצְבָּע֔וֹ וְנָתַ֕ן עַל־ קַרְנֹ֖ת מִזְבַּ֣ח הָעֹלָ֑ה וְאֶת־ דָּמ֣וֹ יִשְׁפֹּ֔ךְ אֶל־ יְס֖וֹד מִזְבַּ֥ח הָעֹלָֽה׃
	(4Q25 frg. 4,3) ]ולקח הכהן מ֯[דם החטאת באצבעו ונתן על] (4Q25 frg. 4,4) [קרנת מזבח העלה וא]ת דמו י[שפך אל יסוד מזבח העלה (11Q1 frg. A,2) ולקח הכהנ מדמ] (11Q1 frg. A,3) [החטאת באצבעו ונתנ על קרנת מזבח ]העלה ושפ[כ אל יסוד מזבח העלה (Lev SP 4,25) ולקח הכהן מדם החטאת באצבעו ונתן על קרנות מזבח העלה ואת דמו ישפך אל יסוד מזבח העלה
26	וְאֶת־ כָּל־ חֶלְבּוֹ֙ יַקְטִ֣יר הַמִּזְבֵּ֔חָה כְּחֵ֖לֶב זֶ֣בַח הַשְּׁלָמִ֑ים וְכִפֶּ֨ר עָלָ֧יו הַכֹּהֵ֛ן מֵחַטָּאת֖וֹ וְנִסְלַ֥ח לֽוֹ׃ פ
	(4Q25 frg. 4,4) ואת] (4Q25 frg. 4,5) [כל חלבו יקטיר ה]מזבחה[ כחלב זבח השלמים וכפר עליו הכהן] (4Q25 frg. 4,6) [מחטאתו ונסלח לו (11Q1 frg. A,3) ואת] (11Q1 frg. A,4) [כל חלבו יקטיר המזבחה -- ]ה וכפר על[יו הכהנ] (Lev SP 4,26) ואת כל חלבו יקטיר המזבחה כחלב זבח השלמים וכפר עליו הכהן מחטאתו ונסלח לו *
27	וְאִם־ נֶ֧פֶשׁ אַחַ֛ת תֶּחֱטָ֥א בִשְׁגָגָ֖ה מֵעַ֣ם הָאָ֑רֶץ בַּ֠עֲשֹׂתָהּ אַחַ֨ת מִמִּצְוֺ֧ת יְהוָ֛ה אֲשֶׁ֥ר לֹא־ תֵעָשֶׂ֖ינָה וְאָשֵֽׁם׃
	(4Q25 frg. 4,6) ואם נפש אחת תחטא בשגגה ]מ[עם הארץ בעשתה] (4Q25 frg. 4,7) [אחת ממצות יהוה אשר לא תעשינה ואשם (Lev SP 4,27) ואם נפש אחת תחטא בשגגה מעם הארץ בעשותה אחת מכל מצות יהוה אשר לא תעשיהן ואשם
28	א֚וֹ הוֹדַ֣ע אֵלָ֔יו חַטָּאת֖וֹ אֲשֶׁ֣ר חָטָ֑א וְהֵבִ֨יא קָרְבָּנ֜וֹ שְׂעִירַ֤ת עִזִּים֙ תְּמִימָ֣ה נְקֵבָ֔ה עַל־ חַטָּאת֖וֹ אֲשֶׁ֥ר חָטָֽא׃
	(4Q25 frg. 4,7) או הוד]ע אליו ח[טאתו] (Lev SP 4,28) או הודע אליו חטאתו אשר חטא עליה והביא את קרבנו שעירת עזים נקבה תמימה על חטאתו אשר חטא
29	וְסָמַךְ֙ אֶת־ יָד֔וֹ עַ֖ל רֹ֣אשׁ הַֽחַטָּ֑את וְשָׁחַט֙ אֶת־ הַ֣חַטָּ֔את בִּמְק֖וֹם הָעֹלָֽה׃
	(Lev SP 4,29) וסמך את ידו על ראש החטאת ושחט את החטאת במקום אשר ישחטו את העלה
30	וְלָקַ֨ח הַכֹּהֵ֤ן מִדָּמָהּ֙ בְּאֶצְבָּע֔וֹ וְנָתַ֕ן עַל־ קַרְנֹ֖ת מִזְבַּ֣ח הָעֹלָ֑ה וְאֶת־ כָּל־ דָּמָ֣הּ יִשְׁפֹּ֔ךְ אֶל־ יְס֖וֹד הַמִּזְבֵּֽחַ׃
	(Lev SP 4,30) ולקח הכהן מדמה באצבעו ונתן על קרנות מזבח העלה ואת כל דמה ישפך אל יסוד מזבח העלה
31	וְאֶת־ כָּל־ חֶלְבָּ֣הּ יָסִ֗יר כַּאֲשֶׁ֨ר הוּסַ֣ר חֵלֶב֮ מֵעַ֣ל זֶ֣בַח הַשְּׁלָמִים֒ וְהִקְטִ֤יר הַכֹּהֵן֙ הַמִּזְבֵּ֔חָה לְרֵ֥יחַ נִיחֹ֖חַ לַיהוָ֑ה וְכִפֶּ֥ר עָלָ֛יו הַכֹּהֵ֖ן וְנִסְלַ֥ח לֽוֹ׃ פ
	(Lev SP 4,31) ואת כל חלבה יסיר כאשר יסיר החלב מעל זבח השלמים והקטיר הכהן המזבחה לריח ניחח ליהוה וכפר עליו הכהן ונסלח לו *
32	וְאִם־ כֶּ֛בֶשׂ יָבִ֥יא קָרְבָּנ֖וֹ לְחַטָּ֑את נְקֵבָ֥ה תְמִימָ֖ה יְבִיאֶֽנָּה׃
	(Lev SP 4,32) ואם כשבה יביא קרבנו לחטאת נקבה תמימה יביאנה
33	וְסָמַךְ֙ אֶת־ יָד֔וֹ עַ֖ל רֹ֣אשׁ הַֽחַטָּ֑את וְשָׁחַ֤ט אֹתָהּ֙ לְחַטָּ֔את בִּמְק֕וֹם אֲשֶׁ֥ר יִשְׁחַ֖ט אֶת־ הָעֹלָֽה׃
	(Lev SP 4,33) וסמך את ידו על ראש החטאת ושחט אתה לחטאת במקום אשר ישחטו את העלה
34	וְלָקַ֨ח הַכֹּהֵ֜ן מִדַּ֤ם הַֽחַטָּאת֙ בְּאֶצְבָּע֔וֹ וְנָתַ֕ן עַל־ קַרְנֹ֖ת מִזְבַּ֣ח הָעֹלָ֑ה וְאֶת־ כָּל־ דָּמָ֣הּ יִשְׁפֹּ֔ךְ אֶל־ יְס֖וֹד הַמִּזְבֵּֽחַ׃
	(Lev SP 4,34) ולקח הכהן מדם החטאת באצבעו ונתן על קרנות מזבח העלה ואת כל דמה ישפך אל יסוד מזבח העלה
35	וְאֶת־ כָּל־ חֶלְבָּ֣ה יָסִ֗יר כַּאֲשֶׁ֨ר יוּסַ֥ר חֵֽלֶב־ הַכֶּשֶׂב֮ מִזֶּ֣בַח הַשְּׁלָמִים֒ וְהִקְטִ֨יר הַכֹּהֵ֤ן אֹתָם֙ הַמִּזְבֵּ֔חָה עַ֖ל אִשֵּׁ֣י יְהוָ֑ה וְכִפֶּ֨ר עָלָ֧יו הַכֹּהֵ֛ן עַל־ חַטָּאת֥וֹ אֲשֶׁר־ חָטָ֖א וְנִסְלַ֥ח לֽוֹ׃ פ
	(Lev SP 4,35) ואת כל חלבה יסיר כאשר יסיר חלב הכשב מזבח השלמים והקטיר הכהן « » המזבחה על אשה יהוה וכפר עליו הכהן על חטאתו אשר חטא ונסלח לו *

5
1	וְנֶ֣פֶשׁ כִּֽי־ תֶחֱטָ֗א וְשָֽׁמְעָה֙ ק֣וֹל אָלָ֔ה וְה֣וּא עֵ֔ד א֥וֹ רָאָ֖ה א֣וֹ יָדָ֑ע אִם־ ל֥וֹא יַגִּ֖יד וְנָשָׂ֥א עֲוֺנֽוֹ׃
	(Lev SP 5,1) ונפש כי תחטא ושמעה קול אלה והוא עד או ראה או ידע אם לא יגיד ונשא עונו
2	א֣וֹ נֶ֗פֶשׁ אֲשֶׁ֣ר תִּגַּע֮ בְּכָל־ דָּבָ֣ר טָמֵא֒ אוֹ֩ בְנִבְלַ֨ת חַיָּ֜ה טְמֵאָ֗ה א֚וֹ בְּנִבְלַת֙ בְּהֵמָ֣ה טְמֵאָ֔ה א֕וֹ בְּנִבְלַ֖ת שֶׁ֣רֶץ טָמֵ֑א וְנֶעְלַ֣ם מִמֶּ֔נּוּ וְה֥וּא טָמֵ֖א וְאָשֵֽׁם׃
	(Lev SP 5,2) או נפש כי תגע בכל דבר טמא או בנבלת חיה טמאה או בנבלת בהמה טמאה או בנבלת שרץ טמא ונעלם ממנו והוא טמא ואשם
3	א֣וֹ כִ֤י יִגַּע֙ בְּטֻמְאַ֣ת אָדָ֔ם לְכֹל֙ טֻמְאָת֔וֹ אֲשֶׁ֥ר יִטְמָ֖א בָּ֑הּ וְנֶעְלַ֣ם מִמֶּ֔נּוּ וְה֥וּא יָדַ֖ע וְאָשֵֽׁם׃
	(Lev SP 5,3) או כי יגע בטמאת אדם לכל טמאתו אשר יטמא בה ונעלם ממנו והוא ידע ואשם
4	א֣וֹ נֶ֡פֶשׁ כִּ֣י תִשָּׁבַע֩ לְבַטֵּ֨א בִשְׂפָתַ֜יִם לְהָרַ֣ע ׀ א֣וֹ לְהֵיטִ֗יב לְ֠כֹל אֲשֶׁ֨ר יְבַטֵּ֧א הָאָדָ֛ם בִּשְׁבֻעָ֖ה וְנֶעְלַ֣ם מִמֶּ֑נּוּ וְהוּא־ יָדַ֥ע וְאָשֵׁ֖ם לְאַחַ֥ת מֵאֵֽלֶּה׃
	(Lev SP 5,4) או נפש כי תשבע לבטא בשפתים להריע או להטיב לכל אשר יבטא האדם בשבועה ונעלם ממנו והוא ידע ואשם לאחת מאלה
5	וְהָיָ֥ה כִֽי־ יֶאְשַׁ֖ם לְאַחַ֣ת מֵאֵ֑לֶּה וְהִ֨תְוַדָּ֔ה אֲשֶׁ֥ר חָטָ֖א עָלֶֽיהָ׃
	(Lev SP 5,5) והיה כי יחטא לאחת מאלה והתודה את אשר חטא עליה
6	וְהֵבִ֣יא אֶת־ אֲשָׁמ֣וֹ לַיהוָ֡ה עַ֣ל חַטָּאתוֹ֩ אֲשֶׁ֨ר חָטָ֜א נְקֵבָ֨ה מִן־ הַצֹּ֥אן כִּשְׂבָּ֛ה אֽוֹ־ שְׂעִירַ֥ת עִזִּ֖ים לְחַטָּ֑את וְכִפֶּ֥ר עָלָ֛יו הַכֹּהֵ֖ן מֵחַטָּאתֽוֹ׃
	(Lev SP 5,6) והביא את אשמו ליהוה על חטאתו אשר חטא נקבה מן הצאן כשבה או שעירת עזים לחטאת וכפר עליו הכהן על …
7	וְאִם־ לֹ֨א תַגִּ֣יע יָדוֹ֮ דֵּ֣י שֶׂה֒ וְהֵבִ֨יא אֶת־ אֲשָׁמ֜וֹ אֲשֶׁ֣ר חָטָ֗א שְׁתֵּ֥י תֹרִ֛ים אֽוֹ־ שְׁנֵ֥י בְנֵֽי־ יוֹנָ֖ה לַֽיהוָ֑ה אֶחָ֥ד לְחַטָּ֖את וְאֶחָ֥ד לְעֹלָֽה׃
	(Lev SP 5,7) ואם לא תשיג ידו די שה והביא על אשמו אשר חטא שתי תרים או שני בני יונה ליהוה אחד לחטאת ואחד לעלה
8	וְהֵבִ֤יא אֹתָם֙ אֶל־ הַכֹּהֵ֔ן וְהִקְרִ֛יב אֶת־ אֲשֶׁ֥ר לַחַטָּ֖את רִאשׁוֹנָ֑ה וּמָלַ֧ק אֶת־ רֹאשׁ֛וֹ מִמּ֥וּל עָרְפּ֖וֹ וְלֹ֥א יַבְדִּֽיל׃
	(Lev SP 5,8) והביא אתם אל הכהן והקריב את אשר לחטאת ראישון ומלק הכהן את ראשו ממול ערפו ולא יבדיל
9	וְהִזָּ֞ה מִדַּ֤ם הַחַטָּאת֙ עַל־ קִ֣יר הַמִּזְבֵּ֔חַ וְהַנִּשְׁאָ֣ר בַּדָּ֔ם יִמָּצֵ֖ה אֶל־ יְס֣וֹד הַמִּזְבֵּ֑חַ חַטָּ֖את הֽוּא׃
	(Lev SP 5,9) והזה מדם החטאת אל קיר המזבח והנשאר בדם ימצא אל יסוד המזבח חטאת היא
10	וְאֶת־ הַשֵּׁנִ֛י יַעֲשֶׂ֥ה עֹלָ֖ה כַּמִּשְׁפָּ֑ט וְכִפֶּ֨ר עָלָ֧יו הַכֹּהֵ֛ן מֵחַטָּאת֥וֹ אֲשֶׁר־ חָטָ֖א וְנִסְלַ֥ח לֽוֹ׃ ס
	(Lev SP 5,10) ואת השני יעשה עלה כמשפט וכפר עליו הכהן מחטאתו אשר חטא ונסלח לו *
11	וְאִם־ לֹא֩ תַשִּׂ֨יג יָד֜וֹ לִשְׁתֵּ֣י תֹרִ֗ים אוֹ֮ לִשְׁנֵ֣י בְנֵי־ יוֹנָה֒ וְהֵבִ֨יא אֶת־ קָרְבָּנ֜וֹ אֲשֶׁ֣ר חָטָ֗א עֲשִׂירִ֧ת הָאֵפָ֛ה סֹ֖לֶת לְחַטָּ֑את לֹא־ יָשִׂ֨ים עָלֶ֜יהָ שֶׁ֗מֶן וְלֹא־ יִתֵּ֤ן עָלֶ֙יהָ֙ לְבֹנָ֔ה כִּ֥י חַטָּ֖את הִֽיא׃
	(Lev SP 5,11) ואם לא תשיג ידו לשתי תרים או לשני בני יונה והביא את קרבנו אשר חטא עשירת האיפה סלת לחטאת לא יצק עליה שמן ולא יתן עליה לבונה כי חטאת היא
12	וֶהֱבִיאָהּ֮ אֶל־ הַכֹּהֵן֒ וְקָמַ֣ץ הַכֹּהֵ֣ן ׀ מִ֠מֶּנָּה מְל֨וֹא קֻמְצ֜וֹ אֶת־ אַזְכָּרָתָה֙ וְהִקְטִ֣יר הַמִּזְבֵּ֔חָה עַ֖ל אִשֵּׁ֣י יְהוָ֑ה חַטָּ֖את הִֽוא׃
	(4Q25 frg. 5,1) [וקמץ הכהן ממנה מלוא קמצו א]ת [אזכרתה ] (4Q25 frg. 5,2) [והקטיר המזבחה על אשי יהו]ה חטאת היא[ (Lev SP 5,12) והביאה אל הכהן וקמץ « » ממנה מלוא קמצו את אזכרתה והקטיר המזבחה על אשה יהוה חטאת היא
13	וְכִפֶּר֩ עָלָ֨יו הַכֹּהֵ֜ן עַל־ חַטָּאת֧וֹ אֲשֶׁר־ חָטָ֛א מֵֽאַחַ֥ת מֵאֵ֖לֶּה וְנִסְלַ֣ח ל֑וֹ וְהָיְתָ֥ה לַכֹּהֵ֖ן כַּמִּנְחָֽה׃ ס
	(4Q25 frg. 5,2) וכפ]ר֯ עליו ה[כהן] (Lev SP 5,13) וכפר עליו הכהן על חטאתו אשר חטא מאחת מאלה ונסלח לו והיתה לכהן כמנחה *
14	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(Lev SP 5,14) וידבר יהוה אל משה לאמר
15	נֶ֚פֶשׁ כִּֽי־ תִמְעֹ֣ל מַ֔עַל וְחָֽטְאָה֙ בִּשְׁגָגָ֔ה מִקָּדְשֵׁ֖י יְהוָ֑ה וְהֵבִיא֩ אֶת־ אֲשָׁמ֨וֹ לַֽיהוָ֜ה אַ֧יִל תָּמִ֣ים מִן־ הַצֹּ֗אן בְּעֶרְכְּךָ֛ כֶּֽסֶף־ שְׁקָלִ֥ים בְּשֶֽׁקֶל־ הַקֹּ֖דֶשׁ לְאָשָֽׁם׃
	(Lev SP 5,15) נפש כי תמעל מעל וחטאה בשגגה מקדשי יהוה והביא את אשמו ליהוה איל תמים מן הצאן בערכך כסף שקלים בשקל הקדש לאשם
16	וְאֵ֣ת אֲשֶׁר֩ חָטָ֨א מִן־ הַקֹּ֜דֶשׁ יְשַׁלֵּ֗ם וְאֶת־ חֲמִֽישִׁתוֹ֙ יוֹסֵ֣ף עָלָ֔יו וְנָתַ֥ן אֹת֖וֹ לַכֹּהֵ֑ן וְהַכֹּהֵ֗ן יְכַפֵּ֥ר עָלָ֛יו בְּאֵ֥יל הָאָשָׁ֖ם וְנִסְלַ֥ח לֽוֹ׃ פ
	(Lev SP 5,16) ואת אשר חטא מן הקדש ישלם ואת חמישתו יסף עליו ונתן אתו לכהן והכהן יכפר עליו באיל האשם ונסלח לו
17	וְאִם־ נֶ֙פֶשׁ֙ כִּ֣י תֶֽחֱטָ֔א וְעָֽשְׂתָ֗ה אַחַת֙ מִכָּל־ מִצְוֺ֣ת יְהוָ֔ה אֲשֶׁ֖ר לֹ֣א תֵעָשֶׂ֑ינָה וְלֹֽא־ יָדַ֥ע וְאָשֵׁ֖ם וְנָשָׂ֥א עֲוֺנֽוֹ׃
	(Lev SP 5,17) ואם נפש אחת תחטא ועשתה אחת מכל מצות יהוה אשר לא תעשיהן ולא ידע ואשם ונשא עונו
18	וְ֠הֵבִיא אַ֣יִל תָּמִ֧ים מִן־ הַצֹּ֛אן בְּעֶרְכְּךָ֥ לְאָשָׁ֖ם אֶל־ הַכֹּהֵ֑ן וְכִפֶּר֩ עָלָ֨יו הַכֹּהֵ֜ן עַ֣ל שִׁגְגָת֧וֹ אֲשֶׁר־ שָׁגָ֛ג וְה֥וּא לֹֽא־ יָדַ֖ע וְנִסְלַ֥ח לֽוֹ׃
	(Lev SP 5,18) והביא איל תמים מן הצאן בערכך לאשם אל הכהן וכפר עליו הכהן על שגגתו אשר שגג והוא לא ידע ונסלח לו
19	אָשָׁ֖ם ה֑וּא אָשֹׁ֥ם אָשַׁ֖ם לַיהוָֽה׃ פ
	(Lev SP 5,19) אשם הוא אשם אשם ליהוה *
20	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(Lev SP 5,20) וידבר יהוה אל משה לאמר
21	נֶ֚פֶשׁ כִּ֣י תֶחֱטָ֔א וּמָעֲלָ֥ה מַ֖עַל בַּיהוָ֑ה וְכִחֵ֨שׁ בַּעֲמִית֜וֹ בְּפִקָּד֗וֹן אֽוֹ־ בִתְשׂ֤וּמֶת יָד֙ א֣וֹ בְגָזֵ֔ל א֖וֹ עָשַׁ֥ק אֶת־ עֲמִיתֽוֹ׃
	(Lev SP 5,21) נפש כי תחטא ומעלה מעל ביהוה וכחש בעמיתו בפקדון או בתשומת יד או בגזל או עשק את עמיתו
22	אֽוֹ־ מָצָ֧א אֲבֵדָ֛ה וְכִ֥חֶשׁ בָּ֖הּ וְנִשְׁבַּ֣ע עַל־ שָׁ֑קֶר עַל־ אַחַ֗ת מִכֹּ֛ל אֲשֶׁר־ יַעֲשֶׂ֥ה הָאָדָ֖ם לַחֲטֹ֥א בָהֵֽנָּה׃
	(Lev SP 5,22) או מצא אבדה וכחש בה ונשבע על שקר על אחת מכל אשר יעשה האדם לחטא בהן
23	וְהָיָה֮ כִּֽי־ יֶחֱטָ֣א וְאָשֵׁם֒ וְהֵשִׁ֨יב אֶת־ הַגְּזֵלָ֜ה אֲשֶׁ֣ר גָּזָ֗ל א֤וֹ אֶת־ הָעֹ֙שֶׁק֙ אֲשֶׁ֣ר עָשָׁ֔ק א֚וֹ אֶת־ הַפִּקָּד֔וֹן אֲשֶׁ֥ר הָפְקַ֖ד אִתּ֑וֹ א֥וֹ אֶת־ הָאֲבֵדָ֖ה אֲשֶׁ֥ר מָצָֽא׃
	(Lev SP 5,23) והיה כי יחטא ואשם והשיב את הגזל אשר גזל או את העשוק אשר עשק או את הפקדון אשר הפקיד אתו או את האבדה אשר מצא
24	א֠וֹ מִכֹּ֞ל אֲשֶׁר־ יִשָּׁבַ֣ע עָלָיו֮ לַשֶּׁקֶר֒ וְשִׁלַּ֤ם אֹתוֹ֙ בְּרֹאשׁ֔וֹ וַחֲמִשִׁתָ֖יו יֹסֵ֣ף עָלָ֑יו לַאֲשֶׁ֨ר ה֥וּא ל֛וֹ יִתְּנֶ֖נּוּ בְּי֥וֹם אַשְׁמָתֽוֹ׃
	(Lev SP 5,24) או מכל דבר אשר ישבע עליו לשקר ושלם אתו בראשו וחמשיתו יסף עליו לאשר הוא לו יתננו ביום אשמתו
25	וְאֶת־ אֲשָׁמ֥וֹ יָבִ֖יא לַיהוָ֑ה אַ֣יִל תָּמִ֧ים מִן־ הַצֹּ֛אן בְּעֶרְכְּךָ֥ לְאָשָׁ֖ם אֶל־ הַכֹּהֵֽן׃
	(Lev SP 5,25) ואת אשמו יביא ליהוה איל תמים מן הצאן בערכך לאשם « »
26	וְכִפֶּ֨ר עָלָ֧יו הַכֹּהֵ֛ן לִפְנֵ֥י יְהוָ֖ה וְנִסְלַ֣ח ל֑וֹ עַל־ אַחַ֛ת מִכֹּ֥ל אֲשֶֽׁר־ יַעֲשֶׂ֖ה לְאַשְׁמָ֥ה בָֽהּ׃ פ
	(Lev SP 5,26) וכפר עליו הכהן לפני יהוה ונסלח לו על אחת מכל אשר יעשה לאשמה בה *

6
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(Lev SP 6,1) וידבר יהוה אל משה לאמר
2	צַ֤ו אֶֽת־ אַהֲרֹן֙ וְאֶת־ בָּנָ֣יו לֵאמֹ֔ר זֹ֥את תּוֹרַ֖ת הָעֹלָ֑ה הִ֣וא הָעֹלָ֡ה עַל֩ מוֹקְדָ֨ה עַל־ הַמִּזְבֵּ֤חַ כָּל־ הַלַּ֙יְלָה֙ עַד־ הַבֹּ֔קֶר וְאֵ֥שׁ הַמִּזְבֵּ֖חַ תּ֥וּקַד בּֽוֹ׃
	(Lev SP 6,2) צוי את אהרן ואת בניו לאמר זאת תורת העלה היא העלה על המוקדה על המזבח כל הלילה עד בקר ואש המזבח תוקד בו
3	וְלָבַ֨שׁ הַכֹּהֵ֜ן מִדּ֣וֹ בַ֗ד וּמִֽכְנְסֵי־ בַד֮ יִלְבַּ֣שׁ עַל־ בְּשָׂרוֹ֒ וְהֵרִ֣ים אֶת־ הַדֶּ֗שׁן אֲשֶׁ֨ר תֹּאכַ֥ל הָאֵ֛שׁ אֶת־ הָעֹלָ֖ה עַל־ הַמִּזְבֵּ֑חַ וְשָׂמ֕וֹ אֵ֖צֶל הַמִּזְבֵּֽחַ׃
	(Lev SP 6,3) ולבש הכהן מדי בד ומכנסי בד ילבש על בשרו והרים את הדשן אשר תאכל האש את העלה על המזבח ושמו אצל המזבח
4	וּפָשַׁט֙ אֶת־ בְּגָדָ֔יו וְלָבַ֖שׁ בְּגָדִ֣ים אֲחֵרִ֑ים וְהוֹצִ֤יא אֶת־ הַדֶּ֙שֶׁן֙ אֶל־ מִח֣וּץ לַֽמַּחֲנֶ֔ה אֶל־ מָק֖וֹם טָהֽוֹר׃
	(Lev SP 6,4) ופשט את בגדיו ולבש בגדים אחרים והוציא את הדשן אל מחוץ למחנה אל מקום טהור
5	וְהָאֵ֨שׁ עַל־ הַמִּזְבֵּ֤חַ תּֽוּקַד־ בּוֹ֙ לֹ֣א תִכְבֶּ֔ה וּבִעֵ֨ר עָלֶ֧יהָ הַכֹּהֵ֛ן עֵצִ֖ים בַּבֹּ֣קֶר בַּבֹּ֑קֶר וְעָרַ֤ךְ עָלֶ֙יהָ֙ הָֽעֹלָ֔ה וְהִקְטִ֥יר עָלֶ֖יהָ חֶלְבֵ֥י הַשְּׁלָמִֽים׃
	(Lev SP 6,5) והאש על המזבח תוקד בו לא תכבה ובער עליה הכהן עצים בבקר בבקר וערך עליה העלה והקטיר עליה חלבי שלמים
6	אֵ֗שׁ תָּמִ֛יד תּוּקַ֥ד עַל־ הַמִּזְבֵּ֖חַ לֹ֥א תִכְבֶֽה׃ ס
	(Lev SP 6,6) אש תמיד תוקד על המזבח לא תכבה *
7	וְזֹ֥את תּוֹרַ֖ת הַמִּנְחָ֑ה הַקְרֵ֨ב אֹתָ֤הּ בְּנֵֽי־ אַהֲרֹן֙ לִפְנֵ֣י יְהוָ֔ה אֶל־ פְּנֵ֖י הַמִּזְבֵּֽחַ׃
	(Lev SP 6,7) וזאת תורת המנחה הקריבו אתה בני אהרן לפני יהוה אל פני המזבח
8	וְהֵרִ֨ים מִמֶּ֜נּוּ בְּקֻמְצ֗וֹ מִסֹּ֤לֶת הַמִּנְחָה֙ וּמִשַּׁמְנָ֔הּ וְאֵת֙ כָּל־ הַלְּבֹנָ֔ה אֲשֶׁ֖ר עַל־ הַמִּנְחָ֑ה וְהִקְטִ֣יר הַמִּזְבֵּ֗חַ רֵ֧יחַ נִיחֹ֛חַ אַזְכָּרָתָ֖הּ לַיהוָֽה׃
	(Lev SP 6,8) והרים ממנה בקמצו מסלת המנחה ומשמנה ואת כל הלבונה אשר על המנחה והקטיר המזבחה אשה ריח ניחח אזכרתה ליהוה
9	וְהַנּוֹתֶ֣רֶת מִמֶּ֔נָּה יֹאכְל֖וּ אַהֲרֹ֣ן וּבָנָ֑יו מַצּ֤וֹת תֵּֽאָכֵל֙ בְּמָק֣וֹם קָדֹ֔שׁ בַּחֲצַ֥ר אֹֽהֶל־ מוֹעֵ֖ד יֹאכְלֽוּהָ׃
	(Lev SP 6,9) והנותרת ממנה יאכל אהרן ובניו מצות תאכל במקום קדוש בחצר אהל מועד יאכלוה
10	לֹ֤א תֵאָפֶה֙ חָמֵ֔ץ חֶלְקָ֛ם נָתַ֥תִּי אֹתָ֖הּ מֵאִשָּׁ֑י קֹ֤דֶשׁ קָֽדָשִׁים֙ הִ֔וא כַּחַטָּ֖את וְכָאָשָֽׁם׃
	(Lev SP 6,10) לא תאפה חמץ חלקם נתתי אתה מאשי יהוה קדש קדשים היא כחטאת וכאשם
11	כָּל־ זָכָ֞ר בִּבְנֵ֤י אַהֲרֹן֙ יֹֽאכֲלֶ֔נָּה חָק־ עוֹלָם֙ לְדֹרֹ֣תֵיכֶ֔ם מֵאִשֵּׁ֖י יְהוָ֑ה כֹּ֛ל אֲשֶׁר־ יִגַּ֥ע בָּהֶ֖ם יִקְדָּֽשׁ׃ פ
	(Lev SP 6,11) כל זכר בבני אהרן יאכלנה חק עולם לדורתיכם מאשי יהוה כל אשר יגע בהם יקדש *
12	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(Lev SP 6,12) וידבר יהוה אל משה לאמר
13	זֶ֡ה קָרְבַּן֩ אַהֲרֹ֨ן וּבָנָ֜יו אֲשֶׁר־ יַקְרִ֣יבוּ לַֽיהוָ֗ה בְּיוֹם֙ הִמָּשַׁ֣ח אֹת֔וֹ עֲשִׂירִ֨ת הָאֵפָ֥ה סֹ֛לֶת מִנְחָ֖ה תָּמִ֑יד מַחֲצִיתָ֣הּ בַּבֹּ֔קֶר וּמַחֲצִיתָ֖הּ בָּעָֽרֶב׃
	(Lev SP 6,13) זה קרבן אהרן ובניו אשר יקריבו ליהוה ביום המשיח אתו עשירת האיפה סלת למנחה תמיד מחציתה בבקר ומחציתה בין הערבים
14	עַֽל־ מַחֲבַ֗ת בַּשֶּׁ֛מֶן תֵּעָשֶׂ֖ה מֻרְבֶּ֣כֶת תְּבִיאֶ֑נָּה תֻּפִינֵי֙ מִנְחַ֣ת פִּתִּ֔ים תַּקְרִ֥יב רֵֽיחַ־ נִיחֹ֖חַ לַיהוָֽה׃
	(Lev SP 6,14) על המחבת בשמן תעשה מרבכת תביאנה תופני מנחת פתים תקריב ריח ניחח ליהוה
15	וְהַכֹּהֵ֨ן הַמָּשִׁ֧יחַ תַּחְתָּ֛יו מִבָּנָ֖יו יַעֲשֶׂ֣ה אֹתָ֑הּ חָק־ עוֹלָ֕ם לַיהוָ֖ה כָּלִ֥יל תָּקְטָֽר׃
	(Lev SP 6,15) הכהן המשיח תחתיו מבניו יעשה אתה חק עולם ליהוה כליל תקטיר
16	וְכָל־ מִנְחַ֥ת כֹּהֵ֛ן כָּלִ֥יל תִּהְיֶ֖ה לֹ֥א תֵאָכֵֽל׃ פ
	(Lev SP 6,16) וכל מנחת כהן כליל תהיה לא תאכל *
17	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(Lev SP 6,17) וידבר יהוה אל משה לאמר
18	דַּבֵּ֤ר אֶֽל־ אַהֲרֹן֙ וְאֶל־ בָּנָ֣יו לֵאמֹ֔ר זֹ֥את תּוֹרַ֖ת הַֽחַטָּ֑את בִּמְק֡וֹם אֲשֶׁר֩ תִּשָּׁחֵ֨ט הָעֹלָ֜ה תִּשָּׁחֵ֤ט הַֽחַטָּאת֙ לִפְנֵ֣י יְהוָ֔ה קֹ֥דֶשׁ קֽ͏ָדָשִׁ֖ים הִֽוא׃
	(Lev SP 6,18) דבר אל אהרן ואל בניו לאמר זאת תורת החטאת במקום אשר תשחט העלה תשחט החטאת לפני יהוה קדש קדשים היא
19	הַכֹּהֵ֛ן הַֽמְחַטֵּ֥א אֹתָ֖הּ יֹאכֲלֶ֑נָּה בְּמָק֤וֹם קָדֹשׁ֙ תֵּֽאָכֵ֔ל בַּחֲצַ֖ר אֹ֥הֶל מוֹעֵֽד׃
	(Lev SP 6,19) הכהן המחטא אתה יאכלנה במקום קדוש תאכל בחצר אהל מועד
20	כֹּ֛ל אֲשֶׁר־ יִגַּ֥ע בִּבְשָׂרָ֖הּ יִקְדָּ֑שׁ וַאֲשֶׁ֨ר יִזֶּ֤ה מִדָּמָהּ֙ עַל־ הַבֶּ֔גֶד אֲשֶׁר֙ יִזֶּ֣ה עָלֶ֔יהָ תְּכַבֵּ֖ס בְּמָק֥וֹם קָדֹֽשׁ׃
	(Lev SP 6,20) כל אשר יגע בבשרה יקדש ואשר יזה מדמה על הבגד אשר יזה עליו יכבס במקום קדוש
21	וּכְלִי־ חֶ֛רֶשׂ אֲשֶׁ֥ר תְּבֻשַּׁל־ בּ֖וֹ יִשָּׁבֵ֑ר וְאִם־ בִּכְלִ֤י נְחֹ֙שֶׁת֙ בֻּשָּׁ֔לָה וּמֹרַ֥ק וְשֻׁטַּ֖ף בַּמָּֽיִם׃
	(Lev SP 6,21) וכלי חרש אשר תבשל בו ישבר ואם בכלי נחשת בשלה ומרק ושטף במים
22	כָּל־ זָכָ֥ר בַּכֹּהֲנִ֖ים יֹאכַ֣ל אֹתָ֑הּ קֹ֥דֶשׁ קֽ͏ָדָשִׁ֖ים הִֽוא׃
	(Lev SP 6,22) כל זכר בכהנים יאכל אתה קדש קדשים היא
23	וְכָל־ חַטָּ֡את אֲשֶׁר֩ יוּבָ֨א מִדָּמָ֜הּ אֶל־ אֹ֧הֶל מוֹעֵ֛ד לְכַפֵּ֥ר בַּקֹּ֖דֶשׁ לֹ֣א תֵאָכֵ֑ל בָּאֵ֖שׁ תִּשָּׂרֵֽף׃ פ
	(Lev SP 6,23) וכל חטאת אשר יבוא מדמה אל אהל מועד לכפר בקדש לא תאכל באש תשרף *

7
1	וְזֹ֥את תּוֹרַ֖ת הָאָשָׁ֑ם קֹ֥דֶשׁ קֽ͏ָדָשִׁ֖ים הֽוּא׃
	(Lev SP 7,1) וזאת תורת האשם קדש קדשים הוא
2	בִּמְק֗וֹם אֲשֶׁ֤ר יִשְׁחֲטוּ֙ אֶת־ הָ֣עֹלָ֔ה יִשְׁחֲט֖וּ אֶת־ הָאָשָׁ֑ם וְאֶת־ דָּמ֛וֹ יִזְרֹ֥ק עַל־ הַמִּזְבֵּ֖חַ סָבִֽיב׃
	(Lev SP 7,2) במקום אשר ישחטו את העלה ישחטו את האשם ואת דמו יזרקו על המזבח סביב
3	וְאֵ֥ת כָּל־ חֶלְבּ֖וֹ יַקְרִ֣יב מִמֶּ֑נּוּ אֵ֚ת הָֽאַלְיָ֔ה וְאֶת־ הַחֵ֖לֶב הַֽמְכַסֶּ֥ה אֶת־ הַקֶּֽרֶב׃
	(Lev SP 7,3) ואת כל חלבו יקריב ממנו את האליה ואת החלב המכסה את הקרב …
4	וְאֵת֙ שְׁתֵּ֣י הַכְּלָיֹ֔ת וְאֶת־ הַחֵ֙לֶב֙ אֲשֶׁ֣ר עֲלֵיהֶ֔ן אֲשֶׁ֖ר עַל־ הַכְּסָלִ֑ים וְאֶת־ הַיֹּתֶ֙רֶת֙ עַל־ הַכָּבֵ֔ד עַל־ הַכְּלָיֹ֖ת יְסִירֶֽנָּה׃
	(Lev SP 7,4) ואת שתי הכליות ואת החלב אשר עליהן אשר על הכסלים ואת היותרת על הכבד על הכליות יסירנה
5	וְהִקְטִ֨יר אֹתָ֤ם הַכֹּהֵן֙ הַמִּזְבֵּ֔חָה אִשֶּׁ֖ה לַיהוָ֑ה אָשָׁ֖ם הֽוּא׃
	(Lev SP 7,5) והקטיר אתם הכהן המזבחה אשה ליהוה אשם הוא
6	כָּל־ זָכָ֥ר בַּכֹּהֲנִ֖ים יֹאכְלֶ֑נּוּ בְּמָק֤וֹם קָדוֹשׁ֙ יֵאָכֵ֔ל קֹ֥דֶשׁ קָֽדָשִׁ֖ים הֽוּא׃
	(Lev SP 7,6) כל זכר בכהנים יאכלנו במקום קדוש יאכל קדש קדשים הוא
7	כַּֽחַטָּאת֙ כָּֽאָשָׁ֔ם תּוֹרָ֥ה אַחַ֖ת לָהֶ֑ם הַכֹּהֵ֛ן אֲשֶׁ֥ר יְכַפֶּר־ בּ֖וֹ ל֥וֹ יִהְיֶֽה׃
	(Lev SP 7,7) כחטאת כאשם תורה אחת להם הכהן אשר יכפר בו לו יהיה
8	וְהַ֨כֹּהֵ֔ן הַמַּקְרִ֖יב אֶת־ עֹ֣לַת אִ֑ישׁ ע֤וֹר הָֽעֹלָה֙ אֲשֶׁ֣ר הִקְרִ֔יב לַכֹּהֵ֖ן ל֥וֹ יִהְיֶֽה׃
	(Lev SP 7,8) והכהן המקריב את עלת איש עור העלה אשר יקריבו לכהן לו יהיה
9	וְכָל־ מִנְחָ֗ה אֲשֶׁ֤ר תֵּֽאָפֶה֙ בַּתַּנּ֔וּר וְכָל־ נַעֲשָׂ֥ה בַמַּרְחֶ֖שֶׁת וְעַֽל־ מַחֲבַ֑ת לַכֹּהֵ֛ן הַמַּקְרִ֥יב אֹתָ֖הּ ל֥וֹ תִֽהְיֶֽה׃
	(Lev SP 7,9) וכל מנחה אשר תאפה בתנור וכל נעשה במרחשת ועל המחבת לכהן המקריב אתה לו תהיה
10	וְכָל־ מִנְחָ֥ה בְלוּלָֽה־ בַשֶּׁ֖מֶן וַחֲרֵבָ֑ה לְכָל־ בְּנֵ֧י אַהֲרֹ֛ן תִּהְיֶ֖ה אִ֥ישׁ כְּאָחִֽיו׃ פ
	(Lev SP 7,10) וכל מנחה בלולה בשמן וחרבה לכל בני אהרן תהיה איש כאחיו *
11	וְזֹ֥את תּוֹרַ֖ת זֶ֣בַח הַשְּׁלָמִ֑ים אֲשֶׁ֥ר יַקְרִ֖יב לַיהוָֽה׃
	(Lev SP 7,11) וזאת תורת זבח השלמים אשר יקריבו ליהוה
12	אִ֣ם עַל־ תּוֹדָה֮ יַקְרִיבֶנּוּ֒ וְהִקְרִ֣יב ׀ עַל־ זֶ֣בַח הַתּוֹדָ֗ה חַלּ֤וֹת מַצּוֹת֙ בְּלוּלֹ֣ת בַּשֶּׁ֔מֶן וּרְקִיקֵ֥י מַצּ֖וֹת מְשֻׁחִ֣ים בַּשָּׁ֑מֶן וְסֹ֣לֶת מֻרְבֶּ֔כֶת חַלֹּ֖ת בְּלוּלֹ֥ת בַשָּֽׁמֶן׃
	(Lev SP 7,12) אם על תודה יקריבנו והקריב על זבח התודה חלות מצות בללות בשמן ורקיקי מצות משחים בשמן וסלת מרבכת חלות בללות בשמן
13	עַל־ חַלֹּת֙ לֶ֣חֶם חָמֵ֔ץ יַקְרִ֖יב קָרְבָּנ֑וֹ עַל־ זֶ֖בַח תּוֹדַ֥ת שְׁלָמָֽיו׃
	(Lev SP 7,13) על חלת לחם חמץ יקריב קרבנו על זבח תודת שלמיו
14	וְהִקְרִ֨יב מִמֶּ֤נּוּ אֶחָד֙ מִכָּל־ קָרְבָּ֔ן תְּרוּמָ֖ה לַיהוָ֑ה לַכֹּהֵ֗ן הַזֹּרֵ֛ק אֶת־ דַּ֥ם הַשְּׁלָמִ֖ים ל֥וֹ יִהְיֶֽה׃
	(Lev SP 7,14) והקריב ממנו אחד מכל קרבן תרומה ליהוה לכהן הזרק את דם השלמים לו יהיה
15	וּבְשַׂ֗ר זֶ֚בַח תּוֹדַ֣ת שְׁלָמָ֔יו בְּי֥וֹם קָרְבָּנ֖וֹ יֵאָכֵ֑ל לֹֽא־ יַנִּ֥יחַ מִמֶּ֖נּוּ עַד־ בֹּֽקֶר׃
	(Lev SP 7,15) ובשר זבח תודת שלמיו ביום קרבנו יאכל לא יניח ממנו עד בקר
16	וְאִם־ נֶ֣דֶר ׀ א֣וֹ נְדָבָ֗ה זֶ֚בַח קָרְבָּנ֔וֹ בְּי֛וֹם הַקְרִיב֥וֹ אֶת־ זִבְח֖וֹ יֵאָכֵ֑ל וּמִֽמָּחֳרָ֔ת וְהַנּוֹתָ֥ר מִמֶּ֖נּוּ יֵאָכֵֽל׃
	(Lev SP 7,16) ואם נדר או נדבה זבח קרבנו ביום הקריבו את זבחו יאכל וממחרת והנותר ממנו יאכל
17	וְהַנּוֹתָ֖ר מִבְּשַׂ֣ר הַזָּ֑בַח בַּיּוֹם֙ הַשְּׁלִישִׁ֔י בָּאֵ֖שׁ יִשָּׂרֵֽף׃
	(Lev SP 7,17) והנותר מבשר הזבח ביום השלישי באש ישרף
18	וְאִ֣ם הֵאָכֹ֣ל יֵ֠אָכֵל מִבְּשַׂר־ זֶ֨בַח שְׁלָמָ֜יו בַּיּ֣וֹם הַשְּׁלִישִׁי֮ לֹ֣א יֵרָצֶה֒ הַמַּקְרִ֣יב אֹת֗וֹ לֹ֧א יֵחָשֵׁ֛ב ל֖וֹ פִּגּ֣וּל יִהְיֶ֑ה וְהַנֶּ֛פֶשׁ הָאֹכֶ֥לֶת מִמֶּ֖נּוּ עֲוֺנָ֥הּ תִּשָּֽׂא׃
	(Lev SP 7,18) ואם אכל יאכל מבשר זבח שלמיו ביום השלישי לא ירצה המקריב אתו לא יחשב לו פגול יהיה והנפש האכלת ממנו עונה תשא
19	וְהַבָּשָׂ֞ר אֲשֶׁר־ יִגַּ֤ע בְּכָל־ טָמֵא֙ לֹ֣א יֵֽאָכֵ֔ל בָּאֵ֖שׁ יִשָּׂרֵ֑ף וְהַ֨בָּשָׂ֔ר כָּל־ טָה֖וֹר יֹאכַ֥ל בָּשָֽׂר׃
	(4Q26b frg. 1,1) [בכול טמא לא יאכל באש ישרף והבשר ]כ֯ו֯[ל] ט֯הור יאכל בשר[ (Lev SP 7,19) והבשר אשר יגע בכל טמא לא יאכל באש ישרף הבשר כל טהור יאכל בשר
20	וְהַנֶּ֜פֶשׁ אֲשֶׁר־ תֹּאכַ֣ל בָּשָׂ֗ר מִזֶּ֤בַח הַשְּׁלָמִים֙ אֲשֶׁ֣ר לַיהוָ֔ה וְטֻמְאָת֖וֹ עָלָ֑יו וְנִכְרְתָ֛ה הַנֶּ֥פֶשׁ הַהִ֖וא מֵעַמֶּֽיהָ׃
	(4Q26b frg. 1,1) והנפש אשר תאכל] (4Q26b frg. 1,2) [בשר מזבח השלמים א]ש֯ר ליהוה וטמאתו עליו ונכרתה הנפש ההיא מ֯ע֯מ֯[יה ] (Lev SP 7,20) והנפש אשר תאכל בשר מזבח השלמים אשר ליהוה וטמאתו עליו ונכרתה הנפש ההיא מעמיה
21	וְנֶ֜פֶשׁ כִּֽי־ תִגַּ֣ע בְּכָל־ טָמֵ֗א בְּטֻמְאַ֤ת אָדָם֙ א֣וֹ ׀ בִּבְהֵמָ֣ה טְמֵאָ֗ה א֚וֹ בְּכָל־ שֶׁ֣קֶץ טָמֵ֔א וְאָכַ֛ל מִבְּשַׂר־ זֶ֥בַח הַשְּׁלָמִ֖ים אֲשֶׁ֣ר לַיהוָ֑ה וְנִכְרְתָ֛ה הַנֶּ֥פֶשׁ הַהִ֖וא מֵעַמֶּֽיהָ׃ פ
	(4Q26b frg. 1,3) [ונפש כי תגע בכול טמא בטמאת ]א֯דם או בבהמה טמאה או בכול שק֯[ץ] (4Q26b frg. 1,4) [טמא ואכל מבשר זבח השלמים אשר ליהוה ]ונכרתה הנפש ה֯ה֯יא מעמיה (Lev SP 7,21) ונפש כי תגע בכל טמא בטמאת אדם או בבהמה טמאה או בכל שרץ טמא ואכל מבשר זבח השלמים אשר ליהוה ונכרתה הנפש ההיא מעמיה *
22	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(4Q26b frg. 1,6) [וידבר יהוה אל משה לאמור (Lev SP 7,22) וידבר יהוה אל משה לאמר
23	דַּבֵּ֛ר אֶל־ בְּנֵ֥י יִשְׂרָאֵ֖ל לֵאמֹ֑ר כָּל־ חֵ֜לֶב שׁ֥וֹר וְכֶ֛שֶׂב וָעֵ֖ז לֹ֥א תֹאכֵֽלוּ׃
	(4Q26b frg. 1,6) דבר אל ב]נ֯י֯ י֯שראל לאמור כול חלב שו֯[ר וכשב] (4Q26b frg. 1,7) [ועז לא תאכלו (Lev SP 7,23) דבר אל בני ישראל לאמר כל חלב שור וכשב ועז לא תאכלו
24	וְחֵ֤לֶב נְבֵלָה֙ וְחֵ֣לֶב טְרֵפָ֔ה יֵעָשֶׂ֖ה לְכָל־ מְלָאכָ֑ה וְאָכֹ֖ל לֹ֥א תֹאכְלֻֽהוּ׃
	(4Q26b frg. 1,7) וחלב נבלה וחלב טרפ]ה֯ י֯ע֯ש֯ה לכול מלאכה ואכול לא ת֯[א]כ֯[להו ] (Lev SP 7,24) וחלב נבלה וחלב טרפה יעשה לכל המלאכה ואכל לא תאכלהו
25	כִּ֚י כָּל־ אֹכֵ֣ל חֵ֔לֶב מִן־ הַ֨בְּהֵמָ֔ה אֲשֶׁ֨ר יַקְרִ֥יב מִמֶּ֛נָּה אִשֶּׁ֖ה לַיהוָ֑ה וְנִכְרְתָ֛ה הַנֶּ֥פֶשׁ הָאֹכֶ֖לֶת מֵֽעַמֶּֽיהָ׃
	(4Q26b frg. 1,8) כי כול אוכל חלב מן הבהמה אשר י]ק֯[ר]י֯בו ממנ֯ה קרבן ליהו֯ה֯[ ונכרתה] (4Q26b frg. 1,9) [הנפש האוכלת מעמיה (Lev SP 7,25) כי כל אכל חלב מן הבהמה אשר יקריבו ממנה אשה ליהוה ונכרתה הנפש האכלת מעמיה
26	וְכָל־ דָּם֙ לֹ֣א תֹאכְל֔וּ בְּכֹ֖ל מוֹשְׁבֹתֵיכֶ֑ם לָע֖וֹף וְלַבְּהֵמָֽה׃
	(4Q26b frg. 1,9) וכול דם לא תאכלו בכול מושב]ת֯[יכ]ם֯ ל[ע]ו֯ף֯[ ולבהמה ] (Lev SP 7,26) וכל דם לא תאכלו בכל מושבתיכם לעוף ולבהמה
27	כָּל־ נֶ֖פֶשׁ אֲשֶׁר־ תֹּאכַ֣ל כָּל־ דָּ֑ם וְנִכְרְתָ֛ה הַנֶּ֥פֶשׁ הַהִ֖וא מֵֽעַמֶּֽיהָ׃ פ
	(Lev SP 7,27) וכל הנפש אשר תאכל כל דם ונכרתה הנפש ההיא מעמיה *
28	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(Lev SP 7,28) וידבר יהוה אל משה לאמר
29	דַּבֵּ֛ר אֶל־ בְּנֵ֥י יִשְׂרָאֵ֖ל לֵאמֹ֑ר הַמַּקְרִ֞יב אֶת־ זֶ֤בַח שְׁלָמָיו֙ לַיהוָ֔ה יָבִ֧יא אֶת־ קָרְבָּנ֛וֹ לַיהוָ֖ה מִזֶּ֥בַח שְׁלָמָֽיו׃
	(Lev SP 7,29) ואל בני ישראל תדבר לאמר המקריב את זבח שלמיו ליהוה יביא את קרבנו ליהוה מזבח שלמיו
30	יָדָ֣יו תְּבִיאֶ֔ינָה אֵ֖ת אִשֵּׁ֣י יְהוָ֑ה אֶת־ הַחֵ֤לֶב עַל־ הֶֽחָזֶה֙ יְבִיאֶ֔נּוּ אֵ֣ת הֶחָזֶ֗ה לְהָנִ֥יף אֹת֛וֹ תְּנוּפָ֖ה לִפְנֵ֥י יְהוָֽה׃
	(Lev SP 7,30) ידיו תביאנה את אשה יהוה את החלב על החזה יביאנו את החזה להניף אתו תנופה לפני יהוה
31	וְהִקְטִ֧יר הַכֹּהֵ֛ן אֶת־ הַחֵ֖לֶב הַמִּזְבֵּ֑חָה וְהָיָה֙ הֶֽחָזֶ֔ה לְאַהֲרֹ֖ן וּלְבָנָֽיו׃
	(Lev SP 7,31) והקטיר הכהן את החלב המזבחה והיה החזה לאהרן ולבניו
32	וְאֵת֙ שׁ֣וֹק הַיָּמִ֔ין תִּתְּנ֥וּ תְרוּמָ֖ה לַכֹּהֵ֑ן מִזִּבְחֵ֖י שַׁלְמֵיכֶֽם׃
	(Lev SP 7,32) ואת שוק הימין תתנו תרומה לכהן מזבחי שלמיכם
33	הַמַּקְרִ֞יב אֶת־ דַּ֧ם הַשְּׁלָמִ֛ים וְאֶת־ הַחֵ֖לֶב מִבְּנֵ֣י אַהֲרֹ֑ן ל֧וֹ תִהְיֶ֛ה שׁ֥וֹק הַיָּמִ֖ין לְמָנָֽה׃
	(Lev SP 7,33) המקריב את דם השלמים ואת החלב מבני אהרן לו תהיה שוק הימין למנה
34	כִּי֩ אֶת־ חֲזֵ֨ה הַתְּנוּפָ֜ה וְאֵ֣ת ׀ שׁ֣וֹק הַתְּרוּמָ֗ה לָקַ֙חְתִּי֙ מֵאֵ֣ת בְּנֵֽי־ יִשְׂרָאֵ֔ל מִזִּבְחֵ֖י שַׁלְמֵיהֶ֑ם וָאֶתֵּ֣ן אֹ֠תָם לְאַהֲרֹ֨ן הַכֹּהֵ֤ן וּלְבָנָיו֙ לְחָק־ עוֹלָ֔ם מֵאֵ֖ת בְּנֵ֥י יִשְׂרָאֵֽל׃
	(11Q2 frg. 1 i,1) [ואתן אתם לאהרן הכהן ולבניו לחק עולם מאת ]ב֯ני (11Q2 frg. 1 i,2) [ישראל (Lev SP 7,34) כי את חזה התנופה ואת שוק התרומה לקחתי מאת בני ישראל מזבחי שלמיהם ואתן אתם לאהרן הכהן ולבניו לחק עולם מאת בני ישראל
35	זֹ֣את מִשְׁחַ֤ת אַהֲרֹן֙ וּמִשְׁחַ֣ת בָּנָ֔יו מֵאִשֵּׁ֖י יְהוָ֑ה בְּיוֹם֙ הִקְרִ֣יב אֹתָ֔ם לְכַהֵ֖ן לַיהוָֽה׃
	(11Q2 frg. 1 i,2) זאת משחת אהרון ומשחת בניו מ]אשי (Lev SP 7,35) זאת משחת אהרן ומשחת בניו מאשי יהוה ביום הקריבו אתם לכהן ליהוה
36	אֲשֶׁר֩ צִוָּ֨ה יְהוָ֜ה לָתֵ֣ת לָהֶ֗ם בְּיוֹם֙ מָשְׁח֣וֹ אֹתָ֔ם מֵאֵ֖ת בְּנֵ֣י יִשְׂרָאֵ֑ל חֻקַּ֥ת עוֹלָ֖ם לְדֹרֹתָֽם׃
	(Lev SP 7,36) אשר צוה יהוה לתת להם ביום משחו אתם מאת בני ישראל חק עולם לדורתם
37	זֹ֣את הַתּוֹרָ֗ה לָֽעֹלָה֙ לַמִּנְחָ֔ה וְלַֽחַטָּ֖את וְלָאָשָׁ֑ם וְלַ֨מִּלּוּאִ֔ים וּלְזֶ֖בַח הַשְּׁלָמִֽים׃
	(Lev SP 7,37) זאת התורה לעלה ולמנחה ולחטאת ולאשם ולמלאים ולזבח השלמים
38	אֲשֶׁ֨ר צִוָּ֧ה יְהוָ֛ה אֶת־ מֹשֶׁ֖ה בְּהַ֣ר סִינָ֑י בְּי֨וֹם צַוֺּת֜וֹ אֶת־ בְּנֵ֣י יִשְׂרָאֵ֗ל לְהַקְרִ֧יב אֶת־ קָרְבְּנֵיהֶ֛ם לַיהוָ֖ה בְּמִדְבַּ֥ר סִינָֽי׃ פ
	(Lev SP 7,38) אשר צוה יהוה את משה בהר סיני ביום צותו את בני ישראל להקריב את קרבניהם ליהוה במדבר סיני *

8
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(Lev SP 8,1) וידבר יהוה אל משה לאמר
2	קַ֤ח אֶֽת־ אַהֲרֹן֙ וְאֶת־ בָּנָ֣יו אִתּ֔וֹ וְאֵת֙ הַבְּגָדִ֔ים וְאֵ֖ת שֶׁ֣מֶן הַמִּשְׁחָ֑ה וְאֵ֣ת ׀ פַּ֣ר הֽ͏ַחַטָּ֗את וְאֵת֙ שְׁנֵ֣י הָֽאֵילִ֔ים וְאֵ֖ת סַ֥ל הַמַּצּֽוֹת׃
	(Lev SP 8,2) קח את אהרן ואת בניו אתו ואת הבגדים ואת שמן המשחה ואת פר החטאת ואת שני האילים ואת סל המצות
3	וְאֵ֥ת כָּל־ הָעֵדָ֖ה הַקְהֵ֑ל אֶל־ פֶּ֖תַח אֹ֥הֶל מוֹעֵֽד׃
	(Lev SP 8,3) ואת כל העדה הקהל אל פתח אהל מועד
4	וַיַּ֣עַשׂ מֹשֶׁ֔ה כּֽ͏ַאֲשֶׁ֛ר צִוָּ֥ה יְהוָ֖ה אֹת֑וֹ וַתִּקָּהֵל֙ הָֽעֵדָ֔ה אֶל־ פֶּ֖תַח אֹ֥הֶל מוֹעֵֽד׃
	(Lev SP 8,4) ויעש משה כאשר צוה יהוה אתו ותקהל העדה אל פתח אהל מועד
5	וַיֹּ֥אמֶר מֹשֶׁ֖ה אֶל־ הָעֵדָ֑ה זֶ֣ה הַדָּבָ֔ר אֲשֶׁר־ צִוָּ֥ה יְהוָ֖ה לַעֲשֽׂוֹת׃
	(Lev SP 8,5) ויאמר משה אל העדה זה הדבר אשר צוה יהוה לעשות
6	וַיַּקְרֵ֣ב מֹשֶׁ֔ה אֶֽת־ אַהֲרֹ֖ן וְאֶת־ בָּנָ֑יו וַיִּרְחַ֥ץ אֹתָ֖ם בַּמָּֽיִם׃
	(Lev SP 8,6) ויקריב משה את אהרן ואת בניו וירחץ אתם במים
7	וַיִּתֵּ֨ן עָלָ֜יו אֶת־ הַכֻּתֹּ֗נֶת וַיַּחְגֹּ֤ר אֹתוֹ֙ בָּֽאַבְנֵ֔ט וַיַּלְבֵּ֤שׁ אֹתוֹ֙ אֶֽת־ הַמְּעִ֔יל וַיִּתֵּ֥ן עָלָ֖יו אֶת־ הָאֵפֹ֑ד וַיַּחְגֹּ֣ר אֹת֗וֹ בְּחֵ֙שֶׁב֙ הָֽאֵפֹ֔ד וַיֶּאְפֹּ֥ד ל֖וֹ בּֽוֹ׃
	(Lev SP 8,7) ויתן עליו את הכיתנת ויחגר אתו באבניט וילבש אתו את המעיל ויתן עליו את האפוד ויחגר אתו בחשב האפוד ויאפד לו בו
8	וַיָּ֥שֶׂם עָלָ֖יו אֶת־ הַחֹ֑שֶׁן וַיִּתֵּן֙ אֶל־ הַחֹ֔שֶׁן אֶת־ הָאוּרִ֖ים וְאֶת־ הַתֻּמִּֽים׃
	(11Q2 frg. 1 ii,1) ויש[ם עליו את החשן ויתן אל החשן את האורים ואת התמים] (Lev SP 8,8) וישם עליו את החשן ויתן על החשן את הארים ואת התמים
9	וַיָּ֥שֶׂם אֶת־ הַמִּצְנֶ֖פֶת עַל־ רֹאשׁ֑וֹ וַיָּ֨שֶׂם עַֽל־ הַמִּצְנֶ֜פֶת אֶל־ מ֣וּל פָּנָ֗יו אֵ֣ת צִ֤יץ הַזָּהָב֙ נֵ֣זֶר הַקֹּ֔דֶשׁ כַּאֲשֶׁ֛ר צִוָּ֥ה יְהוָ֖ה אֶת־ מֹשֶֽׁה׃
	(Lev SP 8,9) וישם את המצנפת על ראשו ויתן על המצנפת אל מול פניו את ציץ הזהב נזר הקדש כאשר צוה יהוה את משה *
10	וַיִּקַּ֤ח מֹשֶׁה֙ אֶת־ שֶׁ֣מֶן הַמִּשְׁחָ֔ה וַיִּמְשַׁ֥ח אֶת־ הַמִּשְׁכָּ֖ן וְאֶת־ כָּל־ אֲשֶׁר־ בּ֑וֹ וַיְקַדֵּ֖שׁ אֹתָֽם׃
	(Lev SP 8,10) ויקח משה את שמן המשחה וימשח את המשכן ואת כל אשר בו ויקדש אתם
11	וַיַּ֥ז מִמֶּ֛נּוּ עַֽל־ הַמִּזְבֵּ֖חַ שֶׁ֣בַע פְּעָמִ֑ים וַיִּמְשַׁ֨ח אֶת־ הַמִּזְבֵּ֜חַ וְאֶת־ כָּל־ כֵּלָ֗יו וְאֶת־ הַכִּיֹּ֛ר וְאֶת־ כַּנּ֖וֹ לְקַדְּשָֽׁם׃
	(Lev SP 8,11) ויז ממנו על המזבח שבע פעמים וימשח את המזבח ואת כל כליו ואת הכיור ואת כנו לקדשם
12	וַיִּצֹק֙ מִשֶּׁ֣מֶן הַמִּשְׁחָ֔ה עַ֖ל רֹ֣אשׁ אַהֲרֹ֑ן וַיִּמְשַׁ֥ח אֹת֖וֹ לְקַדְּשֽׁוֹ׃
	(6Q2 frg. 1,1) [ויצק משמן המשחה ]על[ ]רו[אש ]א[הרן] (6Q2 frg. 1,2) [וימשח אתו לקדשו] (Lev SP 8,12) ויצק משמן המשחה על ראש אהרן וימשח אתו לקדשו
13	וַיַּקְרֵ֨ב מֹשֶׁ֜ה אֶת־ בְּנֵ֣י אַהֲרֹ֗ן וַיַּלְבִּשֵׁ֤ם כֻּתֳּנֹת֙ וַיַּחְגֹּ֤ר אֹתָם֙ אַבְנֵ֔ט וַיַּחֲבֹ֥שׁ לָהֶ֖ם מִגְבָּע֑וֹת כַּאֲשֶׁ֛ר צִוָּ֥ה יְהוָ֖ה אֶת־ מֹשֶֽׁה׃
	(6Q2 frg. 1,2) ויקרב משה[ את] (6Q2 frg. 1,3) [בני אהרן וילבשם ]כתנ[ו]ת ויחגר (6Q2 frg. 1,4) [אתם אבנטים ויחב]ש ל[ה]ם מגבעו[ת] (Lev SP 8,13) ויקריב משה את בני אהרן וילבישם כיתנות ויחגר אתם אבניטים ויחבש להם מגבעות כאשר צוה יהוה את משה *
14	וַיַּגֵּ֕שׁ אֵ֖ת פַּ֣ר הַֽחַטָּ֑את וַיִּסְמֹ֨ךְ אַהֲרֹ֤ן וּבָנָיו֙ אֶת־ יְדֵיהֶ֔ם עַל־ רֹ֖אשׁ פַּ֥ר הֽ͏ַחַטָּֽאת׃
	(Lev SP 8,14) ויגיש את פר החטאת ויסמכו אהרן ובניו את ידיהם על ראש פר החטאת
15	וַיִּשְׁחָ֗ט וַיִּקַּ֨ח מֹשֶׁ֤ה אֶת־ הַדָּם֙ וַ֠יִּתֵּן עַל־ קַרְנ֨וֹת הַמִּזְבֵּ֤חַ סָבִיב֙ בְּאֶצְבָּע֔וֹ וַיְחַטֵּ֖א אֶת־ הַמִּזְבֵּ֑חַ וְאֶת־ הַדָּ֗ם יָצַק֙ אֶל־ יְס֣וֹד הַמִּזְבֵּ֔חַ וַֽיְקַדְּשֵׁ֖הוּ לְכַפֵּ֥ר עָלָֽיו׃
	(Lev SP 8,15) וישחט ויקח משה את הדם ויתן על קרנות המזבח סביב באצבעו ויחטא את המזבח ואת הדם יצק אל יסוד המזבח ויקדשהו לכפר עליו
16	וַיִּקַּ֗ח אֶֽת־ כָּל־ הַחֵלֶב֮ אֲשֶׁ֣ר עַל־ הַקֶּרֶב֒ וְאֵת֙ יֹתֶ֣רֶת הַכָּבֵ֔ד וְאֶת־ שְׁתֵּ֥י הַכְּלָיֹ֖ת וְאֶֽת חֶלְבְּהֶ֑ן וַיַּקְטֵ֥ר מֹשֶׁ֖ה הַמִּזְבֵּֽחָה׃
	(Lev SP 8,16) ויקח את כל החלב אשר על הקרב ואת יותרת הכבד ואת שתי הכליות ואת חלביהן ויקטיר משה המזבחה
17	וְאֶת־ הַפָּ֤ר וְאֶת־ עֹרוֹ֙ וְאֶת־ בְּשָׂר֣וֹ וְאֶת־ פִּרְשׁ֔וֹ שָׂרַ֣ף בָּאֵ֔שׁ מִח֖וּץ לַֽמַּחֲנֶ֑ה כַּאֲשֶׁ֛ר צִוָּ֥ה יְהוָ֖ה אֶת־ מֹשֶֽׁה׃
	(Lev SP 8,17) ואת הפר ואת עורו ואת בשרו ואת פרשו שרף באש מחוץ למחנה כאשר צוה יהוה את משה *
18	וַיַּקְרֵ֕ב אֵ֖ת אֵ֣יל הָעֹלָ֑ה וַֽיִּסְמְכ֞וּ אַהֲרֹ֧ן וּבָנָ֛יו אֶת־ יְדֵיהֶ֖ם עַל־ רֹ֥אשׁ הָאָֽיִל׃
	(Lev SP 8,18) ויגיש את איל העלה ויסמכו אהרן ובניו את ידיהם על ראש האיל
19	וַיִּשְׁחָ֑ט וַיִּזְרֹ֨ק מֹשֶׁ֧ה אֶת־ הַדָּ֛ם עַל־ הַמִּזְבֵּ֖חַ סָבִֽיב׃
	(Lev SP 8,19) וישחט ויזרק משה את הדם על המזבח סביב
20	וְאֶת־ הָאַ֔יִל נִתַּ֖ח לִנְתָחָ֑יו וַיַּקְטֵ֤ר מֹשֶׁה֙ אֶת־ הָרֹ֔אשׁ וְאֶת־ הַנְּתָחִ֖ים וְאֶת־ הַפָּֽדֶר׃
	(Lev SP 8,20) ואת האיל נתח לנתחיו ויקטיר משה את הראש ואת הנתחים ואת הפדר
21	וְאֶת־ הַקֶּ֥רֶב וְאֶת־ הַכְּרָעַ֖יִם רָחַ֣ץ בַּמָּ֑יִם וַיַּקְטֵר֩ מֹשֶׁ֨ה אֶת־ כָּל־ הָאַ֜יִל הַמִּזְבֵּ֗חָה עֹלָ֨ה ה֤וּא לְרֵֽיחַ־ נִיחֹ֙חַ֙ אִשֶּׁ֥ה הוּא֙ לַיהוָ֔ה כַּאֲשֶׁ֛ר צִוָּ֥ה יְהוָ֖ה אֶת־ מֹשֶֽׁה׃
	(Lev SP 8,21) ואת הקרב והכרעים רחץ במים ויקטיר משה את כל האיל המזבחה עלה הוא לריח ניחח אשה הוא ליהוה כאשר צוה יהוה את משה *
22	וַיַּקְרֵב֙ אֶת־ הָאַ֣יִל הַשֵּׁנִ֔י אֵ֖יל הַמִּלֻּאִ֑ים וַֽיִּסְמְכ֞וּ אַהֲרֹ֧ן וּבָנָ֛יו אֶת־ יְדֵיהֶ֖ם עַל־ רֹ֥אשׁ הָאָֽיִל׃
	(Lev SP 8,22) ויקריב את איל השני איל המלאים ויסמכו אהרן ובניו את ידיהם על ראש האיל
23	וַיִּשְׁחָ֓ט ׀ וַיִּקַּ֤ח מֹשֶׁה֙ מִדָּמ֔וֹ וַיִּתֵּ֛ן עַל־ תְּנ֥וּךְ אֹֽזֶן־ אַהֲרֹ֖ן הַיְמָנִ֑ית וְעַל־ בֹּ֤הֶן יָדוֹ֙ הַיְמָנִ֔ית וְעַל־ בֹּ֥הֶן רַגְל֖וֹ הַיְמָנִֽית׃
	(Lev SP 8,23) וישחט ויקח משה מדמו ויתן על תנך אזן אהרן הימנית ועל בהון ידו הימנית ועל בהון רגלו הימנית
24	וַיַּקְרֵ֞ב אֶת־ בְּנֵ֣י אַהֲרֹ֗ן וַיִתֵ֨ן מֹשֶׁ֤ה מִן־ הַדָּם֙ עַל־ תְּנ֤וּךְ אָזְנָם֙ הַיְמָנִ֔ית וְעַל־ בֹּ֤הֶן יָדָם֙ הַיְמָנִ֔ית וְעַל־ בֹּ֥הֶן רַגְלָ֖ם הַיְמָנִ֑ית וַיִּזְרֹ֨ק מֹשֶׁ֧ה אֶת־ הַדָּ֛ם עַל־ הֽ͏ַמִּזְבֵּ֖חַ סָבִֽיב׃
	(Lev SP 8,24) ויקריב את בני אהרן ויתן משה מן הדם על תנך אזנם הימנית ועל בהון ידם הימנית ועל בהון רגלם הימנית ויזרק משה את הדם על המזבח סביב
25	וַיִּקַּ֞ח אֶת־ הַחֵ֣לֶב וְאֶת־ הָֽאַלְיָ֗ה וְאֶֽת־ כָּל־ הַחֵלֶב֮ אֲשֶׁ֣ר עַל־ הַקֶּרֶב֒ וְאֵת֙ יֹתֶ֣רֶת הַכָּבֵ֔ד וְאֶת־ שְׁתֵּ֥י הַכְּלָיֹ֖ת וְאֶֽת־ חֶלְבְּהֶ֑ן וְאֵ֖ת שׁ֥וֹק הַיָּמִֽין׃
	(Lev SP 8,25) ויקח את החלב את האליה ואת כל החלב אשר על הקרב ואת יותרת הכבד ואת שתי הכליות ואת חלביהן ואת שוק הימין
26	וּמִסַּ֨ל הַמַּצּ֜וֹת אֲשֶׁ֣ר ׀ לִפְנֵ֣י יְהוָ֗ה לָ֠קַח חַלַּ֨ת מַצָּ֤ה אַחַת֙ וְֽחַלַּ֨ת לֶ֥חֶם שֶׁ֛מֶן אַחַ֖ת וְרָקִ֣יק אֶחָ֑ד וַיָּ֙שֶׂם֙ עַל־ הַ֣חֲלָבִ֔ים וְעַ֖ל שׁ֥וֹק הַיָּמִֽין׃
	(4Q25 frg. 6,1) אח[ת ורקיק אחד וישם על החלבים ועל שוק הימין (Lev SP 8,26) ומסל המצות אשר לפני יהוה לקח חלת מצה אחת וחלת לחם שמן אחת ורקיק אחד וישם על החלבים ועל שוק הימין
27	וַיִּתֵּ֣ן אֶת־ הַכֹּ֔ל עַ֚ל כַּפֵּ֣י אַהֲרֹ֔ן וְעַ֖ל כַּפֵּ֣י בָנָ֑יו וַיָּ֧נֶף אֹתָ֛ם תְּנוּפָ֖ה לִפְנֵ֥י יְהוָֽה׃
	(4Q25 frg. 6,1) ויתן את] (4Q25 frg. 6,2) הכל ע֯[ל כפי אהרן ועל כפי בניו וינף אתם תנופה לפני יהוה (Lev SP 8,27) ויתן את הכל על כפי אהרן ועל כפי בניו וינף אתם תנופה לפני יהוה
28	וַיִקַּ֨ח מֹשֶׁ֤ה אֹתָם֙ מֵעַ֣ל כַּפֵּיהֶ֔ם וַיַּקְטֵ֥ר הַמִּזְבֵּ֖חָה עַל־ הָעֹלָ֑ה מִלֻּאִ֥ים הֵם֙ לְרֵ֣יחַ נִיחֹ֔חַ אִשֶּׁ֥ה ה֖וּא לַיהוָֽה׃
	(4Q25 frg. 6,2) ויקח] (4Q25 frg. 6,3) משה את֯[ם מעל כפיהם ויקטר המזבחה על העלה מלאים הם] (4Q25 frg. 6,4) לריח ניח[ח אשה הוא ליהוה (Lev SP 8,28) ויקח משה אתם מעל כפיהם ויקטיר המזבחה על העלה מלאים הם לריח ניחח אשה « » ליהוה *
29	וַיִקַּ֤ח מֹשֶׁה֙ אֶת־ הֶ֣חָזֶ֔ה וַיְנִיפֵ֥הוּ תְנוּפָ֖ה לִפְנֵ֣י יְהוָ֑ה מֵאֵ֣יל הַמִּלֻּאִ֗ים לְמֹשֶׁ֤ה הָיָה֙ לְמָנָ֔ה כַּאֲשֶׁ֛ר צִוָּ֥ה יְהוָ֖ה אֶת־ מֹשֶֽׁה׃
	(4Q25 frg. 6,4) ויקח משה את החזה ויניפהו תנופה] (Lev SP 8,29) ויקח משה את החזה וינפהו תנופה לפני יהוה מאיל המלאים למשה היה למנה כאשר צוה יהוה את משה
30	וַיִּקַּ֨ח מֹשֶׁ֜ה מִשֶּׁ֣מֶן הַמִּשְׁחָ֗ה וּמִן־ הַדָּם֮ אֲשֶׁ֣ר עַל־ הַמִּזְבֵּחַ֒ וַיַּ֤ז עַֽל־ אַהֲרֹן֙ עַל־ בְּגָדָ֔יו וְעַל־ בָּנָ֛יו וְעַל־ בִּגְדֵ֥י בָנָ֖יו אִתּ֑וֹ וַיְקַדֵּ֤שׁ אֶֽת־ אַהֲרֹן֙ אֶת־ בְּגָדָ֔יו וְאֶת־ בָּנָ֛יו וְאֶת־ בִּגְדֵ֥י בָנָ֖יו אִתּֽוֹ׃
	(Lev SP 8,30) ויקח משה משמן המשחה ומן הדם אשר על המזבח ויז על אהרן ועל בגדיו ועל בניו ועל בגדי בניו אתו ויקדש את אהרן ואת בגדיו ואת בניו ואת בגדי בניו אתו *
31	וַיֹּ֨אמֶר מֹשֶׁ֜ה אֶל־ אַהֲרֹ֣ן וְאֶל־ בָּנָ֗יו בַּשְּׁל֣וּ אֶת־ הַבָּשָׂר֮ פֶּ֣תַח אֹ֣הֶל מוֹעֵד֒ וְשָׁם֙ תֹּאכְל֣וּ אֹת֔וֹ וְאֶ֨ת־ הַלֶּ֔חֶם אֲשֶׁ֖ר בְּסַ֣ל הַמִּלֻּאִ֑ים כַּאֲשֶׁ֤ר צִוֵּ֙יתִי֙ לֵאמֹ֔ר אַהֲרֹ֥ן וּבָנָ֖יו יֹאכְלֻֽהוּ׃
	(Mas1b 1,1) [הבשר פתח אהל מועד ושם תאכלו אתו ואת הלח]ם אשר (Mas1b 1,2) [בסל המלאים כאשר צויתי לאמר אהרן ובניו יא]כ֯ל֯הו (Lev SP 8,31) ויאמר משה אל אהרן ואל בניו בשלו את הבשר פתח אהל מועד במקום הקדש ושם תאכלו אתו ואת הלחם אשר בסל המלאים כאשר צויתי לאמר אהרן ובניו יאכלהו
32	וְהַנּוֹתָ֥ר בַּבָּשָׂ֖ר וּבַלָּ֑חֶם בָּאֵ֖שׁ תִּשְׂרֹֽפוּ׃
	(Mas1b 1,3) [והנותר בבשר ובלחם באש תשרפו (Lev SP 8,32) והנותר בבשר ובלחם באש תשרפו
33	וּמִפֶּתַח֩ אֹ֨הֶל מוֹעֵ֜ד לֹ֤א תֵֽצְאוּ֙ שִׁבְעַ֣ת יָמִ֔ים עַ֚ד י֣וֹם מְלֹ֔את יְמֵ֖י מִלֻּאֵיכֶ֑ם כִּ֚י שִׁבְעַ֣ת יָמִ֔ים יְמַלֵּ֖א אֶת־ יֶדְכֶֽם׃
	(Mas1b 1,3) ומפתח אהל מועד ל]א (Mas1b 1,4) [תצאו שבעת ימים עד יום מלאת ימי מלאיכם כי שבע]ת֯ (Mas1b 1,5) [ימים ימלא את ידכם (Lev SP 8,33) ומפתח אהל מועד לא תצאו שבעת ימים עד יום מלאת ימי מלאיכם כי שבעת ימים ימלא את ידיכם
34	כַּאֲשֶׁ֥ר עָשָׂ֖ה בַּיּ֣וֹם הַזֶּ֑ה צִוָּ֧ה יְהוָ֛ה לַעֲשֹׂ֖ת לְכַפֵּ֥ר עֲלֵיכֶֽם׃
	(Mas1b 1,5) כאשר עשה ביום הזה צוה יהו]ה֯ (Mas1b 1,6) [לעשת לכפר עליכם -- ] (Lev SP 8,34) כאשר עשה ביום הזה צוה יהוה לעשות לכפר עליכם
35	וּפֶתַח֩ אֹ֨הֶל מוֹעֵ֜ד תֵּשְׁב֨וּ יוֹמָ֤ם וָלַ֙יְלָה֙ שִׁבְעַ֣ת יָמִ֔ים וּשְׁמַרְתֶּ֛ם אֶת־ מִשְׁמֶ֥רֶת יְהוָ֖ה וְלֹ֣א תָמ֑וּתוּ כִּי־ כֵ֖ן צֻוֵּֽיתִי׃
	(Lev SP 8,35) ופתח אהל מועד תשבו יומם ולילה שבעת ימים ושמרתם את משמרת יהוה ולא תמותו כי כן צויתי
36	וַיַּ֥עַשׂ אַהֲרֹ֖ן וּבָנָ֑יו אֵ֚ת כָּל־ הַדְּבָרִ֔ים אֲשֶׁר־ צִוָּ֥ה יְהוָ֖ה בְּיַד־ מֹשֶֽׁה׃ ס
	(Lev SP 8,36) ויעש אהרן ובניו את כל הדברים אשר צוה יהוה ביד משה *

