Ps (transcription) - Qumran-Digital

1
1	אַ֥שְֽׁרֵי־ הָאִ֗ישׁ אֲשֶׁ֤ר ׀ לֹ֥א הָלַךְ֮ בַּעֲצַ֢ת רְשָׁ֫עִ֥ים וּבְדֶ֣רֶךְ חַ֭טָּאִים לֹ֥א עָמָ֑ד וּבְמוֹשַׁ֥ב לֵ֝צִ֗ים לֹ֣א יָשָֽׁב׃
	(4Q174 frg. 1-2 i,14) מאשרי [ה]איש אשר לוא הלך בעצת רשעים …
2	כִּ֤י אִ֥ם בְּתוֹרַ֥ת יְהוָ֗ה חֶ֫פְצ֥וֹ וּֽבְתוֹרָת֥וֹ יֶהְגֶּ֗ה יוֹמָ֥ם וָלָֽיְלָה׃
3	וְֽהָיָ֗ה כְּעֵץ֮ שָׁת֢וּל עַֽל־ פַּלְגֵ֫י מָ֥יִם אֲשֶׁ֤ר פִּרְי֨וֹ ׀ יִתֵּ֬ן בְּעִתּ֗וֹ וְעָלֵ֥הוּ לֹֽא־ יִבּ֑וֹל וְכֹ֖ל אֲשֶׁר־ יַעֲשֶׂ֣ה יַצְלִֽיחַ׃
4	לֹא־ כֵ֥ן הָרְשָׁעִ֑ים כִּ֥י אִם־ כַּ֝מֹּ֗ץ אֲ‍ֽשֶׁר־ תִּדְּפֶ֥נּוּ רֽוּחַ׃
5	עַל־ כֵּ֤ן ׀ לֹא־ יָקֻ֣מוּ רְ֭שָׁעִים בַּמִּשְׁפָּ֑ט וְ֝חַטָּאִ֗ים בַּעֲדַ֥ת צַדִּיקִֽים׃
6	כִּֽי־ יוֹדֵ֣עַ יְ֭הוָה דֶּ֣רֶךְ צַדִּיקִ֑ים וְדֶ֖רֶךְ רְשָׁעִ֣ים תֹּאבֵֽד׃

2
1	לָ֭מָּה רָגְשׁ֣וּ גוֹיִ֑ם וּ֝לְאֻמִּ֗ים יֶהְגּוּ־ רִֽיק׃
	(4Q174 frg. 1-2 i,18) [למה רגש]ו גויים ולאומים יהג֯[ו ריק (11Q7 frg. 1-2,1) [למה רגשו גוים ולאומים יהגו רי]ק֯
2	יִ֥תְיַצְּב֨וּ ׀ מַלְכֵי־ אֶ֗רֶץ וְרוֹזְנִ֥ים נֽוֹסְדוּ־ יָ֑חַד עַל־ יְ֝הוָה וְעַל־ מְשִׁיחֽוֹ׃
	(4Q174 frg. 1-2 i,18) ית]י֯צבו[ מלכי ארץ ור]וזנים נוסדו ב֯יחד על יהוה ועל (4Q174 frg. 1-2 i,19) [משיחו … (11Q7 frg. 1-2,1) ית[יצבו מלכי ארץ ורוזנים נוסדו יחד] (11Q7 frg. 1-2,2) [על יהוה ועל משיחו
3	נְֽ֭נַתְּקָה אֶת־ מֽוֹסְרוֹתֵ֑ימוֹ וְנַשְׁלִ֖יכָה מִמֶּ֣נּוּ עֲבֹתֵֽימוֹ׃
	(11Q7 frg. 1-2,2) ]ננתק[ה את ]מוסדרות[ימו ונשליכה ממנו עבותימו
4	יוֹשֵׁ֣ב בַּשָּׁמַ֣יִם יִשְׂחָ֑ק אֲ֝דֹנָ֗י יִלְעַג־ לָֽמוֹ׃
	(11Q7 frg. 1-2,2) יושב] (11Q7 frg. 1-2,3) [בשמים ישחק ]אדוני ילע֯ג֯ למ֯ו
5	אָ֤ז יְדַבֵּ֣ר אֵלֵ֣ימוֹ בְאַפּ֑וֹ וּֽבַחֲרוֹנ֥וֹ יְבַהֲלֵֽמוֹ׃
	(11Q7 frg. 1-2,3) אז[ י]ד֯בר אל[ימו באפו ובחרונו יבהלמו
6	וַ֭אֲנִי נָסַ֣כְתִּי מַלְכִּ֑י עַל־ צִ֝יּ֗וֹן הַר־ קָדְשִֽׁי׃
	(3Q2 frg. 1,1) [ואני נסכתי מלכי על ציו]ן הר קדשי (11Q7 frg. 1-2,3) ואני] (11Q7 frg. 1-2,4) [נסכתי מלכי על צ]י֯ון הר קודשי֯
7	אֲסַפְּרָ֗ה אֶֽ֫ל חֹ֥ק יְֽהוָ֗ה אָמַ֘ר אֵלַ֥י בְּנִ֥י אַ֑תָּה אֲ֝נִ֗י הַיּ֥וֹם יְלִדְתִּֽיךָ׃
	(3Q2 frg. 1,2) [אספרה אל חק יהוה א]מר אלי בנ֯[י] (3Q2 frg. 1,3) [אתה אני היום ילדתיך -- ] (11Q7 frg. 1-2,4) אספרה א֯[ל חוק יהוה אמר אלי בני אתה] (11Q7 frg. 1-2,5) [אני היום ילדתיכה
8	שְׁאַ֤ל מִמֶּ֗נִּי וְאֶתְּנָ֣ה ג֭וֹיִם נַחֲלָתֶ֑ךָ וַ֝אֲחֻזָּתְךָ֗ אַפְסֵי־ אָֽרֶץ׃
	(11Q7 frg. 1-2,5) שא]ל[ מ]מ֯[ני ו]א֯ת֯[נה גוים נחלתך ואחזתך אפסי ארץ]
9	תְּ֭רֹעֵם בְּשֵׁ֣בֶט בַּרְזֶ֑ל כִּכְלִ֖י יוֹצֵ֣ר תְּנַפְּצֵֽם׃
10	וְ֭עַתָּה מְלָכִ֣ים הַשְׂכִּ֑ילוּ הִ֝וָּסְר֗וּ שֹׁ֣פְטֵי אָֽרֶץ׃
11	עִבְד֣וּ אֶת־ יְהוָ֣ה בְּיִרְאָ֑ה וְ֝גִ֗ילוּ בִּרְעָדָֽה׃
12	נַשְּׁקוּ־ בַ֡ר פֶּן־ יֶאֱנַ֤ף ׀ וְתֹ֬אבְדוּ דֶ֗רֶךְ כִּֽי־ יִבְעַ֣ר כִּמְעַ֣ט אַפּ֑וֹ אַ֝שְׁרֵ֗י כָּל־ ח֥וֹסֵי בֽוֹ׃

3
1	מִזְמ֥וֹר לְדָוִ֑ד בְּ֝בָרְח֗וֹ מִפְּנֵ֤י ׀ אַבְשָׁל֬וֹם בְּנֽוֹ׃
2	יְ֭הוָה מָֽה־ רַבּ֣וּ צָרָ֑י רַ֝בִּ֗ים קָמִ֥ים עָלָֽי׃
3	רַבִּים֮ אֹמְרִ֢ים לְנַ֫פְשִׁ֥י אֵ֤ין יְֽשׁוּעָ֓תָה לּ֬וֹ בֵֽאלֹהִ֬ים סֶֽלָה׃
4	וְאַתָּ֣ה יְ֭הוָה מָגֵ֣ן בַּעֲדִ֑י כְּ֝בוֹדִ֗י וּמֵרִ֥ים רֹאשִֽׁי׃
5	ק֭וֹלִי אֶל־ יְהוָ֣ה אֶקְרָ֑א וַיַּֽעֲנֵ֨נִי מֵהַ֖ר קָדְשׁ֣וֹ סֶֽלָה׃
6	אֲנִ֥י שָׁכַ֗בְתִּי וָֽאִ֫ישָׁ֥נָה הֱקִיצ֑וֹתִי כִּ֖י יְהוָ֣ה יִסְמְכֵֽנִי׃
7	לֹֽא־ אִ֭ירָא מֵרִבְב֥וֹת עָ֑ם אֲשֶׁ֥ר סָ֝בִ֗יב שָׁ֣תוּ עָלָֽי׃
8	ק֘וּמָ֤ה יְהוָ֨ה ׀ הוֹשִׁ֘יעֵ֤נִי אֱלֹהַ֗י כִּֽי־ הִכִּ֣יתָ אֶת־ כָּל־ אֹיְבַ֣י לֶ֑חִי שִׁנֵּ֖י רְשָׁעִ֣ים שִׁבַּֽרְתָּ׃
9	לַיהוָ֥ה הַיְשׁוּעָ֑ה עַֽל־ עַמְּךָ֖ בִרְכָתֶ֣ךָ סֶּֽלָה׃

4
1	לַמְנַצֵּ֥חַ בִּנְגִינ֗וֹת מִזְמ֥וֹר לְדָוִֽד׃
2	בְּקָרְאִ֡י עֲנֵ֤נִי ׀ אֱלֹ֘הֵ֤י צִדְקִ֗י בַּ֭צָּר הִרְחַ֣בְתָּ לִּ֑י חָ֝נֵּ֗נִי וּשְׁמַ֥ע תְּפִלָּתִֽי׃
3	בְּנֵ֥י אִ֡ישׁ עַד־ מֶ֬ה כְבוֹדִ֣י לִ֭כְלִמָּה תֶּאֱהָב֣וּן רִ֑יק תְּבַקְשׁ֖וּ כָזָ֣ב סֶֽלָה׃
4	וּדְע֗וּ כִּֽי־ הִפְלָ֣ה יְ֭הוָה חָסִ֣יד ל֑וֹ יְהוָ֥ה יִ֝שְׁמַ֗ע בְּקָרְאִ֥י אֵלָֽיו׃
5	רִגְז֗וּ וְֽאַל־ תֶּ֫חֱטָ֥אוּ אִמְר֣וּ בִ֭לְבַבְכֶם עַֽל־ מִשְׁכַּבְכֶ֗ם וְדֹ֣מּוּ סֶֽלָה׃
6	זִבְח֥וּ זִבְחֵי־ צֶ֑דֶק וּ֝בִטְח֗וּ אֶל־ יְהוָֽה׃
7	רַבִּ֥ים אֹמְרִים֮ מִֽי־ יַרְאֵ֢נ֫וּ ט֥וֹב נְֽסָה־ עָ֭לֵינוּ א֨וֹר פָּנֶ֬יךָ יְהוָֽה׃
8	נָתַ֣תָּה שִׂמְחָ֣ה בְלִבִּ֑י מֵעֵ֬ת דְּגָנָ֖ם וְתִֽירוֹשָׁ֣ם רָֽבּוּ׃
9	בְּשָׁל֣וֹם יַחְדָּו֮ אֶשְׁכְּבָ֢ה וְאִ֫ישָׁ֥ן כִּֽי־ אַתָּ֣ה יְהוָ֣ה לְבָדָ֑ד לָ֝בֶ֗טַח תּוֹשִׁיבֵֽנִי׃

5
1	לַמְנַצֵּ֥חַ אֶֽל־ הַנְּחִיל֗וֹת מִזְמ֥וֹר לְדָוִֽד׃
2	אֲמָרַ֖י הַאֲזִ֥ינָה ׀ יְהוָ֗ה בִּ֣ינָה הֲגִֽיגִי׃
3	הַקְשִׁ֤יבָה ׀ לְק֬וֹל שַׁוְעִ֗י מַלְכִּ֥י וֵאלֹהָ֑י כִּֽי־ אֵ֝לֶ֗יךָ אֶתְפַּלָּֽל׃
4	יְֽהוָ֗ה בֹּ֭קֶר תִּשְׁמַ֣ע קוֹלִ֑י בֹּ֥קֶר אֶֽעֱרָךְ־ לְ֝ךָ֗ וַאֲצַפֶּֽה׃
5	כִּ֤י ׀ לֹ֤א אֵֽל־ חָפֵ֘ץ רֶ֥שַׁע ׀ אָ֑תָּה לֹ֖א יְגֻרְךָ֣ רָֽע׃
6	לֹֽא־ יִתְיַצְּב֣וּ הֽ֭וֹלְלִים לְנֶ֣גֶד עֵינֶ֑יךָ שָׂ֝נֵ֗אתָ כָּל־ פֹּ֥עֲלֵי אָֽוֶן׃
7	תְּאַבֵּד֮ דֹּבְרֵ֢י כָ֫זָ֥ב אִישׁ־ דָּמִ֥ים וּמִרְמָ֗ה יְתָ֘עֵ֥ב ׀ יְהוָֽה׃
8	וַאֲנִ֗י בְּרֹ֣ב חַ֭סְדְּךָ אָב֣וֹא בֵיתֶ֑ךָ אֶשְׁתַּחֲוֶ֥ה אֶל־ הֽ͏ֵיכַל־ קָ֝דְשְׁךָ֗ בְּיִרְאָתֶֽךָ׃
	(4Q98b frg. 1,1) [קדשכה בירא]תכה
9	יְהוָ֤ה ׀ נְחֵ֬נִי בְצִדְקָתֶ֗ךָ לְמַ֥עַן שׁוֹרְרָ֑י הושר (הַיְשַׁ֖ר) לְפָנַ֣י דַּרְכֶּֽךָ׃
	(4Q83 frg. 1,1) שוררי הושר לפני ]דרככה א○○○[ -- ] (4Q98b frg. 1,1) יהוה [נחני בצדקתכה למען שוררי הושר לפני] (4Q98b frg. 1,2) [דרככה
10	כִּ֤י אֵ֪ין בְּפִ֡יהוּ נְכוֹנָה֮ קִרְבָּ֢ם הַ֫וּ֥וֹת קֶֽבֶר־ פָּת֥וּחַ גְּרוֹנָ֑ם לְ֝שׁוֹנָ֗ם יַחֲלִֽיקוּן׃
	(4Q83 frg. 1,2) כי אין בפיהו נכונה קרבם הוות קבר פתוח גרונם לשונם י]ח֯ליקון (4Q98b frg. 1,2) כי ]אין בפיהו נכ֯ו֯[נה קרבם הוות קבר פתוח גרונם לשונם יחליקון]
11	הַֽאֲשִׁימֵ֨ם ׀ אֱ‍ֽלֹהִ֗ים יִפְּלוּ֮ מִֽמֹּעֲצ֢וֹתֵ֫יהֶ֥ם בְּרֹ֣ב פִּ֭שְׁעֵיהֶם הַדִּיחֵ֑מוֹ כִּי־ מָ֥רוּ בָֽךְ׃
	(4Q83 frg. 1,2) ה֯א֯שימו אלה֯[ים] (4Q83 frg. 1,3) [יפלו ממעצותיהם ברב פשעיהם הדיחמו כי מרו בך (4Q98b frg. 1,3) [האשימם אלה]י֯ם י֯פ֯לו ממ[עצותיהם ברב פשעיהם הדיחמו כי מרו] (4Q98b frg. 1,4) [בכה
12	וְיִשְׂמְח֨וּ כָל־ ח֪וֹסֵי בָ֡ךְ לְעוֹלָ֣ם יְ֭רַנֵּנוּ וְתָסֵ֣ךְ עָלֵ֑ימוֹ וְֽיַעְלְצ֥וּ בְ֝ךָ֗ אֹהֲבֵ֥י שְׁמֶֽךָ׃
	(4Q83 frg. 1,3) וישמחו כול] ח֯סי בכה לעולם ירנ֯[נו] (4Q83 frg. 1,4) [ותסך עלימו ויעלצו בכה אהבי שמכה (4Q98b frg. 1,4) וישמחו ]כ֯ל חסי֯ בכ֯ה ל[עולם ירננו ותסכה עלימו ויעלצו בכה אהבי] (4Q98b frg. 1,5) [שמכה
13	כִּֽי־ אַתָּה֮ תְּבָרֵ֢ךְ צַ֫דִּ֥יק יְהוָ֑ה כַּ֝צִּנָּ֗ה רָצ֥וֹן תַּעְטְרֶֽנּוּ׃
	(4Q83 frg. 1,4) כי אתה תברך צדיק ]י֯הוה בצנה רצ֯ו֯ן תעטרנ֯[ו] (4Q98b frg. 1,5) כי את]ה֯ תברך צדיק י[הוה כצנה רצון תעטרנו ]

6
1	לַמְנַצֵּ֣חַ בִּ֭נְגִינוֹת עַֽל־ הַשְּׁמִינִ֗ית מִזְמ֥וֹר לְדָוִֽד׃
	(4Q83 frg. 1,6) [למנצח בנגינות על השמינית מזמור לדוד (4Q98b frg. 1,6) [למ]נצח ב֯נ֯גינות [על השמינית מזמור לדוד -- ]
2	יְֽהוָ֗ה אַל־ בְּאַפְּךָ֥ תוֹכִיחֵ֑נִי וְֽאַל־ בַּחֲמָתְךָ֥ תְיַסְּרֵֽנִי׃
	(4Q177 frg. 12-13 i,2) דויד י֯ה֯[ו]ה֯ אל באפכה תו֯[כיחני -- (4Q83 frg. 1,6) יהוה אל באפכה תוכי]ח֯ני ואל בחמתכה ת֯[יסרני] (11Q8 frg. 1,1) [ואל בחמתכה ]ת֯יסרני
3	חָנֵּ֥נִי יְהוָה֮ כִּ֤י אֻמְלַ֫ל אָ֥נִי רְפָאֵ֥נִי יְהוָ֑ה כִּ֖י נִבְהֲל֣וּ עֲצָמֽ͏ָי׃
	(4Q177 frg. 12-13 i,2) כי]א אמלל אני (4Q83 frg. 1,7) [חנני יהוה כי אמלל אני רפאני יהוה כי נבהלו עצמי (11Q8 frg. 1,1) חונ֯[ני כי אמלל אני רפאני יהוה כי נבהלו] (11Q8 frg. 1,2) [עצמי
4	וְ֭נַפְשִׁי נִבְהֲלָ֣ה מְאֹ֑ד ואת (וְאַתָּ֥ה) יְ֝הוָ֗ה עַד־ מָתָֽי׃
	(4Q177 frg. 12-13 i,3) ]ו֯נ֯פשי נבהלה מאדה ועתה יהוה עד מתי חונני (4Q83 frg. 1,7) ונפשי ]נ֯ב֯הלה מא֯ד [ואת יהוה עד מתי] (11Q8 frg. 1,2) ונפשי נבהלה ]מואדה[ ואת יהוה עד מתי]
5	שׁוּבָ֣ה יְ֭הוָה חַלְּצָ֣ה נַפְשִׁ֑י ה֝וֹשִׁיעֵ֗נִי לְמַ֣עַן חַסְדֶּֽךָ׃
	(4Q177 frg. 12-13 i,3) חלצה נפ֯[שי -- ]ל֯מים על
6	כִּ֤י אֵ֣ין בַּמָּ֣וֶת זִכְרֶ֑ךָ בִּ֝שְׁא֗וֹל מִ֣י יֽוֹדֶה־ לָּֽךְ׃
7	יָגַ֤עְתִּי ׀ בְּֽאַנְחָתִ֗י אַשְׂחֶ֣ה בְכָל־ לַ֭יְלָה מִטָּתִ֑י בְּ֝דִמְעָתִ֗י עַרְשִׂ֥י אַמְסֶֽה׃
8	עָֽשְׁשָׁ֣ה מִכַּ֣עַס עֵינִ֑י עָֽ֝תְקָ֗ה בְּכָל־ צוֹרְרָֽי׃
9	ס֣וּרוּ מִ֭מֶּנִּי כָּל־ פֹּ֣עֲלֵי אָ֑וֶן כִּֽי־ שָׁמַ֥ע יְ֝הוָ֗ה ק֣וֹל בִּכְיִֽי׃
10	שָׁמַ֣ע יְ֭הוָה תְּחִנָּתִ֑י יְ֝הוָ֗ה תְּֽפִלָּתִ֥י יִקָּֽח׃
11	יֵבֹ֤שׁוּ ׀ וְיִבָּהֲל֣וּ מְ֭אֹד כָּל־ אֹיְבָ֑י יָ֝שֻׁ֗בוּ יֵבֹ֥שׁוּ רָֽגַע׃

7
1	שִׁגָּי֗וֹן לְדָ֫וִ֥ד אֲשֶׁר־ שָׁ֥ר לַיהוָ֑ה עַל־ דִּבְרֵי־ כ֝֗וּשׁ בֶּן־ יְמִינִֽי׃
2	יְהוָ֣ה אֱ֭לֹהַי בְּךָ֣ חָסִ֑יתִי הוֹשִׁיעֵ֥נִי מִכָּל־ רֹ֝דְפַ֗י וְהַצִּילֵֽנִי׃
3	פֶּן־ יִטְרֹ֣ף כְּאַרְיֵ֣ה נַפְשִׁ֑י פֹּ֝רֵ֗ק וְאֵ֣ין מַצִּֽיל׃
4	יְהוָ֣ה אֱ֭לֹהַי אִם־ עָשִׂ֣יתִי זֹ֑את אִֽם־ יֶשׁ־ עָ֥וֶל בְּכַפָּֽי׃
5	אִם־ גָּ֭מַלְתִּי שֽׁוֹלְמִ֥י רָ֑ע וָאֲחַלְּצָ֖ה צוֹרְרִ֣י רֵיקָֽם׃
6	יִֽרַדֹּ֥ף אוֹיֵ֨ב ׀ נַפְשִׁ֡י וְיַשֵּׂ֗ג וְיִרְמֹ֣ס לָאָ֣רֶץ חַיָּ֑י וּכְבוֹדִ֓י ׀ לֶעָפָ֖ר יַשְׁכֵּ֣ן סֶֽלָה׃
7	ק֘וּמָ֤ה יְהוָ֨ה ׀ בְּאַפֶּ֗ךָ הִ֭נָּשֵׂא בְּעַבְר֣וֹת צוֹרְרָ֑י וְע֥וּרָה אֵ֝לַ֗י מִשְׁפָּ֥ט צִוִּֽיתָ׃
8	וַעֲדַ֣ת לְ֭אֻמִּים תְּסוֹבְבֶ֑ךָּ וְ֝עָלֶ֗יהָ לַמָּר֥וֹם שֽׁוּבָה׃
	… (11Q13 2,10) ו]עלי[ה] (11Q13 2,11) למרום שובה
9	יְהוָה֮ יָדִ֢ין עַ֫מִּ֥ים שָׁפְטֵ֥נִי יְהוָ֑ה כְּצִדְקִ֖י וּכְתֻמִּ֣י עָלָֽי׃
	(11Q13 2,11) אל ידין עמים …
10	יִגְמָר־ נָ֬א רַ֨ע ׀ רְשָׁעִים֮ וּתְכוֹנֵ֢ן צַ֫דִּ֥יק וּבֹחֵ֣ן לִ֭בּ֗וֹת וּכְלָי֗וֹת אֱלֹהִ֥ים צַדּֽ͏ִיק׃
11	מָֽגִנִּ֥י עַל־ אֱלֹהִ֑ים מ֝וֹשִׁ֗יעַ יִשְׁרֵי־ לֵֽב׃
12	אֱ֭לֹהִים שׁוֹפֵ֣ט צַדִּ֑יק וְ֝אֵ֗ל זֹעֵ֥ם בְּכָל־ יֽוֹם׃
13	אִם־ לֹ֣א יָ֭שׁוּב חַרְבּ֣וֹ יִלְט֑וֹשׁ קַשְׁתּ֥וֹ דָ֝רַ֗ךְ וַֽיְכוֹנְנֶֽהָ׃
	(5/6Hev1b frg. 1 i,9) אם ל]א֯ [ישוב חרבו יל]טוש֯ (5/6Hev1b frg. 1 i,10) [קשתו דרך וי]כ֯וננה
14	וְ֭לוֹ הֵכִ֣ין כְּלֵי־ מָ֑וֶת חִ֝צָּ֗יו לְֽדֹלְקִ֥ים יִפְעָֽל׃
	(5/6Hev1b frg. 1 i,10) ולו הכין כלי מות (5/6Hev1b frg. 1 i,11) [חציו לדלקים ]יפעל
15	הִנֵּ֥ה יְחַבֶּל־ אָ֑וֶן וְהָרָ֥ה עָ֝מָ֗ל וְיָ֣לַד שָֽׁקֶר׃
	(5/6Hev1b frg. 1 i,11) הנה יחבל או֯ן (5/6Hev1b frg. 1 i,12) [והרה עמל וי]לד שקר
16	בּ֣וֹר כָּ֭רָֽה וַֽיַּחְפְּרֵ֑הוּ וַ֝יִּפֹּ֗ל בְּשַׁ֣חַת יִפְעָֽל׃
	(5/6Hev1b frg. 1 i,12) בור כרה ויחפרהו (5/6Hev1b frg. 1 i,13) [ויפל בשחת יפע]ל֯[
17	יָשׁ֣וּב עֲמָל֣וֹ בְרֹאשׁ֑וֹ וְעַ֥ל קָ֝דְקֳד֗וֹ חֲמָס֥וֹ יֵרֵֽד׃
	(5/6Hev1b frg. 1 i,13) ישוב עמלו בראשו ] (5/6Hev1b frg. 1 i,14) [ועל קדקדו חמסו י]רד
18	אוֹדֶ֣ה יְהוָ֣ה כְּצִדְק֑וֹ וַ֝אֲזַמְּרָ֗ה שֵֽׁם־ יְהוָ֥ה עֶלְיֽוֹן׃
	(5/6Hev1b frg. 1 i,14) אודה יהוה כצדקו (5/6Hev1b frg. 1 i,15) [ואזמרה שם יהו]ה עליון