9
1	וַיְהִי֙ בַּיּ֣וֹם הַשְּׁמִינִ֔י קָרָ֣א מֹשֶׁ֔ה לְאַהֲרֹ֖ן וּלְבָנָ֑יו וּלְזִקְנֵ֖י יִשְׂרָאֵֽל׃
	(Mas1b 1,9) ויהי ביו]ם הש֯[מיני קרא משה לאהרן] (Mas1b 1,10) [ולבניו ולזקני ישר]אל (Lev SP 9,1) ויהי ביום השמיני קרא משה לאהרן ולבניו ולזקני ישראל
2	וַיֹּ֣אמֶר אֶֽל־ אַהֲרֹ֗ן קַח־ לְ֠ךָ עֵ֣גֶל בֶּן־ בָּקָ֧ר לְחַטָּ֛את וְאַ֥יִל לְעֹלָ֖ה תְּמִימִ֑ם וְהַקְרֵ֖ב לִפְנֵ֥י יְהוָֽה׃
	(Mas1b 1,10) ויאמר [אל אהרן קח לך עגל בן] (Mas1b 1,11) [בקר לחט]א֯ת ו֯איל לעלה [תמי]מם ו[הקרב לפני יהוה (Lev SP 9,2) ויאמר אל אהרן קח לך עגל בן בקר לחטאת ואיל לעלה תמימם והקריב לפני יהוה
3	וְאֶל־ בְּנֵ֥י יִשְׂרָאֵ֖ל תְּדַבֵּ֣ר לֵאמֹ֑ר קְח֤וּ שְׂעִיר־ עִזִּים֙ לְחַטָּ֔את וְעֵ֨גֶל וָכֶ֧בֶשׂ בְּנֵי־ שָׁנָ֛ה תְּמִימִ֖ם לְעֹלָֽה׃
	(Mas1b 1,11) ואל] (Mas1b 1,12) [בני ישרא]ל תדב[ר] לאמר֯ [קחו] שעיר עזים ל֯[חטאת] (Mas1b 1,13) [ועגל וכב]ש֯ בני ש֯[נה תמי]מ֯ם֯ [לעל]ה (Lev SP 9,3) ואל זקני ישראל תדבר לאמר קחו שעיר עזים לחטאת ועגל וכבש בני שנה תמימם לעלה
4	וְשׁ֨וֹר וָאַ֜יִל לִשְׁלָמִ֗ים לִזְבֹּ֙חַ֙ לִפְנֵ֣י יְהוָ֔ה וּמִנְחָ֖ה בְּלוּלָ֣ה בַשָּׁ֑מֶן כִּ֣י הַיּ֔וֹם יְהוָ֖ה נִרְאָ֥ה אֲלֵיכֶֽם׃
	(Mas1b 1,13) ושור וא֯[יל לשלמים] (Mas1b 1,14) [לזבח לפני י]הוה ו[מנחה] ב֯לולה בשמן כי היום יהוה [נראה] (Mas1b 1,15) [אליכם (Lev SP 9,4) ושור ואיל לשלמים לזבח לפני יהוה ומנחה בלולה בשמן כי היום יהוה נראה אליכם
5	וַיִּקְח֗וּ אֵ֚ת אֲשֶׁ֣ר צִוָּ֣ה מֹשֶׁ֔ה אֶל־ פְּנֵ֖י אֹ֣הֶל מוֹעֵ֑ד וַֽיִּקְרְבוּ֙ כָּל־ הָ֣עֵדָ֔ה וַיַּֽעַמְד֖וּ לִפְנֵ֥י יְהוָֽה׃
	(Mas1b 1,15) ויקחו את אשר צוה משה] א֯ל פני אהל מ֯ו֯עד [ויקרבו] (Mas1b 1,16) [כל העדה ויעמדו לפני יהוה (Lev SP 9,5) ויקחו את אשר צוה משה לפני אהל מועד ויקרבו כל העדה ויעמדו לפני יהוה
6	וַיֹּ֣אמֶר מֹשֶׁ֔ה זֶ֧ה הַדָּבָ֛ר אֲשֶׁר־ צִוָּ֥ה יְהוָ֖ה תַּעֲשׂ֑וּ וְיֵרָ֥א אֲלֵיכֶ֖ם כְּב֥וֹד יְהוָֽה׃
	(Mas1b 1,16) ויאמר מש]ה זה הד[בר אשר] (Mas1b 1,17) [צוה יהוה תעשו וירא אליכם כבוד יהוה (Lev SP 9,6) ויאמר משה זה הדבר אשר צוה יהוה תעשון ויראה אליכם כבוד יהוה *
7	וַיֹּ֨אמֶר מֹשֶׁ֜ה אֶֽל־ אַהֲרֹ֗ן קְרַ֤ב אֶל־ הַמִּזְבֵּ֙חַ֙ וַעֲשֵׂ֞ה אֶת־ חַטָּֽאתְךָ֙ וְאֶת־ עֹ֣לָתֶ֔ךָ וְכַפֵּ֥ר בַּֽעַדְךָ֖ וּבְעַ֣ד הָעָ֑ם וַעֲשֵׂ֞ה אֶת־ קָרְבַּ֤ן הָעָם֙ וְכַפֵּ֣ר בּֽ͏ַעֲדָ֔ם כַּאֲשֶׁ֖ר צִוָּ֥ה יְהוָֽה׃
	(Mas1b 1,17) ויאמר משה] (Mas1b 1,18) [אל אהרן קר]ב֯ א֯[ל המזבח ועשה את חטא]ת֯ך֯ [ואת עלתך וכפר] (Mas1b 1,19) [בעדך ובעד] העם וע֯[שה] את [קרבן] העם וכפ֯[ר] בעדם (Mas1b 1,20) [כאשר צוה יהו]ה (Lev SP 9,7) ויאמר משה אל אהרן קרב אל המזבח ועשה את חטאתך ואת עלתך וכפר בעדך ובעד העם ועשה את קרבן העם וכפר בעדם כאשר צוה יהוה
8	וַיִּקְרַ֥ב אַהֲרֹ֖ן אֶל־ הַמִּזְבֵּ֑חַ וַיִּשְׁחַ֛ט אֶת־ עֵ֥גֶל הַחַטָּ֖את אֲשֶׁר־ לֽוֹ׃
	(Mas1b 1,20) ויקרב אהרן אל המז[ב]ח וישחט את עגל (Mas1b 1,21) [החטאת אש]ר֯ לו (Lev SP 9,8) ויקרב אהרן אל המזבח וישחט את עגל החטאת אשר לו
9	וַ֠יַּקְרִבוּ בְּנֵ֨י אַהֲרֹ֣ן אֶת־ הַדָּם֮ אֵלָיו֒ וַיִּטְבֹּ֤ל אֶצְבָּעוֹ֙ בַּדָּ֔ם וַיִּתֵּ֖ן עַל־ קַרְנ֣וֹת הַמִּזְבֵּ֑חַ וְאֶת־ הַדָּ֣ם יָצַ֔ק אֶל־ יְס֖וֹד הַמִּזְבֵּֽחַ׃
	(Mas1b 1,21) ויקרבו ב[ני אהרן את הדם אל]יו וי[טב]ל אצבעו (Mas1b 1,22) [בדם ויתן על קרנו]ת ה֯[מ]ז֯בח ו֯[את הדם יצק אל יסוד המזבח ] (Lev SP 9,9) ויקריבו בני אהרן את הדם אליו ויטבל אצבעו בדם ויתן על קרנות המזבח ואת הדם יצק אל יסוד המזבח
10	וְאֶת־ הַחֵ֨לֶב וְאֶת־ הַכְּלָיֹ֜ת וְאֶת־ הַיֹּתֶ֤רֶת מִן־ הַכָּבֵד֙ מִן־ הַ֣חַטָּ֔את הִקְטִ֖יר הַמִּזְבֵּ֑חָה כַּאֲשֶׁ֛ר צִוָּ֥ה יְהוָ֖ה אֶת־ מֹשֶֽׁה׃
	(Mas1b 1,23) [ואת החלב ואת הכ]לית [ואת היתרת מן הכבד מן החטאת ה]קטיר (Mas1b 1,24) [המזבחה כאשר צוה יהוה את משה -- ] (Lev SP 9,10) ואת החלב ואת הכליות ואת היותרת מן הכבד מן החטאת הקטיר המזבחה כאשר צוה יהוה את משה
11	וְאֶת־ הַבָּשָׂ֖ר וְאֶת־ הָע֑וֹר שָׂרַ֣ף בָּאֵ֔שׁ מִח֖וּץ לַֽמַּחֲנֶֽה׃
	(Lev SP 9,11) ואת הבשר ואת העור שרף באש מחוץ למחנה *
12	וַיִּשְׁחַ֖ט אֶת־ הָעֹלָ֑ה וַ֠יַּמְצִאוּ בְּנֵ֨י אַהֲרֹ֤ן אֵלָיו֙ אֶת־ הַדָּ֔ם וַיִּזְרְקֵ֥הוּ עַל־ הַמִּזְבֵּ֖חַ סָבִֽיב׃
	(Mas1b 1,25) וישחט את העלה וימצאו בני] (Mas1b 2,1) א֯ה֯[ר]ן [אליו א]ת ה[דם ויזרקהו על המזבח סביב (Lev SP 9,12) וישחט את העלה וימציאו בני אהרן אליו את הדם ויזרקהו על המזבח סביב
13	וְאֶת־ הָעֹלָ֗ה הִמְצִ֧יאוּ אֵלָ֛יו לִנְתָחֶ֖יהָ וְאֶת־ הָרֹ֑אשׁ וַיַּקְטֵ֖ר עַל־ הַמִּזְבֵּֽחַ׃
	(Mas1b 2,1) ואת העלה] (Mas1b 2,2) [המצ]יאו אליו [לנתחיה ואת הראש ויקטר על המזבח (Lev SP 9,13) ואת העלה המציאו אליו לנתחיה ואת הראש ויקטיר המזבחה
14	וַיִּרְחַ֥ץ אֶת־ הַקֶּ֖רֶב וְאֶת־ הַכְּרָעָ֑יִם וַיַּקְטֵ֥ר עַל־ הָעֹלָ֖ה הַמִּזְבֵּֽחָה׃
	(Mas1b 2,2) וירחץ] (Mas1b 2,3) [את הקרב ואת הכרעים ויקטר על העלה המזבחה (Lev SP 9,14) וירחץ את הקרב ואת הכרעים ויקטר על העלה המזבחה
15	וַיַּקְרֵ֕ב אֵ֖ת קָרְבַּ֣ן הָעָ֑ם וַיִּקַּ֞ח אֶת־ שְׂעִ֤יר הַֽחַטָּאת֙ אֲשֶׁ֣ר לָעָ֔ם וַיִּשְׁחָטֵ֥הוּ וַֽיְחַטְּאֵ֖הוּ כָּרִאשֽׁוֹן׃
	(Mas1b 2,3) ויקרב] (Mas1b 2,4) [את קרבן העם ויקח את שעיר החטאת אשר לעם וישחטהו] (Mas1b 2,5) [ויחטאהו כראשון -- ] (Lev SP 9,15) ויקריב את קרבן העם ויקח את שעיר החטאת אשר לעם וישחטהו ויחטאהו כראישון
16	וַיַּקְרֵ֖ב אֶת־ הָעֹלָ֑ה וַֽיַּעֲשֶׂ֖הָ כַּמִּשְׁפָּֽט׃
	(Lev SP 9,16) ויקריב את העלה ויעשה כמשפט
17	וַיַּקְרֵב֮ אֶת־ הַמִּנְחָה֒ וַיְמַלֵּ֤א כַפּוֹ֙ מִמֶּ֔נָּה וַיַּקְטֵ֖ר עַל־ הַמִּזְבֵּ֑חַ מִלְּבַ֖ד עֹלַ֥ת הַבֹּֽקֶר׃
	(Lev SP 9,17) ויקריב את המנחה וימלא כפיו ממנה ויקטר על המזבח מלבד עלת הבקר
18	וַיִּשְׁחַ֤ט אֶת־ הַשּׁוֹר֙ וְאֶת־ הָאַ֔יִל זֶ֥בַח הַשְּׁלָמִ֖ים אֲשֶׁ֣ר לָעָ֑ם וַ֠יַּמְצִאוּ בְּנֵ֨י אַהֲרֹ֤ן אֶת־ הַדָּם֙ אֵלָ֔יו וַיִּזְרְקֵ֥הוּ עַל־ הַמִּזְבֵּ֖חַ סָבִֽיב׃
	(Lev SP 9,18) וישחט את השור ואת האיל זבח השלמים אשר לעם וימציאו בני אהרן את הדם אליו ויזרקהו על המזבח סביב
19	וְאֶת־ הַחֲלָבִ֖ים מִן־ הַשּׁ֑וֹר וּמִן־ הָאַ֔יִל הָֽאַלְיָ֤ה וְהַֽמְכַסֶּה֙ וְהַכְּלָיֹ֔ת וְיֹתֶ֖רֶת הַכָּבֵֽד׃
	(Lev SP 9,19) ואת החלבים מן השור ומן האיל האליה והמכסה והכליות ויותרת הכבד
20	וַיָּשִׂ֥ימוּ אֶת־ הַחֲלָבִ֖ים עַל־ הֶחָז֑וֹת וַיַּקְטֵ֥ר הַחֲלָבִ֖ים הַמִּזְבֵּֽחָה׃
	(Lev SP 9,20) וישם את החלבים על החזות ויקטר החלבים המזבחה
21	וְאֵ֣ת הֶחָז֗וֹת וְאֵת֙ שׁ֣וֹק הַיָּמִ֔ין הֵנִ֧יף אַהֲרֹ֛ן תְּנוּפָ֖ה לִפְנֵ֣י יְהוָ֑ה כַּאֲשֶׁ֖ר צִוָּ֥ה מֹשֶֽׁה׃
	(Lev SP 9,21) ואת החזות ואת שוק הימין הניף אהרן תנופה לפני יהוה כאשר צוה יהוה את משה *
22	וַיִּשָּׂ֨א אַהֲרֹ֧ן אֶת־ ידו (יָדָ֛יו) אֶל־ הָעָ֖ם וַֽיְבָרְכֵ֑ם וַיֵּ֗רֶד מֵעֲשֹׂ֧ת הַֽחַטָּ֛את וְהָעֹלָ֖ה וְהַשְּׁלָמִֽים׃
	(Mas1b 2,12) וישא אהרן את ידו אל העם ויברכם וירד] (Mas1b 2,13) [מע]שת הח[טאת והעלה והשלמים (Lev SP 9,22) וישא אהרן את ידו על העם ויברכם וירד מעשות החטאת והעלה והשלמים
23	וַיָּבֹ֨א מֹשֶׁ֤ה וְאַהֲרֹן֙ אֶל־ אֹ֣הֶל מוֹעֵ֔ד וַיֵּ֣צְא֔וּ וַֽיְבָרֲכ֖וּ אֶת־ הָעָ֑ם וַיֵּרָ֥א כְבוֹד־ יְהוָ֖ה אֶל־ כָּל־ הָעָֽם׃
	(11Q2 frg. 2,1) ויצאו ויברכו ]את כו[ל ]ה֯עם[ וירא כבוד יהוה] (11Q2 frg. 2,2) [אל כול העם (Mas1b 2,13) ויבא משה ואהרן אל] (Mas1b 2,14) [א]הל מועד ויצא֯[ו ויברכו את העם וירא כבוד יהוה אל כל] (Mas1b 2,15) העם (Lev SP 9,23) ויבא משה ואהרן אל אהל מועד ויצאו ויברכו את העם ויראה כבוד יהוה אל כל העם
24	וַתֵּ֤צֵא אֵשׁ֙ מִלִּפְנֵ֣י יְהוָ֔ה וַתֹּ֙אכַל֙ עַל־ הַמִּזְבֵּ֔חַ אֶת־ הָעֹלָ֖ה וְאֶת־ הַחֲלָבִ֑ים וַיַּ֤רְא כָּל־ הָעָם֙ וַיָּרֹ֔נּוּ וַֽיִּפְּל֖וּ עַל־ פְּנֵיהֶֽם׃
	(11Q2 frg. 2,2) ותצ]א אש מלפנ֯י יהוה[ ותאכל על] (11Q2 frg. 2,3) [המזבח את העו]לה ואת החלב השלמ[ים וירא כול] (11Q2 frg. 2,4) [העם וירנו ויפולו ]על פניהם (Mas1b 2,15) ותצא אש [מלפני יהוה ותאכל על המזבח את] (Mas1b 2,16) העלה [ו]א֯ת֯ ה֯[חלבים וירא כל העם וירנו ויפלו על פניהם ] (Lev SP 9,24) ותצא אש מלפני יהוה ותאכל על המזבח את העלה ואת החלבים ויראו כל העם וירנו ויפלו על פניהם

10
1	וַיִּקְח֣וּ בְנֵֽי־ אַ֠הֲרֹן נָדָ֨ב וַאֲבִיה֜וּא אִ֣ישׁ מַחְתָּת֗וֹ וַיִתְּנ֤וּ בָהֵן֙ אֵ֔שׁ וַיָּשִׂ֥ימוּ עָלֶ֖יהָ קְטֹ֑רֶת וַיַּקְרִ֜בוּ לִפְנֵ֤י יְהוָה֙ אֵ֣שׁ זָרָ֔ה אֲשֶׁ֧ר לֹ֦א צִוָּ֖ה אֹתָֽם׃
	(11Q2 frg. 2,4) ויקחו ש֯[ני בני אהרון] (11Q2 frg. 2,5) [נדב ואביהוא א]יש מחתתו ויתנו בה[ן אש וישימו] (11Q2 frg. 2,6) [עליה קטורת ו]יקריבו לפני יהו[ה אש זרה אשר] (11Q2 frg. 2,7) [לוא צוה יהו]ה אותם (Mas1b 2,17) [ו]יק֯[חו בני אהרן נדב ואביהוא איש מחתתו ויתנו בהן אש] (Mas1b 2,18) [וישימו עליה קטרת ויקרבו לפני יהוה אש זרה אשר לא] (Mas1b 2,19) [צוה אתם -- ] (Lev SP 10,1) ויקחו בני אהרן נדב ואביהוא איש מחתתו ויתנו בהן אש וישמו עליהן קטרת ויקרבו לפני יהוה אש זרה אשר לא צוה אתם
2	וַתֵּ֥צֵא אֵ֛שׁ מִלִּפְנֵ֥י יְהוָ֖ה וַתֹּ֣אכַל אוֹתָ֑ם וַיָּמֻ֖תוּ לִפְנֵ֥י יְהוָֽה׃
	(11Q2 frg. 2,7) ותצא[ אש מלפני יהוה] (11Q2 frg. 2,8) [ותאוכל אותם וימותו ]ל[פני יהוה ] (Lev SP 10,2) ותצא אש מלפני יהוה ותאכל אתם וימתו לפני יהוה *
3	וַיֹּ֨אמֶר מֹשֶׁ֜ה אֶֽל־ אַהֲרֹ֗ן הוּא֩ אֲשֶׁר־ דִּבֶּ֨ר יְהוָ֤ה ׀ לֵאמֹר֙ בִּקְרֹבַ֣י אֶקָּדֵ֔שׁ וְעַל־ פְּנֵ֥י כָל־ הָעָ֖ם אֶכָּבֵ֑ד וַיִּדֹּ֖ם אַהֲרֹֽן׃
	(Lev SP 10,3) ויאמר משה אל אהרן הוא אשר דבר יהוה לאמר בקריבי אקדש ועל פני כל העם אכבד וידם אהרן
4	וַיִּקְרָ֣א מֹשֶׁ֗ה אֶל־ מִֽישָׁאֵל֙ וְאֶ֣ל אֶלְצָפָ֔ן בְּנֵ֥י עֻזִּיאֵ֖ל דֹּ֣ד אַהֲרֹ֑ן וַיֹּ֣אמֶר אֲלֵהֶ֗ם קִ֠רְב֞וּ שְׂא֤וּ אֶת־ אֲחֵיכֶם֙ מֵאֵ֣ת פְּנֵי־ הַקֹּ֔דֶשׁ אֶל־ מִח֖וּץ לַֽמַּחֲנֶֽה׃
	(11Q1 frg. B,1) [ואל אלצפנ בני ע]ז[יאל דד א]הר[נ ויאמר אלהמ קרבו שאו את אחיכמ מאת] (11Q1 frg. B,2) [פני הקדש אל מחו]צ למח[נה (Lev SP 10,4) ויקרא משה אל מישאל ואל אליצפן בני עזיאל דד אהרן ויאמר אליהם קרבו שאו את אחיכם מאת פני הקדש אל מחוץ למחנה
5	וַֽיִּקְרְב֗וּ וַיִּשָּׂאֻם֙ בְּכֻתֳּנֹתָ֔ם אֶל־ מִח֖וּץ לַֽמַּחֲנֶ֑ה כַּאֲשֶׁ֖ר דִּבֶּ֥ר מֹשֶֽׁה׃
	(11Q1 frg. B,2) וי]קרבו ו[ישאמ בכתנתמ אל מחוצ למחנה] (11Q1 frg. B,3) [כאשר דבר משה (Lev SP 10,5) ויקרבו וישאו אתם בכיתנותם אל מחוץ למחנה כאשר דבר משה *
6	וַיֹּ֣אמֶר מֹשֶׁ֣ה אֶֽל־ אַהֲרֹ֡ן וּלְאֶלְעָזָר֩ וּלְאִֽיתָמָ֨ר ׀ בָּנָ֜יו רֽ͏ָאשֵׁיכֶ֥ם אַל־ תִּפְרָ֣עוּ ׀ וּבִגְדֵיכֶ֤ם לֹֽא־ תִפְרֹ֙מוּ֙ וְלֹ֣א תָמֻ֔תוּ וְעַ֥ל כָּל־ הָעֵדָ֖ה יִקְצֹ֑ף וַאֲחֵיכֶם֙ כָּל־ בֵּ֣ית יִשְׂרָאֵ֔ל יִבְכּוּ֙ אֶת־ הַשְּׂרֵפָ֔ה אֲשֶׁ֖ר שָׂרַ֥ף יְהוָֽה׃
	(11Q1 frg. B,3) ויאמר משה אל אהרנ ו]לאלעזר ולאית[מר בניו ראשיכמ] (11Q1 frg. B,4) [אל תפרעו ובגדיכמ לא תפרמו ולא תמתו] ועל כל העדה יקצ[פ ואחיכמ] (11Q1 frg. B,5) [כל בית ישראל יבכו את השרפה אשר שרפ יהוה (Lev SP 10,6) ויאמר משה אל אהרן ואל אלעזר ואל איתמר בניו ראשיכם לא תפרעו ובגדיכם לא תפרמו ולא תמותו ועל כל העדה יקצף ואחיכם כל בית ישראל יבכו את השרפה אשר שרף יהוה
7	וּמִפֶּתַח֩ אֹ֨הֶל מוֹעֵ֜ד לֹ֤א תֵֽצְאוּ֙ פֶּן־ תָּמֻ֔תוּ כִּי־ שֶׁ֛מֶן מִשְׁחַ֥ת יְהוָ֖ה עֲלֵיכֶ֑ם וַֽיַּעֲשׂ֖וּ כִּדְבַ֥ר מֹשֶֽׁה׃ פ
	(11Q1 frg. B,5) ופתח אהל מועד ל[א] (Lev SP 10,7) ומפתח אהל מועד לא תצאו פן תמותון כי שמן משחת יהוה עליכם ויעשו כדבר משה *
8	וַיְדַבֵּ֣ר יְהוָ֔ה אֶֽל־ אַהֲרֹ֖ן לֵאמֹֽר׃
	(Mas1b 3,5) [וידבר יהוה אל אהרן לאמר] (Lev SP 10,8) וידבר יהוה אל אהרן לאמר
9	יַ֣יִן וְשֵׁכָ֞ר אַל־ תֵּ֣שְׁתְּ ׀ אַתָּ֣ה ׀ וּבָנֶ֣יךָ אִתָּ֗ךְ בְּבֹאֲכֶ֛ם אֶל־ אֹ֥הֶל מוֹעֵ֖ד וְלֹ֣א תָמֻ֑תוּ חֻקַּ֥ת עוֹלָ֖ם לְדֹרֹתֵיכֶֽם׃
	(Mas1b 3,5) י֯ין ושכ[ר א]ל֯ תשת אתה ו֯[בנ]י֯ך (Mas1b 3,6) [אתך בבאכם אל אהל מוע]ד ולא תמתו חקת עולם לדרתיכם (Lev SP 10,9) יין ושכר אל תשתה אתה ובניך אתך בבאכם אל אהל מועד ולא תמותו חקת עולם לדרותיכם
10	וּֽלֲהַבְדִּ֔יל בֵּ֥ין הַקֹּ֖דֶשׁ וּבֵ֣ין הַחֹ֑ל וּבֵ֥ין הַטָּמֵ֖א וּבֵ֥ין הַטָּהֽוֹר׃
	(Mas1b 3,7) [ולהבדיל בין הק]ד֯ש ובין החל ובין הטמא ובין [הט]ה֯ור (Lev SP 10,10) להבדיל בין הקדש ובין החל ובין הטמא ובין הטהור
11	וּלְהוֹרֹ֖ת אֶת־ בְּנֵ֣י יִשְׂרָאֵ֑ל אֵ֚ת כָּל־ הַ֣חֻקִּ֔ים אֲשֶׁ֨ר דִּבֶּ֧ר יְהוָ֛ה אֲלֵיהֶ֖ם בְּיַד־ מֹשֶֽׁה׃ פ
	(Mas1b 3,8) [ולהורת א]ת֯ בנ[י] ישראל את כל החקים [אשר] ד֯ב֯[ר יהוה] (Mas1b 3,9) [אליהם ביד מ]ש֯ה֯ (Lev SP 10,11) ולהורות את בני ישראל את כל החקים אשר דבר יהוה אליהם ביד משה *
12	וַיְדַבֵּ֨ר מֹשֶׁ֜ה אֶֽל־ אַהֲרֹ֗ן וְאֶ֣ל אֶ֠לְעָזָר וְאֶל־ אִ֨יתָמָ֥ר ׀ בָּנָיו֮ הַנּֽוֹתָרִים֒ קְח֣וּ אֶת־ הַמִּנְחָ֗ה הַנּוֹתֶ֙רֶת֙ מֵאִשֵּׁ֣י יְהוָ֔ה וְאִכְל֥וּהָ מַצּ֖וֹת אֵ֣צֶל הַמִּזְבֵּ֑חַ כִּ֛י קֹ֥דֶשׁ קָֽדָשִׁ֖ים הִֽוא׃
	(Mas1b 3,10) [וידבר משה אל אהרן ואל אלעזר ו]אל איתמר בניו ה[נותרים] (Mas1b 3,11) [קחו את המנחה הנותרת מאשי יה]וה ואכלוה מ[צות אצל] (Mas1b 3,12) [המזבח כי קדש קדשים הוא (Lev SP 10,12) וידבר משה אל אהרן ואל אלעזר ואל איתמר בניו הנותרים קחו את המנחה הנותרת מאשי יהוה ואכלוה מצות אצל המזבח כי קדש קדשים היא
13	וַאֲכַלְתֶּ֤ם אֹתָהּ֙ בְּמָק֣וֹם קָדֹ֔שׁ כִּ֣י חָקְךָ֤ וְחָק־ בָּנֶ֙יךָ֙ הִ֔וא מֵאִשֵּׁ֖י יְהוָ֑ה כִּי־ כֵ֖ן צֻוֵּֽיתִי׃
	(Mas1b 3,12) ואכ]ל֯תם אתה ב[מקום קדוש כי] (Mas1b 3,13) [חקך וחק בניך הוא מאשי יהו]ה כי כן צ[ויתי (Lev SP 10,13) ואכלתם אתה במקום קדוש כי חקך וחק בניך היא מאשי יהוה כי כן צויתי
14	וְאֵת֩ חֲזֵ֨ה הַתְּנוּפָ֜ה וְאֵ֣ת ׀ שׁ֣וֹק הַתְּרוּמָ֗ה תֹּֽאכְלוּ֙ בְּמָק֣וֹם טָה֔וֹר אַתָּ֕ה וּבָנֶ֥יךָ וּבְנֹתֶ֖יךָ אִתָּ֑ךְ כִּֽי־ חָקְךָ֤ וְחָק־ בָּנֶ֙יךָ֙ נִתְּנ֔וּ מִזִּבְחֵ֥י שַׁלְמֵ֖י בְּנֵ֥י יִשְׂרָאֵֽל׃
	(Mas1b 3,13) ואת חזה] (Mas1b 3,14) [התנופה ואת שוק התרומה תאכלו במקום טהור אתה] ו[בניך] (Mas1b 3,15) [ובנתיך אתך כי חקך וחק בניך נתנו מזבחי שלמי] בני (Mas1b 3,16) [ישראל (Lev SP 10,14) ואת חזה התנופה ואת שוק התרומה תאכלו במקום טהור אתה ובניך ובנתיך אתך כי חקך וחק בניך נתנו מזבחי שלמי בני ישראל
15	שׁ֣וֹק הַתְּרוּמָ֞ה וַחֲזֵ֣ה הַתְּנוּפָ֗ה עַ֣ל אִשֵּׁ֤י הַחֲלָבִים֙ יָבִ֔יאוּ לְהָנִ֥יף תְּנוּפָ֖ה לִפְנֵ֣י יְהוָ֑ה וְהָיָ֨ה לְךָ֜ וּלְבָנֶ֤יךָ אִתְּךָ֙ לְחָק־ עוֹלָ֔ם כַּאֲשֶׁ֖ר צִוָּ֥ה יְהוָֽה׃
	(Mas1b 3,16) שוק התרומה וחזה] התנו[פה] על [אשי החל]בים (Mas1b 3,17) [יביאו להניף תנופה לפני יה]וה והיה לך ולבניך [אתך] לחק (Mas1b 3,18) [עולם כאשר צוה יהוה (Lev SP 10,15) שוק התרומה וחזה התנופה על אשי החלבים יביאו להניף תנופה לפני יהוה והיה לך ולבניך ולבנתיך אתך לחק עולם כאשר צוה יהוה *
16	וְאֵ֣ת ׀ שְׂעִ֣יר הַֽחַטָּ֗את דָּרֹ֥שׁ דָּרַ֛שׁ מֹשֶׁ֖ה וְהִנֵּ֣ה שֹׂרָ֑ף וַ֠יִּקְצֹף עַל־ אֶלְעָזָ֤ר וְעַל־ אִֽיתָמָר֙ בְּנֵ֣י אַהֲרֹ֔ן הַנּוֹתָרִ֖ם לֵאמֹֽר׃
	(Mas1b 3,18) ו]את שעיר החטאת דר[ש דרש משה] (Mas1b 3,19) [והנה שרף ויקצף] על אלעז[ר ו]ע֯ל איתמר בנ֯[י אהרן] (Mas1b 3,20) [הנות]רים ל֯אמר (Lev SP 10,16) ואת שעיר החטאת דרש דרש משה והנה שרוף ויקצף על אלעזר ועל איתמר בני אהרן הנותרים לאמר
17	מַדּ֗וּעַ לֹֽא־ אֲכַלְתֶּ֤ם אֶת־ הַֽחַטָּאת֙ בִּמְק֣וֹם הַקֹּ֔דֶשׁ כִּ֛י קֹ֥דֶשׁ קָֽדָשִׁ֖ים הִ֑וא וְאֹתָ֣הּ ׀ נָתַ֣ן לָכֶ֗ם לָשֵׂאת֙ אֶת־ עֲוֺ֣ן הָעֵדָ֔ה לְכַפֵּ֥ר עֲלֵיהֶ֖ם לִפְנֵ֥י יְהוָֽה׃
	(Mas1b 3,20) מדוע לא אכלתם א[ת הח]טאת ב֯מ֯קום ה[קדש כי] (Mas1b 3,21) [קד]ש קדשים היא (הוא) ואתה נתן לכם לשא֯ת את עו[ן העדה לכפר] (Mas1b 3,22) [עלי]ה֯ם֯ לפני יהוה (Lev SP 10,17) מדוע לא אכלתם את החטאת במקום הקדש כי קדש קדשים היא ואתה נתן לכם לשאת את עון העדה לכפר עליהם לפני יהוה
18	הֵ֚ן לֹא־ הוּבָ֣א אֶת־ דָּמָ֔הּ אֶל־ הַקֹּ֖דֶשׁ פְּנִ֑ימָה אָכ֨וֹל תֹּאכְל֥וּ אֹתָ֛הּ בַּקֹּ֖דֶשׁ כַּאֲשֶׁ֥ר צִוֵּֽיתִי׃
	(Mas1b 3,22) הן֯ לא֯ [הוב]א את דמה אל ה[קדש פנימה] (Mas1b 3,23) [אכו]ל֯ [תאכלו אתה בקדש כאשר צוית]י (Lev SP 10,18) הן לא הובא את דמה אל הקדש פנימה אכל תאכלו אתה בקדש כאשר צויתי
19	וַיְדַבֵּ֨ר אַהֲרֹ֜ן אֶל־ מֹשֶׁ֗ה הֵ֣ן הַ֠יּוֹם הִקְרִ֨יבוּ אֶת־ חַטָּאתָ֤ם וְאֶת־ עֹֽלָתָם֙ לִפְנֵ֣י יְהוָ֔ה וַתִּקְרֶ֥אנָה אֹתִ֖י כָּאֵ֑לֶּה וְאָכַ֤לְתִּי חַטָּאת֙ הַיּ֔וֹם הַיִּיטַ֖ב בְּעֵינֵ֥י יְהוָֽה׃
	(Mas1b 3,23) וידבר אה[רן אל משה] (Mas1b 3,24) [הן היום ה]קרי[בו את חטאתם ואת עלתם לפנ]י֯ יהוה ו֯ת֯[קראנה] (Mas1b 3,25) [אתי כאל]ה ואכלת[י חטאת היום הייטב בעינ]י יה[וה] (Lev SP 10,19) וידבר אהרן אל משה הן היום הקריבו את חטאתם ואת עלתם לפני יהוה ותקראנה אתי כאלה ואכלתי חטאת היום הייטב בעיני יהוה
20	וַיִּשְׁמַ֣ע מֹשֶׁ֔ה וַיִּיטַ֖ב בְּעֵינָֽיו׃ פ
	(Mas1b 3,25) וי֯[שמע] (Mas1b 4,1) [משה וייטב בעיניו ] (Lev SP 10,20) וישמע משה וייטב בעיניו *

11
1	וַיְדַבֵּ֧ר יְהוָ֛ה אֶל־ מֹשֶׁ֥ה וְאֶֽל־ אַהֲרֹ֖ן לֵאמֹ֥ר אֲלֵהֶֽם׃
	(Mas1b 4,2) [וידבר יהוה א]ל מש֯[ה ואל אהרן לאמר אלהם (Lev SP 11,1) וידבר יהוה אל משה ואל אהרן לאמר אליהם
2	דַּבְּר֛וּ אֶל־ בְּנֵ֥י יִשְׂרָאֵ֖ל לֵאמֹ֑ר זֹ֤את הַֽחַיָּה֙ אֲשֶׁ֣ר תֹּאכְל֔וּ מִכָּל־ הַבְּהֵמָ֖ה אֲשֶׁ֥ר עַל־ הָאָֽרֶץ׃
	(Mas1b 4,2) דברו אל בני] (Mas1b 4,3) [ישראל לאמר] ז֯את ה֯חיה א֯[שר תאכלו מכל הבהמה אשר] (Mas1b 4,4) על הא[רץ (Lev SP 11,2) דברו אל בני ישראל לאמר זאת החיה אשר תאכלו מכל הבהמה אשר על הארץ
3	כֹּ֣ל ׀ מַפְרֶ֣סֶת פַּרְסָ֗ה וְשֹׁסַ֤עַת שֶׁ֙סַע֙ פְּרָסֹ֔ת מַעֲלַ֥ת גֵּרָ֖ה בַּבְּהֵמָ֑ה אֹתָ֖הּ תֹּאכֵֽלוּ׃
	(Mas1b 4,4) כל מפרסת] פרסה וש֯[סעת שסע פרסת מעלת] (Mas1b 4,5) גרה בבהמה [אתה] ת֯[אכ]ל֯ו֯ (Lev SP 11,3) כל מפריסת פרסה ושסעת שסע שתי פרסות מעלת גרה בבהמה אתה תאכלו
4	אַ֤ךְ אֶת־ זֶה֙ לֹ֣א תֹֽאכְל֔וּ מִֽמַּעֲלֵי֙ הַגֵּרָ֔ה וּמִמַּפְרִיסֵ֖י הַפַּרְסָ֑ה אֶֽת־ הַ֠גָּמָל כִּֽי־ מַעֲלֵ֨ה גֵרָ֜ה ה֗וּא וּפַרְסָה֙ אֵינֶ֣נּוּ מַפְרִ֔יס טָמֵ֥א ה֖וּא לָכֶֽם׃
	(Mas1b 4,5) אך את [זה לא תאכלו ממעלי] (Mas1b 4,6) [הגר]ה וממפריס[י] ה֯פ֯ר֯[סה] את [הגמל כי מעלה גרה הוא] (Mas1b 4,7) [ופרסה] איננו [מפרי]ס טמ[א הוא לכם (Lev SP 11,4) אך את זה לא תאכלו ממעלי הגרה וממפריסי הפרסה את הגמל כי מעלה גרה הוא ופרסה איננו מפריס טמא הוא לכם
5	וְאֶת־ הַשָּׁפָ֗ן כִּֽי־ מַעֲלֵ֤ה גֵרָה֙ ה֔וּא וּפַרְסָ֖ה לֹ֣א יַפְרִ֑יס טָמֵ֥א ה֖וּא לָכֶֽם׃
	(Mas1b 4,7) ואת השפן כי מעלה] (Mas1b 4,8) [גרה הו]א ופרסה לא [יפריס טמא הוא לכם (Lev SP 11,5) ואת השפן כי מעלה גרה הוא ופרסה לא הפריס טמא הוא לכם
6	וְאֶת־ הָאַרְנֶ֗בֶת כִּֽי־ מַעֲלַ֤ת גֵּרָה֙ הִ֔וא וּפַרְסָ֖ה לֹ֣א הִפְרִ֑יסָה טְמֵאָ֥ה הִ֖וא לָכֶֽם׃
	(Mas1b 4,8) ואת הארנבת] (Mas1b 4,9) [כי מע]לת גרה היא (הוא) ופ֯[רסה לא הפריסה טמאה הוא לכם ] (Lev SP 11,6) ואת הארנבת כי מעלת גרה היא ופרסה לא הפריסה טמאה היא לכם
7	וְאֶת־ הַ֠חֲזִיר כִּֽי־ מַפְרִ֨יס פַּרְסָ֜ה ה֗וּא וְשֹׁסַ֥ע שֶׁ֙סַע֙ פַּרְסָ֔ה וְה֖וּא גֵּרָ֣ה לֹֽא־ יִגָּ֑ר טָמֵ֥א ה֖וּא לָכֶֽם׃
	(Mas1b 4,10) [ואת] החזיר כי מפרי[ס פרסה הוא ושסע שסע פרסה] (Mas1b 4,11) [והוא] גרה לא יגר טמא הוא לכם (Lev SP 11,7) ואת החזיר כי מפריס פרסה הוא ושסע שסע פרסה והוא גרה לא יגור טמא הוא לכם
8	מִבְּשָׂרָם֙ לֹ֣א תֹאכֵ֔לוּ וּבְנִבְלָתָ֖ם לֹ֣א תִגָּ֑עוּ טְמֵאִ֥ים הֵ֖ם לָכֶֽם׃
	(Mas1b 4,11) [מבשרם לא תאכלו ובנבלתם] (Mas1b 4,12) [לא] ת֯געו ט[מאי]ם֯ הם לכם (Lev SP 11,8) מבשרם לא תאכלו ובנבלתם לא תגעו טמאים הם לכם *
9	אֶת־ זֶה֙ תֹּֽאכְל֔וּ מִכֹּ֖ל אֲשֶׁ֣ר בַּמָּ֑יִם כֹּ֣ל אֲשֶׁר־ לוֹ֩ סְנַפִּ֨יר וְקַשְׂקֶ֜שֶׂת בַּמַּ֗יִם בַּיַּמִּ֛ים וּבַנְּחָלִ֖ים אֹתָ֥ם תֹּאכֵֽלוּ׃
	(Mas1b 4,12) [את זה תאכלו מכל אשר] (Mas1b 4,13) [במים כ]ל א[שר לו] ס֯נפיר וק֯ש֯[קשת במים בימים ובנחלים] (Mas1b 4,14) [א]ת֯ם ת֯[א]כלו (Lev SP 11,9) ואת זה תאכלו מכל אשר במים כל אשר לו סנפיר וקשקשת במים בימים ובנחלים אתם תאכלו
10	וְכֹל֩ אֲשֶׁ֨ר אֵֽין־ ל֜וֹ סְנַפִּ֣יר וְקַשְׂקֶ֗שֶׂת בַּיַּמִּים֙ וּבַנְּחָלִ֔ים מִכֹּל֙ שֶׁ֣רֶץ הַמַּ֔יִם וּמִכֹּ֛ל נֶ֥פֶשׁ הַחַיָּ֖ה אֲשֶׁ֣ר בַּמָּ֑יִם שֶׁ֥קֶץ הֵ֖ם לָכֶֽם׃
	(1Q3 frg. 1,1) ]וכל א[שר ]א֯ין לו סנפי֯[ר וקשקשת] (1Q3 frg. 1,2) [בימים ובנחלים מכ]ל[ ]שרץ֯ המים ומכל[ נפש החיה אשר] (1Q3 frg. 1,3) [במים שקץ הם לכם (Mas1b 4,14) [וכל אשר אין לו סנפיר וקשקשת בימים ובנחלים] (Mas1b 4,15) מכל֯ [שרץ] המים [ומכל נפש החיה אשר במים שקץ הם] (Mas1b 4,16) ל[כ]ם (Lev SP 11,10) וכל אשר אין לו סנפיר וקשקשת במים בימים ובנחלים מכל שרץ המים ומכל נפש החיה אשר במים שקץ הם לכם
11	וְשֶׁ֖קֶץ יִהְי֣וּ לָכֶ֑ם מִבְּשָׂרָם֙ לֹ֣א תֹאכֵ֔לוּ וְאֶת־ נִבְלָתָ֖ם תְּשַׁקֵּֽצוּ׃
	(1Q3 frg. 1,3) ושקץ יהיו לכ]ם֯ מב[שרם לא תאכלו] (Mas1b 4,16) ושקץ יהיו [לכ]ם מבשרם [לא תאכלו ואת נבלתם תשקצו ] (Lev SP 11,11) ושקץ יהיו לכם מבשרם לא תאכלו ואת נבלתם תשקצו
12	כֹּ֣ל אֲשֶׁ֥ר אֵֽין־ ל֛וֹ סְנַפִּ֥יר וְקַשְׂקֶ֖שֶׂת בַּמָּ֑יִם שֶׁ֥קֶץ ה֖וּא לָכֶֽם׃
	(Mas1b 4,17) [כ]ל אשר אין לו סנפיר וקשקשת במים [שקץ הוא לכם ] (Lev SP 11,12) וכל אשר אין לו סנפיר וקשקשת במים שקץ הוא לכם *
13	וְאֶת־ אֵ֙לֶּה֙ תְּשַׁקְּצ֣וּ מִן־ הָע֔וֹף לֹ֥א יֵאָכְל֖וּ שֶׁ֣קֶץ הֵ֑ם אֶת־ הַנֶּ֙שֶׁר֙ וְאֶת־ הַפֶּ֔רֶס וְאֵ֖ת הָעָזְנִיָּֽה׃
	(Mas1b 4,18) ואת א]לה֯ תשקצו [מן] הע֯[וף לא יאכלו שקץ הם את] (Mas1b 4,19) ה֯[נשר ואת ה]פר[ס] ואת ה[עזניה (Lev SP 11,13) ואת אלה תשקצו מן העוף לא תאכלו שקץ הם את הנשר ואת הפרס ואת העזניה
14	וְאֶת־ הַ֨דָּאָ֔ה וְאֶת־ הָאַיָּ֖ה לְמִינָֽהּ׃
	(Mas1b 4,19) ואת הדאה ואת האיה למינה ] (Lev SP 11,14) ואת הדאה ואת האיה למינה
15	אֵ֥ת כָּל־ עֹרֵ֖ב לְמִינֽוֹ׃
	(Mas1b 4,20) [את] כ֯ל֯ ערב למינו (Lev SP 11,15) ואת כל ערב למינו
16	וְאֵת֙ בַּ֣ת הַֽיַּעֲנָ֔ה וְאֶת־ הַתַּחְמָ֖ס וְאֶת־ הַשָּׁ֑חַף וְאֶת־ הַנֵּ֖ץ לְמִינֵֽהוּ׃
	(Mas1b 4,20) ואת [בת היענה ואת התחמס ואת השחף] (Mas1b 4,21) [ואת הנץ למינה]ו (Lev SP 11,16) ואת בת היענה ואת התחמס ואת השחף למינו ואת הנץ « »
17	וְאֶת־ הַכּ֥וֹס וְאֶת־ הַשָּׁלָ֖ךְ וְאֶת־ הַיַּנְשֽׁוּף׃
	(Mas1b 4,21) ואת הכו[ס ואת השלך ואת הינשוף ] (Lev SP 11,17) ואת הכוס ואת השלך ואת הינשוף
18	וְאֶת־ הַתִּנְשֶׁ֥מֶת וְאֶת־ הַקָּאָ֖ת וְאֶת־ הָרָחָֽם׃
	(Mas1b 4,22) [ואת התנשמת וא]ת֯ הקאת ואת ה[רחם (Lev SP 11,18) ואת התנשמת ואת הקאת ואת הרחמה
19	וְאֵת֙ הַחֲסִידָ֔ה הָאֲנָפָ֖ה לְמִינָ֑הּ וְאֶת־ הַדּוּכִיפַ֖ת וְאֶת־ הָעֲטַלֵּֽף׃
	… (4Q366 frg. 5,2) והחסידה] (4Q366 frg. 5,3) וה֯א֯נפה למינה֯ (למינו) ואת ה[דוכיפת והעטלף (11QTa 48,1) והחסידה והאנפה למי]נה והדוכי פת [והעטלף (Mas1b 4,22) ואת החסידה האנפה] (Mas1b 4,23) [למינה ואת הדוכיפת] ואת֯ [העטלף (Dtn 14,18) וְהַ֣חֲסִידָ֔ה וְהָאֲנָפָ֖ה לְמִינָ֑הּ וְהַדּוּכִיפַ֖ת וְהָעֲטַלֵּֽף׃ (Lev SP 11,19) ואת החסידה והאנפה למינה ואת הדגיפת ואת העטלף (Dtn SP 14,18) החסידה והאנפה למינה ואת הדגיפת ואת העטלף
20	כֹּ֚ל שֶׁ֣רֶץ הָע֔וֹף הַהֹלֵ֖ךְ עַל־ אַרְבַּ֑ע שֶׁ֥קֶץ ה֖וּא לָכֶֽם׃ ס
	(4Q366 frg. 5,3) וכל שרץ העוף … (11QTa 48,1) כול שרץ העוף ההולך על?] (11QTa 48,2) [ארבע שקץ הוא לכם?] _____ (4Q45 frg. 21 i-22,1) [וכל שרץ העוף טמא … (Mas1b 4,23) כל שרץ העוף ההלך על] (Mas1b 4,24) [ארבע שקץ הוא] לכם (Dtn 14,19) וְכֹל֙ שֶׁ֣רֶץ הָע֔וֹף טָמֵ֥א … (Lev SP 11,20) וכל שרץ העוף ההלך על ארבע שקץ הוא לכם * (Dtn SP 14,19) כל שרץ העוף טמא …
21	אַ֤ךְ אֶת־ זֶה֙ תֹּֽאכְל֔וּ מִכֹּל֙ שֶׁ֣רֶץ הָע֔וֹף הַהֹלֵ֖ךְ עַל־ אַרְבַּ֑ע אֲשֶׁר־ לא (ל֤וֹ) כְרָעַ֙יִם֙ מִמַּ֣עַל לְרַגְלָ֔יו לְנַתֵּ֥ר בָּהֵ֖ן עַל־ הָאָֽרֶץ׃
	(11QTa 48,4) משרץ העוף … (11QTa 48,5) לו כרעים מעל רגליו לנתור בהמה על הארץ ולעוף בכנפיו כול (Mas1b 4,24) אך את זה תאכלו מכל שרץ] (Mas1b 4,25) [העוף ההלך על] ארב[ע אשר לא כרעים ממעל לרגליו לנתר] (Lev SP 11,21) אך את זה תאכלו מכל שרץ העוף ההלך על ארבע אשר לו כרעים ממעל לרגליו לנתר בהם על הארץ
22	אֶת־ אֵ֤לֶּה מֵהֶם֙ תֹּאכֵ֔לוּ אֶת־ הֽ͏ָאַרְבֶּ֣ה לְמִינ֔וֹ וְאֶת־ הַסָּלְעָ֖ם לְמִינֵ֑הוּ וְאֶת־ הַחַרְגֹּ֣ל לְמִינֵ֔הוּ וְאֶת־ הֶחָגָ֖ב לְמִינֵֽהוּ׃
	(11QTa 48,3) [את אלה משרץ ]העוף תוכלו הארבה למינו והס[ל]עם למינו והחורגול (11QTa 48,4) למינו והחגב למינו … (2Q5 frg. 1,1) את אלה מהם תאכלו את הארבה למ]ינו (2Q5 frg. 1,2) [ואת הסלעם למינהו ואת החרגל למינהו ואת החגב למי]נהו (Lev SP 11,22) את אלה מהם תאכלו את הארבה למינהו ואת הסלעם למינהו ואת החרגל למינה ואת החגב למינהו
23	וְכֹל֙ שֶׁ֣רֶץ הָע֔וֹף אֲשֶׁר־ ל֖וֹ אַרְבַּ֣ע רַגְלָ֑יִם שֶׁ֥קֶץ ה֖וּא לָכֶֽם׃
	(2Q5 frg. 1,3) [וכל שרץ העוף אשר לו ארבע רגלים שקץ הוא לכם (Lev SP 11,23) וכל שרץ העוף אשר לו ארבע רגלים שקץ הוא לכם *
24	וּלְאֵ֖לֶּה תִּטַּמָּ֑אוּ כָּל־ הַנֹּגֵ֥עַ בְּנִבְלָתָ֖ם יִטְמָ֥א עַד־ הָעָֽרֶב׃
	(2Q5 frg. 1,3) ו]לאלה תטמאו (2Q5 frg. 1,4) [כל הנוגע בנבלתם יטמא עד הערב (Mas1b 5,4) [תטמ]או כל הנג֯[ע בנבלתם יטמא] עד [הערב (Lev SP 11,24) ולאלה תטמאו כל הנגע בנבלתם יטמא עד הערב
25	וְכָל־ הַנֹּשֵׂ֖א מִנִּבְלָתָ֑ם יְכַבֵּ֥ס בְּגָדָ֖יו וְטָמֵ֥א עַד־ הָעָֽרֶב׃
	(2Q5 frg. 1,4) וכל הנושא מנבלתם ]יכבס בגדיו (2Q5 frg. 1,5) [ורחץ במים וטמא עד הערב (Mas1b 5,4) וכל הנשא מנבלתם] (Mas1b 5,5) [יכבס בגדיו וטמא עד הע]רב (Lev SP 11,25) וכל הנשא מנבלתם יכבס בגדיו ורחץ במים וטמא עד הערב
26	לְֽכָל־ הַבְּהֵמָ֡ה אֲשֶׁ֣ר הִוא֩ מַפְרֶ֨סֶת פַּרְסָ֜ה וְשֶׁ֣סַע ׀ אֵינֶ֣נָּה שֹׁסַ֗עַת וְגֵרָה֙ אֵינֶ֣נָּה מַעֲלָ֔ה טְמֵאִ֥ים הֵ֖ם לָכֶ֑ם כָּל־ הַנֹּגֵ֥עַ בָּהֶ֖ם יִטְמָֽא׃
	(2Q5 frg. 1,5) לכל הבהמה אשר הוא מפ]ריסת פרסה ושסעת (2Q5 frg. 1,6) [שסע פרסות וגרה איננה מעלה טמאים הם לכם כל ]הנוגע בהם (2Q5 frg. 1,7) [יטמא (Mas1b 5,5) ל֯כל הב[המה אשר הוא מפרסת] (Mas1b 5,6) [פרסה וש]ס[ע איננה שס]עת וגרה אי[ננה מעלה טמאים הם] (Mas1b 5,7) [לכם כל ה]נגע בהם יטמא (Lev SP 11,26) לכל הבהמה אשר היא מפריסת פרסה ושסעה איננה שסע וגרה איננה מעלה טמאים הם לכם כל הנגע בהם יטמא
27	וְכֹ֣ל ׀ הוֹלֵ֣ךְ עַל־ כַּפָּ֗יו בְּכָל־ הַֽחַיָּה֙ הַהֹלֶ֣כֶת עַל־ אַרְבַּ֔ע טְמֵאִ֥ים הֵ֖ם לָכֶ֑ם כָּל־ הַנֹּגֵ֥עַ בְּנִבְלָתָ֖ם יִטְמָ֥א עַד־ הָעָֽרֶב׃
	(2Q5 frg. 1,7) וכל הולך על כפיו בכל החיה ההלכת על ארבע ט]מאים הם (2Q5 frg. 1,8) [לכם כל הנוגע בנבלתם יטמא עד הערב (11Q1 frg. C,1) [ו]כ[ל ]הולכ על גח[וניו בכל החיה ההלכת על] (11Q1 frg. C,2) [ארבע טמאימ המ לכמ כל] הנגע בנבלתמ יט[מא עד הערב (Mas1b 5,7) וכל הול֯ך֯ [על כפיו בכל החיה] (Mas1b 5,8) [ההלכת על] ארב[ע] טמאים הם לכם כל הנג[ע בנ]ב֯לתם יט[מא] (Mas1b 5,9) [עד הער]ב (Lev SP 11,27) וכל ההלך על כפיו בכל החיה ההלכת על ארבע טמאים הם לכם כל הנגע בנבלתם יטמא עד הערב
28	וְהַנֹּשֵׂא֙ אֶת־ נִבְלָתָ֔ם יְכַבֵּ֥ס בְּגָדָ֖יו וְטָמֵ֣א עַד־ הָעָ֑רֶב טְמֵאִ֥ים הֵ֖מָּה לָכֶֽם׃ ס
	(2Q5 frg. 1,8) והנושא את נבלתם יכב]ס[ ]בגדיו (2Q5 frg. 1,9) [וטמא עד הערב טמאים המה לכם (11Q1 frg. C,2) והנשא] (11Q1 frg. C,3) [את נבלתמ יכבס בגדיו] וטמא עד הערב [טמאימ המה לכמ (Mas1b 5,9) והנשא את נב[לתם יכב]ס בגדיו וטמא ע֯ד הערב (Mas1b 5,10) [טמאי]ם הםה לכם (Lev SP 11,28) והנשא מנבלתם יכבס בגדיו וטמא עד הערב טמאים הם לכם *
29	וְזֶ֤ה לָכֶם֙ הַטָּמֵ֔א בַּשֶּׁ֖רֶץ הַשֹּׁרֵ֣ץ עַל־ הָאָ֑רֶץ הַחֹ֥לֶד וְהָעַכְבָּ֖ר וְהַצָּ֥ב לְמִינֵֽהוּ׃
	(4Q524 frg. 2,3) שרץ הארץ תטמאו החולד והעכבר והצב למינו (11QTa 50,20) שרץ הארץ תטמאו החולד והעכבר והצב למינו (11Q20 14,17) כול שרץ הארץ תטמאו החולד והעכ]בר וה[צב למינו (2Q5 frg. 1,9) וזה לכם הטמא בשרץ השורץ על האר]ץ֯ (11Q1 frg. C,3) וזה לכמ] (11Q1 frg. C,4) [הטמא בשרצ השרצ] על הארצ החלד[ והעכבר והצב למינהו ] (Mas1b 5,10) וזה לכ֯ם הטמא בשרץ (Mas1b 5,11) [ה]שרץ [ע]ל הארץ ה[ח]ל֯[ד והעכ]ב֯ר֯ והצב למ֯ינהו (Lev SP 11,29) וזה לכם הטמא בשרץ השרץ על הארץ החלד והעכבור והצב למינו
30	וְהָאֲנָקָ֥ה וְהַכֹּ֖חַ וְהַלְּטָאָ֑ה וְהַחֹ֖מֶט וְהַתִּנְשָֽׁמֶת׃
	(4Q524 frg. 2,3) והלטאה והכח והחמט והתנשמת כול איש אשר (11QTa 50,20) והלטאה (11QTa 50,21) והכח והחמט והתנשמת כול איש אשר (11Q20 14,17) והלטאה והכח] (11Q20 14,18) והחמ֯[ט והתנשמת … (11Q1 frg. C,5) [והאנקה והכח והלטא]ה והחמט והתנשמ[ת (Mas1b 5,11) והאנק֯ה֯ (Mas1b 5,12) [וה]כ֯ח והלטאה והחמט והתנ[שמת] (Lev SP 11,30) והאנקה והכח והלטאה והחמט והתנשמת
31	אֵ֛לֶּה הַטְּמֵאִ֥ים לָכֶ֖ם בְּכָל־ הַשָּׁ֑רֶץ כָּל־ הַנֹּגֵ֧עַ בָּהֶ֛ם בְּמֹתָ֖ם יִטְמָ֥א עַד־ הָעָֽרֶב׃
	(4Q524 frg. 2,3) יגע ]בהמה֯[ במותמה] (11QTa 50,21) יגע בהמה במותמה (11Q20 14,18) יגע בה]מה במ[ותמה (11Q1 frg. C,5) אלה הטמאימ לכמ] (11Q1 frg. C,6) [בכל השרצ כל הנגע בה]מ במותמ יטמא עד[ הערב (Mas1b 5,12) אלה הטמאים לכם ב[כל] (Mas1b 5,13) השרץ כל הנגע בהם במת[ם יטמא ע]ד֯ הערב (Lev SP 11,31) אלה הטמאים לכם מכל השרץ כל הנגע בהם במותם יטמא עד הערב
32	וְכֹ֣ל אֲשֶׁר־ יִפֹּל־ עָלָיו֩ מֵהֶ֨ם ׀ בְּמֹתָ֜ם יִטְמָ֗א מִכָּל־ כְּלִי־ עֵץ֙ א֣וֹ בֶ֤גֶד אוֹ־ עוֹר֙ א֣וֹ שָׂ֔ק כָּל־ כְּלִ֕י אֲשֶׁר־ יֵעָשֶׂ֥ה מְלָאכָ֖ה בָּהֶ֑ם בַּמַּ֧יִם יוּבָ֛א וְטָמֵ֥א עַד־ הָעֶ֖רֶב וְטָהֵֽר׃
	(11Q1 frg. C,6) וכל אשר] (11Q1 frg. C,7) [יפל עליו מהמ במתמ יט]מא מכל כלי עצ או ב[גד או עור או שק] (11Q1 frg. C,8) [כל כלי אשר יעשה מלא]כה בהמ ב[מימ יובא וטמא עד הערב וטהר ] (Mas1b 5,13) [וכ]ל אשר יפל֯ (Mas1b 5,14) עליו֯ מ֯הם במתם יטמא מכל כלי עץ או בג֯[ד או] ע֯[ור] או ש֯ק֯ (Mas1b 5,15) כל כלי אשר י֯ע֯שה [מלא]כה בהם במים יובא וטמא עד (Mas1b 5,16) הער[ב] וטהר (Lev SP 11,32) וכל אשר יפל עליו מהם במותם יטמא מכל כלי עץ או בגד או עור או שק כל כלי אשר יעשה מלאכה בהם במים יבוא וטמא עד הערב וטהר
33	וְכָל־ כְּלִי־ חֶ֔רֶשׂ אֲשֶׁר־ יִפֹּ֥ל מֵהֶ֖ם אֶל־ תּוֹכ֑וֹ כֹּ֣ל אֲשֶׁ֧ר בְּתוֹכ֛וֹ יִטְמָ֖א וְאֹת֥וֹ תִשְׁבֹּֽרוּ׃
	(4Q524 frg. 2,2) וכול כלי חרש … (11QTa 50,17) תעשו להמה וכול כלי (11QTa 50,18) חרש … (11Q20 14,16) הזואת תעשו להמה וכול כלי חרש … (Mas1b 5,16) ו֯כ֯ל֯ [כל]י֯ חר֯ש֯ אשר יפל מ[ה]ם א֯[ל תוכ]ו֯ כל אשר (Mas1b 5,17) בתוכו יטמא ואתו תשברו (Lev SP 11,33) וכל כלי חרש אשר יפל מהם אל תוכו כל אשר בתוכו יטמא ואתו תשברו
34	מִכָּל־ הָאֹ֜כֶל אֲשֶׁ֣ר יֵאָכֵ֗ל אֲשֶׁ֨ר יָב֥וֹא עָלָ֛יו מַ֖יִם יִטְמָ֑א וְכָל־ מַשְׁקֶה֙ אֲשֶׁ֣ר יִשָּׁתֶ֔ה בְּכָל־ כְּלִ֖י יִטְמָֽא׃
	(Mas1b 5,17) מכל האכל אשר [יא]כ[ל א]שר יב[ו]א (Mas1b 5,18) [ע]ליו מים יטמא וכל משקה אשר ישתה בכל כלי יטמא (Lev SP 11,34) מכל האכל אשר יאכל אשר יבוא עליו מים יטמא וכל משקה אשר ישתה בכל כלי יטמא
35	וְ֠כֹל אֲשֶׁר־ יִפֹּ֨ל מִנִּבְלָתָ֥ם ׀ עָלָיו֮ יִטְמָא֒ תַּנּ֧וּר וְכִירַ֛יִם יֻתָּ֖ץ טְמֵאִ֣ים הֵ֑ם וּטְמֵאִ֖ים יִהְי֥וּ לָכֶֽם׃
	(Mas1b 5,19) וכל֯ אשר יפל מנ[ב]ל֯תם עליו יטמא תנור וכירים יתץ [טמאי]ם֯ (Mas1b 5,20) [הם] ו֯ט[מא]ים יהיו לכם (Lev SP 11,35) וכל אשר יפל מנבלתם עליו יטמא תנור וכרים יתצו טמאים הם וטמאים יהיו לכם
36	אַ֣ךְ מַעְיָ֥ן וּב֛וֹר מִקְוֵה־ מַ֖יִם יִהְיֶ֣ה טָה֑וֹר וְנֹגֵ֥עַ בְּנִבְלָתָ֖ם יִטְמָֽא׃
	(Mas1b 5,20) אך מעין ובור מקוה מים יהיה טהור (Mas1b 5,21) [ונגע] בנבלת֯[ם יטמא (Lev SP 11,36) אך מעין מים ובור מקוה מים יהיה טהור ונגע בנבלתם יטמא
37	וְכִ֤י יִפֹּל֙ מִנִּבְלָתָ֔ם עַל־ כָּל־ זֶ֥רַע זֵר֖וּעַ אֲשֶׁ֣ר יִזָּרֵ֑עַ טָה֖וֹר הֽוּא׃
	(Mas1b 5,21) ו]כי יפל מנבלתם על כל זרע זרוע אשר יזרע (Mas1b 5,22) טהור ה֯[וא (Lev SP 11,37) וכי יפל מנבלתם על « » זרע זרע אשר יזרע טהור הוא
38	וְכִ֤י יֻתַּן־ מַ֙יִם֙ עַל־ זֶ֔רַע וְנָפַ֥ל מִנִּבְלָתָ֖ם עָלָ֑יו טָמֵ֥א ה֖וּא לָכֶֽם׃ ס
	(Mas1b 5,22) וכי י]תן מים על זרע ונפל מנבלתם עליו טמא הוא (Mas1b 5,23) [לכם (Lev SP 11,38) וכי יתן מים על הזרע ונפל מנבלתם עליו טמא הוא לכם *
39	וְכִ֤י יָמוּת֙ מִן־ הַבְּהֵמָ֔ה אֲשֶׁר־ הִ֥יא לָכֶ֖ם לְאָכְלָ֑ה הַנֹּגֵ֥עַ בְּנִבְלָתָ֖הּ יִטְמָ֥א עַד־ הָעָֽרֶב׃
	(4Q365 frg. 17a-c,1) [לכמה לאוכלה הנוגע בנבלתה יטמא עד הערב (Mas1b 5,23) וכי ימות מן הבהמה אשר היא לכם לאכלה ] (Mas1b 5,24) [הנגע בנב]ל֯[תה] יטמא עד הערב (Lev SP 11,39) וכי ימות מן הבהמה אשר היא לכם לאכלה הנגע בנבלתה יטמא עד הערב
40	וְהָֽאֹכֵל֙ מִנִּבְלָתָ֔הּ יְכַבֵּ֥ס בְּגָדָ֖יו וְטָמֵ֣א עַד־ הָעָ֑רֶב וְהַנֹּשֵׂא֙ אֶת־ נִבְלָתָ֔הּ יְכַבֵּ֥ס בְּגָדָ֖יו וְטָמֵ֥א עַד־ הָעָֽרֶב׃
	(4Q365 frg. 17a-c,1) והאוכל ]מ֯נ֯[בל]ת֯ם י֯[כבס בגדיו ויטמא עד הערב] (Mas1b 5,24) והאכל מנבלתה יכבס בגדיו (Mas1b 5,25) [וטמא עד הערב] והנשא את נבלתה יכבס בגדיו וטמא עד (Lev SP 11,40) והאכל מנבלתה יכבס בגדיו וטמא עד הערב והנשא את נבלתה יכבס בגדיו וטמא עד הערב
41	וְכָל־ הַשֶּׁ֖רֶץ הַשֹּׁרֵ֣ץ עַל־ הָאָ֑רֶץ שֶׁ֥קֶץ ה֖וּא לֹ֥א יֵאָכֵֽל׃
	(4Q365 frg. 17a-c,2) [וכול השרץ השורץ על הארץ שקץ הוא לוא יא]כ֯ל (Lev SP 11,41) וכל השרץ השרץ על הארץ שקץ הוא לא יאכל
42	כֹּל֩ הוֹלֵ֨ךְ עַל־ גָּח֜וֹן וְכֹ֣ל ׀ הוֹלֵ֣ךְ עַל־ אַרְבַּ֗ע עַ֚ד כָּל־ מַרְבֵּ֣ה רַגְלַ֔יִם לְכָל־ הַשֶּׁ֖רֶץ הַשֹּׁרֵ֣ץ עַל־ הָאָ֑רֶץ לֹ֥א תֹאכְל֖וּם כִּי־ שֶׁ֥קֶץ הֵֽם׃
	(4Q365 frg. 17a-c,2) כול ההולך א֯[ל גחון וכול הולך על ארבע עד כול] (4Q365 frg. 17a-c,3) [מרבה רגלים לכול השרץ השורץ על הארץ לוא] תוכ[לו]ם֯[ כי ש]ק֯ץ֯[ הם (Lev SP 11,42) כל ההלך על גחון וכל ההלך על ארבע עד כל מרבה רגלים לכל השרץ השרץ על הארץ לא תאכלום כי שקץ הם
43	אַל־ תְּשַׁקְּצוּ֙ אֶת־ נַפְשֹׁ֣תֵיכֶ֔ם בְּכָל־ הַשֶּׁ֖רֶץ הַשֹּׁרֵ֑ץ וְלֹ֤א תִֽטַּמְּאוּ֙ בָּהֶ֔ם וְנִטְמֵתֶ֖ם בָּֽם׃
	(4Q365 frg. 17a-c,3) אל תשקצו את נפשותיכמה בכול] (4Q365 frg. 17a-c,4) [השרץ השורץ ולוא תטמאו בהמה ונטמא?תם בהמה (Lev SP 11,43) אל תשקצו את נפשתיכם בכל השרץ השרץ ולא תטמאו בהם ונטמאתם בם
44	כִּ֣י אֲנִ֣י יְהוָה֮ אֱלֹֽהֵיכֶם֒ וְהִתְקַדִּשְׁתֶּם֙ וִהְיִיתֶ֣ם קְדֹשִׁ֔ים כִּ֥י קָד֖וֹשׁ אָ֑נִי וְלֹ֤א תְטַמְּאוּ֙ אֶת־ נַפְשֹׁ֣תֵיכֶ֔ם בְּכָל־ הַשֶּׁ֖רֶץ הָרֹמֵ֥שׂ עַל־ הָאָֽרֶץ׃
	(4Q365 frg. 17a-c,4) כי ]אני יהוה[ אלוהיכמה והתקדשתם והייתם קדושים כי קדוש] (4Q365 frg. 17a-c,5) [אני יהוה אלוהיכמה ולו]א תט[מאו את נפשותיכמה בכו]ל ה֯[שרץ הרומש על הארץ (Lev SP 11,44) כי אני יהוה אלהיכם והתקדשתם והייתם קדישים כי קדוש אני ולא תטמאו את נפשתיכם בכל השרץ הרמש על הארץ
45	כִּ֣י ׀ אֲנִ֣י יְהוָ֗ה הַֽמַּעֲלֶ֤ה אֶתְכֶם֙ מֵאֶ֣רֶץ מִצְרַ֔יִם לִהְיֹ֥ת לָכֶ֖ם לֵאלֹהִ֑ים וִהְיִיתֶ֣ם קְדֹשִׁ֔ים כִּ֥י קָד֖וֹשׁ אָֽנִי׃
	(4Q365 frg. 17a-c,5) כי אני יהוה אלוהיכמה] (4Q365 frg. 17a-c,6) [המעלה אתכם מאר]ץ֯ מצרים לה[יות לכמה לאלוהים והייתם קדושים כי קדוש אני (Lev SP 11,45) כי אני יהוה אלהיכם המעלה אתכם מארץ מצרים להיות לכם לאלהים והייתם קדישים כי קדוש אני
46	זֹ֣את תּוֹרַ֤ת הַבְּהֵמָה֙ וְהָע֔וֹף וְכֹל֙ נֶ֣פֶשׁ הַֽחַיָּ֔ה הָרֹמֶ֖שֶׂת בַּמָּ֑יִם וּלְכָל־ נֶ֖פֶשׁ הַשֹּׁרֶ֥צֶת עַל־ הָאָֽרֶץ׃
	(4Q365 frg. 17a-c,6) זואת תורת הבהמה והעוף] (Lev SP 11,46) זאת תורת הבהמה והעוף וכל הנפש החיה הרמשת במים לכל הנפש השרצת על הארץ
47	לְהַבְדִּ֕יל בֵּ֥ין הַטָּמֵ֖א וּבֵ֣ין הַטָּהֹ֑ר וּבֵ֤ין הַֽחַיָּה֙ הַֽנֶּאֱכֶ֔לֶת וּבֵין֙ הַֽחַיָּ֔ה אֲשֶׁ֖ר לֹ֥א תֵאָכֵֽל׃ פ
	(4Q367 frg. 1a-b,1) [בין הטמא ובין הטהר ובין החיה הנאכלת ובין החי]ה֯ אשר[ לא] (4Q367 frg. 1a-b,2) [תאכל ] _____ (Lev SP 11,47) להבדיל בין הטמא ובין הטהור ובין החיה הנאכלת ובין החיה אשר לא תאכל *

12
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(4Q367 frg. 1a-b,2) []ו֯י֯[דבר] יהוה אל מ֯[ש]ה דבר לאמר (Lev SP 12,1) וידבר יהוה אל משה לאמר
2	דַּבֵּ֞ר אֶל־ בְּנֵ֤י יִשְׂרָאֵל֙ לֵאמֹ֔ר אִשָּׁה֙ כִּ֣י תַזְרִ֔יעַ וְיָלְדָ֖ה זָכָ֑ר וְטָֽמְאָה֙ שִׁבְעַ֣ת יָמִ֔ים כִּימֵ֛י נִדַּ֥ת דְּוֺתָ֖הּ תִּטְמָֽא׃
	(4Q367 frg. 1a-b,2) דבר לאמר (4Q367 frg. 1a-b,3) [אל בני ישראל לאמר א]שה כי תזרע וילדה֯ זכר[ וטמאה] שב[עת] (4Q367 frg. 1a-b,4) [ימים כימי נדת דותה ט]מאה (Lev SP 12,2) דבר אל בני ישראל לאמר אשה כי תזרע וילדה זכר וטמאה שבעת ימים כימי נדת דותה תטמא
3	וּבַיּ֖וֹם הַשְּׁמִינִ֑י יִמּ֖וֹל בְּשַׂ֥ר עָרְלָתֽוֹ׃
	(4Q367 frg. 1a-b,4) וביום השמ[יני ימול בשר ער]ל֯[תו ] (Lev SP 12,3) וביום השמיני ימול את בשר ערלתו
4	וּשְׁלֹשִׁ֥ים יוֹם֙ וּשְׁלֹ֣שֶׁת יָמִ֔ים תֵּשֵׁ֖ב בִּדְמֵ֣י טָהֳרָ֑ה בְּכָל־ קֹ֣דֶשׁ לֹֽא־ תִגָּ֗ע וְאֶל־ הַמִּקְדָּשׁ֙ לֹ֣א תָבֹ֔א עַד־ מְלֹ֖את יְמֵ֥י טָהֳרָֽהּ׃
	(4Q367 frg. 1a-b,5) ושלשים[ יום ושלש]ת[ י]מים ת֯שב֯[ בדמי? טהרה בכל קדש לא תגע] (4Q367 frg. 1a-b,6) [ו]אל המקדש לא֯[ ת]ב֯וא עד מלאות[ ימי טהרה (Lev SP 12,4) ושלשים יום ושלשת ימים תשב בדם טהרה בכל קדש לא תגע ואל המקדש לא תבוא עד מלאת ימי טהרה
5	וְאִם־ נְקֵבָ֣ה תֵלֵ֔ד וְטָמְאָ֥ה שְׁבֻעַ֖יִם כְּנִדָּתָ֑הּ וְשִׁשִּׁ֥ים יוֹם֙ וְשֵׁ֣שֶׁת יָמִ֔ים תֵּשֵׁ֖ב עַל־ דְּמֵ֥י טָהֳרָֽה׃
	(4Q367 frg. 1a-b,6) ואם נקבה תלד] (4Q367 frg. 1a-b,7) ו֯טמאה שבעים כנדתה וששים[ יום וששת ימים תשב -- ?] (4Q367 frg. 1a-b,8) על דם טהרה (Lev SP 12,5) ואם נקבה תלד וטמאה שבעים כנדתה וששים יום וששת ימים תשב על דמי טהרה
6	וּבִמְלֹ֣את ׀ יְמֵ֣י טָהֳרָ֗הּ לְבֵן֮ א֣וֹ לְבַת֒ תָּבִ֞יא כֶּ֤בֶשׂ בֶּן־ שְׁנָתוֹ֙ לְעֹלָ֔ה וּבֶן־ יוֹנָ֥ה אוֹ־ תֹ֖ר לְחַטָּ֑את אֶל־ פֶּ֥תַח אֹֽהֶל־ מוֹעֵ֖ד אֶל־ הַכֹּהֵֽן׃
	(4Q367 frg. 1a-b,8) [ובמ]לאות ימי ט֯[הרה לבן] או לבת תביא[ כבש בן] (4Q367 frg. 1a-b,9) שנתו לעלה וב֯[ן י]ו֯נ֯ה או ת֯[ר לחטאת] אל פתח אהל מו[עד אל] (4Q367 frg. 1a-b,10) [ה]כ֯ה֯[ן (Lev SP 12,6) ובמלאת ימי טהרה לבן או לבת תביא כבש בן שנתו לעלה ובן יונה או תר לחטאת אל פתח אהל מועד אל הכהן
7	וְהִקְרִיב֞וֹ לִפְנֵ֤י יְהוָה֙ וְכִפֶּ֣ר עָלֶ֔יהָ וְטָהֲרָ֖ה מִמְּקֹ֣ר דָּמֶ֑יהָ זֹ֤את תּוֹרַת֙ הַיֹּלֶ֔דֶת לַזָּכָ֖ר א֥וֹ לַנְּקֵבָֽה׃
	(4Q367 frg. 1a-b,10) והק]ריב[ו לפני ]יהוה[ וכפר עליה ]ו֯טהרה ממקור֯[ דמיה] (4Q367 frg. 1a-b,11) [ז]א֯ת תורת הי[לדת לזכר או לנקבה (Lev SP 12,7) והקריבו לפני יהוה וכפר עליה הכהן וטהרה ממקור דמיה זאת תורת הילדת לזכר ולנקבה
8	וְאִם־ לֹ֨א תִמְצָ֣א יָדָהּ֮ דֵּ֣י שֶׂה֒ וְלָקְחָ֣ה שְׁתֵּֽי־ תֹרִ֗ים א֤וֹ שְׁנֵי֙ בְּנֵ֣י יוֹנָ֔ה אֶחָ֥ד לְעֹלָ֖ה וְאֶחָ֣ד לְחַטָּ֑את וְכִפֶּ֥ר עָלֶ֛יהָ הַכֹּהֵ֖ן וְטָהֵֽרָה׃ פ
	(4Q367 frg. 1a-b,11) ואם ]ל֯[א תמצא ידה די שה] (4Q367 frg. 1a-b,12) ולקחה שתי ת[רים או שני בני יונה אחד -- ?] (4Q367 frg. 1a-b,13) [וכ]פ֯ר עליה הכו֯[הן וטהרה _____] (Lev SP 12,8) ואם לא תמצא ידה די שה ולקחה שתי תרים או שני בני יונה אחד לחטאת ואחד לעלה וכפר עליה הכהן וטהרה *

13
1	וַיְדַבֵּ֣ר יְהוָ֔ה אֶל־ מֹשֶׁ֥ה וְאֶֽל־ אַהֲרֹ֖ן לֵאמֹֽר׃
	(4Q367 frg. 1a-b,14) [וידב]ר֯ יה[וה אל משה --] (Lev SP 13,1) וידבר יהוה אל משה ואל אהרן לאמר
2	אָדָ֗ם כִּֽי־ יִהְיֶ֤ה בְעוֹר־ בְּשָׂרוֹ֙ שְׂאֵ֤ת אֽוֹ־ סַפַּ֙חַת֙ א֣וֹ בַהֶ֔רֶת וְהָיָ֥ה בְעוֹר־ בְּשָׂר֖וֹ לְנֶ֣גַע צָרָ֑עַת וְהוּבָא֙ אֶל־ אַהֲרֹ֣ן הַכֹּהֵ֔ן א֛וֹ אֶל־ אַחַ֥ד מִבָּנָ֖יו הַכֹּהֲנִֽים׃
	(Lev SP 13,2) אדם כי יהיה בעור בשרו שאת או ספחת או בהרת והיה בעור בשרו לנגע צרעת והובא אל אהרן הכהן או אל אחד מבניו הכהנים
3	וְרָאָ֣ה הַכֹּהֵ֣ן אֶת־ הַנֶּ֣גַע בְּעֽוֹר־ הַ֠בָּשָׂר וְשֵׂעָ֨ר בַּנֶּ֜גַע הָפַ֣ךְ ׀ לָבָ֗ן וּמַרְאֵ֤ה הַנֶּ֙גֶע֙ עָמֹק֙ מֵע֣וֹר בְּשָׂר֔וֹ נֶ֥גַע צָרַ֖עַת ה֑וּא וְרָאָ֥הוּ הַכֹּהֵ֖ן וְטִמֵּ֥א אֹתֽוֹ׃
	(11Q1 frg. D,1) צרעת הוא וראהו ה[כהנ וטמא אתו (Lev SP 13,3) וראה הכהן את הנגע בעור הבשר ושער בנגע הפך לבן ומראה הנגע עמק מעור בשרו נגע צרעת הוא וראה הכהן וטמא אתו
4	וְאִם־ בַּהֶרֶת֩ לְבָנָ֨ה הִ֜וא בְּע֣וֹר בְּשָׂר֗וֹ וְעָמֹק֙ אֵין־ מַרְאֶ֣הָ מִן־ הָע֔וֹר וּשְׂעָרָ֖ה לֹא־ הָפַ֣ךְ לָבָ֑ן וְהִסְגִּ֧יר הַכֹּהֵ֛ן אֶת־ הַנֶּ֖גַע שִׁבְעַ֥ת יָמִֽים׃
	(11Q1 frg. D,1) ואמ בהרת לבנה הוא בעור בשרו ועמק אינ] (11Q1 frg. D,2) מראיה מנ העור ושע[רה לא הפכ לבנ והסגיר הכהנ את הנגע שבעת ימימ (Lev SP 13,4) ואם בהרת לבנה היא בעור בשרו ועמק אין מראה מן העור ושערה לא הפך לבן והסגיר הכהן את הנגע שבעת ימים
5	וְרָאָ֣הוּ הַכֹּהֵן֮ בַּיּ֣וֹם הַשְּׁבִיעִי֒ וְהִנֵּ֤ה הַנֶּ֙גַע֙ עָמַ֣ד בְּעֵינָ֔יו לֹֽא־ פָשָׂ֥ה הַנֶּ֖גַע בָּע֑וֹר וְהִסְגִּיר֧וֹ הַכֹּהֵ֛ן שִׁבְעַ֥ת יָמִ֖ים שֵׁנִֽית׃
	(11Q1 frg. D,2) וראהו] (11Q1 frg. D,3) הכהנ ביומ השב[יעי והנה הנגע עמד בעיניו לא פשה הנגע בעור והסגירו ה ] (11Q1 frg. D,4) נ[ש]בעת ימימ ש[נית (Lev SP 13,5) וראה הכהן ביום השביעי והנה הנגע עמד בעיניו לא פשה הנגע בעור והסגירו הכהן שבעת ימים שנית
6	וְרָאָה֩ הַכֹּהֵ֨ן אֹת֜וֹ בַּיּ֣וֹם הַשְּׁבִיעִי֮ שֵׁנִית֒ וְהִנֵּה֙ כֵּהָ֣ה הַנֶּ֔גַע וְלֹא־ פָשָׂ֥ה הַנֶּ֖גַע בָּע֑וֹר וְטִהֲר֤וֹ הַכֹּהֵן֙ מִסְפַּ֣חַת הִ֔יא וְכִבֶּ֥ס בְּגָדָ֖יו וְטָהֵֽר׃
	(11Q1 frg. D,4) וראה הכהנ אתו ביומ השביעי שנית והנה כהה הנגע ו ] (11Q1 frg. D,5) אפ[ש]ה הנגע [בעור וטהרו הכהנ מספחת היא וכבס בגדיו וטהר (Lev SP 13,6) וראה הכהן « » ביום השביעי שנית והנה כהה הנגע לא פשה הנגע בעור וטהרו הכהן מספחת היא וכבס בגדיו וטהר
7	וְאִם־ פָּשֹׂ֨ה תִפְשֶׂ֤ה הַמִּסְפַּ֙חַת֙ בָּע֔וֹר אַחֲרֵ֧י הֵרָאֹת֛וֹ אֶל־ הַכֹּהֵ֖ן לְטָהֳרָת֑וֹ וְנִרְאָ֥ה שֵׁנִ֖ית אֶל־ הַכֹּהֵֽן׃
	(11Q1 frg. D,5) ואמ פשה ] (11Q1 frg. D,6) ה המספחת בעו[ר אחרי הראתו אל הכהנ לטהרתו ונראה שנית אל הכהנ (Lev SP 13,7) ואם פשה תפשה המספחת בעור אחרי הראתו אל הכהן לטהרתו ונראה שנית אל הכהן
8	וְרָאָה֙ הַכֹּהֵ֔ן וְהִנֵּ֛ה פָּשְׂתָ֥ה הַמִּסְפַּ֖חַת בָּע֑וֹר וְטִמְּא֥וֹ הַכֹּהֵ֖ן צָרַ֥עַת הִֽוא׃ פ
	(11Q1 frg. D,6) ו ] (11Q1 frg. D,7) ההכהנ והנ[ה פשתה המספחת בעור וטמאו הכהנ צרעת הוא ] (Lev SP 13,8) וראה הכהן והנה פשתה המספחת בעור וטמאו הכהן צרעת היא *
9	נֶ֣גַע צָרַ֔עַת כִּ֥י תִהְיֶ֖ה בְּאָדָ֑ם וְהוּבָ֖א אֶל־ הַכֹּהֵֽן׃
	(11Q1 frg. D,8) [נג]ע צרעת כי[ תהיה באדמ והובא אל הכהנ ] (Lev SP 13,9) ונגע צרעת כי תהיה באדם והובא אל הכהן
10	וְרָאָ֣ה הַכֹּהֵ֗ן וְהִנֵּ֤ה שְׂאֵת־ לְבָנָה֙ בָּע֔וֹר וְהִ֕יא הָפְכָ֖ה שֵׂעָ֣ר לָבָ֑ן וּמִֽחְיַ֛ת בָּשָׂ֥ר חַ֖י בַּשְׂאֵֽת׃
	(Lev SP 13,10) וראה הכהן והנה שאת לבנה בעור והיא הפכה שער לבן ומחית בשר חי בשאת
11	צָרַ֨עַת נוֹשֶׁ֤נֶת הִוא֙ בְּע֣וֹר בְּשָׂר֔וֹ וְטִמְּא֖וֹ הַכֹּהֵ֑ן לֹ֣א יַסְגִּרֶ֔נּוּ כִּ֥י טָמֵ֖א הֽוּא׃
	(Lev SP 13,11) צרעת נושנת היא בעור בשרו וטמאו הכהן לא יסגירנו כי טמא הוא
12	וְאִם־ פָּר֨וֹחַ תִּפְרַ֤ח הַצָּרַ֙עַת֙ בָּע֔וֹר וְכִסְּתָ֣ה הַצָּרַ֗עַת אֵ֚ת כָּל־ ע֣וֹר הַנֶּ֔גַע מֵרֹאשׁ֖וֹ וְעַד־ רַגְלָ֑יו לְכָל־ מַרְאֵ֖ה עֵינֵ֥י הַכֹּהֵֽן׃
	(Lev SP 13,12) ואם פרח תפרח הצרעת בעור וכסתה הצרעת את כל עור הנגע מראשו ועד רגליו לכל מראה עיני הכהן
13	וְרָאָ֣ה הַכֹּהֵ֗ן וְהִנֵּ֨ה כִסְּתָ֤ה הַצָּרַ֙עַת֙ אֶת־ כָּל־ בְּשָׂר֔וֹ וְטִהַ֖ר אֶת־ הַנָּ֑גַע כֻּלּ֛וֹ הָפַ֥ךְ לָבָ֖ן טָה֥וֹר הֽוּא׃
	(Lev SP 13,13) וראה הכהן והנה כסתה הצרעת את כל בשרו וטהר את הנגע כלו הפך לבן טהור הוא
14	וּבְי֨וֹם הֵרָא֥וֹת בּ֛וֹ בָּשָׂ֥ר חַ֖י יִטְמָֽא׃
	(Lev SP 13,14) וביום הראות בו בשר חי יטמא
15	וְרָאָ֧ה הַכֹּהֵ֛ן אֶת־ הַבָּשָׂ֥ר הַחַ֖י וְטִמְּא֑וֹ הַבָּשָׂ֥ר הַחַ֛י טָמֵ֥א ה֖וּא צָרַ֥עַת הֽוּא׃
	(4Q365 frg. 19,2) הח]י טמ[א … (Lev SP 13,15) וראה הכהן את הבשר החי וטמאו הבשר החי טמא הוא צרעת היא
16	א֣וֹ כִ֥י יָשׁ֛וּב הַבָּשָׂ֥ר הַחַ֖י וְנֶהְפַּ֣ךְ לְלָבָ֑ן וּבָ֖א אֶל־ הַכֹּהֵֽן׃
	(Lev SP 13,16) או כי ישוב הבשר החי ונהפך ללבן ובא אל הכהן
17	וְרָאָ֙הוּ֙ הַכֹּהֵ֔ן וְהִנֵּ֛ה נֶהְפַּ֥ךְ הַנֶּ֖גַע לְלָבָ֑ן וְטִהַ֧ר הַכֹּהֵ֛ן אֶת־ הַנֶּ֖גַע טָה֥וֹר הֽוּא׃ פ
	(4Q365 frg. 19,3) והנ]ה נהפכ הנג֯[ע … (Lev SP 13,17) וראה הכהן והנה נהפך הנגע ללבן וטהר הכהן את הנגע טהור הוא *
18	וּבָשָׂ֕ר כִּֽי־ יִהְיֶ֥ה בֽוֹ־ בְעֹר֖וֹ שְׁחִ֑ין וְנִרְפָּֽא׃
	(4Q365 frg. 19,4) ]ב֯עורו שחין ונרפ֯[א … (Lev SP 13,18) ובשר כי יהיה בו « » שחין ונרפא
19	וְהָיָ֞ה בִּמְק֤וֹם הַשְּׁחִין֙ שְׂאֵ֣ת לְבָנָ֔ה א֥וֹ בַהֶ֖רֶת לְבָנָ֣ה אֲדַמְדָּ֑מֶת וְנִרְאָ֖ה אֶל־ הַכֹּהֵֽן׃
	(Lev SP 13,19) והיה במקום השחין שאת לבנה או בהרת לבנה אדמדמת ונראה אל הכהן
20	וְרָאָ֣ה הַכֹּהֵ֗ן וְהִנֵּ֤ה מַרְאֶ֙הָ֙ שָׁפָ֣ל מִן־ הָע֔וֹר וּשְׂעָרָ֖הּ הָפַ֣ךְ לָבָ֑ן וְטִמְּא֧וֹ הַכֹּהֵ֛ן נֶֽגַע־ צָרַ֥עַת הִ֖וא בַּשְּׁחִ֥ין פָּרָֽחָה׃
	(Lev SP 13,20) וראה הכהן והנה מראהו שפל מן העור ושערו הפך לבן וטמאו הכהן נגע צרעת היא בשחין פרחה
21	וְאִ֣ם ׀ יִרְאֶ֣נָּה הַכֹּהֵ֗ן וְהִנֵּ֤ה אֵֽין־ בָּהּ֙ שֵׂעָ֣ר לָבָ֔ן וּשְׁפָלָ֥ה אֵינֶ֛נָּה מִן־ הָע֖וֹר וְהִ֣יא כֵהָ֑ה וְהִסְגִּיר֥וֹ הַכֹּהֵ֖ן שִׁבְעַ֥ת יָמִֽים׃
	(Lev SP 13,21) ואם יראה הכהן והנה אין בה שער לבן ושפלה איננה מן העור והיא כהה והסגירו הכהן שבעת ימים
22	וְאִם־ פָּשֹׂ֥ה תִפְשֶׂ֖ה בָּע֑וֹר וְטִמֵּ֧א הַכֹּהֵ֛ן אֹת֖וֹ נֶ֥גַע הִֽוא׃
	(Lev SP 13,22) אם פשה תפשה בעור וטמא הכהן אתו נגע הוא
23	וְאִם־ תַּחְתֶּ֜יהָ תַּעֲמֹ֤ד הַבַּהֶ֙רֶת֙ לֹ֣א פָשָׂ֔תָה צָרֶ֥בֶת הַשְּׁחִ֖ין הִ֑וא וְטִהֲר֖וֹ הַכֹּהֵֽן׃ ס
	(Lev SP 13,23) ואם תחתיה תעמד הבהרת לא פשתה צרבת השחין היא וטהרו הכהן *
24	א֣וֹ בָשָׂ֔ר כִּֽי־ יִהְיֶ֥ה בְעֹר֖וֹ מִכְוַת־ אֵ֑שׁ וְֽהָיְתָ֞ה מִֽחְיַ֣ת הַמִּכְוָ֗ה בַּהֶ֛רֶת לְבָנָ֥ה אֲדַמְדֶּ֖מֶת א֥וֹ לְבָנָֽה׃
	(Lev SP 13,24) או בשר כי יהיה בעורו מכות אש והיתה מחית המכוה בהרת לבנה אדמדמת או לבנה
25	וְרָאָ֣ה אֹתָ֣הּ הַכֹּהֵ֡ן וְהִנֵּ֣ה נֶהְפַּךְ֩ שֵׂעָ֨ר לָבָ֜ן בַּבַּהֶ֗רֶת וּמַרְאֶ֙הָ֙ עָמֹ֣ק מִן־ הָע֔וֹר צָרַ֣עַת הִ֔וא בַּמִּכְוָ֖ה פָּרָ֑חָה וְטִמֵּ֤א אֹתוֹ֙ הַכֹּהֵ֔ן נֶ֥גַע צָרַ֖עַת הִֽוא׃
	(Lev SP 13,25) וראה אתה הכהן והנה הפכה שער לבן בבהרת ומראה עמק מן העור צרעת היא במכוה פרחה וטמא אתו הכהן נגע צרעת היא
26	וְאִ֣ם ׀ יִרְאֶ֣נָּה הַכֹּהֵ֗ן וְהִנֵּ֤ה אֵֽין־ בַּבֶּהֶ֙רֶת֙ שֵׂעָ֣ר לָבָ֔ן וּשְׁפָלָ֥ה אֵינֶ֛נָּה מִן־ הָע֖וֹר וְהִ֣וא כֵהָ֑ה וְהִסְגִּיר֥וֹ הַכֹּהֵ֖ן שִׁבְעַ֥ת יָמִֽים׃
	(Lev SP 13,26) ואם יראה הכהן והנה אין בבהרת שער לבן ושפלה איננה מן העור והיא כהה והסגירו הכהן שבעת ימים
27	וְרָאָ֥הוּ הַכֹּהֵ֖ן בַּיּ֣וֹם הַשְּׁבִיעִ֑י אִם־ פָּשֹׂ֤ה תִפְשֶׂה֙ בָּע֔וֹר וְטִמֵּ֤א הַכֹּהֵן֙ אֹת֔וֹ נֶ֥גַע צָרַ֖עַת הִֽוא׃
	(Lev SP 13,27) וראה הכהן ביום השביעי אם פשה תפשה בעור וטמא אתו הכהן נגע צרעת היא
28	וְאִם־ תַּחְתֶּיהָ֩ תַעֲמֹ֨ד הַבַּהֶ֜רֶת לֹא־ פָשְׂתָ֤ה בָעוֹר֙ וְהִ֣וא כֵהָ֔ה שְׂאֵ֥ת הַמִּכְוָ֖ה הִ֑וא וְטִֽהֲרוֹ֙ הַכֹּהֵ֔ן כִּֽי־ צָרֶ֥בֶת הַמִּכְוָ֖ה הִֽוא׃ פ
	(Lev SP 13,28) ואם תחתיה תעמד הבהרת לא פשתה בעור והיא כהה שאת המכוה היא וטהרו הכהן כי צרבת המכוה היא *
29	וְאִישׁ֙ א֣וֹ אִשָּׁ֔ה כִּֽי־ יִהְיֶ֥ה ב֖וֹ נָ֑גַע בְּרֹ֖אשׁ א֥וֹ בְזָקָֽן׃
	(Lev SP 13,29) ואיש או אשה כי יהיה בו נגע בראש או בזקן
30	וְרָאָ֨ה הַכֹּהֵ֜ן אֶת־ הַנֶּ֗גַע וְהִנֵּ֤ה מַרְאֵ֙הוּ֙ עָמֹ֣ק מִן־ הָע֔וֹר וּב֛וֹ שֵׂעָ֥ר צָהֹ֖ב דָּ֑ק וְטִמֵּ֨א אֹת֤וֹ הַכֹּהֵן֙ נֶ֣תֶק ה֔וּא צָרַ֧עַת הָרֹ֛אשׁ א֥וֹ הַזָּקָ֖ן הֽוּא׃
	(Lev SP 13,30) וראה הכהן את הנגע והנה מראהו עמק מן העור ובו שער צהב דק וטמא הכהן אתו נתק הוא צרעת הראש או הזקן היא
31	וְכִֽי־ יִרְאֶ֨ה הַכֹּהֵ֜ן אֶת־ נֶ֣גַע הַנֶּ֗תֶק וְהִנֵּ֤ה אֵין־ מַרְאֵ֙הוּ֙ עָמֹ֣ק מִן־ הָע֔וֹר וְשֵׂעָ֥ר שָׁחֹ֖ר אֵ֣ין בּ֑וֹ וְהִסְגִּ֧יר הַכֹּהֵ֛ן אֶת־ נֶ֥גַע הַנֶּ֖תֶק שִׁבְעַ֥ת יָמִֽים׃
	(Lev SP 13,31) וכי יראה הכהן את נגע הנתק והנה אין מראהו עמק מן העור ושער שחר אין בו והסגיר הכהן את נגע הנתק שבעת ימים
32	וְרָאָ֨ה הַכֹּהֵ֣ן אֶת־ הַנֶּגַע֮ בַּיּ֣וֹם הַשְּׁבִיעִי֒ וְהִנֵּה֙ לֹא־ פָשָׂ֣ה הַנֶּ֔תֶק וְלֹא־ הָ֥יָה ב֖וֹ שֵׂעָ֣ר צָהֹ֑ב וּמַרְאֵ֣ה הַנֶּ֔תֶק אֵ֥ין עָמֹ֖ק מִן־ הָעֽוֹר׃
	(4Q23 frg. 1,1) [ה]כ֯[הן את הנגע ביום השביעי והנה לא פשה הנתק ולא היה בו שער צהב] (4Q23 frg. 1,2) ומרא[ה הנתק אין עמק מן העור (Lev SP 13,32) וראה הכהן את הנתק ביום השביעי והנה לא פשה הנתק ולא היה בו שער צהב ומראה הנתק אין עמק מן העור
33	וְהִ֨תְגַּלָּ֔ח וְאֶת־ הַנֶּ֖תֶק לֹ֣א יְגַלֵּ֑חַ וְהִסְגִּ֨יר הַכֹּהֵ֧ן אֶת־ הַנֶּ֛תֶק שִׁבְעַ֥ת יָמִ֖ים שֵׁנִֽית׃
	(4Q23 frg. 1,2) והתגלח ואת הנתק לא יגלח והסגיר הכהן] (4Q23 frg. 1,3) את הנת֯[ק שבעת ימים שנית ] (Lev SP 13,33) והתגלח ואת הנתק לא יגלח והסגיר הכהן את הנתק שבעת ימים שנית
34	וְרָאָה֩ הַכֹּהֵ֨ן אֶת־ הַנֶּ֜תֶק בַּיּ֣וֹם הַשְּׁבִיעִ֗י וְ֠הִנֵּה לֹא־ פָשָׂ֤ה הַנֶּ֙תֶק֙ בָּע֔וֹר וּמַרְאֵ֕הוּ אֵינֶ֥נּוּ עָמֹ֖ק מִן־ הָע֑וֹר וְטִהַ֤ר אֹתוֹ֙ הַכֹּהֵ֔ן וְכִבֶּ֥ס בְּגָדָ֖יו וְטָהֵֽר׃
	(Lev SP 13,34) וראה הכהן את הנתק ביום השביעי והנה לא פשה הנתק בעור ומראהו איננו עמק מן העור וטהרו הכהן וכבס בגדיו וטהר
35	וְאִם־ פָּשֹׂ֥ה יִפְשֶׂ֛ה הַנֶּ֖תֶק בָּע֑וֹר אַחֲרֵ֖י טָהֳרָתֽוֹ׃
	(Lev SP 13,35) ואם פשה יפשה הנתק בעור אחרי טהרתו
36	וְרָאָ֙הוּ֙ הַכֹּהֵ֔ן וְהִנֵּ֛ה פָּשָׂ֥ה הַנֶּ֖תֶק בָּע֑וֹר לֹֽא־ יְבַקֵּ֧ר הַכֹּהֵ֛ן לַשֵּׂעָ֥ר הַצָּהֹ֖ב טָמֵ֥א הֽוּא׃
	(Lev SP 13,36) וראה הכהן והנה פשה הנתק בעור לא יבקר הכהן לשער הצהב טמא הוא
37	וְאִם־ בְּעֵינָיו֩ עָמַ֨ד הַנֶּ֜תֶק וְשֵׂעָ֨ר שָׁחֹ֧ר צָֽמַח־ בּ֛וֹ נִרְפָּ֥א הַנֶּ֖תֶק טָה֣וֹר ה֑וּא וְטִהֲר֖וֹ הַכֹּהֵֽן׃ ס
	(Lev SP 13,37) ואם בעיניו עמד הנתק ושער שחר צמח בו נרפא הנתק טהור הוא וטהרו הכהן *
38	וְאִישׁ֙ אֽוֹ־ אִשָּׁ֔ה כִּֽי־ יִהְיֶ֥ה בְעוֹר־ בְּשָׂרָ֖ם בֶּהָרֹ֑ת בֶּהָרֹ֖ת לְבָנֹֽת׃
	(Lev SP 13,38) ואיש או אשה כי יהיה בעור בשרם בהרות בהרות לבנות
39	וְרָאָ֣ה הַכֹּהֵ֗ן וְהִנֵּ֧ה בְעוֹר־ בְּשָׂרָ֛ם בֶּהָרֹ֖ת כֵּה֣וֹת לְבָנֹ֑ת בֹּ֥הַק ה֛וּא פָּרַ֥ח בָּע֖וֹר טָה֥וֹר הֽוּא׃ ס
	(11Q1 frg. E,1) [בעור בשרמ בהרת כהות לב]נות[ בהק הוא פרח בעור טהור הוא (Lev SP 13,39) וראה הכהן והנה בעור בשרם בהרות כהות לבנות בחק הוא פרח בעור טהור הוא
40	וְאִ֕ישׁ כִּ֥י יִמָּרֵ֖ט רֹאשׁ֑וֹ קֵרֵ֥חַ ה֖וּא טָה֥וֹר הֽוּא׃
	(11Q1 frg. E,1) ואיש] (11Q1 frg. E,2) [כי ימרט ראשו קרח הוא ט]הור הוא[ (Lev SP 13,40) ואיש כי ימרט ראשו קרח הוא טהור הוא
41	וְאִם֙ מִפְּאַ֣ת פָּנָ֔יו יִמָּרֵ֖ט רֹאשׁ֑וֹ גִּבֵּ֥חַ ה֖וּא טָה֥וֹר הֽוּא׃
	(11Q1 frg. E,2) ואמ מפאת פניו ימרט ראשו גבח] (11Q1 frg. E,3) [הוא טהור הוא (Lev SP 13,41) ואם מפאת פניו ימרט ראשו גבח הוא טהור הוא
42	וְכִֽי־ יִהְיֶ֤ה בַקָּרַ֙חַת֙ א֣וֹ בַגַּבַּ֔חַת נֶ֖גַע לָבָ֣ן אֲדַמְדָּ֑ם צָרַ֤עַת פֹּרַ֙חַת֙ הִ֔וא בְּקָרַחְתּ֖וֹ א֥וֹ בְגַבַּחְתּֽוֹ׃
	(11Q1 frg. E,3) וכי יהיה ]בקרחתו א[ו בגבחת נגע לבנ אדמדמ צרעת] (11Q1 frg. E,4) [פרחת הוא בקרחתו או בגבחתו (Lev SP 13,42) וכי יהיה בקרחתו או בגבחתו נגע לבן אדמדם צרעת פרחת היא בקרחתו או בגבחתו
43	וְרָאָ֨ה אֹת֜וֹ הַכֹּהֵ֗ן וְהִנֵּ֤ה שְׂאֵת־ הַנֶּ֙גַע֙ לְבָנָ֣ה אֲדַמְדֶּ֔מֶת בְּקָרַחְתּ֖וֹ א֣וֹ בְגַבַּחְתּ֑וֹ כְּמַרְאֵ֥ה צָרַ֖עַת ע֥וֹר בָּשָֽׂר׃
	(11Q1 frg. E,4) וראה אתו הכהנ ]והנה[ שאת הנגע לבנה] (Lev SP 13,43) וראה אתה הכהן והנה שאת הנגע לבנה אדמדמת בקרחתו או בגבחתו כמראה צרעת עור בשר
44	אִישׁ־ צָר֥וּעַ ה֖וּא טָמֵ֣א ה֑וּא טַמֵּ֧א יְטַמְּאֶ֛נּוּ הַכֹּהֵ֖ן בְּרֹאשׁ֥וֹ נִגְעֽוֹ׃
	(Lev SP 13,44) איש צרוע הוא טמא הוא טמא יטמאנו הכהן בראשו נגעו
45	וְהַצָּר֜וּעַ אֲשֶׁר־ בּ֣וֹ הַנֶּ֗גַע בְּגָדָ֞יו יִהְי֤וּ פְרֻמִים֙ וְרֹאשׁוֹ֙ יִהְיֶ֣ה פָר֔וּעַ וְעַל־ שָׂפָ֖ם יַעְטֶ֑ה וְטָמֵ֥א ׀ טָמֵ֖א יִקְרָֽא׃
	… (4Q274 frg. 1 i,3) טמא טמא (4Q274 frg. 1 i,4) יקרא (Lev SP 13,45) והצרוע אשר בו הנגע בגדיו יהיו פרומים וראשו יהיה פרוע ועל שפם יעטא וטמא טמא יקרא
46	כָּל־ יְמֵ֞י אֲשֶׁ֨ר הַנֶּ֥גַע בּ֛וֹ יִטְמָ֖א טָמֵ֣א ה֑וּא בָּדָ֣ד יֵשֵׁ֔ב מִח֥וּץ לַֽמַּחֲנֶ֖ה מוֹשָׁבֽוֹ׃ ס
	(4Q274 frg. 1 i,4) כול ימי היות֯ [בו הנ]ג֯ע … (Lev SP 13,46) כל ימי אשר הנגע בו יטמא טמא הוא בדד ישב מחוץ למחנה מושבו *
47	וְהַבֶּ֕גֶד כִּֽי־ יִהְיֶ֥ה ב֖וֹ נֶ֣גַע צָרָ֑עַת בְּבֶ֣גֶד צֶ֔מֶר א֖וֹ בְּבֶ֥גֶד פִּשְׁתִּֽים׃
	(Lev SP 13,47) והבגד כי יהיה בו נגע צרעת בבגד צמר או בבגד פשתים
48	א֤וֹ בִֽשְׁתִי֙ א֣וֹ בְעֵ֔רֶב לַפִּשְׁתִּ֖ים וְלַצָּ֑מֶר א֣וֹ בְע֔וֹר א֖וֹ בְּכָל־ מְלֶ֥אכֶת עֽוֹר׃
	(Lev SP 13,48) או בשתי או בערב לפשתים ולצמר או בעור או בכל מלאכת עור
49	וְהָיָ֨ה הַנֶּ֜גַע יְרַקְרַ֣ק ׀ א֣וֹ אֲדַמְדָּ֗ם בַּבֶּגֶד֩ א֨וֹ בָע֜וֹר אֽוֹ־ בַשְּׁתִ֤י אוֹ־ בָעֵ֙רֶב֙ א֣וֹ בְכָל־ כְּלִי־ ע֔וֹר נֶ֥גַע צָרַ֖עַת ה֑וּא וְהָרְאָ֖ה אֶת־ הַכֹּהֵֽן׃
	(Lev SP 13,49) והיה הנגע ירקרק או אדמדם בבגד או בעור או בשתי או בערב או בכל כלי עור נגע צרעת הוא והראה את הכהן
50	וְרָאָ֥ה הַכֹּהֵ֖ן אֶת־ הַנָּ֑גַע וְהִסְגִּ֥יר אֶת־ הַנֶּ֖גַע שִׁבְעַ֥ת יָמִֽים׃
	(Lev SP 13,50) וראה הכהן את הנגע והסגיר את הנגע שבעת ימים
51	וְרָאָ֨ה אֶת־ הַנֶּ֜גַע בַּיּ֣וֹם הַשְּׁבִיעִ֗י כִּֽי־ פָשָׂ֤ה הַנֶּ֙גַע֙ בַּ֠בֶּגֶד אֽוֹ־ בַשְּׁתִ֤י אֽוֹ־ בָעֵ֙רֶב֙ א֣וֹ בָע֔וֹר לְכֹ֛ל אֲשֶׁר־ יֵעָשֶׂ֥ה הָע֖וֹר לִמְלָאכָ֑ה צָרַ֧עַת מַמְאֶ֛רֶת הַנֶּ֖גַע טָמֵ֥א הֽוּא׃
	(Lev SP 13,51) וראה את הנגע ביום השביעי כי פשה הנגע בבגד או בשתי או בערב או בעור לכל אשר יעשה העור למלאכה צרעת ממראת הנגע טמא הוא
52	וְשָׂרַ֨ף אֶת־ הַבֶּ֜גֶד א֥וֹ אֶֽת־ הַשְּׁתִ֣י ׀ א֣וֹ אֶת־ הָעֵ֗רֶב בַּצֶּ֙מֶר֙ א֣וֹ בַפִּשְׁתִּ֔ים א֚וֹ אֶת־ כָּל־ כְּלִ֣י הָע֔וֹר אֲשֶׁר־ יִהְיֶ֥ה ב֖וֹ הַנָּ֑גַע כִּֽי־ צָרַ֤עַת מַמְאֶ֙רֶת֙ הִ֔וא בָּאֵ֖שׁ תִּשָּׂרֵֽף׃
	(Lev SP 13,52) ושרף את הבגד או את השתי או את הערב בצמר או בפשתים או את כל כלי העור אשר יהיה בו הנגע כי צרעת ממראת היא באש תשרף *
53	וְאִם֮ יִרְאֶ֣ה הַכֹּהֵן֒ וְהִנֵּה֙ לֹא־ פָשָׂ֣ה הַנֶּ֔גַע בַּבֶּ֕גֶד א֥וֹ בַשְּׁתִ֖י א֣וֹ בָעֵ֑רֶב א֖וֹ בְּכָל־ כְּלִי־ עֽוֹר׃
	(Lev SP 13,53) ואם יראה הכהן והנה לא פשה הנגע בבגד או בשתי או בערב או בכל כלי עור
54	וְצִוָּה֙ הַכֹּהֵ֔ן וְכִ֨בְּס֔וּ אֵ֥ת אֲשֶׁר־ בּ֖וֹ הַנָּ֑גַע וְהִסְגִּיר֥וֹ שִׁבְעַת־ יָמִ֖ים שֵׁנִֽית׃
	(Lev SP 13,54) וצוה הכהן וכבסו את אשר בו הנגע והסגירו שבעת ימים שנית
55	וְרָאָ֨ה הַכֹּהֵ֜ן אַחֲרֵ֣י ׀ הֻכַּבֵּ֣ס אֶת־ הַנֶּ֗גַע וְ֠הִנֵּה לֹֽא־ הָפַ֨ךְ הַנֶּ֤גַע אֶת־ עֵינוֹ֙ וְהַנֶּ֣גַע לֹֽא־ פָשָׂ֔ה טָמֵ֣א ה֔וּא בָּאֵ֖שׁ תִּשְׂרְפֶ֑נּוּ פְּחֶ֣תֶת הִ֔וא בְּקָרַחְתּ֖וֹ א֥וֹ בְגַבַּחְתּֽוֹ׃
	(Lev SP 13,55) וראה הכהן אחרי הכבס את הנגע והנה לא הפך הנגע את עיניו והנגע לא פשה טמא הוא באש תשרפנו פחתת היא בקרחתו או בגבחתו
56	וְאִם֮ רָאָ֣ה הַכֹּהֵן֒ וְהִנֵּה֙ כֵּהָ֣ה הַנֶּ֔גַע אַחֲרֵ֖י הֻכַּבֵּ֣ס אֹת֑וֹ וְקָרַ֣ע אֹת֗וֹ מִן־ הַבֶּ֙גֶד֙ א֣וֹ מִן־ הָע֔וֹר א֥וֹ מִן־ הַשְּׁתִ֖י א֥וֹ מִן־ הָעֵֽרֶב׃
	(Lev SP 13,56) ואם ראה הכהן והנה כהה הנגע אחרי הכבסו אתו וקרעו אתו מן הבגד או מן העור או מן השתי או מן הערב
57	וְאִם־ תֵּרָאֶ֨ה ע֜וֹד בַּ֠בֶּגֶד אֽוֹ־ בַשְּׁתִ֤י אֽוֹ־ בָעֵ֙רֶב֙ א֣וֹ בְכָל־ כְּלִי־ ע֔וֹר פֹּרַ֖חַת הִ֑וא בָּאֵ֣שׁ תִּשְׂרְפֶ֔נּוּ אֵ֥ת אֲשֶׁר־ בּ֖וֹ הַנָּֽגַע׃
	(Lev SP 13,57) ואם תראה עוד בבגד או בשתי או בערב או בכל כלי עור פרחת היא באש תשרפנו את אשר בו הנגע
58	וְהַבֶּ֡גֶד אֽוֹ־ הַשְּׁתִ֨י אוֹ־ הָעֵ֜רֶב אֽוֹ־ כָל־ כְּלִ֤י הָעוֹר֙ אֲשֶׁ֣ר תְּכַבֵּ֔ס וְסָ֥ר מֵהֶ֖ם הַנָּ֑גַע וְכֻבַּ֥ס שֵׁנִ֖ית וְטָהֵֽר׃
	(11Q2 frg. 3,2) [והבגד או השתי או הע]רב או כו[ל כלי העור אשר] (11Q2 frg. 3,3) [תכבס וסר מהם ]ה֯נגע וכבס שנית[ וטהר (Lev SP 13,58) והבגד או השתי או הערב או כל כלי העור אשר תכבס וסר מהם הנגע וכבס שנית וטהר
59	זֹ֠את תּוֹרַ֨ת נֶֽגַע־ צָרַ֜עַת בֶּ֥גֶד הַצֶּ֣מֶר ׀ א֣וֹ הַפִּשְׁתִּ֗ים א֤וֹ הַשְּׁתִי֙ א֣וֹ הָעֵ֔רֶב א֖וֹ כָּל־ כְּלִי־ ע֑וֹר לְטַהֲר֖וֹ א֥וֹ לְטַמְּאֽוֹ׃ פ
	(11Q2 frg. 3,3) זואת] (11Q2 frg. 3,4) [תורת נגע צרעת ב]גד צמר או פושתים[ או שתי] (11Q2 frg. 3,5) [או ערב או כל כ]ל֯י עור לטהרתו או [לטמאו ] (Lev SP 13,59) זאת תורת נגע הצרעת בגד הצמר או הפשתים או השתי או הערב או כל כלי העור לטהרו או לטמאו *