8
1	לַמְנַצֵּ֥חַ עַֽל־ הַגִּתִּ֗ית מִזְמ֥וֹר לְדָוִֽד׃
	(5/6Hev1b frg. 1 i,17) [למנצח על הגתית מזמור לדוד֯ ]
2	יְהוָ֤ה אֲדֹנֵ֗ינוּ מָֽה־ אַדִּ֣יר שִׁ֭מְךָ בְּכָל־ הָאָ֑רֶץ אֲשֶׁ֥ר תְּנָ֥ה ה֝וֹדְךָ֗ עַל־ הַשָּׁמָֽיִם׃
3	מִפִּ֤י עֽוֹלְלִ֨ים ׀ וְֽיֹנְקִים֮ יִסַּ֢דְתָּ֫ עֹ֥ז לְמַ֥עַן צוֹרְרֶ֑יךָ לְהַשְׁבִּ֥ית א֝וֹיֵ֗ב וּמִתְנַקֵּֽם׃
4	כִּֽי־ אֶרְאֶ֣ה שָׁ֭מֶיךָ מַעֲשֵׂ֣י אֶצְבְּעֹתֶ֑יךָ יָרֵ֥חַ וְ֝כוֹכָבִ֗ים אֲשֶׁ֣ר כּוֹנָֽנְתָּה׃
	(5/6Hev1b frg. 1 i,22) [כי אראה שמיך מעשי אצבעתיך יר]ח֯ וכוכב֯[י]ם֯ א֯[שר ]כ֯ו[נ]נ֯תה
5	מָֽה־ אֱנ֥וֹשׁ כִּֽי־ תִזְכְּרֶ֑נּוּ וּבֶן־ אָ֝דָ֗ם כִּ֣י תִפְקְדֶֽנּוּ׃
	(5/6Hev1b frg. 1 i,23) [מה אנוש כי תזכרנו ובן א]ד֯ם כ֯י֯ תפקדנ֯[ו]
6	וַתְּחַסְּרֵ֣הוּ מְּ֭עַט מֵאֱלֹהִ֑ים וְכָב֖וֹד וְהָדָ֣ר תְּעַטְּרֵֽהוּ׃
	(5/6Hev1b frg. 1 i,24) [ותחסרהו מעט מאלהים וכבוד והדר ]תעטרה֯ו
7	תַּ֭מְשִׁילֵהוּ בְּמַעֲשֵׂ֣י יָדֶ֑יךָ כֹּ֝ל שַׁ֣תָּה תַֽחַת־ רַגְלָֽיו׃
	(5/6Hev1b frg. 1 i,25) [תמשילהו במעשי ידיך כל שתה תח]ת֯ רגליו
8	צֹנֶ֣ה וַאֲלָפִ֣ים כֻּלָּ֑ם וְ֝גַ֗ם בַּהֲמ֥וֹת שָׂדָֽי׃
	(5/6Hev1b frg. 1 i,26) [צנה ואלפים כלם וגם בהמות ש]ד֯י
9	צִפּ֣וֹר שָׁ֭מַיִם וּדְגֵ֣י הַיָּ֑ם עֹ֝בֵ֗ר אָרְח֥וֹת יַמִּֽים׃
	(5/6Hev1b frg. 1 i,27) [צפור שמים ודגי הים ע[בר ארחות ימי]ם֯
10	יְהוָ֥ה אֲדֹנֵ֑ינוּ מָֽה־ אַדִּ֥יר שִׁ֝מְךָ֗ בְּכָל־ הָאָֽרֶץ׃
	(5/6Hev1b frg. 1 i,28) [יהוה אדנינו מה אד]י֯ר ש֯מ֯ך ב֯[כל האר]ץ

9
1	לַ֭מְנַצֵּחַ עַלְמ֥וּת לַבֵּ֗ן מִזְמ֥וֹר לְדָוִֽד׃
2	אוֹדֶ֣ה יְ֭הוָה בְּכָל־ לִבִּ֑י אֲ֝סַפְּרָ֗ה כָּל־ נִפְלְאוֹתֶֽיךָ׃
3	אֶשְׂמְחָ֣ה וְאֶעֶלְצָ֣ה בָ֑ךְ אֲזַמְּרָ֖ה שִׁמְךָ֣ עֶלְיֽוֹן׃
	(11Q7 frg. 3,1) [אשמחה ואעל]צה בכה אזמ[רה שמכה ]ע֯[לי]ו֯ן (11Q8 frg. 2,1) עליו֯ן֯[
4	בְּשׁוּב־ אוֹיְבַ֥י אָח֑וֹר יִכָּשְׁל֥וּ וְ֝יֹאבְד֗וּ מִפָּנֶֽיךָ׃
	(11Q7 frg. 3,1) בשוב אויב[י אחור יכשלו ויאבדו] (11Q7 frg. 3,2) [מפניכה (11Q8 frg. 2,1) בשוב אויבי אחור יכשלו ויאבדו מפניכה
5	כִּֽי־ עָ֭שִׂיתָ מִשְׁפָּטִ֣י וְדִינִ֑י יָשַׁ֥בְתָּ לְ֝כִסֵּ֗א שׁוֹפֵ֥ט צֶֽדֶק׃
	(11Q7 frg. 3,2) כי עשי]תה משפטי ודיני ושבתה לכסא שפטתה צ֯[דק (11Q8 frg. 2,1) כי עשית] (11Q8 frg. 2,2) משפטי[ ודיני ישבת לכסא שופט צדק
6	גָּעַ֣רְתָּ ג֭וֹיִם אִבַּ֣דְתָּ רָשָׁ֑ע שְׁמָ֥ם מָ֝חִ֗יתָ לְעוֹלָ֥ם וָעֶֽד׃
	(11Q7 frg. 3,2) גערתה גוים אבדתה] (11Q7 frg. 3,3) [רשע שמם מחיתה ]לעולם ועד (11Q8 frg. 2,2) גערת גוים] (11Q8 frg. 2,3) א[ב]ד֯ת[ רשע שמם מחית לעולם ועד -- ]
7	הָֽאוֹיֵ֨ב ׀ תַּ֥מּוּ חֳרָב֗וֹת לָ֫נֶ֥צַח וְעָרִ֥ים נָתַ֑שְׁתָּ אָבַ֖ד זִכְרָ֣ם הֵֽמָּה׃
	(11Q7 frg. 3,3) האויב֯ תמ[ו חרבות ]לנ֯[צח וערים נתשתה אבד] (11Q7 frg. 3,4) [זכרם המה
8	וַֽ֭יהוָה לְעוֹלָ֣ם יֵשֵׁ֑ב כּוֹנֵ֖ן לַמִּשְׁפָּ֣ט כִּסְאֽוֹ׃
	(11Q7 frg. 3,4) ויהוה לעו]ל[ם ישב כונן למשפט כסאו]
9	וְה֗וּא יִשְׁפֹּֽט־ תֵּבֵ֥ל בְּצֶ֑דֶק יָדִ֥ין לְ֝אֻמִּ֗ים בְּמֵישָׁרֽ͏ִים׃
10	וִ֘יהִ֤י יְהוָ֣ה מִשְׂגָּ֣ב לַדָּ֑ךְ מִ֝שְׂגָּ֗ב לְעִתּ֥וֹת בַּצָּרָֽה׃
11	וְיִבְטְח֣וּ בְ֭ךָ יוֹדְעֵ֣י שְׁמֶ֑ךָ כִּ֤י לֹֽא־ עָזַ֖בְתָּ דֹרְשֶׁ֣יךָ יְהוָֽה׃
12	זַמְּר֗וּ לַ֭יהוָה יֹשֵׁ֣ב צִיּ֑וֹן הַגִּ֥ידוּ בָ֝עַמִּ֗ים עֲלִֽילוֹתָֽיו׃
	(5/6Hev1b frg. 1 ii,12) ז֯מ֯[רו ליהוה ישב ציון הגידו בעמים עלילותיו]
13	כִּֽי־ דֹרֵ֣שׁ דָּ֭מִים אוֹתָ֣ם זָכָ֑ר לֹֽא־ שָׁ֝כַ֗ח צַעֲקַ֥ת עניים (עֲנָוֽ͏ִים׃)
	(5/6Hev1b frg. 1 ii,13) כי דרש דמ֯ים אותם ז֯[כר לא שכח צעקת עניים]
14	חָֽנְנֵ֬נִי יְהוָ֗ה רְאֵ֣ה עָ֭נְיִי מִשֹּׂנְאָ֑י מְ֝רוֹמְמִ֗י מִשַּׁ֥עֲרֵי מָֽוֶת׃
	(5/6Hev1b frg. 1 ii,14) חנני יה[ו]ה ר֯אה עני֯[י ]מ֯[ש]נא[י מרוממי משערי מות]
15	לְמַ֥עַן אֲסַפְּרָ֗ה כָּֽל־ תְּהִלָּ֫תֶ֥יךָ בְּשַֽׁעֲרֵ֥י בַת־ צִיּ֑וֹן אָ֝גִ֗ילָה בִּישׁוּעָתֶֽךָ׃
	(5/6Hev1b frg. 1 ii,15) למען אס֯פר֯ה֯ כל֯ תה֯[לתי]ך֯ בש֯ע֯ר֯[י בת צ]י֯[ו]ן֯ א֯ג֯לה בישו[עת]ך֯
16	טָבְע֣וּ ג֭וֹיִם בְּשַׁ֣חַת עָשׂ֑וּ בְּרֶֽשֶׁת־ ז֥וּ טָ֝מָ֗נוּ נִלְכְּדָ֥ה רַגְלָֽם׃
	(5/6Hev1b frg. 1 ii,16) טבעו ג֯[וי]ם֯ ב֯שח֯ת עש[ו ]ב֯ר֯ש֯[ת ז]ו֯[ ט]מ֯נו֯ נלכד[ה ]ר֯[ג]ל[ם]
17	נ֤וֹדַ֨ע ׀ יְהוָה֮ מִשְׁפָּ֢ט עָ֫שָׂ֥ה בְּפֹ֣עַל כַּ֭פָּיו נוֹקֵ֣שׁ רָשָׁ֑ע הִגָּי֥וֹן סֶֽלָה׃
	(5/6Hev1b frg. 1 ii,17) נודע יהוה[ מ]שפט עש֯[ה בפע]ל כ[פיו נוקש רשע] (5/6Hev1b frg. 1 ii,18) הגי[ו]ן ס[ל]ה֯
18	יָשׁ֣וּבוּ רְשָׁעִ֣ים לִשְׁא֑וֹלָה כָּל־ גּ֝וֹיִ֗ם שְׁכֵחֵ֥י אֱלֹהִֽים׃
	(5/6Hev1b frg. 1 ii,18) [ישו]ב֯[ו ר]ש֯ע֯ים[ לשאו]ל֯[ה כל גוים שכחי אלהים]
19	כִּ֤י לֹ֣א לָ֭נֶצַח יִשָּׁכַ֣ח אֶבְי֑וֹן תִּקְוַ֥ת ענוים (עֲ֝נִיִּ֗ים) תֹּאבַ֥ד לָעַֽד׃
	(5/6Hev1b frg. 1 ii,19) כי לא לנצ֯ח֯ [ישכ]ח֯ [אב]י֯ו֯ן֯ [תקות ענוים תאבד לעד]
20	קוּמָ֣ה יְ֭הוָה אַל־ יָעֹ֣ז אֱנ֑וֹשׁ יִשָּׁפְט֥וּ ג֝וֹיִ֗ם עַל־ פָּנֶֽיךָ׃
	(5/6Hev1b frg. 1 ii,20) [ק]ו֯מה יה[ו]ה֯ א֯ל֯ יע֯ז אנ֯וש֯[ יש]פ֯[טו גוים על פניך]
21	שִׁ֘יתָ֤ה יְהוָ֨ה ׀ מוֹרָ֗ה לָ֫הֶ֥ם יֵדְע֥וּ גוֹיִ֑ם אֱנ֖וֹשׁ הֵ֣מָּה סֶּֽלָה׃
	(5/6Hev1b frg. 1 ii,21) [שיתה יהו]ה[ מור]ה להם[ יד]ע֯ו גוי[ם אנוש ]ה֯מ֯ה֯ ס֯ל֯ה

10
1	לָמָ֣ה יְ֭הוָה תַּעֲמֹ֣ד בְּרָח֑וֹק תַּ֝עְלִ֗ים לְעִתּ֥וֹת בַּצָּרֽ͏ָה׃
	(5/6Hev1b frg. 1 ii,23) [למה יהוה תעמד ברחו]ק[ תעלי]ם֯[ ל]ע֯ת֯[ות בצרה]
2	בְּגַאֲוַ֣ת רָ֭שָׁע יִדְלַ֣ק עָנִ֑י יִתָּפְשׂ֓וּ ׀ בִּמְזִמּ֖וֹת ז֣וּ חָשָֽׁבוּ׃
	(5/6Hev1b frg. 1 ii,24) [בגאות רשע ידלק] עני֯[ ]י֯[תפ]ש֯[ו במזמות זו ]ח֯ש○○
3	כִּֽי־ הִלֵּ֣ל רָ֭שָׁע עַל־ תַּאֲוַ֣ת נַפְשׁ֑וֹ וּבֹצֵ֥עַ בֵּ֝רֵ֗ךְ נִ֘אֵ֥ץ ׀ יְהוָֽה׃
	(5/6Hev1b frg. 1 ii,25) [כי הלל רשע ת]א֯ו֯ת נפש֯ו֯[ ו]ב֯צע ברך נ֯א֯ץ יהו֯ה֯
4	רָשָׁ֗ע כְּגֹ֣בַהּ אַ֭פּוֹ בַּל־ יִדְרֹ֑שׁ אֵ֥ין אֱ֝לֹהִ֗ים כָּל־ מְזִמּוֹתָֽיו׃
	(5/6Hev1b frg. 1 ii,26) [רשע כגבה אפו בל ידרש ]אין א֯להים כל֯ מזמ֯[ותיו]
5	יָ֘חִ֤ילוּ דרכו (דְרָכָ֨יו ׀) בְּכָל־ עֵ֗ת מָר֣וֹם מִ֭שְׁפָּטֶיךָ מִנֶּגְדּ֑וֹ כָּל־ צ֝וֹרְרָ֗יו יָפִ֥יחַ בָּהֶֽם׃
	(5/6Hev1b frg. 1 ii,27) [יחילו דרכו בכל עת ]מ֯ר֯[ו]ם֯ משפטיך מ֯נ֯[גדו כל צורריו] (5/6Hev1b frg. 1 ii,28) [יפיח בהם
6	אָמַ֣ר בְּ֭לִבּוֹ בַּל־ אֶמּ֑וֹט לְדֹ֥ר וָ֝דֹ֗ר אֲשֶׁ֣ר לֹֽא־ בְרָֽע׃
	(5/6Hev1b frg. 1 ii,28) אמר ]ב֯[ל]ב֯ו֯ ב֯ל[ א]מ֯וט לדר ו֯ד֯[ר אשר לא ברע]
7	אָלָ֤ה ׀ פִּ֣יהוּ מָ֭לֵא וּמִרְמ֣וֹת וָתֹ֑ךְ תַּ֥חַת לְ֝שׁוֹנ֗וֹ עָמָ֥ל וָאָֽוֶן׃
8	יֵשֵׁ֤ב ׀ בְּמַאְרַ֬ב חֲצֵרִ֗ים בַּֽ֭מִּסְתָּרִים יַהֲרֹ֣ג נָקִ֑י עֵ֝ינָ֗יו לְֽחֵלְכָ֥ה יִצְפֹּֽנוּ׃
	(5/6Hev1b frg. 1 iii+2,2) [ישב ]ב֯מארב חצרים במס[תרים יהרג נקי] (5/6Hev1b frg. 1 iii+2,3) [עי]נ֯יו לחלכה יצפנו
9	יֶאֱרֹ֬ב בַּמִּסְתָּ֨ר ׀ כְּאַרְיֵ֬ה בְסֻכֹּ֗ה יֶ֭אֱרֹב לַחֲט֣וֹף עָנִ֑י יַחְטֹ֥ף עָ֝נִ֗י בְּמָשְׁכ֥וֹ בְרִשְׁתּֽוֹ׃
	(5/6Hev1b frg. 1 iii+2,3) יארב֯[ במסתר כאריה בסכה] (5/6Hev1b frg. 1 iii+2,4) [יא]ר֯ב לחטף עני יחט[ף עני במשכו ברשתו]
10	ודכה (יִדְכֶּ֥ה) יָשֹׁ֑חַ וְנָפַ֥ל בַּ֝עֲצוּמָ֗יו חלכאים (חֵ֣יל כָּאִֽים׃)
	(5/6Hev1b frg. 1 iii+2,5) [ידכה ישח ]ו֯נ֯פ֯ל[ בעצומיו חלכאים]
11	אָמַ֣ר בְּ֭לִבּוֹ שָׁ֣כַֽח אֵ֑ל הִסְתִּ֥יר פָּ֝נָ֗יו בַּל־ רָאָ֥ה לָנֶֽצַח׃
12	קוּמָ֤ה יְהוָ֗ה אֵ֭ל נְשָׂ֣א יָדֶ֑ךָ אַל־ תִּשְׁכַּ֥ח עניים (עֲנָוֽ͏ִים׃)
13	עַל־ מֶ֤ה ׀ נִאֵ֖ץ רָשָׁ֥ע ׀ אֱלֹהִ֑ים אָמַ֥ר בְּ֝לִבּ֗וֹ לֹ֣א תִדְרֹֽשׁ׃
14	רָאִ֡תָה כִּֽי־ אַתָּ֤ה ׀ עָ֘מָ֤ל וָכַ֨עַס ׀ תַּבִּיט֮ לָתֵ֢ת בְּיָ֫דֶ֥ךָ עָ֭לֶיךָ יַעֲזֹ֣ב חֵלֶ֑כָה יָ֝ת֗וֹם אַתָּ֤ה ׀ הָיִ֬יתָ עוֹזֵֽר׃
15	שְׁ֭בֹר זְר֣וֹעַ רָשָׁ֑ע וָ֝רָ֗ע תִּֽדְרוֹשׁ־ רִשְׁע֥וֹ בַל־ תִּמְצָֽא׃
16	יְהוָ֣ה מֶ֭לֶךְ עוֹלָ֣ם וָעֶ֑ד אָבְד֥וּ ג֝וֹיִ֗ם מֵֽאַרְצֽוֹ׃
17	תַּאֲוַ֬ת עֲנָוִ֣ים שָׁמַ֣עְתָּ יְהוָ֑ה תָּכִ֥ין לִ֝בָּ֗ם תַּקְשִׁ֥יב אָזְנֶֽךָ׃
18	לִשְׁפֹּ֥ט יָת֗וֹם וָ֫דָ֥ךְ בַּל־ יוֹסִ֥יף ע֑וֹד לַעֲרֹ֥ץ אֱ֝נ֗וֹשׁ מִן־ הָאָֽרֶץ׃
	(5/6Hev1b frg. 1 iii+2,14) [לשפט יתום ודך] בל֯ יוס[י]ף֯[ עוד לערץ] (5/6Hev1b frg. 1 iii+2,15) [אנוש ]מ֯ן֯ הארץ

11
1	לַמְנַצֵּ֗חַ לְדָ֫וִ֥ד בַּֽיהוָ֨ה ׀ חָסִ֗יתִי אֵ֭יךְ תֹּאמְר֣וּ לְנַפְשִׁ֑י נודו (נ֝֗וּדִי) הַרְכֶ֥ם צִפּֽוֹר׃
	(4Q177 frg. 5-6,7) למנצח] לדויד ביהוה[ חסיתי איך תאמרו לנפשי נודו הרכם צפור (5/6Hev1b frg. 1 iii+2,17) למנ֯צח ל[ד]ו֯ד (5/6Hev1b frg. 1 iii+2,18) ביהו֯ה[ חסיתי ]אי֯ך֯[ ]ת֯א֯מרו לנפ֯שי נודי הרכם צפור
2	כִּ֤י הִנֵּ֪ה הָרְשָׁעִ֡ים יִדְרְכ֬וּן קֶ֗שֶׁת כּוֹנְנ֣וּ חִצָּ֣ם עַל־ יֶ֑תֶר לִיר֥וֹת בְּמוֹ־ אֹ֝֗פֶל לְיִשְׁרֵי־ לֵֽב׃
	(4Q177 frg. 5-6,7) כיא הנה הרשעים ידרכון] (4Q177 frg. 5-6,8) [קשת ]ויכיננ֯ו (]ויכוננ֯ו) חצי֯ם ע[ל יתר … (5/6Hev1b frg. 1 iii+2,19) כי הנה [הרש]עי֯ם ידרכון קשת֯ כוננו חצם על יתר (5/6Hev1b frg. 1 iii+2,20) לירות במו א֯פל ל֯ישרי לב
3	כִּ֣י הַ֭שָּׁתוֹת יֵֽהָרֵס֑וּן צַ֝דִּ֗יק מַה־ פָּעָֽל׃
	(5/6Hev1b frg. 1 iii+2,20) כי השת[ות ]יהרסון (5/6Hev1b frg. 1 iii+2,21) צדיק מה פעל
4	יְהוָ֤ה ׀ בְּֽהֵ֘יכַ֤ל קָדְשׁ֗וֹ יְהוָה֮ בַּשָּׁמַ֢יִם כִּ֫סְא֥וֹ עֵינָ֥יו יֶחֱז֑וּ עַפְעַפָּ֥יו יִ֝בְחֲנ֗וּ בְּנֵ֣י אָדָֽם׃
	(5/6Hev1b frg. 1 iii+2,21) יהוה בה֯יכ֯ל קדשו (5/6Hev1b frg. 1 iii+2,22) יהוה בשמים כס[או ע]י֯ניו יחזו עפעפיו יבח֯נ֯ו (5/6Hev1b frg. 1 iii+2,23) בני אדם
5	יְהוָה֮ צַדִּ֢יק יִ֫בְחָ֥ן וְ֭רָשָׁע וְאֹהֵ֣ב חָמָ֑ס שָֽׂנְאָ֥ה נַפְשֽׁוֹ׃
	(5/6Hev1b frg. 1 iii+2,23) [יהוה צדיק יבחן ורש]ע֯ (5/6Hev1b frg. 1 iii+2,24) [ואהב חמס שנאה נפשו -- ]
6	יַמְטֵ֥ר עַל־ רְשָׁעִ֗ים פַּ֫חִ֥ים אֵ֣שׁ וְ֭גָפְרִית וְר֥וּחַ זִלְעָפ֗וֹת מְנָ֣ת כּוֹסָֽם׃
7	כִּֽי־ צַדִּ֣יק יְ֭הוָה צְדָק֣וֹת אָהֵ֑ב יָ֝שָׁ֗ר יֶחֱז֥וּ פָנֵֽימוֹ׃