14
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(Lev SP 14,1) וידבר יהוה אל משה לאמר
2	זֹ֤את תִּֽהְיֶה֙ תּוֹרַ֣ת הַמְּצֹרָ֔ע בְּי֖וֹם טָהֳרָת֑וֹ וְהוּבָ֖א אֶל־ הַכֹּהֵֽן׃
	(Lev SP 14,2) זאת תהיה תורת המצרע ביום טהרתו והובא אל הכהן
3	וְיָצָא֙ הַכֹּהֵ֔ן אֶל־ מִח֖וּץ לַֽמַּחֲנֶ֑ה וְרָאָה֙ הַכֹּהֵ֔ן וְהִנֵּ֛ה נִרְפָּ֥א נֶֽגַע־ הַצָּרַ֖עַת מִן־ הַצָּרֽוּעַ׃
	(Lev SP 14,3) ויצא הכהן אל מחוץ למחנה וראה הכהן והנה נרפא נגע הצרעת מן הצרוע
4	וְצִוָּה֙ הַכֹּהֵ֔ן וְלָקַ֧ח לַמִּטַּהֵ֛ר שְׁתֵּֽי־ צִפֳּרִ֥ים חַיּ֖וֹת טְהֹר֑וֹת וְעֵ֣ץ אֶ֔רֶז וּשְׁנִ֥י תוֹלַ֖עַת וְאֵזֹֽב׃
	(Lev SP 14,4) וצוה הכהן ולקחו למטהר שתי צפורים חיות טהרות ועץ ארז ושני תולעת ואזוב
5	וְצִוָּה֙ הַכֹּהֵ֔ן וְשָׁחַ֖ט אֶת־ הַצִּפּ֣וֹר הָאֶחָ֑ת אֶל־ כְּלִי־ חֶ֖רֶשׂ עַל־ מַ֥יִם חַיִּֽים׃
	(Lev SP 14,5) וצוה הכהן ושחטו את הצפור האחת אל כלי חרש על מים חיים
6	אֶת־ הַצִּפֹּ֤ר הַֽחַיָּה֙ יִקַּ֣ח אֹתָ֔הּ וְאֶת־ עֵ֥ץ הָאֶ֛רֶז וְאֶת־ שְׁנִ֥י הַתּוֹלַ֖עַת וְאֶת־ הָאֵזֹ֑ב וְטָבַ֨ל אוֹתָ֜ם וְאֵ֣ת ׀ הַצִּפֹּ֣ר הֽ͏ַחַיָּ֗ה בְּדַם֙ הַצִּפֹּ֣ר הַשְּׁחֻטָ֔ה עַ֖ל הַמַּ֥יִם הֽ͏ַחַיִּֽים׃
	(Lev SP 14,6) ואת הצפור החיה יקח אתה ואת עץ הארז ואת שני התולעת ואת האזוב וטבל אתם ואת הצפור החיה בדם הצפור השחוטה על מים החיים
7	וְהִזָּ֗ה עַ֧ל הַמִּטַּהֵ֛ר מִן־ הַצָּרַ֖עַת שֶׁ֣בַע פְּעָמִ֑ים וְטִ֣הֲר֔וֹ וְשִׁלַּ֛ח אֶת־ הַצִּפֹּ֥ר הַֽחַיָּ֖ה עַל־ פְּנֵ֥י הַשָּׂדֶֽה׃
	(Lev SP 14,7) והזה על המטהר מן הצרעת שבע פעמים וטהרו ושלח את הצפור החיה על פני השדה
8	וְכִבֶּס֩ הַמִּטַּהֵ֨ר אֶת־ בְּגָדָ֜יו וְגִלַּ֣ח אֶת־ כָּל־ שְׂעָר֗וֹ וְרָחַ֤ץ בַּמַּ֙יִם֙ וְטָהֵ֔ר וְאַחַ֖ר יָב֣וֹא אֶל־ הַֽמַּחֲנֶ֑ה וְיָשַׁ֛ב מִח֥וּץ לְאָהֳל֖וֹ שִׁבְעַ֥ת יָמִֽים׃
	(Lev SP 14,8) וכבס המטהר את בגדיו וגלח את כל שערו ורחץ במים וטהר ואחר יבוא אל המחנה וישב מחוץ לאהלו שבעת ימים
9	וְהָיָה֩ בַיּ֨וֹם הַשְּׁבִיעִ֜י יְגַלַּ֣ח אֶת־ כָּל־ שְׂעָר֗וֹ אֶת־ רֹאשׁ֤וֹ וְאֶת־ זְקָנוֹ֙ וְאֵת֙ גַּבֹּ֣ת עֵינָ֔יו וְאֶת־ כָּל־ שְׂעָר֖וֹ יְגַלֵּ֑חַ וְכִבֶּ֣ס אֶת־ בְּגָדָ֗יו וְרָחַ֧ץ אֶת־ בְּשָׂר֛וֹ בַּמַּ֖יִם וְטָהֵֽר׃
	(Lev SP 14,9) והיה ביום השביעי יגלח את כל שערו את ראשו ואת זקנו ואת גבות עיניו ואת כל שערו יגלח וכבס את בגדיו ורחץ את בשרו במים וטהר *
10	וּבַיּ֣וֹם הַשְּׁמִינִ֗י יִקַּ֤ח שְׁנֵֽי־ כְבָשִׂים֙ תְּמִימִ֔ים וְכַבְשָׂ֥ה אַחַ֛ת בַּת־ שְׁנָתָ֖הּ תְּמִימָ֑ה וּשְׁלֹשָׁ֣ה עֶשְׂרֹנִ֗ים סֹ֤לֶת מִנְחָה֙ בְּלוּלָ֣ה בַשֶּׁ֔מֶן וְלֹ֥ג אֶחָ֖ד שָֽׁמֶן׃
	(Lev SP 14,10) וביום השמיני יקח שני כבשים תמימם בני שנה וכבשה אחת בת שנתה תמימה ושלשה עשרנים סלת מנחה בלולה בשמן ולג שמן אחד
11	וְהֶעֱמִ֞יד הַכֹּהֵ֣ן הַֽמְטַהֵ֗ר אֵ֛ת הָאִ֥ישׁ הַמִּטַּהֵ֖ר וְאֹתָ֑ם לִפְנֵ֣י יְהוָ֔ה פֶּ֖תַח אֹ֥הֶל מוֹעֵֽד׃
	(Lev SP 14,11) והעמיד הכהן המטהר את האיש המטהר ואתם לפני יהוה פתח אהל מועד
12	וְלָקַ֨ח הַכֹּהֵ֜ן אֶת־ הַכֶּ֣בֶשׂ הָאֶחָ֗ד וְהִקְרִ֥יב אֹת֛וֹ לְאָשָׁ֖ם וְאֶת־ לֹ֣ג הַשָּׁ֑מֶן וְהֵנִ֥יף אֹתָ֛ם תְּנוּפָ֖ה לִפְנֵ֥י יְהוָֽה׃
	(Lev SP 14,12) ולקח הכהן את הכבש האחד והקריב אתו לאשם ואת לג השמן והניף אתם תנופה לפני יהוה
13	וְשָׁחַ֣ט אֶת־ הַכֶּ֗בֶשׂ בִּ֠מְקוֹם אֲשֶׁ֨ר יִשְׁחַ֧ט אֶת־ הַֽחַטָּ֛את וְאֶת־ הָעֹלָ֖ה בִּמְק֣וֹם הַקֹּ֑דֶשׁ כִּ֡י כַּ֠חַטָּאת הָאָשָׁ֥ם הוּא֙ לַכֹּהֵ֔ן קֹ֥דֶשׁ קֽ͏ָדָשִׁ֖ים הֽוּא׃
	(Lev SP 14,13) ושחט את הכבש במקום אשר ישחטו את החטאת ואת העלה במקום הקדש כי כחטאת כאשם הוא לכהן קדש קדשים הוא *
14	וְלָקַ֣ח הַכֹּהֵן֮ מִדַּ֣ם הָאָשָׁם֒ וְנָתַן֙ הַכֹּהֵ֔ן עַל־ תְּנ֛וּךְ אֹ֥זֶן הַמִּטַּהֵ֖ר הַיְמָנִ֑ית וְעַל־ בֹּ֤הֶן יָדוֹ֙ הַיְמָנִ֔ית וְעַל־ בֹּ֥הֶן רַגְל֖וֹ הַיְמָנִֽית׃
	(Lev SP 14,14) ולקח הכהן מדם האשם ונתן « » על תנך אזן המטהר הימנית ועל בהון ידו הימנית ועל בהון רגלו הימנית
15	וְלָקַ֥ח הַכֹּהֵ֖ן מִלֹּ֣ג הַשָּׁ֑מֶן וְיָצַ֛ק עַל־ כַּ֥ף הַכֹּהֵ֖ן הַשְּׂמָאלִֽית׃
	(Lev SP 14,15) ולקח הכהן מלג השמן ויצק על כף הכהן השמאלית
16	וְטָבַ֤ל הַכֹּהֵן֙ אֶת־ אֶצְבָּע֣וֹ הַיְמָנִ֔ית מִן־ הַשֶּׁ֕מֶן אֲשֶׁ֥ר עַל־ כַּפּ֖וֹ הַשְּׂמָאלִ֑ית וְהִזָּ֨ה מִן־ הַשֶּׁ֧מֶן בְּאֶצְבָּע֛וֹ שֶׁ֥בַע פְּעָמִ֖ים לִפְנֵ֥י יְהוָֽה׃
	(11Q1 frg. F,1) וטבל הכהנ את אצבעו ה]ימנ[ית מנ השמנ אשר על] (11Q1 frg. F,2) [כפו השמאלית ]והזה מנ השמנ שבע פ[עמימ לפני יהוה (11Q2 frg. 4,1) [בא]צבעו ש[בע פעמים לפני יהוה (Lev SP 14,16) וטבל הכהן את אצבעו הימנית מן השמן אשר על כפו השמאלית והזה מן השמן « » שבע פעמים לפני יהוה
17	וּמִיֶּ֨תֶר הַשֶּׁ֜מֶן אֲשֶׁ֣ר עַל־ כַּפּ֗וֹ יִתֵּ֤ן הַכֹּהֵן֙ עַל־ תְּנ֞וּךְ אֹ֤זֶן הַמִּטַּהֵר֙ הַיְמָנִ֔ית וְעַל־ בֹּ֤הֶן יָדוֹ֙ הַיְמָנִ֔ית וְעַל־ בֹּ֥הֶן רַגְל֖וֹ הַיְמָנִ֑ית עַ֖ל דַּ֥ם הָאָשָֽׁם׃
	(11Q1 frg. F,2) ומיתר] (11Q1 frg. F,3) [השמנ אשר על כפו יתנ הכה]נ על רא תנ[ו]כ אזנ המטה[ר הימנית ועל בהנ] (11Q1 frg. F,4) [ידו הימנית ועל בהנ רגלו הימני]ת על דמ[ ]האשמ (11Q2 frg. 4,1) ומיתר השמן אשר] (11Q2 frg. 4,2) [על כ]פ֯[ו יתן הכהן על תנוך אזן המטהר הימנית] (Lev SP 14,17) ומיתר השמן אשר על כפו יתן הכהן על תנך אזן המטהר הימנית ועל בהון ידו הימנית ועל בהון רגלו הימנית על דם האשם
18	וְהַנּוֹתָ֗ר בַּשֶּׁ֙מֶן֙ אֲשֶׁר֙ עַל־ כַּ֣ף הַכֹּהֵ֔ן יִתֵּ֖ן עַל־ רֹ֣אשׁ הַמִּטַּהֵ֑ר וְכִפֶּ֥ר עָלָ֛יו הַכֹּהֵ֖ן לִפְנֵ֥י יְהוָֽה׃
	(11Q1 frg. F,4) ו[הנותר בשמנ אשר על] (11Q1 frg. F,5) [כפ הכהנ יתנ על ראש המטהר וכפר עליו ה]כהנ לפ[ני יהוה (Lev SP 14,18) והנותר בשמן אשר על כף הכהן יתן על ראש המטהר וכפר עליו הכהן לפני יהוה
19	וְעָשָׂ֤ה הַכֹּהֵן֙ אֶת־ הַ֣חַטָּ֔את וְכִפֶּ֕ר עַל־ הַמִּטַּהֵ֖ר מִטֻּמְאָת֑וֹ וְאַחַ֖ר יִשְׁחַ֥ט אֶת־ הָעֹלָֽה׃
	(11Q1 frg. F,5) ועש]ה הכהנ[ את] (11Q1 frg. F,6) [החטאת וכפר על המטהר מטמאתו ואחר ישח]ט את העל[ה (Lev SP 14,19) ועשה הכהן את החטאת וכפר על המטהר מטמאתו ואחר ישחט את העלה
20	וְהֶעֱלָ֧ה הַכֹּהֵ֛ן אֶת־ הָעֹלָ֥ה וְאֶת־ הַמִּנְחָ֖ה הַמִּזְבֵּ֑חָה וְכִפֶּ֥ר עָלָ֛יו הַכֹּהֵ֖ן וְטָהֵֽר׃ ס
	(11Q1 frg. F,6) והעלה הכהנ את העלה] (11Q1 frg. F,7) [ואת המנחה המזבחה וכפר ע]לי הכה[נ וטהר (Lev SP 14,20) והעלה הכהן את העלה ואת המנחה המזבחה לפני יהוה וכפר עליו הכהן וטהר *
21	וְאִם־ דַּ֣ל ה֗וּא וְאֵ֣ין יָדוֹ֮ מַשֶּׂגֶת֒ וְ֠לָקַח כֶּ֣בֶשׂ אֶחָ֥ד אָשָׁ֛ם לִתְנוּפָ֖ה לְכַפֵּ֣ר עָלָ֑יו וְעִשָּׂר֨וֹן סֹ֜לֶת אֶחָ֨ד בָּ֥לוּל בַּשֶּׁ֛מֶן לְמִנְחָ֖ה וְלֹ֥ג שָֽׁמֶן׃
	(11Q1 frg. F,7) ואמ דל הוא ואינ ידו משגת ולקח] (11Q1 frg. F,8) [כבש אחד אשמ לת]נופה לכ[פר עליו ועשרונ סלת אחד בלול בשמנ למנחה] (Lev SP 14,21) ואם דל הוא ואין ידו משגת ולקח כבש אחד אשם לתנופה לכפר עליו ועשרון סלת אחד בלול בשמן למנחה ולג שמן
22	וּשְׁתֵּ֣י תֹרִ֗ים א֤וֹ שְׁנֵי֙ בְּנֵ֣י יוֹנָ֔ה אֲשֶׁ֥ר תַּשִּׂ֖יג יָד֑וֹ וְהָיָ֤ה אֶחָד֙ חַטָּ֔את וְהָאֶחָ֖ד עֹלָֽה׃
	(4Q23 frg. 2-3,1) [ושתי תרים או שני ]בני יונה֯ א֯ש֯[ר ]תש֯יג֯ י֯[דו והיה אחד חטאת והאחד עלה ] (Lev SP 14,22) ושתי תרים או שני בני יונה אשר תשיג ידו והיה אחד חטאת ואחד עלה
23	וְהֵבִ֨יא אֹתָ֜ם בַּיּ֧וֹם הַשְּׁמִינִ֛י לְטָהֳרָת֖וֹ אֶל־ הַכֹּהֵ֑ן אֶל־ פֶּ֥תַח אֹֽהֶל־ מוֹעֵ֖ד לִפְנֵ֥י יְהוָֽה׃
	(4Q23 frg. 2-3,2) [והביא אתם ביו]ם הש֯מ֯[יני] לטהרת֯[ו אל הכהן אל פתח אהל מועד לפני יהוה ] (Lev SP 14,23) והביא אתם ביום השמיני לטהרתו אל הכהן אל פתח אהל מועד לפני יהוה
24	וְלָקַ֧ח הַכֹּהֵ֛ן אֶת־ כֶּ֥בֶשׂ הָאָשָׁ֖ם וְאֶת־ לֹ֣ג הַשָּׁ֑מֶן וְהֵנִ֨יף אֹתָ֧ם הַכֹּהֵ֛ן תְּנוּפָ֖ה לִפְנֵ֥י יְהוָֽה׃
	(Lev SP 14,24) ולקח הכהן את כבש האשם ואת לג השמן והניף אתם « » תנופה לפני יהוה
25	וְשָׁחַט֮ אֶת־ כֶּ֣בֶשׂ הָֽאָשָׁם֒ וְלָקַ֤ח הַכֹּהֵן֙ מִדַּ֣ם הָֽאָשָׁ֔ם וְנָתַ֛ן עַל־ תְּנ֥וּךְ אֹֽזֶן־ הַמִטַּהֵ֖ר הַיְמָנִ֑ית וְעַל־ בֹּ֤הֶן יָדוֹ֙ הַיְמָנִ֔ית וְעַל־ בֹּ֥הֶן רַגְל֖וֹ הַיְמָנִֽית׃
	(4Q23 frg. 2-3,3) [ושחט את כבש ה]אשם ולקח הכהן[ מד]ם֯ הא֯[שם ונתן על תנוך אזן המטהר] (4Q23 frg. 2-3,4) [הימנית ועל בהן ]י֯דו הימנית ועל בהן רגלו ה֯[ימנית (Lev SP 14,25) ושחט את כבש האשם * ולקח הכהן מדם האשם ונתן על תנך אזן המטהר הימנית ועל בהון ידו הימנית ועל בהון רגלו הימנית
26	וּמִן־ הַשֶּׁ֖מֶן יִצֹ֣ק הַכֹּהֵ֑ן עַל־ כַּ֥ף הַכֹּהֵ֖ן הַשְּׂמָאלִֽית׃
	(4Q23 frg. 2-3,4) ומן השמן יצק הכהן] (4Q23 frg. 2-3,5) [על כף הכהן השמא]לית (Lev SP 14,26) ומן השמן יצק הכהן על כף הכהן השמאלית
27	וְהִזָּ֤ה הַכֹּהֵן֙ בְּאֶצְבָּע֣וֹ הַיְמָנִ֔ית מִן־ הַשֶּׁ֕מֶן אֲשֶׁ֥ר עַל־ כַּפּ֖וֹ הַשְּׂמָאלִ֑ית שֶׁ֥בַע פְּעָמִ֖ים לִפְנֵ֥י יְהוָֽה׃
	(4Q23 frg. 2-3,5) והז֯[ה הכ]ה֯ן֯ ב֯אצ֯ב֯ע֯[ו הימנית מן השמן אשר על כפו] (4Q23 frg. 2-3,6) [השמאלית שבע פעמים ל]פ֯ני יהוה[ (4Q26 frg. 1,1) והזה הכהן באצבעו הימנית] (4Q26 frg. 1,2) [מ]ן השמן א֯[שר על כפו השמאלית שבע פעמים לפני יהוה ] (Lev SP 14,27) והזה הכהן באצבעו הימינית מן השמן אשר על כפו השמאלית שבע פעמים לפני יהוה
28	וְנָתַ֨ן הַכֹּהֵ֜ן מִן־ הַשֶּׁ֣מֶן ׀ אֲשֶׁ֣ר עַל־ כַּפּ֗וֹ עַל־ תְּנ֞וּךְ אֹ֤זֶן הַמִּטַּהֵר֙ הַיְמָנִ֔ית וְעַל־ בֹּ֤הֶן יָדוֹ֙ הַיְמָנִ֔ית וְעַל־ בֹּ֥הֶן רַגְל֖וֹ הַיְמָנִ֑ית עַל־ מְק֖וֹם דַּ֥ם הָאָשָֽׁם׃
	(4Q23 frg. 2-3,6) ונתן הכהן מן השמן אשר על כפו על] (4Q23 frg. 2-3,7) [תנוך אזן המטהר הימני]ת֯ ועל ב[הן רגלו הימנית על מקום דם האשם (4Q26 frg. 1,3) [ונתן הכהן מן השמ]ן אשר על כפו ע[ל תנוך אזן המטהר הימנית] (4Q26 frg. 1,4) [ועל בוהן ]ידו הימנית ועל בוה[ן] רג[לו הימנית על מקום דם] (4Q26 frg. 1,5) [האשם (Lev SP 14,28) ונתן הכהן מן השמן אשר על כפו על תנך אזן המטהר הימנית ועל בהון ידו הימנית ועל בהון רגלו הימנית על מקום דם האשם
29	וְהַנּוֹתָ֗ר מִן־ הַשֶּׁ֙מֶן֙ אֲשֶׁר֙ עַל־ כַּ֣ף הַכֹּהֵ֔ן יִתֵּ֖ן עַל־ רֹ֣אשׁ הַמִּטַּהֵ֑ר לְכַפֵּ֥ר עָלָ֖יו לִפְנֵ֥י יְהוָֽה׃
	(4Q23 frg. 2-3,7) והנותר] (4Q23 frg. 2-3,8) [מן השמן אשר על כף הכ]ה֯ן יתן ע֯[ל ראש המטהר לכפר עליו לפני יהוה ] (4Q26 frg. 1,5) וה]נ֯ו֯ת֯ר֯ מ֯ן השמן אשר ע[ל כף הכהן יתן על ראש המטהר] (4Q26 frg. 1,6) [לכפר עליו לפני יהוה ] (Lev SP 14,29) והנותר בשמן אשר על כף הכהן יתן על ראש המטהר לכפר עליו לפני יהוה
30	וְעָשָׂ֤ה אֶת־ הָֽאֶחָד֙ מִן־ הַתֹּרִ֔ים א֖וֹ מִן־ בְּנֵ֣י הַיּוֹנָ֑ה מֵאֲשֶׁ֥ר תַּשִּׂ֖יג יָדֽוֹ׃
	(4Q23 frg. 2-3,9) [ועשה את האחד מן התרי]ם או מ[ן בני היונה מאשר תשיג ידו (Lev SP 14,30) ועשה את האחד מן התרים או מבני היונה מאשר תשיג ידו
31	אֵ֣ת אֲשֶׁר־ תַּשִּׂ֞יג יָד֗וֹ אֶת־ הָאֶחָ֥ד חַטָּ֛את וְאֶת־ הָאֶחָ֥ד עֹלָ֖ה עַל־ הַמִּנְחָ֑ה וְכִפֶּ֧ר הַכֹּהֵ֛ן עַ֥ל הַמִּטַּהֵ֖ר לִפְנֵ֥י יְהוָֽה׃
	(4Q23 frg. 2-3,9) את אשר תשיג] (4Q23 frg. 2-3,10) [ידו את האחד חטאת ואת ]הא[חד עלה על ]המנח֯ה וכפר הכ֯[הן על המטהר לפני] (4Q23 frg. 2-3,11) [יהוה (Lev SP 14,31) את אשר תשיג ידו את האחד חטאת ואת האחד עלה על המנחה וכפר « » על המטהר לפני יהוה
32	זֹ֣את תּוֹרַ֔ת אֲשֶׁר־ בּ֖וֹ נֶ֣גַע צָרָ֑עַת אֲשֶׁ֛ר לֹֽא־ תַשִּׂ֥יג יָד֖וֹ בְּטָהֳרָתֽוֹ׃ פ
	(4Q23 frg. 2-3,11) זאת תורת אשר בו נגע צרעת א]ש֯ר֯ לא תשיג ידו[ בטהרתו ] (Lev SP 14,32) זאת תורת אשר בו נגע צרעת אשר לא תשיג ידו בטהרתו *
33	וַיְדַבֵּ֣ר יְהוָ֔ה אֶל־ מֹשֶׁ֥ה וְאֶֽל־ אַהֲרֹ֖ן לֵאמֹֽר׃
	(4Q23 frg. 2-3,12) [וידבר יהוה אל משה ואל אהרן ל]א֯מ֯ר֯ (4Q26 frg. 2,1) [ואל א]ה֯רון ל֯א֯מ֯ור (Lev SP 14,33) וידבר יהוה אל משה ואל אהרן לאמר
34	כִּ֤י תָבֹ֙אוּ֙ אֶל־ אֶ֣רֶץ כְּנַ֔עַן אֲשֶׁ֥ר אֲנִ֛י נֹתֵ֥ן לָכֶ֖ם לַאֲחֻזָּ֑ה וְנָתַתִּי֙ נֶ֣גַע צָרַ֔עַת בְּבֵ֖ית אֶ֥רֶץ אֲחֻזַּתְכֶֽם׃
	(4Q23 frg. 2-3,12) כי תב֯[או אל ארץ כנען אשר אני נתן] (4Q26 frg. 2,1) כ֯[י תבאו אל ארץ כנען אשר אני נתן לכם לאחזה ונתתי] (4Q26 frg. 2,2) [נגע צר]ע֯ת בבית א֯ר[ץ אחזתכם (Lev SP 14,34) כי תבאו אל ארץ כנען אשר אני נתן לכם לאחזה ונתתי נגע צרעת בבית ארץ אחזתכם
35	וּבָא֙ אֲשֶׁר־ ל֣וֹ הַבַּ֔יִת וְהִגִּ֥יד לַכֹּהֵ֖ן לֵאמֹ֑ר כְּנֶ֕גַע נִרְאָ֥ה לִ֖י בַּבָּֽיִת׃
	(4Q26 frg. 2,2) ובא אשר לו הבית והגיד לכהן לאמור] (4Q26 frg. 2,3) [כנגע נר]אה לי ב֯ב֯י֯ת (Lev SP 14,35) ובא אשר לו הבית והגיד לכהן לאמר כנגע נראה לי בבית
36	וְצִוָּ֨ה הַכֹּהֵ֜ן וּפִנּ֣וּ אֶת־ הַבַּ֗יִת בְּטֶ֨רֶם יָבֹ֤א הַכֹּהֵן֙ לִרְא֣וֹת אֶת־ הַנֶּ֔גַע וְלֹ֥א יִטְמָ֖א כָּל־ אֲשֶׁ֣ר בַּבָּ֑יִת וְאַ֥חַר כֵּ֛ן יָבֹ֥א הַכֹּהֵ֖ן לִרְא֥וֹת אֶת־ הַבָּֽיִת׃
	(4Q26 frg. 2,3) וצ֯[ו]ה֯ [הכהן ופנו את הבית בטרם יבא הכהן] (4Q26 frg. 2,4) [לראות א]ת נגע הצרעת ולוא [יטמא כול אשר בבית ואחר כן יבא] (4Q26 frg. 2,5) [הכהן לראות את הבית ] (Lev SP 14,36) וצוה הכהן ופנו את הבית בטרם יבוא הכהן לראות את הנגע ולא יטמא כל אשר בבית ואחרי כן יבוא הכהן לראות את הבית
37	וְרָאָ֣ה אֶת־ הַנֶּ֗גַע וְהִנֵּ֤ה הַנֶּ֙גַע֙ בְּקִירֹ֣ת הַבַּ֔יִת שְׁקַֽעֲרוּרֹת֙ יְרַקְרַקֹּ֔ת א֖וֹ אֲדַמְדַּמֹּ֑ת וּמַרְאֵיהֶ֥ן שָׁפָ֖ל מִן־ הַקִּֽיר׃
	(Lev SP 14,37) וראה הכהן את הנגע והנה הנגע בקירות הבית שקעררות ירקרקות או אדמדמות ומראהן שפל מן הקיר
38	וְיָצָ֧א הַכֹּהֵ֛ן מִן־ הַבַּ֖יִת אֶל־ פֶּ֣תַח הַבָּ֑יִת וְהִסְגִּ֥יר אֶת־ הַבַּ֖יִת שִׁבְעַ֥ת יָמִֽים׃
	(Lev SP 14,38) ויצא הכהן מן הבית אל פתח הבית והסגיר את הבית שבעת ימים
39	וְשָׁ֥ב הַכֹּהֵ֖ן בַּיּ֣וֹם הַשְּׁבִיעִ֑י וְרָאָ֕ה וְהִנֵּ֛ה פָּשָׂ֥ה הַנֶּ֖גַע בְּקִירֹ֥ת הַבָּֽיִת׃
	(Lev SP 14,39) ושב הכהן ביום השביעי וראה והנה פשה הנגע בקירות הבית
40	וְצִוָּה֙ הַכֹּהֵ֔ן וְחִלְּצוּ֙ אֶת־ הָ֣אֲבָנִ֔ים אֲשֶׁ֥ר בָּהֵ֖ן הַנָּ֑גַע וְהִשְׁלִ֤יכוּ אֶתְהֶן֙ אֶל־ מִח֣וּץ לָעִ֔יר אֶל־ מָק֖וֹם טָמֵֽא׃
	(4Q23 frg. 4,1) [אתהן אל מחוץ לעיר אל ]מ֯ק֯ו֯ם֯[ טמא (Lev SP 14,40) וצוה הכהן וחלצו את האבנים אשר בהן הנגע והשלכו אתהן אל מחוץ לעיר אל מקום טמא
41	וְאֶת־ הַבַּ֛יִת יַקְצִ֥עַ מִבַּ֖יִת סָבִ֑יב וְשָׁפְכ֗וּ אֶת־ הֶֽעָפָר֙ אֲשֶׁ֣ר הִקְצ֔וּ אֶל־ מִח֣וּץ לָעִ֔יר אֶל־ מָק֖וֹם טָמֵֽא׃
	(4Q23 frg. 4,1) ואת הבית יקצע מבית סביב ושפכו] (4Q23 frg. 4,2) [את העפר אשר הקצ]ו֯ אל מחוץ לעיר אל מקום ט֯מ֯[א (Lev SP 14,41) ואת הבית יקצעו מבית סביב ושפכו את העפר אשר הקיצו אל מחוץ לעיר אל מקום טמא
42	וְלָקְחוּ֙ אֲבָנִ֣ים אֲחֵר֔וֹת וְהֵבִ֖יאוּ אֶל־ תַּ֣חַת הָאֲבָנִ֑ים וְעָפָ֥ר אַחֵ֛ר יִקַּ֖ח וְטָ֥ח אֶת־ הַבָּֽיִת׃
	(4Q23 frg. 4,2) ולקחו אבנים אחרות] (4Q23 frg. 4,3) [והביאו אל תחת ]האבנים ועפר אחר יקחו וטחו א[ת הבית (Lev SP 14,42) ולקחו אבנים אחרות והביאו אל תחת האבנים ועפר אחר יקחו וטחו את הבית *
43	וְאִם־ יָשׁ֤וּב הַנֶּ֙גַע֙ וּפָרַ֣ח בַּבַּ֔יִת אַחַ֖ר חִלֵּ֣ץ אֶת־ הָאֲבָנִ֑ים וְאַחֲרֵ֛י הִקְצ֥וֹת אֶת־ הַבַּ֖יִת וְאַחֲרֵ֥י הִטּֽוֹחַ׃
	(4Q23 frg. 4,3) ואם ישוב] (4Q23 frg. 4,4) [הנגע ופרח בב]ית אחרי חליץ את ה[אב]נ֯י֯ם ואחר הטו֯[ח את הבית (Lev SP 14,43) ואם ישוב הנגע ופרח בבית אחרי חלצו את האבנים ואחרי הקצות את הבית ואחרי הטח
44	וּבָא֙ הַכֹּהֵ֔ן וְרָאָ֕ה וְהִנֵּ֛ה פָּשָׂ֥ה הַנֶּ֖גַע בַּבָּ֑יִת צָרַ֨עַת מַמְאֶ֥רֶת הִ֛וא בַּבַּ֖יִת טָמֵ֥א הֽוּא׃
	(4Q23 frg. 4,4) ובא] (4Q23 frg. 4,5) [הכהן ור]א֯ה והנה פשה הנגע בבי֯[ת צרעת ממארת ]ה֯י֯[א בבית טמא הוא ] (Lev SP 14,44) ובא הכהן וראה והנה פרח הנגע בבית צרעת ממראת « » בבית טמא הוא
45	וְנָתַ֣ץ אֶת־ הַבַּ֗יִת אֶת־ אֲבָנָיו֙ וְאֶת־ עֵצָ֔יו וְאֵ֖ת כָּל־ עֲפַ֣ר הַבָּ֑יִת וְהוֹצִיא֙ אֶל־ מִח֣וּץ לָעִ֔יר אֶל־ מָק֖וֹם טָמֵֽא׃
	(4Q23 frg. 4,6) [ו]נ֯ת֯צ֯ו֯ א֯ת֯ הבית את אב֯נה ואת ע֯צ֯[ ואת כל עפר הבית והוציאו אל מחוץ לעיר אל מקום טמא] (Lev SP 14,45) ונתצו את הבית את אבניו ואת עציו ואת כל עפר הבית והוציאו אל מחוץ לעיר אל מקום טמא
46	וְהַבָּא֙ אֶל־ הַבַּ֔יִת כָּל־ יְמֵ֖י הִסְגִּ֣יר אֹת֑וֹ יִטְמָ֖א עַד־ הָעָֽרֶב׃
	(4Q23 frg. 4,6) והבא אל הבית כל י[מי הסג]י֯ר֯ו֯[ יטמא עד הערב (Lev SP 14,46) והבא אל הבית כל ימי הסגיר אתו יטמא עד הערב
47	וְהַשֹּׁכֵ֣ב בַּבַּ֔יִת יְכַבֵּ֖ס אֶת־ בְּגָדָ֑יו וְהָאֹכֵ֣ל בַּבַּ֔יִת יְכַבֵּ֖ס אֶת־ בְּגָדָֽיו׃
	(4Q23 frg. 4,6) והשכב בבית יכבס] (4Q23 frg. 4,7) את בגדיו והאכל בבית יכ[בס את בגדיו (Lev SP 14,47) והשכב בבית יכבס « » בגדיו והאכל בבית יכבס « » בגדיו
48	וְאִם־ בֹּ֨א יָבֹ֜א הַכֹּהֵ֗ן וְרָאָה֙ וְ֠הִנֵּה לֹא־ פָשָׂ֤ה הַנֶּ֙גַע֙ בַּבַּ֔יִת אַחֲרֵ֖י הִטֹּ֣חַ אֶת־ הַבָּ֑יִת וְטִהַ֤ר הַכֹּהֵן֙ אֶת־ הַבַּ֔יִת כִּ֥י נִרְפָּ֖א הַנָּֽגַע׃
	(4Q23 frg. 4,7) ואם בא יבא הכהן וראה והנה] (4Q23 frg. 4,8) לא פשה הנגע בבית א[חרי הטח את הבית וטהר הכהן את הבית כי] (4Q23 frg. 4,9) [נ]רפא הנגע (Lev SP 14,48) ואם בא יבוא הכהן וראה והנה לא פרח הנגע בבית אחרי הטח את הבית וטהר הכהן את הבית כי נרפא הנגע׃ --
49	וְלָקַ֛ח לְחַטֵּ֥א אֶת־ הַבַּ֖יִת שְׁתֵּ֣י צִפֳּרִ֑ים וְעֵ֣ץ אֶ֔רֶז וּשְׁנִ֥י תוֹלַ֖עַת וְאֵזֹֽב׃
	(4Q23 frg. 4,9) לקח לטהר את[ הבית שתי צפרים ועץ ארז ושני תולעת] (4Q23 frg. 4,10) [וא]ז֯וב (Lev SP 14,49) ולקחו לחטא את הבית שתי צפורים ועץ ארז ושני תולעת ואזוב
50	וְשָׁחַ֖ט אֶת־ הַצִּפֹּ֣ר הָאֶחָ֑ת אֶל־ כְּלִי־ חֶ֖רֶשׂ עַל־ מַ֥יִם חַיִּֽים׃
	(4Q23 frg. 4,10) ושחטו את הצפור האחת[ אל כלי חרש על מים חיים (Lev SP 14,50) ושחט את הצפור האחת אל כלי חרש על מים חיים
51	וְלָקַ֣ח אֶת־ עֵֽץ־ הָ֠אֶרֶז וְאֶת־ הָ֨אֵזֹ֜ב וְאֵ֣ת ׀ שְׁנִ֣י הַתּוֹלַ֗עַת וְאֵת֮ הַצִּפֹּ֣ר הֽ͏ַחַיָּה֒ וְטָבַ֣ל אֹתָ֗ם בְּדַם֙ הַצִּפֹּ֣ר הַשְּׁחוּטָ֔ה וּבַמַּ֖יִם הַֽחַיִּ֑ים וְהִזָּ֥ה אֶל־ הַבַּ֖יִת שֶׁ֥בַע פְּעָמִֽים׃
	(4Q23 frg. 4,10) ולקח] (4Q23 frg. 5,1) [את עץ הארז ו]א֯ת֯ האזוב ואת שני התולע֯ת[ ואת הצפר החיה וטבל אתם בדם] (4Q23 frg. 5,2) [הצפר הש]ח֯וטה ובמים החיים והזה על[ הבית שבע פעמים (Lev SP 14,51) ולקח את עץ הארז ואת שני התולעת ואת האזוב ואת הצפור החיה וטבל אתם בדם הצפור השחוטה ובמים החיים והזה על הבית שבע פעמים
52	וְחִטֵּ֣א אֶת־ הַבַּ֔יִת בְּדַם֙ הַצִּפּ֔וֹר וּבַמַּ֖יִם הַֽחַיִּ֑ים וּבַצִּפֹּ֣ר הַחַיָּ֗ה וּבְעֵ֥ץ הָאֶ֛רֶז וּבָאֵזֹ֖ב וּבִשְׁנִ֥י הַתּוֹלָֽעַת׃
	(11QTa 49,3) ובעץ ארז ובאזוב ובח[וט שני תולעת? --] (4Q23 frg. 5,2) וחטא את הבית] (4Q23 frg. 5,3) [בדם הצפור ]ובמים החיים ובצפר החיה[ ובעץ הארז ובאזוב ובשני התולעת ] (11Q1 frg. G i,1) [וחטא את הבית בדמ הצפור ובמימ החיימ וב]צ[פר החיה] (11Q1 frg. G i,2) [ובעצ הארז ובאזב ובשני התולעת (Lev SP 14,52) וחטא את הבית בדם הצפור ובמים החיים ובצפור החיה ובעץ הארז ובשני התולעת ובאזוב
53	וְשִׁלַּ֞ח אֶת־ הַצִפֹּ֧ר הַֽחַיָּ֛ה אֶל־ מִח֥וּץ לָעִ֖יר אֶל־ פְּנֵ֣י הַשָּׂדֶ֑ה וְכִפֶּ֥ר עַל־ הַבַּ֖יִת וְטָהֵֽר׃
	(4Q23 frg. 5,4) [ושלח ]א֯ת הצפור החיה אל מחוץ לעיר֯[ אל פני השדה וכפר על הבית וטהר ] (11Q1 frg. G i,2) ושלח את הצפר החיה אל] מחוצ לעיר (11Q1 frg. G i,3) [אל פני השדה וכפר על הבית וטהר (Lev SP 14,53) ושלח את הצפור החיה אל מחוץ לעיר על פני השדה וכפר על הבית וטהר
54	זֹ֖את הַתּוֹרָ֑ה לְכָל־ נֶ֥גַע הַצָּרַ֖עַת וְלַנָּֽתֶק׃
	(4Q23 frg. 5,5) [זאת התורה ]לכל נגע הצ֯רע֯[ת ]ו֯ל[נתק ] (11Q1 frg. G i,3) זאת התורה לכל נגע ה]צרעת ולנתק ו (Lev SP 14,54) זאת התורה לכל נגע הצרעת ולנתק
55	וּלְצָרַ֥עַת הַבֶּ֖גֶד וְלַבָּֽיִת׃
	(11Q1 frg. G i,4) [לצרעתהבגד ולבית (Lev SP 14,55) ולצרעת הבגד ולבית
56	וְלַשְׂאֵ֥ת וְלַסַּפַּ֖חַת וְלַבֶּהָֽרֶת׃
	(11Q1 frg. G i,4) ולשאת ולספחת ולבהרת (Lev SP 14,56) ולשאת ולספחת ולבהרת
57	לְהוֹרֹ֕ת בְּי֥וֹם הַטָּמֵ֖א וּבְי֣וֹם הַטָּהֹ֑ר זֹ֥את תּוֹרַ֖ת הַצָּרָֽעַת׃ ס
	(11Q1 frg. G i,4) להורת ביומ הט]מא וביומ ה (11Q1 frg. G i,5) [רזאת תורת הצרעת ] (Lev SP 14,57) להורות ביום הטמא וביום הטהור זאת תורת הצרעת *

15
1	וַיְדַבֵּ֣ר יְהוָ֔ה אֶל־ מֹשֶׁ֥ה וְאֶֽל־ אַהֲרֹ֖ן לֵאמֹֽר׃
	(11Q1 frg. G i,6) [וידבר יהוה אל משה ואל אהרנ לאמר (Lev SP 15,1) וידבר יהוה אל משה ואל אהרן לאמר
2	דַּבְּרוּ֙ אֶל־ בְּנֵ֣י יִשְׂרָאֵ֔ל וַאֲמַרְתֶּ֖ם אֲלֵהֶ֑ם אִ֣ישׁ אִ֗ישׁ כִּ֤י יִהְיֶה֙ זָ֣ב מִבְּשָׂר֔וֹ זוֹב֖וֹ טָמֵ֥א הֽוּא׃
	(11Q1 frg. G i,6) דברו אל בני ישר]אל ואמרתמ אלהמ (11Q1 frg. G i,7) [איש איש כי יהיה זב מבשרו זובו טמא הוא (Lev SP 15,2) דברו אל בני ישראל ואמרתם אליהם איש איש כי יהיה זב מבשרו זובו טמא הוא
3	וְזֹ֛את תִּהְיֶ֥ה טֻמְאָת֖וֹ בְּזוֹב֑וֹ רָ֣ר בְּשָׂר֞וֹ אֶת־ זוֹב֗וֹ אֽוֹ־ הֶחְתִּ֤ים בְּשָׂרוֹ֙ מִזּוֹב֔וֹ טֻמְאָת֖וֹ הִֽוא׃
	(11Q1 frg. G i,7) וזאת תה]יה טמאתו בזב|[ו (11Q1 frg. G i,8) () ורר בשרו את זובו או החתימ בשרו מזובו טמאתו הוא] בו כל ימי (Lev SP 15,3) וזאת תהיה טמאתו בזובו רר בשרו את זובו או … החתים בשרו מזובו טמאתו היא
4	כָּל־ הַמִּשְׁכָּ֗ב אֲשֶׁ֨ר יִשְׁכַּ֥ב עָלָ֛יו הַזָּ֖ב יִטְמָ֑א וְכָֽל־ הַכְּלִ֛י אֲשֶׁר־ יֵשֵׁ֥ב עָלָ֖יו יִטְמָֽא׃
	(11Q1 frg. G i,9) כל המשכב אשר ]ישכב עליו (11Q1 frg. G i,10) [הזב יטמא וכל הכלי אשר ישב עליו יטמא (Lev SP 15,4) כל המשכב אשר ישכב עליו הזב יטמא וכל הכלי אשר ישב עליו יטמא
5	וְאִ֕ישׁ אֲשֶׁ֥ר יִגַּ֖ע בְּמִשְׁכָּב֑וֹ יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־ הָעָֽרֶב׃
	(11Q1 frg. G i,10) ואיש אשר יג]ע במשכבו יכבס (Lev SP 15,5) ואיש אשר יגע במשכבו יכבס בגדיו ורחץ במים וטמא עד הערב
6	וְהַיֹּשֵׁב֙ עַֽל־ הַכְּלִ֔י אֲשֶׁר־ יֵשֵׁ֥ב עָלָ֖יו הַזָּ֑ב יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־ הָעָֽרֶב׃
	(Lev SP 15,6) והישב על הכלי אשר ישב עליו הזב יכבס בגדיו ורחץ במים וטמא עד הערב
7	וְהַנֹּגֵ֖עַ בִּבְשַׂ֣ר הַזָּ֑ב יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־ הָעָֽרֶב׃
	(Lev SP 15,7) והנגע בבשר הזב יכבס בגדיו ורחץ במים וטמא עד הערב
8	וְכִֽי־ יָרֹ֛ק הַזָּ֖ב בַּטָּה֑וֹר וְכִבֶּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־ הָעָֽרֶב׃
	(Lev SP 15,8) וכי ירק הזב בטהור יכבס בגדיו ורחץ במים וטמא עד הערב
9	וְכָל־ הַמֶּרְכָּ֗ב אֲשֶׁ֨ר יִרְכַּ֥ב עָלָ֛יו הַזָּ֖ב יִטְמָֽא׃
	(Lev SP 15,9) וכל המרכב אשר ירכב עליו הזב יטמא
10	וְכָל־ הַנֹּגֵ֗עַ בְּכֹל֙ אֲשֶׁ֣ר יִהְיֶ֣ה תַחְתָּ֔יו יִטְמָ֖א עַד־ הָעָ֑רֶב וְהַנּוֹשֵׂ֣א אוֹתָ֔ם יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־ הָעָֽרֶב׃
	(4Q23 frg. 6,1) תחתיו יטמ֯[א עד הערב והנושא אותם יכבס בגדיו ורחץ במים וטמא עד] (4Q23 frg. 6,2) הערב (Lev SP 15,10) וכל הנגע בכל אשר יהיה תחתיו יטמא עד הערב והנשא אתם יכבס בגדיו ורחץ במים וטמא עד הערב
11	וְכֹ֨ל אֲשֶׁ֤ר יִגַּע־ בּוֹ֙ הַזָּ֔ב וְיָדָ֖יו לֹא־ שָׁטַ֣ף בַּמָּ֑יִם וְכִבֶּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־ הָעָֽרֶב׃
	(4Q23 frg. 6,2) וכל אש[ר יגע בו הזב וידיו לא שטף במים וכבס בגדיו ורחץ] (Lev SP 15,11) וכל אשר יגע בו הזב וידו לא שטף במים יכבס בגדיו ורחץ במים וטמא עד הערב
12	וּכְלִי־ חֶ֛רֶשׂ אֲשֶׁר־ יִגַּע־ בּ֥וֹ הַזָּ֖ב יִשָּׁבֵ֑ר וְכָל־ כְּלִי־ עֵ֔ץ יִשָּׁטֵ֖ף בַּמָּֽיִם׃
	(Lev SP 15,12) וכלי חרש אשר יגע בו הזב ישבר וכל כלי עץ ישטף במים *
13	וְכִֽי־ יִטְהַ֤ר הַזָּב֙ מִזּוֹב֔וֹ וְסָ֨פַר ל֜וֹ שִׁבְעַ֥ת יָמִ֛ים לְטָהֳרָת֖וֹ וְכִבֶּ֣ס בְּגָדָ֑יו וְרָחַ֧ץ בְּשָׂר֛וֹ בְּמַ֥יִם חַיִּ֖ים וְטָהֵֽר׃
	(Lev SP 15,13) וכי יטהר הזב מזובו וספר לו שבעת ימים לטהרתו וכבס בגדיו ורחץ את בשרו במים חיים וטהר
14	וּבַיּ֣וֹם הַשְּׁמִינִ֗י יִֽקַּֽח־ לוֹ֙ שְׁתֵּ֣י תֹרִ֔ים א֥וֹ שְׁנֵ֖י בְּנֵ֣י יוֹנָ֑ה וּבָ֣א ׀ לִפְנֵ֣י יְהוָ֗ה אֶל־ פֶּ֙תַח֙ אֹ֣הֶל מוֹעֵ֔ד וּנְתָנָ֖ם אֶל־ הַכֹּהֵֽן׃
	(4Q367 frg. 2a-b,1) אל פתח א[הל מועד ונתנם אל הכהן (Lev SP 15,14) וביום השמיני יקח לו שתי תרים או שני בני יונה ובא לפני יהוה אל פתח אהל מועד ונתנם אל הכהן
15	וְעָשָׂ֤ה אֹתָם֙ הַכֹּהֵ֔ן אֶחָ֣ד חַטָּ֔את וְהָאֶחָ֖ד עֹלָ֑ה וְכִפֶּ֨ר עָלָ֧יו הַכֹּהֵ֛ן לִפְנֵ֥י יְהוָ֖ה מִזּוֹבֽוֹ׃ ס
	(4Q367 frg. 2a-b,1) ועשה אתם הכהן אחד] (4Q367 frg. 2a-b,2) חטאת ואחד עלה [וכפר עליו הכהן לפני יהוה מזובו ] (Lev SP 15,15) ועשה אתם הכהן אחד חטאת ואחד עלה וכפר עליו הכהן לפני יהוה מזובו
16	וְאִ֕ישׁ כִּֽי־ תֵצֵ֥א מִמֶּ֖נּוּ שִׁכְבַת־ זָ֑רַע וְרָחַ֥ץ בַּמַּ֛יִם אֶת־ כָּל־ בְּשָׂר֖וֹ וְטָמֵ֥א עַד־ הָעָֽרֶב׃
	(Lev SP 15,16) ואיש כי תצא ממנו שכבת זרע ורחץ במים את כל בשרו וטמא עד הערב
17	וְכָל־ בֶּ֣גֶד וְכָל־ ע֔וֹר אֲשֶׁר־ יִהְיֶ֥ה עָלָ֖יו שִׁכְבַת־ זָ֑רַע וְכֻבַּ֥ס בַּמַּ֖יִם וְטָמֵ֥א עַד־ הָעָֽרֶב׃ פ
	(Lev SP 15,17) וכל בגד וכל עור אשר יהיה עליו שכבת זרע וכבס במים וטמא עד הערב
18	וְאִשָּׁ֕ה אֲשֶׁ֨ר יִשְׁכַּ֥ב אִ֛ישׁ אֹתָ֖הּ שִׁכְבַת־ זָ֑רַע וְרָחֲצ֣וּ בַמַּ֔יִם וְטָמְא֖וּ עַד־ הָעָֽרֶב׃
	(4Q23 frg. 7,1) [הערב (11Q2 frg. 5+6,1) [איש אתה שכבת זר]ע ו֯[רחצו במים וטמאו עד הערב ] (Lev SP 15,18) ואשה אשר ישכב אישה אתה שכבת זרע ורחצו במים וטמאו עד הערב *
19	וְאִשָּׁה֙ כִּֽי־ תִהְיֶ֣ה זָבָ֔ה דָּ֛ם יִהְיֶ֥ה זֹבָ֖הּ בִּבְשָׂרָ֑הּ שִׁבְעַ֤ת יָמִים֙ תִּהְיֶ֣ה בְנִדָּתָ֔הּ וְכָל־ הַנֹּגֵ֥עַ בָּ֖הּ יִטְמָ֥א עַד־ הָעָֽרֶב׃
	(4Q23 frg. 7,1) ואשה כי תהיה זבה דם יהיה זבה בבשרה שבעת ימים תהי]ה בנדתה (4Q23 frg. 7,2) [וכל הנגע בה יטמא עד הערב (11Q2 frg. 5+6,2) ואשה כיא֯[ תהיה ]זבה דם[ יהיה זבה בבשרה] (Lev SP 15,19) ואשה כי תהיה זבה דם יהיה זובה בבשרה שבעת ימים תהיה בנדתה כל הנגע בה יטמא עד הערב
20	וְכֹל֩ אֲשֶׁ֨ר תִּשְׁכַּ֥ב עָלָ֛יו בְּנִדָּתָ֖הּ יִטְמָ֑א וְכֹ֛ל אֲשֶׁר־ תֵּשֵׁ֥ב עָלָ֖יו יִטְמָֽא׃
	(4Q23 frg. 7,2) וכל אשר תשכב עליו בנדתה י]טמא וכל אש[ר] (4Q23 frg. 7,3) [תשב עליו יטמא (4Q26 frg. 3,1) [יטמא וכול ]א֯ש֯[ר תשב עליו יטמא (Lev SP 15,20) וכל אשר תשכב עליו בנדתה יטמא וכל אשר תשב עליו יטמא
21	וְכָל־ הַנֹּגֵ֖עַ בְּמִשְׁכָּבָ֑הּ יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־ הָעָֽרֶב׃
	(4Q23 frg. 7,3) וכל הנגע במשכבה יכבס בגדיו ורחץ במי]ם וטמא עד הע[רב ] (4Q26 frg. 3,1) וכול הנגע במשכבה יכבס בגדיו] (4Q26 frg. 3,2) [ורחץ במים וט]מא עד הערב (Lev SP 15,21) וכל הנגע במשכבה יכבס בגדיו ורחץ במים וטמא עד הערב
22	וְכָל־ הַנֹּגֵ֔עַ בְּכָל־ כְּלִ֖י אֲשֶׁר־ תֵּשֵׁ֣ב עָלָ֑יו יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־ הָעָֽרֶב׃
	(4Q23 frg. 7,4) [וכל הנגע בכל כלי אשר תשב עליו יכבס בגדיו ורחץ במים ו]טמא עד הערב (4Q26 frg. 3,2) וכול הנ֯ג֯[ע בכול כלי אשר תשב עליו] (4Q26 frg. 3,3) [יכבס בג]ד֯[יו ורחץ ]במ[ים ]ו֯ט֯מ֯א עד הע֯[רב (Lev SP 15,22) וכל הנגע בכל הכלי אשר תשב עליו יכבס בגדיו ורחץ במים וטמא עד הערב
23	וְאִ֨ם עַֽל־ הַמִּשְׁכָּ֜ב ה֗וּא א֧וֹ עַֽל־ הַכְּלִ֛י אֲשֶׁר־ הִ֥וא יֹשֶֽׁבֶת־ עָלָ֖יו בְּנָגְעוֹ־ ב֑וֹ יִטְמָ֖א עַד־ הָעָֽרֶב׃
	(4Q23 frg. 7,5) [ואם על המשכב הוא או על הכלי אשר היא ישבת עליו בנגעו ]בו יטמא עד ]מ֯עו֯[ (4Q23 frg. 7,6) [הערב (4Q26 frg. 3,3) ואם על המשכב הוא או על] (4Q26 frg. 3,4) [הכלי אשר הוא ישבת עליו בנגעו בו יטמא עד הער]ב֯ (Lev SP 15,23) ואם על המשכבה היא או על הכלי אשר היא ישבת עליו בנגעו בו יטמא עד הערב
24	וְאִ֡ם שָׁכֹב֩ יִשְׁכַּ֨ב אִ֜ישׁ אֹתָ֗הּ וּתְהִ֤י נִדָּתָהּ֙ עָלָ֔יו וְטָמֵ֖א שִׁבְעַ֣ת יָמִ֑ים וְכָל־ הַמִּשְׁכָּ֛ב אֲשֶׁר־ יִשְׁכַּ֥ב עָלָ֖יו יִטְמָֽא׃ פ
	(4Q23 frg. 7,6) ואם שכב ישכב איש אתה ותהי נדתה עליו וטמא שבעת ]י֯מ֯י֯[ם וכ]ל ]שבע○[ (4Q26 frg. 3,4) ו֯[א]ם ש[כב ישכב] (Lev SP 15,24) ואם שכב ישכב אישה אתה ותהיה נדתה עליו יטמא שבעת ימים וכל המשכב אשר ישכב עליו יטמא *
25	וְאִשָּׁ֡ה כִּֽי־ יָזוּב֩ ז֨וֹב דָּמָ֜הּ יָמִ֣ים רַבִּ֗ים בְּלֹא֙ עֶת־ נִדָּתָ֔הּ א֥וֹ כִֽי־ תָז֖וּב עַל־ נִדָּתָ֑הּ כָּל־ יְמֵ֞י ז֣וֹב טֻמְאָתָ֗הּ כִּימֵ֧י נִדָּתָ֛הּ תִּהְיֶ֖ה טְמֵאָ֥ה הִֽוא׃
	(Lev SP 15,25) ואשה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה טמאה היא
26	כָּל־ הַמִּשְׁכָּ֞ב אֲשֶׁר־ תִּשְׁכַּ֤ב עָלָיו֙ כָּל־ יְמֵ֣י זוֹבָ֔הּ כְּמִשְׁכַּ֥ב נִדָּתָ֖הּ יִֽהְיֶה־ לָּ֑הּ וְכָֽל־ הַכְּלִי֙ אֲשֶׁ֣ר תֵּשֵׁ֣ב עָלָ֔יו טָמֵ֣א יִהְיֶ֔ה כְּטֻמְאַ֖ת נִדָּתָֽהּ׃
	(Lev SP 15,26) כל המשכב אשר תשכב עליו כל ימי זובה כמשכב נדתה יהיה לה וכל הכלי אשר תשב עליו טמא יהיה כטמאת נדתה
27	וְכָל־ הַנּוֹגֵ֥עַ בָּ֖ם יִטְמָ֑א וְכִבֶּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־ הָעָֽרֶב׃
	(Lev SP 15,27) כל הנגע בם יטמא וכבס בגדיו ורחץ במים וטמא עד הערב
28	וְאִֽם־ טָהֲרָ֖ה מִזּוֹבָ֑הּ וְסָ֥פְרָה לָּ֛הּ שִׁבְעַ֥ת יָמִ֖ים וְאַחַ֥ר תִּטְהָֽר׃
	(Lev SP 15,28) ואם טהרה מזובה וספרה לה שבעת ימים ואחר תטהר
29	וּבַיּ֣וֹם הַשְּׁמִינִ֗י תִּֽקַּֽח־ לָהּ֙ שְׁתֵּ֣י תֹרִ֔ים א֥וֹ שְׁנֵ֖י בְּנֵ֣י יוֹנָ֑ה וְהֵבִיאָ֤ה אוֹתָם֙ אֶל־ הַכֹּהֵ֔ן אֶל־ פֶּ֖תַח אֹ֥הֶל מוֹעֵֽד׃
	(Lev SP 15,29) וביום השמיני תקח לה שתי תרים או שני בני יונה והביאה אתם אל הכהן אל פתח אהל מועד
30	וְעָשָׂ֤ה הַכֹּהֵן֙ אֶת־ הָאֶחָ֣ד חַטָּ֔את וְאֶת־ הָאֶחָ֖ד עֹלָ֑ה וְכִפֶּ֨ר עָלֶ֤יהָ הַכֹּהֵן֙ לִפְנֵ֣י יְהוָ֔ה מִזּ֖וֹב טֻמְאָתָֽהּ׃
	(Lev SP 15,30) ועשה הכהן את האחד חטאת ואת האחד עלה וכפר עליה הכהן לפני יהוה מזוב טמאתה
31	וְהִזַּרְתֶּ֥ם אֶת־ בְּנֵי־ יִשְׂרָאֵ֖ל מִטֻּמְאָתָ֑ם וְלֹ֤א יָמֻ֙תוּ֙ בְּטֻמְאָתָ֔ם בְּטַמְּאָ֥ם אֶת־ מִשְׁכָּנִ֖י אֲשֶׁ֥ר בְּתוֹכָֽם׃
	(11QTa 51,5) אחר יטהר והזהרתמה את (11QTa 51,6) בני ישראל מכול הטמואות … (11Q20 15,1) והזהרתמה את בני ישראל מכול הטמאות … (Lev SP 15,31) והזהרתם את בני ישראל מטמאתם ולא ימותו בטמאתם בטמאם את משכני אשר בתוכם
32	זֹ֥את תּוֹרַ֖ת הַזָּ֑ב וַאֲשֶׁ֨ר תֵּצֵ֥א מִמֶּ֛נּוּ שִׁכְבַת־ זֶ֖רַע לְטָמְאָה־ בָֽהּ׃
	(Lev SP 15,32) זאת תורת הזב ואשר תצא ממנו שכבת זרע לטמאה בה
33	וְהַדָּוָה֙ בְּנִדָּתָ֔הּ וְהַזָּב֙ אֶת־ זוֹב֔וֹ לַזָּכָ֖ר וְלַנְּקֵבָ֑ה וּלְאִ֕ישׁ אֲשֶׁ֥ר יִשְׁכַּ֖ב עִם־ טְמֵאָֽה׃ פ
	(Lev SP 15,33) והדבה בנדתה והזב את זובו לזכר ולנקבה ולאיש אשר ישכב עם טמאה *

16
1	וַיְדַבֵּ֤ר יְהוָה֙ אֶל־ מֹשֶׁ֔ה אַחֲרֵ֣י מ֔וֹת שְׁנֵ֖י בְּנֵ֣י אַהֲרֹ֑ן בְּקָרְבָתָ֥ם לִפְנֵי־ יְהוָ֖ה וַיָּמֻֽתוּ׃
	(11Q1 frg. G ii+M,1) [וידבר יהוה אל משה אחרי מות] שני בני אהרנ [בקרבתמ] (11Q1 frg. G ii+M,2) [לפני יהוה וימתו (Lev SP 16,1) וידבר יהוה אל משה אחרי מות שני בני אהרן בקרבתם לפני יהוה וימתו *
2	וַיֹּ֨אמֶר יְהוָ֜ה אֶל־ מֹשֶׁ֗ה דַּבֵּר֮ אֶל־ אַהֲרֹ֣ן אָחִיךָ֒ וְאַל־ יָבֹ֤א בְכָל־ עֵת֙ אֶל־ הַקֹּ֔דֶשׁ מִבֵּ֖ית לַפָּרֹ֑כֶת אֶל־ פְּנֵ֨י הַכַּפֹּ֜רֶת אֲשֶׁ֤ר עַל־ הָאָרֹן֙ וְלֹ֣א יָמ֔וּת כִּ֚י בֶּֽעָנָ֔ן אֵרָאֶ֖ה עַל־ הַכַּפֹּֽרֶת׃
	(11Q1 frg. G ii+M,2) ויאמר יהוה אל מש]ה דבר אל אהרנ אחיכ ו[אל יבא] (11Q1 frg. G ii+M,3) [בכל עת אל הקדש מבית לפרכת אל ]פני הכפרת אשר על הא[רנ ולא ימות] (11Q1 frg. G ii+M,4) כי[ בעננ אראה על הכפרת (Lev SP 16,2) ויאמר יהוה אל משה דבר אל אהרן אחיך ואל יבוא בכל עת אל הקדש מבית לפרכת אל פני הכפרת אשר על הארון ולא ימות כי בענן אראה אל הכפרת
3	בְּזֹ֛את יָבֹ֥א אַהֲרֹ֖ן אֶל־ הַקֹּ֑דֶשׁ בְּפַ֧ר בֶּן־ בָּקָ֛ר לְחַטָּ֖את וְאַ֥יִל לְעֹלָֽה׃
	(11Q1 frg. G ii+M,4) ]בזאת יבוא אהרנ אל הקד[ש בפר בנ בקר] (11Q1 frg. G ii+M,5) ל[חטאת ואיל לעלה (Lev SP 16,3) בזאת יבוא אהרן אל הקדש בפר בן בקר לחטאת ואיל לעלה
4	כְּתֹֽנֶת־ בַּ֨ד קֹ֜דֶשׁ יִלְבָּ֗שׁ וּמִֽכְנְסֵי־ בַד֮ יִהְי֣וּ עַל־ בְּשָׂרוֹ֒ וּבְאַבְנֵ֥ט בַּד֙ יַחְגֹּ֔ר וּבְמִצְנֶ֥פֶת בַּ֖ד יִצְנֹ֑ף בִּגְדֵי־ קֹ֣דֶשׁ הֵ֔ם וְרָחַ֥ץ בַּמַּ֛יִם אֶת־ בְּשָׂר֖וֹ וּלְבֵשָֽׁם׃
	(11Q1 frg. G ii+M,5) כתנת בד] קדש ילבש ומכנסי בד יה[יו על בשרו וב] (11Q1 frg. G ii+M,6) אב[נטבד יחגר ובמצנפת ב]ד יצנפ בגדי קדש המ ורח[צ במימ את בשר] (11Q1 frg. G ii+M,7) וול[בשמ (Lev SP 16,4) וכיתנת בד קדש ילבש ומכנסי בד יהיו על בשרו ובאבניט בד יחגר ובמצנפת בד יצנף בגדי קדש הם ורחץ במים את כל בשרו ולבשם *
5	וּמֵאֵ֗ת עֲדַת֙ בְּנֵ֣י יִשְׂרָאֵ֔ל יִקַּ֛ח שְׁנֵֽי־ שְׂעִירֵ֥י עִזִּ֖ים לְחַטָּ֑את וְאַ֥יִל אֶחָ֖ד לְעֹלָֽה׃
	(11Q1 frg. G ii+M,7) ומאת עדת בני ישר]אל יקח שני שערי עזימ[ לחטאת ואיל] (11Q1 frg. G ii+M,8) [אחד לעלה (Lev SP 16,5) ומאת עדת בני ישראל יקח שני שעירי עזים לחטאת ואיל אחד לעלה
6	וְהִקְרִ֧יב אַהֲרֹ֛ן אֶת־ פַּ֥ר הַחַטָּ֖את אֲשֶׁר־ ל֑וֹ וְכִפֶּ֥ר בַּעֲד֖וֹ וּבְעַ֥ד בֵּיתֽוֹ׃
	(11QTa 26,7) אשר לו וכפר … (11Q1 frg. G ii+M,8) והקריב אהרנ ]את פר החטאת אשר לו וכפ[ר בעדו ובעד ביתו] (Lev 16,11) אֲשֶׁר־ ל֔וֹ וְכִפֶּ֥ר … (Lev 16,33) וְכִפֶּר֙ … (Lev SP 16,6) והקריב אהרן את פר החטאת אשר לו וכפר בעדו ובעד ביתו … (Lev SP 16,11) אשר לו וכפר … (Lev SP 16,33) וכפר …
7	וְלָקַ֖ח אֶת־ שְׁנֵ֣י הַשְּׂעִירִ֑ם וְהֶעֱמִ֤יד אֹתָם֙ לִפְנֵ֣י יְהוָ֔ה פֶּ֖תַח אֹ֥הֶל מוֹעֵֽד׃
	(Lev SP 16,7) ולקח את שני השערים והעמיד אתם לפני יהוה פתח אהל מועד
8	וְנָתַ֧ן אַהֲרֹ֛ן עַל־ שְׁנֵ֥י הַשְּׂעִירִ֖ם גּוֹרָל֑וֹת גּוֹרָ֤ל אֶחָד֙ לַיהוָ֔ה וְגוֹרָ֥ל אֶחָ֖ד לַעֲזָאזֵֽל׃
	(11QTa 26,3) ונתן הכו]ה֯ן ה[גדול על שני] (11QTa 26,4) [השעירים גורלות] גורל א[חד ליהוה וגורל אחד לעזזאל] (Lev SP 16,8) ונתן אהרן על שני השעירים גורלות גורל אחד ליהוה וגורל אחד לעזאזל
9	וְהִקְרִ֤יב אַהֲרֹן֙ אֶת־ הַשָּׂעִ֔יר אֲשֶׁ֨ר עָלָ֥ה עָלָ֛יו הַגּוֹרָ֖ל לַיהוָ֑ה וְעָשָׂ֖הוּ חַטָּֽאת׃
	(Lev SP 16,9) והקריב אהרן את השעיר אשר עלה עליו הגורל ליהוה ועשהו חטאת
10	וְהַשָּׂעִ֗יר אֲשֶׁר֩ עָלָ֨ה עָלָ֤יו הַגּוֹרָל֙ לַעֲזָאזֵ֔ל יָֽעֳמַד־ חַ֛י לִפְנֵ֥י יְהוָ֖ה לְכַפֵּ֣ר עָלָ֑יו לְשַׁלַּ֥ח אֹת֛וֹ לַעֲזָאזֵ֖ל הַמִּדְבָּֽרָה׃
	(Lev SP 16,10) והשעיר אשר עלה עליו הגורל לעזאזל יעמיד חי לפני יהוה לכפר עליו לשלח אתו לעזאזל המדברה
11	וְהִקְרִ֨יב אַהֲרֹ֜ן אֶת־ פַּ֤ר הַֽחַטָּאת֙ אֲשֶׁר־ ל֔וֹ וְכִפֶּ֥ר בַּֽעֲד֖וֹ וּבְעַ֣ד בֵּית֑וֹ וְשָׁחַ֛ט אֶת־ פַּ֥ר הֽ͏ַחַטָּ֖את אֲשֶׁר־ לֽוֹ׃
	(11QTa 26,7) אשר לו וכפר … (11Q1 frg. G ii+M,8) פר החטאת אשר לו וכפ[ר בעדו ובעד ביתו] (Lev 16,6) אֲשֶׁר־ ל֑וֹ וְכִפֶּ֥ר בַּעֲד֖וֹ וּבְעַ֥ד בֵּיתֽוֹ׃ (Lev 16,33) וְכִפֶּר֙ … (Lev SP 16,6) אשר לו וכפר בעדו ובעד ביתו (Lev SP 16,11) והקריב אהרן את פר החטאת אשר לו וכפר בעדו ובעד ביתו ושחט את פר החטאת אשר לו (Lev SP 16,33) וכפר …
12	וְלָקַ֣ח מְלֹֽא־ הַ֠מַּחְתָּה גַּֽחֲלֵי־ אֵ֞שׁ מֵעַ֤ל הַמִּזְבֵּ֙חַ֙ מִלִּפְנֵ֣י יְהוָ֔ה וּמְלֹ֣א חָפְנָ֔יו קְטֹ֥רֶת סַמִּ֖ים דַּקָּ֑ה וְהֵבִ֖יא מִבֵּ֥ית לַפָּרֹֽכֶת׃
	(Lev SP 16,12) ולקח מלוא המחתה גחלי אש מעל המזבח מלפני יהוה ומלוא חופניו קטרת סמים דקה והביא מבית לפרכת
13	וְנָתַ֧ן אֶֽת־ הַקְּטֹ֛רֶת עַל־ הָאֵ֖שׁ לִפְנֵ֣י יְהוָ֑ה וְכִסָּ֣ה ׀ עֲנַ֣ן הַקְּטֹ֗רֶת אֶת־ הַכַּפֹּ֛רֶת אֲשֶׁ֥ר עַל־ הָעֵד֖וּת וְלֹ֥א יָמֽוּת׃
	(Lev SP 16,13) ונתן את הקטרת על האש לפני יהוה וכסה ענן הקטרת את הכפרת אשר על העדות ולא ימות *
14	וְלָקַח֙ מִדַּ֣ם הַפָּ֔ר וְהִזָּ֧ה בְאֶצְבָּע֛וֹ עַל־ פְּנֵ֥י הַכַּפֹּ֖רֶת קֵ֑דְמָה וְלִפְנֵ֣י הַכַּפֹּ֗רֶת יַזֶּ֧ה שֶֽׁבַע־ פְּעָמִ֛ים מִן־ הַדָּ֖ם בְּאֶצְבָּעֽוֹ׃
	(Lev SP 16,14) ולקח מדם הפר והזה באצבעו אל פני הכפרת קדמה ולפני הכפרת יזה שבע פעמים מן הדם באצבעו
15	וְשָׁחַ֞ט אֶת־ שְׂעִ֤יר הַֽחַטָּאת֙ אֲשֶׁ֣ר לָעָ֔ם וְהֵבִיא֙ אֶת־ דָּמ֔וֹ אֶל־ מִבֵּ֖ית לַפָּרֹ֑כֶת וְעָשָׂ֣ה אֶת־ דָּמ֗וֹ כַּאֲשֶׁ֤ר עָשָׂה֙ לְדַ֣ם הַפָּ֔ר וְהִזָּ֥ה אֹת֛וֹ עַל־ הַכַּפֹּ֖רֶת וְלִפְנֵ֥י הַכַּפֹּֽרֶת׃
	(11QTa 26,5) [ו]שחט את השעיר … (11QTa 26,6) את דמו במזרק הזהב אשר בי[דו וע]שה לד[מו כאשר עשה לדם] (11QTa 26,7) הפר … (4Q23 frg. 8-14 i,1) [ועשה את דמו כאשר עשה לדם הפר והזה אתו על הכפרת ו]ל֯פ֯נ֯[י הכפרת (Lev SP 16,15) ושחט את שעיר החטאת אשר לעם והביא את דמו אל מבית לפרכת ועשה את דמו כאשר עשה לדם הפר והזה אתו על הכפרת ולפני הכפרת
16	וְכִפֶּ֣ר עַל־ הַקֹּ֗דֶשׁ מִטֻּמְאֹת֙ בְּנֵ֣י יִשְׂרָאֵ֔ל וּמִפִּשְׁעֵיהֶ֖ם לְכָל־ חַטֹּאתָ֑ם וְכֵ֤ן יַעֲשֶׂה֙ לְאֹ֣הֶל מוֹעֵ֔ד הַשֹּׁכֵ֣ן אִתָּ֔ם בְּת֖וֹךְ טֻמְאֹתָֽם׃
	(4Q23 frg. 8-14 i,1) וכפר על הקדש] (4Q23 frg. 8-14 i,2) [מטמאת בני ישראל ומפשעיהם לכל חטאתם וכן יעשה לאהל ]מועד[ השכן אתם בתוך טמאתם ] (Lev SP 16,16) וכפר על הקדש מטמאת בני ישראל ומפשעיהם לכל חטאתם וכן יעשה לאהל מועד השכן אתם בתוך טמאתם
17	וְכָל־ אָדָ֞ם לֹא־ יִהְיֶ֣ה ׀ בְּאֹ֣הֶל מוֹעֵ֗ד בְּבֹא֛וֹ לְכַפֵּ֥ר בַּקֹּ֖דֶשׁ עַד־ צֵאת֑וֹ וְכִפֶּ֤ר בַּעֲדוֹ֙ וּבְעַ֣ד בֵּית֔וֹ וּבְעַ֖ד כָּל־ קְהַ֥ל יִשְׂרָאֵֽל׃
	(4Q23 frg. 8-14 i,3) [וכל אדם לא יהיה באהל ]מועד ב[באו לכפר בקדש עד ]צ֯אתו וכפר בע֯[דו ובעד ביתו ובעד] (4Q23 frg. 8-14 i,4) [כל קהל ישראל (Lev SP 16,17) וכל אדם לא יהיה באהל מועד בבאו לכפר בקדש עד צאתו וכפר בעדו ובעד ביתו ובעד כל קהל ישראל
18	וְיָצָ֗א אֶל־ הַמִּזְבֵּ֛חַ אֲשֶׁ֥ר לִפְנֵֽי־ יְהוָ֖ה וְכִפֶּ֣ר עָלָ֑יו וְלָקַ֞ח מִדַּ֤ם הַפָּר֙ וּמִדַּ֣ם הַשָּׂעִ֔יר וְנָתַ֛ן עַל־ קַרְנ֥וֹת הַמִּזְבֵּ֖חַ סָבִֽיב׃
	(4Q23 frg. 8-14 i,4) ויצא אל ]המזבח אשר֯[ לפני יהוה וכפר עליו ו]ל[ק]ח֯ מדם הפ[ר ומדם השעיר] (4Q23 frg. 8-14 i,5) [ונתן על קרנות המזבח סביב (Lev SP 16,18) ויצא אל המזבח אשר לפני יהוה וכפר עליו * ולקח מדם הפר ומדם השעיר ונתן על קרנות המזבח סביב
19	וְהִזָּ֨ה עָלָ֧יו מִן־ הַדָּ֛ם בְּאֶצְבָּע֖וֹ שֶׁ֣בַע פְּעָמִ֑ים וְטִהֲר֣וֹ וְקִדְּשׁ֔וֹ מִטֻּמְאֹ֖ת בְּנֵ֥י יִשְׂרָאֵֽל׃
	(4Q23 frg. 8-14 i,5) והז]ה֯ ע֯ליו מ֯[ן הדם באצבעו שבע פעמים וט]ה֯רו֯ [וקדשו מטמאת בני] (4Q23 frg. 8-14 i,6) [יש]ראל (Lev SP 16,19) והזה עליו מן הדם באצבעו שבע פעמים וטהרו וקדשו מטמאת בני ישראל
20	וְכִלָּה֙ מִכַּפֵּ֣ר אֶת־ הַקֹּ֔דֶשׁ וְאֶת־ אֹ֥הֶל מוֹעֵ֖ד וְאֶת־ הַמִּזְבֵּ֑חַ וְהִקְרִ֖יב אֶת־ הַשָּׂעִ֥יר הֶחָֽי׃
	(4Q23 frg. 8-14 i,6) וכלה מכ֯[פר את ]ה֯ק֯[דש ואת אהל מועד ואת ה]מ֯ז֯ב֯ח וה[קריב את השעיר החי (Lev SP 16,20) וכלה מכפר את הקדש ואת אהל מועד ואת המזבח והקריב את השעיר החי
21	וְסָמַ֨ךְ אַהֲרֹ֜ן אֶת־ שְׁתֵּ֣י ידו (יָדָ֗יו) עַ֨ל רֹ֣אשׁ הַשָּׂעִיר֮ הַחַי֒ וְהִתְוַדָּ֣ה עָלָ֗יו אֶת־ כָּל־ עֲוֺנֹת֙ בְּנֵ֣י יִשְׂרָאֵ֔ל וְאֶת־ כָּל־ פִּשְׁעֵיהֶ֖ם לְכָל־ חַטֹּאתָ֑ם וְנָתַ֤ן אֹתָם֙ עַל־ רֹ֣אשׁ הַשָּׂעִ֔יר וְשִׁלַּ֛ח בְּיַד־ אִ֥ישׁ עִתִּ֖י הַמִּדְבָּֽרָה׃
	(11QTa 26,11) השעיר החי והתודה על רואשו את כול עוונות בני ישראל עם (11QTa 26,12) כול אשמתמה לכול חטאתמה ונתנמה על רואש השעיר ושלחו (11QTa 26,13) לעזזאל המדבר ביד איש עתי (4Q23 frg. 8-14 i,6) וסמך] (4Q23 frg. 8-14 i,7) [אהרן א]ת שתי יד○[ ע]ל֯ ראש השע[יר החי והתודה עליו ]א֯ת כל עונת[ בני ישראל ואת כל פשעיהם] (4Q23 frg. 8-14 i,8) לכל[ חטא]תם ונתן א֯תם על ראש ה֯[שעיר ושלח ביד איש עתי ה]מ֯דבר֯[ה (Lev SP 16,21) וסמך אהרן את שתי ידיו על ראש השעיר החי והתודה עליו את כל עונות בני ישראל ואת כל פשעיהם לכל חטאתם ונתן אתם על ראש השעיר ושלח ביד איש עתי המדברה
22	וְנָשָׂ֨א הַשָּׂעִ֥יר עָלָ֛יו אֶת־ כָּל־ עֲוֺנֹתָ֖ם אֶל־ אֶ֣רֶץ גְּזֵרָ֑ה וְשִׁלַּ֥ח אֶת־ הַשָּׂעִ֖יר בַּמִּדְבָּֽר׃
	(11QTa 26,13) ונשא השעיר את כול עוונות (4Q23 frg. 8-14 i,8) ונשא השעיר עליו את כל] (4Q23 frg. 8-14 i,9) עונתם א֯[ל ארץ גזרה ושלח את השעיר במדבר (Lev SP 16,22) ונשא השעיר עליו את כל עונותם אל ארץ גזרה ושלח את השעיר במדבר
23	וּבָ֤א אַהֲרֹן֙ אֶל־ אֹ֣הֶל מוֹעֵ֔ד וּפָשַׁט֙ אֶת־ בִּגְדֵ֣י הַבָּ֔ד אֲשֶׁ֥ר לָבַ֖שׁ בְּבֹא֣וֹ אֶל־ הַקֹּ֑דֶשׁ וְהִנִּיחָ֖ם שָֽׁם׃
	(4Q23 frg. 8-14 i,9) ובא אהרן אל אהל מועד ופשט את בגדי הבד] (4Q23 frg. 8-14 i,10) אשר לבש וב֯[א אל הקדש ו]הניחם שם (Lev SP 16,23) ובא אהרן אל אהל מועד ופשט את בגדי הבד אשר לבש בבאו אל הקדש והניחם שם
24	וְרָחַ֨ץ אֶת־ בְּשָׂר֤וֹ בַמַּ֙יִם֙ בְּמָק֣וֹם קָד֔וֹשׁ וְלָבַ֖שׁ אֶת־ בְּגָדָ֑יו וְיָצָ֗א וְעָשָׂ֤ה אֶת־ עֹֽלָתוֹ֙ וְאֶת־ עֹלַ֣ת הָעָ֔ם וְכִפֶּ֥ר בַּעֲד֖וֹ וּבְעַ֥ד הָעָֽם׃
	(4Q23 frg. 8-14 i,10) [ורחץ את בשרו במים -- ועשה את עלתו] (4Q23 frg. 8-14 i,11) ואת עלת ה[עם וכפר בעדו ובעד ה]ע֯ם֯ (Lev SP 16,24) ורחץ את בשרו במים במקום קדוש ולבש « » בגדיו ויצא ועשה את עלתו ואת עלת העם וכפר בעדו ובעד העם
25	וְאֵ֛ת חֵ֥לֶב הַֽחַטָּ֖את יַקְטִ֥יר הַמִּזְבֵּֽחָה׃
	(4Q23 frg. 8-14 i,11) ואת֯[ חלב החטאת יקטיר המזבחה (Lev SP 16,25) ואת חלב החטאת יקטיר המזבחה *
26	וְהַֽמְשַׁלֵּ֤חַ אֶת־ הַשָּׂעִיר֙ לַֽעֲזָאזֵ֔ל יְכַבֵּ֣ס בְּגָדָ֔יו וְרָחַ֥ץ אֶת־ בְּשָׂר֖וֹ בַּמָּ֑יִם וְאַחֲרֵי־ כֵ֖ן יָב֥וֹא אֶל־ הַֽמַּחֲנֶֽה׃
	(4Q23 frg. 8-14 i,11) והמשל]ח֯ א֯ת (4Q23 frg. 8-14 i,12) השעיר[ לעזאזל יכבס בגדיו ורחץ את בשרו במים ואחרי כן יבוא אל המחנה (Lev SP 16,26) והמשלח את השעיר לעזאזל יכבס בגדיו ורחץ את בשרו במים ואחרי כן יבוא אל המחנה
27	וְאֵת֩ פַּ֨ר הֽ͏ַחַטָּ֜את וְאֵ֣ת ׀ שְׂעִ֣יר הַֽחַטָּ֗את אֲשֶׁ֨ר הוּבָ֤א אֶת־ דָּמָם֙ לְכַפֵּ֣ר בַּקֹּ֔דֶשׁ יוֹצִ֖יא אֶל־ מִח֣וּץ לַֽמַּחֲנֶ֑ה וְשָׂרְפ֣וּ בָאֵ֔שׁ אֶת־ עֹרֹתָ֥ם וְאֶת־ בְּשָׂרָ֖ם וְאֶת־ פִּרְשָֽׁם׃
	(4Q23 frg. 8-14 i,12) ואת ]פר החטאת (4Q23 frg. 8-14 i,13) ואת שע֯י֯[ר החטאת אשר הובא את דמם לכפר בקדש יוציא אל מחוץ למחנה ושרפו ]ב֯אש את (4Q23 frg. 8-14 i,14) ערתם [ואת בשרם ואת פרשם (Lev SP 16,27) ואת פר החטאת ואת שעיר החטאת אשר הובא את דמם לכפר בקדש יוצא אל מחוץ למחנה ושרף באש את עורתם ואת בשרם ואת פרשם
28	וְהַשֹּׂרֵ֣ף אֹתָ֔ם יְכַבֵּ֣ס בְּגָדָ֔יו וְרָחַ֥ץ אֶת־ בְּשָׂר֖וֹ בַּמָּ֑יִם וְאַחֲרֵי־ כֵ֖ן יָב֥וֹא אֶל־ הַֽמַּחֲנֶֽה׃
	(4Q23 frg. 8-14 i,14) והשרף אתם יכבס בגדיו ורחץ את בשרו במים ואחר]י֯ כן (4Q23 frg. 8-14 i,15) יבוא אל֯[ המחנה (Lev SP 16,28) והשרף אתם יכבס בגדיו ורחץ את בשרו במים ואחרי כן יבוא אל המחנה
29	וְהָיְתָ֥ה לָכֶ֖ם לְחֻקַּ֣ת עוֹלָ֑ם בַּחֹ֣דֶשׁ הַ֠שְּׁבִיעִי בֶּֽעָשׂ֨וֹר לַחֹ֜דֶשׁ תְּעַנּ֣וּ אֶת־ נַפְשֹֽׁתֵיכֶ֗ם וְכָל־ מְלָאכָה֙ לֹ֣א תַעֲשׂ֔וּ הָֽאֶזְרָ֔ח וְהַגֵּ֖ר הַגָּ֥ר בְּתוֹכְכֶֽם׃
	(4Q23 frg. 8-14 i,15) והיתה לכם לחקת עולם בחדש השביעי בעשור לחדש תענו את נפשתיכם] (4Q23 frg. 8-14 i,16) [וכ]ל֯[ מלאכה לא תעשו האזרח והגר הגר בתוככם ] (Lev SP 16,29) והיתה לכם לחקת עולם * בחדש השביעי בעשור לחדש תענו את נפשתיכם וכל מלאכה לא תעשו האזרח והגר הגר בתוככם
30	כִּֽי־ בַיּ֥וֹם הַזֶּ֛ה יְכַפֵּ֥ר עֲלֵיכֶ֖ם לְטַהֵ֣ר אֶתְכֶ֑ם מִכֹּל֙ חַטֹּ֣אתֵיכֶ֔ם לִפְנֵ֥י יְהוָ֖ה תִּטְהָֽרוּ׃
	(Lev SP 16,30) כי ביום הזה יכפר עליכם לטהר אתכם מכל חטאתיכם לפני יהוה תטהרו
31	שַׁבַּ֨ת שַׁבָּת֥וֹן הִיא֙ לָכֶ֔ם וְעִנִּיתֶ֖ם אֶת־ נַפְשֹׁתֵיכֶ֑ם חֻקַּ֖ת עוֹלָֽם׃
	(Lev SP 16,31) שבת שבתון הוא לכם ועניתם את נפשתיכם חקת עולם
32	וְכִפֶּ֨ר הַכֹּהֵ֜ן אֲשֶׁר־ יִמְשַׁ֣ח אֹת֗וֹ וַאֲשֶׁ֤ר יְמַלֵּא֙ אֶת־ יָד֔וֹ לְכַהֵ֖ן תַּ֣חַת אָבִ֑יו וְלָבַ֛שׁ אֶת־ בִּגְדֵ֥י הַבָּ֖ד בִּגְדֵ֥י הַקֹּֽדֶשׁ׃
33	וְכִפֶּר֙ אֶת־ מִקְדַּ֣שׁ הַקֹּ֔דֶשׁ וְאֶת־ אֹ֧הֶל מוֹעֵ֛ד וְאֶת־ הַמִּזְבֵּ֖חַ יְכַפֵּ֑ר וְעַ֧ל הַכֹּהֲנִ֛ים וְעַל־ כָּל־ עַ֥ם הַקָּהָ֖ל יְכַפֵּֽר׃
	(11QTa 26,7) וכפר בו על כול עם … … (11Q1 frg. G ii+M,8) וכפ[ר בעדו ובעד ביתו] (Lev 16,6) אֲשֶׁר־ ל֑וֹ וְכִפֶּ֥ר … (Lev 16,11) וְכִפֶּ֥ר … (Lev SP 16,6) אשר לו וכפר … (Lev SP 16,11) וכפר … (Lev SP 16,33) וכפר את מקדש הקדש ואת אהל מועד ואת המזבח יכפר על הכהנים ועל כל עם הקהל יכפר
34	וְהָֽיְתָה־ זֹּ֨את לָכֶ֜ם לְחֻקַּ֣ת עוֹלָ֗ם לְכַפֵּ֞ר עַל־ בְּנֵ֤י יִשְׂרָאֵל֙ מִכָּל־ חַטֹּאתָ֔ם אַחַ֖ת בַּשָּׁנָ֑ה וַיַּ֕עַשׂ כַּאֲשֶׁ֛ר צִוָּ֥ה יְהוָ֖ה אֶת־ מֹשֶֽׁה׃ פ
	(11Q1 frg. H,0) והיתה זאת לכמ לחקת עולמ לכפר (11Q1 frg. H,1) ל בני ישר[אל מכל חטאתמ אחת בשנה ויעש ]כ[א]שר צוה י[הוה את משה ] (Lev SP 16,34) והיתה זאת לכם לחקת עולם לכפר על בני ישראל מכל חטאתם אחת בשנה ויעש כאשר צוה יהוה את משה *