12
1	לַמְנַצֵּ֥חַ עַֽל־ הַשְּׁמִינִ֗ית מִזְמ֥וֹר לְדָוִֽד׃
	(4Q177 frg. 5-6,12) למנצח על ה[שמינית --]
2	הוֹשִׁ֣יעָה יְ֭הוָה כִּי־ גָמַ֣ר חָסִ֑יד כִּי־ פַ֥סּוּ אֱ֝מוּנִ֗ים מִבְּנֵ֥י אָדָֽם׃
3	שָׁ֤וְא ׀ יְֽדַבְּרוּ֮ אִ֤ישׁ אֶת־ רֵ֫עֵ֥הוּ שְׂפַ֥ת חֲלָק֑וֹת בְּלֵ֖ב וָלֵ֣ב יְדַבֵּֽרוּ׃
4	יַכְרֵ֣ת יְ֭הוָה כָּל־ שִׂפְתֵ֣י חֲלָק֑וֹת לָ֝שׁ֗וֹן מְדַבֶּ֥רֶת גְּדֹלֽוֹת׃
5	אֲשֶׁ֤ר אָֽמְר֨וּ ׀ לִלְשֹׁנֵ֣נוּ נַ֭גְבִּיר שְׂפָתֵ֣ינוּ אִתָּ֑נוּ מִ֖י אָד֣וֹן לָֽנוּ׃
	(11Q7 frg. 4-7,1) אשר אמרו ללשו]ננו נגביר שפתינו (11Q7 frg. 4-7,2) [אתנו מי אדון לנו
6	מִשֹּׁ֥ד עֲנִיִּים֮ מֵאַנְקַ֢ת אֶבְי֫וֹנִ֥ים עַתָּ֣ה אָ֭קוּם יֹאמַ֣ר יְהוָ֑ה אָשִׁ֥ית בְּ֝יֵ֗שַׁע יָפִ֥יחַֽ לֽוֹ׃
	(11Q7 frg. 4-7,2) משוד עניים מאנקת אביונים עתה אקו]ם֯ יואמר יהוה (11Q7 frg. 4-7,3) [אל צדי]ק֯י֯ם אשי֯[ת בישע יפיח לו (5/6Hev1b frg. 1 iv+3,5) משד ע֯ניים מאנקת֯ א[ביונים עתה אקום יאמר יהוה] (5/6Hev1b frg. 1 iv+3,6) אשית בישע יפיח לו
7	אִֽמֲר֣וֹת יְהוָה֮ אֲמָר֢וֹת טְהֹ֫ר֥וֹת כֶּ֣סֶף צָ֭רוּף בַּעֲלִ֣יל לָאָ֑רֶץ מְ֝זֻקָּ֗ק שִׁבְעָתָֽיִם׃
	(11Q7 frg. 4-7,3) אמרות יהוה אמרות טה]ורות כסף צרוף (11Q7 frg. 4-7,4) ]עיל לארץ מזוק֯[ק שבעתים (5/6Hev1b frg. 1 iv+3,6) אמר֯[ות יהוה אמרות טהרות] (5/6Hev1b frg. 1 iv+3,7) כסף צרוף בעליל לארץ [מזקק שבעתים]
8	אַתָּֽה־ יְהוָ֥ה תִּשְׁמְרֵ֑ם תִּצְּרֶ֓נּוּ ׀ מִן־ הַדּ֖וֹר ז֣וּ לְעוֹלָֽם׃
	(11Q7 frg. 4-7,4) אתה יהוה תשמרמה תצרנ]ו מן הדור זה (11Q7 frg. 4-7,5) [לעו]ל[ם (5/6Hev1b frg. 1 iv+3,8) אתה יהוה תשמרם תצ֯[רנו מן הדור זו לעולם]
9	סָבִ֗יב רְשָׁעִ֥ים יִתְהַלָּכ֑וּן כְּרֻ֥ם זֻ֝לּ֗וּת לִבְנֵ֥י אָדָֽם׃
	(11Q7 frg. 4-7,5) סבי]ב֯ ר֯ש[עים יתהלכון כרום זולות לבני אדם ] (5/6Hev1b frg. 1 iv+3,9) סביב רשעים יתהלכון כרם֯[ זלות לבני אדם]

13
1	לַמְנַצֵּ֗חַ מִזְמ֥וֹר לְדָוִֽד׃
	(11Q7 frg. 4-7,6) [למנצח מזמור לדויד (5/6Hev1b frg. 1 iv+3,11) למנצח מזמור לדוד
2	עַד־ אָ֣נָה יְ֭הוָה תִּשְׁכָּחֵ֣נִי נֶ֑צַח עַד־ אָ֓נָה ׀ תַּסְתִּ֖יר אֶת־ פָּנֶ֣יךָ מִמֶּֽנִּי׃
	(4Q177 frg. 10-11,8) עד אנה יהו]ה֯ תשכח[ני נצח עד אנה תסת]יר פניכה ממני (11Q7 frg. 4-7,6) עד אנה יהוה תשכחני נצח עד אנ]ה ת֯ס֯תיר֯ [את פניכה] (11Q7 frg. 4-7,7) [ממני (5/6Hev1b frg. 1 iv+3,12) עד אנה יהוה תשכחני נצח עד א[נה תסתיר את פניך ממני]
3	עַד־ אָ֨נָה אָשִׁ֪ית עֵצ֡וֹת בְּנַפְשִׁ֗י יָג֣וֹן בִּלְבָבִ֣י יוֹמָ֑ם עַד־ אָ֓נָה ׀ יָר֖וּם אֹיְבִ֣י עָלָֽי׃
	(4Q177 frg. 10-11,8) עד אנה אשיתה (4Q177 frg. 10-11,9) [עצות בנפשי יגון בלבבי יומם] עד אנה[ ירום איבי עלי … (11Q7 frg. 4-7,7) עד אנה אשית עצות בנפשי יגון בלבבי יומם עד] אנה ירום [אויבי] (11Q7 frg. 4-7,8) [עלי (5/6Hev1b frg. 1 iv+3,13) עד אנ֯ה֯ אשית עצות בנפש[י יגון בלבבי יומם] (5/6Hev1b frg. 1 iv+3,14) [עד א]נ֯ה֯ [ירו]ם֯ איבי על[י -- ]
4	הַבִּ֣יטָֽה עֲ֭נֵנִי יְהוָ֣ה אֱלֹהָ֑י הָאִ֥ירָה עֵ֝ינַ֗י פֶּן־ אִישַׁ֥ן הַמָּֽוֶת׃
	(11Q7 frg. 4-7,8) הביטה ענני יהוה אלוהי האירה עיני פן אישן המות
5	פֶּן־ יֹאמַ֣ר אֹיְבִ֣י יְכָלְתִּ֑יו צָרַ֥י יָ֝גִ֗ילוּ כִּ֣י אֶמּֽוֹט׃
	(11Q7 frg. 4-7,8) פן] יואמר אויב[י] (11Q7 frg. 4-7,9) [יכלתיו צרי יגילו כי אמוט
6	וַאֲנִ֤י ׀ בְּחַסְדְּךָ֣ בָטַחְתִּי֮ יָ֤גֵ֥ל לִבִּ֗י בִּֽישׁוּעָ֫תֶ֥ךָ אָשִׁ֥ירָה לַיהוָ֑ה כִּ֖י גָמַ֣ל עָלָֽי׃
	(11Q7 frg. 4-7,9) ואני בחסדכה בטחתי יגל לבי בי]ש[ועת]כה (11Q7 frg. 4-7,10) [אשירה ליהוה כי גמל עלי ]

14
1	לַמְנַצֵּ֗חַ לְדָ֫וִ֥ד אָ֘מַ֤ר נָבָ֣ל בְּ֭לִבּוֹ אֵ֣ין אֱלֹהִ֑ים הִֽשְׁחִ֗יתוּ הִֽתְעִ֥יבוּ עֲלִילָ֗ה אֵ֣ין עֹֽשֵׂה־ טֽוֹב׃
	(4Q83 frg. 11-12,1) [אלהים השחיתו והתעיבו עול אין ]ע֯וש[ה טוב (4Q85 frg. 15 iii+17,33) למנצח על מחלת משכיל לד[וד] (11Q7 frg. 4-7,11) [למנצח לדויד אמר נבל בלבו אין אלוהים השחיתו ה]תעיב֯[ו ]עולה֯[ אין] (11Q7 frg. 4-7,12) [עושה טוב (Ps 53,1) לַמְנַצֵּ֥חַ עַֽל־ מָחֲלַ֗ת מַשְׂכִּ֥יל לְדָוִֽד׃ (Ps 53,2) אָ֘מַ֤ר נָבָ֣ל בְּ֭לִבּוֹ אֵ֣ין אֱלֹהִ֑ים הִֽ֝שְׁחִ֗יתוּ וְהִֽתְעִ֥יבוּ עָ֝֗וֶל אֵ֣ין עֹֽשֵׂה־ טֽוֹב׃
2	יְֽהוָ֗ה מִשָּׁמַיִם֮ הִשְׁקִ֢יף עַֽל־ בְּנֵי־ אָדָ֥ם לִ֭רְאוֹת הֲיֵ֣שׁ מַשְׂכִּ֑יל דֹּ֝רֵשׁ אֶת־ אֱלֹהִֽים׃
	(4Q83 frg. 11-12,1) אלהים משמים השקיף על בני אדם לראות] (4Q83 frg. 11-12,2) [היש משכיל דרש את אלהים (11Q7 frg. 4-7,12) יהוה משמים השקיף על בני אדם לראות ה]יש מ֯[ש]כ֯י֯ל[ דורש] (11Q7 frg. 4-7,13) [את אלוהים (5/6Hev1b frg. 1 iv+3,22) ל֯ר֯[אות היש משכיל דרש את אלהים (Ps 53,3) אֱ‍ֽלֹהִ֗ים מִשָּׁמַיִם֮ הִשְׁקִ֢יף עַֽל־ בְּנֵ֫י אָדָ֥ם לִ֭רְאוֹת הֲיֵ֣שׁ מַשְׂכִּ֑יל דֹּ֝רֵ֗שׁ אֶת־ אֱלֹהִֽים׃
3	הַכֹּ֥ל סָר֮ יַחְדָּ֢ו נֶ֫אֱלָ֥חוּ אֵ֤ין עֹֽשֵׂה־ ט֑וֹב אֵ֝֗ין גַּם־ אֶחָֽד׃
	(4Q83 frg. 11-12,2) ]כול סג יחד֯[ו נאלחו אין עשה טוב אין גם אחד (11Q7 frg. 4-7,13) הכול סר יחדו נאלחו אין עושה טוב אין גם ]אחד (5/6Hev1b frg. 1 iv+3,22) הכל סר יחדו] (5/6Hev1b frg. 1 iv+3,23) נאלחו֯[ אין עשה טוב אין גם אחד] (Ps 53,4) כֻּלּ֥וֹ סָג֮ יַחְדָּ֢ו נֶ֫אֱלָ֥חוּ אֵ֤ין עֹֽשֵׂה־ ט֑וֹב אֵ֝֗ין גַּם־ אֶחָֽד׃
4	הֲלֹ֥א יָדְעוּ֮ כָּל־ פֹּ֢עֲלֵ֫י אָ֥וֶן אֹכְלֵ֣י עַ֭מִּי אָ֣כְלוּ לֶ֑חֶם יְ֝הוָ֗ה לֹ֣א קָרָֽאוּ׃
	(4Q83 frg. 11-12,2) הלא] (4Q83 frg. 11-12,3) [ידעו פעלי און אכלי עמי אכלו ]ל֯[חם] אלהים ל֯וא קרא (11Q7 frg. 4-7,13) [הלוא] (11Q7 frg. 4-7,14) [ידעו כול פועלי און אוכלי עמי אכלו לחם יהוה לוא ]קר֯[או] (5/6Hev1b frg. 1 iv+3,24) ה֯ל֯[א ידעו כל פעלי און אכלי עמי אכלו לחם יהוה לא קראו] (Ps 53,5) הֲלֹ֥א יָדְעוּ֮ פֹּ֤עֲלֵ֫י אָ֥וֶן אֹכְלֵ֣י עַ֭מִּי אָ֣כְלוּ לֶ֑חֶם אֱ֝לֹהִ֗ים לֹ֣א קָרָֽאוּ׃
5	שָׁ֤ם ׀ פָּ֣חֲדוּ פָ֑חַד כִּֽי־ אֱ֝לֹהִ֗ים בְּד֣וֹר צַדִּֽיק׃
	(4Q83 frg. 11-12,4) [שם פחדו פחד לא היה פחד כי אלהים פזר עצמות חנך (11Q7 frg. 4-7,14) ש֯מ֯ה֯ (11Q7 frg. 4-7,15) [פחדו פחד כי אלוהים בדור צדיק (Ps 53,6) שָׁ֤ם ׀ פָּֽחֲדוּ־ פַחַד֮ לֹא־ הָ֢יָה֫ פָ֥חַד כִּֽי־ אֱלֹהִ֗ים פִּ֭זַּר עַצְמ֣וֹת חֹנָ֑ךְ
6	עֲצַת־ עָנִ֥י תָבִ֑ישׁוּ כִּ֖י יְהוָ֣ה מַחְסֵֽהוּ׃
	(4Q83 frg. 11-12,4) הבשתה כי אלהים מאסם (11Q7 frg. 4-7,15) עצת עני תבישו כי] י֯הו֯ה֯ מח֯[סהו] (Ps 53,6) הֱ֝בִשֹׁ֗תָה כִּֽי־ אֱלֹהִ֥ים מְאָסָֽם׃
7	מִ֥י יִתֵּ֣ן מִצִיּוֹן֮ יְשׁוּעַ֢ת יִשְׂרָ֫אֵ֥ל בְּשׁ֣וּב יְ֭הוָה שְׁב֣וּת עַמּ֑וֹ יָגֵ֥ל יַ֝עֲקֹ֗ב יִשְׂמַ֥ח יִשְׂרָֽאֵל׃
	(4Q83 frg. 11-12,4) מי י]ת֯ן ביום ציון (4Q83 frg. 11-12,5) [ישעות ישראל בשוב אלהים שבות עמו יגל יעקב ישמח ישראל ] (Ps 53,7) מִ֥י יִתֵּ֣ן מִצִיּוֹן֮ יְשֻׁע֢וֹת יִשְׂרָ֫אֵ֥ל בְּשׁ֣וּב אֱ֭לֹהִים שְׁב֣וּת עַמּ֑וֹ יָגֵ֥ל יַ֝עֲקֹ֗ב יִשְׂמַ֥ח יִשְׂרָאֵֽל׃

15
1	מִזְמ֗וֹר לְדָ֫וִ֥ד יְ֭הֹוָה מִי־ יָג֣וּר בְּאָהֳלֶ֑ךָ מִֽי־ יִ֝שְׁכֹּ֗ן בְּהַ֣ר קָדְשֶֽׁךָ׃
	(5/6Hev1b frg. 4,1) [יהוה ]מ֯י יגור באהלך מי֯[ ישכן בהר קדשך]
2	הוֹלֵ֣ךְ תָּ֭מִים וּפֹעֵ֥ל צֶ֑דֶק וְדֹבֵ֥ר אֱ֝מֶ֗ת בִּלְבָבֽוֹ׃
	(5/6Hev1b frg. 4,2) [הולך ]ת֯מים ופעל צדק ודב֯[ר אמת בלבבו]
3	לֹֽא־ רָגַ֨ל ׀ עַל־ לְשֹׁנ֗וֹ לֹא־ עָשָׂ֣ה לְרֵעֵ֣הוּ רָעָ֑ה וְ֝חֶרְפָּ֗ה לֹא־ נָשָׂ֥א עַל־ קְרֹֽבוֹ׃
	(5/6Hev1b frg. 4,3) [לא ע]שה לרעהו רעה וחר[פה לא נשא על קרבו]
4	נִבְזֶ֤ה ׀ בְּֽעֵ֘ינָ֤יו נִמְאָ֗ס וְאֶת־ יִרְאֵ֣י יְהוָ֣ה יְכַבֵּ֑ד נִשְׁבַּ֥ע לְ֝הָרַ֗ע וְלֹ֣א יָמִֽר׃
	(5/6Hev1b frg. 4,4) [נבז]ה֯ בעיניו נמאס ואת י֯[ראי יהוה יכבד] (5/6Hev1b frg. 4,5) [נשבע ]להרע ולא ימר
5	כַּסְפּ֤וֹ ׀ לֹא־ נָתַ֣ן בְּנֶשֶׁךְ֮ וְשֹׁ֥חַד עַל־ נָקִ֗י לֹ֥א לָ֫קָ֥ח עֹֽשֵׂה־ אֵ֑לֶּה לֹ֖א יִמּ֣וֹט לְעוֹלָֽם׃
	(5/6Hev1b frg. 4,5) כספ֯[ו לא נתן בנשך] (5/6Hev1b frg. 4,6) [ושחד על נקי ]לא֯ ל[ק]ח עשה א֯[לה לא ימוט לעולם]

16
1	מִכְתָּ֥ם לְדָוִ֑ד שָֽׁמְרֵ֥נִי אֵ֝֗ל כִּֽי־ חָסִ֥יתִי בָֽךְ׃
	(5/6Hev1b frg. 4,8) מכ]ת֯ם֯ לדו[ד ] (5/6Hev1b frg. 4,9) [שמרני אל כי חסיתי בך -- ]
2	אָמַ֣רְתְּ לַֽ֭יהוָה אֲדֹנָ֣י אָ֑תָּה ט֝וֹבָתִ֗י בַּל־ עָלֶֽיךָ׃
3	לִ֭קְדוֹשִׁים אֲשֶׁר־ בָּאָ֣רֶץ הֵ֑מָּה וְ֝אַדִּירֵ֗י כָּל־ חֶפְצִי־ בָֽם׃
	(4Q177 frg. 14,2) לקדושים אשר ]בא[רץ ה]מה ואדי֯ר֯י כול חפצ֯י [בם --]
4	יִרְבּ֥וּ עַצְּבוֹתָם֮ אַחֵ֢ר מָ֫הָ֥רוּ בַּל־ אַסִּ֣יךְ נִסְכֵּיהֶ֣ם מִדָּ֑ם וּֽבַל־ אֶשָּׂ֥א אֶת־ שְׁ֝מוֹתָ֗ם עַל־ שְׂפָתָֽי׃
5	יְֽהוָ֗ה מְנָת־ חֶלְקִ֥י וְכוֹסִ֑י אַ֝תָּ֗ה תּוֹמִ֥יךְ גּוֹרָלִֽי׃
6	חֲבָלִ֣ים נָֽפְלוּ־ לִ֭י בַּנְּעִמִ֑ים אַף־ נַ֝חֲלָ֗ת שָֽׁפְרָ֥ה עָלֽ͏ָי׃
	(4Q85 frg. 1,1) [אף נחלת שפר]ה ע֯ל֯י
7	אֲבָרֵ֗ךְ אֶת־ יְ֭הוָה אֲשֶׁ֣ר יְעָצָ֑נִי אַף־ לֵ֝יל֗וֹת יִסְּר֥וּנִי כִלְיוֹתָֽי׃
	(4Q85 frg. 1,1) אב֯[ר]ך֯ [את יהוה אשר יעצני אף] (4Q85 frg. 1,2) [לילות יסרו]ני כליתי֯
8	שִׁוִּ֬יתִי יְהוָ֣ה לְנֶגְדִּ֣י תָמִ֑יד כִּ֥י מִֽ֝ימִינִ֗י בַּל־ אֶמּֽוֹט׃
	(4Q85 frg. 1,2) שו֯[יתי יהוה לנגדי תמיד] (4Q85 frg. 1,3) [כי מימיני ]ב֯ל אמוט
9	לָכֵ֤ן ׀ שָׂמַ֣ח לִ֭בִּי וַיָּ֣גֶל כְּבוֹדִ֑י אַף־ בְּ֝שָׂרִ֗י יִשְׁכֹּ֥ן לָבֶֽטַח׃
	(4Q85 frg. 1,3) ל[כן שמח לבי ויגל כבודי] (4Q85 frg. 1,4) [אף בשר]י֯ ישכן לב[טח
10	כִּ֤י ׀ לֹא־ תַעֲזֹ֣ב נַפְשִׁ֣י לִשְׁא֑וֹל לֹֽא־ תִתֵּ֥ן חֲ֝סִידְךָ֗ לִרְא֥וֹת שָֽׁחַת׃
	(4Q85 frg. 1,4) כי לא תעזב נפשי לשאול] (4Q85 frg. 1,5) [לא תתן ח]ס֯[י]ד֯ך֯[ לראות שחת -- ]
11	תּֽוֹדִיעֵנִי֮ אֹ֤רַח חַ֫יִּ֥ים שֹׂ֣בַע שְׂ֭מָחוֹת אֶת־ פָּנֶ֑יךָ נְעִמ֖וֹת בִּימִינְךָ֣ נֶֽצַח׃

17
1	תְּפִלָּ֗ה לְדָ֫וִ֥ד שִׁמְעָ֤ה יְהוָ֨ה ׀ צֶ֗דֶק הַקְשִׁ֥יבָה רִנָּתִ֗י הַאֲזִ֥ינָה תְפִלָּתִ֑י בְּ֝לֹ֗א שִׂפְתֵ֥י מִרְמָֽה׃
	(4Q85 frg. 2,1) תפלה ל[דוד שמעה יהוה צדק הקשיבה רנתי] (4Q85 frg. 2,2) [ה]א֯ז֯ינ[ה תפלתי בלא שפתי מרמה]
2	מִ֭לְּפָנֶיךָ מִשְׁפָּטִ֣י יֵצֵ֑א עֵ֝ינֶ֗יךָ תֶּחֱזֶ֥ינָה מֵישָׁרִֽים׃
3	בָּ֘חַ֤נְתָּ לִבִּ֨י ׀ פָּ֘קַ֤דְתָּ לַּ֗יְלָה צְרַפְתַּ֥נִי בַל־ תִּמְצָ֑א זַ֝מֹּתִ֗י בַּל־ יַעֲבָר־ פִּֽי׃
4	לִפְעֻלּ֣וֹת אָ֭דָם בִּדְבַ֣ר שְׂפָתֶ֑יךָ אֲנִ֥י שָׁ֝מַ֗רְתִּי אָרְח֥וֹת פָּרִֽיץ׃
5	תָּמֹ֣ךְ אֲ֭שֻׁרַי בְּמַעְגְּלוֹתֶ֑יךָ בַּל־ נָמ֥וֹטּוּ פְעָמָֽי׃
	(8Q2 frg. 1-6,1) תמך[ א]ש֯רי[ במעג]ל[ותיך] (8Q2 frg. 1-6,2) [בל נמוטו פעמי
6	אֲנִֽי־ קְרָאתִ֣יךָ כִֽי־ תַעֲנֵ֣נִי אֵ֑ל הַֽט־ אָזְנְךָ֥ לִ֝֗י שְׁמַ֣ע אִמְרָתִֽי׃
	(8Q2 frg. 1-6,2) ]אני[ קרא]תי[ך כי תענני אל] (8Q2 frg. 1-6,3) [הט אזנך לי שמע ]אמרתי[
7	הַפְלֵ֣ה חֲ֭סָדֶיךָ מוֹשִׁ֣יעַ חוֹסִ֑ים מִ֝מִּתְקוֹמְמִ֗ים בִּֽימִינֶֽךָ׃
	(8Q2 frg. 1-6,3) הפלה ח]סד[יך] (8Q2 frg. 1-6,4) [מושיע חוסים מת[קוממים בימי]נך
8	שָׁ֭מְרֵנִי כְּאִישׁ֣וֹן בַּת־ עָ֑יִן בְּצֵ֥ל כְּ֝נָפֶ֗יךָ תַּסְתִּירֵֽנִי׃
	(8Q2 frg. 1-6,5) [שמרני כאישון ב]ת עין ב[צל כנפיך תסתירני]
9	מִפְּנֵ֣י רְ֭שָׁעִים ז֣וּ שַׁדּ֑וּנִי אֹיְבַ֥י בְּ֝נֶ֗פֶשׁ יַקִּ֥יפוּ עָלָֽי׃
	(8Q2 frg. 1-6,6) [מפני רשעים זו שדוני ]איב[י בנפש יקיפו עלי] (11Q7 frg. 8,1) מפני רשעים זה דרש֯[וני אויבי בנפש יקיפו עלי
10	חֶלְבָּ֥מוֹ סָּגְר֑וּ פִּ֝֗ימוֹ דִּבְּר֥וּ בְגֵאֽוּת׃
	(11Q7 frg. 8,1) חלבמו סגרו פימו] (11Q7 frg. 8,2) דברו בגאות
11	אַ֭שֻּׁרֵינוּ עַתָּ֣ה סבבוני (סְבָב֑וּנוּ) עֵינֵיהֶ֥ם יָ֝שִׁ֗יתוּ לִנְט֥וֹת בָּאָֽרֶץ׃
	(11Q7 frg. 8,2) גרשוני עתה סבב֯[וני עיניהם ישיתו לנטות בארץ]
12	דִּמְיֹנ֗וֹ כְּ֭אַרְיֵה יִכְס֣וֹף לִטְר֑וֹף וְ֝כִכְפִ֗יר יֹשֵׁ֥ב בְּמִסְתָּרֽ͏ִים׃
	(11Q7 frg. 8,3) [דמינו כאריה יכ]סוף לטרוף וככפיר יושב ב[מסתרים
13	קוּמָ֤ה יְהוָ֗ה קַדְּמָ֣ה פָ֭נָיו הַכְרִיעֵ֑הוּ פַּלְּטָ֥ה נַ֝פְשִׁ֗י מֵרָשָׁ֥ע חַרְבֶּֽךָ׃
	(11Q7 frg. 8,3) קומה יהוה] (11Q7 frg. 8,4) [קדם פניו הכריעהו פ]לט נפשי מר[שע ח]רבכה
14	מִֽמְתִ֥ים יָדְךָ֨ ׀ יְהוָ֡ה מִֽמְתִ֬ים מֵחֶ֗לֶד חֶלְקָ֥ם בַּֽחַיִּים֮ וצפינך (וּֽצְפוּנְךָ֮) תְּמַלֵּ֢א בִ֫טְנָ֥ם יִשְׂבְּע֥וּ בָנִ֑ים וְהִנִּ֥יחוּ יִ֝תְרָ֗ם לְעוֹלְלֵיהֽ͏ֶם׃
	(8Q2 frg. 7,1) וצפונך] (8Q2 frg. 7,2) [תמלא בטנם ישבעו בנים והניחו ]יתרם[ לעולליהם] (11Q7 frg. 8,4) ממות[ים ]מ֯י֯ד֯[כה] (11Q7 frg. 8,5) [יהוה ממתים מחלד ח]לקם בחייה[ם] וצפ֯[ונכ]ה תמלא בטנם י֯[שבעו] (11Q7 frg. 8,6) [בנים והניחו יתרם לעוללי]הם
15	אֲנִ֗י בְּ֭צֶדֶק אֶחֱזֶ֣ה פָנֶ֑יךָ אֶשְׂבְּעָ֥ה בְ֝הָקִ֗יץ תְּמוּנָתֶֽךָ׃
	(11Q7 frg. 8,6) אני ב֯צדק אחז[ה ]פ֯ניכה אשב֯ע֯ה בהקי֯[ץ] (11Q7 frg. 8,7) [תמונתכה ]