17
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(11Q1 frg. H,3) וידבר יהוה אל[ משה לאמר (Lev SP 17,1) וידבר יהוה אל משה לאמר
2	דַּבֵּ֨ר אֶֽל־ אַהֲרֹ֜ן וְאֶל־ בָּנָ֗יו וְאֶל֙ כָּל־ בְּנֵ֣י יִשְׂרָאֵ֔ל וְאָמַרְתָּ֖ אֲלֵיהֶ֑ם זֶ֣ה הַדָּבָ֔ר אֲשֶׁר־ צִוָּ֥ה יְהוָ֖ה לֵאמֹֽר׃
	(4Q26 frg. 4,0) דבר אל אהרון ואל בניו ואל כול בני] (4Q26 frg. 4,1) [ישראל ואמרת ]אל֯י֯ה֯ם֯ זה הד֯ב֯ר֯ [א]ש֯ר֯ צ֯ו֯ה֯[ י]ה֯[וה לאמור (11Q1 frg. H,3) דבר אל ]אהרנ ואל כל בני ישראל ואמ[ר]|ת (11Q1 frg. H,4) () אלהמ זה הדבר אשר צ[וה יהוה] לא[מ]ר (Lev SP 17,2) דבר אל אהרן ואל בניו ואל כל בני ישראל ואמרת אליהם זה הדבר אשר צוה יהוה לאמר
3	אִ֥ישׁ אִישׁ֙ מִבֵּ֣ית יִשְׂרָאֵ֔ל אֲשֶׁ֨ר יִשְׁחַ֜ט שׁ֥וֹר אוֹ־ כֶ֛שֶׂב אוֹ־ עֵ֖ז בַּֽמַּחֲנֶ֑ה א֚וֹ אֲשֶׁ֣ר יִשְׁחַ֔ט מִח֖וּץ לַֽמַּחֲנֶֽה׃
	(4Q26 frg. 4,1) איש איש] (4Q26 frg. 4,2) [מבית ישראל והגר ה]גר בישר֯א֯ל אשר יש֯[חט שור או כשב או עז] (4Q26 frg. 4,3) [במחנה או אשר ישח]ט֯ מחוצה למחנה (11Q1 frg. H,4) איש איש מבית ישראל (11Q1 frg. H,5) אשר ישחט שור או[ כשב או עז ]במח[נ]ה או אשר ישחט מחוצ ל[ ] (11Q1 frg. H,6) חנהואל (Lev SP 17,3) איש איש מבית ישראל אשר ישחט שור או כשב או עז במחנה או אשר ישחט מחוץ למחנה
4	וְאֶל־ פֶּ֜תַח אֹ֣הֶל מוֹעֵד֮ לֹ֣א הֱבִיאוֹ֒ לְהַקְרִ֤יב קָרְבָּן֙ לַֽיהוָ֔ה לִפְנֵ֖י מִשְׁכַּ֣ן יְהוָ֑ה דָּ֣ם יֵחָשֵׁ֞ב לָאִ֤ישׁ הַהוּא֙ דָּ֣ם שָׁפָ֔ךְ וְנִכְרַ֛ת הָאִ֥ישׁ הַה֖וּא מִקֶּ֥רֶב עַמּֽוֹ׃
	(4Q26 frg. 4,3) ו[א]ל פ֯ת֯[ח אוהל מועד לא הביאו] (4Q26 frg. 4,5) [בחוץ ואל פתח אוהל מו]ע֯ד֯ לוא יביאנו להקריבו ק֯[רבן ליהוה לפני משכן] (4Q26 frg. 4,6) [יהוה דם יחשב לאיש ה]ה֯ו֯[א] ד֯ם שפך ונכרת[ האיש ההוא מקרב עמו ] (11Q1 frg. H,6) פתח אהל מוע[ד לא הביאו ל]הקריב קרבנ ליהוה לפני מש[כנ] (11Q1 frg. H,7) יהוה דמ יחשב לאי[ש ההוא דמ שפכ ]ונכרת האיש ההוא מק[רב] (11Q1 frg. H,8) עמו … (Lev SP 17,4) ואל פתח אהל מועד לא הביאו להקריבו קרבן ליהוה לפני משכן יהוה דם יחשב לאיש ההוא דם שפך ונכרת האיש ההוא מקרב עמיו
5	לְמַעַן֩ אֲשֶׁ֨ר יָבִ֜יאוּ בְּנֵ֣י יִשְׂרָאֵ֗ל אֶֽת־ זִבְחֵיהֶם֮ אֲשֶׁ֣ר הֵ֣ם זֹבְחִים֮ עַל־ פְּנֵ֣י הַשָּׂדֶה֒ וֽ͏ֶהֱבִיאֻ֣ם לַֽיהוָ֗ה אֶל־ פֶּ֛תַח אֹ֥הֶל מוֹעֵ֖ד אֶל־ הַכֹּהֵ֑ן וְזָ֨בְח֜וּ זִבְחֵ֧י שְׁלָמִ֛ים לַֽיהוָ֖ה אוֹתָֽם׃
	(4Q26 frg. 4,7) [למען אשר יביאו בני י]ש֯ר֯א֯ל א֯ת זבחי֯הם֯ א֯[שר הם זבחים על פני] (4Q26 frg. 4,8) [השדה והביאם ליהוה א]ל֯ פתח אוהל מוע֯ד֯ [אל הכהן וזבחו זבחי שלמים] (4Q26 frg. 4,9) [ליהוה אותם (11Q1 frg. H,8) למענ אשר יביאו[ בני ישראל את זב]היהמ אשר המ זבחימ על[ ] (11Q1 frg. H,9) י [ה]שדה והביאומ לי[הוה אל פתח אהל מ]ועד אל הכהנ וזבחו זב[חי] (Lev SP 17,5) למען אשר יביאו בני ישראל את זבחיהם אשר הם זבחים על פני השדה והביאום ליהוה אל פתח אהל מועד אל הכהן וזבחו זבחי שלמים ליהוה אתם
6	וְזָרַ֨ק הַכֹּהֵ֤ן אֶת־ הַדָּם֙ עַל־ מִזְבַּ֣ח יְהוָ֔ה פֶּ֖תַח אֹ֣הֶל מוֹעֵ֑ד וְהִקְטִ֣יר הַחֵ֔לֶב לְרֵ֥יחַ נִיחֹ֖חַ לַיהוָֽה׃
	(4Q26 frg. 4,9) וזרק הכהן ]א֯ת הדם על מז֯ב֯ח֯[ יהוה פתח אוהל מועד] (4Q26 frg. 4,10) [והקטיר החלב לריח ניחח] ל[י]ה֯וה (Lev SP 17,6) וזרק הכהן את הדם על מזבח יהוה אשר פתח אהל מועד והקטיר החלב לריח ניחח ליהוה
7	וְלֹא־ יִזְבְּח֥וּ עוֹד֙ אֶת־ זִבְחֵיהֶ֔ם לַשְּׂעִירִ֕ם אֲשֶׁ֛ר הֵ֥ם זֹנִ֖ים אַחֲרֵיהֶ֑ם חֻקַּ֥ת עוֹלָ֛ם תִּֽהְיֶה־ זֹּ֥את לָהֶ֖ם לְדֹרֹתָֽם׃
	(4Q26 frg. 4,10) ולוא יזבחו ע[וד את זבחיהם לשעירם] (4Q26 frg. 4,11) [אשר הם זנים אחריהם חקת עולם תהיה זאת להם לדרתם ] (Lev SP 17,7) ולא יזבחו עוד את זבחיהם לשערים אשר הם זנים אחריהם חקת עולם תהיה זאת להם לדורתם
8	וַאֲלֵהֶ֣ם תֹּאמַ֔ר אִ֥ישׁ אִישׁ֙ מִבֵּ֣ית יִשְׂרָאֵ֔ל וּמִן־ הַגֵּ֖ר אֲשֶׁר־ יָג֣וּר בְּתוֹכָ֑ם אֲשֶׁר־ יַעֲלֶ֥ה עֹלָ֖ה אוֹ־ זָֽבַח׃
	(4Q26 frg. 4,12) [ואלהם תאמר איש איש מבית ישראל ו]מן[ הגר אשר יגור בתוכם אשר] (4Q26 frg. 4,13) [יעלה עלה או זבח (Lev SP 17,8) ואליהם תאמר איש איש מבית ישראל ומן הגר אשר יגור בתוכם אשר יעשה עלה או זבח
9	וְאֶל־ פֶּ֜תַח אֹ֤הֶל מוֹעֵד֙ לֹ֣א יְבִיאֶ֔נּוּ לַעֲשׂ֥וֹת אֹת֖וֹ לַיהוָ֑ה וְנִכְרַ֛ת הָאִ֥ישׁ הַה֖וּא מֵעַמָּֽיו׃
	(4Q26 frg. 4,13) ואל פ]ת֯ח֯ א֯[ו]ה֯ל מו֯ע֯ד֯ לא י֯ב֯י[אנו לעשות אתו ליהוה] (4Q26 frg. 4,14) [ונכרת האיש ההוא מעמי]ו (Lev SP 17,9) ואל פתח אהל מועד לא יביאנו לעשות אתו ליהוה ונכרת האיש ההוא מעמיו *
10	וְאִ֨ישׁ אִ֜ישׁ מִבֵּ֣ית יִשְׂרָאֵ֗ל וּמִן־ הַגֵּר֙ הַגָּ֣ר בְּתוֹכָ֔ם אֲשֶׁ֥ר יֹאכַ֖ל כָּל־ דָּ֑ם וְנָתַתִּ֣י פָנַ֗י בַּנֶּ֙פֶשׁ֙ הָאֹכֶ֣לֶת אֶת־ הַדָּ֔ם וְהִכְרַתִּ֥י אֹתָ֖הּ מִקֶּ֥רֶב עַמָּֽהּ׃
	(4Q26 frg. 4,14) ואיש איש מבית ישרא֯[ל ומן הגר הגר בתוכם] (4Q26 frg. 4,15) [אשר יאכל כול ד]ם֯ ונתתי את פנ֯י֯ ב֯נפש ה֯[אכלת את הדם והכרתי אתה] (4Q26 frg. 4,16) [מקרב עמה (Lev SP 17,10) ואיש איש מבית ישראל ומן הגר אשר יגור בתוכם אשר יאכל כל דם ונתתי את פני בנפש האכלת את הדם והכרתי אתה מקרב עמה
11	כִּ֣י נֶ֣פֶשׁ הַבָּשָׂר֮ בַּדָּ֣ם הִוא֒ וַאֲנִ֞י נְתַתִּ֤יו לָכֶם֙ עַל־ הַמִּזְבֵּ֔חַ לְכַפֵּ֖ר עַל־ נַפְשֹׁתֵיכֶ֑ם כִּֽי־ הַדָּ֥ם ה֖וּא בַּנֶּ֥פֶשׁ יְכַפֵּֽר׃
	(4Q26 frg. 4,16) כי ]נ֯פש כול בשר בדמו היא (ה֯ו֯א֯) ו֯א֯[ני נתתיו לכם על המזבח] (4Q26 frg. 4,17) [לכפר על נפשתיכם כי הדם הוא בנפש יכפר ] (Lev SP 17,11) כי נפש הבשר בדם הוא ואני נתתיו לכם על המזבח לכפר על נפשתיכם כי הדם הוא בנפש יכפר
12	עַל־ כֵּ֤ן אָמַ֙רְתִּי֙ לִבְנֵ֣י יִשְׂרָאֵ֔ל כָּל־ נֶ֥פֶשׁ מִכֶּ֖ם לֹא־ תֹ֣אכַל דָּ֑ם וְהַגֵּ֛ר הַגָּ֥ר בְּתוֹכְכֶ֖ם לֹא־ יֹ֥אכַל דָּֽם׃ ס
	(Lev SP 17,12) על כן אמרתי לבני ישראל כל נפש מכם לא תאכל דם והגר הגר בתוככם לא יאכל דם *
13	וְאִ֨ישׁ אִ֜ישׁ מִבְּנֵ֣י יִשְׂרָאֵ֗ל וּמִן־ הַגֵּר֙ הַגָּ֣ר בְּתוֹכָ֔ם אֲשֶׁ֨ר יָצ֜וּד צֵ֥יד חַיָּ֛ה אוֹ־ ע֖וֹף אֲשֶׁ֣ר יֵאָכֵ֑ל וְשָׁפַךְ֙ אֶת־ דָּמ֔וֹ וְכִסָּ֖הוּ בֶּעָפָֽר׃
	(Lev SP 17,13) ואיש איש מבית ישראל ומן הגר הגר בתוככם אשר יצוד ציד חיה או עוף אשר יאכל ושפך את דמו וכסהו בעפר
14	כִּֽי־ נֶ֣פֶשׁ כָּל־ בָּשָׂ֗ר דָּמ֣וֹ בְנַפְשׁוֹ֮ הוּא֒ וָֽאֹמַר֙ לִבְנֵ֣י יִשְׂרָאֵ֔ל דַּ֥ם כָּל־ בָּשָׂ֖ר לֹ֣א תֹאכֵ֑לוּ כִּ֣י נֶ֤פֶשׁ כָּל־ בָּשָׂר֙ דָּמ֣וֹ הִ֔וא כָּל־ אֹכְלָ֖יו יִכָּרֵֽת׃
	(Lev SP 17,14) כי נפש כל בשר דמו בנפשו הוא ואמר לבני ישראל דם כל בשר לא תאכלו כי נפש כל בשר דמו הוא כל אכלו יכרת
15	וְכָל־ נֶ֗פֶשׁ אֲשֶׁ֨ר תֹּאכַ֤ל נְבֵלָה֙ וּטְרֵפָ֔ה בָּאֶזְרָ֖ח וּבַגֵּ֑ר וְכִבֶּ֨ס בְּגָדָ֜יו וְרָחַ֥ץ בַּמַּ֛יִם וְטָמֵ֥א עַד־ הָעֶ֖רֶב וְטָהֵֽר׃
	(Lev SP 17,15) וכל הנפש אשר תאכל נבלה וטרפה באזרח ובגר וכבס בגדיו ורחץ במים וטמא עד הערב « »
16	וְאִם֙ לֹ֣א יְכַבֵּ֔ס וּבְשָׂר֖וֹ לֹ֣א יִרְחָ֑ץ וְנָשָׂ֖א עֲוֺנֽוֹ׃ פ
	(Lev SP 17,16) ואם לא יכבס ובשרו לא ירחץ ונשא עונו *

18
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(Lev SP 18,1) וידבר יהוה אל משה לאמר
2	דַּבֵּר֙ אֶל־ בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם אֲנִ֖י יְהוָ֥ה אֱלֹהֵיכֶֽם׃
	(Lev SP 18,2) דבר אל בני ישראל ואמרת אליהם אני יהוה אלהיכם
3	כְּמַעֲשֵׂ֧ה אֶֽרֶץ־ מִצְרַ֛יִם אֲשֶׁ֥ר יְשַׁבְתֶּם־ בָּ֖הּ לֹ֣א תַעֲשׂ֑וּ וּכְמַעֲשֵׂ֣ה אֶֽרֶץ־ כְּנַ֡עַן אֲשֶׁ֣ר אֲנִי֩ מֵבִ֨יא אֶתְכֶ֥ם שָׁ֙מָּה֙ לֹ֣א תַעֲשׂ֔וּ וּבְחֻקֹּתֵיהֶ֖ם לֹ֥א תֵלֵֽכוּ׃
	(Lev SP 18,3) כמעשה ארץ מצרים אשר ישבתם בה לא תעשו וכמעשה ארץ כנען אשר אני מביא אתכם שמה לא תעשו ובחקתיהם לא תלכו
4	אֶת־ מִשְׁפָּטַ֧י תַּעֲשׂ֛וּ וְאֶת־ חֻקֹּתַ֥י תִּשְׁמְר֖וּ לָלֶ֣כֶת בָּהֶ֑ם אֲנִ֖י יְהוָ֥ה אֱלֹהֵיכֶֽם׃
	(Lev SP 18,4) את משפטי תעשו ואת חקתי תשמרו ללכת בהם אני יהוה אלהיכם
5	וּשְׁמַרְתֶּ֤ם אֶת־ חֻקֹּתַי֙ וְאֶת־ מִשְׁפָּטַ֔י אֲשֶׁ֨ר יַעֲשֶׂ֥ה אֹתָ֛ם הָאָדָ֖ם וָחַ֣י בָּהֶ֑ם אֲנִ֖י יְהוָֽה׃ ס
	(4Q504 frg. 6,17) אשר יעשה אותם ה]אדם וחי בם ב○[ --] (Lev SP 18,5) ושמרתם את חקתי ואת משפטי אשר יעשה אתם האדם וחיה בהם אני יהוה
6	אִ֥ישׁ אִישׁ֙ אֶל־ כָּל־ שְׁאֵ֣ר בְּשָׂר֔וֹ לֹ֥א תִקְרְב֖וּ לְגַלּ֣וֹת עֶרְוָ֑ה אֲנִ֖י יְהוָֽה׃ ס
	(Lev SP 18,6) איש איש אל כל שאר בשרו לא תקרבו לגלות ערוה אני יהוה
7	עֶרְוַ֥ת אָבִ֛יךָ וְעֶרְוַ֥ת אִמְּךָ֖ לֹ֣א תְגַלֵּ֑ה אִמְּךָ֣ הִ֔וא לֹ֥א תְגַלֶּ֖ה עֶרְוָתָֽהּ׃ ס
	(Lev SP 18,7) ערות אביך וערות אמך לא תגלה אמך היא לא תגלה ערותה
8	עֶרְוַ֥ת אֵֽשֶׁת־ אָבִ֖יךָ לֹ֣א תְגַלֵּ֑ה עֶרְוַ֥ת אָבִ֖יךָ הִֽוא׃ ס
	(Lev SP 18,8) ערות אשת אביך לא תגלה ערות אביך היא
9	עֶרְוַ֨ת אֲחֽוֹתְךָ֤ בַת־ אָבִ֙יךָ֙ א֣וֹ בַת־ אִמֶּ֔ךָ מוֹלֶ֣דֶת בַּ֔יִת א֖וֹ מוֹלֶ֣דֶת ח֑וּץ לֹ֥א תְגַלֶּ֖ה עֶרְוָתָֽן׃ ס
	(Lev SP 18,9) ערות אחותך בת אביך או בת אמך מולדת בית או מולדת חוץ לא תגלה ערותה
10	עֶרְוַ֤ת בַּת־ בִּנְךָ֙ א֣וֹ בַֽת־ בִּתְּךָ֔ לֹ֥א תְגַלֶּ֖ה עֶרְוָתָ֑ן כִּ֥י עֶרְוָתְךָ֖ הֵֽנָּה׃ ס
	(Lev SP 18,10) ערות בת בנך או בת בתך לא תגלה ערותין כי ערותך הנה
11	עֶרְוַ֨ת בַּת־ אֵ֤שֶׁת אָבִ֙יךָ֙ מוֹלֶ֣דֶת אָבִ֔יךָ אֲחוֹתְךָ֖ הִ֑וא לֹ֥א תְגַלֶּ֖ה עֶרְוָתָֽהּ׃ ס
	(Lev SP 18,11) ערות בת אשת אביך מולדת אביך אחותך היא לא תגלה ערותה
12	עֶרְוַ֥ת אֲחוֹת־ אָבִ֖יךָ לֹ֣א תְגַלֵּ֑ה שְׁאֵ֥ר אָבִ֖יךָ הִֽוא׃ ס
	(Lev SP 18,12) ערות אחות אביך לא תגלה שאר אביך היא
13	עֶרְוַ֥ת אֲחֽוֹת־ אִמְּךָ֖ לֹ֣א תְגַלֵּ֑ה כִּֽי־ שְׁאֵ֥ר אִמְּךָ֖ הִֽוא׃ ס
	(CD 5,9) שאר אמך היא ומשפט העריות לזכרים (Lev SP 18,13) ערות אחות אמך לא תגלה « » שאר אמך היא
14	עֶרְוַ֥ת אֲחִֽי־ אָבִ֖יךָ לֹ֣א תְגַלֵּ֑ה אֶל־ אִשְׁתּוֹ֙ לֹ֣א תִקְרָ֔ב דֹּדָֽתְךָ֖ הִֽוא׃ ס
	(Lev SP 18,14) ערות אחי אביך לא תגלה ואל אשתו לא תקרב דדתך היא
15	עֶרְוַ֥ת כַּלָּֽתְךָ֖ לֹ֣א תְגַלֵּ֑ה אֵ֤שֶׁת בִּנְךָ֙ הִ֔וא לֹ֥א תְגַלֶּ֖ה עֶרְוָתָֽהּ׃ ס
	(Lev SP 18,15) ערות כלתך לא תגלה אשת בנך היא לא תגלה ערותה
16	עֶרְוַ֥ת אֵֽשֶׁת־ אָחִ֖יךָ לֹ֣א תְגַלֵּ֑ה עֶרְוַ֥ת אָחִ֖יךָ הִֽוא׃ ס
	(4Q23 frg. 14 ii-15,10) [א]ח֯יך לא תגלה ערו[ת אחיך היא (Lev SP 18,16) ערות אשת אחיך לא תגלה ערות אחיך היא
17	עֶרְוַ֥ת אִשָּׁ֛ה וּבִתָּ֖הּ לֹ֣א תְגַלֵּ֑ה אֶֽת־ בַּת־ בְּנָ֞הּ וְאֶת־ בַּת־ בִּתָּ֗הּ לֹ֤א תִקַּח֙ לְגַלּ֣וֹת עֶרְוָתָ֔הּ שַׁאֲרָ֥ה הֵ֖נָּה זִמָּ֥ה הִֽוא
	(4Q23 frg. 14 ii-15,10) ערות אשה ובתה לא תגלה את בת בנה ואת בת בתה] (4Q23 frg. 14 ii-15,11) לא[ ]תקח לגלות ערות[ה שארה הנה זמה היא (Lev SP 18,17) ערות אשה ובתה לא תגלה את בת בנה ואת בת בתה לא תקח לגלות ערותה שארה הנה זמה היא
18	וְאִשָּׁ֥ה אֶל־ אֲחֹתָ֖הּ לֹ֣א תִקָּ֑ח לִצְרֹ֗ר לְגַלּ֧וֹת עֶרְוָתָ֛הּ עָלֶ֖יהָ בְּחַיֶּֽיהָ׃
	(4Q23 frg. 14 ii-15,11) ואשה אל אחתה לא תקח לצרר לגלות] (4Q23 frg. 14 ii-15,12) ערותה עליה בח֯[ייה (Lev SP 18,18) ואשה על אחותה לא תקח לצרר לגלות ערותה עליה בחייה
19	וְאֶל־ אִשָּׁ֖ה בְּנִדַּ֣ת טֻמְאָתָ֑הּ לֹ֣א תִקְרַ֔ב לְגַלּ֖וֹת עֶרְוָתָֽהּ׃
	(4Q23 frg. 14 ii-15,12) ואל אשה בנדת טמאתה לא תקרב לגלות ערותה (Lev SP 18,19) ואל אשה בנדת טמאתה לא תקרב לגלות ערותה
20	וְאֶל־ אֵ֙שֶׁת֙ עֲמִֽיתְךָ֔ לֹא־ תִתֵּ֥ן שְׁכָבְתְּךָ֖ לְזָ֑רַע לְטָמְאָה־ בָֽהּ׃
	(4Q23 frg. 14 ii-15,12) ואל אשת עמיתך] (4Q23 frg. 14 ii-15,13) ל֯[א תתן שכבתך לזרע לטמאה בה (Lev SP 18,20) ואל אשת עמיתך לא תתן שכבתך לזרע לטמאה בה
21	וּמִֽזַּרְעֲךָ֥ לֹא־ תִתֵּ֖ן לְהַעֲבִ֣יר לַמֹּ֑לֶךְ וְלֹ֧א תְחַלֵּ֛ל אֶת־ שֵׁ֥ם אֱלֹהֶ֖יךָ אֲנִ֥י יְהוָֽה׃
	(4Q23 frg. 14 ii-15,13) ומזרעך לא תתן להעביר למלך ולא תחלל את שם אלהיך] (4Q23 frg. 14 ii-15,14) א֯נ֯י֯[ יהוה ] (Lev SP 18,21) ומזרעך לא תתן להעביד למלך ולא תחלל את שם אלהיך אני יהוה
22	וְאֶ֨ת־ זָכָ֔ר לֹ֥א תִשְׁכַּ֖ב מִשְׁכְּבֵ֣י אִשָּׁ֑ה תּוֹעֵבָ֖ה הִֽוא׃
	(Lev SP 18,22) ואת זכר לא תשכב משכבי אשה תועבה היא
23	וּבְכָל־ בְּהֵמָ֛ה לֹא־ תִתֵּ֥ן שְׁכָבְתְּךָ֖ לְטָמְאָה־ בָ֑הּ וְאִשָּׁ֗ה לֹֽא־ תַעֲמֹ֞ד לִפְנֵ֧י בְהֵמָ֛ה לְרִבְעָ֖הּ תֶּ֥בֶל הֽוּא׃
	(Lev SP 18,23) ובכל בהמה לא תתן שכבתך לטמאה בה ואשה לא תעמד לפני בהמה לרבעה תבל הוא *
24	אַל־ תִּֽטַּמְּא֖וּ בְּכָל־ אֵ֑לֶּה כִּ֤י בְכָל־ אֵ֙לֶּה֙ נִטְמְא֣וּ הַגּוֹיִ֔ם אֲשֶׁר־ אֲנִ֥י מְשַׁלֵּ֖חַ מִפְּנֵיכֶֽם׃
	(Lev SP 18,24) אל תטמאו בכל אלה כי בכל אלה נטמאו הגוים אשר אני משלח מפניכם
25	וַתִּטְמָ֣א הָאָ֔רֶץ וָאֶפְקֹ֥ד עֲוֺנָ֖הּ עָלֶ֑יהָ וַתָּקִ֥א הָאָ֖רֶץ אֶת־ יֹשְׁבֶֽיהָ׃
	(4Q365 frg. 22a-b,1) [הארץ את יושביה (Lev SP 18,25) ותטמא הארץ ואפקיד עונה עליה ותקיא הארץ את יושביה
26	וּשְׁמַרְתֶּ֣ם אַתֶּ֗ם אֶת־ חֻקֹּתַי֙ וְאֶת־ מִשְׁפָּטַ֔י וְלֹ֣א תַעֲשׂ֔וּ מִכֹּ֥ל הַתּוֹעֵבֹ֖ת הָאֵ֑לֶּה הָֽאֶזְרָ֔ח וְהַגֵּ֖ר הַגָּ֥ר בְּתוֹכְכֶֽם׃
	(4Q365 frg. 22a-b,1) ושמר]ת֯ם א֯[תם את חוקותי ואת משפטי ולוא] (4Q365 frg. 22a-b,2) [תעשו מכול התועבות] האלה האזרח[ והגר הגר בתוככמה (Lev SP 18,26) ושמרתם « » את חקתי ואת משפטי ולא תעשו מכל התועבות האלה האזרח והגר הגר בתוככם
27	כִּ֚י אֶת־ כָּל־ הַתּוֹעֵבֹ֣ת הָאֵ֔ל עָשׂ֥וּ אַנְשֵֽׁי־ הָאָ֖רֶץ אֲשֶׁ֣ר לִפְנֵיכֶ֑ם וַתִּטְמָ֖א הָאָֽרֶץ׃
	(4Q365 frg. 22a-b,2) כי] (4Q365 frg. 22a-b,3) [את כול התועבו]ת האלה[ עש]ו֯[ אנשי הארץ אשר? --] (4Q365 frg. 22a-b,4) [לפניכמה ותטמא ]הארץ (11Q1 frg. I,1) [כי את כל התו]עבות האלה עשו[ … (11Q1 frg. I,2) אנשי הארצ אשר לפנ[יכמ ותטמ]א הארצ (Lev SP 18,27) כי את כל התועבות האלה עשו אנשי הארץ אשר לפניכם ותטמא הארץ
28	וְלֹֽא־ תָקִ֤יא הָאָ֙רֶץ֙ אֶתְכֶ֔ם בְּטַֽמַּאֲכֶ֖ם אֹתָ֑הּ כַּאֲשֶׁ֥ר קָאָ֛ה אֶת־ הַגּ֖וֹי אֲשֶׁ֥ר לִפְנֵיכֶֽם׃
	(4Q365 frg. 22a-b,4) ולו[א תקיא הארץ אתכם בטמאכם אותה] (4Q365 frg. 22a-b,5) [כאשר קאה את הגוי אשר ]ל֯[פניכמה (11Q1 frg. I,2) ולא תקיא הארצ (11Q1 frg. I,3) אתכמ בטמאכמ אתה כאשר ק[אה את הגו]י אשר לפניכמ (Lev SP 18,28) ולא תקיא הארץ אתכם בטמאכם אתה כאשר קאה את הגוי אשר לפניכם
29	כִּ֚י כָּל־ אֲשֶׁ֣ר יַעֲשֶׂ֔ה מִכֹּ֥ל הַתּוֹעֵב֖וֹת הָאֵ֑לֶּה וְנִכְרְת֛וּ הַנְּפָשׁ֥וֹת הָעֹשֹׂ֖ת מִקֶּ֥רֶב עַמָּֽם׃
	(4Q365 frg. 22a-b,5) כי כול אשר יעשה מכול] (11Q1 frg. I,3) כי כל (11Q1 frg. I,4) [ר ]יעשה מכל התעבות האלה ונכ[רתו הנפש]ות העשות מקרב עממ ו (Lev SP 18,29) כי כל אשר יעשה מכל התועבת האלה ונכרתו הנפשות העשות מקרב עמם
30	וּשְׁמַרְתֶּ֣ם אֶת־ מִשְׁמַרְתִּ֗י לְבִלְתִּ֨י עֲשׂ֜וֹת מֵחֻקּ֤וֹת הַתּֽוֹעֵבֹת֙ אֲשֶׁ֣ר נַעֲשׂ֣וּ לִפְנֵיכֶ֔ם וְלֹ֥א תִֽטַּמְּא֖וּ בָּהֶ֑ם אֲנִ֖י יְהוָ֥ה אֱלֹהֵיכֶֽם׃ פ
	(11Q1 frg. I,5) [רת]מאת משמרתי לבלתי עשות מ[חקות התו]עבות אשר נעשו לפניכמ (11Q1 frg. I,6) [ולא ]תטמאו בהמ כי אני י[הוה אלהיכ]מ (Lev SP 18,30) ושמרתם את משמרתי לבלתי עשות מחקות התועבת אשר נעשו לפניכם ולא תטמאו בהן כי אני יהוה אלהיכם *

19
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר
	(4Q367 frg. 2a-b,3) [וידבר ]יהוה אל משה לא֯[מר (11Q1 frg. I,7) [וידב]ר יהוה אל משה לאמ[ר (Lev SP 19,1) וידבר יהוה אל משה לאמר
2	דַּבֵּ֞ר אֶל־ כָּל־ עֲדַ֧ת בְּנֵי־ יִשְׂרָאֵ֛ל וְאָמַרְתָּ֥ אֲלֵהֶ֖ם קְדֹשִׁ֣ים תִּהְי֑וּ כִּ֣י קָד֔וֹשׁ אֲנִ֖י יְהוָ֥ה אֱלֹהֵיכֶֽם׃
	(4Q367 frg. 2a-b,3) דבר אל כל עדת] (4Q367 frg. 2a-b,4) [בני ישראל ו]אמרת אלהם[ קדשים תהיו כי קדוש אני] (4Q367 frg. 2a-b,5) [יהוה אלהיכ]ם֯ (11Q1 frg. I,7) דבר אל ע]דת בני ישראל ואמרת (11Q1 frg. I,8) [אלהמ ]קדשימ תהיו כי קד[וש אני יהו]ה אלהיכמ (Lev SP 19,2) דבר אל כל עדת בני ישראל ואמרת אליהם קדישים תהיו כי קדוש אני יהוה אלהיכם
3	אִ֣ישׁ אִמּ֤וֹ וְאָבִיו֙ תִּירָ֔אוּ וְאֶת־ שַׁבְּתֹתַ֖י תִּשְׁמֹ֑רוּ אֲנִ֖י יְהוָ֥ה אֱלֹהֵיכֶֽם׃
	(4Q367 frg. 2a-b,5) איש אמו[ ואביו תיראו ואת שבתתי תשמרו] (4Q367 frg. 2a-b,6) [אני יהוה א]ל[הי]כ֯ם (4Q23 frg. 16-19,1) [וא]ת֯ ש֯בת֯[תי תשמרו אני י]ה֯ו֯ה֯ א֯[להי]כ֯ם (11Q1 frg. I,8) איש אמו (11Q1 frg. I,9) [ואביו ]תיראו ואת שבתותי[ תשמרו אני יה]וה אלהיכמ (Lev SP 19,3) איש אמו ואביו תיראו ואת שבתתי תשמרו אני יהוה אלהיכם
4	אַל־ תִּפְנוּ֙ אֶל־ הָ֣אֱלִילִ֔ים וֵֽאלֹהֵי֙ מַסֵּכָ֔ה לֹ֥א תַעֲשׂ֖וּ לָכֶ֑ם אֲנִ֖י יְהוָ֥ה אֱלֹהֵיכֶֽם׃
	(4Q367 frg. 2a-b,6) אל ת֯[פנו אל האלילי?ם ואלהי מסכה לא תעשו לכם אני] (4Q367 frg. 2a-b,7) [יהוה אלהיכ]ם֯ … (4Q23 frg. 16-19,1) [אל ]ת֯פ֯נ֯ו֯[ אל האלילים ואלהי מסכה לא תעשו] (4Q23 frg. 16-19,2) ל֯כם אני יה֯[וה אלהיכם (11Q1 frg. I,9) אל תפנו (Lev SP 19,4) אל תפנו אל האלילים ואלהי מסכה לא תעשו לכם אני יהוה אלהיכם
5	וְכִ֧י תִזְבְּח֛וּ זֶ֥בַח שְׁלָמִ֖ים לַיהוָ֑ה לִֽרְצֹנְכֶ֖ם תִּזְבָּחֻֽהוּ׃
	(4Q23 frg. 16-19,2) ]ו֯כי תזבחו ז֯[בח ]שלמים ליהוה ל֯[רצנכם תזבחהו (Lev SP 19,5) וכי תזבחו זבח שלמים ליהוה לרצונכם תזבחהו
6	בְּי֧וֹם זִבְחֲכֶ֛ם יֵאָכֵ֖ל וּמִֽמָּחֳרָ֑ת וְהַנּוֹתָר֙ עַד־ י֣וֹם הַשְּׁלִישִׁ֔י בָּאֵ֖שׁ יִשָּׂרֵֽף׃
	(4Q23 frg. 16-19,2) ביום זבחכם יאכל] (4Q23 frg. 16-19,3) וממחרת [והנותר עד יו]ם֯ השלישי באש יש[רף (Lev SP 19,6) ביום זבחכם יאכל וממחרת והנותר עד יום השלישי באש ישרף
7	וְאִ֛ם הֵאָכֹ֥ל יֵאָכֵ֖ל בַּיּ֣וֹם הַשְּׁלִישִׁ֑י פִּגּ֥וּל ה֖וּא לֹ֥א יֵרָצֶֽה׃
	(4Q23 frg. 16-19,3) ]ו֯אם ה[אכל יאכל ביום השלישי פגול] (4Q23 frg. 16-19,4) [הו]א֯ ל[א ירצה (Lev SP 19,7) ואם אכל יאכל ביום השלישי פגול הוא לא ירצה
8	וְאֹֽכְלָיו֙ עֲוֺנ֣וֹ יִשָּׂ֔א כִּֽי־ אֶת־ קֹ֥דֶשׁ יְהוָ֖ה חִלֵּ֑ל וְנִכְרְתָ֛ה הַנֶּ֥פֶשׁ הַהִ֖וא מֵעַמֶּֽיהָ׃
	(4Q23 frg. 16-19,4) ואכליו ]ע֯ונו ישא֯[ ]כי את [קדש יהוה חלל ונכרתה הנפש ההוא מעמיה ] (Lev SP 19,8) ואכלו עונו ישא כי את קדש יהוה חלל ונכרתה הנפש ההיא מעמיה *
9	וּֽבְקֻצְרְכֶם֙ אֶת־ קְצִ֣יר אַרְצְכֶ֔ם לֹ֧א תְכַלֶּ֛ה פְּאַ֥ת שָׂדְךָ֖ לִקְצֹ֑ר וְלֶ֥קֶט קְצִֽירְךָ֖ לֹ֥א תְלַקֵּֽט׃
	(4Q367 frg. 2a-b,7) [ובקצי?רכם את קציר] (4Q367 frg. 2a-b,8) [ארצכם לא תכ]ל֯[ה פאת ]שדך[ לקצר ולקט קצירך לא תלקט ] (Lev SP 19,9) ובקצירכם את קציר ארצכם לא תכלה פאת שדך לקצר ולקט קצירך לא תלקט
10	וְכַרְמְךָ֙ לֹ֣א תְעוֹלֵ֔ל וּפֶ֥רֶט כַּרְמְךָ֖ לֹ֣א תְלַקֵּ֑ט לֶֽעָנִ֤י וְלַגֵּר֙ תַּעֲזֹ֣ב אֹתָ֔ם אֲנִ֖י יְהוָ֥ה אֱלֹהֵיכֶֽם׃
	(4Q367 frg. 2a-b,9) [וכרמך לא תעולל ופרט כרמך לא תל]קט לע֯[ני ולגר תעזב אתם אני] (4Q367 frg. 2a-b,10) [יהוה אלהיכם (Lev SP 19,10) וכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם
11	לֹ֖א תִּגְנֹ֑בוּ וְלֹא־ תְכַחֲשׁ֥וּ וְלֹֽא־ תְשַׁקְּר֖וּ אִ֥ישׁ בַּעֲמִיתֽוֹ׃
	(4Q367 frg. 2a-b,10) לא תגנבו ולא תכח]שו ולא תש֯[קרו איש בעמיתו ] (Lev SP 19,11) לא תגנבו ולא תכחשו ולא תשקרו איש בעמיתו
12	וְלֹֽא־ תִשָּׁבְע֥וּ בִשְׁמִ֖י לַשָּׁ֑קֶר וְחִלַּלְתָּ֛ אֶת־ שֵׁ֥ם אֱלֹהֶ֖יךָ אֲנִ֥י יְהוָֽה׃
	(4Q367 frg. 2a-b,11) [ולא תשבעו בשמי לשקר וחללת א]ת שם אלהיך[ אני יהוה (Lev SP 19,12) ולא תשבעו בשמי לשקר וחללת את שם אלהך אני יהוה
13	לֹֽא־ תַעֲשֹׁ֥ק אֶת־ רֵֽעֲךָ֖ וְלֹ֣א תִגְזֹ֑ל לֹֽא־ תָלִ֞ין פְּעֻלַּ֥ת שָׂכִ֛יר אִתְּךָ֖ עַד־ בֹּֽקֶר׃
	(4Q367 frg. 2a-b,11) לא תעשק את] (4Q367 frg. 2a-b,12) [רעך ולא תגזל לא תלין פעלת ]ש֯כיר אתך עד בק֯[ר (Lev SP 19,13) לא תעשק את רעך ולא תגזל ולא תלין פעלת שכיר אתך עד בקר
14	לֹא־ תְקַלֵּ֣ל חֵרֵ֔שׁ וְלִפְנֵ֣י עִוֵּ֔ר לֹ֥א תִתֵּ֖ן מִכְשֹׁ֑ל וְיָרֵ֥אתָ מֵּאֱלֹהֶ֖יךָ אֲנִ֥י יְהוָֽה׃
	(4Q367 frg. 2a-b,12) לא תקלל חרש] (4Q367 frg. 2a-b,13) [ולפני עור לא תתן מכשל ויראת מא]להיך אני[ יהוה (Lev SP 19,14) לא תקלל חרש ולפני עור לא תתן מכשול ויראת מאלהיך אני יהוה
15	לֹא־ תַעֲשׂ֥וּ עָ֙וֶל֙ בַּמִּשְׁפָּ֔ט לֹא־ תִשָּׂ֣א פְנֵי־ דָ֔ל וְלֹ֥א תֶהְדַּ֖ר פְּנֵ֣י גָד֑וֹל בְּצֶ֖דֶק תִּשְׁפֹּ֥ט עֲמִיתֶֽךָ׃
	(4Q367 frg. 2a-b,13) לא תעשו עול] (4Q367 frg. 2a-b,14) [במשפט לא תשא פני דל ולא תהדר ]פ֯ני גדו֯[ל בצדק --] (Lev SP 19,15) לא תעשה עול במשפט לא תשא פני דל ולא תהדר פני גדול בצדק תשפט את עמיתך
16	לֹא־ תֵלֵ֤ךְ רָכִיל֙ בְּעַמֶּ֔יךָ לֹ֥א תַעֲמֹ֖ד עַל־ דַּ֣ם רֵעֶ֑ךָ אֲנִ֖י יְהוָֽה׃
	(Lev SP 19,16) לא תלך רכיל בעמך לא תעמד על דם רעך אני יהוה
17	לֹֽא־ תִשְׂנָ֥א אֶת־ אָחִ֖יךָ בִּלְבָבֶ֑ךָ הוֹכֵ֤חַ תּוֹכִ֙יחַ֙ אֶת־ עֲמִיתֶ֔ךָ וְלֹא־ תִשָּׂ֥א עָלָ֖יו חֵֽטְא׃
	(4Q267 frg. 9 i,3) הוכח תוכיח את רעכה ולוא תשא עליו ]חטא _____ (4Q270 frg. 6 iv,1) [הו]כ֯ח ת[וכיח את רעך ולא תשא עלו חטא … (5Q12 frg. 1,2) ה֯[וכח --] … (CD 9,7) הוכח (CD 9,8) תוכיח את רעיך ולא תשא עליו חטא … (Lev SP 19,17) לא תשנא את אחיך בלבבך הוכיח תוכיח את עמיתך ולא תשא עליו חטא
18	לֹֽא־ תִקֹּ֤ם וְלֹֽא־ תִטֹּר֙ אֶת־ בְּנֵ֣י עַמֶּ֔ךָ וְאָֽהַבְתָּ֥ לְרֵעֲךָ֖ כָּמ֑וֹךָ אֲנִ֖י יְהוָֽה׃
	(4Q266 frg. 8 ii,10) לא תקום ולו תטור את בני עמך וכול איש] (4Q270 frg. 6 iii,17) [לא תקום ולא] תטור את בני עמך … (CD 9,2) לא תקום ולא תטור את בני עמך … (Lev SP 19,18) לא תקום ולא תטור את בני עמך ואהבת לרעך כמוך אני יהוה
19	אֶֽת־ חֻקֹּתַי֮ תִּשְׁמֹרוּ֒ בְּהֶמְתְּךָ֙ לֹא־ תַרְבִּ֣יעַ כִּלְאַ֔יִם שָׂדְךָ֖ לֹא־ תִזְרַ֣ע כִּלְאָ֑יִם וּבֶ֤גֶד כִּלְאַ֙יִם֙ שֽׁ͏ַעַטְנֵ֔ז לֹ֥א יַעֲלֶ֖ה עָלֶֽיךָ׃ פ
	(Lev SP 19,19) את חקותי תשמרו בהמתך לא תרביע כלאים ושדך לא תזרע כלאים ובגד כלאים שעטניז לא יעלה עליך *
20	וְ֠אִישׁ כִּֽי־ יִשְׁכַּ֨ב אֶת־ אִשָּׁ֜ה שִׁכְבַת־ זֶ֗רַע וְהִ֤וא שִׁפְחָה֙ נֶחֱרֶ֣פֶת לְאִ֔ישׁ וְהָפְדֵּה֙ לֹ֣א נִפְדָּ֔תָה א֥וֹ חֻפְשָׁ֖ה לֹ֣א נִתַּן־ לָ֑הּ בִּקֹּ֧רֶת תִּהְיֶ֛ה לֹ֥א יוּמְת֖וּ כִּי־ לֹ֥א חֻפָּֽשָׁה׃
	(4Q266 frg. 12,7) ה]שופחה [החרופה --] (4Q270 frg. 4,14) ה]שופחה החרופה ○○○○?[ (Lev SP 19,20) ואיש כי ישכב את אשה שכבת זרע והיא שפחה נחרפת לאיש והפדה לא נפדתה או חפשי לא נתן לה בקרת תהיה לו לא יומת כי לא חפשה
21	וְהֵבִ֤יא אֶת־ אֲשָׁמוֹ֙ לַֽיהוָ֔ה אֶל־ פֶּ֖תַח אֹ֣הֶל מוֹעֵ֑ד אֵ֖יל אָשָֽׁם׃
	(Lev SP 19,21) והביא את אשמו ליהוה אל פתח אהל מועד איל אשם
22	וְכִפֶּר֩ עָלָ֨יו הַכֹּהֵ֜ן בְּאֵ֤יל הָֽאָשָׁם֙ לִפְנֵ֣י יְהוָ֔ה עַל־ חַטָּאת֖וֹ אֲשֶׁ֣ר חָטָ֑א וְנִסְלַ֣ח ל֔וֹ מֵחַטָּאת֖וֹ אֲשֶׁ֥ר חָטָֽא׃ פ
	(Lev SP 19,22) וכפר עליו הכהן באיל האשם לפני יהוה על חטאתו אשר חטא ונסלח לו מחטאתו אשר חטא *
23	וְכִי־ תָבֹ֣אוּ אֶל־ הָאָ֗רֶץ וּנְטַעְתֶּם֙ כָּל־ עֵ֣ץ מַאֲכָ֔ל וַעֲרַלְתֶּ֥ם עָרְלָת֖וֹ אֶת־ פִּרְי֑וֹ שָׁלֹ֣שׁ שָׁנִ֗ים יִהְיֶ֥ה לָכֶ֛ם עֲרֵלִ֖ים לֹ֥א יֵאָכֵֽל׃
	(Lev SP 19,23) וכי תבאו אל הארץ ונטעתם כל עץ מאכל וערלתם את ערלתו את פריו שלש שנים יהיה לכם ערלים לא יאכל
24	וּבַשָּׁנָה֙ הָרְבִיעִ֔ת יִהְיֶ֖ה כָּל־ פִּרְי֑וֹ קֹ֥דֶשׁ הִלּוּלִ֖ים לַיהוָֽה׃
	(Lev SP 19,24) ובשנה הרביעית יהיו כל פריו קדש חלולים ליהוה
25	וּבַשָּׁנָ֣ה הַחֲמִישִׁ֗ת תֹּֽאכְלוּ֙ אֶת־ פִּרְי֔וֹ לְהוֹסִ֥יף לָכֶ֖ם תְּבוּאָת֑וֹ אֲנִ֖י יְהוָ֥ה אֱלֹהֵיכֶֽם׃
	(Lev SP 19,25) ובשנה החמישית תאכלו את פריו להאסיף לכם תבואתו אני יהוה אלהיכם
26	לֹ֥א תֹאכְל֖וּ עַל־ הַדָּ֑ם לֹ֥א תְנַחֲשׁ֖וּ וְלֹ֥א תְעוֹנֵֽנוּ׃
	(Lev SP 19,26) לא תאכלו על הדם ולא תנחשו ולא תעננו
27	לֹ֣א תַקִּ֔פוּ פְּאַ֖ת רֹאשְׁכֶ֑ם וְלֹ֣א תַשְׁחִ֔ית אֵ֖ת פְּאַ֥ת זְקָנֶֽךָ׃
	(Lev SP 19,27) ולא תקיפו את פאת ראשכם ולא תשחיתו את פאת זקנכם
28	וְשֶׂ֣רֶט לָנֶ֗פֶשׁ לֹ֤א תִתְּנוּ֙ בִּבְשַׂרְכֶ֔ם וּכְתֹ֣בֶת קֽ͏ַעֲקַ֔ע לֹ֥א תִתְּנ֖וּ בָּכֶ֑ם אֲנִ֖י יְהוָֽה׃
	(11QTa 48,9) ושרטת על נפש לוא תתנו בבשרכמה וכתבת קעקע לוא תכתובו (11QTa 48,10) בכמה … (Lev SP 19,28) ושרטה לנפש לא תתנו בבשרכם וכתבת קעקע לא תתנו בכם אני יהוה
29	אַל־ תְּחַלֵּ֥ל אֶֽת־ בִּתְּךָ֖ לְהַזְנוֹתָ֑הּ וְלֹא־ תִזְנֶ֣ה הָאָ֔רֶץ וּמָלְאָ֥ה הָאָ֖רֶץ זִמָּֽה׃
	(Lev SP 19,29) אל תחלל את בתך להזנותה ולא תזנה הארץ ומלאה הארץ זמה
30	אֶת־ שַׁבְּתֹתַ֣י תִּשְׁמֹ֔רוּ וּמִקְדָּשִׁ֖י תִּירָ֑אוּ אֲנִ֖י יְהוָֽה׃
	(1Q3 frg. 2,1) [ומק]ד֯שי ת֯[יראו אני יהוה (Lev SP 19,30) את שבתתי תשמרו ומקדשי תיראו אני יהוה
31	אַל־ תִּפְנ֤וּ אֶל־ הָאֹבֹת֙ וְאֶל־ הַיִּדְּעֹנִ֔ים אַל־ תְּבַקְשׁ֖וּ לְטָמְאָ֣ה בָהֶ֑ם אֲנִ֖י יְהוָ֥ה אֱלֹהֵיכֶֽם׃
	(1Q3 frg. 2,1) אל תפנו אל האבת] (1Q3 frg. 2,2) [ו]אל הידעונים [אל תבקשו לטמאה בהם אני יהוה] (1Q3 frg. 2,3) אלהיכם מפני֯[ (Lev 19,32) מִפְּנֵ֤י … (Lev SP 19,31) אל תפנו אל האובות ואל הידענים אל תבקשו לטמאה בהם אני יהוה אלהיכם (Lev SP 19,32) מפני
32	מִפְּנֵ֤י שֵׂיבָה֙ תָּק֔וּם וְהָדַרְתָּ֖ פְּנֵ֣י זָקֵ֑ן וְיָרֵ֥אתָ מֵּאֱלֹהֶ֖יךָ אֲנִ֥י יְהוָֽה׃ פ
	(1Q3 frg. 2,3) אלהיכם מפני֯[ שיבה תקום והדרת פני זקן ויראת] (1Q3 frg. 2,4) מאלהיך אני יהו[ה … (Lev 19,31) אֱלֹהֵיכֶֽם׃ (Lev SP 19,31) אלהיכם (Lev SP 19,32) מפני שיבה תקום והדרת פני זקן ויראת מאלהיך אני יהוה *
33	וְכִֽי־ יָג֧וּר אִתְּךָ֛ גֵּ֖ר בְּאַרְצְכֶ֑ם לֹ֥א תוֹנ֖וּ אֹתֽוֹ׃
	(1Q3 frg. 2,4) וכי יגור אתך גר בארצכם לא תונו] (1Q3 frg. 2,5) את[ו (Lev SP 19,33) וכי יגור אתכם גר בארצכם לא תונו אתו
34	כְּאֶזְרָ֣ח מִכֶּם֩ יִהְיֶ֨ה לָכֶ֜ם הַגֵּ֣ר ׀ הַגָּ֣ר אִתְּכֶ֗ם וְאָהַבְתָּ֥ לוֹ֙ כָּמ֔וֹךָ כִּֽי־ גֵרִ֥ים הֱיִיתֶ֖ם בְּאֶ֣רֶץ מִצְרָ֑יִם אֲנִ֖י יְהוָ֥ה אֱלֹהֵיכֶֽם׃
	(1Q3 frg. 2,5) ]כאזרח מכם[ יהיה לכם הגר הגר אתכם ואהבת] (4Q26a frg. 3,1) [כאזרח מכם יהיה לכם הגר הגר אתכם ואהב]ת (4Q26a frg. 3,2) [לו כמוך כי גרים הייתם בארץ מצרים אני ]יהוה אלהיכם
35	לֹא־ תַעֲשׂ֥וּ עָ֖וֶל בַּמִּשְׁפָּ֑ט בַּמִּדָּ֕ה בַּמִּשְׁקָ֖ל וּבַמְּשׂוּרָֽה׃
	(4Q26a frg. 3,3) [לא תעשו עול במשפט במדה במשקל ו]במשורה (Lev SP 19,35) לא תעשו עול במשפט במדה במשקול ובמשורה
36	מֹ֧אזְנֵי צֶ֣דֶק אַבְנֵי־ צֶ֗דֶק אֵ֥יפַת צֶ֛דֶק וְהִ֥ין צֶ֖דֶק יִהְיֶ֣ה לָכֶ֑ם אֲנִי֙ יְהוָ֣ה אֱלֹֽהֵיכֶ֔ם אֲשֶׁר־ הוֹצֵ֥אתִי אֶתְכֶ֖ם מֵאֶ֥רֶץ מִצְרָֽיִם׃
	(4Q26a frg. 3,3) אבני צ֯[ד]ק (4Q26a frg. 3,4) [איפת צדק והין צדק יהיה לכם אני יהו]ה֯ אלהיכם אשר (4Q26a frg. 3,5) [הוצאתי אתכם מארץ מצרים (Lev SP 19,36) מאזני צדק אבני צדק איפת צדק והין צדק יהיה לכם אני יהוה אלהיכם אשר הוצאתי אתכם מארץ מצרים
37	וּשְׁמַרְתֶּ֤ם אֶת־ כָּל־ חֻקֹּתַי֙ וְאֶת־ כָּל־ מִשְׁפָּטַ֔י וַעֲשִׂיתֶ֖ם אֹתָ֑ם אֲנִ֖י יְהוָֽה׃ פ
	(4Q26a frg. 3,5) ושמרתם את כל חק]ת֯י֯ ו֯[את] (Lev SP 19,37) ושמרתם את כל חקתי ואת כל משפטי ועשיתם אתם אני יהוה *