18
1	לַמְנַצֵּ֤חַ ׀ לְעֶ֥בֶד יְהוָ֗ה לְדָ֫וִ֥ד אֲשֶׁ֤ר דִּבֶּ֨ר ׀ לַיהוָ֗ה אֶת־ דִּ֭בְרֵי הַשִּׁירָ֣ה הַזֹּ֑את בְּי֤וֹם הִֽצִּיל־ יְהוָ֘ה אוֹת֥וֹ מִכַּ֥ף כָּל־ אֹ֝יְבָ֗יו וּמִיַּ֥ד שָׁאֽוּל׃
	(4Q85 frg. 3-4 i,1) ובי֯[ום הציל יהוה אותו מכף כל איביו ומיד שאול (11Q7 frg. 8,8) [למנצח לעבד יהוה לדוי]ד אשר דבר ליהוה[ את ]ד֯ברי השירה[ הזואת] (11Q7 frg. 8,9) [ביום הציל יהוה אותו מכ]ף כול אויביו ומיד שאו[ל (2 Sam 22,1) וַיְדַבֵּ֤ר דָּוִד֙ לַֽיהוָ֔ה אֶת־ דִּבְרֵ֖י הַשִּׁירָ֣ה הַזֹּ֑את בְּיוֹם֩ הִצִּ֨יל יְהוָ֥ה אֹת֛וֹ מִכַּ֥ף כָּל־ אֹיְבָ֖יו וּמִכַּ֥ף שָׁאֽוּל׃
2	וַיֹּאמַ֡ר אֶרְחָמְךָ֖ יְהוָ֣ה חִזְקִֽי׃
	(4Q85 frg. 3-4 i,1) ויאמר] (4Q85 frg. 3-4 i,2) ארחמך֯[ יהוה חזקי (11Q7 frg. 8,9) ו]י[ו]אמר רחמ֯[תיכה] (11Q7 frg. 8,10) [יהוה חזקי (2 Sam 22,2) וַיֹּאמַ֑ר
3	יְהוָ֤ה ׀ סַֽלְעִ֥י וּמְצוּדָתִ֗י וּמְפַ֫לְטִ֥י אֵלִ֣י צ֭וּרִי אֶֽחֱסֶה־ בּ֑וֹ מָֽגִנִּ֥י וְקֶֽרֶן־ יִ֝שְׁעִ֗י מִשְׂגַּבִּֽי׃
	(4Q85 frg. 3-4 i,2) יהוה סלעי ומ]צ֯ו֯דתי ומפלטי (4Q85 frg. 3-4 i,3) [אלי צורי אחסה בו מגני וקרן י]ש֯עי משגבי (11Q7 frg. 8,10) יהוה סלע]י֯ ומצ[ו]דתי ומפלטי אלי צורי אחס[ה] (11Q7 frg. 8,11) [בו מגני וקרן ישעי משגבי] (2 Sam 22,2) יְהוָ֛ה סַֽלְעִ֥י וּמְצֻדָתִ֖י וּמְפַלְטִי־ לִֽי׃ (2 Sam 22,3) אֱלֹהֵ֥י צוּרִ֖י אֶחֱסֶה־ בּ֑וֹ מָגִנִּ֞י וְקֶ֣רֶן יִשְׁעִ֗י מִשְׂגַּבִּי֙ …
4	מְ֭הֻלָּל אֶקְרָ֣א יְהוָ֑ה וּמִן־ אֹ֝יְבַ֗י אִוָּשֵֽׁעַ׃
	(4Q85 frg. 3-4 i,4) [מהלל אקרא יהוה ומן איבי או]שע (11Q7 frg. 8,11) מח֯[ו]לל אקראה יהוה ומאויבי או֯[שע] (2 Sam 22,4) מְהֻלָּ֖ל אֶקְרָ֣א יְהוָ֑ה וּמֵאֹיְבַ֖י אִוָּשֵֽׁעַ׃ (Ps 18,4) וּמִן־ אֹ֝יְבַ֗י אִוָּשֵֽׁעַ׃
5	אֲפָפ֥וּנִי חֶבְלֵי־ מָ֑וֶת וְֽנַחֲלֵ֖י בְלִיַּ֣עַל יְבַֽעֲתֽוּנִי׃
	… (1QH^a 11,9) משברי מות (4Q85 frg. 3-4 i,5) [אפפוני חבלי מות ונחלי בליעל ]י֯בעתוני (11Q7 frg. 8,12) [אפפוני חבלי מות ונחלי בליעל יב]עתוני (2 Sam 22,5) אֲפָפֻ֖נִי מִשְׁבְּרֵי־ מָ֑וֶת נַחֲלֵ֥י בְלִיַּ֖עַל יְבַעֲתֻֽנִי׃
6	חֶבְלֵ֣י שְׁא֣וֹל סְבָב֑וּנִי קִ֝דְּמ֗וּנִי מ֣וֹקְשֵׁי מָֽוֶת׃
	(4Q85 frg. 3-4 i,6) [חבלי שאול סבבוני קדמוני ]מ֯וקשי מ֯ות (8Q2 frg. 8-10,1) [חבלי שאול סבבוני] ק[דמוני מוקשי מות] (11Q7 frg. 8,12) חבלי שאול סבבוני (11Q7 frg. 8,13) [קדמוני מוקשי מות (5/6Hev1b frg. 5,20) [חבלי שאול סבבוני קדמוני ]מו֯קשי֯ מ֯[ות] (2 Sam 22,6) חֶבְלֵ֥י שְׁא֖וֹל סַבֻּ֑נִי קִדְּמֻ֖נִי מֹֽקְשֵׁי־ מָֽוֶת׃
7	בַּצַּר־ לִ֤י ׀ אֶֽקְרָ֣א יְהוָה֮ וְאֶל־ אֱלֹהַ֢י אֲשַׁ֫וֵּ֥עַ יִשְׁמַ֣ע מֵהֵיכָל֣וֹ קוֹלִ֑י וְ֝שַׁוְעָתִ֗י לְפָנָ֤יו ׀ תָּב֬וֹא בְאָזְנָֽיו׃
	(4Q381 frg. 24a+b,9) ש֯[ -- שועתי ל]פ֯ניו באזניו תבו֯א֯ (4Q85 frg. 3-4 i,7) [בצר לי אקרא יהוה ואל ]אלהי אשוע (4Q85 frg. 3-4 i,8) [ישמע מהיכלו קולי ושועתי לפניו ]ת֯בוא באזניו (8Q2 frg. 8-10,2) [בצר לי אקרא] יה֯[וה ואל אלהי אשוע] (8Q2 frg. 8-10,3) [ישמע מהיכלו קו]ל[י ושועתי לפניו תבוא באזניו] (11Q7 frg. 8,13) בצר לי אק]ר֯א יהוה ואל אלוהי אשו[ע ישמע] (11Q7 frg. 8,14) [מהיכלו קולי ושועתי לפניו תבוא בא]זניו (5/6Hev1b frg. 5,21) [בצר לי אקרא יהוה ואל אל]הי אשוע ישמ֯[ע מהיכלו קולי] (5/6Hev1b frg. 5,22) [ושועתי לפניו תבוא באזניו (2 Sam 22,7) בַּצַּר־ לִי֙ אֶקְרָ֣א יְהוָ֔ה וְאֶל־ אֱלֹהַ֖י אֶקְרָ֑א וַיִּשְׁמַ֤ע מֵהֵֽיכָלוֹ֙ קוֹלִ֔י וְשַׁוְעָתִ֖י בְּאָזְנָֽיו׃
8	וַתִּגְעַ֬שׁ וַתִּרְעַ֨שׁ ׀ הָאָ֗רֶץ וּמוֹסְדֵ֣י הָרִ֣ים יִרְגָּ֑זוּ וַ֝יִּתְגָּֽעֲשׁ֗וּ כִּי־ חָ֥רָה לֽוֹ׃
	(4Q85 frg. 3-4 i,9) [ותגעש ותרעש הארץ ומוסדי הרים ]ירגזו֯ (4Q85 frg. 3-4 i,10) [ויתגעשו כי חרה לו (8Q2 frg. 8-10,4) [ותגעש ותרעש הארץ] ומ[וסדי הרים ירגזו] (8Q2 frg. 8-10,5) [ויתגעשו כי חרה לו (11Q7 frg. 8,14) ותגעש ותרעש[ הארץ] (11Q7 frg. 8,15) [ומוסדות השמים ירגזו ויתגעשו] כי חרה לו (5/6Hev1b frg. 5,22) ותגע]ש ותרעש הארץ֯ (5/6Hev1b frg. 5,23) [ומוסדי הרים ירגזו ויתג]ע֯שו כי֯ חרה לו֯ (2 Sam 22,8) ותגעש (וַיִּתְגָּעַ֤שׁ) וַתִּרְעַשׁ֙ הָאָ֔רֶץ מוֹסְד֥וֹת הַשָּׁמַ֖יִם יִרְגָּ֑זוּ וַיִּֽתְגָּעֲשׁ֖וּ כִּֽי־ חָ֥רָה לֽוֹ׃
9	עָ֘לָ֤ה עָשָׁ֨ן ׀ בְּאַפּ֗וֹ וְאֵשׁ־ מִפִּ֥יו תֹּאכֵ֑ל גֶּ֝חָלִ֗ים בָּעֲר֥וּ מִמֶּֽנּוּ׃
	(4Q85 frg. 3-4 i,10) עלה עשן ב]אפו (4Q85 frg. 3-4 i,11) [ואש מפיו תאכל גחלים בערו ממנו] (8Q2 frg. 8-10,5) עלה [עשן באפו] (8Q2 frg. 8-10,6) [ואש מפיו תאכל] גחלים[ בערו ממנו] (11Q7 frg. 8,15) על[ה] עשן[ באפו ואש] (11Q7 frg. 8,16) [מפיו תואכל גחלים בערו ממנו (5/6Hev1b frg. 5,24) [עלה עשן באפו ואש מפיו ]תאכל (5/6Hev1b frg. 5,25) [גחלים בערו ממנו (2 Sam 22,9) עָלָ֤ה עָשָׁן֙ בְּאַפּ֔וֹ וְאֵ֥שׁ מִפִּ֖יו תֹּאכֵ֑ל גֶּחָלִ֖ים בָּעֲר֥וּ מִמֶּֽנּוּ׃
10	וַיֵּ֣ט שָׁ֭מַיִם וַיֵּרַ֑ד וַ֝עֲרָפֶ֗ל תַּ֣חַת רַגְלֽ͏ָיו׃
	(4Q85 frg. 3-4 i,12) [ויט שמים וירד וערפל תח]ת רגליו (8Q2 frg. 11-13,1) [ויט ]שמ[ים וירד וערפ]ל ת[חת רגליו ] (11Q7 frg. 8,16) וי]ט שמים וירד וער[פל תחת] (11Q7 frg. 8,17) [רגליו (5/6Hev1b frg. 5,25) ויט שמי]ם ו֯י֯ר֯ד (5/6Hev1b frg. 5,26) [וערפל תחת רגליו (2 Sam 22,10) וַיֵּ֥ט שָׁמַ֖יִם וַיֵּרַ֑ד וַעֲרָפֶ֖ל תַּ֥חַת רַגְלָֽיו׃
11	וַיִּרְכַּ֣ב עַל־ כְּ֭רוּב וַיָּעֹ֑ף וַ֝יֵּ֗דֶא עַל־ כַּנְפֵי־ רֽוּחַ׃
	(4Q85 frg. 3-4 i,13) [וירכב על כרוב ויעף וידא על ]כנפי רוח (8Q2 frg. 11-13,2) [וירכב על כרוב וי]עף וי[ד]א על[ כנפי רוח ] (11Q7 frg. 8,17) וירכב על כרוב ויעוף וידא ]ע֯ל כנפי רוח (5/6Hev1b frg. 5,26) וירכב ע]ל כרוב ויע֯ף֯ (5/6Hev1b frg. 5,27) [וידא על כנפי רוח (2 Sam 22,11) וַיִּרְכַּ֥ב עַל־ כְּר֖וּב וַיָּעֹ֑ף וַיֵּרָ֖א עַל־ כַּנְפֵי־ רֽוּחַ׃
12	יָ֤שֶׁת חֹ֨שֶׁךְ ׀ סִתְר֗וֹ סְבִֽיבוֹתָ֥יו סֻכָּת֑וֹ חֶשְׁכַת־ מַ֝֗יִם עָבֵ֥י שְׁחָקִֽים׃
	(4Q85 frg. 3-4 i,14) [ישת חשך סתרו סביבותיו ]סכתו (4Q85 frg. 3-4 i,15) [חשכת מים עבי שחקים (8Q2 frg. 11-13,3) יש[ת חש]ך סת[רו] ס[בי]בו[תיו סכתו] (8Q2 frg. 11-13,4) ח֯[שכת מי]ם ע[בי שחקים (11Q7 frg. 8,18) [ישת חושך סתרו סביבותיו סוכתו ח]שכות מים [עבי שחקים] (5/6Hev1b frg. 5,27) ישת חש]ך֯[ ס]ת֯ר֯[ו ]ס֯[ביבותיו] (5/6Hev1b frg. 5,28) [סכתו חשכת מים עבי שחקים (2 Sam 22,12) וַיָּ֥שֶׁת חֹ֛שֶׁךְ סְבִיבֹתָ֖יו סֻכּ֑וֹת חַֽשְׁרַת־ מַ֖יִם עָבֵ֥י שְׁחָקִֽים׃
13	מִנֹּ֗גַהּ נֶ֫גְדּ֥וֹ עָבָ֥יו עָבְר֑וּ בָּ֝רָ֗ד וְגַֽחֲלֵי־ אֵֽשׁ׃
	(4Q85 frg. 3-4 i,15) מנגה נגדו ]ע֯ביו עברו (4Q85 frg. 3-4 i,16) [ברד וגחלי אש (8Q2 frg. 11-13,4) מנגה נגדו עביו עברו] (8Q2 frg. 11-13,5) ב[רד וגח]ל֯[י אש -- ] (5/6Hev1b frg. 5,28) מנגה נגדו עביו ]ע֯ב֯[רו ברד וגחלי אש] (2 Sam 22,13) מִנֹּ֖גַהּ נֶגְדּ֑וֹ בָּעֲר֖וּ גַּחֲלֵי־ אֵֽשׁ׃
14	וַיַּרְעֵ֬ם בַּשָּׁמַ֨יִם ׀ יְֽהוָ֗ה וְ֭עֶלְיוֹן יִתֵּ֣ן קֹל֑וֹ בָּ֝רָ֗ד וְגַֽחֲלֵי־ אֵֽשׁ׃
	(4Q85 frg. 3-4 i,16) וירעם בש]מים יהוה[ ] (4Q85 frg. 3-4 i,17) [ועליון יתן קלו ברד וגח]ל[י] אש (2 Sam 22,14) יַרְעֵ֥ם מִן־ שָׁמַ֖יִם יְהוָ֑ה וְעֶלְי֖וֹן יִתֵּ֥ן קוֹלֽוֹ׃
15	וַיִּשְׁלַ֣ח חִ֭צָּיו וַיְפִיצֵ֑ם וּבְרָקִ֥ים רָ֝ב וַיְהֻמֵּֽם׃
	(11Q7 frg. 9,1) [וישלח חציו ויפיצם ובר]ק֯י֯[ם רב ויהמם (2 Sam 22,15) וַיִּשְׁלַ֥ח חִצִּ֖ים וַיְפִיצֵ֑ם בָּרָ֖ק ויהמם (וַיָּהֹֽם׃
16	וַיֵּ֤רָא֨וּ ׀ אֲפִ֥יקֵי מַ֗יִם וַֽיִּגָּלוּ֮ מוֹסְד֢וֹת תֵּ֫בֵ֥ל מִגַּעֲרָ֣תְךָ֣ יְהוָ֑ה מִ֝נִּשְׁמַ֗ת ר֣וּחַ אַפֶּֽךָ׃
	(4Q85 frg. 5,1) ויגלו מוסד֯ו֯[ת תבל מגערתך יהוה] (4Q85 frg. 5,2) מנשמת ר֯[וח אפך (11Q7 frg. 9,1) ויראו] (11Q7 frg. 9,2) [אפיקי מים ויגלו מוסד]י֯ תבל ישל[ח יהוה מנשמת] (11Q7 frg. 9,3) [רוח אפך (2 Sam 22,16) וַיֵּֽרָאוּ֙ אֲפִ֣קֵי יָ֔ם יִגָּל֖וּ מֹסְד֣וֹת תֵּבֵ֑ל בְּגַעֲרַ֣ת יְהוָ֔ה מִנִּשְׁמַ֖ת ר֥וּחַ אַפּֽוֹ׃
17	יִשְׁלַ֣ח מִ֭מָּרוֹם יִקָּחֵ֑נִי יַֽ֝מְשֵׁ֗נִי מִמַּ֥יִם רַבִּֽים׃
	(4Q51 frg. 155-158,1) ישלח ממרום ]יק[חני] (4Q51 frg. 155-158,2) [ימשני ממים רבים (4Q85 frg. 5,2) ישלח ממרום יקחני] (4Q85 frg. 5,3) ימשני֯[ ממים רבים (11Q7 frg. 9,3) ישלח ]ממרום ויק֯ח֯[ני ימשני ממים רבים] (5/6Hev1b frg. 6-7,4) ישל]ח֯ מ֯מ֯ר֯ו֯[ם] (5/6Hev1b frg. 6-7,5) [יקחני ימשני ממים רבים (2 Sam 22,17) יִשְׁלַ֥ח מִמָּר֖וֹם יִקָּחֵ֑נִי יַֽמְשֵׁ֖נִי מִמַּ֥יִם רַבִּֽים׃
18	יַצִּילֵ֗נִי מֵאֹיְבִ֥י עָ֑ז וּ֝מִשֹּׂנְאַ֗י כִּֽי־ אָמְצ֥וּ מִמֶּֽנִּי׃
	(4Q51 frg. 155-158,2) יצילני מאויבי עז משונאי כי אמצו ממני (4Q85 frg. 5,3) יצילני מאיבי עז] (4Q85 frg. 5,4) ו֯מ֯[שנאי כי אמצו ממני -- ] (5/6Hev1b frg. 6-7,5) יציל]נ֯י מאיבי עז (5/6Hev1b frg. 6-7,6) [ומשנאי כי אמצו ממני (2 Sam 22,18) יַצִּילֵ֕נִי מֵאֹיְבִ֖י עָ֑ז מִשֹּׂ֣נְאַ֔י כִּ֥י אָמְצ֖וּ מִמֶּֽנִּי׃
19	יְקַדְּמ֥וּנִי בְיוֹם־ אֵידִ֑י וַֽיְהִי־ יְהוָ֖ה לְמִשְׁעָ֣ן לִֽי׃
	(4Q51 frg. 155-158,2) יקדמונ]י בי֯[ום] (4Q51 frg. 155-158,3) [אידי ויהי יהוה משען לי (5/6Hev1b frg. 6-7,6) יקדמוני ]ביום אידי (5/6Hev1b frg. 6-7,7) [ויהי יהוה למש]ען לי (2 Sam 22,19) יְקַדְּמֻ֖נִי בְּי֣וֹם אֵידִ֑י וַיְהִ֧י יְהוָ֛ה מִשְׁעָ֖ן לִֽי׃
20	וַיּוֹצִיאֵ֥נִי לַמֶּרְחָ֑ב יְ֝חַלְּצֵ֗נִי כִּ֘י חָ֥פֵֽץ בִּֽי׃
	(4Q51 frg. 155-158,3) ויוציאני למרחב יחלצני כי חפץ בי (5/6Hev1b frg. 6-7,7) ויציא֯נ֯[י ל]מ֯ר֯חב יחלצני כי חפץ בי (2 Sam 22,20) וַיֹּצֵ֥א לַמֶּרְחָ֖ב אֹתִ֑י יְחַלְּצֵ֖נִי כִּי־ חָ֥פֵֽץ בִּֽי׃
21	יִגְמְלֵ֣נִי יְהוָ֣ה כְּצִדְקִ֑י כְּבֹ֥ר יָ֝דַ֗י יָשִׁ֥יב לִֽי׃
	(4Q51 frg. 155-158,3) יגמלני י]ה֯ו֯[ה] (4Q51 frg. 155-158,4) [כצדקתי כבר ידי ישיב לי (5/6Hev1b frg. 6-7,8) [יגמלני יהוה כצ]ד֯קי כבר ידי ישיב לי (2 Sam 22,21) יִגְמְלֵ֥נִי יְהוָ֖ה כְּצִדְקָתִ֑י כְּבֹ֥ר יָדַ֖י יָשִׁ֥יב לִֽי׃
22	כִּֽי־ שָׁ֭מַרְתִּי דַּרְכֵ֣י יְהוָ֑ה וְלֹֽא־ רָ֝שַׁ֗עְתִּי מֵאֱלֹהָֽי׃
	(4Q51 frg. 155-158,4) כי שמרתי דרכי יהוה ולוא רשעתי לפני אלוהי] (5/6Hev1b frg. 6-7,9) [כי שמרתי דרכי יהוה ]ו֯לא רשעתי מאלהי (2 Sam 22,22) כִּ֥י שָׁמַ֖רְתִּי דַּרְכֵ֣י יְהוָ֑ה וְלֹ֥א רָשַׁ֖עְתִּי מֵאֱלֹהָֽי׃
23	כִּ֣י כָל־ מִשְׁפָּטָ֣יו לְנֶגְדִּ֑י וְ֝חֻקֹּתָ֗יו לֹא־ אָסִ֥יר מֶֽנִּי׃
	(4Q51 frg. 155-158,5) [כי כל משפטיו לנגדי וחקותיו לא אסור ממני (5/6Hev1b frg. 6-7,9) כי כל משפטיו לנגד֯[י] (5/6Hev1b frg. 6-7,10) [וחקתיו לא אסיר מ]נ֯י (2 Sam 22,23) כִּ֥י כָל־ משפטו (מִשְׁפָּטָ֖יו) לְנֶגְדִּ֑י וְחֻקֹּתָ֖יו לֹא־ אָס֥וּר מִמֶּֽנָּה׃
24	וָאֱהִ֣י תָמִ֣ים עִמּ֑וֹ וָ֝אֶשְׁתַּמֵּ֗ר מֵעֲוֺנִֽי׃
	(4Q51 frg. 155-158,5) ואהי תמי]ם֯ [עמו ]וא[שתמרה] (4Q51 frg. 155-158,6) [מעוני (5/6Hev1b frg. 6-7,10) וא֯[ה]י תמים עמו ואשתמר מעוני (2 Sam 22,24) וָאֶהְיֶ֥ה תָמִ֖ים ל֑וֹ וָאֶשְׁתַּמְּרָ֖ה מֵעֲוֺנִֽי׃
25	וַיָּֽשֶׁב־ יְהוָ֣ה לִ֣י כְצִדְקִ֑י כְּבֹ֥ר יָ֝דַ֗י לְנֶ֣גֶד עֵינָֽיו׃
	(4Q51 frg. 155-158,6) וישב יהוה לי כצדקתי כבר ידי לנגד עיניו (5/6Hev1b frg. 6-7,11) [וישב יהוה ]לי כצדקי֯ כבר ידי לנגד עיניו (2 Sam 22,25) וַיָּ֧שֶׁב יְהוָ֛ה לִ֖י כְּצִדְקָתִ֑י כְּבֹרִ֖י לְנֶ֥גֶד עֵינָֽיו׃
26	עִם־ חָסִ֥יד תִּתְחַסָּ֑ד עִם־ גְּבַ֥ר תָּ֝מִ֗ים תִּתַּמָּֽם׃
	(4Q51 frg. 155-158,6) עם חסי]ד֯ תתחסד ו[עם] (4Q51 frg. 155-158,7) [גבר תמים תתמם (11Q8 frg. 3,1) תתחסד עם גבר תמי[ם תתמם (5/6Hev1b frg. 6-7,12) [עם חס]יד תתחסד עם גבר תמים תתמם (2 Sam 22,26) עִם־ חָסִ֖יד תִּתְחַסָּ֑ד עִם־ גִּבּ֥וֹר תָּמִ֖ים תִּתַּמָּֽם׃
27	עִם־ נָבָ֥ר תִּתְבָּרָ֑ר וְעִם־ עִ֝קֵּ֗שׁ תִּתְפַּתָּֽל׃
	(4Q51 frg. 155-158,7) עם נ]בר ת֯ת[בר ועם עקש תתפתל כי (11Q8 frg. 3,1) עם נבר תתברר] (11Q8 frg. 3,2) ועם עקש תתפתל (5/6Hev1b frg. 6-7,13) [עם נ]בר תתברר֯ ועם עקש תתפתל (2 Sam 22,27) עִם־ נָבָ֖ר תִּתָּבָ֑ר וְעִם־ עִקֵּ֖שׁ תִּתַּפָּֽל׃
28	כִּֽי־ אַ֭תָּה עַם־ עָנִ֣י תוֹשִׁ֑יעַ וְעֵינַ֖יִם רָמ֣וֹת תַּשְׁפִּֽיל׃
	(4Q51 frg. 155-158,7) אתה ע]ם֯ [עני] (4Q51 frg. 155-158,8) [תושיע ועינים על רמים תשפיל (11Q8 frg. 3,2) כי[ אתה עם עני תושיע ועינים] (11Q8 frg. 3,3) רמות תשפיל (5/6Hev1b frg. 6-7,14) [כי א]תה עם עני תושיע ועינ[י]ם֯ רמות תשפיל (2 Sam 22,28) וְאֶת־ עַ֥ם עָנִ֖י תּוֹשִׁ֑יעַ וְעֵינֶ֖יךָ עַל־ רָמִ֥ים תַּשְׁפִּֽיל׃
29	כִּֽי־ אַ֭תָּה תָּאִ֣יר נֵרִ֑י יְהוָ֥ה אֱ֝לֹהַ֗י יַגִּ֥יהַּ חָשְׁכִּֽי׃
	(4Q51 frg. 155-158,8) כי אתה תאיר נירי יהוה אלוהי תגיה לי] (4Q51 frg. 155-158,9) [בחושכי (11Q8 frg. 3,3) כי את֯[ה תאיר נרי יהוה אלהי יגיה] (11Q8 frg. 3,4) [ח]ש֯[כי -- ] (5/6Hev1b frg. 6-7,15) [כי א]ת֯ה תאיר[ נרי י]הוה א[לה]י יגיה חשכ֯י֯ (2 Sam 22,29) כִּֽי־ אַתָּ֥ה נֵירִ֖י יְהוָ֑ה וַיהוָ֖ה יַגִּ֥יהַּ חָשְׁכִּֽי׃
30	כִּֽי־ בְ֭ךָ אָרֻ֣ץ גְּד֑וּד וּ֝בֵֽאלֹהַ֗י אֲדַלֶּג־ שֽׁוּר׃
	(4Q51 frg. 155-158,9) כי בכ]ה֯ אר֯[ו]ץ [גדוד ובאלוהי אדלג שור (5/6Hev1b frg. 6-7,15) [כי] (5/6Hev1b frg. 6-7,16) בך ארץ גד[וד] ובאלהי אדלג שו֯ר (2 Sam 22,30) כִּ֥י בְכָ֖ה אָר֣וּץ גְּד֑וּד בֵּאלֹהַ֖י אֲדַלֶּג־ שֽׁוּר׃
31	הָאֵל֮ תָּמִ֢ים דַּ֫רְכּ֥וֹ אִמְרַֽת־ יְהוָ֥ה צְרוּפָ֑ה מָגֵ֥ן ה֝֗וּא לְכֹ֤ל ׀ הַחֹסִ֬ים בּֽוֹ׃
	(4Q51 frg. 155-158,9) האל תמים דרכו] (4Q51 frg. 155-158,10) [אמרת יהוה צרופ]ה מגן הוא [לכל חוסים בו (5/6Hev1b frg. 6-7,16) האל תמים ד֯[רכו] (5/6Hev1b frg. 6-7,17) אמרת יהוה צ[רו]פה מגן הוא לכ֯ל החסי[ם בו] (2 Sam 22,31) הָאֵ֖ל תָּמִ֣ים דַּרְכּ֑וֹ אִמְרַ֤ת יְהוָה֙ צְרוּפָ֔ה מָגֵ֣ן ה֔וּא לְכֹ֖ל הַחֹסִ֥ים בּֽוֹ׃
32	כִּ֤י מִ֣י אֱ֭לוֹהַּ מִבַּלְעֲדֵ֣י יְהוָ֑ה וּמִ֥י צ֝֗וּר זוּלָתִ֥י אֱלֹהֵֽינוּ׃
	(4Q51 frg. 155-158,10) מי אל מבלעדי יהוה ומי צור] (4Q51 frg. 155-158,11) [זלתי אלהינו (5/6Hev1b frg. 6-7,18) כי מי אלוה֯[ ]מבלע֯די יהוה ומי צור זולת֯[י ]אלהינ֯[ו] (2 Sam 22,32) כִּ֥י מִי־ אֵ֖ל מִבַּלְעֲדֵ֣י יְהוָ֑ה וּמִ֥י צ֖וּר מִֽבַּלְעֲדֵ֥י אֱלֹהֵֽינוּ׃
33	הָ֭אֵל הַמְאַזְּרֵ֣נִי חָ֑יִל וַיִּתֵּ֖ן תָּמִ֣ים דַּרְכִּֽי׃
	(4Q51 frg. 155-158,11) ה]א֯ל מאזרני ח[יל ויתן תמים דרכי (5/6Hev1b frg. 6-7,19) האל המא[זרני ]חיל ויתן תמים דרכי (2 Sam 22,33) הָאֵ֥ל מָעוּזִּ֖י חָ֑יִל וַיַּתֵּ֥ר תָּמִ֖ים דרכו (דַּרְכִּֽי׃
34	מְשַׁוֶּ֣ה רַ֭גְלַי כָּאַיָּל֑וֹת וְעַ֥ל בָּ֝מֹתַ֗י יַעֲמִידֵֽנִי׃
	(4Q51 frg. 155-158,11) משוה רגלי כאילות ועל] (4Q51 frg. 155-158,12) [ב]מ֯ותי יעמדני (5/6Hev1b frg. 6-7,19) משוה֯[ רגלי כאילות] (5/6Hev1b frg. 6-7,20) ועל במותי יעמי[דני] (2 Sam 22,34) מְשַׁוֶּ֥ה רגליו (רַגְלַ֖י) כָּאַיָּל֑וֹת וְעַ֥ל בָּמוֹתַ֖י יַעֲמִדֵֽנִי׃
35	מְלַמֵּ֣ד יָ֭דַי לַמִּלְחָמָ֑ה וְֽנִחֲתָ֥ה קֶֽשֶׁת־ נְ֝חוּשָׁ֗ה זְרוֹעֹתָֽי׃
	(4Q51 frg. 155-158,12) מלמד ידי למ[ל]חמה ונ[חת קשת נחשה זרעותי (5/6Hev1b frg. 6-7,20) מלמד ידי ל֯[מלחמה] (5/6Hev1b frg. 6-7,21) [ונ]ח֯[תה קשת נחושה זרועתי (2 Sam 22,35) מְלַמֵּ֥ד יָדַ֖י לַמִּלְחָמָ֑ה וְנִחַ֥ת קֶֽשֶׁת־ נְחוּשָׁ֖ה זְרֹעֹתָֽי׃
36	וַתִּתֶּן־ לִי֮ מָגֵ֢ן יִ֫שְׁעֶ֥ךָ וִֽימִינְךָ֥ תִסְעָדֵ֑נִי וְֽעַנְוַתְךָ֥ תַרְבֵּֽנִי׃
	(4Q51 frg. 155-158,12) ותתן לי מגן] (4Q51 frg. 155-158,13) ישעך ועזרתך תרבני (5/6Hev1b frg. 6-7,21) ותתן ]לי֯ מ֯ג֯[ן ישעך] (5/6Hev1b frg. 6-7,22) [וימינך תסעדני וענותך תרבני (2 Sam 22,36) וַתִּתֶּן־ לִ֖י מָגֵ֣ן יִשְׁעֶ֑ךָ וַעֲנֹתְךָ֖ תַּרְבֵּֽנִי׃
37	תַּרְחִ֣יב צַעֲדִ֣י תַחְתָּ֑י וְלֹ֥א מָ֝עֲד֗וּ קַרְסֻלָּֽי׃
	(4Q51 frg. 155-158,13) תר[חי]ב צעדי ^ולא … (5/6Hev1b frg. 6-7,22) תרחיב צעדי תחתי] (5/6Hev1b frg. 6-7,23) [ולא מעדו קרסלי] (2 Sam 22,37) תַּרְחִ֥יב צַעֲדִ֖י תַּחְתֵּ֑נִי וְלֹ֥א מָעֲד֖וּ קַרְסֻלָּֽי׃
38	אֶרְדּ֣וֹף א֭וֹיְבַי וְאַשִּׂיגֵ֑ם וְלֹֽא־ אָ֝שׁוּב עַד־ כַּלּוֹתָֽם׃
	… (4Q51 frg. 155-158,13) ארדף אויבי] (4Q51 frg. 155-158,14) ו֯א֯שמידם ולוא אשוב עד כלותם (5/6Hev1b frg. 6-7,23) ארדוף אויבי ו֯א֯[שי]גם֯ (5/6Hev1b frg. 6-7,24) [ולא אשו]ב עד כלותם (2 Sam 22,38) אֶרְדְּפָ֥ה אֹיְבַ֖י וָאַשְׁמִידֵ֑ם וְלֹ֥א אָשׁ֖וּב עַד־ כַּלּוֹתָֽם׃
39	אֶ֭מְחָצֵם וְלֹא־ יֻ֣כְלוּ ק֑וּם יִ֝פְּל֗וּ תַּ֣חַת רַגְלָֽי׃
	(4Q51 frg. 155-158,14) אמח[צם ולוא יקומון ויפלו תחת רגלי] (11Q8 frg. 4,1) י֯פ֯ו֯[לו תחת רגלי (5/6Hev1b frg. 6-7,24) אמחצם ולא יכלו קום (5/6Hev1b frg. 6-7,25) [יפלו תחת ר]גלי (2 Sam 22,39) וָאֶמְחָצֵ֖ם וְלֹ֣א יְקוּמ֑וּן וַֽיִּפְּל֖וּ תַּ֥חַת רַגְלָֽי׃
40	וַתְּאַזְּרֵ֣נִי חַ֭יִל לַמִּלְחָמָ֑ה תַּכְרִ֖יעַ קָמַ֣י תַּחְתָּֽי׃
	(4Q51 frg. 155-158,15) [ו]תאזרנ֯י֯ חיל למלחמה ותכרע קמי תח[תני (11Q8 frg. 4,1) ותאזרני חיל למלחמה תכריע קמי] (11Q8 frg. 4,2) תח֯[תי (5/6Hev1b frg. 6-7,25) ותאזר[ני ]חיל למלחמה תכריע קמי תחתי (2 Sam 22,40) וַתַּזְרֵ֥נִי חַ֖יִל לַמִּלְחָמָ֑ה תַּכְרִ֥יעַ קָמַ֖י תַּחְתֵּֽנִי׃
41	וְֽאֹיְבַ֗י נָתַ֣תָּה לִּ֣י עֹ֑רֶף וּ֝מְשַׂנְאַ֗י אַצְמִיתֵֽם׃
	(4Q51 frg. 155-158,15) ואויבי נתתה לי ערף משנאי] (4Q51 frg. 155-158,16) אצמית[ם (4Q85 frg. 4 ii,11) ואיב[י נתתה לי ערף ומשנאי אצמיתם] (11Q8 frg. 4,2) ואויבי נתתה לי עורף ומשנאי אצמיתם (5/6Hev1b frg. 6-7,26) [ואיבי נ]ת֯תה לי ערף ומשנאי אצמיתם (2 Sam 22,41) וְאֹ֣יְבַ֔י תַּ֥תָּה לִּ֖י עֹ֑רֶף מְשַׂנְאַ֖י וָאַצְמִיתֵֽם׃
42	יְשַׁוְּע֥וּ וְאֵין־ מוֹשִׁ֑יעַ עַל־ יְ֝הוָ֗ה וְלֹ֣א עָנָֽם׃
	(4Q51 frg. 155-158,16) ]י֯[שועו ו]אין מושיע אל יהוה ו֯[לוא ענם (11Q8 frg. 4,2) ישועו ואין] (11Q8 frg. 4,3) מו֯[שיע על יהוה ולוא ענם -- ] (5/6Hev1b frg. 6-7,27) [ישועו וא]ין מושיע על יהוה ולא ענם (2 Sam 22,42) יִשְׁע֖וּ וְאֵ֣ין מֹשִׁ֑יעַ אֶל־ יְהוָ֖ה וְלֹ֥א עָנָֽם׃
43	וְֽאֶשְׁחָקֵ֗ם כְּעָפָ֥ר עַל־ פְּנֵי־ ר֑וּחַ כְּטִ֖יט חוּצ֣וֹת אֲרִיקֵֽם׃
	(4Q51 frg. 155-158,16) ואשחקם כעפר על] (4Q51 frg. 155-158,17) פני ארח [כ]ט֯יט חוצ֯[ו]ת ארקעם (5/6Hev1b frg. 6-7,28) [ואשחקם כע]פר על פני רוח כטיט חוצות אריקם (2 Sam 22,43) וְאֶשְׁחָקֵ֖ם כַּעֲפַר־ אָ֑רֶץ כְּטִיט־ חוּצ֥וֹת אֲדִקֵּ֖ם אֶרְקָעֵֽם׃
44	תְּפַלְּטֵנִי֮ מֵרִ֢יבֵ֫י עָ֥ם תְּ֭שִׂימֵנִי לְרֹ֣אשׁ גּוֹיִ֑ם עַ֖ם לֹא־ יָדַ֣עְתִּי יַֽעַבְדֽוּנִי׃
	(4Q51 frg. 155-158,17) ותפלט֯[ני מריבי עמים תשימני לראש] (4Q51 frg. 155-158,18) גויים עם לא ידעתי [י]עבדני (2 Sam 22,44) וַֽתְּפַלְּטֵ֔נִי מֵרִיבֵ֖י עַמִּ֑י תִּשְׁמְרֵ֙נִי֙ לְרֹ֣אשׁ גּוֹיִ֔ם עַ֥ם לֹא־ יָדַ֖עְתִּי יַעַבְדֻֽנִי׃
45	לְשֵׁ֣מַֽע אֹ֭זֶן יִשָּׁ֣מְעוּ לִ֑י בְּנֵֽי־ נֵ֝כָ֗ר יְכַחֲשׁוּ־ לִֽי׃
	(4Q51 frg. 155-158,18) לשמ֯[ע אזן ישמעו לי בני נכר יכחשו לי] (2 Sam 22,45) בְּנֵ֥י נֵכָ֖ר יִתְכַּֽחֲשׁוּ־ לִ֑י לִשְׁמ֥וֹעַ אֹ֖זֶן יִשָּׁ֥מְעוּ לִֽי׃
46	בְּנֵי־ נֵכָ֥ר יִבֹּ֑לוּ וְ֝יַחְרְג֗וּ מִֽמִּסְגְּרֽוֹתֵיהֶֽם׃
	(4Q51 frg. 155-158,19) לא יחגרו ממסרותם (2 Sam 22,46) בְּנֵ֥י נֵכָ֖ר יִבֹּ֑לוּ וְיַחְגְּר֖וּ מִמִּסְגְּרוֹתָֽם׃
47	חַי־ יְ֭הוָה וּבָר֣וּךְ צוּרִ֑י וְ֝יָר֗וּם אֱלוֹהֵ֥י יִשְׁעִֽי׃
	(4Q51 frg. 155-158,19) חי יהוה וב[רוך צורי וירום אלוהי ישעי (2 Sam 22,47) חַי־ יְהוָ֖ה וּבָר֣וּךְ צוּרִ֑י וְיָרֻ֕ם אֱלֹהֵ֖י צ֥וּר יִשְׁעִֽי׃
48	הָאֵ֗ל הַנּוֹתֵ֣ן נְקָמ֣וֹת לִ֑י וַיַּדְבֵּ֖ר עַמִּ֣ים תַּחְתָּֽי׃
	(4Q51 frg. 155-158,19) האל] (4Q51 frg. 155-158,20) נתן נקמות לי ומרדד עמים תחתנ֯[י (2 Sam 22,48) הָאֵ֕ל הַנֹּתֵ֥ן נְקָמֹ֖ת לִ֑י וּמוֹרִ֥יד עַמִּ֖ים תַּחְתֵּֽנִי׃
49	מְפַלְּטִ֗י מֵאֹ֫יְבָ֥י אַ֣ף מִן־ קָ֭מַי תְּרוֹמְמֵ֑נִי מֵאִ֥ישׁ חָ֝מָ֗ס תַּצִּילֵֽנִי׃
	(4Q51 frg. 155-158,20) ומוציאי מאויבי ומקמי תרוממני] (4Q51 frg. 155-158,21) מאיש חמ[סים ]ת֯צרני (2 Sam 22,49) וּמוֹצִיאִ֖י מֵאֹֽיְבָ֑י וּמִקָּמַי֙ תְּר֣וֹמְמֵ֔נִי מֵאִ֥ישׁ חֲמָסִ֖ים תַּצִּילֵֽנִי׃ (Ps 18,49) אַ֣ף מִן־ קָ֭מַי …
50	עַל־ כֵּ֤ן ׀ אוֹדְךָ֖ בַגּוֹיִ֥ם ׀ יְהוָ֑ה וּלְשִׁמְךָ֥ אֲזַמֵּֽרָה׃
	(4Q51 frg. 155-158,21) על כ֯ן אודך֯ [בגויים יהוה ולשמך אזמר (2 Sam 22,50) עַל־ כֵּ֛ן אוֹדְךָ֥ יְהוָ֖ה בַּגּוֹיִ֑ם וּלְשִׁמְךָ֖ אֲזַמֵּֽר׃
51	מגדל (מַגְדִּיל֮) יְשׁוּע֢וֹת מַ֫לְכּ֥וֹ וְעֹ֤שֶׂה חֶ֨סֶד ׀ לִמְשִׁיח֗וֹ לְדָוִ֥ד וּלְזַרְע֗וֹ עַד־ עוֹלָֽם׃
	(4Q51 frg. 155-158,21) מגדיל] (4Q51 frg. 155-158,22) ישועת מלכו ועושה חסד למשיחו לד[ויד ולזרעו עד עולם ] (2 Sam 22,51) מגדיל (מִגְדּ֖וֹל) יְשׁוּע֣וֹת מַלְכּ֑וֹ וְעֹֽשֶׂה־ חֶ֧סֶד לִמְשִׁיח֛וֹ לְדָוִ֥ד וּלְזַרְע֖וֹ עַד־ עוֹלָֽם׃ פ

19
1	לַמְנַצֵּ֗חַ מִזְמ֥וֹר לְדָוִֽד׃
2	הַשָּׁמַ֗יִם מְֽסַפְּרִ֥ים כְּבֽוֹד־ אֵ֑ל וּֽמַעֲשֵׂ֥ה יָ֝דָ֗יו מַגִּ֥יד הָרָקִֽיעַ׃
3	י֣וֹם לְ֭יוֹם יַבִּ֣יעַֽ אֹ֑מֶר וְלַ֥יְלָה לְּ֝לַ֗יְלָה יְחַוֶּה־ דָּֽעַת׃
4	אֵֽין־ אֹ֭מֶר וְאֵ֣ין דְּבָרִ֑ים בְּ֝לִ֗י נִשְׁמָ֥ע קוֹלָֽם׃
	(11Q7 frg. 10,1) אין אומר ואין דברים בלי ]נ֯[שמע קולמה
5	בְּכָל־ הָאָ֨רֶץ ׀ יָ֘צָ֤א קַוָּ֗ם וּבִקְצֵ֣ה תֵ֭בֵל מִלֵּיהֶ֑ם לַ֝שֶּׁ֗מֶשׁ שָֽׂם־ אֹ֥הֶל בָּהֶֽם׃
	(11Q7 frg. 10,1) בכול הארץ יצא] (11Q7 frg. 10,2) [קום ובקצי תבל מליהמה לשמש ]שם אוה֯[ל בהמה
6	וְה֗וּא כְּ֭חָתָן יֹצֵ֣א מֵחֻפָּת֑וֹ יָשִׂ֥ישׂ כְּ֝גִבּ֗וֹר לָר֥וּץ אֹֽרַח׃
	(11Q7 frg. 10,2) והוא כחתן יוצא] (11Q7 frg. 10,3) [מחופתו ישיש כגבור לרוץ אורח
7	מִקְצֵ֤ה הַשָּׁמַ֨יִם ׀ מֽוֹצָא֗וֹ וּתְקוּפָת֥וֹ עַל־ קְצוֹתָ֑ם וְאֵ֥ין נִ֝סְתָּ֗ר מֵֽחַמָּתוֹ׃
	(11Q7 frg. 10,3) מ]ק֯צי ה[שמים מוצאו ותקופתו] (11Q7 frg. 10,4) [על קצותמה ואין נסתר מחמתו
8	תּ֘וֹרַ֤ת יְהוָ֣ה תְּ֭מִימָה מְשִׁ֣יבַת נָ֑פֶשׁ עֵד֥וּת יְהוָ֥ה נֶ֝אֱמָנָ֗ה מַחְכִּ֥ימַת פֶּֽתִי׃
	(11Q7 frg. 10,4) תור]ו֯ת יה[וה תמימה משיבת נפש]
9	פִּקּ֘וּדֵ֤י יְהוָ֣ה יְ֭שָׁרִים מְשַׂמְּחֵי־ לֵ֑ב מִצְוַ֥ת יְהוָ֥ה בָּ֝רָ֗ה מְאִירַ֥ת עֵינָֽיִם׃
10	יִרְאַ֤ת יְהוָ֨ה ׀ טְהוֹרָה֮ עוֹמֶ֢דֶת לָ֫עַ֥ד מִֽשְׁפְּטֵי־ יְהוָ֥ה אֱמֶ֑ת צָֽדְק֥וּ יַחְדָּֽו׃
11	הַֽנֶּחֱמָדִ֗ים מִ֭זָּהָב וּמִפַּ֣ז רָ֑ב וּמְתוּקִ֥ים מִ֝דְּבַ֗שׁ וְנֹ֣פֶת צוּפִֽים׃
12	גַּֽם־ עַ֭בְדְּךָ נִזְהָ֣ר בָּהֶ֑ם בְּ֝שָׁמְרָ֗ם עֵ֣קֶב רָֽב׃
13	שְׁגִיא֥וֹת מִֽי־ יָבִ֑ין מִֽנִּסְתָּר֥וֹת נַקֵּֽנִי׃
14	גַּ֤ם מִזֵּדִ֨ים ׀ חֲשֹׂ֬ךְ עַבְדֶּ֗ךָ אַֽל־ יִמְשְׁלוּ־ בִ֣י אָ֣ז אֵיתָ֑ם וְ֝נִקֵּ֗יתִי מִפֶּ֥שַֽׁע רָֽב׃
15	יִֽהְי֥וּ לְרָצ֨וֹן ׀ אִמְרֵי־ פִ֡י וְהֶגְי֣וֹן לִבִּ֣י לְפָנֶ֑יךָ יְ֝הוָ֗ה צוּרִ֥י וְגֹאֲלִֽי׃

20
1	לַמְנַצֵּ֗חַ מִזְמ֥וֹר לְדָוִֽד׃
2	יַֽעַנְךָ֣ יְ֭הוָה בְּי֣וֹם צָרָ֑ה יְ֝שַׂגֶּבְךָ֗ שֵׁ֤ם ׀ אֱלֹהֵ֬י יַעֲקֹֽב׃
3	יִשְׁלַֽח־ עֶזְרְךָ֥ מִקֹּ֑דֶשׁ וּ֝מִצִיּ֗וֹן יִסְעָדֶֽךָּ׃
4	יִזְכֹּ֥ר כָּל־ מִנְחֹתֶ֑ךָ וְעוֹלָתְךָ֖ יְדַשְּׁנֶ֣ה סֶֽלָה׃
5	יִֽתֶּן־ לְךָ֥ כִלְבָבֶ֑ךָ וְֽכָל־ עֲצָתְךָ֥ יְמַלֵּֽא׃
6	נְרַנְּנָ֤ה ׀ בִּ֘ישׁ֤וּעָתֶ֗ךָ וּבְשֵֽׁם־ אֱלֹהֵ֥ינוּ נִדְגֹּ֑ל יְמַלֵּ֥א יְ֝הוָ֗ה כָּל־ מִשְׁאֲלוֹתֶֽיךָ׃
7	עַתָּ֤ה יָדַ֗עְתִּי כִּ֤י הוֹשִׁ֥יעַ ׀ יְהוָ֗ה מְשִׁ֫יח֥וֹ יַ֭עֲנֵהוּ מִשְּׁמֵ֣י קָדְשׁ֑וֹ בִּ֝גְבֻר֗וֹת יֵ֣שַׁע יְמִינֽוֹ׃
8	אֵ֣לֶּה בָ֭רֶכֶב וְאֵ֣לֶּה בַסּוּסִ֑ים וַאֲנַ֓חְנוּ ׀ בְּשֵׁם־ יְהוָ֖ה אֱלֹהֵ֣ינוּ נַזְכִּֽיר׃
9	הֵ֭מָּה כָּרְע֣וּ וְנָפָ֑לוּ וַאֲנַ֥חְנוּ קַּ֝֗מְנוּ וַנִּתְעוֹדָֽד׃
10	יְהוָ֥ה הוֹשִׁ֑יעָה הַ֝מֶּ֗לֶךְ יַעֲנֵ֥נוּ בְיוֹם־ קָרְאֵֽנוּ׃