20
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(4Q26a frg. 4,1) [אל משה לאמ]ר֯ (11Q1 frg. J,1) [וידבר יה]וה אל משה לאמור (Lev SP 20,1) וידבר יהוה אל משה לאמר
2	וְאֶל־ בְּנֵ֣י יִשְׂרָאֵל֘ תֹּאמַר֒ אִ֣ישׁ אִישׁ֩ מִבְּנֵ֨י יִשְׂרָאֵ֜ל וּמִן־ הַגֵּ֣ר ׀ הַגָּ֣ר בְּיִשְׂרָאֵ֗ל אֲשֶׁ֨ר יִתֵּ֧ן מִזַּרְע֛וֹ לַמֹּ֖לֶךְ מ֣וֹת יוּמָ֑ת עַ֥ם הָאָ֖רֶץ יִרְגְּמֻ֥הוּ בָאָֽבֶן׃
	(4Q26a frg. 4,1) ואל[ בני ישראל תאמר איש איש מבני ישראל] (4Q26a frg. 4,2) [ומן הגר ]הגר בישרא֯[ל אשר יתן מזרעו למלך מות יומת] (4Q26a frg. 4,3) [עם האר]ץ֯ ירגמהו֯[ באבן (11Q1 frg. J,1) ואל בנ[י ישראל ת]אמר איש איש מבית (11Q1 frg. J,2) [ישראל ו]מנ הגר הגר בישראל אשר יתנ[ מזרעו ]למלכ מות יומת עמ ה (11Q1 frg. J,3) [רציר]גמהו באבנ (Lev SP 20,2) ואל בני ישראל תדבר איש איש מבית ישראל ומן הגר הגר בישראל אשר יתן מזרעו למלך מות יומת עם הארץ ירגמהו באבן
3	וַאֲנִ֞י אֶתֵּ֤ן אֶת־ פָּנַי֙ בָּאִ֣ישׁ הַה֔וּא וְהִכְרַתִּ֥י אֹת֖וֹ מִקֶּ֣רֶב עַמּ֑וֹ כִּ֤י מִזַּרְעוֹ֙ נָתַ֣ן לַמֹּ֔לֶךְ לְמַ֗עַן טַמֵּא֙ אֶת־ מִקְדָּשִׁ֔י וּלְחַלֵּ֖ל אֶת־ שֵׁ֥ם קָדְשִֽׁי׃
	(4Q26a frg. 4,3) ואני אתן את פני באיש ההוא] (4Q26a frg. 4,4) [והכרתי א]ת֯ו֯[ מקרב עמו כי מזרעו נתן למלך למען טמא] (11Q1 frg. J,3) ואני אתנ את פני [באיש ]ההוא והכרתי את[ו ]מ (11Q1 frg. J,4) [בעמו] כי מזרעו נתנ למלכ למענ ט[מא את] מקדשי וחלל את שמ (11Q1 frg. J,5) [דשי (Lev SP 20,3) ואני אתן את פני באיש ההוא והכרתי אתו מקרב עמו כי מזרעו נתן למלך למען טמא את מקדשי וחלל את שם קדשי
4	וְאִ֡ם הַעְלֵ֣ם יַעְלִימֽוּ֩ עַ֨ם הָאָ֜רֶץ אֶת־ עֵֽינֵיהֶם֙ מִן־ הָאִ֣ישׁ הַה֔וּא בְּתִתּ֥וֹ מִזַּרְע֖וֹ לַמֹּ֑לֶךְ לְבִלְתִּ֖י הָמִ֥ית אֹתֽוֹ׃
	(11Q1 frg. J,5) ו]אמ העלמ יעלמו עמ הא[רצ את עי]ניהמ מנ האיש ההוא (11Q1 frg. J,6) [בתתו מ]זר[ע]ו למלכ לבלתי המית[ אתו (Lev SP 20,4) ואם העלם יעלימו עם הארץ את עיניהם מן האיש ההוא בתתו מזרעו למלך לבלתי המית אתו
5	וְשַׂמְתִּ֨י אֲנִ֧י אֶת־ פָּנַ֛י בָּאִ֥ישׁ הַה֖וּא וּבְמִשְׁפַּחְתּ֑וֹ וְהִכְרַתִּ֨י אֹת֜וֹ וְאֵ֣ת ׀ כָּל־ הַזֹּנִ֣ים אַחֲרָ֗יו לִזְנ֛וֹת אַחֲרֵ֥י הַמֹּ֖לֶךְ מִקֶּ֥רֶב עַמָּֽם׃
	(11Q1 frg. J,6) ושמת]י אני את פני באי[ש] (11Q1 frg. J,7) [ההוא וב]משפחו והכרתי אתו ו[את כל הזנ]ימ אחריו לזנות (11Q1 frg. J,8) [רי המלכ] מ[ק]רב עממ (Lev SP 20,5) ושמתי אני את פני באיש ההוא ובמשפחתו והכרתי אתו ואת כל הזנים אחריו לזנות אחרי המלך מקרב עמם
6	וְהַנֶּ֗פֶשׁ אֲשֶׁ֨ר תִּפְנֶ֤ה אֶל־ הָֽאֹבֹת֙ וְאֶל־ הַיִּדְּעֹנִ֔ים לִזְנ֖וֹת אַחֲרֵיהֶ֑ם וְנָתַתִּ֤י אֶת־ פָּנַי֙ בַּנֶּ֣פֶשׁ הַהִ֔וא וְהִכְרַתִּ֥י אֹת֖וֹ מִקֶּ֥רֶב עַמּֽוֹ׃
	(11Q1 frg. J,8) והנפש א[שר תפנה אל האב]ת ואל הידענימ (Lev SP 20,6) והנפש אשר תפנה אל האובות ואל הידעונים לזנות אחריהם ונתתי את פני בנפש ההיא והכרתי אתה מקרב עמה
7	וְהִ֨תְקַדִּשְׁתֶּ֔ם וִהְיִיתֶ֖ם קְדֹשִׁ֑ים כִּ֛י אֲנִ֥י יְהוָ֖ה אֱלֹהֵיכֶֽם׃
	(Lev SP 20,7) והייתם קדישים כי קדוש אני יהוה אלהיכם
8	וּשְׁמַרְתֶּם֙ אֶת־ חֻקֹּתַ֔י וַעֲשִׂיתֶ֖ם אֹתָ֑ם אֲנִ֥י יְהוָ֖ה מְקַדִּשְׁכֶֽם׃
	(Lev SP 20,8) ושמרתם את כל חקתי ועשיתם אתם אני יהוה מקדשכם *
9	כִּֽי־ אִ֣ישׁ אִ֗ישׁ אֲשֶׁ֨ר יְקַלֵּ֧ל אֶת־ אָבִ֛יו וְאֶת־ אִמּ֖וֹ מ֣וֹת יוּמָ֑ת אָבִ֧יו וְאִמּ֛וֹ קִלֵּ֖ל דָּמָ֥יו בּֽוֹ׃
	(Lev SP 20,9) כי איש איש אשר יקלל את אביו ואת אמו מות יומת אביו ואמו קלל דמו בו
10	וְאִ֗ישׁ אֲשֶׁ֤ר יִנְאַף֙ אֶת־ אֵ֣שֶׁת אִ֔ישׁ אֲשֶׁ֥ר יִנְאַ֖ף אֶת־ אֵ֣שֶׁת רֵעֵ֑הוּ מֽוֹת־ יוּמַ֥ת הַנֹּאֵ֖ף וְהַנֹּאָֽפֶת׃
	(Lev SP 20,10) ואיש אשר ינאף את אשת איש אשר ינאף את אשת רעהו מות יומת הנאף והנאפת
11	וְאִ֗ישׁ אֲשֶׁ֤ר יִשְׁכַּב֙ אֶת־ אֵ֣שֶׁת אָבִ֔יו עֶרְוַ֥ת אָבִ֖יו גִּלָּ֑ה מֽוֹת־ יוּמְת֥וּ שְׁנֵיהֶ֖ם דְּמֵיהֶ֥ם בָּֽם׃
	(Lev SP 20,11) ואיש אשר ישכב את אשת אביו ערות אביו גלה מות יומתו שניהם דמיהם בם
12	וְאִ֗ישׁ אֲשֶׁ֤ר יִשְׁכַּב֙ אֶת־ כַּלָּת֔וֹ מ֥וֹת יוּמְת֖וּ שְׁנֵיהֶ֑ם תֶּ֥בֶל עָשׂ֖וּ דְּמֵיהֶ֥ם בָּֽם׃
	(Lev SP 20,12) ואיש אשר ישכב את כלתו מות יומתו שניהם תבל עשו דמיהם בם
13	וְאִ֗ישׁ אֲשֶׁ֨ר יִשְׁכַּ֤ב אֶת־ זָכָר֙ מִשְׁכְּבֵ֣י אִשָּׁ֔ה תּוֹעֵבָ֥ה עָשׂ֖וּ שְׁנֵיהֶ֑ם מ֥וֹת יוּמָ֖תוּ דְּמֵיהֶ֥ם בָּֽם׃
	(Lev SP 20,13) ואיש אשר ישכב את זכר משכבי אשה תועבה עשו מות יומתו שניהם דמיהם בם
14	וְאִ֗ישׁ אֲשֶׁ֨ר יִקַּ֧ח אֶת־ אִשָּׁ֛ה וְאֶת־ אִמָּ֖הּ זִמָּ֣ה הִ֑וא בָּאֵ֞שׁ יִשְׂרְפ֤וּ אֹתוֹ֙ וְאֶתְהֶ֔ן וְלֹא־ תִהְיֶ֥ה זִמָּ֖ה בְּתוֹכְכֶֽם׃
	(Lev SP 20,14) ואיש אשר יקח את אשה ואת אמה זמה היא באש ישרפו אתו ואתיהן ולא תהיה זמה בתוככם
15	וְאִ֗ישׁ אֲשֶׁ֨ר יִתֵּ֧ן שְׁכָבְתּ֛וֹ בִּבְהֵמָ֖ה מ֣וֹת יוּמָ֑ת וְאֶת־ הַבְּהֵמָ֖ה תַּהֲרֹֽגוּ׃
	(Lev SP 20,15) ואיש אשר יתן שכבתו בבהמה מות יומת ואת הבהמה תהרגו
16	וְאִשָּׁ֗ה אֲשֶׁ֨ר תִּקְרַ֤ב אֶל־ כָּל־ בְּהֵמָה֙ לְרִבְעָ֣ה אֹתָ֔הּ וְהָרַגְתָּ֥ אֶת־ הָאִשָּׁ֖ה וְאֶת־ הַבְּהֵמָ֑ה מ֥וֹת יוּמָ֖תוּ דְּמֵיהֶ֥ם בָּֽם׃
	(Lev SP 20,16) ואשה אשר תקרב אל כל בהמה לרבעה אתה והרגת את האשה ואת הבהמה מות יומתו דמיהם בם
17	וְאִ֣ישׁ אֲשֶׁר־ יִקַּ֣ח אֶת־ אֲחֹת֡וֹ בַּת־ אָבִ֣יו א֣וֹ בַת־ אִ֠מּוֹ וְרָאָ֨ה אֶת־ עֶרְוָתָ֜הּ וְהִֽיא־ תִרְאֶ֤ה אֶת־ עֶרְוָתוֹ֙ חֶ֣סֶד ה֔וּא וְנִ֨כְרְת֔וּ לְעֵינֵ֖י בְּנֵ֣י עַמָּ֑ם עֶרְוַ֧ת אֲחֹת֛וֹ גִּלָּ֖ה עֲוֺנ֥וֹ יִשָּֽׂא׃
	… (4Q524 frg. 15-22,3) יקח איש את אחותו בת אבי]הו א[ו בת א]מ֯ו[ … (11QTa 66,14) יקח איש את אחותו בת אביהו או בת אמו תועבה היא לוא (Dtn 27,22) אֲחֹת֔וֹ בַּת־ אָבִ֖יו א֣וֹ בַת־ אִמּ֑וֹ … (Lev SP 20,17) ואיש אשר יקח את אחותו בת אביו או בת אמו וראה את ערותה והיא תראה את ערותו חסד הוא ונכרתו לעיני בני עמם ערות אחותו גלה עונו ישא (Dtn SP 27,22) אחותו בת אביו או בת אמו …
18	וְ֠אִישׁ אֲשֶׁר־ יִשְׁכַּ֨ב אֶת־ אִשָּׁ֜ה דָּוָ֗ה וְגִלָּ֤ה אֶת־ עֶרְוָתָהּ֙ אֶת־ מְקֹרָ֣הּ הֶֽעֱרָ֔ה וְהִ֕יא גִּלְּתָ֖ה אֶת־ מְק֣וֹר דָּמֶ֑יהָ וְנִכְרְת֥וּ שְׁנֵיהֶ֖ם מִקֶּ֥רֶב עַמָּֽם׃
	(Lev SP 20,18) ואיש אשר ישכב את אשה דוה וגלה את ערותה את מקור הערוה והיא גלתה את מקור דמיה ונכרתו שניהם מקרב עמם
19	וְעֶרְוַ֨ת אֲח֧וֹת אִמְּךָ֛ וַאֲח֥וֹת אָבִ֖יךָ לֹ֣א תְגַלֵּ֑ה כִּ֧י אֶת־ שְׁאֵר֛וֹ הֶעֱרָ֖ה עֲוֺנָ֥ם יִשָּֽׂאוּ׃
	(Lev SP 20,19) ערות אחות אביך ואחות אמך לא תגלה כי את שאר הערוה עונם ישאו
20	וְאִ֗ישׁ אֲשֶׁ֤ר יִשְׁכַּב֙ אֶת־ דֹּ֣דָת֔וֹ עֶרְוַ֥ת דֹּד֖וֹ גִּלָּ֑ה חֶטְאָ֥ם יִשָּׂ֖אוּ עֲרִירִ֥ים יָמֻֽתוּ׃
	(1Q3 frg. 3-4,1) [חטאם ]ישאו[ ע]ר[ירים ימתו (Lev SP 20,20) ואיש אשר ישכב את דדתו את ערות דדו גלה חטאם ישאו ערירים יומתו
21	וְאִ֗ישׁ אֲשֶׁ֥ר יִקַּ֛ח אֶת־ אֵ֥שֶׁת אָחִ֖יו נִדָּ֣ה הִ֑וא עֶרְוַ֥ת אָחִ֛יו גִּלָּ֖ה עֲרִירִ֥ים יִהְיֽוּ׃
	(1Q3 frg. 3-4,1) ואיש אשר יקח את] (1Q3 frg. 3-4,2) [אשת א]חיו נדה היא [ע]רות [אחיו גלה ערירים] (1Q3 frg. 3-4,3) [יהיו (Lev SP 20,21) ואיש אשר יקח את אשת אחיו נדה היא ערות אחיו גלה ערירים יהיו *
22	וּשְׁמַרְתֶּ֤ם אֶת־ כָּל־ חֻקֹּתַי֙ וְאֶת־ כָּל־ מִשְׁפָּטַ֔י וַעֲשִׂיתֶ֖ם אֹתָ֑ם וְלֹא־ תָקִ֤יא אֶתְכֶם֙ הָאָ֔רֶץ אֲשֶׁ֨ר אֲנִ֜י מֵבִ֥יא אֶתְכֶ֛ם שָׁ֖מָּה לָשֶׁ֥בֶת בָּֽהּ׃
	(1Q3 frg. 3-4,3) ושמרת]ם את כל חקתי ואת כל מ[שפטי ועשיתם] (1Q3 frg. 3-4,4) [אתם ולא תקי]א אתכם הארץ אשר אני [מביא אתכם] (1Q3 frg. 3-4,5) [שמה לשבת בה (Lev SP 20,22) ושמרתם את כל חקתי ואת כל משפטי ועשיתם אתם ולא תקיא הארץ אתכם אשר אני מביא אתכם שמה לשבת בה
23	וְלֹ֤א תֵֽלְכוּ֙ בְּחֻקֹּ֣ת הַגּ֔וֹי אֲשֶׁר־ אֲנִ֥י מְשַׁלֵּ֖חַ מִפְּנֵיכֶ֑ם כִּ֤י אֶת־ כָּל־ אֵ֙לֶּה֙ עָשׂ֔וּ וָאָקֻ֖ץ בָּֽם׃
	(1Q3 frg. 3-4,5) ולא] ○○○○ תלכו[ ]בחקות הג[וי אשר אני] (1Q3 frg. 3-4,6) [משלח מפניכם כי] את כל אל[ה עשו ואקץ בם (Lev SP 20,23) ולא תלכו בחקות הגוים אשר אני משלח מפניכם כי את כל אלה עשו ואקץ בם
24	וָאֹמַ֣ר לָכֶ֗ם אַתֶּם֮ תִּֽירְשׁ֣וּ אֶת־ אַדְמָתָם֒ וַאֲנִ֞י אֶתְּנֶ֤נָּה לָכֶם֙ לָרֶ֣שֶׁת אֹתָ֔הּ אֶ֛רֶץ זָבַ֥ת חָלָ֖ב וּדְבָ֑שׁ אֲנִי֙ יְהוָ֣ה אֱלֹֽהֵיכֶ֔ם אֲשֶׁר־ הִבְדַּ֥לְתִּי אֶתְכֶ֖ם מִן־ הָֽעַמִּֽים׃
	(1Q3 frg. 3-4,6) ואמר לכם] (1Q3 frg. 3-4,7) [אתם תירשו] את א[דמתם ואני אתננה ל]כם לרש[ת אתה ארץ] (1Q3 frg. 3-4,8) [זבת חלב ודבש אני יהוה אלהיכם אשר הבדל]תי את[כם מן העמים ] (Lev SP 20,24) ואמר לכם אתם תירשו את אדמתם ואני אתננה לכם לרשת אתה ארץ זבת חלב ודבש אני יהוה אלהיכם אשר הבדלתי אתכם מן העמים
25	וְהִבְדַּלְתֶּ֞ם בֵּֽין־ הַבְּהֵמָ֤ה הַטְּהֹרָה֙ לַטְּמֵאָ֔ה וּבֵין־ הָע֥וֹף הַטָּמֵ֖א לַטָּהֹ֑ר וְלֹֽא־ תְשַׁקְּצ֨וּ אֶת־ נַפְשֹֽׁתֵיכֶ֜ם בַּבְּהֵמָ֣ה וּבָע֗וֹף וּבְכֹל֙ אֲשֶׁ֣ר תִּרְמֹ֣שׂ הָֽאֲדָמָ֔ה אֲשֶׁר־ הִבְדַּ֥לְתִּי לָכֶ֖ם לְטַמֵּֽא׃
	(Lev SP 20,25) והבדלתם בין הבהמה הטהרה לטמאה ובין העוף הטמא לטהור ולא תשקצו את נפשתיכם בבהמה ובעוף ובכל אשר תרמש האדמה אשר הבדלתי לכם לטמאה
26	וִהְיִ֤יתֶם לִי֙ קְדֹשִׁ֔ים כִּ֥י קָד֖וֹשׁ אֲנִ֣י יְהוָ֑ה וָאַבְדִּ֥ל אֶתְכֶ֛ם מִן־ הֽ͏ָעַמִּ֖ים לִהְי֥וֹת לִֽי׃
	(Lev SP 20,26) והייתם לי קדישים כי « » אני יהוה ואבדיל אתכם מן העמים להיות לי
27	וְאִ֣ישׁ אֽוֹ־ אִשָּׁ֗ה כִּֽי־ יִהְיֶ֨ה בָהֶ֥ם א֛וֹב א֥וֹ יִדְּעֹנִ֖י מ֣וֹת יוּמָ֑תוּ בָּאֶ֛בֶן יִרְגְּמ֥וּ אֹתָ֖ם דְּמֵיהֶ֥ם בָּֽם׃ פ
	(4Q26a frg. 5,1) ואיש או אשה כי יהיה בהם] (4Q26a frg. 5,2) אוב או ידע֯[ני מות יומתו באבן ירגמ]ו אתם[ ד]מיה֯ם֯[ בם ______ ] (Lev SP 20,27) ואיש או אשה אשר יהיה בהם אוב או ידעוני מות יומתו באבנים תרגמום דמיהם בם *

21
1	וַיֹּ֤אמֶר יְהוָה֙ אֶל־ מֹשֶׁ֔ה אֱמֹ֥ר אֶל־ הַכֹּהֲנִ֖ים בְּנֵ֣י אַהֲרֹ֑ן וְאָמַרְתָּ֣ אֲלֵהֶ֔ם לְנֶ֥פֶשׁ לֹֽא־ יִטַּמָּ֖א בְּעַמָּֽיו׃
	(4Q26a frg. 5,3) ויאמר יהוה [אל משה אמר אל הכהנים ]ב֯ני אה[רן ואמרת אלהם לנפש לא] (4Q26a frg. 5,4) יטמא בעמו (Lev SP 21,1) ויאמר יהוה אל משה אמר אל הכהנים בני אהרן ואמרת אליהם לנפש לא יטמא בעמו
2	כִּ֚י אִם־ לִשְׁאֵר֔וֹ הַקָּרֹ֖ב אֵלָ֑יו לְאִמּ֣וֹ וּלְאָבִ֔יו וְלִבְנ֥וֹ וּלְבִתּ֖וֹ וּלְאָחִֽיו׃
	(4Q26a frg. 5,4) [כי אם לשארו הקרב אליו ]לא֯[מו ולאביו ולבנו ולבתו] (4Q26a frg. 5,5) ולאחי[ו (Lev SP 21,2) כי אם לשארו הקרוב אליו לאביו ולאמו לבנו ולבתו לאחיו
3	וְלַאֲחֹת֤וֹ הַבְּתוּלָה֙ הַקְּרוֹבָ֣ה אֵלָ֔יו אֲשֶׁ֥ר לֹֽא־ הָיְתָ֖ה לְאִ֑ישׁ לָ֖הּ יִטַּמָּֽא׃
	(4Q26a frg. 5,5) ו]ל[אחתו הבתולה הקרובה אליו אשר לא היתה לאיש לה יטמא ] (Lev SP 21,3) ולאחותו הבתולה הקרובה אליו אשר לא היתה לאיש לה יטמא
4	לֹ֥א יִטַּמָּ֖א בַּ֣עַל בְּעַמָּ֑יו לְהֵ֖חַלּֽוֹ׃
	(4Q26a frg. 5,6) [ו]ל[א יטמא בעל בעמיו להחלו ] (Lev SP 21,4) לא יטמא בעל בעמו להחלו
5	לֹֽא־ יקרחה (יִקְרְח֤וּ) קָרְחָה֙ בְּרֹאשָׁ֔ם וּפְאַ֥ת זְקָנָ֖ם לֹ֣א יְגַלֵּ֑חוּ וּבִ֨בְשָׂרָ֔ם לֹ֥א יִשְׂרְט֖וּ שָׂרָֽטֶת׃
	(Lev SP 21,5) לא יקרחו קרחה בראשם ופאת זקנם לא יגלחו ובבשרם לא ישרטו שרטה
6	קְדֹשִׁ֤ים יִהְיוּ֙ לֵאלֹ֣הֵיהֶ֔ם וְלֹ֣א יְחַלְּל֔וּ שֵׁ֖ם אֱלֹהֵיהֶ֑ם כִּי֩ אֶת־ אִשֵּׁ֨י יְהוָ֜ה לֶ֧חֶם אֱלֹהֵיהֶ֛ם הֵ֥ם מַקְרִיבִ֖ם וְהָ֥יוּ קֹֽדֶשׁ׃
	(11Q1 frg. K-L i,1) [קדשימ יהיו לאל]היהמ ול[א יחללו שמ אלהיהמ כי את אשי יהוה לחמ] (11Q1 frg. K-L i,2) [א]להיהמ המ מקריבימ והי[ו קדש]י[מ (Lev SP 21,6) קדישים יהיו לאלהיהם ולא יחללו את שם אלהיהם כי את אשי יהוה לחם אלהיהם הם מקרבים והיו קדישים
7	אִשָּׁ֨ה זֹנָ֤ה וַחֲלָלָה֙ לֹ֣א יִקָּ֔חוּ וְאִשָּׁ֛ה גְּרוּשָׁ֥ה מֵאִישָׁ֖הּ לֹ֣א יִקָּ֑חוּ כִּֽי־ קָדֹ֥שׁ ה֖וּא לֵאלֹהָֽיו׃
	(11Q1 frg. K-L i,2) אש]ה זנה וחללה[ לא ] (11Q1 frg. K-L i,3) קחו ואשה גרושה מאישה לא יקחו כי קדוש[ הוא לא]להיו ו (Lev SP 21,7) אשה זונה וחללה לא יקחו ואשה גרושה מאישה לא יקחו כי קדוש הוא לאלהיו
8	וְקִדַּשְׁתּ֔וֹ כִּֽי־ אֶת־ לֶ֥חֶם אֱלֹהֶ֖יךָ ה֣וּא מַקְרִ֑יב קָדֹשׁ֙ יִֽהְיֶה־ לָּ֔ךְ כִּ֣י קָד֔וֹשׁ אֲנִ֥י יְהוָ֖ה מְקַדִּשְׁכֶֽם׃
	(11Q1 frg. K-L i,4) דשתוכי לחמ אלהיכ הוא מקריב קדש יהיה ל[כ ]כי קדש א[ני] (Lev SP 21,8) וקדשתו כי את לחם אלהיך הוא מקריב קדוש יהיה לך כי קדוש אני יהוה מקדשם
9	וּבַת֙ אִ֣ישׁ כֹּהֵ֔ן כִּ֥י תֵחֵ֖ל לִזְנ֑וֹת אֶת־ אָבִ֙יהָ֙ הִ֣יא מְחַלֶּ֔לֶת בָּאֵ֖שׁ תִּשָּׂרֵֽף׃ ס
	(4Q26a frg. 6,1) ובת איש כהן] (4Q26a frg. 6,2) [כי תחל ]לזנות את בית[ אביה היא מחללת באש תשרף (11Q1 frg. K-L i,5) ובת איש כהנ כי תחל לזנות א[ת ]אביה היא (11Q1 frg. K-L i,6) ללת באש תשרפ (Lev SP 21,9) ובת איש כהן כי תחל לזנות את אביה היא מחללת באש תשרף *
10	וְהַכֹּהֵן֩ הַגָּד֨וֹל מֵאֶחָ֜יו אֲ‍ֽשֶׁר־ יוּצַ֥ק עַל־ רֹאשׁ֣וֹ ׀ שֶׁ֤מֶן הַמִּשְׁחָה֙ וּמִלֵּ֣א אֶת־ יָד֔וֹ לִלְבֹּ֖שׁ אֶת־ הַבְּגָדִ֑ים אֶת־ רֹאשׁוֹ֙ לֹ֣א יִפְרָ֔ע וּבְגָדָ֖יו לֹ֥א יִפְרֹֽם׃
	(4Q375 frg. 1 i,9) [ה]כ֯ו֯הן המשיח אשר יוצק ע֯ל ר[ו]אשו שמן המשיחה … (11QTa 15,15) מלא (11QTa 15,16) י[דו] לל[בו]ש את הבגדים … (11Q20 1,22) ומלא י]ד֯ו ללבוש את הבגדים֯[ … (4Q26a frg. 6,2) והכהן הגדול] (4Q26a frg. 6,3) [מאחיו א]ש֯ר יו֯צק על ר[אשו שמן המשחה ומלא את ידו ללבש את הבגדים] (4Q26a frg. 6,4) [את ראשו ]לא יפרע ו֯[בגדיו לא יפרם (11Q1 frg. K-L i,7) [והכ]הנ הגדול מאחו אשר יו[צק על ר]א[שו שמנ המשחה] (11Q1 frg. K-L i,8) [ומלא את י]דו ללבש את הבגדימ את ר[אשו לא יפרע ובגדיו לא] (11Q1 frg. K-L i,9) [יפרמ (Lev SP 21,10) והכהן הגדול מאחיו אשר יוצק על ראשו שמן המשחה ומלא « » ידו ללבש את הבגדים את ראשו לא יפרע ובגדיו לא יפרם
11	וְעַ֛ל כָּל־ נַפְשֹׁ֥ת מֵ֖ת לֹ֣א יָבֹ֑א לְאָבִ֥יו וּלְאִמּ֖וֹ לֹ֥א יִטַּמָּֽא׃
	(11QTa 16,4) ועל כול נפשות מת לוא יבוא] (11QTa 16,5) [לאביו ולאמו לוא ]יטמא … (4Q26a frg. 6,4) ועל כל נפשת מת לא יבא] (4Q26a frg. 6,5) [לאביו ולאמו לא י]טמא (11Q1 frg. K-L i,9) ועל כל] נפשות מת לא יבוא לאבי[ו ולאמו לא יטמא (Lev SP 21,11) ועל כל נפשות מת לא יבוא לאביו ולאמו לא יטמא
12	וּמִן־ הַמִּקְדָּשׁ֙ לֹ֣א יֵצֵ֔א וְלֹ֣א יְחַלֵּ֔ל אֵ֖ת מִקְדַּ֣שׁ אֱלֹהָ֑יו כִּ֡י נֵ֠זֶר שֶׁ֣מֶן מִשְׁחַ֧ת אֱלֹהָ֛יו עָלָ֖יו אֲנִ֥י יְהוָֽה׃
	(4Q26a frg. 6,5) ו[מן המקדש לא יצא ולא יחלל את מקדש] (11Q1 frg. K-L i,9) ומנ המ]קד[ש] (Lev SP 21,12) ומן המקדש לא יצא ולא יחלל את מקדש אלהיו כי נזר שמן משחת אלהיו עליו אני יהוה
13	וְה֕וּא אִשָּׁ֥ה בִבְתוּלֶ֖יהָ יִקָּֽח׃
	(Lev SP 21,13) והוא אשה בבתוליה יקח
14	אַלְמָנָ֤ה וּגְרוּשָׁה֙ וַחֲלָלָ֣ה זֹנָ֔ה אֶת־ אֵ֖לֶּה לֹ֣א יִקָּ֑ח כִּ֛י אִם־ בְּתוּלָ֥ה מֵעַמָּ֖יו יִקַּ֥ח אִשָּֽׁה׃
	(Lev SP 21,14) אלמנה וגרושה וחללה וזונה את אלה לא יקח כי אם בתולה מעמו יקח אשה
15	וְלֹֽא־ יְחַלֵּ֥ל זַרְע֖וֹ בְּעַמָּ֑יו כִּ֛י אֲנִ֥י יְהוָ֖ה מְקַדְּשֽׁוֹ׃ פ
	(Lev SP 21,15) ולא יחלל זרעו בעמו כי אני יהוה מקדשו *
16	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(Lev SP 21,16) וידבר יהוה אל משה לאמר
17	דַּבֵּ֥ר אֶֽל־ אַהֲרֹ֖ן לֵאמֹ֑ר אִ֣ישׁ מִֽזַּרְעֲךָ֞ לְדֹרֹתָ֗ם אֲשֶׁ֨ר יִהְיֶ֥ה בוֹ֙ מ֔וּם לֹ֣א יִקְרַ֔ב לְהַקְרִ֖יב לֶ֥חֶם אֱלֹהָֽיו׃
	(4Q24 frg. 9 i+10-17,1) דבר אל אהרן לאמר איש מזרעך לדרתם אשר ]יהיה (4Q24 frg. 9 i+10-17,2) [בו מום לא יקרב להקריב לחם אלהיו (Lev SP 21,17) דבר אל אהרן לאמר איש מזרעך לדרותם אשר יהיה בו מום לא יקרב להגיש לחם אלהיו
18	כִּ֥י כָל־ אִ֛ישׁ אֲשֶׁר־ בּ֥וֹ מ֖וּם לֹ֣א יִקְרָ֑ב אִ֤ישׁ עִוֵּר֙ א֣וֹ פִסֵּ֔חַ א֥וֹ חָרֻ֖ם א֥וֹ שָׂרֽוּעַ׃
	(4Q24 frg. 9 i+10-17,2) כי כל איש אשר בו מום לא יקרב ]איש (4Q24 frg. 9 i+10-17,3) [עור או פסח או חרם או שרוע (Lev SP 21,18) כי כל איש אשר יהיה בו מום לא יקרב איש עור או פסח או ערום או שרוע
19	א֣וֹ אִ֔ישׁ אֲשֶׁר־ יִהְיֶ֥ה ב֖וֹ שֶׁ֣בֶר רָ֑גֶל א֖וֹ שֶׁ֥בֶר יָֽד׃
	(4Q24 frg. 9 i+10-17,3) או איש אשר יהיה בו שבר רגל או שבר יד (Lev SP 21,19) או איש אשר יהיה בו שבר רגל או שבר יד
20	אֽוֹ־ גִבֵּ֣ן אוֹ־ דַ֔ק א֖וֹ תְּבַלֻּ֣ל בְּעֵינ֑וֹ א֤וֹ גָרָב֙ א֣וֹ יַלֶּ֔פֶת א֖וֹ מְר֥וֹחַ אָֽשֶׁךְ׃
	(4Q24 frg. 9 i+10-17,3) ]או (4Q24 frg. 9 i+10-17,4) [גבן או דק או תבלל בעינו או גרב או ילפת או מרוח אשך (Lev SP 21,20) או גבן או דק או תבלל בעיניו או גרב או ילפת או מרוח אשך
21	כָּל־ אִ֞ישׁ אֲשֶׁר־ בּ֣וֹ מ֗וּם מִזֶּ֙רַע֙ אַהֲרֹ֣ן הַכֹּהֵ֔ן לֹ֣א יִגַּ֔שׁ לְהַקְרִ֖יב אֶת־ אִשֵּׁ֣י יְהוָ֑ה מ֣וּם בּ֔וֹ אֵ֚ת לֶ֣חֶם אֱלֹהָ֔יו לֹ֥א יִגַּ֖שׁ לְהַקְרִֽיב׃
	(4Q24 frg. 9 i+10-17,4) כל איש אשר בו] (4Q24 frg. 9 i+10-17,5) [מום מזרע אהרן הכהן לא יגש להקריב את אשי יהוה מום בו את לחם אלהיו] (4Q24 frg. 9 i+10-17,6) [לא יגש להקריב (4Q26a frg. 7,1) [יגש להקריב את אשי יהוה מ]ו֯ם ב[ו את לחם אלהיו לא יגש להקריב ] (Lev SP 21,21) כל איש אשר בו מום מזרע אהרן הכהן לא יגיש « » את אשי יהוה מום בו « » לא יגש להקריב
22	לֶ֣חֶם אֱלֹהָ֔יו מִקָּדְשֵׁ֖י הַקֳּדָשִׁ֑ים וּמִן־ הַקֳּדָשִׁ֖ים יֹאכֵֽל׃
	(4Q24 frg. 9 i+10-17,6) לחם אלהיו מקדשי הקדשים ומן הקדשים יאכל (4Q26a frg. 7,2) [לחם אלהיו מקדשי הקדשי]ם֯ ומן ה[קדשים יאכל
23	אַ֣ךְ אֶל־ הַפָּרֹ֜כֶת לֹ֣א יָבֹ֗א וְאֶל־ הַמִּזְבֵּ֛חַ לֹ֥א יִגַּ֖שׁ כִּֽי־ מ֣וּם בּ֑וֹ וְלֹ֤א יְחַלֵּל֙ אֶת־ מִקְדָּשַׁ֔י כִּ֛י אֲנִ֥י יְהוָ֖ה מְקַדְּשָֽׁם׃
	(4Q24 frg. 9 i+10-17,6) אך אל] (4Q24 frg. 9 i+10-17,7) [הפרכת לא יבא ואל המזבח לא יגש כי מום בו ולא יחלל את מקדשי כי אני] (4Q24 frg. 9 i+10-17,8) [יהוה מקדשם (4Q26a frg. 7,2) אך אל הפרכת לא יבא] (4Q26a frg. 7,3) [ואל המזבח לא יגש כי מ]ום בו [ולא יחלל את מקדשי כי אני יהוה] (4Q26a frg. 7,4) [מקדשם (Lev SP 21,23) אך אל הפרכת לא יבוא ואל המזבח לא יגש כי מום בו ולא יחלל את מקדשי כי אני יהוה מקדשם
24	וַיְדַבֵּ֣ר מֹשֶׁ֔ה אֶֽל־ אַהֲרֹ֖ן וְאֶל־ בָּנָ֑יו וְאֶֽל־ כָּל־ בְּנֵ֖י יִשְׂרָאֵֽל׃ פ
	(1Q3 frg. 5-6,1) [וידבר משה אל אהרן ואל בניו ]וא[ל כל בנ]י֯ ישראל (4Q24 frg. 9 i+10-17,8) וידבר משה אל אהרן ואל בניו ו]אל [כל בני ישראל ] (4Q26a frg. 7,4) וידבר משה] (4Q26a frg. 7,5) [אל אהרן ואל בניו ואל כ]ל יש[ראל ] (Lev SP 21,24) וידבר משה אל אהרן ואל בניו ואל כל בני ישראל *

22
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(1Q3 frg. 5-6,2) [וידבר יהוה אל משה לאמר (4Q24 frg. 9 i+10-17,9) [וידבר יהוה אל משה לאמר (Lev SP 22,1) וידבר יהוה אל משה לאמר
2	דַּבֵּ֨ר אֶֽל־ אַהֲרֹ֜ן וְאֶל־ בָּנָ֗יו וְיִנָּֽזְרוּ֙ מִקָּדְשֵׁ֣י בְנֵֽי־ יִשְׂרָאֵ֔ל וְלֹ֥א יְחַלְּל֖וּ אֶת־ שֵׁ֣ם קָדְשִׁ֑י אֲשֶׁ֨ר הֵ֧ם מַקְדִּשִׁ֛ים לִ֖י אֲנִ֥י יְהוָֽה׃
	(1Q3 frg. 5-6,2) דבר אל אהרן וא]ל֯ בניו [וינזרו] (1Q3 frg. 5-6,3) [מקדשי בני ישראל ולא יחללו ]את ש[ם קדשי] אשר [הם מקדשים] (1Q3 frg. 5-6,4) [לי אני יהוה … (4Q24 frg. 9 i+10-17,9) דבר אל אהרן] ואל בניו[ וינזרו מקדשי בני ישראל] (4Q24 frg. 9 i+10-17,10) [ולא יחללו את שם קדשי אשר הם מקדשים ]לי אני יה֯[ו]ה֯[ (Lev SP 22,2) דבר אל אהרן ואל בניו וינזרו מקדשי בני ישראל ולא יחללו את שם קדשי אשר הם מקדשים לי אני יהוה
3	אֱמֹ֣ר אֲלֵהֶ֗ם לְדֹרֹ֨תֵיכֶ֜ם כָּל־ אִ֣ישׁ ׀ אֲשֶׁר־ יִקְרַ֣ב מִכָּל־ זַרְעֲכֶ֗ם אֶל־ הַקֳּדָשִׁים֙ אֲשֶׁ֨ר יַקְדִּ֤ישׁוּ בְנֵֽי־ יִשְׂרָאֵל֙ לַֽיהוָ֔ה וְטֻמְאָת֖וֹ עָלָ֑יו וְנִכְרְתָ֞ה הַנֶּ֧פֶשׁ הַהִ֛וא מִלְּפָנַ֖י אֲנִ֥י יְהוָֽה׃
	(1Q3 frg. 5-6,5) [מכל זרעכם אל הקדשים אש]ר֯ יקדיש֯[ו ]בני י[שראל ליהוה] (1Q3 frg. 5-6,6) [וטמאתו עליו ונכרתה הנפש ההוא מ]לפני אנ[י יהוה (4Q24 frg. 9 i+10-17,10) ]א֯מ֯[ר אליהם לדרתיכם] (4Q24 frg. 9 i+10-17,11) [כל איש אשר יקרב מכל זרעכם אל הקדשים] אשר יקדישו בני י֯[שראל ליהוה וטמאתו] (4Q24 frg. 9 i+10-17,12) [עליו ונכרתה הנפש ההיא מלפני אני יהוה (Lev SP 22,3) אמר אליהם לדרתיכם כל איש אשר יקרב מכל זרעכם אל הקדשים אשר יקדישו בני ישראל ליהוה וטמאתו עליו ונכרתה הנפש ההיא מלפני אני יהוה
4	אִ֣ישׁ אִ֞ישׁ מִזֶּ֣רַע אַהֲרֹ֗ן וְה֤וּא צָר֙וּעַ֙ א֣וֹ זָ֔ב בַּקֳּדָשִׁים֙ לֹ֣א יֹאכַ֔ל עַ֖ד אֲשֶׁ֣ר יִטְהָ֑ר וְהַנֹּגֵ֙עַ֙ בְּכָל־ טְמֵא־ נֶ֔פֶשׁ א֣וֹ אִ֔ישׁ אֲשֶׁר־ תֵּצֵ֥א מִמֶּ֖נּוּ שִׁכְבַת־ זָֽרַע׃
	(1Q3 frg. 5-6,6) איש איש] (1Q3 frg. 5-6,7) [מזרע אהרן והוא צרוע או ]ז֯ב בקדש֯[ים לא יאכל עד אשר יטהר] (1Q3 frg. 5-6,8) [והנגע בכל ט]מ֯א נפש֯[ או א]י֯ש אשר[ תצא ממנו שכבת זרע (4Q24 frg. 9 i+10-17,12) איש איש מזר]ע֯[ אהרן והוא צרוע או זב] (4Q24 frg. 9 i+10-17,13) [בקדשים לא יאכל עד אשר יטהר והנגע בכל טמא נפש או איש אשר] ת֯[צא ממנו שכבת] (4Q24 frg. 9 i+10-17,14) [זרע (4Q26a frg. 8,1) איש איש מזרע אה]רן (4Q26a frg. 8,2) [והוא צרוע או זב בקדשים לא יאכל עד אשר יטהר והנגע בכל טמא נפש או] איש (4Q26a frg. 8,3) [אשר תצא ממנו שכבת זרע (Lev SP 22,4) איש איש מזרע אהרן והוא צרוע או זב בקדשים לא יאכל עד אשר יטהר והנגע בכל טמא נפש או איש אשר תצא ממנו שכבת זרע
5	אוֹ־ אִישׁ֙ אֲשֶׁ֣ר יִגַּ֔ע בְּכָל־ שֶׁ֖רֶץ אֲשֶׁ֣ר יִטְמָא־ ל֑וֹ א֤וֹ בְאָדָם֙ אֲשֶׁ֣ר יִטְמָא־ ל֔וֹ לְכֹ֖ל טֻמְאָתֽוֹ׃
	(1Q3 frg. 5-6,8) או] (1Q3 frg. 5-6,9) [איש אשר יגע ]בכל [שרץ ]אשר יט[מא לו או באדם אשר] (1Q3 frg. 5-6,10) [יטמא לו לכל ]טמאת[ו (4Q24 frg. 9 i+10-17,14) או איש אשר יגע בכל שרץ אשר יטמא לו או באדם א]ש֯ר֯[ ]י֯טמא [לו לכל טמאתו ] (4Q26a frg. 8,3) או איש אשר יגע בכל ש]ר֯ץ טמא (4Q26a frg. 8,4) [אשר יטמא לו או באדם אשר יטמא לו לכל טמאתו (Lev SP 22,5) או איש אשר יגע בכל שרץ טמא אשר יטמא לו או באדם אשר יטמא לו לכל טמאתו
6	נֶ֚פֶשׁ אֲשֶׁ֣ר תִּגַּע־ בּ֔וֹ וְטָמְאָ֖ה עַד־ הָעָ֑רֶב וְלֹ֤א יֹאכַל֙ מִן־ הַקֳּדָשִׁ֔ים כִּ֛י אִם־ רָחַ֥ץ בְּשָׂר֖וֹ בַּמָּֽיִם׃
	(1Q3 frg. 5-6,10) ]ונפ[ש אשר תגע בו וטמאה עד הערב] (4Q24 frg. 9 i+10-17,15) [נפש אשר תגע בו וטמאה עד הערב ולא יאכל מן הקדשים כי] אם [ר]ח֯ץ בשר֯ו֯ במ[ים ] (4Q26a frg. 8,4) נפש אשר ת]ג֯ע (Lev SP 22,6) נפש אשר תגע בו וטמא עד הערב ולא יאכל מן הקדשים כי אם רחץ בשרו במים
7	וּבָ֥א הַשֶּׁ֖מֶשׁ וְטָהֵ֑ר וְאַחַר֙ יֹאכַ֣ל מִן־ הַקֳּדָשִׁ֔ים כִּ֥י לַחְמ֖וֹ הֽוּא׃
	(4Q24 frg. 9 i+10-17,16) [ובא השמש וטהר ואחר יאכל מן הקדשים כי לחמו הוא (Lev SP 22,7) ובא השמש וטהר ואחר יאכל מן הקדשים כי לחמו הוא
8	נְבֵלָ֧ה וּטְרֵפָ֛ה לֹ֥א יֹאכַ֖ל לְטָמְאָה־ בָ֑הּ אֲנִ֖י יְהוָֽה׃
	(4Q24 frg. 9 i+10-17,16) נ]ב֯לה֯ וט֯רפ֯ה֯ לא י֯א֯כל֯[ ] (4Q24 frg. 9 i+10-17,17) [לטמאה בה] אני֯ יה֯[וה (Lev SP 22,8) נבלה וטרפה לא יאכלו לטמאה בה אני יהוה
9	וְשָׁמְר֣וּ אֶת־ מִשְׁמַרְתִּ֗י וְלֹֽא־ יִשְׂא֤וּ עָלָיו֙ חֵ֔טְא וּמֵ֥תוּ ב֖וֹ כִּ֣י יְחַלְּלֻ֑הוּ אֲנִ֥י יְהוָ֖ה מְקַדְּשָֽׁם׃
	(4Q24 frg. 9 i+10-17,17) ושמרו את משמר]ת֯י֯ ו֯[לא ישאו עליו ]חט֯א ו֯מת֯[ו] בו כ֯י֯ יח֯[ל]לה֯ו֯ (4Q24 frg. 9 i+10-17,18) אני יה֯וה מקדשם (Lev SP 22,9) ושמרו את משמרתי ולא ישאו עליו חטא ומתו בו כי יחללהו אני יהוה מקדשם
10	וְכָל־ זָ֖ר לֹא־ יֹ֣אכַל קֹ֑דֶשׁ תּוֹשַׁ֥ב כֹּהֵ֛ן וְשָׂכִ֖יר לֹא־ יֹ֥אכַל קֹֽדֶשׁ׃
	(4Q24 frg. 9 i+10-17,18) וכל זר [לא יאכל ]ק֯ד֯ש֯ תושב כה֯[ן ושכיר לא יאכל קדש (Lev SP 22,10) וכל זר לא יאכל קדש תושב כהן ושכיר לא יאכל קדש *
11	וְכֹהֵ֗ן כִּֽי־ יִקְנֶ֥ה נֶ֙פֶשׁ֙ קִנְיַ֣ן כַּסְפּ֔וֹ ה֖וּא יֹ֣אכַל בּ֑וֹ וִילִ֣יד בֵּית֔וֹ הֵ֖ם יֹאכְל֥וּ בְלַחְמֽוֹ׃
	(4Q24 frg. 9 i+10-17,18) ]ו֯כ֯ה֯ן֯ כ֯י֯ יקנה֯ (4Q24 frg. 9 i+10-17,19) נפש קנין כספו ה[ו]א֯[ ]יאכל ב֯ו֯[ וי]לידי○ ביתו הם יאכל֯ו֯ בל֯ח֯מ֯ו֯[ (4Q26a frg. 9,1) [ויליד ביתו הם יאכלו] בל֯חמו (Lev SP 22,11) וכהן כי יקנה נפש קנין כספו הוא יאכל בו וילידי ביתו הם יאכלו בלחמו
12	וּבַת־ כֹּהֵ֔ן כִּ֥י תִהְיֶ֖ה לְאִ֣ישׁ זָ֑ר הִ֕וא בִּתְרוּמַ֥ת הַקֳּדָשִׁ֖ים לֹ֥א תֹאכֵֽל׃
	(4Q24 frg. 9 i+10-17,19) ובת כהן כי תהיה ]לא֯יש (4Q24 frg. 9 i+10-17,20) ז֯ר֯ היא בתרומת הקדשים ל֯[א ]תאכל (4Q26a frg. 9,1) ו֯[בת כהן כי תהיה לאיש זר הוא] (4Q26a frg. 9,2) [בתרומת הקדשי]ם֯ לא ת[אכ]ל (Lev SP 22,12) ובת כהן כי תהיה לאיש זר היא בתרומת הקדשים לא תאכל
13	וּבַת־ כֹּהֵן֩ כִּ֨י תִהְיֶ֜ה אַלְמָנָ֣ה וּגְרוּשָׁ֗ה וְזֶרַע֮ אֵ֣ין לָהּ֒ וְשָׁבָ֞ה אֶל־ בֵּ֤ית אָבִ֙יהָ֙ כִּנְעוּרֶ֔יהָ מִלֶּ֥חֶם אָבִ֖יהָ תֹּאכֵ֑ל וְכָל־ זָ֖ר לֹא־ יֹ֥אכַל בּֽוֹ׃ ס
	(4Q24 frg. 9 i+10-17,20) [ו]בת כהן כי תהיה אלמנ֯[ה וגרושה וזרע אין] (4Q24 frg. 9 i+10-17,21) לה ו֯ש֯[ב]ה֯ אל בית אביה כנ֯ע֯[רי]ה מלחם אביה תאכל וכל ז֯ר֯ לא י֯[אכל בו (4Q26a frg. 9,2) ובת כהן כי֯[ תהיה אלמנה וגרושה וזרע] (4Q26a frg. 9,3) [אין לה ושבה אל בי]ת֯ אביה כנעור[יה מלחם אביה תאכל וכל זר] (4Q26a frg. 9,4) [לא יאכל בו (Lev SP 22,13) ובת כהן כי תהיה אלמנה וגרושה וזרע אין לה ושבה אל בית אביה כנעריה מלחם אביה תאכל וכל זר לא יאכל בו
14	וְאִ֕ישׁ כִּֽי־ יֹאכַ֥ל קֹ֖דֶשׁ בִּשְׁגָגָ֑ה וְיָסַ֤ף חֲמִֽשִׁיתוֹ֙ עָלָ֔יו וְנָתַ֥ן לַכֹּהֵ֖ן אֶת־ הַקֹּֽדֶשׁ׃
	(4Q24 frg. 9 i+10-17,21) ואיש כי יאכל] (4Q24 frg. 9 i+10-17,22) ק֯דש בשגג֯ה ויסף חמש[יתו] ע֯ליו ונתן לכהן את הקדש (4Q26a frg. 9,4) ואיש כי ]יאכל קדש בשג[גה ויסף חמשיתו עליו ונתן] (4Q26a frg. 9,5) [לכהן את הקדש (Lev SP 22,14) ואיש כי יאכל קדש בשגגה ויסף חמישתו עליו ונתן לכהן את הקדש
15	וְלֹ֣א יְחַלְּל֔וּ אֶת־ קָדְשֵׁ֖י בְּנֵ֣י יִשְׂרָאֵ֑ל אֵ֥ת אֲשֶׁר־ יָרִ֖ימוּ לַיהוָֽה׃
	(4Q24 frg. 9 i+10-17,22) ו֯לא[ י]ח֯ל֯[לו את קדשי בני] (4Q24 frg. 9 i+10-17,23) ישראל א֯ת֯[ א]ש֯ר ירימו ל֯[יהוה (4Q26a frg. 9,5) ו]לא יחללו את ק֯ד֯[שי בני ישראל את אשר ירימו] (4Q26a frg. 9,6) [ליהוה (Lev SP 22,15) ולא יחללו את קדשי בני ישראל « » אשר ירימו ליהוה
16	וְהִשִּׂ֤יאוּ אוֹתָם֙ עֲוֺ֣ן אַשְׁמָ֔ה בְּאָכְלָ֖ם אֶת־ קָדְשֵׁיהֶ֑ם כִּ֛י אֲנִ֥י יְהוָ֖ה מְקַדְּשָֽׁם׃ פ
	(4Q24 frg. 9 i+10-17,23) ]ו֯ה֯ש֯י֯א֯ו֯ או֯ת֯[ם עון אש]מה באכלם א֯ת֯ קדשיהם [כי אני] (4Q24 frg. 9 i+10-17,24) יהוה מקדשם (4Q26a frg. 9,6) והשיאו אות]ם֯ עון אשמה֯[ באכלם את קדשיהם כי אני יהוה] (4Q26a frg. 9,7) [מקדשם ] (Lev SP 22,16) והשיאו אתם עון אשמה באכלם את קדשיהם כי אני יהוה מקדשם *
17	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(4Q24 frg. 9 i+10-17,25) וידבר יהוה אל משה לאמר (4Q26a frg. 9,8) [וידבר יהוה אל משה ]לאמר (Lev SP 22,17) וידבר יהוה אל משה לאמר
18	דַּבֵּ֨ר אֶֽל־ אַהֲרֹ֜ן וְאֶל־ בָּנָ֗יו וְאֶל֙ כָּל־ בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם אִ֣ישׁ אִישׁ֩ מִבֵּ֨ית יִשְׂרָאֵ֜ל וּמִן־ הַגֵּ֣ר בְּיִשְׂרָאֵ֗ל אֲשֶׁ֨ר יַקְרִ֤יב קָרְבָּנוֹ֙ לְכָל־ נִדְרֵיהֶם֙ וּלְכָל־ נִדְבוֹתָ֔ם אֲשֶׁר־ יַקְרִ֥יבוּ לַיהוָ֖ה לְעֹלָֽה׃
	(4Q24 frg. 9 i+10-17,25) דב֯ר֯[ אל] א֯ה֯ר֯ן֯ ואל ב֯ניו ואל כל[ ב]ני[ י]ש֯[רא]ל[ ו]א֯מ֯[רת אליהם] (4Q24 frg. 9 i+10-17,26) איש איש מב֯ית ישראל ו֯מ֯[ן] הגר ה֯גר ב֯[י]שראל א֯שר יקריב [קרבנו לכל נדריהם] (4Q24 frg. 9 i+10-17,27) או לכל נ֯דבותם אשר יקריבו ליהוה לעלה (4Q26a frg. 9,8) ד[בר אל אהרן ואל בניו ואל כל בני] (Lev SP 22,18) דבר אל אהרן ואל בניו ואל כל בני ישראל ואמרת אליהם איש איש מבית ישראל ומן הגר הגר בישראל אשר יקריב קרבנו לכל נדריהם ולכל נדבתם אשר יקריבו ליהוה לעלה
19	לִֽרְצֹנְכֶ֑ם תָּמִ֣ים זָכָ֔ר בַּבָּקָ֕ר בַּכְּשָׂבִ֖ים וּבָֽעִזִּֽים׃
	(4Q24 frg. 9 i+10-17,27) לר֯צ֯[נ]כ[ם ]ת֯[מי]ם֯ ז֯כר֯ בבקר [ב]כ֯שבים ובעזים (Lev SP 22,19) לרצונכם תמים זכר בבקר ובכשבים ובעזים
20	כֹּ֛ל אֲשֶׁר־ בּ֥וֹ מ֖וּם לֹ֣א תַקְרִ֑יבוּ כִּי־ לֹ֥א לְרָצ֖וֹן יִהְיֶ֥ה לָכֶֽם׃
	(4Q24 frg. 9 i+10-17,28) כל אשר בו מום לא תקריבו כי לא לרצו֯ן֯ יהיה לכה (Lev SP 22,20) כל אשר בו מום לא תקריבו כי לא לרצון יהיה לכם
21	וְאִ֗ישׁ כִּֽי־ יַקְרִ֤יב זֶֽבַח־ שְׁלָמִים֙ לַיהוָ֔ה לְפַלֵּא־ נֶ֙דֶר֙ א֣וֹ לִנְדָבָ֔ה בַּבָּקָ֖ר א֣וֹ בַצֹּ֑אן תָּמִ֤ים יִֽהְיֶה֙ לְרָצ֔וֹן כָּל־ מ֖וּם לֹ֥א יִהְיֶה־ בּֽוֹ׃
	(4Q24 frg. 9 i+10-17,29) ואיש כי יקריב זבח שלמים לי֯[הו]ה לפלא נדר או בנדבה בבק֯ר א֯ו֯[ בצא]ן֯ תמים י֯ה֯יה (4Q24 frg. 9 i+10-17,30) ל[ר]צ֯[ון ]כ֯[ל ]מום לא יהיה בו (11Q1 1+L ii,1) ואיש כי יקריב זבח של]מ[י]מ[ ל]יהוה[ ] (11Q1 1+L ii,2) [לפלא נדר או ]לנדבה או בבקר[ או בצאנ תמימ יהיה ל]רצונ כל מומ לא (11Q1 1+L ii,3) [היה] בו (Lev SP 22,21) ואיש כי יקריב זבח שלמים ליהוה לפלא נדר או נדבה בבקר או בצאן תמים יהיה לרצון וכל מום לא יהיה בו
22	עַוֶּרֶת֩ א֨וֹ שָׁב֜וּר אוֹ־ חָר֣וּץ אֽוֹ־ יַבֶּ֗לֶת א֤וֹ גָרָב֙ א֣וֹ יַלֶּ֔פֶת לֹא־ תַקְרִ֥יבוּ אֵ֖לֶּה לַיהוָ֑ה וְאִשֶּׁ֗ה לֹא־ תִתְּנ֥וּ מֵהֶ֛ם עַל־ הַמִּזְבֵּ֖חַ לַיהוָֽה׃
	(4Q24 frg. 9 i+10-17,30) עורת או שבר או חרוץ או י֯ב֯לת֯ א֯[ו גרב או י]ל֯פ֯ת או מרוח (4Q24 frg. 9 i+10-17,31) [אש]ך֯ לא תקריבו אשה ליהוה ו֯אשה לא תתנ֯ו מהם[ על ]המ֯[זבח ליהוה (11Q1 1+L ii,3) עורת או שבר או חרוצ או ילפת או גרב או יבלת לא תקרבו (11Q1 1+L ii,4) אלה ליהוה ואשה לא תתנו מהמ על המזבח ליהוה (Lev SP 22,22) עורת או שבור או חרוץ או יבלת או גרב או ילפת לא תקריבו אלה ליהוה ואשה לא תתנו מהם על המזבח ליהוה
23	וְשׁ֥וֹר וָשֶׂ֖ה שָׂר֣וּעַ וְקָל֑וּט נְדָבָה֙ תַּעֲשֶׂ֣ה אֹת֔וֹ וּלְנֵ֖דֶר לֹ֥א יֵרָצֶֽה׃
	(4Q24 frg. 9 i+10-17,31) ושור ]ושה שר֯[ו]א (4Q24 frg. 9 i+10-17,32) [ש]ר֯וע ו֯ק֯[לו]ט֯ נדבה תעשו א֯תו ולנדר לא ירצה (11Q1 1+L ii,4) ושור ושה (11Q1 1+L ii,5) [ע] וקלוט נדבה תעשו אתו ולנדר לא ירצה (Lev SP 22,23) ושור ושה שרוע וקלוט נדבה תעשו אתו ולנדר לא ירצה
24	וּמָע֤וּךְ וְכָתוּת֙ וְנָת֣וּק וְכָר֔וּת לֹ֥א תַקְרִ֖יבוּ לַֽיהוָ֑ה וּֽבְאַרְצְכֶ֖ם לֹ֥א תַעֲשֽׂוּ׃
	(4Q24 frg. 9 i+10-17,32) ו֯[מעוך וכתות ונתוק ו]כרות לא (4Q24 frg. 9 i+10-17,33) [תקריבו ליה]ו֯ה֯ וב֯[א]ר֯צ֯כם֯ ל֯א תעשו (11Q1 1+L ii,5) ומעוכ וכתות ונתוק ו (11Q1 1+L ii,6) [כר]ותלא תקריבו אלה ליהוה ובארצכמ [ל]א תעשו ומיד (Lev SP 22,24) ומעוך וכתות ונתוק וכרות לא תקריבו ליהוה ובארצכם לא תעשו
25	וּמִיַּ֣ד בֶּן־ נֵכָ֗ר לֹ֥א תַקְרִ֛יבוּ אֶת־ לֶ֥חֶם אֱלֹהֵיכֶ֖ם מִכָּל־ אֵ֑לֶּה כִּ֣י מָשְׁחָתָ֤ם בָּהֶם֙ מ֣וּם בָּ֔ם לֹ֥א יֵרָצ֖וּ לָכֶֽם׃ פ
	(4Q24 frg. 9 i+10-17,33) ו֯[מיד ]ב֯ן֯[ נכ]ר֯[ לא תקריבו את לח]ם֯ אלהיכם מכל (4Q24 frg. 9 i+10-17,34) [אלה כי משחתם בהם ]מום ב֯[ם לא ירצו לכם ] (11Q1 1+L ii,6) בנ נכר לא (11Q1 1+L ii,7) [קריבו את ]לחמ אלהיכמ מכל אלה [כי משח]תימ המ מומ במ לא ירצו (11Q1 1+L ii,8) [לכמ ] (Lev SP 22,25) ומיד בן נכר לא תקריבו את לחם אלהיכם מכל אלה כי משחיתים בהם מום בם לא ירצו לכם *
26	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(4Q24 frg. 9 i+10-17,35) [וידבר יהוה אל משה ]לא֯מ֯[ר (11Q1 1+L ii,9) [וידבר יהוה אל ]משה לאמר (Lev SP 22,26) וידבר יהוה אל משה לאמר
27	שׁ֣וֹר אוֹ־ כֶ֤שֶׂב אוֹ־ עֵז֙ כִּ֣י יִוָּלֵ֔ד וְהָיָ֛ה שִׁבְעַ֥ת יָמִ֖ים תַּ֣חַת אִמּ֑וֹ וּמִיּ֤וֹם הַשְּׁמִינִי֙ וָהָ֔לְאָה יֵרָצֶ֕ה לְקָרְבַּ֥ן אִשֶּׁ֖ה לַיהוָֽה׃
	(4Q24 frg. 9 i+10-17,35) שור או כשב או עז כי יולד והיה ]שבע֯ת ימים תחת[ ] (4Q24 frg. 9 i+10-17,36) [אמו ומיום השמיני והלאה ירצה לקרבן אשה ליהוה (11Q1 1+L ii,9) שור[ או כשב או ע]ז כי יולד והיה שבעת (Lev SP 22,27) שור או כשב או עז כי יולד והיה שבעת ימים תחת אמו ומיום השמיני והלאה ירצה לקרבן אשה ליהוה
28	וְשׁ֖וֹר אוֹ־ שֶׂ֑ה אֹת֣וֹ וְאֶת־ בְּנ֔וֹ לֹ֥א תִשְׁחֲט֖וּ בְּי֥וֹם אֶחָֽד׃
	(11QTa 52,6) ושור ושה אותו ואת בנו לוא תזבח ביום אחד ולוא תכה אם (4Q24 frg. 9 i+10-17,36) ושור א]ו֯ שה אתו ואת בנו (4Q24 frg. 9 i+10-17,37) [לא תשחטו ]ביום [א]ח֯[ד (Lev SP 22,28) ושור ושה אתו ואת בנו לא תשחטו ביום אחד
29	וְכִֽי־ תִזְבְּח֥וּ זֶֽבַח־ תּוֹדָ֖ה לַיהוָ֑ה לִֽרְצֹנְכֶ֖ם תִּזְבָּֽחוּ׃
	(4Q24 frg. 9 i+10-17,37) וכי תזבחו זבח תודה ליהוה לרצנכם תזבחו (Lev SP 22,29) וכי תזבחו זבח תודה ליהוה לרצונכם תזבחהו
30	בַּיּ֤וֹם הַהוּא֙ יֵאָכֵ֔ל לֹֽא־ תוֹתִ֥ירוּ מִמֶּ֖נּוּ עַד־ בֹּ֑קֶר אֲנִ֖י יְהוָֽה׃
	(4Q24 frg. 9 i+10-17,37) ]ביום ההוא (4Q24 frg. 9 i+10-17,38) [יאכל ]ל֯א֯[ ]תותי֯ר֯[ו ]ממ[נו עד בקר אני יהוה (Lev SP 22,30) ביום ההוא יאכל ולא תותירו ממנו עד בקר אני יהוה
31	וּשְׁמַרְתֶּם֙ מִצְוֺתַ֔י וַעֲשִׂיתֶ֖ם אֹתָ֑ם אֲנִ֖י יְהוָֽה׃
	(4Q24 frg. 9 i+10-17,38) ושמרתם מצותי ועש]י֯תם אתם (Lev SP 22,31) ושמרתם את מצותי ועשיתם אתם « »
32	וְלֹ֤א תְחַלְּלוּ֙ אֶת־ שֵׁ֣ם קָדְשִׁ֔י וְנִ֨קְדַּשְׁתִּ֔י בְּת֖וֹךְ בְּנֵ֣י יִשְׂרָאֵ֑ל אֲנִ֥י יְהוָ֖ה מְקַדִּשְׁכֶֽם׃
	(4Q24 frg. 9 i+10-17,38) ולא (4Q24 frg. 9 i+10-17,39) [תחללו] את֯ ש֯ם[ ]קדשי֯ [ונקדשתי בתוך בני ישראל אני יהוה מקדשכם (Lev SP 22,32) ולא תחללו את שם קדשי ונקדשתי בתוך בני ישראל אני יהוה מקדשם
33	הַמּוֹצִ֤יא אֶתְכֶם֙ מֵאֶ֣רֶץ מִצְרַ֔יִם לִהְי֥וֹת לָכֶ֖ם לֵאלֹהִ֑ים אֲנִ֖י יְהוָֽה׃ פ
	(4Q24 frg. 9 i+10-17,39) המוציא] אתכם (4Q24 frg. 9 i+10-17,40) מארץ מ֯[צרים להיו]ת֯[ ]לכ֯[ם לאלהים אני יהוה ] (Lev SP 22,33) המוצא אתכם מארץ מצרים להיות לכם לאלהים אני יהוה *