21
1	לַמְנַצֵּ֗חַ מִזְמ֥וֹר לְדָוִֽד׃
2	יְֽהוָ֗ה בְּעָזְּךָ֥ יִשְׂמַח־ מֶ֑לֶךְ וּ֝בִישׁ֥וּעָתְךָ֗ מַה־ יָּ֥גֶיל מְאֹֽד׃
3	תַּאֲוַ֣ת לִ֭בּוֹ נָתַ֣תָּה לּ֑וֹ וַאֲרֶ֥שֶׁת שְׂ֝פָתָ֗יו בַּל־ מָנַ֥עְתָּ סֶּֽלָה׃
4	כִּֽי־ תְ֭קַדְּמֶנּוּ בִּרְכ֣וֹת ט֑וֹב תָּשִׁ֥ית לְ֝רֹאשׁ֗וֹ עֲטֶ֣רֶת פָּֽז׃
5	חַיִּ֤ים ׀ שָׁאַ֣ל מִ֭מְּךָ נָתַ֣תָּה לּ֑וֹ אֹ֥רֶךְ יָ֝מִ֗ים עוֹלָ֥ם וָעֶֽד׃
6	גָּד֣וֹל כְּ֭בוֹדוֹ בִּישׁוּעָתֶ֑ךָ ה֥וֹד וְ֝הָדָר תְּשַׁוֶּ֥ה עָלָֽיו׃
7	כִּֽי־ תְשִׁיתֵ֣הוּ בְרָכ֣וֹת לָעַ֑ד תְּחַדֵּ֥הוּ בְ֝שִׂמְחָ֗ה אֶת־ פָּנֶֽיךָ׃
8	כִּֽי־ הַ֭מֶּלֶךְ בֹּטֵ֣חַ בַּיהוָ֑ה וּבְחֶ֥סֶד עֶ֝לְי֗וֹן בַּל־ יִמּֽוֹט׃
9	תִּמְצָ֣א יָ֭דְךָ לְכָל־ אֹיְבֶ֑יךָ יְ֝מִֽינְךָ תִּמְצָ֥א שֹׂנְאֶֽיךָ׃
10	תְּשִׁיתֵ֤מוֹ ׀ כְּתַנּ֥וּר אֵשׁ֮ לְעֵ֢ת פָּ֫נֶ֥יךָ יְ֭הוָה בְּאַפּ֣וֹ יְבַלְּעֵ֑ם וְֽתֹאכְלֵ֥ם אֵֽשׁ׃
11	פִּ֭רְיָמוֹ מֵאֶ֣רֶץ תְּאַבֵּ֑ד וְ֝זַרְעָ֗ם מִבְּנֵ֥י אָדָֽם׃
12	כִּי־ נָט֣וּ עָלֶ֣יךָ רָעָ֑ה חָֽשְׁב֥וּ מְ֝זִמָּ֗ה בַּל־ יוּכָֽלוּ׃
13	כִּ֭י תְּשִׁיתֵ֣מוֹ שֶׁ֑כֶם בְּ֝מֵֽיתָרֶ֗יךָ תְּכוֹנֵ֥ן עַל־ פְּנֵיהֶֽם׃
14	ר֣וּמָה יְהוָ֣ה בְּעֻזֶּ֑ךָ נָשִׁ֥ירָה וּֽ֝נְזַמְּרָה גְּבוּרָתֶֽךָ׃

22
1	לַ֭מְנַצֵּחַ עַל־ אַיֶּ֥לֶת הַשַּׁ֗חַר מִזְמ֥וֹר לְדָוִֽד׃
2	אֵלִ֣י אֵ֭לִי לָמָ֣ה עֲזַבְתָּ֑נִי רָח֥וֹק מִֽ֝ישׁוּעָתִ֗י דִּבְרֵ֥י שַׁאֲגָתִֽי׃
3	אֱ‍ֽלֹהַ֗י אֶקְרָ֣א י֭וֹמָם וְלֹ֣א תַעֲנֶ֑ה וְ֝לַ֗יְלָה וְֽלֹא־ דֽוּמִיָּ֥ה לִֽי׃
4	וְאַתָּ֥ה קָד֑וֹשׁ י֝וֹשֵׁ֗ב תְּהִלּ֥וֹת יִשְׂרָאֵֽל׃
	(5/6Hev1b frg. 8-9,1) ו֯אתה קדוש יושב תהלות ישראל
5	בְּ֭ךָ בָּטְח֣וּ אֲבֹתֵ֑ינוּ בָּ֝טְח֗וּ וַֽתְּפַלְּטֵֽמוֹ׃
	(5/6Hev1b frg. 8-9,1) בך בטחו אבתינו (5/6Hev1b frg. 8-9,2) בטחו ותפלטמו
6	אֵלֶ֣יךָ זָעֲק֣וּ וְנִמְלָ֑טוּ בְּךָ֖ בָטְח֣וּ וְלֹא־ בֽוֹשׁוּ׃
	(5/6Hev1b frg. 8-9,2) אליך זעקו ונמלטו בך בטחו ולא בשו
7	וְאָנֹכִ֣י תוֹלַ֣עַת וְלֹא־ אִ֑ישׁ חֶרְפַּ֥ת אָ֝דָ֗ם וּבְז֥וּי עָֽם׃
	(5/6Hev1b frg. 8-9,3) ואנכי תולעת ולא איש חרפת אדם ובזוי עם
8	כָּל־ רֹ֭אַי יַלְעִ֣גוּ לִ֑י יַפְטִ֥ירוּ בְ֝שָׂפָ֗ה יָנִ֥יעוּ רֹֽאשׁ׃
	(5/6Hev1b frg. 8-9,4) כל ראי ילעגו לי יפטירו בשפ֯[ה ]י֯נ֯[יע]ו֯ ר֯א֯ש֯
9	גֹּ֣ל אֶל־ יְהוָ֣ה יְפַלְּטֵ֑הוּ יַ֝צִּילֵ֗הוּ כִּ֘י חָ֥פֵֽץ בּֽוֹ׃
	(5/6Hev1b frg. 8-9,5) [ג]ל אל יהוה יפלטהו֯ י֯צ֯י֯ל[הו כי חפץ בו -- ]
10	כִּֽי־ אַתָּ֣ה גֹחִ֣י מִבָּ֑טֶן מַ֝בְטִיחִ֗י עַל־ שְׁדֵ֥י אִמִּֽי׃
11	עָ֭לֶיךָ הָשְׁלַ֣כְתִּי מֵרָ֑חֶם מִבֶּ֥טֶן אִ֝מִּ֗י אֵ֣לִי אָֽתָּה׃
12	אַל־ תִּרְחַ֣ק מִ֭מֶּנִּי כִּי־ צָרָ֣ה קְרוֹבָ֑ה כִּי־ אֵ֥ין עוֹזֵֽר׃
13	סְ֭בָבוּנִי פָּרִ֣ים רַבִּ֑ים אַבִּירֵ֖י בָשָׁ֣ן כִּתְּרֽוּנִי׃
14	פָּצ֣וּ עָלַ֣י פִּיהֶ֑ם אַ֝רְיֵ֗ה טֹרֵ֥ף וְשֹׁאֵֽג׃
	(4Q88 frg. 1-2,18) [עלי פיהם א]ר֯י֯ה֯[ טרף ושאג]
15	כַּמַּ֥יִם נִשְׁפַּכְתִּי֮ וְהִתְפָּֽרְד֗וּ כָּֽל־ עַצְמ֫וֹתָ֥י הָיָ֣ה לִ֭בִּי כַּדּוֹנָ֑ג נָ֝מֵ֗ס בְּת֣וֹךְ מֵעָֽי׃
	(4Q88 frg. 1-2,19) [כמי]ם֯ נשפכ֯ת֯[י והתפרדו] (4Q88 frg. 1-2,20) [כל עצ]מתי היה֯[ לבי כדונג] (4Q88 frg. 1-2,21) נ֯[מ]ש בתוך מעי (5/6Hev1b frg. 8-9,9) כמים נשפכתי] (5/6Hev1b frg. 8-9,10) [והתפרדו כל ]עצמותי הי֯ה֯[ לבי כדונג נמס בתוך מעי]
16	יָ֘בֵ֤שׁ כַּחֶ֨רֶשׂ ׀ כֹּחִ֗י וּ֭לְשׁוֹנִי מֻדְבָּ֣ק מַלְקוֹחָ֑י וְֽלַעֲפַר־ מָ֥וֶת תִּשְׁפְּתֵֽנִי׃
	(4Q88 frg. 1-2,21) [יבש כחרש כחי] (4Q88 frg. 1-2,22) ולשוני מדבש מל֯[קוחי ואל] (4Q88 frg. 1-2,23) עפר מות שופט[ (5/6Hev1b frg. 8-9,11) [יבש כחרש כחי ול]שוני מדבק מלקוחי ולעפר֯ מ֯ו֯ת ת[שפתני]
17	כִּ֥י סְבָב֗וּנִי כְּלָ֫בִ֥ים עֲדַ֣ת מְ֭רֵעִים הִקִּיפ֑וּנִי כָּ֝אֲרִ֗י יָדַ֥י וְרַגְלָֽי׃
	(4Q88 frg. 1-2,23) כי סבבוני] (4Q88 frg. 1-2,24) כלבים עדת מר[עים] (4Q88 frg. 1-2,25) ה֯ק֯י֯פ֯נ֯י֯ כ֯ר֯[ו ]ידי ורגל֯י֯ (5/6Hev1b frg. 8-9,12) [כי סבבוני כלבי]ם֯ עדת מרעים הקיפוני כארו ידיה֯ (5/6Hev1b frg. 8-9,13) [רגלי (ורגלי
18	אֲסַפֵּ֥ר כָּל־ עַצְמוֹתָ֑י הֵ֥מָּה יַ֝בִּ֗יטוּ יִרְאוּ־ בִֽי׃
	(5/6Hev1b frg. 8-9,13) אספר כל עצ]מ֯ו֯תי ה֯מה יביטו יראו בי
19	יְחַלְּק֣וּ בְגָדַ֣י לָהֶ֑ם וְעַל־ לְ֝בוּשִׁ֗י יַפִּ֥ילוּ גוֹרָֽל׃
	(5/6Hev1b frg. 8-9,14) [יחלקו בגדי ל]הם ו֯[ע]ל לב֯[ו]ש֯י֯ יפילו֯ ג֯ו֯ר֯ל
20	וְאַתָּ֣ה יְ֭הוָה אַל־ תִּרְחָ֑ק אֱ֝יָלוּתִ֗י לְעֶזְרָ֥תִי חֽוּשָׁה׃
	(5/6Hev1b frg. 8-9,15) [ואתה יהוה אל תר]ח֯ק֯ אי֯לו֯ת֯י֯ ל֯עז֯רתי חושה
21	הַצִּ֣ילָה מֵחֶ֣רֶב נַפְשִׁ֑י מִיַּד־ כֶּ֝֗לֶב יְחִידָתִֽי׃
	(5/6Hev1b frg. 8-9,16) [הצילה מחרב נפשי מיד כ]ל֯ב֯ י֯ח֯י֯ד֯ת֯י֯
22	ה֭וֹשִׁיעֵנִי מִפִּ֣י אַרְיֵ֑ה וּמִקַּרְנֵ֖י רֵמִ֣ים עֲנִיתָֽנִי׃
23	אֲסַפְּרָ֣ה שִׁמְךָ֣ לְאֶחָ֑י בְּת֖וֹךְ קָהָ֣ל אֲהַלְלֶֽךָּ׃
24	יִרְאֵ֤י יְהוָ֨ה ׀ הַֽלְל֗וּהוּ כָּל־ זֶ֣רַע יַעֲקֹ֣ב כַּבְּד֑וּהוּ וְג֥וּרוּ מִ֝מֶּ֗נּוּ כָּל־ זֶ֥רַע יִשְׂרָאֵֽל׃
25	כִּ֤י לֹֽא־ בָזָ֨ה וְלֹ֪א שִׁקַּ֡ץ עֱנ֬וּת עָנִ֗י וְלֹא־ הִסְתִּ֣יר פָּנָ֣יו מִמֶּ֑נּוּ וּֽבְשַׁוְּע֖וֹ אֵלָ֣יו שָׁמֵֽעַ׃
26	מֵ֥אִתְּךָ֗ תְּֽהִלָּ֫תִ֥י בְּקָהָ֥ל רָ֑ב נְדָרַ֥י אֲ֝שַׁלֵּ֗ם נֶ֣גֶד יְרֵאָֽיו׃
27	יֹאכְל֬וּ עֲנָוִ֨ים ׀ וְיִשְׂבָּ֗עוּ יְהַֽלְל֣וּ יְ֭הוָה דֹּ֣רְשָׁ֑יו יְחִ֖י לְבַבְכֶ֣ם לָעַֽד׃
28	יִזְכְּר֤וּ ׀ וְיָשֻׁ֣בוּ אֶל־ יְ֭הוָה כָּל־ אַפְסֵי־ אָ֑רֶץ וְיִֽשְׁתַּחֲו֥וּ לְ֝פָנֶ֗יךָ כָּֽל־ מִשְׁפְּח֥וֹת גּוֹיִֽם׃
29	כִּ֣י לַ֭יהוָה הַמְּלוּכָ֑ה וּ֝מֹשֵׁ֗ל בַּגּוֹיִֽם׃
30	אָכְל֬וּ וַיִּֽשְׁתַּחֲוּ֨וּ ׀ כָּֽל־ דִּשְׁנֵי־ אֶ֗רֶץ לְפָנָ֣יו יִ֭כְרְעוּ כָּל־ יוֹרְדֵ֣י עָפָ֑ר וְ֝נַפְשׁ֗וֹ לֹ֣א חִיָּֽה׃
31	זֶ֥רַע יַֽעַבְדֶ֑נּוּ יְסֻפַּ֖ר לַֽאדֹנָ֣י לַדּֽוֹר׃
32	יָ֭בֹאוּ וְיַגִּ֣ידוּ צִדְקָת֑וֹ לְעַ֥ם נ֝וֹלָ֗ד כִּ֣י עָשָֽׂה׃

23
1	מִזְמ֥וֹר לְדָוִ֑ד יְהוָ֥ה רֹ֝עִ֗י לֹ֣א אֶחְסָֽר׃
2	בִּנְא֣וֹת דֶּ֭שֶׁא יַרְבִּיצֵ֑נִי עַל־ מֵ֖י מְנֻח֣וֹת יְנַהֲלֵֽנִי׃
	(5/6Hev1b frg. 10-12,1) בנאות ד֯שא ירביצ[ני על מי מנחות ינהלני
3	נַפְשִׁ֥י יְשׁוֹבֵ֑ב יַֽנְחֵ֥נִי בְמַעְגְּלֵי־ צֶ֝֗דֶק לְמַ֣עַן שְׁמֽוֹ׃
	(5/6Hev1b frg. 10-12,1) נפשי ישובב] (5/6Hev1b frg. 10-12,2) ינחני במעגלי צדק[ למען שמו]
4	גַּ֤ם כִּֽי־ אֵלֵ֨ךְ בְּגֵ֪יא צַלְמָ֡וֶת לֹא־ אִ֘ירָ֤א רָ֗ע כִּי־ אַתָּ֥ה עִמָּדִ֑י שִׁבְטְךָ֥ וּ֝מִשְׁעַנְתֶּ֗ךָ הֵ֣מָּה יְנַֽחֲמֻֽנִי׃
	(5/6Hev1b frg. 10-12,3) גם כי אלך בגיא צ[למות לא אירא רע כי אתה עמדי] (5/6Hev1b frg. 10-12,4) שבטך ומשענתך ה֯[מה ינחמני
5	תַּעֲרֹ֬ךְ לְפָנַ֨י ׀ שֻׁלְחָ֗ן נֶ֥גֶד צֹרְרָ֑י דִּשַּׁ֖נְתָּ בַשֶּׁ֥מֶן רֹ֝אשִׁ֗י כּוֹסִ֥י רְוָיָֽה׃
	(5/6Hev1b frg. 10-12,4) תערך לפני שלחן נגד צררי] (5/6Hev1b frg. 10-12,5) דשנת בש[מן ראשי כוסי רויה]
6	אַ֤ךְ ׀ ט֤וֹב וָחֶ֣סֶד יִ֭רְדְּפוּנִי כָּל־ יְמֵ֣י חַיָּ֑י וְשַׁבְתִּ֥י בְּבֵית־ יְ֝הוָ֗ה לְאֹ֣רֶךְ יָמִֽים׃
	(5/6Hev1b frg. 10-12,6) [א]ך֯[ טוב וחסד ירדפוני כל ימי חיי] (5/6Hev1b frg. 10-12,7) ושבתי[ בבית יהוה לארך ימים]

24
1	לְדָוִ֗ד מִ֫זְמ֥וֹר לַֽ֭יהוָה הָאָ֣רֶץ וּמְלוֹאָ֑הּ תֵּ֝בֵ֗ל וְיֹ֣שְׁבֵי בָֽהּ׃
	(5/6Hev1b frg. 10-12,9) לדוד מזמור (5/6Hev1b frg. 10-12,10) ליהוה֯[ הארץ ומלואה תבל וישבי בה]
2	כִּי־ ה֭וּא עַל־ יַמִּ֣ים יְסָדָ֑הּ וְעַל־ נְ֝הָר֗וֹת יְכוֹנְנֶֽהָ׃
	(5/6Hev1b frg. 10-12,11) כי[ הוא על ימים יסדה ועל נהרות יכוננה]
3	מִֽי־ יַעֲלֶ֥ה בְהַר־ יְהוָ֑ה וּמִי־ יָ֝קוּם בִּמְק֥וֹם קָדְשֽׁוֹ׃
4	נְקִ֥י כַפַּ֗יִם וּֽבַר־ לֵ֫בָ֥ב אֲשֶׁ֤ר ׀ לֹא־ נָשָׂ֣א לַשָּׁ֣וְא נַפְשִׁ֑י וְלֹ֖א נִשְׁבַּ֣ע לְמִרְמָֽה׃
5	יִשָּׂ֣א בְ֭רָכָה מֵאֵ֣ת יְהוָ֑ה וּ֝צְדָקָ֗ה מֵאֱלֹהֵ֥י יִשְׁעֽוֹ׃
6	זֶ֭ה דּ֣וֹר דרשו (דֹּרְשָׁ֑יו) מְבַקְשֵׁ֨י פָנֶ֖יךָ יַעֲקֹ֣ב סֶֽלָה׃
7	שְׂא֤וּ שְׁעָרִ֨ים ׀ רָֽאשֵׁיכֶ֗ם וְֽ֭הִנָּשְׂאוּ פִּתְחֵ֣י עוֹלָ֑ם וְ֝יָב֗וֹא מֶ֣לֶךְ הַכָּבֽוֹד׃
8	מִ֥י זֶה֮ מֶ֤לֶךְ הַכָּ֫ב֥וֹד יְ֭הוָה עִזּ֣וּז וְגִבּ֑וֹר יְ֝הוָ֗ה גִּבּ֥וֹר מִלְחָמָֽה׃
9	שְׂא֤וּ שְׁעָרִ֨ים ׀ רָֽאשֵׁיכֶ֗ם וּ֭שְׂאוּ פִּתְחֵ֣י עוֹלָ֑ם וְ֝יָבֹא מֶ֣לֶךְ הַכָּבֽוֹד׃
10	מִ֤י ה֣וּא זֶה֮ מֶ֤לֶךְ הַכָּ֫ב֥וֹד יְהוָ֥ה צְבָא֑וֹת ה֤וּא מֶ֖לֶךְ הַכָּב֣וֹד סֶֽלָה׃

25
1	לְדָוִ֡ד אֵלֶ֥יךָ יְ֝הוָ֗ה נַפְשִׁ֥י אֶשָּֽׂא׃
2	אֱ‍ֽלֹהַ֗י בְּךָ֣ בָ֭טַחְתִּי אַל־ אֵב֑וֹשָׁה אַל־ יַֽעַלְצ֖וּ אֹיְבַ֣י לִֽי׃
	(11Q7 frg. 11,1) אל אבושה֯[ אל יעלצו אויבי לי
3	גַּ֣ם כָּל־ קֹ֭וֶיךָ לֹ֣א יֵבֹ֑שׁוּ יֵ֝בֹ֗שׁוּ הַבּוֹגְדִ֥ים רֵיקָֽם׃
	(11Q7 frg. 11,1) גם כול קוויכה לוא יבושו יבושו] (11Q7 frg. 11,2) הבוגדים ר֯[יקם
4	דְּרָכֶ֣יךָ יְ֭הוָה הוֹדִיעֵ֑נִי אֹ֖רְחוֹתֶ֣יךָ לַמְּדֵֽנִי׃
	(11Q7 frg. 11,2) דרכיכה יהוה הודיעני אורחותיכה למדני (5/6Hev1b frg. 10-12,25) [דר]כ֯[י]ך יהו֯[ה הודיעני ארחותיך למדני
5	הַדְרִ֘יכֵ֤נִי בַאֲמִתֶּ֨ךָ ׀ וְֽלַמְּדֵ֗נִי כִּֽי־ אַ֭תָּה אֱלֹהֵ֣י יִשְׁעִ֑י אוֹתְךָ֥ קִ֝וִּ֗יתִי כָּל־ הַיּֽוֹם׃
	(11Q7 frg. 11,2) הדריכני] (11Q7 frg. 11,3) באמתכה למ֯[דני כי אתה אלוהי ישעי אותכה קויתי כול היום (5/6Hev1b frg. 10-12,25) הדריכני באמתך ולמדני] (5/6Hev1b frg. 10-12,26) [כי ]אתה אלה֯[י ישעי אותך קויתי כל היום]
6	זְכֹר־ רַחֲמֶ֣יךָ יְ֭הוָה וַחֲסָדֶ֑יךָ כִּ֖י מֵעוֹלָ֣ם הֵֽמָּה׃
	(11Q7 frg. 11,3) זכור] (11Q7 frg. 11,4) רחמיכה [י]ה֯[וה וחסדיכה כי מעולם המה (5/6Hev1b frg. 10-12,27) [זכ]ר֯ רחמיך [יהוה וחסדיך כי מעולם המה]
7	חַטֹּ֤אות נְעוּרַ֨י ׀ וּפְשָׁעַ֗י אַל־ תִּ֫זְכֹּ֥ר כְּחַסְדְּךָ֥ זְכָר־ לִי־ אַ֑תָּה לְמַ֖עַן טוּבְךָ֣ יְהוָֽה׃
	(11Q7 frg. 11,4) חטאות נעורי ופשעי] (11Q7 frg. 11,5) [אל ]ת֯ז֯כ֯[ור כחסדך זכר לי אתה למען טובך יהוה -- ] (5/6Hev1b frg. 10-12,28) [חטאו]ת֯[ נעורי ופשעי אל תזכר כחסדך זכר לי אתה]
8	טוֹב־ וְיָשָׁ֥ר יְהוָ֑ה עַל־ כֵּ֤ן יוֹרֶ֖ה חַטָּאִ֣ים בַּדָּֽרֶךְ׃
	(4Q83 frg. 2,1) [טוב וישר יהוה על כן יורה חט]אים [בדרך
9	יַדְרֵ֣ךְ עֲ֭נָוִים בַּמִּשְׁפָּ֑ט וִֽילַמֵּ֖ד עֲנָוִ֣ים דַּרְכּֽוֹ׃
	(4Q83 frg. 2,1) ידרך ענוים במשפט וילמד ענוים] (4Q83 frg. 2,2) [דרכו
10	כָּל־ אָרְח֣וֹת יְ֭הוָה חֶ֣סֶד וֶאֱמֶ֑ת לְנֹצְרֵ֥י בְ֝רִית֗וֹ וְעֵדֹתָֽיו׃
	(4Q83 frg. 2,2) כל ארחות יהוה חסד ואמת לנצרי בר]יתו ועד֯[תיו
11	לְמַֽעַן־ שִׁמְךָ֥ יְהוָ֑ה וְֽסָלַחְתָּ֥ לַ֝עֲוֺנִ֗י כִּ֣י רַב־ הֽוּא׃
	(4Q83 frg. 2,2) למען שמך יהוה וסלחת] (4Q83 frg. 2,3) [לעוני כי רב הוא
12	מִי־ זֶ֣ה הָ֭אִישׁ יְרֵ֣א יְהוָ֑ה י֝וֹרֶ֗נּוּ בְּדֶ֣רֶךְ יִבְחָֽר׃
	(4Q83 frg. 2,3) מי זה האיש ירא יהוה יור]נ֯ו בד[רך יבחר]
13	נַ֭פְשׁוֹ בְּט֣וֹב תָּלִ֑ין וְ֝זַרְע֗וֹ יִ֣ירַשׁ אָֽרֶץ׃
14	ס֣וֹד יְ֭הוָה לִירֵאָ֑יו וּ֝בְרִית֗וֹ לְהוֹדִיעָֽם׃
15	עֵינַ֣י תָּ֭מִיד אֶל־ יְהוָ֑ה כִּ֤י הֽוּא־ יוֹצִ֖יא מֵרֶ֣שֶׁת רַגְלָֽי׃
	(4Q83 frg. 3,1) ]ע֯יני תמיד[ אל יהוה כי הוא יוציא מרשת רגלי]
16	פְּנֵה־ אֵלַ֥י וְחָנֵּ֑נִי כִּֽי־ יָחִ֖יד וְעָנִ֣י אָֽנִי׃
17	צָר֣וֹת לְבָבִ֣י הִרְחִ֑יבוּ מִ֝מְּצֽוּקוֹתַ֗י הוֹצִיאֵֽנִי׃
18	רְאֵ֣ה עָ֭נְיִי וַעֲמָלִ֑י וְ֝שָׂ֗א לְכָל־ חַטֹּאותָֽי׃
19	רְאֵֽה־ אוֹיְבַ֥י כִּי־ רָ֑בּוּ וְשִׂנְאַ֖ת חָמָ֣ס שְׂנֵאֽוּנִי׃
20	שָׁמְרָ֣ה נַ֭פְשִׁי וְהַצִּילֵ֑נִי אַל־ אֵ֝ב֗וֹשׁ כִּֽי־ חָסִ֥יתִי בָֽךְ׃
21	תֹּם־ וָיֹ֥שֶׁר יִצְּר֑וּנִי כִּ֝֗י קִוִּיתִֽיךָ׃
22	פְּדֵ֣ה אֱ֭לֹהִים אֶת־ יִשְׂרָאֵ֑ל מִ֝כֹּ֗ל צָֽרוֹתָיו׃