23
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(4Q24 frg. 9 i+10-17,41) וידבר י֯[הוה אל מ]ש֯ה֯[ לאמר ] (Lev SP 23,1) וידבר יהוה אל משה לאמר
2	דַּבֵּ֞ר אֶל־ בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם מוֹעֲדֵ֣י יְהוָ֔ה אֲשֶׁר־ תִּקְרְא֥וּ אֹתָ֖ם מִקְרָאֵ֣י קֹ֑דֶשׁ אֵ֥לֶּה הֵ֖ם מוֹעֲדָֽי׃
	(4Q24 frg. 9 ii+11 ii+18-2,1) תקראו א[תם ]מקר֯אי קדש אלה הם מועדי (Lev SP 23,2) דבר אל בני ישראל ואמרת אליהם מועדי יהוה אשר תקראו אתם מקראי קדש אלה הם מועדי
3	שֵׁ֣שֶׁת יָמִים֮ תֵּעָשֶׂ֣ה מְלָאכָה֒ וּבַיּ֣וֹם הַשְּׁבִיעִ֗י שַׁבַּ֤ת שַׁבָּתוֹן֙ מִקְרָא־ קֹ֔דֶשׁ כָּל־ מְלָאכָ֖ה לֹ֣א תַעֲשׂ֑וּ שַׁבָּ֥ת הִוא֙ לַֽיהוָ֔ה בְּכֹ֖ל מֽוֹשְׁבֹתֵיכֶֽם׃ פ
	(4Q24 frg. 9 ii+11 ii+18-2,1) ששת ימים תעשה מלאכ֯ה֯ [וביום] (4Q24 frg. 9 ii+11 ii+18-2,2) [השביעי שבת שבתון ]מקרא קדש כל מלאכה לא תעשו שבת היא ליהו֯[ה] (4Q24 frg. 9 ii+11 ii+18-2,3) [בכל מושבתיכם (Lev SP 23,3) ששת ימים יעשה מלאכה וביום השביעי שבת שבתון מקרא קדש כל מלאכה לא תעשו שבת היא ליהוה בכל מושבתיכם
4	אֵ֚לֶּה מוֹעֲדֵ֣י יְהוָ֔ה מִקְרָאֵ֖י קֹ֑דֶשׁ אֲשֶׁר־ תִּקְרְא֥וּ אֹתָ֖ם בְּמוֹעֲדָֽם׃
	(1Q3 frg. 7,1) [קדש אשר תקראו ]אות[ם במועדם (4Q24 frg. 9 ii+11 ii+18-2,3) ]אלה מועד֯[י יהוה מק]ראי קדש אשר תק[ראו] (4Q24 frg. 9 ii+11 ii+18-2,4) [אתם במועדם (Lev SP 23,4) ואלה מועדי יהוה מקראי קדש אשר תקראו אתם במועדם
5	בַּחֹ֣דֶשׁ הָרִאשׁ֗וֹן בְּאַרְבָּעָ֥ה עָשָׂ֛ר לַחֹ֖דֶשׁ בֵּ֣ין הָעַרְבָּ֑יִם פֶּ֖סַח לַיהוָֽה׃
	(11QTa 17,6) [בארב]עה עשר … (1Q3 frg. 7,1) בחדש הראשון] (1Q3 frg. 7,2) [בארבעה עשר לח]דש בין[ הערבים פסח ליהוה ] (4Q24 frg. 9 ii+11 ii+18-2,4) בחדש הראשון בארבעה עשר] לחדש בין הערבים֯[ פסח ליהוה ] (Lev SP 23,5) בחדש הראישון בארבעה עשר יום לחדש בין הערבים פסח ליהוה
6	וּבַחֲמִשָּׁ֨ה עָשָׂ֥ר יוֹם֙ לַחֹ֣דֶשׁ הַזֶּ֔ה חַ֥ג הַמַּצּ֖וֹת לַיהוָ֑ה שִׁבְעַ֥ת יָמִ֖ים מַצּ֥וֹת תֹּאכֵֽלוּ׃
	(11QTa 17,11) בו חג מצות שבעת ימים (11QTa 17,12) ליהוה … (1Q3 frg. 7,3) [ובחמשה עשר יום לחדש הז]ה חג המצו֯[ת ליהוה שבעת] (1Q3 frg. 7,4) [ימים מצות תאכלו (4Q24 frg. 9 ii+11 ii+18-2,5) [ובחמשה עשר יום לחדש הזה חג המצות ליהוה שבעת ימי]ם֯ מצו֯[ת תאכלו (Lev SP 23,6) ובחמשה עשר יום לחדש הזה חג המצות ליהוה שבעת ימים מצות תאכלו
7	בַּיּוֹם֙ הָֽרִאשׁ֔וֹן מִקְרָא־ קֹ֖דֶשׁ יִהְיֶ֣ה לָכֶ֑ם כָּל־ מְלֶ֥אכֶת עֲבֹדָ֖ה לֹ֥א תַעֲשֽׂוּ׃
	(1Q3 frg. 7,4) ביו]ם הר֯[א]ישון מקרא קדש [יהיה לכם] (1Q3 frg. 7,5) [כל מלאכת עבדה לא ת]עשו (4Q24 frg. 9 ii+11 ii+18-2,5) ביום] (4Q24 frg. 9 ii+11 ii+18-2,6) [הראשון מקרא קדש יהיה לכם כל מלאכת עבודה לא תעשו (Lev SP 23,7) ביום הראישון מקרא קדש יהיה לכם כל מלאכת עבדה לא תעשו
8	וְהִקְרַבְתֶּ֥ם אִשֶּׁ֛ה לַיהוָ֖ה שִׁבְעַ֣ת יָמִ֑ים בַּיּ֤וֹם הַשְּׁבִיעִי֙ מִקְרָא־ קֹ֔דֶשׁ כָּל־ מְלֶ֥אכֶת עֲבֹדָ֖ה לֹ֥א תַעֲשֽׂוּ׃ פ
	(11QTa 17,10) מקרא קו[דש] (11QTa 17,11) כול מלאכת עבודה לוא תעשו … (11QTa 17,12) והקרבתמה בכול יום ויום לשבעת הימים הא[לה] (1Q3 frg. 7,5) והקרבתם אשה ליה[וה שבעת] (1Q3 frg. 7,6) [ימים ביום הש]ב֯י[עי מקרא ]קדש כל מל[אכת עבדה -- ] (4Q24 frg. 9 ii+11 ii+18-2,6) וה]ק֯רבתם[ אשה] (4Q24 frg. 9 ii+11 ii+18-2,7) [ליהוה שבעת ימים ביום השביעי מקרא קדש כל מלאכת עבודה ]ל[א ]ת֯[עשו ] (4Q27 frg. 46 ii,27) חג שבעת ימים מצות תואכלו] (Num 28,17) חָ֑ג שִׁבְעַ֣ת יָמִ֔ים מַצּ֖וֹת יֵאָכֵֽל׃ (Num 28,18) בַּיּ֥וֹם הָרִאשׁ֖וֹן מִקְרָא־ קֹ֑דֶשׁ כָּל־ מְלֶ֥אכֶת עֲבֹדָ֖ה לֹ֥א תַעֲשֽׂוּ׃ (Num 28,19) וְהִקְרַבְתֶּ֨ם … (Lev SP 23,8) והקרבתם אשה ליהוה שבעת ימים וביום השביעי מקרא קדש כל מלאכת עבדה לא תעשו * (Num SP 28,17) חג שבעת ימים מצות תאכלו (Num SP 28,18) ביום הראישון מקרא קדש כל מלאכת עבדה לא תעשו (Num SP 28,19) והקרבתם …
9	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(4Q24 frg. 9 ii+11 ii+18-2,8) [וידבר יהוה אל משה לאמר (Lev SP 23,9) וידבר יהוה אל משה לאמר
10	דַּבֵּ֞ר אֶל־ בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם כִּֽי־ תָבֹ֣אוּ אֶל־ הָאָ֗רֶץ אֲשֶׁ֤ר אֲנִי֙ נֹתֵ֣ן לָכֶ֔ם וּקְצַרְתֶּ֖ם אֶת־ קְצִירָ֑הּ וַהֲבֵאתֶ֥ם אֶת־ עֹ֛מֶר רֵאשִׁ֥ית קְצִירְכֶ֖ם אֶל־ הַכֹּהֵֽן׃
	(4Q24 frg. 9 ii+11 ii+18-2,8) דבר אל בני ישראל ואמרת אליהם כי תבאו אל] (4Q24 frg. 9 ii+11 ii+18-2,9) [הארץ אשר אני נתן לכם וקצרתם את קצירה וה]ב֯יאתם א֯[ת עמר ראשית קצירכם אל] (4Q24 frg. 9 ii+11 ii+18-2,10) [הכהן (Lev SP 23,10) דבר אל בני ישראל ואמרת אליהם כי תבאו אל הארץ אשר אני נתן לכם וקצרתם את קצירה והבאתם את העמר ראשית קצירכם אל הכהן
11	וְהֵנִ֧יף אֶת־ הָעֹ֛מֶר לִפְנֵ֥י יְהוָ֖ה לִֽרְצֹנְכֶ֑ם מִֽמָּחֳרַת֙ הַשַּׁבָּ֔ת יְנִיפֶ֖נּוּ הַכֹּהֵֽן׃
	(4Q24 frg. 9 ii+11 ii+18-2,10) והניף את העמר לפני יהוה לרצנכ]ם ממחר֯[ת ה]ש֯ב֯ת י֯ניפ֯נו הכהן (Lev SP 23,11) והניף את העמר לפני יהוה לרצונכם ממחרת השבת יניפנו הכהן
12	וַעֲשִׂיתֶ֕ם בְּי֥וֹם הֲנִֽיפְכֶ֖ם אֶת־ הָעֹ֑מֶר כֶּ֣בֶשׂ תָּמִ֧ים בֶּן־ שְׁנָת֛וֹ לְעֹלָ֖ה לַיהוָֽה׃
	(11QTa 18,10) ביום הניפת העומר _____ וספרתה (4Q24 frg. 9 ii+11 ii+18-2,10) ו[עשיתם] (4Q24 frg. 9 ii+11 ii+18-2,11) [ביום הניפכם את העמר כבש תמים ]בן שנתו לעלה ליהוה (Lev SP 23,12) ועשיתם ביום הנפכם את העמר כבש תמים בן שנתו לעלה ליהוה
13	וּמִנְחָתוֹ֩ שְׁנֵ֨י עֶשְׂרֹנִ֜ים סֹ֣לֶת בְּלוּלָ֥ה בַשֶּׁ֛מֶן אִשֶּׁ֥ה לַיהוָ֖ה רֵ֣יחַ נִיחֹ֑חַ וְנִסְכֹּ֥ה יַ֖יִן רְבִיעִ֥ת הַהִֽין׃
	(4Q24 frg. 9 ii+11 ii+18-2,11) ומנחתו שני[ עשרנים סלת] (4Q24 frg. 9 ii+11 ii+18-2,12) [בלולה בשמן אשה ליהוה ריח ניחח ונסכה ]י֯ין רבעית הה֯[ין (Lev SP 23,13) ומנחתו שני עשרנים סלת בלולה בשמן אשה ליהוה ריח ניחח ונסכיו יין רביעית ההין
14	וְלֶחֶם֩ וְקָלִ֨י וְכַרְמֶ֜ל לֹ֣א תֹֽאכְל֗וּ עַד־ עֶ֙צֶם֙ הַיּ֣וֹם הַזֶּ֔ה עַ֚ד הֲבִ֣יאֲכֶ֔ם אֶת־ קָרְבַּ֖ן אֱלֹהֵיכֶ֑ם חֻקַּ֤ת עוֹלָם֙ לְדֹרֹ֣תֵיכֶ֔ם בְּכֹ֖ל מֹשְׁבֹֽתֵיכֶֽם׃ ס
	(4Q24 frg. 9 ii+11 ii+18-2,12) ]ולחם קלי וכ֯[רמל לא] (4Q24 frg. 9 ii+11 ii+18-2,13) [תאכלו עד עצם היום הזה עד הביאכם את קרבן אלהיכם] חקת עו֯ל[ם ]לדרתיכם ב֯כ֯[ל] (4Q24 frg. 9 ii+11 ii+18-2,14) [משבתיכם ] (Lev SP 23,14) ולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל מושבתיכם *
15	וּסְפַרְתֶּ֤ם לָכֶם֙ מִמָּחֳרַ֣ת הַשַּׁבָּ֔ת מִיּוֹם֙ הֲבִ֣יאֲכֶ֔ם אֶת־ עֹ֖מֶר הַתְּנוּפָ֑ה שֶׁ֥בַע שַׁבָּת֖וֹת תְּמִימֹ֥ת תִּהְיֶֽינָה׃
	(11QTa 18,10) הניפת העומר _____ וספרתה (11QTa 18,11) [לכמה] ש֯ב֯ע֯ שבתות תמימות מיום הביאכמה את העומר (4Q24 frg. 9 ii+11 ii+18-2,15) [וספרתם לכם ממחרת השבת מיום הביאכם את עמר] ה֯[תנופה שבע שבתות תמימת] (4Q24 frg. 9 ii+11 ii+18-2,16) [תהיינה (Lev SP 23,15) וספרתם לכם ממחרת השבת מיום הביאכם את עמר התנופה שבע שבתות תמימות תהיינה
16	עַ֣ד מִֽמָּחֳרַ֤ת הַשַּׁבָּת֙ הַשְּׁבִיעִ֔ת תִּסְפְּר֖וּ חֲמִשִּׁ֣ים י֑וֹם וְהִקְרַבְתֶּ֛ם מִנְחָ֥ה חֲדָשָׁ֖ה לַיהוָֽה׃
	(11QTa 18,12) עד ממוחרת השבת השביעית תספורו (11QTa 18,13) [חמשים] יום והביאותמה מנחה חדשה ליהוה (4Q24 frg. 9 ii+11 ii+18-2,16) עד ממחרת השבת השביעת תספרו חמשים יום ו]ה֯קרבתם [מנחה ח]ד֯שה (4Q24 frg. 9 ii+11 ii+18-2,17) ל֯[יהוה (Lev SP 23,16) עד ממחרת השבת השביעית תספרו חמשים יום והקרבתם מנחה חדשה ליהוה
17	מִמּוֹשְׁבֹ֨תֵיכֶ֜ם תָּבִ֣יאּוּ ׀ לֶ֣חֶם תְּנוּפָ֗ה שְׁ֚תַּיִם שְׁנֵ֣י עֶשְׂרֹנִ֔ים סֹ֣לֶת תִּהְיֶ֔ינָה חָמֵ֖ץ תֵּאָפֶ֑ינָה בִּכּוּרִ֖ים לֽ͏ַיהוָֽה׃
	(11QTa 18,13) ממושבותיכמה (11QTa 18,14) [לחם ([חלות) סו]ל[ת] (]לחם֯) חמץ חדש בכורים ליהוה לחם חטים שתים (4Q24 frg. 9 ii+11 ii+18-2,17) ממושבתיכם תביאו לחם תנופה שתים שני עשרנים] ס֯[לת תהיינה ]ח֯מץ (4Q24 frg. 9 ii+11 ii+18-2,18) ת֯א֯פ֯[ינה בכורים ליהוה (Lev SP 23,17) ממושבתיכם תביאו לחם תנופה שתים חלות שני עשרנים סלת תהיינה חמץ תאפינה בכורים ליהוה
18	וְהִקְרַבְתֶּ֣ם עַל־ הַלֶּ֗חֶם שִׁבְעַ֨ת כְּבָשִׂ֤ים תְּמִימִם֙ בְּנֵ֣י שָׁנָ֔ה וּפַ֧ר בֶּן־ בָּקָ֛ר אֶחָ֖ד וְאֵילִ֣ם שְׁנָ֑יִם יִהְי֤וּ עֹלָה֙ לַֽיהוָ֔ה וּמִנְחָתָם֙ וְנִסְכֵּיהֶ֔ם אִשֵּׁ֥ה רֵֽיחַ־ נִיחֹ֖חַ לַיהוָֽה׃
	(4Q24 frg. 9 ii+11 ii+18-2,18) והקרבתם על הלחם שבעת כבשים תמימם בני שנה ו]פ֯ר (4Q24 frg. 9 ii+11 ii+18-2,19) בן ב֯ק֯[ר אחד ואילם שנים יהיו עלה ליהוה ומנחתם ונסכיה]ם֯ אשה ריח (4Q24 frg. 9 ii+11 ii+18-2,20) ניח֯ו֯ח֯ ל[יהוה (Lev SP 23,18) והקרבתם על הלחם שבעה כבשים תמימם בני שנה ופר בן בקר אחד ואילים שנים תמימם יהיו עלה ליהוה ומנחתם ונסכיהם אשה ריח ניחח ליהוה
19	וַעֲשִׂיתֶ֛ם שְׂעִיר־ עִזִּ֥ים אֶחָ֖ד לְחַטָּ֑את וּשְׁנֵ֧י כְבָשִׂ֛ים בְּנֵ֥י שָׁנָ֖ה לְזֶ֥בַח שְׁלָמִֽים׃
	(4Q24 frg. 9 ii+11 ii+18-2,20) ועשיתם שעיר עזים אחד לחטאת ושני כבשים בני ]שנה לזבח שלמים (Lev SP 23,19) ועשיתם שעיר עזים אחד לחטאת ושני כבשים בני שנה לזבח השלמים
20	וְהֵנִ֣יף הַכֹּהֵ֣ן ׀ אֹתָ֡ם עַל֩ לֶ֨חֶם הַבִּכּוּרִ֤ים תְּנוּפָה֙ לִפְנֵ֣י יְהוָ֔ה עַל־ שְׁנֵ֖י כְּבָשִׂ֑ים קֹ֛דֶשׁ יִהְי֥וּ לַיהוָ֖ה לַכֹּהֵֽן׃
	(4Q24 frg. 9 ii+11 ii+18-2,21) וה֯נ֯י֯ף֯ ה֯[כהן אתם על לחם הבכורים תנופה לפני יהוה על שני כ]ב֯שים קדש יהיו (4Q24 frg. 9 ii+11 ii+18-2,22) ליה֯ו֯[ה לכהן (Lev SP 23,20) והניף הכהן אתם על לחם הבכורים תנופה לפני יהוה על שני הכבשים קדש יהיו ליהוה לכהן
21	וּקְרָאתֶ֞ם בְּעֶ֣צֶם ׀ הַיּ֣וֹם הַזֶּ֗ה מִֽקְרָא־ קֹ֙דֶשׁ֙ יִהְיֶ֣ה לָכֶ֔ם כָּל־ מְלֶ֥אכֶת עֲבֹדָ֖ה לֹ֣א תַעֲשׂ֑וּ חֻקַּ֥ת עוֹלָ֛ם בְּכָל־ מוֹשְׁבֹ֥תֵיכֶ֖ם לְדֹרֹֽתֵיכֶֽם׃
	(4Q24 frg. 9 ii+11 ii+18-2,22) וקראתם בעצם היום הזה מקרא קדש יהיה לכם כל מ]לאכת עבודה לא (4Q24 frg. 9 ii+11 ii+18-2,23) [תעשו חקת עולם בכל מושבתיכם לדרתיכם (Lev SP 23,21) וקראתם בעצם היום הזה מקרא קדש יהיה לכם כל מלאכת עבידה לא תעשו חקת עולם בכל מושבתיכם לדרתיכם
22	וּֽבְקֻצְרְכֶ֞ם אֶת־ קְצִ֣יר אַרְצְכֶ֗ם לֹֽא־ תְכַלֶּ֞ה פְּאַ֤ת שָֽׂדְךָ֙ בְּקֻצְרֶ֔ךָ וְלֶ֥קֶט קְצִירְךָ֖ לֹ֣א תְלַקֵּ֑ט לֶֽעָנִ֤י וְלַגֵּר֙ תַּעֲזֹ֣ב אֹתָ֔ם אֲנִ֖י יְהוָ֥ה אֱלֹהֵיכֶֽם׃ ס
	(4Q24 frg. 9 ii+11 ii+18-2,23) ובקצרכם את קציר אר]צ֯כ֯ם֯ לא תכלה פאת (4Q24 frg. 9 ii+11 ii+18-2,24) [שדך בקצרך ולקט קצירך לא תלקט לעני ולגר תעזב אתם אני יה]ו֯ה֯ אלהיכם (11Q1 2,1) [בקצרכ ולקט קצי]רכ[ לא ]תלקט[ לעני ולגר תעזב א]תמ[ א]ני[ ]יה[וה] (11Q1 2,2) [אל]היכמ ו (Lev SP 23,22) ובקצירכם את קציר ארצכם לא תכלה פאת שדך לקצר ולקט קצירך לא תלקט לעני ולגר תעזב אתם אני יהוה אלהיכם *
23	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(4Q24 frg. 9 ii+11 ii+18-2,25) [וידבר יהוה אל משה לאמר (11Q1 2,3) ידבריהוה אל משה לאמר (Lev SP 23,23) וידבר יהוה אל משה לאמר
24	דַּבֵּ֛ר אֶל־ בְּנֵ֥י יִשְׂרָאֵ֖ל לֵאמֹ֑ר בַּחֹ֨דֶשׁ הַשְּׁבִיעִ֜י בְּאֶחָ֣ד לַחֹ֗דֶשׁ יִהְיֶ֤ה לָכֶם֙ שַׁבָּת֔וֹן זִכְר֥וֹן תְּרוּעָ֖ה מִקְרָא־ קֹֽדֶשׁ׃
	(4Q24 frg. 9 ii+11 ii+18-2,25) דבר אל בני ישראל לאמר בחדש השביעי באחד לחדש י]ה֯י֯ה (4Q24 frg. 9 ii+11 ii+18-2,26) [לכם שבתון זכרון תרועה מקרא קדש (11Q1 2,3) דבר אל בני ישראל לאמר בחדש ה (11Q1 2,4) עיבאחד לחדש יהיה לכמ שבתונ זכרונ תרועה מקרא קדש (Lev SP 23,24) דבר אל בני ישראל לאמר בחדש השביעי באחד לחדש יהיה לכם שבתון זכרון תרועה מקרא קדש
25	כָּל־ מְלֶ֥אכֶת עֲבֹדָ֖ה לֹ֣א תַעֲשׂ֑וּ וְהִקְרַבְתֶּ֥ם אִשֶּׁ֖ה לַיהוָֽה׃ ס
	(4Q24 frg. 9 ii+11 ii+18-2,26) כל מלאכת עבודה לא תעשו והקרבתם אשה ]ל[יהוה ] (11Q1 2,5) ל מלאכת עבדה לא תעשו והקרבתמ אשה ליהוה (Lev SP 23,25) כל מלאכת עבדה לא תעשו והקרבתם אשה ליהוה *
26	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(11Q1 2,6) וידבר יהוה אל משה לאמר (Lev SP 23,26) וידבר יהוה אל משה לאמר
27	אַ֡ךְ בֶּעָשׂ֣וֹר לַחֹדֶשׁ֩ הַשְּׁבִיעִ֨י הַזֶּ֜ה י֧וֹם הַכִּפֻּרִ֣ים ה֗וּא מִֽקְרָא־ קֹ֙דֶשׁ֙ יִהְיֶ֣ה לָכֶ֔ם וְעִנִּיתֶ֖ם אֶת־ נַפְשֹׁתֵיכֶ֑ם וְהִקְרַבְתֶּ֥ם אִשֶּׁ֖ה לַיהוָֽה׃
	(11QTa 25,10) ובעשרה בחודש הזה (11QTa 25,11) יום כפורים הוא ותענו בו את נפשותיכמה … (11Q1 2,6) אכ בעשור לחדש השבעי הזה יומ (11Q1 2,7) הכפרימ הוא מקרא קדש יהיה לכמ ועניתמ א[ת ]נפשתיכמ ו (11Q1 2,8) ת[מ]אשה[ ]ליהוה (Lev SP 23,27) אך בעשור לחדש השביעי הזה יום כפורים הוא מקרא קדש יהיה לכם ועניתם את נפשתיכם והקרבתם אשה ליהוה
28	וְכָל־ מְלָאכָה֙ לֹ֣א תַעֲשׂ֔וּ בְּעֶ֖צֶם הַיּ֣וֹם הַזֶּ֑ה כִּ֣י י֤וֹם כִּפֻּרִים֙ ה֔וּא לְכַפֵּ֣ר עֲלֵיכֶ֔ם לִפְנֵ֖י יְהוָ֥ה אֱלֹהֵיכֶֽם׃
	(11Q1 2,8) וכל מלאכה לא תעשו בעצמ היומ הזה כי (11Q1 2,9) [מ כפרימ ה]וא[ ]לכפר עליכמ לפ[ני ]יה[וה] אלהיכמ (Lev SP 23,28) וכל מלאכה לא תעשו בעצם היום הזה כי יום כפורים הוא לכפר עליכם לפני יהוה אלהיכם
29	כִּ֤י כָל־ הַנֶּ֙פֶשׁ֙ אֲשֶׁ֣ר לֹֽא־ תְעֻנֶּ֔ה בְּעֶ֖צֶם הַיּ֣וֹם הַזֶּ֑ה וְנִכְרְתָ֖ה מֵֽעַמֶּֽיהָ׃
	(11QTa 25,11) את נפשותיכמה כי כול הנפש אשר לוא (11QTa 25,12) תתענה בעצם היום הזה ונכרתה מעמיה והקרבתמה בו עולה (11Q1 2,9) כי כל הנפש אשר (Lev SP 23,29) כי כל הנפש אשר לא תענה בעצם היום הזה ונכרתה מעמיה
30	וְכָל־ הַנֶּ֗פֶשׁ אֲשֶׁ֤ר תַּעֲשֶׂה֙ כָּל־ מְלָאכָ֔ה בְּעֶ֖צֶם הַיּ֣וֹם הַזֶּ֑ה וְהַֽאֲבַדְתִּ֛י אֶת־ הַנֶּ֥פֶשׁ הַהִ֖וא מִקֶּ֥רֶב עַמָּֽהּ׃
	(Lev SP 23,30) וכל הנפש אשר תעשה כל מלאכה בעצם היום הזה ואבדתי את הנפש ההיא מקרב עמיה
31	כָּל־ מְלָאכָ֖ה לֹ֣א תַעֲשׂ֑וּ חֻקַּ֤ת עוֹלָם֙ לְדֹרֹ֣תֵיכֶ֔ם בְּכֹ֖ל מֹֽשְׁבֹֽתֵיכֶֽם׃
	(Lev SP 23,31) וכל מלאכה לא תעשו חקת עולם לדרתיכם בכל מושבתיכם
32	שַׁבַּ֨ת שַׁבָּת֥וֹן הוּא֙ לָכֶ֔ם וְעִנִּיתֶ֖ם אֶת־ נַפְשֹׁתֵיכֶ֑ם בְּתִשְׁעָ֤ה לַחֹ֙דֶשׁ֙ בָּעֶ֔רֶב מֵעֶ֣רֶב עַד־ עֶ֔רֶב תִּשְׁבְּת֖וּ שַׁבַּתְּכֶֽם׃ פ
	(Lev SP 23,32) שבת שבתון הוא לכם ועניתם את נפשתיכם בתשעה לחדש בערב מערב עד ערב תשביתו שבתכם *
33	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(Lev SP 23,33) וידבר יהוה אל משה לאמר
34	דַּבֵּ֛ר אֶל־ בְּנֵ֥י יִשְׂרָאֵ֖ל לֵאמֹ֑ר בַּחֲמִשָּׁ֨ה עָשָׂ֜ר י֗וֹם לַחֹ֤דֶשׁ הַשְּׁבִיעִי֙ הַזֶּ֔ה חַ֧ג הַסֻּכּ֛וֹת שִׁבְעַ֥ת יָמִ֖ים לַיהֹוָֽה׃
	(Lev SP 23,34) דבר אל בני ישראל לאמר בחמשה עשר יום לחדש השביעי הזה חג הסכות שבעת ימים ליהוה
35	בַּיּ֥וֹם הָרִאשׁ֖וֹן מִקְרָא־ קֹ֑דֶשׁ כָּל־ מְלֶ֥אכֶת עֲבֹדָ֖ה לֹ֥א תַעֲשֽׂוּ׃
	(Lev SP 23,35) ביום הראישון מקרא קדש כל מלאכת עבדה לא תעשו
36	שִׁבְעַ֣ת יָמִ֔ים תַּקְרִ֥יבוּ אִשֶּׁ֖ה לַיהוָ֑ה בַּיּ֣וֹם הַשְּׁמִינִ֡י מִקְרָא־ קֹדֶשׁ֩ יִהְיֶ֨ה לָכֶ֜ם וְהִקְרַבְתֶּ֨ם אִשֶּׁ֤ה לַֽיהוָה֙ עֲצֶ֣רֶת הִ֔וא כָּל־ מְלֶ֥אכֶת עֲבֹדָ֖ה לֹ֥א תַעֲשֽׂוּ׃
	(Lev SP 23,36) שבעת ימים תקריבו אשה ליהוה וביום השמיני מקרא קדש יהיה לכם והקרבתם אשה ליהוה עצרת היא וכל מלאכת עבדה לא תעשו
37	אֵ֚לֶּה מוֹעֲדֵ֣י יְהוָ֔ה אֲשֶׁר־ תִּקְרְא֥וּ אֹתָ֖ם מִקְרָאֵ֣י קֹ֑דֶשׁ לְהַקְרִ֨יב אִשֶּׁ֜ה לַיהוָ֗ה עֹלָ֧ה וּמִנְחָ֛ה זֶ֥בַח וּנְסָכִ֖ים דְּבַר־ י֥וֹם בְּיוֹמֽוֹ׃
	(Lev SP 23,37) אלה מועדי יהוה אשר תקראו אתם מקראי קדש להקריב אשה ליהוה עלה ומנחה זבח ונסכים דבר יום ביומו
38	מִלְּבַ֖ד שַׁבְּתֹ֣ת יְהוָ֑ה וּמִלְּבַ֣ד מַתְּנֽוֹתֵיכֶ֗ם וּמִלְּבַ֤ד כָּל־ נִדְרֵיכֶם֙ וּמִלְּבַד֙ כָּל־ נִדְב֣וֹתֵיכֶ֔ם אֲשֶׁ֥ר תִּתְּנ֖וּ לַיהוָֽה׃
	(4Q270 frg. 6 v,21) מלבד שב֯תותיכם … … (4Q271 frg. 5 i,12) מלבד שבתותיכם אל [יש]לח֯ (CD 11,18) כן כתוב מלבד שבתותיכם _____ אל ישלח (XLeviticus frg. 1,1) [ומל]ב֯ד כל נדריכם [ומלבד כל נדבותיכם] (XLeviticus frg. 1,2) [אשר ת]תנו ליהוה (Lev SP 23,38) מלבד שבתות יהוה ומלבד כל מתנתיכם ומלבד כל נדריכם ומלבד כל נדבתיכם אשר תתנו ליהוה *
39	אַ֡ךְ בַּחֲמִשָּׁה֩ עָשָׂ֨ר י֜וֹם לַחֹ֣דֶשׁ הַשְּׁבִיעִ֗י בְּאָסְפְּכֶם֙ אֶת־ תְּבוּאַ֣ת הָאָ֔רֶץ תָּחֹ֥גּוּ אֶת־ חַג־ יְהוָ֖ה שִׁבְעַ֣ת יָמִ֑ים בַּיּ֤וֹם הָֽרִאשׁוֹן֙ שַׁבָּת֔וֹן וּבַיּ֥וֹם הַשְּׁמִינִ֖י שַׁבָּתֽוֹן׃
	(XLeviticus frg. 1,2) א֯[ך בחמשה עשר] (XLeviticus frg. 1,3) [יום לחדש ]השביע[י באספכם את תבואת] (XLeviticus frg. 1,4) [הארץ תחגו את ח]ג֯ [יהוה שבעת ימים] (Lev SP 23,39) אך בחמשה עשר יום לחדש השביעי באספכם את תבואת הארץ תחגו את חג יהוה שבעת ימים ביום הראישון שבתון וביום השמיני שבתון
40	וּלְקַחְתֶּ֨ם לָכֶ֜ם בַּיּ֣וֹם הָרִאשׁ֗וֹן פְּרִ֨י עֵ֤ץ הָדָר֙ כַּפֹּ֣ת תְּמָרִ֔ים וַעֲנַ֥ף עֵץ־ עָבֹ֖ת וְעַרְבֵי־ נָ֑חַל וּשְׂמַחְתֶּ֗ם לִפְנֵ֛י יְהוָ֥ה אֱלֹהֵיכֶ֖ם שִׁבְעַ֥ת יָמִֽים׃
	(4Q24 frg. 21,1) ולק]חת֯[ם לכם ביום הראשון פרי עץ הדר כפת תמרים וענף עץ עבת וערבי] (4Q24 frg. 21,2) [נחל וש]מחתם ל֯[פני יהוה אלהיכם שבעת ימים ] (XLeviticus frg. 2 i,1) [ושמחתם לפני יהוה אל]ה֯יכם שב֯[עת] (XLeviticus frg. 2 i,2) [ימים (Lev SP 23,40) ולקחתם לכם ביום הראישון פרי עץ הדר כפות תמרים וענפי עץ עבות וערבי נחל ושמחתם לפני יהוה אלהיכם שבעת ימים
41	וְחַגֹּתֶ֤ם אֹתוֹ֙ חַ֣ג לַֽיהוָ֔ה שִׁבְעַ֥ת יָמִ֖ים בַּשָּׁנָ֑ה חֻקַּ֤ת עוֹלָם֙ לְדֹרֹ֣תֵיכֶ֔ם בַּחֹ֥דֶשׁ הַשְּׁבִיעִ֖י תָּחֹ֥גּוּ אֹתֽוֹ׃
	(XLeviticus frg. 2 i,2) וחגתם אתו חג ]ל֯י֯ה֯וה שבעת (XLeviticus frg. 2 i,3) [ימים בשנה חקת עולם ]לדרתיכם [בחדש] (XLeviticus frg. 2 i,4) [השביעי תחגו אתו (Lev SP 23,41) וחגתם אתו חג ליהוה שבעת ימים בשנה חקת עולם לדורתיכם בחדש השביעי תחגו אתו
42	בַּסֻּכֹּ֥ת תֵּשְׁב֖וּ שִׁבְעַ֣ת יָמִ֑ים כָּל־ הָֽאֶזְרָח֙ בְּיִשְׂרָאֵ֔ל יֵשְׁב֖וּ בַּסֻּכֹּֽת׃
	(4Q365 frg. 23,1) [בסו]כות תשבו שבעת ימים כול האזרח בישראל ישב בסוכות (XLeviticus frg. 2 i,4) בסכ]ת֯ תשבו שב[עת] (XLeviticus frg. 2 i,5) [ימים כל האזרח בישראל י]שבו בסכות (Lev SP 23,42) בסכות תשבו שבעת ימים כל האזרח בישראל ישב בסכות
43	לְמַעַן֮ יֵדְע֣וּ דֹרֹֽתֵיכֶם֒ כִּ֣י בַסֻּכּ֗וֹת הוֹשַׁ֙בְתִּי֙ אֶת־ בְּנֵ֣י יִשְׂרָאֵ֔ל בְּהוֹצִיאִ֥י אוֹתָ֖ם מֵאֶ֣רֶץ מִצְרָ֑יִם אֲנִ֖י יְהוָ֥ה אֱלֹהֵיכֶֽם׃
	(4Q365 frg. 23,1) למ֯[ען ידע]ו֯ ד֯ו֯[רותיכם] (4Q365 frg. 23,2) כי[ בס]וכות הושבתי את אבותיכם בה֯ו֯ציאי אותם מארץ מצר[י]ם֯ א֯ני יהוה אלוהי֯כ֯[ם] (XLeviticus frg. 2 i,6) [למען ידעו דרתיכם כי בסכ]ות הושבתי (XLeviticus frg. 2 i,7) [את בני ישראל בהוציאי אותם] מארץ (XLeviticus frg. 2 i,8) [מצרים אני יהוה אלהיכם (Lev SP 23,43) למען ידעו דרתיכם כי בסכות הושבתי את בני ישראל בהוצאי אתם מארץ מצרים אני יהוה אלהיכם
44	וַיְדַבֵּ֣ר מֹשֶׁ֔ה אֶת־ מֹעֲדֵ֖י יְהוָ֑ה אֶל־ בְּנֵ֖י יִשְׂרָאֵֽל׃ פ
	(4Q365 frg. 23,3) וידבר מושה את מועדי יהו֯ה אל בני ישראל _____ (XLeviticus frg. 2 i,8) וידבר ]מ֯שה (Lev SP 23,44) וידבר משה את מועדי יהוה אל בני ישראל *

24
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(4Q365 frg. 23,4) וידבר יהוה אל מושה לאמור (4Q24 frg. 20 ii+22-25,7) ידבר יהוה אל משה לאמר (Lev SP 24,1) וידבר יהוה אל משה לאמר
2	צַ֞ו אֶת־ בְּנֵ֣י יִשְׂרָאֵ֗ל וְיִקְח֨וּ אֵלֶ֜יךָ שֶׁ֣מֶן זַ֥יִת זָ֛ךְ כָּתִ֖ית לַמָּא֑וֹר לְהַעֲלֹ֥ת נֵ֖ר תָּמִֽיד׃
	(4Q365 frg. 23,4) צו את בני ישראל … (4Q24 frg. 20 ii+22-25,7) צו את ]ב֯ני֯ ישראל [ויקחו אליך שמן זית זך כתית למאור] (4Q24 frg. 20 ii+22-25,8) [להעלת נר תמיד (Lev SP 24,2) צוי את בני ישראל ויקחו אליך שמן זית זך כתית למאור להעלות נר תמיד
3	מִחוּץ֩ לְפָרֹ֨כֶת הָעֵדֻ֜ת בְּאֹ֣הֶל מוֹעֵ֗ד יַעֲרֹךְ֩ אֹת֨וֹ אַהֲרֹ֜ן מֵעֶ֧רֶב עַד־ בֹּ֛קֶר לִפְנֵ֥י יְהוָ֖ה תָּמִ֑יד חֻקַּ֥ת עוֹלָ֖ם לְדֹרֹֽתֵיכֶֽם׃
	(4Q24 frg. 20 ii+22-25,8) מחוץ לפרכת העדת ]באהל [מועד יערך אתו אהרן מער]ב עד[ בקר] (4Q24 frg. 20 ii+22-25,9) [לפני יהוה תמיד חקת עולם לד]רתיכם (Lev SP 24,3) מחוץ לפרכת העדות באהל מועד יעריך אתו אהרן ובניו מערב עד בקר לפני יהוה תמיד חקת עולם לדרתיכם
4	עַ֚ל הַמְּנֹרָ֣ה הַטְּהֹרָ֔ה יַעֲרֹ֖ךְ אֶת־ הַנֵּר֑וֹת לִפְנֵ֥י יְהוָ֖ה תָּמִֽיד׃ פ
	(4Q24 frg. 20 ii+22-25,9) ע[ל המנרה הטהרה יערך א]ת הנרות לפני (4Q24 frg. 20 ii+22-25,10) [יהוה תמיד (Lev SP 24,4) על המנורה הטהרה יעריך את הנרות לפני יהוה עד בקר
5	וְלָקַחְתָּ֣ סֹ֔לֶת וְאָפִיתָ֣ אֹתָ֔הּ שְׁתֵּ֥ים עֶשְׂרֵ֖ה חַלּ֑וֹת שְׁנֵי֙ עֶשְׂרֹנִ֔ים יִהְיֶ֖ה הַֽחַלָּ֥ה הָאֶחָֽת׃
	(4Q24 frg. 20 ii+22-25,10) ולקחת סלת ואפ]ית את[ה ]ש֯[תים עשרה חלות שני עש]רונ֯[י]ם יהיה (4Q24 frg. 20 ii+22-25,11) [החלה האחת (Lev SP 24,5) ולקחת סלת ואפית אתה שתים עשרה חלות שני עשרנים יהיה החלה האחת
6	וְשַׂמְתָּ֥ אוֹתָ֛ם שְׁתַּ֥יִם מַֽעֲרָכ֖וֹת שֵׁ֣שׁ הַֽמַּעֲרָ֑כֶת עַ֛ל הַשֻּׁלְחָ֥ן הַטָּהֹ֖ר לִפְנֵ֥י יְהוָֽה׃
	(4Q24 frg. 20 ii+22-25,11) ושמת אותם שתים ]מערכות ש֯[ש המערכת על השלחן הט]ה֯ר֯ לפני יהוה (Lev SP 24,6) ושמת אתם שתי מערכות שש המערכת על השלחן הטהור לפני יהוה
7	וְנָתַתָּ֥ עַל־ הַֽמַּעֲרֶ֖כֶת לְבֹנָ֣ה זַכָּ֑ה וְהָיְתָ֤ה לַלֶּ֙חֶם֙ לְאַזְכָּרָ֔ה אִשֶּׁ֖ה לַֽיהוָֽה׃
	(11QTa 8,10) והיתה ה]לבונה הזאות ללחם לאזכ֯ר֯ה֯ (4Q24 frg. 20 ii+22-25,12) [ונתת על המערכת לבונה זכה והי]ת֯ה ללחם ל֯[אזכרה אשה ליהוה (Lev SP 24,7) ונתתה על המערכת לבונה זכה והיתה ללחם לאזכרה אשה ליהוה
8	בְּי֨וֹם הַשַּׁבָּ֜ת בְּי֣וֹם הַשַּׁבָּ֗ת יַֽעַרְכֶ֛נּוּ לִפְנֵ֥י יְהוָ֖ה תָּמִ֑יד מֵאֵ֥ת בְּנֵֽי־ יִשְׂרָאֵ֖ל בְּרִ֥ית עוֹלָֽם׃
	(4Q24 frg. 20 ii+22-25,12) ביום השב]ת ביום השבת (4Q24 frg. 20 ii+22-25,13) [יערכנו לפני יהוה תמיד מאת בני ]ישראל [ברית עולם (Lev SP 24,8) ביום השבת ביום השבת יעריכנו לפני יהוה תמיד מאת בני ישראל ברית עולם
9	וְהָֽיְתָה֙ לְאַהֲרֹ֣ן וּלְבָנָ֔יו וַאֲכָלֻ֖הוּ בְּמָק֣וֹם קָדֹ֑שׁ כִּ֡י קֹדֶשׁ֩ קֽ͏ָדָשִׁ֨ים ה֥וּא ל֛וֹ מֵאִשֵּׁ֥י יְהוָ֖ה חָק־ עוֹלָֽם׃ ס
	(4Q24 frg. 20 ii+22-25,13) והיתה לאהרן ולבניו ו]אכלהו (4Q24 frg. 20 ii+22-25,14) [במ]ק[ום קדש כי קדש קדשים הוא לו מאשי יהוה חק עולם ] (11Q1 3,1) ]והי[תה לאהרנ ולבניו ו]א[כל] (11Q1 3,2) הובמקומ קדוש כי קדש קדשימ הוא לו מאשי (11Q1 3,2-3) יהו|ה (11Q1 3,3) חק עולמ ו (Lev SP 24,9) והיתה לאהרן ולבניו ואכלוה במקום קדוש כי קדש קדשים היא לו מאשי יהוה חק עולם *
10	וַיֵּצֵא֙ בֶּן־ אִשָּׁ֣ה יִשְׂרְאֵלִ֔ית וְהוּא֙ בֶּן־ אִ֣ישׁ מִצְרִ֔י בְּת֖וֹךְ בְּנֵ֣י יִשְׂרָאֵ֑ל וַיִּנָּצוּ֙ בַּֽמַּחֲנֶ֔ה בֶּ֚ן הַיִּשְׁרְאֵלִ֔ית וְאִ֖ישׁ הַיִּשְׂרְאֵלִֽי׃
	(4Q24 frg. 20 ii+22-25,15) ויצא בן֯[ אשה ישראלית והוא בן איש מצרי בתוך בני ישראל וינצו במחנה בן הישראלית] (4Q24 frg. 20 ii+22-25,16) והאיש הי֯[שראלי (11Q1 3,4) יצאבנ אשה ישראלית והוא בנ איש מצרי בתוכ בני (11Q1 3,5) ראל וינצו במחנה בנ הישראלית והאיש הישראלי (Lev SP 24,10) ויצא בן אשה ישראלית והוא בן איש מצרי בתוך בני ישראל וינצו במחנה בן הישראלית ואיש ישראלי
11	וַ֠יִּקֹּב בֶּן־ הָֽאִשָּׁ֨ה הַיִּשְׂרְאֵלִ֤ית אֶת־ הַשֵּׁם֙ וַיְקַלֵּ֔ל וַיָּבִ֥יאוּ אֹת֖וֹ אֶל־ מֹשֶׁ֑ה וְשֵׁ֥ם אִמּ֛וֹ שְׁלֹמִ֥ית בַּת־ דִּבְרִ֖י לְמַטֵּה־ דָֽן׃
	(4Q23 frg. 20,1) [אל ]משה וש[ם אמו שלמית בת דברי למטה דן (4Q24 frg. 20 ii+22-25,16) ויקב בן האשה הישראלית את השם ויקלל ויביאו אתו אל משה ושם אמו] (4Q24 frg. 20 ii+22-25,17) שלמ֯ית בת דב֯[רי למט]ה֯ דן (11Q1 3,5) ויקב (11Q1 3,6) נ האשה הישראלית את השמ ויקלל ויביאו אתו (11Q1 3,7) ל משה ושמ אמו שלמית בת דברי למטה דנ (Lev SP 24,11) ויקב בן האשה הישראלית את השם ויקלל ויביאו אתו אל משה ושם אמו שלומית בת דברי למטה דן
12	וַיַּנִּיחֻ֖הוּ בַּמִּשְׁמָ֑ר לִפְרֹ֥שׁ לָהֶ֖ם עַל־ פִּ֥י יְהוָֽה׃ פ
	(4Q23 frg. 20,1) ויניחהו במשמר לפרש להם] (4Q23 frg. 20,2) על פי יהוה[ ] (4Q24 frg. 20 ii+22-25,17) ו֯[יניחהו במשמר לפרש להם על פי יהוה ] (11Q1 3,7) ויניחו (11Q1 3,8) תו במשמר לפרש להמ על פי[ יהוה ו ] (Lev SP 24,12) ויניחהו במשמר לפרש להם על פי יהוה *
13	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(4Q24 frg. 20 ii+22-25,18) וידבר יהוה א֯ל מש֯ה֯ לאמר֯[ (11Q1 3,9) ידבר[]יהוה אל משה לאמר[ (Lev SP 24,13) וידבר יהוה אל משה לאמר
14	הוֹצֵ֣א אֶת־ הַֽמְקַלֵּ֗ל אֶל־ מִחוּץ֙ לַֽמַּחֲנֶ֔ה וְסָמְכ֧וּ כָֽל־ הַשֹּׁמְעִ֛ים אֶת־ יְדֵיהֶ֖ם עַל־ רֹאשׁ֑וֹ וְרָגְמ֥וּ אֹת֖וֹ כָּל־ הָעֵדָֽה׃
	(4Q24 frg. 20 ii+22-25,18) הוצא את המקלל אל מחוץ למחנה וסמכו כל השמעים את ידיהם] (4Q24 frg. 20 ii+22-25,19) על ראשו ור֯ג֯מ֯[ו אתו ]כ[ל העדה (11Q1 3,9) הוצא א]ת המקלל אל מחוצ (Lev SP 24,14) הוציא את המקלל אל מחוץ למחנה וסמכו כל השמעים את ידיהם על ראשו ורגמו אתו כל העדה
15	וְאֶל־ בְּנֵ֥י יִשְׂרָאֵ֖ל תְּדַבֵּ֣ר לֵאמֹ֑ר אִ֥ישׁ אִ֛ישׁ כִּֽי־ יְקַלֵּ֥ל אֱלֹהָ֖יו וְנָשָׂ֥א חֶטְאֽוֹ׃
	(4Q24 frg. 20 ii+22-25,19) ואל בני ישראל תדבר לאמר איש איש כי יקלל אלהיו ונשא חטאו ] (Lev SP 24,15) ואל בני ישראל תדבר לאמר איש איש כי יקלל אלהיו ונשא חטאו
16	וְנֹקֵ֤ב שֵׁם־ יְהוָה֙ מ֣וֹת יוּמָ֔ת רָג֥וֹם יִרְגְּמוּ־ ב֖וֹ כָּל־ הָעֵדָ֑ה כַּגֵּר֙ כָּֽאֶזְרָ֔ח בְּנָקְבוֹ־ שֵׁ֖ם יוּמָֽת׃
	(4Q24 frg. 20 ii+22-25,20) ונקב֯ ש֯ם֯ י֯ה֯ו֯ה֯ מו֯ת֯ י֯[ו]מ֯ת֯[ רגום ירגמו בו כל העדה כגר כאזרח בנקבו שם יומת (XLeviticus frg. 2 ii,1) כג[ר כאזרח בנקבו שם יומת (Lev SP 24,16) ונקב שם יהוה מות יומת רגם ירגמו בו כל העדה כגר כאזרח בנקבו השם יומת
17	וְאִ֕ישׁ כִּ֥י יַכֶּ֖ה כָּל־ נֶ֣פֶשׁ אָדָ֑ם מ֖וֹת יוּמָֽת׃
	(4Q24 frg. 20 ii+22-25,20) ואיש כי] (4Q24 frg. 20 ii+22-25,21) יכה [כל נפ]ש֯ א֯ד֯ם֯[ מו]ת֯[ יו]מ֯ת֯[ (XLeviticus frg. 2 ii,1) ואיש] (XLeviticus frg. 2 ii,2) כי יכ[ה כל נפש אדם מות יומת] (Lev SP 24,17) ואיש כי יכה כל נפש אדם מות יומת
18	וּמַכֵּ֥ה נֶֽפֶשׁ־ בְּהֵמָ֖ה יְשַׁלְּמֶ֑נָּה נֶ֖פֶשׁ תַּ֥חַת נָֽפֶשׁ׃
	(4Q24 frg. 20 ii+22-25,21) ומכה נפש בהמה ישלמנה נפש תחת נפש (XLeviticus frg. 2 ii,3) ומכה נ֯[פש בהמה ישלמנה נפש] (XLeviticus frg. 2 ii,4) תח֯[ת נפש ] (Lev SP 24,18) ומכה נפש בהמה ישלמנה נפש תחת נפש
19	וְאִ֕ישׁ כִּֽי־ יִתֵּ֥ן מ֖וּם בַּעֲמִית֑וֹ כַּאֲשֶׁ֣ר עָשָׂ֔ה כֵּ֖ן יֵעָ֥שֶׂה לּֽוֹ׃
	(4Q24 frg. 20 ii+22-25,21) ואיש כי יתן] (4Q24 frg. 20 ii+22-25,22) מום בעמ֯י֯ת֯ו֯ כאשר עש֯ה֯[ כן יעשה לו (Lev SP 24,19) ואיש כי יתן מום בעמיתו כאשר עשה כן יעשה לו
20	שֶׁ֚בֶר תַּ֣חַת שֶׁ֔בֶר עַ֚יִן תַּ֣חַת עַ֔יִן שֵׁ֖ן תַּ֣חַת שֵׁ֑ן כַּאֲשֶׁ֨ר יִתֵּ֥ן מוּם֙ בָּֽאָדָ֔ם כֵּ֖ן יִנָּ֥תֶן בּֽוֹ׃
	(4Q366 frg. 2,1) [שן תחת שן כאשר י]ת֯ן [מום באדם כן ינתן בו (4Q24 frg. 20 ii+22-25,22) שבר תחת שבר עין תחת עין שן תחת שן כאשר] (4Q24 frg. 20 ii+22-25,23) יתן מום באדם [כן ינתן בו (Lev SP 24,20) שבר תחת שבר עין תחת עין שן תחת שן כאשר יתן מום באדם כן ינתן בו
21	וּמַכֵּ֥ה בְהֵמָ֖ה יְשַׁלְּמֶ֑נָּה וּמַכֵּ֥ה אָדָ֖ם יוּמָֽת׃
	(4Q366 frg. 2,1) ומכה בהמה ישלמנה ומכה] (4Q366 frg. 2,2) [אדם יומת (4Q24 frg. 20 ii+22-25,23) ומכה בהמה ישלמנה] (4Q24 frg. 20 ii+22-25,24) ומכה אדם יו֯[מת (Lev SP 24,21) ומכה בהמה ישלמנה ומכה אדם יומת
22	מִשְׁפַּ֤ט אֶחָד֙ יִהְיֶ֣ה לָכֶ֔ם כַּגֵּ֥ר כָּאֶזְרָ֖ח יִהְיֶ֑ה כִּ֛י אֲנִ֥י יְהוָ֖ה אֱלֹהֵיכֶֽם׃
	(4Q366 frg. 2,2) משפ]ט אחד יהיה ל֯כ֯ם֯[ כגר כאזרח יהיה כי אני יהוה] (4Q366 frg. 2,3) [אלהיכם ] _____ [ ] (4Q24 frg. 20 ii+22-25,24) משפט אחד יהיה לכם כגר כאזרח יהיה כי אני יהוה אלהיכם ] (Lev SP 24,22) משפט אחד יהיה לכם כגר כאזרח יהיה כי אני יהוה אלהיכם
23	וַיְדַבֵּ֣ר מֹשֶׁה֮ אֶל־ בְּנֵ֣י יִשְׂרָאֵל֒ וַיּוֹצִ֣יאוּ אֶת־ הַֽמְקַלֵּ֗ל אֶל־ מִחוּץ֙ לַֽמַּחֲנֶ֔ה וַיִּרְגְּמ֥וּ אֹת֖וֹ אָ֑בֶן וּבְנֵֽי־ יִשְׂרָאֵ֣ל עָשׂ֔וּ כּֽ͏ַאֲשֶׁ֛ר צִוָּ֥ה יְהוָ֖ה אֶת־ מֹשֶֽׁה׃ פ
	(4Q24 frg. 20 ii+22-25,25) וידבר משה [אל בני ישראל ויוציאו את המקלל אל מחוץ למחנה וירגמו אתו אבן ובני] (4Q24 frg. 20 ii+22-25,26) יש֯[ראל עשו כאשר צוה יהוה את משה ] (Lev SP 24,23) וידבר משה אל בני ישראל ויוציאו את המקלל אל מחוץ למחנה וירגמו אתו אבן ובני ישראל עשו כאשר צוה יהוה את משה *

25
1	וַיְדַבֵּ֤ר יְהוָה֙ אֶל־ מֹשֶׁ֔ה בְּהַ֥ר סִינַ֖י לֵאמֹֽר׃
	(Lev SP 25,1) וידבר יהוה אל משה בהר סיני לאמר
2	דַּבֵּ֞ר אֶל־ בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם כִּ֤י תָבֹ֙אוּ֙ אֶל־ הָאָ֔רֶץ אֲשֶׁ֥ר אֲנִ֖י נֹתֵ֣ן לָכֶ֑ם וְשָׁבְתָ֣ה הָאָ֔רֶץ שַׁבָּ֖ת לַיהוָֽה׃
	(Lev SP 25,2) דבר אל בני ישראל ואמרת אליהם כי תבאו אל הארץ אשר אני נתן לכם ושבתה הארץ שבת ליהוה
3	שֵׁ֤שׁ שָׁנִים֙ תִּזְרַ֣ע שָׂדֶ֔ךָ וְשֵׁ֥שׁ שָׁנִ֖ים תִּזְמֹ֣ר כַּרְמֶ֑ךָ וְאָסַפְתָּ֖ אֶת־ תְּבוּאָתָֽהּ׃
	(Lev SP 25,3) שש שנים תזרע שדך ושש שנים תזמר כרמך ואספת את תבואתה
4	וּבַשָּׁנָ֣ה הַשְּׁבִיעִ֗ת שַׁבַּ֤ת שַׁבָּתוֹן֙ יִהְיֶ֣ה לָאָ֔רֶץ שַׁבָּ֖ת לַיהוָ֑ה שָֽׂדְךָ֙ לֹ֣א תִזְרָ֔ע וְכַרְמְךָ֖ לֹ֥א תִזְמֹֽר׃
	(Lev SP 25,4) ובשנה השביעית שבת שבתון יהיה לארץ שבת ליהוה שדך לא תזרע וכרמך לא תזמר
5	אֵ֣ת סְפִ֤יחַ קְצִֽירְךָ֙ לֹ֣א תִקְצ֔וֹר וְאֶת־ עִנְּבֵ֥י נְזִירֶ֖ךָ לֹ֣א תִבְצֹ֑ר שְׁנַ֥ת שַׁבָּת֖וֹן יִהְיֶ֥ה לָאָֽרֶץ׃
	(Lev SP 25,5) ואת ספיחי קציריך לא תקצר ואת ענבי נזיריך לא תבצר שנת שבתון יהיה לארץ
6	וְ֠הָיְתָה שַׁבַּ֨ת הָאָ֤רֶץ לָכֶם֙ לְאָכְלָ֔ה לְךָ֖ וּלְעַבְדְּךָ֣ וְלַאֲמָתֶ֑ךָ וְלִשְׂכִֽירְךָ֙ וּלְתוֹשָׁ֣בְךָ֔ הַגָּרִ֖ים עִמָּֽךְ׃
	(Lev SP 25,6) והיתה שבת הארץ לכם לאכלה לך ולעבדיך ולאמתיך ולשכיריך ולתושביך הגרים עמך
7	וְלִ֨בְהֶמְתְּךָ֔ וְלַֽחַיָּ֖ה אֲשֶׁ֣ר בְּאַרְצֶ֑ךָ תִּהְיֶ֥ה כָל־ תְּבוּאָתָ֖הּ לֶאֱכֹֽל׃ ס
	(Lev SP 25,7) ולבהמתך ולחיה אשר בארצך תהיה כל תבואתה לאכל *
8	וְסָפַרְתָּ֣ לְךָ֗ שֶׁ֚בַע שַׁבְּתֹ֣ת שָׁנִ֔ים שֶׁ֥בַע שָׁנִ֖ים שֶׁ֣בַע פְּעָמִ֑ים וְהָי֣וּ לְךָ֗ יְמֵי֙ שֶׁ֚בַע שַׁבְּתֹ֣ת הַשָּׁנִ֔ים תֵּ֥שַׁע וְאַרְבָּעִ֖ים שָׁנָֽה׃
	(Lev SP 25,8) וספרת לך שבע שבתות שנים שבע שנים שבע פעמים והיו לך ימי שבע שבתות השנים תשע וארבעים שנה
9	וְהֽ͏ַעֲבַרְתָּ֞ שׁוֹפַ֤ר תְּרוּעָה֙ בַּחֹ֣דֶשׁ הַשְּׁבִעִ֔י בֶּעָשׂ֖וֹר לַחֹ֑דֶשׁ בְּיוֹם֙ הַכִּפֻּרִ֔ים תַּעֲבִ֥ירוּ שׁוֹפָ֖ר בְּכָל־ אַרְצְכֶֽם׃
	… (11Q13 2,25) והעברתמה שו[פר ב]כול֯ [א]רץ (Lev SP 25,9) והעברת שופר תרועה בחדש השביעי בעשור לחדש ביום הכפורים תעבירו שופר בכל ארצכם
10	וְקִדַּשְׁתֶּ֗ם אֵ֣ת שְׁנַ֤ת הַחֲמִשִּׁים֙ שָׁנָ֔ה וּקְרָאתֶ֥ם דְּר֛וֹר בָּאָ֖רֶץ לְכָל־ יֹשְׁבֶ֑יהָ יוֹבֵ֥ל הִוא֙ תִּהְיֶ֣ה לָכֶ֔ם וְשַׁבְתֶּ֗ם אִ֚ישׁ אֶל־ אֲחֻזָּת֔וֹ וְאִ֥ישׁ אֶל־ מִשְׁפַּחְתּ֖וֹ תָּשֻֽׁבוּ׃
	(Lev SP 25,10) וקדשתם את שנת החמשים שנה וקראתם דרור בארץ לכל יושביה יובל הוא תהיה לכם ושבתם איש אל אחזתו ואיש אל משפחתו תשובו
11	יוֹבֵ֣ל הִ֗וא שְׁנַ֛ת הַחֲמִשִּׁ֥ים שָׁנָ֖ה תִּהְיֶ֣ה לָכֶ֑ם לֹ֣א תִזְרָ֔עוּ וְלֹ֤א תִקְצְרוּ֙ אֶת־ סְפִיחֶ֔יהָ וְלֹ֥א תִבְצְר֖וּ אֶת־ נְזִרֶֽיהָ׃
	(Lev SP 25,11) יובל הוא שנת החמשים שנה תהיה לכם לא תזרעו ולא תקצרו את ספיחיה ולא תבצרו את נזיריה
12	כִּ֚י יוֹבֵ֣ל הִ֔וא קֹ֖דֶשׁ תִּהְיֶ֣ה לָכֶ֑ם מִן־ הַ֨שָּׂדֶ֔ה תֹּאכְל֖וּ אֶת־ תְּבוּאָתָֽהּ׃
	(Lev SP 25,12) כי יובל הוא קדש תהיה לכם מן השדה תאכלו את תבואתה
13	בִּשְׁנַ֥ת הַיּוֹבֵ֖ל הַזֹּ֑את תָּשֻׁ֕בוּ אִ֖ישׁ אֶל־ אֲחֻזָּתֽוֹ׃
	(11Q13 2,2) בשנת היובל [הזואת תשובו איש אל אחוזתו ועליו אמר וז]ה (Lev SP 25,13) ובשנת היובל הזאת תשובו איש אל אחזתו *
14	וְכִֽי־ תִמְכְּר֤וּ מִמְכָּר֙ לַעֲמִיתֶ֔ךָ א֥וֹ קָנֹ֖ה מִיַּ֣ד עֲמִיתֶ֑ךָ אַל־ תּוֹנ֖וּ אִ֥ישׁ אֶת־ אָחִֽיו׃
	(Lev SP 25,14) וכי תמכר ממכר לעמיתך או קנה מיד עמיתך אל תונו איש את אחיו
15	בְּמִסְפַּ֤ר שָׁנִים֙ אַחַ֣ר הַיּוֹבֵ֔ל תִּקְנֶ֖ה מֵאֵ֣ת עֲמִיתֶ֑ךָ בְּמִסְפַּ֥ר שְׁנֵֽי־ תְבוּאֹ֖ת יִמְכָּר־ לָֽךְ׃
	(Lev SP 25,15) במספר שנים אחר היובל תקנה מאת עמיתך במספר שני תבואת ימכר לך
16	לְפִ֣י ׀ רֹ֣ב הַשָּׁנִ֗ים תַּרְבֶּה֙ מִקְנָת֔וֹ וּלְפִי֙ מְעֹ֣ט הַשָּׁנִ֔ים תַּמְעִ֖יט מִקְנָת֑וֹ כִּ֚י מִסְפַּ֣ר תְּבוּאֹ֔ת ה֥וּא מֹכֵ֖ר לָֽךְ׃
	(Lev SP 25,16) לפי רב השנים תרבה מקנתו ולפי מעט השנים תמעיט מקנתו כי מספר תבואת הוא מכר לך
17	וְלֹ֤א תוֹנוּ֙ אִ֣ישׁ אֶת־ עֲמִית֔וֹ וְיָרֵ֖אתָ מֵֽאֱלֹהֶ֑יךָ כִּ֛י אֲנִ֥י יְהֹוָ֖ה אֱלֹהֵיכֶֽם׃
	(Lev SP 25,17) ולא תונו איש את עמיתו ויראת מאלהיך כי אני יהוה אלהיכם
18	וַעֲשִׂיתֶם֙ אֶת־ חֻקֹּתַ֔י וְאֶת־ מִשְׁפָּטַ֥י תִּשְׁמְר֖וּ וַעֲשִׂיתֶ֣ם אֹתָ֑ם וִֽישַׁבְתֶּ֥ם עַל־ הָאָ֖רֶץ לָבֶֽטַח׃
	(Lev SP 25,18) ועשיתם את חקתי ואת משפטי תשמרו ועשיתם אתם וישבתם על הארץ לבטח
19	וְנָתְנָ֤ה הָאָ֙רֶץ֙ פִּרְיָ֔הּ וַאֲכַלְתֶּ֖ם לָשֹׂ֑בַע וִֽישַׁבְתֶּ֥ם לָבֶ֖טַח עָלֶֽיהָ׃
	(Lev SP 25,19) ונתנה הארץ פריה ואכלתם לשבע וישבתם לבטח עליה *
20	וְכִ֣י תֹאמְר֔וּ מַה־ נֹּאכַ֤֖ל בַּשָּׁנָ֣ה הַשְּׁבִיעִ֑ת הֵ֚ן לֹ֣א נִזְרָ֔ע וְלֹ֥א נֶאֱסֹ֖ף אֶת־ תְּבוּאָתֵֽנוּ׃
	(Lev SP 25,20) וכי תאמרו מה נאכל בשנה השביעית הן לא נזרע ולא נאסף את תבואתינו
21	וְצִוִּ֤יתִי אֶת־ בִּרְכָתִי֙ לָכֶ֔ם בַּשָּׁנָ֖ה הַשִּׁשִּׁ֑ית וְעָשָׂת֙ אֶת־ הַתְּבוּאָ֔ה לִשְׁלֹ֖שׁ הַשָּׁנִֽים׃
	(Lev SP 25,21) וצויתי את ברכתי לכם בשנה הששית ועשתה את תבואתה לשלש השנים
22	וּזְרַעְתֶּ֗ם אֵ֚ת הַשָּׁנָ֣ה הַשְּׁמִינִ֔ת וַאֲכַלְתֶּ֖ם מִן־ הַתְּבוּאָ֣ה יָשָׁ֑ן עַ֣ד ׀ הַשָּׁנָ֣ה הַתְּשִׁיעִ֗ת עַד־ בּוֹא֙ תְּב֣וּאָתָ֔הּ תֹּאכְל֖וּ יָשָֽׁן׃
	(Lev SP 25,22) וזרעתם את השנה השמינית ואכלתם מן התבואתה ישן עד השנה התשעית עד בא תבואתה תאכלו ישן
23	וְהָאָ֗רֶץ לֹ֤א תִמָּכֵר֙ לִצְמִתֻ֔ת כִּי־ לִ֖י הָאָ֑רֶץ כִּֽי־ גֵרִ֧ים וְתוֹשָׁבִ֛ים אַתֶּ֖ם עִמָּדִֽי׃
	(Lev SP 25,23) והארץ לא תמכר לצמיתת כי לי הארץ כי גרים ותושבים אתם עמדי
24	וּבְכֹ֖ל אֶ֣רֶץ אֲחֻזַּתְכֶ֑ם גְּאֻלָּ֖ה תִּתְּנ֥וּ לָאָֽרֶץ׃ ס
	(Lev SP 25,24) ובכל ארץ אחזתכם גאלה תתנו לארץ *
25	כִּֽי־ יָמ֣וּךְ אָחִ֔יךָ וּמָכַ֖ר מֵאֲחֻזָּת֑וֹ וּבָ֤א גֹֽאֲלוֹ֙ הַקָּרֹ֣ב אֵלָ֔יו וְגָאַ֕ל אֵ֖ת מִמְכַּ֥ר אָחִֽיו׃
	(Lev SP 25,25) וכי ימך אחיך ומכר מאחזתו ובא גאלו הקרוב אליו וגאל את ממכר אחיו
26	וְאִ֕ישׁ כִּ֛י לֹ֥א יִֽהְיֶה־ לּ֖וֹ גֹּאֵ֑ל וְהִשִּׂ֣יגָה יָד֔וֹ וּמָצָ֖א כְּדֵ֥י גְאֻלָּתֽוֹ׃
	(Lev SP 25,26) ואיש כי לא יהיה לו גאל והשיגה ידו ומצא כדי גאלתו
27	וְחִשַּׁב֙ אֶת־ שְׁנֵ֣י מִמְכָּר֔וֹ וְהֵשִׁיב֙ אֶת־ הָ֣עֹדֵ֔ף לָאִ֖ישׁ אֲשֶׁ֣ר מָֽכַר־ ל֑וֹ וְשָׁ֖ב לַאֲחֻזָּתֽוֹ׃
	(Lev SP 25,27) וחשב את שני ממכרו והשיב את העדף לאיש אשר מכר לו ושב לאחזתו
28	וְאִ֨ם לֹֽא־ מֽ͏ָצְאָ֜ה יָד֗וֹ דֵּי֮ הָשִׁ֣יב לוֹ֒ וְהָיָ֣ה מִמְכָּר֗וֹ בְּיַד֙ הַקֹּנֶ֣ה אֹת֔וֹ עַ֖ד שְׁנַ֣ת הַיּוֹבֵ֑ל וְיָצָא֙ בַּיֹּבֵ֔ל וְשָׁ֖ב לַאֲחֻזָּתֽוֹ׃
	(4Q24 frg. 26,1) [ואם לא מצאה ידו די השיב לו והיה ממכרו ביד הקנה אתו ]עד שנת ה֯[יובל ויצא] (4Q24 frg. 26,2) [ביבל ושב לאחזתו (11Q1 4,1) היה [ממכרו ]בי[ד הק]נה[ אתו] עד שנ[ת היובל ]ויצ[א ]ביוב[ל וש]ב לאח[זתו ] (Lev SP 25,28) ואם לא מצא ידו די השיב לו והיה ממכרו ביד הקנה אתו עד שנת היובל ויצא ביובל ושב לאחזתו *
29	וְאִ֗ישׁ כִּֽי־ יִמְכֹּ֤ר בֵּית־ מוֹשַׁב֙ עִ֣יר חוֹמָ֔ה וְהָיְתָה֙ גְּאֻלָּת֔וֹ עַד־ תֹּ֖ם שְׁנַ֣ת מִמְכָּר֑וֹ יָמִ֖ים תִּהְיֶ֥ה גְאֻלָּתֽוֹ׃
	(4Q24 frg. 26,2) ואיש כי ימכר בית מושב עיר חומה והית]ה גאלתו עד[ תם שנת] (11Q1 4,2) ואיש כי ימכר בית מושב עיר חומה והיתה גאלתו עד תמ שנת ממכרו ימימ (11Q1 4,3) תהיה גאלתו (Lev SP 25,29) ואיש כי ימכר בית מושב עיר חומה והיתה גאלתו עד תם שנת ממכרו ימים תהיה גאלתו
30	וְאִ֣ם לֹֽא־ יִגָּאֵ֗ל עַד־ מְלֹ֣את לוֹ֮ שָׁנָ֣ה תְמִימָה֒ וְ֠קָם הַבַּ֨יִת אֲשֶׁר־ בָּעִ֜יר אֲשֶׁר־ לא (ל֣וֹ) חֹמָ֗ה לַצְּמִיתֻ֛ת לַקֹּנֶ֥ה אֹת֖וֹ לְדֹרֹתָ֑יו לֹ֥א יֵצֵ֖א בַּיֹּבֵֽל׃
	(11Q1 4,3) ואמ לא יגאל עד מלאות לו שנה תמימה וקמ הבית אשר בעיר לו (11Q1 4,4) ומה לצמיתות לקנה אתו לדרתיו לא יצא ביובל (Lev SP 25,30) ואם לא יגאל עד מלאת לו שנה תמימה וקם הבית אשר בעיר אשר לו חומה לצמיתת לקנה אתו לדרתיו לא יצא ביובל
31	וּבָתֵּ֣י הַחֲצֵרִ֗ים אֲשֶׁ֨ר אֵין־ לָהֶ֤ם חֹמָה֙ סָבִ֔יב עַל־ שְׂדֵ֥ה הָאָ֖רֶץ יֵחָשֵׁ֑ב גְּאֻלָּה֙ תִּהְיֶה־ לּ֔וֹ וּבַיֹּבֵ֖ל יֵצֵֽא׃
	(11Q1 4,4) ובתי החצרימ אשר אינ לה (11Q1 4,5) חומה סביב על שדה הארצ יחשבו גאלה תהיה לו ביובל יצא (11Q2 frg. 7,1) גאלה ת]ה֯[יה ]לו ובי֯ו֯[בל יצא (Lev SP 25,31) ובתי החצרים אשר אין להם חומה סביב על שדה הארץ יחשבו גאלה תהיה לו וביובל יצא
32	וְעָרֵי֙ הַלְוִיִּ֔ם בָּתֵּ֖י עָרֵ֣י אֲחֻזָּתָ֑ם גְּאֻלַּ֥ת עוֹלָ֖ם תִּהְיֶ֥ה לַלְוִיִּֽם׃
	(11Q1 4,5) וערי הלוימ (11Q1 4,6) בתי ערי אזתמ גאלת עולמ תהיה ללוימ (11Q2 frg. 7,1) וערי הלויים בתי] (11Q2 frg. 7,2) [ערי אחוזת]ם֯ גאולת עולם ת[היה ללויים (Lev SP 25,32) וערי הלוים בתי ערי אחזתם גאלת עולם תהיה ללוים
33	וַאֲשֶׁ֤ר יִגְאַל֙ מִן־ הַלְוִיִּ֔ם וְיָצָ֧א מִמְכַּר־ בַּ֛יִת וְעִ֥יר אֲחֻזָּת֖וֹ בַּיֹּבֵ֑ל כִּ֣י בָתֵּ֞י עָרֵ֣י הַלְוִיִּ֗ם הִ֚וא אֲחֻזָּתָ֔ם בְּת֖וֹךְ בְּנֵ֥י יִשְׂרָאֵֽל׃
	(11Q1 4,6) ואשר יגאל מנ הלוימ ויצא ממכר בית ועי|ר (11Q1 4,7) () אחזתו ביובל כי בתי ערי הלוימ היא (הוא) אחזתמ בתוכ בני ישראל (11Q2 frg. 7,2) ואשר יגאל] (11Q2 frg. 7,3) [מן הלויים וי]צא ממכר ביתו ע֯[יר אחוזתו ביובל כיא] (11Q2 frg. 7,4) [בתי ערי ה]ל֯[ויים היא אחוזתם בתוך בני ישראל ] (Lev SP 25,33) ואשר יגאל מן הלוים ויצא ממכר בית ועיר אחזתו ביובל כי בתי ערי הלוים היא אחזתם בתוך בני ישראל
34	וּֽשְׂדֵ֛ה מִגְרַ֥שׁ עָרֵיהֶ֖ם לֹ֣א יִמָּכֵ֑ר כִּֽי־ אֲחֻזַּ֥ת עוֹלָ֛ם ה֖וּא לָהֶֽם׃ ס
	(11Q1 4,7) ושדה מגש ערי|המ (11Q1 4,8) () לא ימכר כי אחזת עולמ היא להמ (Lev SP 25,34) ושדה מגרש עריהם לא ימכרו כי אחזת עולם היא להם *
35	וְכִֽי־ יָמ֣וּךְ אָחִ֔יךָ וּמָ֥טָה יָד֖וֹ עִמָּ֑ךְ וְהֶֽחֱזַ֣קְתָּ בּ֔וֹ גֵּ֧ר וְתוֹשָׁ֛ב וָחַ֖י עִמָּֽךְ׃
	(11Q1 4,8) וכי ימוכ אחיכ ומטה ידו עמכ והחז|קת (11Q1 4,9) () בו גר ותושב וחי עמכ (Lev SP 25,35) וכי ימך אחיך ומטה ידו עמך וחזקת בו גר ותושב וחי אחיך עמך
36	אַל־ תִּקַּ֤ח מֵֽאִתּוֹ֙ נֶ֣שֶׁךְ וְתַרְבִּ֔ית וְיָרֵ֖אתָ מֽ͏ֵאֱלֹהֶ֑יךָ וְחֵ֥י אָחִ֖יךָ עִמָּֽךְ׃
	(11Q1 4,9) אל תקח מאתו נשכ ותרבית וירת מאלהיכ וחי אחיכ עמכ (Lev SP 25,36) אל תקח מאתו נשך ותרבית ויראת מאלהיך וחי אחיך עמך
37	אֶ֨ת־ כַּסְפְּךָ֔ לֹֽא־ תִתֵּ֥ן ל֖וֹ בְּנֶ֑שֶׁךְ וּבְמַרְבִּ֖ית לֹא־ תִתֵּ֥ן אָכְלֶֽךָ׃
	(Lev SP 25,37) את כספך לא תתן לו בנשך ובתרבית לא תתן אכלך
38	אֲנִ֗י יְהוָה֙ אֱלֹ֣הֵיכֶ֔ם אֲשֶׁר־ הוֹצֵ֥אתִי אֶתְכֶ֖ם מֵאֶ֣רֶץ מִצְרָ֑יִם לָתֵ֤ת לָכֶם֙ אֶת־ אֶ֣רֶץ כְּנַ֔עַן לִהְי֥וֹת לָכֶ֖ם לֵאלֹהִֽים׃ ס
	(Lev SP 25,38) אני יהוה אלהיכם אשר הוצאתי אתכם מארץ מצרים לתת לכם את ארץ כנען להיות לכם לאלהים *
39	וְכִֽי־ יָמ֥וּךְ אָחִ֛יךָ עִמָּ֖ךְ וְנִמְכַּר־ לָ֑ךְ לֹא־ תַעֲבֹ֥ד בּ֖וֹ עֲבֹ֥דַת עָֽבֶד׃
	(4Q366 frg. 2,4) [וכי ימוך ]א֯חיך עמך ונמכר לך לא ת[עבד בו עבדת עבד (Lev SP 25,39) וכי ימך אחיך עמך ונמכר לך לא תעבד בו עבדת עבד
40	כְּשָׂכִ֥יר כְּתוֹשָׁ֖ב יִהְיֶ֣ה עִמָּ֑ךְ עַד־ שְׁנַ֥ת הַיֹּבֵ֖ל יַעֲבֹ֥ד עִמָּֽךְ׃
	(4Q366 frg. 2,4) כשכיר כתושב] (4Q366 frg. 2,5) [יהי]ה֯ עמך עד שנת היובל יעבד עמ[ך (Lev SP 25,40) כשכיר כתושב יהיה עמך עד שנת היובל יעבד עמך
41	וְיָצָא֙ מֵֽעִמָּ֔ךְ ה֖וּא וּבָנָ֣יו עִמּ֑וֹ וְשָׁב֙ אֶל־ מִשְׁפַּחְתּ֔וֹ וְאֶל־ אֲחֻזַּ֥ת אֲבֹתָ֖יו יָשֽׁוּב׃
	(4Q366 frg. 2,5) ויצא מעמך הוא ובניו עמו] (4Q366 frg. 2,6) [ושב ]אל אחזתו ואל משפחתו ואל א[חזת אבתיו ישוב (Lev SP 25,41) ויצא מעמך הוא ובניו עמו ושב אל משפחתו ואל אחזת אבותיו ישוב
42	כִּֽי־ עֲבָדַ֣י הֵ֔ם אֲשֶׁר־ הוֹצֵ֥אתִי אֹתָ֖ם מֵאֶ֣רֶץ מִצְרָ֑יִם לֹ֥א יִמָּכְר֖וּ מִמְכֶּ֥רֶת עָֽבֶד׃
	(4Q366 frg. 2,6) כי עבדי] (4Q366 frg. 2,7) [הם אשר הו]צ֯אתי אותם מארץ מצ[רים לא ימכרו ממכרת עבד (Lev SP 25,42) כי עבדי הם אשר הוצאתי אתם מארץ מצרים לא ימכרו ממכרת עבד
43	לֹא־ תִרְדֶּ֥ה ב֖וֹ בְּפָ֑רֶךְ וְיָרֵ֖אתָ מֵאֱלֹהֶֽיךָ׃
	(4Q366 frg. 2,7) לא תרדה] (4Q366 frg. 2,8) [בו בפרך ויראת מא]ל[היך --] (Lev SP 25,43) לא תרדה בו בפרך ויראת מאלהיך
44	וְעַבְדְּךָ֥ וַאֲמָתְךָ֖ אֲשֶׁ֣ר יִהְיוּ־ לָ֑ךְ מֵאֵ֣ת הַגּוֹיִ֗ם אֲשֶׁר֙ סְבִיבֹ֣תֵיכֶ֔ם מֵהֶ֥ם תִּקְנ֖וּ עֶ֥בֶד וְאָמָֽה׃
	(Lev SP 25,44) ועבדיך ואמתיך אשר יהיו לך מאת הגוים אשר סביבתיכם מהם תקנהו עבד ואמה
45	וְ֠גַם מִבְּנֵ֨י הַתּוֹשָׁבִ֜ים הַגָּרִ֤ים עִמָּכֶם֙ מֵהֶ֣ם תִּקְנ֔וּ וּמִמִּשְׁפַּחְתָּם֙ אֲשֶׁ֣ר עִמָּכֶ֔ם אֲשֶׁ֥ר הוֹלִ֖ידוּ בְּאַרְצְכֶ֑ם וְהָי֥וּ לָכֶ֖ם לֽ͏ַאֲחֻזָּֽה׃
	(4Q24 frg. 27-28,1) [מבני התושבים הגרי]ם֯ עמכם מה֯[ם תקנו וממשפחתם אשר עמכם אשר הולידו בארצכם] (4Q24 frg. 27-28,2) [והיו לכם לאחז]ה (Lev SP 25,45) וגם מבני התושבים הגרים עמכם מהם תקנהו וממשפחתם אשר עמכם אשר הולדו בארצכם והיו לכם לאחזה
46	וְהִתְנַחֲלְתֶּ֨ם אֹתָ֜ם לִבְנֵיכֶ֤ם אַחֲרֵיכֶם֙ לָרֶ֣שֶׁת אֲחֻזָּ֔ה לְעֹלָ֖ם בָּהֶ֣ם תַּעֲבֹ֑דוּ וּבְאַ֨חֵיכֶ֤ם בְּנֵֽי־ יִשְׂרָאֵל֙ אִ֣ישׁ בְּאָחִ֔יו לֹא־ תִרְדֶּ֥ה ב֖וֹ בְּפָֽרֶךְ׃ ס
	(4Q24 frg. 27-28,2) והנחלתם א[תם לבניכם אחריכם לרשת אחזה לעלם בהם תעבדו] ]○○ן ○○[ (4Q24 frg. 27-28,3) [ובאחיכם בני י]ש֯ראל איש באחי֯[ו לא תרדה בו בפרך (Lev SP 25,46) והתנחלתם אתם לבניכם אחריכם לרשת אחזה לעולם בהם תעבידו ובאחיכם בני ישראל איש באחיו לא תרדה בו בפרך *
47	וְכִ֣י תַשִּׂ֗יג יַ֣ד גֵּ֤ר וְתוֹשָׁב֙ עִמָּ֔ךְ וּמָ֥ךְ אָחִ֖יךָ עִמּ֑וֹ וְנִמְכַּ֗ר לְגֵ֤ר תּוֹשָׁב֙ עִמָּ֔ךְ א֥וֹ לְעֵ֖קֶר מִשְׁפַּ֥חַת גֵּֽר׃
	(4Q24 frg. 27-28,3) וכי תשיג יד גר ותושב עמך] ]יו לא ת○[ (4Q24 frg. 27-28,4) [ומך אחיך ע]מו ונמכר לגר תושב עמך֯[ או לעקר משפחת גר (Lev SP 25,47) וכי תשיג יד גר ותושב עמך ומך אחיך עמו ונמכר לגר ולתושב עמך או לעקר משפחת גר
48	אַחֲרֵ֣י נִמְכַּ֔ר גְּאֻלָּ֖ה תִּהְיֶה־ לּ֑וֹ אֶחָ֥ד מֵאֶחָ֖יו יִגְאָלֶֽנּוּ׃
	(4Q24 frg. 27-28,4) אחרי נמכר גאלה תהיה לו] (4Q24 frg. 27-28,5) [אחד מאחיו יגא]לנו (Lev SP 25,48) אחרי נמכר גאלה תהיה לו אחד מאחיו יגאלנו
49	אוֹ־ דֹד֞וֹ א֤וֹ בֶן־ דֹּדוֹ֙ יִגְאָלֶ֔נּוּ אֽוֹ־ מִשְּׁאֵ֧ר בְּשָׂר֛וֹ מִמִּשְׁפַּחְתּ֖וֹ יִגְאָלֶ֑נּוּ אֽוֹ־ הִשִּׂ֥יגָה יָד֖וֹ וְנִגְאָֽל׃
	(4Q24 frg. 27-28,5) או דדו או בן דד֯[ו יגאלנו או משאר בשרו ממשפחתו יגאלנו או השיגה] (4Q24 frg. 27-28,6) [ידו ונגאל (Lev SP 25,49) או דדו או בן דדו יגאלנו או משאר בשרו ממשפחתו יגאלנו או השיגה ידו ונגאל
50	וְחִשַּׁב֙ עִם־ קֹנֵ֔הוּ מִשְּׁנַת֙ הִמָּ֣כְרוֹ ל֔וֹ עַ֖ד שְׁנַ֣ת הַיֹּבֵ֑ל וְהָיָ֞ה כֶּ֤סֶף מִמְכָּרוֹ֙ בְּמִסְפַּ֣ר שָׁנִ֔ים כִּימֵ֥י שָׂכִ֖יר יִהְיֶ֥ה עִמּֽוֹ׃
	(4Q24 frg. 27-28,6) וחשב עם קנהו משנת המכרו לו עד שנת היבל והיה כסף ממכרו במספר שנים] (4Q24 frg. 27-28,7) [כימי שכיר יהיה עמו (Lev SP 25,50) וחשב עם קנהו משנת המכר לו עד שנת היובל והיה כסף ממכרו במספר שנים כימי שכיר יהיה עמו
51	אִם־ ע֥וֹד רַבּ֖וֹת בַּשָּׁנִ֑ים לְפִיהֶן֙ יָשִׁ֣יב גְּאֻלָּת֔וֹ מִכֶּ֖סֶף מִקְנָתֽוֹ׃
	(4Q24 frg. 27-28,7) אם עוד רבות בשנים לפיהן ישיב] גאלתו֯[ מכסף מקנתו (Lev SP 25,51) אם עוד רבות בשנים לפיהן ישיב גאלתו מכסף מקנתו
52	וְאִם־ מְעַ֞ט נִשְׁאַ֧ר בַּשָּׁנִ֛ים עַד־ שְׁנַ֥ת הַיֹּבֵ֖ל וְחִשַּׁב־ ל֑וֹ כְּפִ֣י שָׁנָ֔יו יָשִׁ֖יב אֶת־ גְּאֻלָּתֽוֹ׃
	(4Q24 frg. 27-28,7) ואם מעט] (4Q24 frg. 27-28,8) [נשאר בשנים עד שנת היבל וחשב לו כפי שניו ישי]ב את גא[לתו ] (Lev SP 25,52) ואם מעט נשאר בשנים עד שנת היובל וחשב לו כפי שניו ישיב את גאלתו
53	כִּשְׂכִ֥יר שָׁנָ֛ה בְּשָׁנָ֖ה יִהְיֶ֣ה עִמּ֑וֹ לֹֽא־ יִרְדֶּ֥נּֽוּ בְּפֶ֖רֶךְ לְעֵינֶֽיךָ׃
	(Lev SP 25,53) כשכיר שנה בשנה יהיה עמו לא ירדנו בפרך לעיניך
54	וְאִם־ לֹ֥א יִגָּאֵ֖ל בְּאֵ֑לֶּה וְיָצָא֙ בִּשְׁנַ֣ת הַיֹּבֵ֔ל ה֖וּא וּבָנָ֥יו עִמּֽוֹ׃
	(Lev SP 25,54) ואם לא יגאל באלה ויצא בשנת היובל הוא ובניו עמו
55	כִּֽי־ לִ֤י בְנֵֽי־ יִשְׂרָאֵל֙ עֲבָדִ֔ים עֲבָדַ֣י הֵ֔ם אֲשֶׁר־ הוֹצֵ֥אתִי אוֹתָ֖ם מֵאֶ֣רֶץ מִצְרָ֑יִם אֲנִ֖י יְהוָ֥ה אֱלֹהֵיכֶֽם׃
	(Lev SP 25,55) כי לי בני ישראל עבדים עבדי הם אשר הוצאתי אתם מארץ מצרים אני יהוה אלהיכם

26
1	לֹֽא־ תַעֲשׂ֨וּ לָכֶ֜ם אֱלִילִ֗ם וּפֶ֤סֶל וּמַצֵּבָה֙ לֹֽא־ תָקִ֣ימוּ לָכֶ֔ם וְאֶ֣בֶן מַשְׂכִּ֗ית לֹ֤א תִתְּנוּ֙ בְּאַרְצְכֶ֔ם לְהִֽשְׁתַּחֲוֺ֖ת עָלֶ֑יהָ כִּ֛י אֲנִ֥י יְהוָ֖ה אֱלֹהֵיכֶֽם׃
	… (11QTa 52,2) וא]בן (11QTa 52,3) משכית [לו]א֯ תעשה לכה בכול ארצכה להשתחו[ות] עליה ולוא (Lev SP 26,1) לא תעשו לכם אלילים ופסל ומצבה לא תקימו לכם ואבן משכית לא תתנו בארצכם להשתחות עליה כי אני יהוה אלהיכם
2	אֶת־ שַׁבְּתֹתַ֣י תִּשְׁמֹ֔רוּ וּמִקְדָּשִׁ֖י תִּירָ֑אוּ אֲנִ֖י יְהוָֽה׃ ס
	(Lev SP 26,2) את שבתתי תשמרו ומקדשי תיראו אני יהוה *
3	אִם־ בְּחֻקֹּתַ֖י תֵּלֵ֑כוּ וְאֶת־ מִצְוֺתַ֣י תִּשְׁמְר֔וּ וַעֲשִׂיתֶ֖ם אֹתָֽם׃
	(Lev SP 26,3) אם בחקותי תלכו ואת מצותי תשמרו ועשיתם אתם
4	וְנָתַתִּ֥י גִשְׁמֵיכֶ֖ם בְּעִתָּ֑ם וְנָתְנָ֤ה הָאָ֙רֶץ֙ יְבוּלָ֔הּ וְעֵ֥ץ הַשָּׂדֶ֖ה יִתֵּ֥ן פִּרְיֽוֹ׃
	(Lev SP 26,4) ונתתי גשמיכם בעתם ונתנה הארץ יבולה ועץ השדה יתן פריו
5	וְהִשִּׂ֨יג לָכֶ֥ם דַּ֙יִשׁ֙ אֶת־ בָּצִ֔יר וּבָצִ֖יר יַשִּׂ֣יג אֶת־ זָ֑רַע וַאֲכַלְתֶּ֤ם לַחְמְכֶם֙ לָשֹׂ֔בַע וִֽישַׁבְתֶּ֥ם לָבֶ֖טַח בְּאַרְצְכֶֽם׃
	(Lev SP 26,5) והשיג לכם דיש את בציר ובציר ישיג את הזרע ואכלתם לחמכם לשבע וישבתם לבטח בארצכם
6	וְנָתַתִּ֤י שָׁלוֹם֙ בָּאָ֔רֶץ וּשְׁכַבְתֶּ֖ם וְאֵ֣ין מַחֲרִ֑יד וְהִשְׁבַּתִּ֞י חַיָּ֤ה רָעָה֙ מִן־ הָאָ֔רֶץ וְחֶ֖רֶב לֹא־ תַעֲבֹ֥ר בְּאַרְצְכֶֽם׃
	(Lev SP 26,6) ונתתי שלום בארץ ושכבתם ואין מחריד והשבתי חיה רעה מן הארץ וחרב לא תעבר בארצכם
7	וּרְדַפְתֶּ֖ם אֶת־ אֹיְבֵיכֶ֑ם וְנָפְל֥וּ לִפְנֵיכֶ֖ם לֶחָֽרֶב
	(Lev SP 26,7) ורדפתם את איביכם ונפלו לפניכם לחרב
8	וְרָדְפ֨וּ מִכֶּ֤ם חֲמִשָּׁה֙ מֵאָ֔ה וּמֵאָ֥ה מִכֶּ֖ם רְבָבָ֣ה יִרְדֹּ֑פוּ וְנָפְל֧וּ אֹיְבֵיכֶ֛ם לִפְנֵיכֶ֖ם לֶחָֽרֶב׃
	(Lev SP 26,8) ורדפו מכם חמשה מאה ומאה מכם רבבה ירדפו ונפלו איביכם לפניכם לחרב
9	וּפָנִ֣יתִי אֲלֵיכֶ֔ם וְהִפְרֵיתִ֣י אֶתְכֶ֔ם וְהִרְבֵּיתִ֖י אֶתְכֶ֑ם וַהֲקִימֹתִ֥י אֶת־ בְּרִיתִ֖י אִתְּכֶֽם׃
	(Lev SP 26,9) ופניתי אליכם והפריתי אתכם והרביתי אתכם והקמתי את בריתי אתכם
10	וַאֲכַלְתֶּ֥ם יָשָׁ֖ן נוֹשָׁ֑ן וְיָשָׁ֕ן מִפְּנֵ֥י חָדָ֖שׁ תּוֹצִֽיאוּ׃
	(Lev SP 26,10) ואכלתם ישן נושן וישן מפני חדש תוציאו
11	וְנָתַתִּ֥י מִשְׁכָּנִ֖י בְּתוֹכְכֶ֑ם וְלֹֽא־ תִגְעַ֥ל נַפְשִׁ֖י אֶתְכֶֽם׃
	(Lev SP 26,11) ונתתי משכני בתוככם ולא תגעל נפשי אתכם
12	וְהִתְהַלַּכְתִּי֙ בְּת֣וֹכְכֶ֔ם וְהָיִ֥יתִי לָכֶ֖ם לֵֽאלֹהִ֑ים וְאַתֶּ֖ם תִּהְיוּ־ לִ֥י לְעָֽם׃
	(11QTa 59,13) והייתי להמה לאלוהים להמה יהיו לי לעם _____ והמלך אשר (Lev SP 26,12) והתהלכתי בתוככם והייתי לכם לאלהים ואתם תהיו לי לעם
13	אֲנִ֞י יְהוָ֣ה אֱלֹֽהֵיכֶ֗ם אֲשֶׁ֨ר הוֹצֵ֤אתִי אֶתְכֶם֙ מֵאֶ֣רֶץ מִצְרַ֔יִם מִֽהְיֹ֥ת לָהֶ֖ם עֲבָדִ֑ים וָאֶשְׁבֹּר֙ מֹטֹ֣ת עֻלְּכֶ֔ם וָאוֹלֵ֥ךְ אֶתְכֶ֖ם קֽוֹמְמִיּֽוּת׃ פ
	(Lev SP 26,13) אני יהוה אלהיכם אשר הוצאתי אתכם מארץ מצרים מהיות להם עבדים ואשברה מטות עולכם ואוליך אתכם קוממית *
14	וְאִם־ לֹ֥א תִשְׁמְע֖וּ לִ֑י וְלֹ֣א תַעֲשׂ֔וּ אֵ֥ת כָּל־ הַמִּצְוֺ֖ת הָאֵֽלֶּה׃
	(4Q249j frg. 1,1) [תעשו את כ]ל֯[ המצות האלה (Lev SP 26,14) ואם לא תשמעו לי ולא תעשו את כל המצות האלה
15	וְאִם־ בְּחֻקֹּתַ֣י תִּמְאָ֔סוּ וְאִ֥ם אֶת־ מִשְׁפָּטַ֖י תִּגְעַ֣ל נַפְשְׁכֶ֑ם לְבִלְתִּ֤י עֲשׂוֹת֙ אֶת־ כָּל־ מִצְוֺתַ֔י לְהַפְרְכֶ֖ם אֶת־ בְּרִיתִֽי׃
	(4Q249j frg. 1,1) ואם בחקתי תמאסו ואם] (4Q249j frg. 1,2) [את משפ]ט֯י[ תגעל נפשכם לבלתי עש]ו֯[ת את כל] (4Q249j frg. 1,3) [מצותי] להפ[רכם את בריתי (Lev SP 26,15) אם בחקותי תמאסו ואם את משפטי תגעל נפשכם לבלתי עשות את כל מצותי להפרכם את בריתי
16	אַף־ אֲנִ֞י אֽ͏ֶעֱשֶׂה־ זֹּ֣את לָכֶ֗ם וְהִפְקַדְתִּ֨י עֲלֵיכֶ֤ם בֶּֽהָלָה֙ אֶת־ הַשַּׁחֶ֣פֶת וְאֶת־ הַקַּדַּ֔חַת מְכַלּ֥וֹת עֵינַ֖יִם וּמְדִיבֹ֣ת נָ֑פֶשׁ וּזְרַעְתֶּ֤ם לָרִיק֙ זַרְעֲכֶ֔ם וַאֲכָלֻ֖הוּ אֹיְבֵיכֶֽם׃
	(4Q249j frg. 1,3) אף ]אני [אעשה זאת] (4Q249j frg. 1,4) [לכם וה]פ֯קדת֯[י עליכם בהלה א]ת֯ הש[חפת ואת הקדחת] (4Q249j frg. 1,5) [מכלות עינים ומדיבת נפש וזרעת]ם [לריק זרעכם ואכלהו] (4Q249j frg. 1,6) [איביכם] (Lev SP 26,16) אף אני אעשה זאת לכם והפקדתי עליכם בחלה את השפחת ואת הקדחת מכליות עינים ומדיבות נפש וזרעתם לריק זרעכם ואכלהו איביכם
17	וְנָתַתִּ֤י פָנַי֙ בָּכֶ֔ם וְנִגַּפְתֶּ֖ם לִפְנֵ֣י אֹיְבֵיכֶ֑ם וְרָד֤וּ בָכֶם֙ שֹֽׂנְאֵיכֶ֔ם וְנַסְתֶּ֖ם וְאֵין־ רֹדֵ֥ף אֶתְכֶֽם׃ ס
	(4Q365 frg. 25a-c,1) [ונגפתם לפני אויביכם ורדו בכם שונאיכם ונסתם ואין רוד]פ֯ אתכם֯[ (11Q1 5,1) אינ רדפ [אתכמ (Lev SP 26,17) ונתתי פני בכם ונגפתם לפני איביכם ורדו בכם שנאיכם ונסתם ואין רדף אתכם *
18	וְאִ֨ם־ עַד־ אֵ֔לֶּה לֹ֥א תִשְׁמְע֖וּ לִ֑י וְיָסַפְתִּי֙ לְיַסְּרָ֣ה אֶתְכֶ֔ם שֶׁ֖בַע עַל־ חַטֹּאתֵיכֶֽם׃
	(4Q365 frg. 25a-c,1) ואם] (4Q365 frg. 25a-c,2) [עד אלה לוא תשמעו לי ויספתי ליסרה אתכם שבע על חטוא]תיכם (11Q1 5,1) וא]מ[ עד] אלה [לא ]תשמ[עו לי ויספתי לי]סרה [אתכמ ]שבע[ ] (11Q1 5,2) על חטתיכמ (Lev SP 26,18) ואם עד אלה לא תשמעו לי ויספתי ליסרה אתכם שבע על חטאתיכם
19	וְשָׁבַרְתִּ֖י אֶת־ גְּא֣וֹן עֻזְּכֶ֑ם וְנָתַתִּ֤י אֶת־ שְׁמֵיכֶם֙ כַּבַּרְזֶ֔ל וְאֶֽת־ אַרְצְכֶ֖ם כַּנְּחֻשָֽׁה׃
	(4Q365 frg. 25a-c,2) ושבר֯תי את (4Q365 frg. 25a-c,3) [גאון עוזכם ונתתי את שמיכם כברזל ואת ארצכם כנחו]ש֯ה (11Q1 5,2) ושברתי את גאונ עזכמ ונתתי שמיכמ כברזל ואת ארצכ|מ (11Q1 5,3) () כנחה (Lev SP 26,19) ושברתי את גאון עזכם ונתתי את שמיכם כברזל ואת ארצכם כנחשה
20	וְתַ֥ם לָרִ֖יק כֹּחֲכֶ֑ם וְלֹֽא־ תִתֵּ֤ן אַרְצְכֶם֙ אֶת־ יְבוּלָ֔הּ וְעֵ֣ץ הָאָ֔רֶץ לֹ֥א יִתֵּ֖ן פִּרְיֽוֹ׃
	(4Q365 frg. 25a-c,3) ותם֯ לריק כוחכמה (4Q365 frg. 25a-c,4) [ולוא תתן ארצכם את יבולה ועץ? לוא יתן פריו ] _____ (11Q1 5,3) ותמ לריק כחכמ ולא תתנ ארצכמ את יבולה ועצ הארצ לא (11Q1 5,4) יתנ פריו (Lev SP 26,20) ותם לריק כוחכם ולא תתן ארצכם את יבולה ועץ השדה לא יתן פריו
21	וְאִם־ תֵּֽלְכ֤וּ עִמִּי֙ קֶ֔רִי וְלֹ֥א תֹאב֖וּ לִשְׁמֹ֣עַֽ לִ֑י וְיָסַפְתִּ֤י עֲלֵיכֶם֙ מַכָּ֔ה שֶׁ֖בַע כְּחַטֹּאתֵיכֶֽם׃
	(4Q365 frg. 25a-c,5) [ואם תלכו עמי קרי ולוא תואבו לשמוע לי ויספתי עליכם מכה ]שבע על חטאותיכם (11Q1 5,4) ואמ תלכו עמי קרי ולא תבו לשמע לי ויספתי עליכמ מ|כה (11Q1 5,5) () שבע כחטתיכמ (Lev SP 26,21) ואם תלכו עמי קרי ולא תאבו לשמע לי ויספתי עליכם מכה שבע כחטאתיכם
22	וְהִשְׁלַחְתִּ֨י בָכֶ֜ם אֶת־ חַיַּ֤ת הַשָּׂדֶה֙ וְשִׁכְּלָ֣ה אֶתְכֶ֔ם וְהִכְרִ֙יתָה֙ אֶת־ בְּהֶמְתְּכֶ֔ם וְהִמְעִ֖יטָה אֶתְכֶ֑ם וְנָשַׁ֖מּוּ דַּרְכֵיכֶֽם׃
	(4Q365 frg. 25a-c,6) [וה?שלחתי בכם את חית הש]ד֯ה ושכ֯[לה אתכם והכריתה את בהמת]כם והמע֯י֯טה אתכם (4Q365 frg. 25a-c,7) [ונשמו דרכיכם ] _____ (11Q1 5,5) ושלחתי בכמ את חית השדה ושכלה אתכמ והכרית|ה (11Q1 5,6) () את בהמתכמ והמעיטה אתכמ ונשמו דרכיכמ (Lev SP 26,22) ושלחתי בכם את חית השדה ושכלה אתכם והכריתה את בהמתכם והמעיטה אתכם ונשמו דרכיכם *
23	וְאִ֨ם־ בְּאֵ֔לֶּה לֹ֥א תִוָּסְר֖וּ לִ֑י וַהֲלַכְתֶּ֥ם עִמִּ֖י קֶֽרִי׃
	(4Q365 frg. 25a-c,7) ואם באל[ה לוא תוסרו לי והלכתם] עמ[י קרי?] (11Q1 5,6) ואמ באלה לא תוסר|ו (11Q1 5,7) () לי והלכתמ עמי קרי (Lev SP 26,23) ואם באלה לא תוסרו לי והלכתם עמי קרי
24	וְהָלַכְתִּ֧י אַף־ אֲנִ֛י עִמָּכֶ֖ם בְּקֶ֑רִי וְהִכֵּיתִ֤י אֶתְכֶם֙ גַּם־ אָ֔נִי שֶׁ֖בַע עַל־ חַטֹּאתֵיכֶֽם׃
	(4Q365 frg. 25a-c,8) והלכתי ]גם אני[ עמכם בקרי והכיתי אתכ]ם ג[ם אני שבע] (4Q365 frg. 25a-c,9) [על חטואתיכם (11Q1 5,7) והלכתי עמכמ בחמת ק[ר]י והכיתי אתכמ גמ (11Q1 5,8) אני שבע על חטאתיכמ (Lev SP 26,24) והלכתי גם אני עמכם בקרי והכיתי אתכם גם אני שבע על חטאתיכם
25	וְהֵבֵאתִ֨י עֲלֵיכֶ֜ם חֶ֗רֶב נֹקֶ֙מֶת֙ נְקַם־ בְּרִ֔ית וְנֶאֱסַפְתֶּ֖ם אֶל־ עָרֵיכֶ֑ם וְשִׁלַּ֤חְתִּי דֶ֙בֶר֙ בְּת֣וֹכְכֶ֔ם וְנִתַּתֶּ֖ם בְּיַד־ אוֹיֵֽב׃
	(4Q365 frg. 25a-c,9) והבאתי עליכם חרב נוקמת נקם ברית] ונאספ[תם אל עריכם] (4Q365 frg. 25a-c,10) [ושלחתי דבר בתוככם ונתתם ביד אויב (11Q1 5,8) והביאתי עליכמ חרב נקמת נקמ ברית ונא|ספתמ (11Q1 5,9) () אל עריכמ ושל[חת]י ד[בר] בתוככמ ונתתמ ביד איב (Lev SP 26,25) והבאתי עליכם חרב נקמת נקם ברית ונאספתם אל עריכם ושלחתי דבר בתוככם ונתתם ביד אויב
26	בְּשִׁבְרִ֣י לָכֶם֮ מַטֵּה־ לֶחֶם֒ וְ֠אָפוּ עֶ֣שֶׂר נָשִׁ֤ים לַחְמְכֶם֙ בְּתַנּ֣וּר אֶחָ֔ד וְהֵשִׁ֥יבוּ לַחְמְכֶ֖ם בַּמִּשְׁקָ֑ל וַאֲכַלְתֶּ֖ם וְלֹ֥א תִשְׂבָּֽעוּ׃ ס
	(4Q365 frg. 25a-c,10) בשברי ל]כמ מטה לחם֯[ ואפו עשר] (4Q365 frg. 25a-c,11) [נשים לחמכם בתנור אחד והשיבו? לחמ]כם ב֯משקל ואכלתם[ ולוא תשבעו] (4Q23 frg. 21 i,1) בשברי לכם מטה לח]ם֯[ ואפ]ו֯ (4Q23 frg. 21 i,2) [עשר נשים לחמכם בתנור אחד והשיבו לחמכם במשקל ואכלתם ול]א֯ תשבעו (11Q1 5,9) בשברי לכמ מטה (Lev SP 26,26) בשברי לכם מטה לחם ואפו עשר נשים לחמכם בתנור אחד והשיב לחמכם במשקול ואכלתם ולא תשבעו *
27	וְאִ֨ם־ בְּזֹ֔את לֹ֥א תִשְׁמְע֖וּ לִ֑י וַהֲלַכְתֶּ֥ם עִמִּ֖י בְּקֶֽרִי׃
	(4Q365 frg. 25a-c,12) ואם בזואת לוא תשמעו ל]י֯ והלכתם עמי בקרי (4Q23 frg. 21 i,3) [ואם בזאת לא תשמעו לי והלכתם עמי בקרי (Lev SP 26,27) ואם בזאת לא תשמעו לי והלכתם עמי קרי
28	וְהָלַכְתִּ֥י עִמָּכֶ֖ם בַּחֲמַת־ קֶ֑רִי וְיִסַּרְתִּ֤י אֶתְכֶם֙ אַף־ אָ֔נִי שֶׁ֖בַע עַל־ חַטֹּאתֵיכֶם׃
	(4Q365 frg. 25a-c,12) והלכת֯[י? --] (4Q365 frg. 25a-c,13) [ ?-- עמכם בחמת קרי ויסרתי ]אתכמה שבע על חטאותיכם[ (4Q23 frg. 21 i,3) והלכתי ע]מכם בחמת קרי (4Q23 frg. 21 i,4) [ויסרתי אתכם אף אני שבע על חטאתיכם (Lev SP 26,28) והלכתי עמכם בחמת קרי ויסרתי אתכם אף אני שבע על חטאתיכם
29	וַאֲכַלְתֶּ֖ם בְּשַׂ֣ר בְּנֵיכֶ֑ם וּבְשַׂ֥ר בְּנֹתֵיכֶ֖ם תֹּאכֵֽלוּ׃
	(4Q365 frg. 25a-c,13) ואכלתם] (4Q365 frg. 25a-c,14) [בשר בניכם ובשר בנותיכם תואכלו (4Q23 frg. 21 i,4) ואכלתם בש]ר בניכם ובשר (4Q23 frg. 21 i,5) [בנתיכם תאכלו (Lev SP 26,29) ואכלתם בשר בניכם ובשר בנתיכם תאכלו
30	וְהִשְׁמַדְתִּ֞י אֶת־ בָּמֹֽתֵיכֶ֗ם וְהִכְרַתִּי֙ אֶת־ חַמָּ֣נֵיכֶ֔ם וְנָֽתַתִּי֙ אֶת־ פִּגְרֵיכֶ֔ם עַל־ פִּגְרֵ֖י גִּלּוּלֵיכֶ֑ם וְגָעֲלָ֥ה נַפְשִׁ֖י אֶתְכֶֽם׃
	(4Q365 frg. 25a-c,14) והש]מותי את במותיכם והכרתי את[ חמניכם] (4Q365 frg. 25a-c,15) [ונתתי את פגריכם על פגרי גלו?ליכ]ם֯ וגעלה נפשי אתכם (4Q23 frg. 21 i,5) והשמדתי את במתיכם והכר]ת֯י֯[ ]את חמניכם ונתתי (4Q23 frg. 21 i,6) [את פגריכם על פגרי גלוליכם וגעלה נ]פ֯שי אתכם (Lev SP 26,30) והשמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשי אתכם
31	וְנָתַתִּ֤י אֶת־ עָֽרֵיכֶם֙ חָרְבָּ֔ה וַהֲשִׁמּוֹתִ֖י אֶת־ מִקְדְּשֵׁיכֶ֑ם וְלֹ֣א אָרִ֔יחַ בְּרֵ֖יחַ נִיחֹֽחֲכֶֽם׃
	(4Q365 frg. 25a-c,15) ונתתי א֯[ת עריכם חורבה] (4Q365 frg. 25a-c,16) [והשמותי את מקדשיכם ולוא אריח ב]ר֯י֯ח֯ ניחוחכם (4Q23 frg. 21 i,6) ונתתי את עריכם (4Q23 frg. 21 i,7) [חרבה והשמותי את מקדשיכם ולא אריח ב]ריח ניחחכם (Lev SP 26,31) ונתתי את עריכם חרבה והשמתי את מקדשכם ולא אריח בריח ניחחכם
32	וַהֲשִׁמֹּתִ֥י אֲנִ֖י אֶת־ הָאָ֑רֶץ וְשָֽׁמְמ֤וּ עָלֶ֙יהָ֙ אֹֽיְבֵיכֶ֔ם הַיֹּשְׁבִ֖ים בָּֽהּ׃
	(4Q365 frg. 25a-c,16) והשמותי אני֯[ את הארץ] (4Q23 frg. 21 i,7) ו֯ה֯שמתי אני (4Q23 frg. 21 i,8) [את הארץ ושממו עליה איביכם הישבים] בה (Lev SP 26,32) והשמתי אני את הארץ ושממו עליה איביכם היושבים בה
33	וְאֶתְכֶם֙ אֱזָרֶ֣ה בַגּוֹיִ֔ם וַהֲרִיקֹתִ֥י אַחֲרֵיכֶ֖ם חָ֑רֶב וְהָיְתָ֤ה אַרְצְכֶם֙ שְׁמָמָ֔ה וְעָרֵיכֶ֖ם יִהְי֥וּ חָרְבָּֽה׃
	(4Q23 frg. 21 i,8) ואתכם א֯ז֯רה בגוים (4Q23 frg. 21 i,9) [והריקתי אחריכם חרב והיתה ארצכם ש]ממה ועריכם יהיו חרבה (Lev SP 26,33) ואתכם אזרה בגוים והרקתי אחריכם חרב והיתה ארצכם שממה ועריכם יהיו חרבה
34	אָז֩ תִּרְצֶ֨ה הָאָ֜רֶץ אֶת־ שַׁבְּתֹתֶ֗יהָ כֹּ֚ל יְמֵ֣י הֳשַׁמָּ֔ה וְאַתֶּ֖ם בְּאֶ֣רֶץ אֹיְבֵיכֶ֑ם אָ֚ז תִּשְׁבַּ֣ת הָאָ֔רֶץ וְהִרְצָ֖ת אֶת־ שַׁבְּתֹתֶֽיהָ׃
	(Lev SP 26,34) אז תרצה הארץ את שבתתיה כל ימי אשמה ואתם בארץ איביכם אז תשבת הארץ והרצתה את שבתתיה
35	כָּל־ יְמֵ֥י הָשַׁמָּ֖ה תִּשְׁבֹּ֑ת אֵ֣ת אֲשֶׁ֧ר לֹֽא־ שָׁבְתָ֛ה בְּשַׁבְּתֹתֵיכֶ֖ם בְּשִׁבְתְּכֶ֥ם עָלֶֽיהָ׃
	(Lev SP 26,35) כל ימי אשמה תשבת את אשר לא שבתה בשבתתיכם בשבתכם עליה *
36	וְהַנִּשְׁאָרִ֣ים בָּכֶ֔ם וְהֵבֵ֤אתִי מֹ֙רֶךְ֙ בִּלְבָבָ֔ם בְּאַרְצֹ֖ת אֹיְבֵיהֶ֑ם וְרָדַ֣ף אֹתָ֗ם ק֚וֹל עָלֶ֣ה נִדָּ֔ף וְנָס֧וּ מְנֻֽסַת־ חֶ֛רֶב וְנָפְל֖וּ וְאֵ֥ין רֹדֵֽף׃
	(Lev SP 26,36) והנשארים בכם והבאתי מרך בלבבם בארצות איביהם ורדף אתם קול עלי נדף ונסו מנוסת חרב ונפלו ואין רדף
37	וְכָשְׁל֧וּ אִישׁ־ בְּאָחִ֛יו כְּמִפְּנֵי־ חֶ֖רֶב וְרֹדֵ֣ף אָ֑יִן וְלֹא־ תִֽהְיֶ֤ה לָכֶם֙ תְּקוּמָ֔ה לִפְנֵ֖י אֹֽיְבֵיכֶֽם׃
	(Lev SP 26,37) וכשלו איש באחיו כמפני חרב ורדף אין ולא תהיה לכם תקומה לפני איביכם
38	וַאֲבַדְתֶּ֖ם בַּגּוֹיִ֑ם וְאָכְלָ֣ה אֶתְכֶ֔ם אֶ֖רֶץ אֹיְבֵיכֶֽם׃
	(Lev SP 26,38) ואבדתם בגוים ואכלה אתכם ארץ איביכם *
39	וְהַנִּשְׁאָרִ֣ים בָּכֶ֗ם יִמַּ֙קּוּ֙ בּֽ͏ַעֲוֺנָ֔ם בְּאַרְצֹ֖ת אֹיְבֵיכֶ֑ם וְאַ֛ף בַּעֲוֺנֹ֥ת אֲבֹתָ֖ם אִתָּ֥ם יִמָּֽקּוּ׃
	(Lev SP 26,39) והנשארים בכם ימקו בעונם בארצות איביהם ואף בעונות אבותם אתם ימקו
40	וְהִתְוַדּ֤וּ אֶת־ עֲוֺנָם֙ וְאֶת־ עֲוֺ֣ן אֲבֹתָ֔ם בְּמַעֲלָ֖ם אֲשֶׁ֣ר מָֽעֲלוּ־ בִ֑י וְאַ֕ף אֲשֶׁר־ הֽ͏ָלְכ֥וּ עִמִּ֖י בְּקֶֽרִי׃
	(Lev SP 26,40) והתודו את עונם ואת עון אבותם במעלם אשר מעלו בי ואף אשר הלכו עמי קרי
41	אַף־ אֲנִ֗י אֵלֵ֤ךְ עִמָּם֙ בְּקֶ֔רִי וְהֵבֵאתִ֣י אֹתָ֔ם בְּאֶ֖רֶץ אֹיְבֵיהֶ֑ם אוֹ־ אָ֣ז יִכָּנַ֗ע לְבָבָם֙ הֶֽעָרֵ֔ל וְאָ֖ז יִרְצ֥וּ אֶת־ עֲוֺנָֽם׃
	(Lev SP 26,41) אף אני הלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם *
42	וְזָכַרְתִּ֖י אֶת־ בְּרִיתִ֣י יַעֲק֑וֹב וְאַף֩ אֶת־ בְּרִיתִ֨י יִצְחָ֜ק וְאַ֨ף אֶת־ בְּרִיתִ֧י אַבְרָהָ֛ם אֶזְכֹּ֖ר וְהָאָ֥רֶץ אֶזְכֹּֽר׃
	(Lev SP 26,42) וזכרתי את בריתי יעקב ואף את בריתי יצחק ואף את בריתי אברהם אזכר והארץ אזכר
43	וְהָאָרֶץ֩ תֵּעָזֵ֨ב מֵהֶ֜ם וְתִ֣רֶץ אֶת־ שַׁבְּתֹתֶ֗יהָ בָּהְּשַׁמָּה֙ מֵהֶ֔ם וְהֵ֖ם יִרְצ֣וּ אֶת־ עֲוֺנָ֑ם יַ֣עַן וּבְיַ֔עַן בְּמִשְׁפָּטַ֣י מָאָ֔סוּ וְאֶת־ חֻקֹּתַ֖י גָּעֲלָ֥ה נַפְשָֽׁם׃
	(Lev SP 26,43) והארץ תעזב מהם והרצתה את שבתתיה באשמה מהם והם ירצו את עונם יען ביען במשפטי מאסו ואת חקתי געלה נפשם
44	וְאַף־ גַּם־ זֹ֠את בִּֽהְיוֹתָ֞ם בְּאֶ֣רֶץ אֹֽיְבֵיהֶ֗ם לֹֽא־ מְאַסְתִּ֤ים וְלֹֽא־ גְעַלְתִּים֙ לְכַלֹּתָ֔ם לְהָפֵ֥ר בְּרִיתִ֖י אִתָּ֑ם כִּ֛י אֲנִ֥י יְהוָ֖ה אֱלֹהֵיהֶֽם׃
	(4Q463 frg. 1,2) גם בהיותם בארצות אויביהמ֯[ה לא מאסתים] (4Q463 frg. 1,3) [ולא געלתים לכלות]ם֯ להפר בריתי֯ … (Lev SP 26,44) ואף גם זאת בהיותם בארצות איביהם לא מאסתים ולא געלתים לכלותם להפר בריתי אתם כי אני יהוה אלהיהם
45	וְזָכַרְתִּ֥י לָהֶ֖ם בְּרִ֣ית רִאשֹׁנִ֑ים אֲשֶׁ֣ר הוֹצֵֽאתִי־ אֹתָם֩ מֵאֶ֨רֶץ מִצְרַ֜יִם לְעֵינֵ֣י הַגּוֹיִ֗ם לִהְיֹ֥ת לָהֶ֛ם לֵאלֹהִ֖ים אֲנִ֥י יְהוָֽה׃
	(Lev SP 26,45) וזכרתי להם ברית ראישונים אשר הוצאתי אתם מארץ מצרים לעיני הגוים להיות להם לאלהים אני יהוה
46	אֵ֠לֶּה הַֽחֻקִּ֣ים וְהַמִּשְׁפָּטִים֮ וְהַתּוֹרֹת֒ אֲשֶׁר֙ נָתַ֣ן יְהוָ֔ה בֵּינ֕וֹ וּבֵ֖ין בְּנֵ֣י יִשְׂרָאֵ֑ל בְּהַ֥ר סִינַ֖י בְּיַד־ מֹשֶֽׁה׃ פ
	(Lev SP 26,46) אלה החקים והמשפטים והתורות אשר נתן יהוה בינו ובין בני ישראל בהר סיני ביד משה *

27
1	וַיְדַבֵּ֥ר יְהוָ֖ה אֶל־ מֹשֶׁ֥ה לֵּאמֹֽר׃
	(Lev SP 27,1) וידבר יהוה אל משה לאמר
2	דַּבֵּ֞ר אֶל־ בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם אִ֕ישׁ כִּ֥י יַפְלִ֖א נֶ֑דֶר בְּעֶרְכְּךָ֥ נְפָשֹׁ֖ת לַֽיהוָֽה׃
	(Lev SP 27,2) דבר אל בני ישראל ואמרת אליהם איש כי יפלא נדר בערכך נפשות ליהוה
3	וְהָיָ֤ה עֶרְכְּךָ֙ הַזָּכָ֔ר מִבֶּן֙ עֶשְׂרִ֣ים שָׁנָ֔ה וְעַ֖ד בֶּן־ שִׁשִּׁ֣ים שָׁנָ֑ה וְהָיָ֣ה עֶרְכְּךָ֗ חֲמִשִּׁ֛ים שֶׁ֥קֶל כֶּ֖סֶף בְּשֶׁ֥קֶל הַקֹּֽדֶשׁ׃
	(Lev SP 27,3) והיה ערכך הזכר מבן עשרים שנה ועד בן ששים שנה והיה ערכך חמשים שקל כסף בשקל הקדש
4	וְאִם־ נְקֵבָ֖ה הִ֑וא וְהָיָ֥ה עֶרְכְּךָ֖ שְׁלֹשִׁ֥ים שָֽׁקֶל׃
	(Lev SP 27,4) ואם נקבה היא והיה ערכך שלשים שקל
5	וְאִ֨ם מִבֶּן־ חָמֵ֜שׁ שָׁנִ֗ים וְעַד֙ בֶּן־ עֶשְׂרִ֣ים שָׁנָ֔ה וְהָיָ֧ה עֶרְכְּךָ֛ הַזָּכָ֖ר עֶשְׂרִ֣ים שְׁקָלִ֑ים וְלַנְּקֵבָ֖ה עֲשֶׂ֥רֶת שְׁקָלִֽים׃
	(4Q23 frg. 21 ii-23,1) [ערכך הזכר עשרים שקלים ולנקבה עשרת שקלי]ם֯ (Lev SP 27,5) ואם מבן חמש שנים ועד בן עשרים שנה והיה ערכך הזכר עשרים שקלים ולנקבה עשרת שקלים
6	וְאִ֣ם מִבֶּן־ חֹ֗דֶשׁ וְעַד֙ בֶּן־ חָמֵ֣שׁ שָׁנִ֔ים וְהָיָ֤ה עֶרְכְּךָ֙ הַזָּכָ֔ר חֲמִשָּׁ֥ה שְׁקָלִ֖ים כָּ֑סֶף וְלַנְּקֵבָ֣ה עֶרְכְּךָ֔ שְׁלֹ֥שֶׁת שְׁקָלִ֖ים כָּֽסֶף׃
	(4Q23 frg. 21 ii-23,1) ואם מב[ן] (4Q23 frg. 21 ii-23,2) [חדש ועד בן חמש שנים והיה ערכך הזכר חמשה שקלים] (4Q23 frg. 21 ii-23,3) [כסף ולנקבה ערכך שלשת שקלים כסף (Lev SP 27,6) ואם מבן חדש ועד בן חמש שנים והיה ערכך הזכר חמשה שקלים כסף ולנקבה ערכך שלשת שקלים כסף
7	וְ֠אִם מִבֶּן־ שִׁשִּׁ֨ים שָׁנָ֤ה וָמַ֙עְלָה֙ אִם־ זָכָ֔ר וְהָיָ֣ה עֶרְכְּךָ֔ חֲמִשָּׁ֥ה עָשָׂ֖ר שָׁ֑קֶל וְלַנְּקֵבָ֖ה עֲשָׂרָ֥ה שְׁקָלִֽים׃
	(4Q23 frg. 21 ii-23,3) ואם מבן ששים ]שנה֯[ ] (4Q23 frg. 21 ii-23,4) [ומעלה אם זכר והיה ערכך חמשה עשר שקל ולנקבה עשרה] שקלים[ ] (Lev SP 27,7) ואם מבן ששים שנה ומעלה אם זכר והיה ערכך חמשה עשר שקל ולנקבה עשרת שקלים
8	וְאִם־ מָ֥ךְ הוּא֙ מֵֽעֶרְכֶּ֔ךָ וְהֶֽעֱמִידוֹ֙ לִפְנֵ֣י הַכֹּהֵ֔ן וְהֶעֱרִ֥יךְ אֹת֖וֹ הַכֹּהֵ֑ן עַל־ פִּ֗י אֲשֶׁ֤ר תַּשִּׂיג֙ יַ֣ד הַנֹּדֵ֔ר יַעֲרִיכֶ֖נּוּ הַכֹּהֵֽן׃ ס
	(4Q23 frg. 21 ii-23,5) [ואם מך הוא מערכך והעמידו לפני הכהן והעריך אתו הכהן על פי] (4Q23 frg. 21 ii-23,6) [אשר תשיג י]ד֯ הנ֯ד֯[ר יעריכ]נ֯ו֯ הכהן֯[ (Lev SP 27,8) ואם מך הוא מערכך והעמידו לפני הכהן והעריך אתו הכהן על פי אשר תשיג יד הנדר יעריכנו הכהן *
9	וְאִם־ בְּהֵמָ֔ה אֲשֶׁ֨ר יַקְרִ֧יבוּ מִמֶּ֛נָּה קָרְבָּ֖ן לַֽיהוָ֑ה כֹּל֩ אֲשֶׁ֨ר יִתֵּ֥ן מִמֶּ֛נּוּ לַיהוָ֖ה יִֽהְיֶה־ קֹּֽדֶשׁ׃
	(4Q23 frg. 21 ii-23,6) ואם בהמה אשר] (4Q23 frg. 21 ii-23,7) יקר[יבו] ממנה קר֯[בן ל]י֯הוה כל א[שר יתן ממנו ליהוה יהיה] (4Q23 frg. 21 ii-23,8) קד֯ש֯[ (Lev SP 27,9) ואם בהמה אשר יקריב ממנה קרבן ליהוה כל אשר יתן ממנו ליהוה יהיה קדש
10	לֹ֣א יַחֲלִיפֶ֗נּוּ וְלֹֽא־ יָמִ֥יר אֹת֛וֹ ט֥וֹב בְּרָ֖ע אוֹ־ רַ֣ע בְּט֑וֹב וְאִם־ הָמֵ֨ר יָמִ֤יר בְּהֵמָה֙ בִּבְהֵמָ֔ה וְהָֽיָה־ ה֥וּא וּתְמוּרָת֖וֹ יִֽהְיֶה־ קֹּֽדֶשׁ׃
	(4Q23 frg. 21 ii-23,8) ל]א֯[ ]י֯חליפנו [ולא ]ימיר אתו֯[ טוב ברע או רע בטוב ואם] (4Q23 frg. 21 ii-23,9) המר ימיר בהמה֯[ בבהמה והיה הוא ותמורתו יהיה קדש (Lev SP 27,10) לא יחלפנו ולא ימיר אתו טוב ברע או רע בטוב ואם המר ימיר בהמה בבהמה והיה הוא ותמירתו יהיה קדש *
11	וְאִם֙ כָּל־ בְּהֵמָ֣ה טְמֵאָ֔ה אֲ֠שֶׁר לֹא־ יַקְרִ֧יבוּ מִמֶּ֛נָּה קָרְבָּ֖ן לַֽיהוָ֑ה וְהֽ͏ֶעֱמִ֥יד אֶת־ הַבְּהֵמָ֖ה לִפְנֵ֥י הַכֹּהֵֽן׃
	(4Q23 frg. 21 ii-23,9) ואם] (4Q23 frg. 21 ii-23,10) כל בהמה טמאה אשר֯[ לא יקריבו ממנה קרבן ליהוה] (4Q23 frg. 21 ii-23,11) והעמיד את הבה֯מה לפני ה֯[כהן (11Q1 6,1) [ליהוה והע]מיד את ה[בה]מה[ ל]פני[ ]הכהנ[ (Lev SP 27,11) ואם כל בהמה טמאה אשר לא יקריב ממנה קרבן ליהוה והעמיד את הבהמה לפני הכהן
12	וְהֶעֱרִ֤יךְ הַכֹּהֵן֙ אֹתָ֔הּ בֵּ֥ין ט֖וֹב וּבֵ֣ין רָ֑ע כְּעֶרְכְּךָ֥ הַכֹּהֵ֖ן כֵּ֥ן יִהְיֶֽה׃
	(4Q23 frg. 21 ii-23,11) והעריך הכהן אתה בין] (4Q23 frg. 21 ii-23,12) [טו]ב֯ ובין רע כ[ערכך הכהן כן יהיה (11Q1 6,1) ]וה[ער]יכ[ ]הכהנ[ ]אתה[ ]בינ טוב[ ]ובינ (11Q1 6,2) רע כערככ הכהנ כנ יהיה (Lev SP 27,12) והעריך הכהן אתו בין טוב ובין רע כערכך הכהן כן יהיה
13	וְאִם־ גָּאֹ֖ל יִגְאָלֶ֑נָּה וְיָסַ֥ף חֲמִישִׁת֖וֹ עַל־ עֶרְכֶּֽךָ׃
	(4Q23 frg. 21 ii-23,12) ואם גאל יגאלנה] (4Q23 frg. 21 ii-23,13) [ויסף] חמישתו[ על ערכך ] (11Q1 6,2) ואמ גאל יגאלנו ויספ חמישיתו על ערככ (Lev SP 27,13) ואם גאל יגאלנו ויסף חמישתו על ערכך *
14	וְאִ֗ישׁ כִּֽי־ יַקְדִּ֨שׁ אֶת־ בֵּית֥וֹ קֹ֙דֶשׁ֙ לַֽיהוָ֔ה וְהֶעֱרִיכוֹ֙ הַכֹּהֵ֔ן בֵּ֥ין ט֖וֹב וּבֵ֣ין רָ֑ע כַּאֲשֶׁ֨ר יַעֲרִ֥יךְ אֹת֛וֹ הַכֹּהֵ֖ן כֵּ֥ן יָקֽוּם׃
	(4Q23 frg. 24-26,1) [ליהו]ה֯ ו֯ה֯ע֯ר֯י֯כ֯[ו הכהן בין טוב ובין רע כאשר יעריך אתו הכהן ]כן יקום (11Q1 6,2) וא|יש (11Q1 6,3) () כי יקדיש את ביתו קדש ליהוה והעריכו הכהנ בינ טוב ובינ רע (11Q1 6,4) כאשר יעריכ אתו הכהנ כנ יקומ (Lev SP 27,14) ואיש כי יקדיש את ביתו קדש ליהוה והעריכו הכהן בין טוב ובין רע כאשר יעריך אתו הכהן כן יקום
15	וְאִ֨ם־ הַמַּקְדִּ֔ישׁ יִגְאַ֖ל אֶת־ בֵּית֑וֹ וְ֠יָסַף חֲמִישִׁ֧ית כֶּֽסֶף־ עֶרְכְּךָ֛ עָלָ֖יו וְהָ֥יָה לֽוֹ׃
	(4Q23 frg. 24-26,1) ואם ה֯מקדיש (4Q23 frg. 24-26,2) [י]ג֯אל את ביתו֯[ ויסף חמישית כסף ערכך עליו והיה לו (11Q1 6,4) [ו]אמ [ה]מקדיש יגאל את ביתו ויספ (11Q1 6,5) חמשית כספ ערככ עליו והיה לו (Lev SP 27,15) ואם המקדיש יגאל את ביתו ויסף חמישת כסף ערכך עליו והיה לו *
16	וְאִ֣ם ׀ מִשְּׂדֵ֣ה אֲחֻזָּת֗וֹ יַקְדִּ֥ישׁ אִישׁ֙ לַֽיהוָ֔ה וְהָיָ֥ה עֶרְכְּךָ֖ לְפִ֣י זַרְע֑וֹ זֶ֚רַע חֹ֣מֶר שְׂעֹרִ֔ים בַּחֲמִשִּׁ֖ים שֶׁ֥קֶל כָּֽסֶף׃
	(4Q23 frg. 24-26,2) ואם מ]ש֯דה אחזתו [י]קדיש א֯[י]ש֯ (4Q23 frg. 24-26,3) [ליהוה והיה ערכך לפי זרעו זרע חמר שערים בחמשים שק]ל כסף (11Q1 6,5) ואמ משדה אחזתו יקדיש איש ל|יהוה (11Q1 6,6) () והיה ערככ לפי זרעו זרע חמר שערימ בחמשימ שקל כספ (Lev SP 27,16) ואם משדה אחזתו יקדיש איש ליהוה והיה ערכך לפי זרעו זרע חמר שערים בחמשים שקל כסף
17	אִם־ מִשְּׁנַ֥ת הַיֹּבֵ֖ל יַקְדִּ֣ישׁ שָׂדֵ֑הוּ כְּעֶרְכְּךָ֖ יָקֽוּם׃
	(4Q23 frg. 24-26,3) ואם משנת הי֯[בל] (4Q23 frg. 24-26,4) [יקדיש שדהו כערכך יקום (11Q1 6,6) אמ מ|שנת (11Q1 6,7) () היובל יקדיש שדהו כערככ יקומ (Lev SP 27,17) ואם משנת היובל יקדיש שדהו כערכך יקום
18	וְאִם־ אַחַ֣ר הַיֹּבֵל֮ יַקְדִּ֣ישׁ שָׂדֵהוּ֒ וְחִשַּׁב־ ל֨וֹ הַכֹּהֵ֜ן אֶת־ הַכֶּ֗סֶף עַל־ פִּ֤י הַשָּׁנִים֙ הַנּ֣וֹתָרֹ֔ת עַ֖ד שְׁנַ֣ת הַיֹּבֵ֑ל וְנִגְרַ֖ע מֵֽעֶרְכֶּֽךָ׃
	(4Q23 frg. 24-26,4) ואם אחר היבל יקדיש שדהו וח]ש֯ב לו הכהן את ה[כסף] (4Q23 frg. 24-26,5) [על פי השנים הנותרת עד שנת היבל ונגרע מערכך (11Q1 6,7) ואמ אחר היובל יקדיש ש|דהו (11Q1 6,8) () וחשב לו הכהנ את הכספ על פי השנימ הנתרות עד שנת היובל ו|נגרע (11Q1 6,9) () מערככ (Lev SP 27,18) ואם אחר היובל יקדיש שדהו וחשב לו הכהן את הכסף על פי השנים הנותרת עד שנת היובל ונגרע מערכך
19	וְאִם־ גָּאֹ֤ל יִגְאַל֙ אֶת־ הַשָּׂדֶ֔ה הַמַּקְדִּ֖ישׁ אֹת֑וֹ וְ֠יָסַף חֲמִשִׁ֧ית כֶּֽסֶף־ עֶרְכְּךָ֛ עָלָ֖יו וְקָ֥ם לֽוֹ׃
	(4Q23 frg. 24-26,5) ואם גאל יגא]ל[ א]ת השדה ה[מקדיש] (4Q23 frg. 24-26,6) [אתו ויסף חמשית כסף ערכך עליו וקם לו (11Q1 6,9) ואמ [ג]אל יגאל ת את השדה המקדיש[ ]אתו ויספ את חמשית כספ (Lev SP 27,19) ואם גאל יגאל את השדה המקדיש אתו ויסף חמישת כסף ערכך עליו וקם לו
20	וְאִם־ לֹ֤א יִגְאַל֙ אֶת־ הַשָּׂדֶ֔ה וְאִם־ מָכַ֥ר אֶת־ הַשָּׂדֶ֖ה לְאִ֣ישׁ אַחֵ֑ר לֹ֥א יִגָּאֵ֖ל עֽוֹד׃
	(4Q23 frg. 24-26,6) ואם לא יגאל את השדה וא]ם֯ מכ֯ר א֯[ת השדה] (4Q23 frg. 24-26,7) [לאיש אחר לא יגא]ל֯ עוד (Lev SP 27,20) ואם לא יגאל את השדה ואם מכר את השדה לאיש אחר לא יגאל עוד
21	וְהָיָ֨ה הַשָּׂדֶ֜ה בְּצֵאת֣וֹ בַיֹּבֵ֗ל קֹ֛דֶשׁ לַֽיהוָ֖ה כִּשְׂדֵ֣ה הַחֵ֑רֶם לַכֹּהֵ֖ן תִּהְיֶ֥ה אֲחֻזָּתֽוֹ׃
	(4Q23 frg. 24-26,7) ו֯ה֯[יה השדה בצאתו ביבל קדש ליהוה כשדה החרם לכהן תהיה] (4Q23 frg. 24-26,8) [אחזתו (Lev SP 27,21) והיה השדה בצאתו ביובל קדש ליהוה כשדה החרם לכהן תהיה אחזתו *
22	וְאִם֙ אֶת־ שְׂדֵ֣ה מִקְנָת֔וֹ אֲשֶׁ֕ר לֹ֖א מִשְּׂדֵ֣ה אֲחֻזָּת֑וֹ יַקְדִּ֖ישׁ לַֽיהוָֽה׃
	(4Q23 frg. 24-26,8) ואם את ]שדה מק[נתו אשר לא משדה אחזתו יקדיש ליהוה ] (Lev SP 27,22) ואם את שדה מקנתו אשר לא משדה אחזתו יקדיש איש ליהוה
23	וְחִשַּׁב־ ל֣וֹ הַכֹּהֵ֗ן אֵ֚ת מִכְסַ֣ת הָֽעֶרְכְּךָ֔ עַ֖ד שְׁנַ֣ת הַיֹּבֵ֑ל וְנָתַ֤ן אֶת־ הָעֶרְכְּךָ֙ בַּיּ֣וֹם הַה֔וּא קֹ֖דֶשׁ לַיהוָֽה׃
	(Lev SP 27,23) וחשב לו הכהן את מכסות הערכך עד שנת היובל ונתן את הערכך ביום ההוא קדש ליהוה
24	בִּשְׁנַ֤ת הַיּוֹבֵל֙ יָשׁ֣וּב הַשָּׂדֶ֔ה לַאֲשֶׁ֥ר קָנָ֖הוּ מֵאִתּ֑וֹ לַאֲשֶׁר־ ל֖וֹ אֲחֻזַּ֥ת הָאָֽרֶץ׃
	(Lev SP 27,24) בשנת היובל ישוב השדה לאשר קנהו מאתו לאשר לו אחזת הארץ
25	וְכָל־ עֶרְכְּךָ֔ יִהְיֶ֖ה בְּשֶׁ֣קֶל הַקֹּ֑דֶשׁ עֶשְׂרִ֥ים גֵּרָ֖ה יִהְיֶ֥ה הַשָּֽׁקֶל׃ ס
	(Lev SP 27,25) וכל ערכך יהיה בשקל הקדש עשרים גרה « » השקל *
26	אַךְ־ בְּכ֞וֹר אֲשֶׁר־ יְבֻכַּ֤ר לַֽיהוָה֙ בִּבְהֵמָ֔ה לֹֽא־ יַקְדִּ֥ישׁ אִ֖ישׁ אֹת֑וֹ אִם־ שׁ֣וֹר אִם־ שֶׂ֔ה לַֽיהוָ֖ה הֽוּא׃
	(Lev SP 27,26) אך כל בכור אשר יבכר ליהוה בבהמה לא יקדיש איש אתו אם שור אם שה ליהוה הוא
27	וְאִ֨ם בַּבְּהֵמָ֤ה הַטְּמֵאָה֙ וּפָדָ֣ה בְעֶרְכֶּ֔ךָ וְיָסַ֥ף חֲמִשִׁת֖וֹ עָלָ֑יו וְאִם־ לֹ֥א יִגָּאֵ֖ל וְנִמְכַּ֥ר בְּעֶרְכֶּֽךָ׃
	(Lev SP 27,27) ואם בבהמה הטמאה ופדה בערכך ויסף חמישתו עליו ואם לא יגאל ונמכר בערכך *
28	אַךְ־ כָּל־ חֵ֡רֶם אֲשֶׁ֣ר יַחֲרִם֩ אִ֨ישׁ לַֽיהוָ֜ה מִכָּל־ אֲשֶׁר־ ל֗וֹ מֵאָדָ֤ם וּבְהֵמָה֙ וּמִשְּׂדֵ֣ה אֲחֻזָּת֔וֹ לֹ֥א יִמָּכֵ֖ר וְלֹ֣א יִגָּאֵ֑ל כָּל־ חֵ֕רֶם קֹֽדֶשׁ־ קָֽדָשִׁ֥ים ה֖וּא לַיהוָֽה׃
	(Lev SP 27,28) אך כל חרם אשר יחרם איש ליהוה מכל אשר לו מאדם ובהמה ומשדה אחזתו לא ימכר ולא יגאל כל חרם קדש קדשים הוא ליהוה
29	כָּל־ חֵ֗רֶם אֲשֶׁ֧ר יָחֳרַ֛ם מִן־ הָאָדָ֖ם לֹ֣א יִפָּדֶ֑ה מ֖וֹת יוּמָֽת׃
	(Lev SP 27,29) כל חרם אשר יחרם מן האדם לא יפדה מות יומת *
30	וְכָל־ מַעְשַׂ֨ר הָאָ֜רֶץ מִזֶּ֤רַע הָאָ֙רֶץ֙ מִפְּרִ֣י הָעֵ֔ץ לַיהוָ֖ה ה֑וּא קֹ֖דֶשׁ לַֽיהוָֽה׃
	(Lev SP 27,30) וכל מעשר הארץ מזרע הארץ ומפרי העץ ליהוה הוא קדש ליהוה
31	וְאִם־ גָּאֹ֥ל יִגְאַ֛ל אִ֖ישׁ מִמַּֽעַשְׂר֑וֹ חֲמִשִׁית֖וֹ יֹסֵ֥ף עָלָֽיו׃
	(Lev SP 27,31) ואם גאל יגאל איש ממעשרו וחמישתו יסף עליו *
32	וְכָל־ מַעְשַׂ֤ר בָּקָר֙ וָצֹ֔אן כֹּ֥ל אֲשֶׁר־ יַעֲבֹ֖ר תַּ֣חַת הַשָּׁ֑בֶט הֽ͏ָעֲשִׂירִ֕י יִֽהְיֶה־ קֹּ֖דֶשׁ לַֽיהוָֽה׃
	(Lev SP 27,32) וכל מעשר בקר וצאן כל אשר יעבר תחת השבט העשירי יהיה קדש ליהוה
33	לֹ֧א יְבַקֵּ֛ר בֵּֽין־ ט֥וֹב לָרַ֖ע וְלֹ֣א יְמִירֶ֑נּוּ וְאִם־ הָמֵ֣ר יְמִירֶ֔נּוּ וְהָֽיָה־ ה֧וּא וּתְמוּרָת֛וֹ יִֽהְיֶה־ קֹ֖דֶשׁ לֹ֥א יִגָּאֵֽל׃
	(Lev SP 27,33) לא יבקר בין טוב לרע ולא ימירנו ואם המר ימירנו והיה הוא ותמירתו יהיה קדש לא יגאל *
34	אֵ֣לֶּה הַמִּצְוֺ֗ת אֲשֶׁ֨ר צִוָּ֧ה יְהוָ֛ה אֶת־ מֹשֶׁ֖ה אֶל־ בְּנֵ֣י יִשְׂרָאֵ֑ל בְּהַ֖ר סִינָֽי׃
	(4Q365 frg. 26a-b,1) בני יש[ראל --] … (4Q367 frg. 3,13) בני֯ (4Q367 frg. 3,14) [ישראל … (Lev SP 27,34) אלה המצות אשר צוה יהוה את משה אל בני ישראל בהר סיני *