26
1	לְדָוִ֨ד ׀ שָׁפְטֵ֤נִי יְהוָ֗ה כִּֽי־ אֲ֭נִי בְּתֻמִּ֣י הָלַ֑כְתִּי וּבַיהוָ֥ה בָּ֝טַ֗חְתִּי לֹ֣א אֶמְעָֽד׃
2	בְּחָנֵ֣נִי יְהוָ֣ה וְנַסֵּ֑נִי צרופה (צָרְפָ֖ה) כִלְיוֹתַ֣י וְלִבִּֽי׃
3	כִּֽי־ חַ֭סְדְּךָ לְנֶ֣גֶד עֵינָ֑י וְ֝הִתְהַלַּ֗כְתִּי בַּאֲמִתֶּֽךָ׃
4	לֹא־ יָ֭שַׁבְתִּי עִם־ מְתֵי־ שָׁ֑וְא וְעִ֥ם נַ֝עֲלָמִ֗ים לֹ֣א אָבֽוֹא׃
5	שָׂ֭נֵאתִי קְהַ֣ל מְרֵעִ֑ים וְעִם־ רְ֝שָׁעִ֗ים לֹ֣א אֵשֵֽׁב׃
6	אֶרְחַ֣ץ בְּנִקָּי֣וֹן כַּפָּ֑י וַאֲסֹבְבָ֖ה אֶת־ מִזְבַּחֲךָ֣ יְהוָֽה׃
7	לַ֭שְׁמִעַ בְּק֣וֹל תּוֹדָ֑ה וּ֝לְסַפֵּ֗ר כָּל־ נִפְלְאוֹתֶֽיךָ׃
	(4Q98a frg. 1-2 i+3-4,1) בק[ו]ל֯ ת֯[ודה ולספר כל נפלאותיך
8	יְֽהוָ֗ה אָ֭הַבְתִּי מְע֣וֹן בֵּיתֶ֑ךָ וּ֝מְק֗וֹם מִשְׁכַּ֥ן כְּבוֹדֶֽךָ׃
	(4Q98a frg. 1-2 i+3-4,1) יהוה אהבתי] (4Q98a frg. 1-2 i+3-4,2) מעון ב֯[יתך ומקום משכן כבודך
9	אַל־ תֶּאֱסֹ֣ף עִם־ חַטָּאִ֣ים נַפְשִׁ֑י וְעִם־ אַנְשֵׁ֖י דָמִ֣ים חַיָּֽי׃
	(4Q98a frg. 1-2 i+3-4,2) אל תאסף ]ע֯ם (4Q98a frg. 1-2 i+3-4,3) חט֯[אים ]נפשי ו֯עם[ אנשי דמים חיי
10	אֲשֶׁר־ בִּידֵיהֶ֥ם זִמָּ֑ה וִֽ֝ימִינָ֗ם מָ֣לְאָה שֹּֽׁחַד׃
	(4Q98a frg. 1-2 i+3-4,3) אשר] (4Q98a frg. 1-2 i+3-4,4) [בידיהם ז]מ֯ה וימינם֯[ מ]ל֯א֯[ה שחד
11	וַ֭אֲנִי בְּתֻמִּ֥י אֵלֵ֗ךְ פְּדֵ֣נִי וְחָנֵּֽנִי׃
	(4Q98a frg. 1-2 i+3-4,4) ואני בתמי] (4Q98a frg. 1-2 i+3-4,5) [אלך פדני ו]ה֯ח֯יני
12	רַ֭גְלִי עָֽמְדָ֣ה בְמִישׁ֑וֹר בְּ֝מַקְהֵלִ֗ים אֲבָרֵ֥ךְ יְהוָֽה׃
	… (1QH^a 10,31) ורגלי ‹‹עמדה במישור›› (1QH^a 10,32) מקהלם אברכה שמכה _____ (4Q98a frg. 1-2 i+3-4,5) רגלי ע[מדה במישור במקהלים] (4Q98a frg. 1-2 i+3-4,6) [אברך יהוה

27
1	לְדָוִ֨ד ׀ יְהוָ֤ה ׀ אוֹרִ֣י וְ֭יִשְׁעִי מִמִּ֣י אִירָ֑א יְהוָ֥ה מָֽעוֹז־ חַ֝יַּ֗י מִמִּ֥י אֶפְחָֽד׃
	(4Q98a frg. 1-2 i+3-4,6) לדו]ד֯ יהוה או֯[רי וישעי ממי אירא]
2	בִּקְרֹ֤ב עָלַ֨י ׀ מְרֵעִים֮ לֶאֱכֹ֢ל אֶת־ בְּשָׂ֫רִ֥י צָרַ֣י וְאֹיְבַ֣י לִ֑י הֵ֖מָּה כָשְׁל֣וּ וְנָפָֽלוּ׃
3	אִם־ תַּחֲנֶ֬ה עָלַ֨י ׀ מַחֲנֶה֮ לֹֽא־ יִירָ֢א לִ֫בִּ֥י אִם־ תָּק֣וּם עָ֭לַי מִלְחָמָ֑ה בְּ֝זֹ֗את אֲנִ֣י בוֹטֵֽחַ׃
4	אַחַ֤ת ׀ שָׁאַ֣לְתִּי מֵֽאֵת־ יְהוָה֮ אוֹתָ֢הּ אֲבַ֫קֵּ֥שׁ שִׁבְתִּ֣י בְּבֵית־ יְ֭הוָה כָּל־ יְמֵ֣י חַיַּ֑י לַחֲז֥וֹת בְּנֹֽעַם־ יְ֝הוָ֗ה וּלְבַקֵּ֥ר בְּהֵיכָלֽוֹ׃
5	כִּ֤י יִצְפְּנֵ֨נִי ׀ בְּסֻכֹּה֮ בְּי֢וֹם רָ֫עָ֥ה יַ֭סְתִּרֵנִי בְּסֵ֣תֶר אָהֳל֑וֹ בְּ֝צ֗וּר יְרוֹמְמֵֽנִי׃
6	וְעַתָּ֨ה יָר֪וּם רֹאשִׁ֡י עַ֤ל אֹֽיְבַ֬י סְֽבִיבוֹתַ֗י וְאֶזְבְּחָ֣ה בְ֭אָהֳלוֹ זִבְחֵ֣י תְרוּעָ֑ה אָשִׁ֥ירָה וַ֝אֲזַמְּרָ֗ה לַיהוָֽה׃
7	שְׁמַע־ יְהוָ֖ה קוֹלִ֥י אֶקְרָ֗א וְחָנֵּ֥נִי וַעֲנֵֽנִי׃
8	לְךָ֤ ׀ אָמַ֣ר לִ֭בִּי בַּקְּשׁ֣וּ פָנָ֑י אֶת־ פָּנֶ֖יךָ יְהוָ֣ה אֲבַקֵּֽשׁ׃
9	אַל־ תַּסְתֵּ֬ר פָּנֶ֨יךָ ׀ מִמֶּנִּי֮ אַֽל־ תַּט־ בְּאַ֗ף עַ֫בְדֶּ֥ךָ עֶזְרָתִ֥י הָיִ֑יתָ אַֽל־ תִּטְּשֵׁ֥נִי וְאַל־ תַּֽ֝עַזְבֵ֗נִי אֱלֹהֵ֥י יִשְׁעִֽי׃
10	כִּי־ אָבִ֣י וְאִמִּ֣י עֲזָב֑וּנִי וַֽיהוָ֣ה יַֽאַסְפֵֽנִי׃
11	ה֤וֹרֵ֥נִי יְהוָ֗ה דַּ֫רְכֶּ֥ךָ וּ֭נְחֵנִי בְּאֹ֣רַח מִישׁ֑וֹר לְ֝מַ֗עַן שׁוֹרְרָֽי׃
12	אַֽל־ תִּ֭תְּנֵנִי בְּנֶ֣פֶשׁ צָרָ֑י כִּ֥י קָֽמוּ־ בִ֥י עֵֽדֵי־ שֶׁ֝֗קֶר וִיפֵ֥חַ חָמָֽס׃
	(4Q85 frg. 6-7,1) [אל תתנני בנפש צרי כי קמו בי עדי] שקר ויפ[ח חמס]
13	לׅׄוּלֵׅׄ֗אׅׄ הֶ֭אֱמַנְתִּי לִרְא֥וֹת בְּֽטוּב־ יְהוָ֗ה בְּאֶ֣רֶץ חַיִּֽים׃
	(4Q85 frg. 6-7,2) האמנתי לראות בטוב ]י֯הוה באר֯[ץ חיים]
14	קַוֵּ֗ה אֶל־ יְה֫וָ֥ה חֲ֭זַק וְיַאֲמֵ֣ץ לִבֶּ֑ךָ וְ֝קַוֵּ֗ה אֶל־ יְהוָֽה׃
	(4Q85 frg. 6-7,3) [קוה אל יהוה חזק ו]י֯אמץ לבך[ וקוה אל יהוה ]

28
1	לְדָוִ֡ד אֵ֘לֶ֤יךָ יְהוָ֨ה ׀ אֶקְרָ֗א צוּרִי֮ אַֽל־ תֶּחֱרַ֢שׁ מִ֫מֶּ֥נִּי פֶּן־ תֶּֽחֱשֶׁ֥ה מִמֶּ֑נִּי וְ֝נִמְשַׁ֗לְתִּי עִם־ י֥וֹרְדֵי בֽוֹר׃
	(4Q85 frg. 6-7,4) לדוד אליך יהוה אקרא] (4Q85 frg. 6-7,5) צורי אל֯ [ת]חרש ממ[ני פן תחשה ממני] (4Q85 frg. 6-7,6) ונמשלתי עם י֯ו֯ר֯[די בור
2	שְׁמַ֤ע ק֣וֹל תַּ֭חֲנוּנַי בְּשַׁוְּעִ֣י אֵלֶ֑יךָ בְּנָשְׂאִ֥י יָ֝דַ֗י אֶל־ דְּבִ֥יר קָדְשֶֽׁךָ׃
	(4Q85 frg. 6-7,6) שמע קול תחנוני] (4Q85 frg. 6-7,7) בשועי אליך[ בנשאי ידי] (4Q85 frg. 6-7,8) אל דביר ק֯[דשך
3	אַל־ תִּמְשְׁכֵ֣נִי עִם־ רְשָׁעִים֮ וְעִם־ פֹּ֢עֲלֵ֫י אָ֥וֶן דֹּבְרֵ֣י שָׁ֭לוֹם עִם־ רֵֽעֵיהֶ֑ם וְ֝רָעָ֗ה בִּלְבָבָֽם׃
	(4Q85 frg. 6-7,8) אל תמשכני עם רשעים] (4Q85 frg. 6-7,9) [ועם פע]ל[י און דברי שלום עם רעיהם] (4Q85 frg. 6-7,10) [ורעה בלבבם
4	תֶּן־ לָהֶ֣ם כְּפָעֳלָם֮ וּכְרֹ֢עַ מַֽעַלְלֵ֫יהֶ֥ם כְּמַעֲשֵׂ֣ה יְ֭דֵיהֶם תֵּ֣ן לָהֶ֑ם הָשֵׁ֖ב גְּמוּלָ֣ם לָהֶֽם׃
	(4Q85 frg. 6-7,10) תן ]להם[ כפעלם] (4Q85 frg. 6-7,11) [וכרע מעלליהם כ]מ֯עשה יד[יהם תן להם] (4Q85 frg. 6-7,12) [השב גמולם להם
5	כִּ֤י לֹ֤א יָבִ֡ינוּ אֶל־ פְּעֻלֹּ֣ת יְ֭הוָה וְאֶל־ מַעֲשֵׂ֣ה יָדָ֑יו יֶ֝הֶרְסֵ֗ם וְלֹ֣א יִבְנֵֽם׃
	(4Q85 frg. 6-7,12) כי ]ל֯[א יבינו אל פעלת יהוה]
6	בָּר֥וּךְ יְהוָ֑ה כִּי־ שָׁ֝מַע ק֣וֹל תַּחֲנוּנָֽי׃
7	יְהוָ֤ה ׀ עֻזִּ֥י וּמָגִנִּי֮ בּ֤וֹ בָטַ֥ח לִבִּ֗י וְֽנֶ֫עֱזָ֥רְתִּי וַיַּעֲלֹ֥ז לִבִּ֑י וּֽמִשִּׁירִ֥י אֲהוֹדֶֽנּוּ׃
8	יְהוָ֥ה עֹֽז־ לָ֑מוֹ וּמָ֘ע֤וֹז יְשׁוּע֖וֹת מְשִׁיח֣וֹ הֽוּא׃
9	הוֹשִׁ֤יעָה ׀ אֶת־ עַמֶּ֗ךָ וּבָרֵ֥ךְ אֶת־ נַחֲלָתֶ֑ךָ וּֽרְעֵ֥ם וְ֝נַשְּׂאֵ֗ם עַד־ הָעוֹלָֽם׃

29
1	מִזְמ֗וֹר לְדָ֫וִ֥ד הָב֣וּ לֽ͏ַ֭יהוָה בְּנֵ֣י אֵלִ֑ים הָב֥וּ לַ֝יהוָ֗ה כָּב֥וֹד וָעֹֽז׃
	(5/6Hev1b frg. 13 i,3) [מזמור לדוד] (5/6Hev1b frg. 13 i,4) [הבו ליהוה בני אלים הבו ליהוה כבוד ו]עז
2	הָב֣וּ לַֽ֭יהוָה כְּב֣וֹד שְׁמ֑וֹ הִשְׁתַּחֲו֥וּ לַ֝יהוָ֗ה בְּהַדְרַת־ קֹֽדֶשׁ׃
	(5/6Hev1b frg. 13 i,5) [הבו ליהוה כבוד שמו השתחוו ליהוה בהדרת ]ק֯דש
3	ק֥וֹל יְהוָ֗ה עַל־ הַ֫מָּ֥יִם אֵֽל־ הַכָּב֥וֹד הִרְעִ֑ים יְ֝הוָ֗ה עַל־ מַ֥יִם רַבִּֽים׃
4	קוֹל־ יְהוָ֥ה בַּכֹּ֑חַ ק֥וֹל יְ֝הוָ֗ה בֶּהָדָֽר׃
5	ק֣וֹל יְ֭הוָה שֹׁבֵ֣ר אֲרָזִ֑ים וַיְשַׁבֵּ֥ר יְ֝הוָ֗ה אֶת־ אַרְזֵ֥י הַלְּבָנֽוֹן׃
6	וַיַּרְקִידֵ֥ם כְּמוֹ־ עֵ֑גֶל לְבָנ֥וֹן וְ֝שִׂרְיֹ֗ן כְּמ֣וֹ בֶן־ רְאֵמִֽים׃
7	קוֹל־ יְהוָ֥ה חֹצֵ֗ב לַהֲב֥וֹת אֵֽשׁ׃
8	ק֣וֹל יְ֭הוָה יָחִ֣יל מִדְבָּ֑ר יָחִ֥יל יְ֝הוָ֗ה מִדְבַּ֥ר קָדֵֽשׁ׃
9	ק֤וֹל יְהוָ֨ה ׀ יְחוֹלֵ֣ל אַיָּלוֹת֮ וַֽיֶּחֱשֹׂ֢ף יְעָ֫ר֥וֹת וּבְהֵיכָל֑וֹ כֻּ֝לּ֗וֹ אֹמֵ֥ר כָּבֽוֹד׃
10	יְ֭הוָה לַמַּבּ֣וּל יָשָׁ֑ב וַיֵּ֥שֶׁב יְ֝הוָ֗ה מֶ֣לֶךְ לְעוֹלָֽם׃
11	יְֽהוָ֗ה עֹ֭ז לְעַמּ֣וֹ יִתֵּ֑ן יְהוָ֓ה ׀ יְבָרֵ֖ךְ אֶת־ עַמּ֣וֹ בַשָּׁלֽוֹם׃

30
1	מִזְמ֡וֹר שִׁיר־ חֲנֻכַּ֖ת הַבַּ֣יִת לְדָוִֽד׃
2	אֲרוֹמִמְךָ֣ יְ֭הוָה כִּ֣י דִלִּיתָ֑נִי וְלֹא־ שִׂמַּ֖חְתָּ אֹיְבַ֣י לִֽי׃
3	יְהוָ֥ה אֱלֹהָ֑י שִׁוַּ֥עְתִּי אֵ֝לֶ֗יךָ וַתִּרְפָּאֵֽנִי׃
	(5/6Hev1b frg. 13 i,19) יהוה אלהי שועתי אליך ותרפאנ]י֯
4	יְֽהוָ֗ה הֶֽעֱלִ֣יתָ מִן־ שְׁא֣וֹל נַפְשִׁ֑י חִ֝יִּיתַ֗נִי מיורדי־ (מִיָּֽרְדִי־) בֽוֹר׃
5	זַמְּר֣וּ לַיהוָ֣ה חֲסִידָ֑יו וְ֝הוֹד֗וּ לְזֵ֣כֶר קָדְשֽׁוֹ׃
6	כִּ֤י רֶ֨גַע ׀ בְּאַפּוֹ֮ חַיִּ֢ים בִּרְצ֫וֹנ֥וֹ בָּ֭עֶרֶב יָלִ֥ין בֶּ֗כִי וְלַבֹּ֥קֶר רִנָּֽה׃
7	וַ֭אֲנִי אָמַ֣רְתִּי בְשַׁלְוִ֑י בַּל־ אֶמּ֥וֹט לְעוֹלָֽם׃
8	יְֽהוָ֗ה בִּרְצוֹנְךָ֮ הֶעֱמַ֢דְתָּה לְֽהַרְרִ֫י עֹ֥ז הִסְתַּ֥רְתָּ פָנֶ֗יךָ הָיִ֥יתִי נִבְהָֽל׃
9	אֵלֶ֣יךָ יְהוָ֣ה אֶקְרָ֑א וְאֶל־ אֲ֝דֹנָ֗י אֶתְחַנָּֽן׃
	(4Q98a frg. 2 ii,1) ואל י[הוה אתחנן
10	מַה־ בֶּ֥צַע בְּדָמִי֮ בְּרִדְתִּ֢י אֶ֫ל־ שָׁ֥חַת הֲיוֹדְךָ֥ עָפָ֑ר הֲיַגִּ֥יד אֲמִתֶּֽךָ׃
	(4Q98a frg. 2 ii,1) מה בצע בדמי ברדתי] (4Q98a frg. 2 ii,2) לשחת הי֯[ודך עפר היגיד אמתך
11	שְׁמַע־ יְהוָ֥ה וְחָנֵּ֑נִי יְ֝הוָה הֱ‍ֽיֵה־ עֹזֵ֥ר לִֽי׃
	(4Q98a frg. 2 ii,2) שמע] (4Q98a frg. 2 ii,3) יהוה וי[חנני יהוה היה עזר לי
12	הָפַ֣כְתָּ מִסְפְּדִי֮ לְמָח֢וֹל לִ֥י פִּתַּ֥חְתָּ שַׂקִּ֑י וַֽתְּאַזְּרֵ֥נִי שִׂמְחָֽה׃
	(4Q98a frg. 2 ii,3) הפכת] (4Q98a frg. 2 ii,4) מספדי[ למחול לי פתחת שקי ותאזרני שמחה]
13	לְמַ֤עַן ׀ יְזַמֶּרְךָ֣ כָ֭בוֹד וְלֹ֣א יִדֹּ֑ם יְהוָ֥ה אֱ֝לֹהַ֗י לְעוֹלָ֥ם אוֹדֶֽךָּ׃
	(4Q98a frg. 2 ii,5) למען י[זמרך כבוד ולא ידם יהוה אלהי] (4Q98a frg. 2 ii,6) לעולם[ אודך -- ]

31
1	לַמְנַצֵּ֗חַ מִזְמ֥וֹר לְדָוִֽד׃
2	בְּךָֽ־ יְהוָ֣ה חָ֭סִיתִי אַל־ אֵב֣וֹשָׁה לְעוֹלָ֑ם בְּצִדְקָתְךָ֥ פַלְּטֵֽנִי׃
	(5/6Hev1b frg. 13 ii,4) ב֯[ך יהוה חסיתי אל אבושה לעולם בצדקתך פלטני]
3	הַטֵּ֤ה אֵלַ֨י ׀ אָזְנְךָ֮ מְהֵרָ֢ה הַצִּ֫ילֵ֥נִי הֱיֵ֤ה לִ֨י ׀ לְֽצוּר־ מָ֭עוֹז לְבֵ֥ית מְצוּד֗וֹת לְהוֹשִׁיעֵֽנִי׃
	(5/6Hev1b frg. 13 ii,5) הט֯[ה אלי אזנך מהרה הצילני היה לי לצור מעוז לבית מצודות להושיעני]
4	כִּֽי־ סַלְעִ֣י וּמְצוּדָתִ֣י אָ֑תָּה וּלְמַ֥עַן שִׁ֝מְךָ֗ תַּֽנְחֵ֥נִי וּֽתְנַהֲלֵֽנִי׃
	(5/6Hev1b frg. 13 ii,6) כי ס[לעי ומ]צ֯ו֯ד֯תי אתה ולמען[ שמך תנחני ותנהלני]
5	תּוֹצִיאֵ֗נִי מֵרֶ֣שֶׁת ז֭וּ טָ֣מְנוּ לִ֑י כִּֽי־ אַ֝תָּה מָֽעוּזִּֽי׃
	(5/6Hev1b frg. 13 ii,7) תוציאנ֯י֯ מרשת זו טמנו לי כי את֯[ה מעוזי
6	בְּיָדְךָ֮ אַפְקִ֢יד ר֫וּחִ֥י פָּדִ֖יתָה אוֹתִ֥י יְהוָ֗ה אֵ֣ל אֱמֶֽת׃
	(5/6Hev1b frg. 13 ii,7) בידך אפקיד רוחי] (5/6Hev1b frg. 13 ii,8) פדית אותי יהוה אל אמת
7	שָׂנֵ֗אתִי הַשֹּׁמְרִ֥ים הַבְלֵי־ שָׁ֑וְא וַ֝אֲנִ֗י אֶל־ יְהוָ֥ה בָּטָֽחְתִּי׃
	(5/6Hev1b frg. 13 ii,8) [שנאתי השמרים הבלי שוא] (5/6Hev1b frg. 13 ii,9) ואני אל יהוה[ בטח]תי
8	אָגִ֥ילָה וְאֶשְׂמְחָ֗ה בְּחַ֫סְדֶּ֥ךָ אֲשֶׁ֣ר רָ֭אִיתָ אֶת־ עָנְיִ֑י יָ֝דַ֗עְתָּ בְּצָר֥וֹת נַפְשִֽׁי׃
	(5/6Hev1b frg. 13 ii,9) א[גילה ואשמחה בחסדך] (5/6Hev1b frg. 13 ii,10) אשר ראית את עניי [ידעת בצרות נפשי]
9	וְלֹ֣א הִ֭סְגַּרְתַּנִי בְּיַד־ אוֹיֵ֑ב הֶֽעֱמַ֖דְתָּ בַמֶּרְחָ֣ב רַגְלָֽי׃
	(5/6Hev1b frg. 13 ii,11) ולא הסגרתני ביד או֯[יב העמדת במרחב רגלי]
10	חָנֵּ֥נִי יְהוָה֮ כִּ֤י צַ֫ר־ לִ֥י עָשְׁשָׁ֖ה בְכַ֥עַס עֵינִ֗י נַפְשִׁ֥י וּבִטְנִֽי׃
	(5/6Hev1b frg. 13 ii,12) חנני יהוה כי צר לי [עששה בכעס עיני] (5/6Hev1b frg. 13 ii,13) נפשי ובטני
11	כִּ֤י כָל֪וּ בְיָג֡וֹן חַיַּי֮ וּשְׁנוֹתַ֢י בַּאֲנָ֫חָ֥ה כָּשַׁ֣ל בַּעֲוֺנִ֣י כֹחִ֑י וַעֲצָמַ֥י עָשֵֽׁשׁוּ׃
	(5/6Hev1b frg. 13 ii,13) כי כלו ביגון חיי ושנו֯[תי באנחה] (5/6Hev1b frg. 13 ii,14) כשל בעוני כחי ועצמי עששו
12	מִכָּל־ צֹרְרַ֨י הָיִ֪יתִי חֶרְפָּ֡ה וְלִשֲׁכֵנַ֨י ׀ מְאֹד֮ וּפַ֢חַד לִֽמְיֻדָּ֫עָ֥י רֹאַ֥י בַּח֑וּץ נָדְד֥וּ מִמֶּֽנִּי׃
	(5/6Hev1b frg. 13 ii,14) מכל צר֯[רי הייתי חרפה] (5/6Hev1b frg. 13 ii,15) ו֯לשכני מ֯[א]ד֯ ו֯פחד למידעי[ ]ר֯א֯[י בחוץ נדדו ממני]
13	נִ֭שְׁכַּחְתִּי כְּמֵ֣ת מִלֵּ֑ב הָ֝יִ֗יתִי כִּכְלִ֥י אֹבֵֽד׃
	(5/6Hev1b frg. 13 ii,16) נשכחתי כמת מלב֯ [הייתי ככלי אבד
14	כִּ֤י שָׁמַ֨עְתִּי ׀ דִּבַּ֥ת רַבִּים֮ מָג֢וֹר מִסָּ֫בִ֥יב בְּהִוָּסְדָ֣ם יַ֣חַד עָלַ֑י לָקַ֖חַת נַפְשִׁ֣י זָמָֽמוּ׃
	(5/6Hev1b frg. 13 ii,16) כי שמעתי] (5/6Hev1b frg. 13 ii,17) דבת֯ ר֯בים מגור מ֯[סביב בהוסדם יחד עלי] (5/6Hev1b frg. 13 ii,18) לקחת נפשי זממ֯[ו
15	וַאֲנִ֤י ׀ עָלֶ֣יךָ בָטַ֣חְתִּי יְהוָ֑ה אָ֝מַ֗רְתִּי אֱלֹהַ֥י אָֽתָּה׃
	(5/6Hev1b frg. 13 ii,18) ואני עליך בטחתי יהוה] (5/6Hev1b frg. 13 ii,19) אמרתי אלהי אתה
16	בְּיָדְךָ֥ עִתֹּתָ֑י הַצִּ֘ילֵ֤נִי מִיַּד־ א֝וֹיְבַ֗י וּמֵרֹדְפָֽי׃
	(5/6Hev1b frg. 13 ii,19) [בידך עתתי הצילני] (5/6Hev1b frg. 13 ii,20) מיד אויבי ומרדפי
17	הָאִ֣ירָה פָ֭נֶיךָ עַל־ עַבְדֶּ֑ךָ ה֖וֹשִׁיעֵ֣נִי בְחַסְדֶּֽךָ׃
	(5/6Hev1b frg. 13 ii,20) [ה]א[ירה פניך על עבדך] (5/6Hev1b frg. 13 ii,21) [ה]ו֯שיעני בחסדך
18	יְֽהוָ֗ה אַל־ אֵ֭בוֹשָׁה כִּ֣י קְרָאתִ֑יךָ יֵבֹ֥שׁוּ רְ֝שָׁעִ֗ים יִדְּמ֥וּ לִשְׁאֽוֹל׃
	(5/6Hev1b frg. 13 ii,21) [יהוה אל אבושה כי קראתיך] (5/6Hev1b frg. 13 ii,22) [יבשו ]ר֯ש֯עים י֯דמו לשאו[ל
19	תֵּ֥אָלַ֗מְנָה שִׂפְתֵ֫י שָׁ֥קֶר הַדֹּבְר֖וֹת עַל־ צַדִּ֥יק עָתָ֗ק בְּגַאֲוָ֥ה וָבֽוּז׃
	… (1QH^a 15,14) תאלמנה שפתי (1QH^a 15,15) שפתי שקר … (5/6Hev1b frg. 13 ii,22) תאלמנה שפתי שקר] (5/6Hev1b frg. 13 ii,23) [הדברות ]ע֯ל צדיק עתק [בגאוה ובוז]
20	מָ֤ה רַֽב־ טוּבְךָ֮ אֲשֶׁר־ צָפַ֢נְתָּ לִּֽירֵ֫אֶ֥יךָ פָּ֭עַלְתָּ לַחֹסִ֣ים בָּ֑ךְ נֶ֝֗גֶד בְּנֵ֣י אָדָם׃
	(5/6Hev1b frg. 13 ii,24) [מה רב טובך אש]ר֯ צפנת ליראיך פע[לת לחסים בך נגד בני אדם]
21	תַּסְתִּירֵ֤ם ׀ בְּסֵ֥תֶר פָּנֶיךָ֮ מֵֽרֻכְסֵ֫י אִ֥ישׁ תִּצְפְּנֵ֥ם בְּסֻכָּ֗ה מֵרִ֥יב לְשֹׁנֽוֹת׃
	(5/6Hev1b frg. 13 ii,25) [תסתירם בסתר פ]נ֯י֯ך֯ מרכס֯י֯ א֯י֯ש תצ֯[פנם בסכה מריב לשנות]
22	בָּר֥וּךְ יְהוָ֑ה כִּ֥י הִפְלִ֘יא חַסְדּ֥וֹ לִ֝֗י בְּעִ֣יר מָצֽוֹר׃
	(5/6Hev1b frg. 13 ii,26) [ברוך יהוה כי הפל]יא חס֯[דו ]ל[י בעיר מצור]
23	וַאֲנִ֤י ׀ אָ֘מַ֤רְתִּי בְחָפְזִ֗י נִגְרַזְתִּי֮ מִנֶּ֢גֶד עֵ֫ינֶ֥יךָ אָכֵ֗ן שָׁ֭מַעְתָּ ק֥וֹל תַּחֲנוּנַ֗י בְּשַׁוְּעִ֥י אֵלֶֽיךָ׃
	(4Q83 frg. 4 i,3) [ואני אמרתי בחפזי נגרזתי מנגד עיניכ]ה (4Q83 frg. 4 i,4) [אכן שמעת קול תחנוני בשועי אליך
24	אֽ͏ֶהֱב֥וּ אֶת־ יְהוָ֗ה כָּֽל־ חֲסִ֫ידָ֥יו אֱ֭מוּנִים נֹצֵ֣ר יְהוָ֑ה וּמְשַׁלֵּ֥ם עַל־ יֶ֝֗תֶר עֹשֵׂ֥ה גַאֲוָֽה׃
	(4Q83 frg. 4 i,4) אהבו את יהוה כול חסידי]ו֯ אמנם[ נ]ו֯צר (4Q83 frg. 4 i,5) [יהוה ומשלם על יתר עשה גאוה (4Q98 1,1) [נוצר יהוה ומשלם על יתר עו]ש֯ה גא[וה
25	חִ֭זְקוּ וְיַאֲמֵ֣ץ לְבַבְכֶ֑ם כָּל־ הַ֝מְיַחֲלִ֗ים לַיהוָֽה׃
	(4Q83 frg. 4 i,5) חזקו ויאמץ לבבכם כול המיחלים ליהוה ] (4Q98 1,1) ]ח֯[ז]ק֯[ו ויאמץ ]ל֯[ב]בכם כול המיחלים ליהוה

32
1	לְדָוִ֗ד מַ֫שְׂכִּ֥יל אַשְׁרֵ֥י נְֽשׂוּי־ פֶּ֗שַׁע כְּס֣וּי חֲטָאָֽה׃
2	אַ֥שְֽׁרֵי אָדָ֗ם לֹ֤א יַחְשֹׁ֬ב יְהוָ֣ה ל֣וֹ עָוֺ֑ן וְאֵ֖ין בְּרוּח֣וֹ רְמִיָּה׃
3	כִּֽי־ הֶ֭חֱרַשְׁתִּי בָּל֣וּ עֲצָמָ֑י בְּ֝שַׁאֲגָתִ֗י כָּל־ הַיּֽוֹם׃
4	כִּ֤י ׀ יוֹמָ֣ם וָלַיְלָה֮ תִּכְבַּ֥ד עָלַ֗י יָ֫דֶ֥ךָ נֶהְפַּ֥ךְ לְשַׁדִּ֑י בְּחַרְבֹ֖נֵי קַ֣יִץ סֶֽלָה׃
5	חַטָּאתִ֨י אוֹדִ֪יעֲךָ֡ וַעֲוֺ֘נִ֤י לֹֽא־ כִסִּ֗יתִי אָמַ֗רְתִּי אוֹדֶ֤ה עֲלֵ֣י פְ֭שָׁעַי לַיהוָ֑ה וְאַתָּ֨ה נָ֘שָׂ֤אתָ עֲוֺ֖ן חַטָּאתִ֣י סֶֽלָה׃
6	עַל־ זֹ֡את יִתְפַּלֵּ֬ל כָּל־ חָסִ֨יד ׀ אֵלֶיךָ֮ לְעֵ֢ת מְ֫צֹ֥א רַ֗ק לְ֭שֵׁטֶף מַ֣יִם רַבִּ֑ים אֵ֝לָ֗יו לֹ֣א יַגִּֽיעוּ׃
7	אַתָּ֤ה ׀ סֵ֥תֶר לִי֮ מִצַּ֢ר תִּ֫צְּרֵ֥נִי רָנֵּ֥י פַלֵּ֑ט תְּס֖וֹבְבֵ֣נִי סֶֽלָה׃
8	אַשְׂכִּֽילְךָ֨ ׀ וְֽאוֹרְךָ֗ בְּדֶֽרֶךְ־ ז֥וּ תֵלֵ֑ךְ אִֽיעֲצָ֖ה עָלֶ֣יךָ עֵינִֽי׃
9	אַל־ תִּֽהְי֤וּ ׀ כְּס֥וּס כְּפֶרֶד֮ אֵ֤ין הָ֫בִ֥ין בְּמֶֽתֶג־ וָרֶ֣סֶן עֶדְי֣וֹ לִבְל֑וֹם בַּ֝֗ל קְרֹ֣ב אֵלֶֽיךָ׃
10	רַבִּ֥ים מַכְאוֹבִ֗ים לָרָ֫שָׁ֥ע וְהַבּוֹטֵ֥חַ בַּיהוָ֑ה חֶ֝֗סֶד יְסוֹבְבֶֽנּוּ׃
11	שִׂמְח֬וּ בַֽיהוָ֣ה וְ֭גִילוּ צַדִּיקִ֑ים וְ֝הַרְנִ֗ינוּ כָּל־ יִשְׁרֵי־ לֵֽב׃

33
1	רַנְּנ֣וּ צַ֭דִּיקִים בַּֽיהוָ֑ה לַ֝יְשָׁרִ֗ים נָאוָ֥ה תְהִלָּֽה׃
	(4Q83 frg. 4 i,6) [רננו צדיקים ביהוה לישרים נאוה תהלה (4Q98 1,3) [רננו צדיקים ביהוה לישרים נ]אוה ת֯הלה[
2	הוֹד֣וּ לַיהוָ֣ה בְּכִנּ֑וֹר בְּנֵ֥בֶל עָ֝שׂ֗וֹר זַמְּרוּ־ לֽוֹ׃
	(4Q83 frg. 4 i,6) הודו ליהוה בכנור בנבל ]עשור זמרו לו (4Q98 1,3) ]ה֯ו֯ד֯[ו לי]ה֯[ו]ה֯ בכנור בנבל עשור זמרו לו
3	שִֽׁירוּ־ ל֭וֹ שִׁ֣יר חָדָ֑שׁ הֵיטִ֥יבוּ נַ֝גֵּ֗ן בִּתְרוּעָֽה׃
	(4Q83 frg. 4 i,7) [שירו לו שיר חדש היטיבו נגן בתרועה (4Q98 1,3) שירו (4Q98 1,4) [ליהוה שיר חדש היטיבו נגן] בתרועה
4	כִּֽי־ יָשָׁ֥ר דְּבַר־ יְהוָ֑ה וְכָל־ מַ֝עֲשֵׂ֗הוּ בֶּאֱמוּנָֽה׃
	(4Q83 frg. 4 i,7) כי ישר דבר יהוה וכול מעשהו ]ב֯אמונה (4Q98 1,4) כי֯[ ישר דבר יה]ו֯ה וכול מעשהו באמונה
5	אֹ֭הֵב צְדָקָ֣ה וּמִשְׁפָּ֑ט חֶ֥סֶד יְ֝הוָ֗ה מָלְאָ֥ה הָאָֽרֶץ׃
	(4Q83 frg. 4 i,7) אהב (4Q83 frg. 4 i,8) [צדקה ומשפט חסד יהוה מלאה הארץ (4Q98 1,4) אהב צדקה (4Q98 1,5) [ומשפט חסד יהוה מלאה הארץ
6	בִּדְבַ֣ר יְ֭הוָה שָׁמַ֣יִם נַעֲשׂ֑וּ וּבְר֥וּחַ פִּ֝֗יו כָּל־ צְבָאָֽם׃
	(4Q83 frg. 4 i,8) בדבר יהוה שמים נעשו וברוח פי]ו֯ כול צבאם (4Q98 1,5) ]ב֯דבר יה[וה שמים נעש]ו וברוח פיו כול צבאם
7	כֹּנֵ֣ס כַּ֭נֵּד מֵ֣י הַיָּ֑ם נֹתֵ֖ן בְּאֹצָר֣וֹת תְּהוֹמֽוֹת׃
	(4Q83 frg. 4 i,9) [כונס כנד מי הים נותן באוצרות תהומות … (4Q98 1,5) כונס כנד מי[ ] (4Q98 1,6) [הים נותן באוצרות תהומות …
8	יִֽירְא֣וּ מֵ֭יְהוָה כָּל־ הָאָ֑רֶץ מִמֶּ֥נּוּ יָ֝ג֗וּרוּ כָּל־ יֹשְׁבֵ֥י תֵבֵֽל׃
	(4Q83 frg. 4 i,9) נד יירא]ו֯ מיהוה כו֯ל (4Q83 frg. 4 i,10) [הארץ ממנו יגורו כל ישבי תבל (4Q98 1,6) ]נ֯וד יראו מיהוה כול הארץ ממנו יגורו (4Q98 1,7) [כול ישבי תבל
9	כִּ֤י ה֣וּא אָמַ֣ר וַיֶּ֑הִי הֽוּא־ צִ֝וָּ֗ה וֽ͏ַיַּעֲמֹֽד׃
	(4Q83 frg. 4 i,10) כי הוא אמר ויהי הוא צוה ויעמד (4Q98 1,7) כי הוא אמר] והיה ה[וא צוה ויעמ]ד
10	יְֽהוָ֗ה הֵפִ֥יר עֲצַת־ גּוֹיִ֑ם הֵ֝נִ֗יא מַחְשְׁב֥וֹת עַמִּֽים׃
	(4Q83 frg. 4 i,10) יהוה הפיר ]ע֯צת גוים (4Q83 frg. 4 i,11) [הניא מחשבות עמים (4Q98 1,7) יהוה הפר עצת גוים הניא מחשבת (4Q98 1,8) [עמים
11	עֲצַ֣ת יְ֭הוָה לְעוֹלָ֣ם תַּעֲמֹ֑ד מַחְשְׁב֥וֹת לִ֝בּ֗וֹ לְדֹ֣ר וָדֹֽר׃
	(4Q83 frg. 4 i,11) עצת יהוה לעולם תעמד מחשבות לבו לדר ודר (4Q98 1,8) עצת יהוה לעולם תעמד מחש]בת לבו [לדר ודר
12	אַשְׁרֵ֣י הַ֭גּוֹי אֲשֶׁר־ יְהוָ֣ה אֱלֹהָ֑יו הָעָ֓ם ׀ בָּחַ֖ר לְנַחֲלָ֣ה לֽוֹ׃
	(4Q83 frg. 4 i,11) אשרי ]ה֯גו[י אשר] (4Q98 1,8) ]אשרי הגי אשר והיה אלוהו העם בחר (4Q98 1,9) [לנחלה לו ]
13	מִ֭שָּׁמַיִם הִבִּ֣יט יְהוָ֑ה רָ֝אָ֗ה אֶֽת־ כָּל־ בְּנֵ֥י הָאָדָֽם׃
	(4Q98 1,10) [משמים הביט יהוה ראה את כול בני ]ה֯א֯ד֯ם
14	מִֽמְּכוֹן־ שִׁבְתּ֥וֹ הִשְׁגִּ֑יחַ אֶ֖ל כָּל־ יֹשְׁבֵ֣י הָאָֽרֶץ׃
	(4Q98 1,10) ממכון שבתו השגיח אל כ֯ו֯ל[ ישבי תב]ל
15	הַיֹּצֵ֣ר יַ֣חַד לִבָּ֑ם הַ֝מֵּבִ֗ין אֶל־ כָּל־ מַעֲשֵׂיהֶֽם׃
	(4Q98 1,10) [היוצ]ר֯ (4Q98 1,11) [יחד לבם המבין אל כול מעשיהם
16	אֵֽין־ הַ֭מֶּלֶךְ נוֹשָׁ֣ע בְּרָב־ חָ֑יִל גִּ֝בּ֗וֹר לֹֽא־ יִנָּצֵ֥ל בְּרָב־ כֹּֽחַ׃
	(4Q98 1,11) אין המ]לך נושע ברוב חיל גב[ור לוא ינצל ברוב כוח]
17	שֶׁ֣קֶר הַ֭סּוּס לִתְשׁוּעָ֑ה וּבְרֹ֥ב חֵ֝יל֗וֹ לֹ֣א יְמַלֵּֽט׃
	(4Q98 1,12) [שקר הסוס לתשועה וברוב חילו לוא ימל]ט
18	הִנֵּ֤ה עֵ֣ין יְ֭הוָה אֶל־ יְרֵאָ֑יו לַֽמְיַחֲלִ֥ים לְחַסְדּֽוֹ׃
	(4Q98 1,12) הנה עין֯ יהוה אל[ יראיו למיחלים לחסדו]
19	לְהַצִּ֣יל מִמָּ֣וֶת נַפְשָׁ֑ם וּ֝לְחַיּוֹתָ֗ם בָּרָעָֽב׃
20	נַ֭פְשֵׁנוּ חִכְּתָ֣ה לַֽיהוָ֑ה עֶזְרֵ֖נוּ וּמָגִנֵּ֣נוּ הֽוּא׃
21	כִּי־ ב֭וֹ יִשְׂמַ֣ח לִבֵּ֑נוּ כִּ֤י בְשֵׁ֖ם קָדְשׁ֣וֹ בָטָֽחְנוּ׃
22	יְהִֽי־ חַסְדְּךָ֣ יְהוָ֣ה עָלֵ֑ינוּ כַּ֝אֲשֶׁ֗ר יִחַ֥לְנוּ לָֽךְ׃

34
1	לְדָוִ֗ד בְּשַׁנּוֹת֣וֹ אֶת־ טַ֭עְמוֹ לִפְנֵ֣י אֲבִימֶ֑לֶךְ וֽ͏ַ֝יְגָרֲשֵׁ֗הוּ וַיֵּלַֽךְ׃
2	אֲבָרֲכָ֣ה אֶת־ יְהוָ֣ה בְּכָל־ עֵ֑ת תָּ֝מִ֗יד תְּֽהִלָּת֥וֹ בְּפִֽי׃
3	בַּ֭יהוָה תִּתְהַלֵּ֣ל נַפְשִׁ֑י יִשְׁמְע֖וּ עֲנָוִ֣ים וְיִשְׂמָֽחוּ׃
4	גַּדְּל֣וּ לַיהוָ֣ה אִתִּ֑י וּנְרוֹמְמָ֖ה שְׁמ֣וֹ יַחְדָּֽו׃
5	דָּרַ֣שְׁתִּי אֶת־ יְהוָ֣ה וְעָנָ֑נִי וּמִכָּל־ מְ֝גוּרוֹתַ֗י הִצִּילָֽנִי׃
6	הִבִּ֣יטוּ אֵלָ֣יו וְנָהָ֑רוּ וּ֝פְנֵיהֶ֗ם אַל־ יֶחְפָּֽרוּ׃
7	זֶ֤ה עָנִ֣י קָ֭רָא וַיהוָ֣ה שָׁמֵ֑עַ וּמִכָּל־ צָ֝רוֹתָ֗יו הוֹשִׁיעֽוֹ׃
8	חֹנֶ֤ה מַלְאַךְ־ יְהוָ֓ה סָ֘בִ֤יב לִֽירֵאָ֗יו וַֽיְחַלְּצֵֽם׃
9	טַעֲמ֣וּ וּ֭רְאוּ כִּי־ ט֣וֹב יְהוָ֑ה אַֽשְׁרֵ֥י הַ֝גֶּ֗בֶר יֶחֱסֶה־ בּֽוֹ׃
10	יְר֣אוּ אֶת־ יְהוָ֣ה קְדֹשָׁ֑יו כִּי־ אֵ֥ין מַ֝חְס֗וֹר לִירֵאָֽיו׃
11	כְּ֭פִירִים רָשׁ֣וּ וְרָעֵ֑בוּ וְדֹרְשֵׁ֥י יְ֝הוָ֗ה לֹא־ יַחְסְר֥וּ כָל־ טֽוֹב׃
12	לְֽכוּ־ בָ֭נִים שִׁמְעוּ־ לִ֑י יִֽרְאַ֥ת יְ֝הוָ֗ה אֲלַמֶּדְכֶֽם׃
13	מִֽי־ הָ֭אִישׁ הֶחָפֵ֣ץ חַיִּ֑ים אֹהֵ֥ב יָ֝מִ֗ים לִרְא֥וֹת טֽוֹב׃
14	נְצֹ֣ר לְשׁוֹנְךָ֣ מֵרָ֑ע וּ֝שְׂפָתֶ֗יךָ מִדַּבֵּ֥ר מִרְמָֽה׃
15	ס֣וּר מֵ֭רָע וַעֲשֵׂה־ ט֑וֹב בַּקֵּ֖שׁ שָׁל֣וֹם וְרָדְפֵֽהוּ׃
16	עֵינֵ֣י יְ֭הוָה אֶל־ צַדִּיקִ֑ים וְ֝אָזְנָ֗יו אֶל־ שַׁוְעָתָֽם׃
17	פְּנֵ֣י יְ֭הוָה בְּעֹ֣שֵׂי רָ֑ע לְהַכְרִ֖ית מֵאֶ֣רֶץ זִכְרָֽם׃
18	צָעֲק֣וּ וַיהוָ֣ה שָׁמֵ֑עַ וּמִכָּל־ צָ֝רוֹתָ֗ם הִצִּילָֽם׃
19	קָר֣וֹב יְ֭הוָה לְנִשְׁבְּרֵי־ לֵ֑ב וְֽאֶת־ דַּכְּאֵי־ ר֥וּחַ יוֹשִֽׁיעַ׃
20	רַ֭בּוֹת רָע֣וֹת צַדִּ֑יק וּ֝מִכֻּלָּ֗ם יַצִּילֶ֥נּוּ יְהוָֽה׃
21	שֹׁמֵ֥ר כָּל־ עַצְמוֹתָ֑יו אַחַ֥ת מֵ֝הֵ֗נָּה לֹ֣א נִשְׁבָּֽרָה׃
	(4Q83 frg. 5,1) [שמר כל עצמותיו אחת מהנה לא נשב]ר֯
22	תְּמוֹתֵ֣ת רָשָׁ֣ע רָעָ֑ה וְשֹׂנְאֵ֖י צַדִּ֣יק יֶאְשָֽׁמוּ׃
	(4Q83 frg. 5,1) תמו֯[תת רשע רעה ושנאי] (4Q83 frg. 5,2) [צדיק יאשמו ]
23	פּוֹדֶ֣ה יְ֭הוָה נֶ֣פֶשׁ עֲבָדָ֑יו וְלֹ֥א יֶ֝אְשְׁמ֗וּ כָּֽל־ הַחֹסִ֥ים בּֽוֹ׃

35
1	לְדָוִ֨ד ׀ רִיבָ֣ה יְ֭הוָה אֶת־ יְרִיבַ֑י לְ֝חַ֗ם אֶת־ לֹֽחֲמָֽי׃
	(4Q83 frg. 5,3) [לדוד ריבה יהוה את יריבי לחם את לחמי
2	הַחֲזֵ֣ק מָגֵ֣ן וְצִנָּ֑ה וְ֝ק֗וּמָה בְּעֶזְרָתִֽי׃
	(4Q83 frg. 5,3) ]ה֯חזק מג֯[ן וצנה וקומה בעזרתי]
3	וְהָ֘רֵ֤ק חֲנִ֣ית וּ֭סְגֹר לִקְרַ֣את רֹדְפָ֑י אֱמֹ֥ר לְ֝נַפְשִׁ֗י יְֽשֻׁעָתֵ֥ךְ אָֽנִי׃
4	יֵבֹ֣שׁוּ וְיִכָּלְמוּ֮ מְבַקְשֵׁ֢י נַ֫פְשִׁ֥י יִסֹּ֣גוּ אָח֣וֹר וְיַחְפְּר֑וּ חֹ֝שְׁבֵ֗י רָעָתִֽי׃
	(4Q98 2,1) ויחפרו[ חשבי רעתי
5	יִֽהְי֗וּ כְּמֹ֥ץ לִפְנֵי־ ר֑וּחַ וּמַלְאַ֖ךְ יְהוָ֣ה דּוֹחֶֽה׃
	(4Q98 2,1) יהיו כמץ לפני רוח ומלאך יהוה דוחה
6	יְֽהִי־ דַרְכָּ֗ם חֹ֥שֶׁךְ וַחֲלַקְלַקּ֑וֹת וּמַלְאַ֥ךְ יְ֝הוָ֗ה רֹדְפָֽם׃
	(4Q98 2,1) יהי דרכם חשך וחלקלקות] (4Q98 2,2) ומלאך י[הוה רדפם
7	כִּֽי־ חִנָּ֣ם טָֽמְנוּ־ לִ֭י שַׁ֣חַת רִשְׁתָּ֑ם חִ֝נָּ֗ם חָפְר֥וּ לְנַפְשִֽׁי׃
	(4Q98 2,2) כי חנם טמנו לי שחת רשתם חנם חפרו לנפשי
8	תְּבוֹאֵ֣הוּ שׁוֹאָה֮ לֹֽא־ יֵ֫דָ֥ע וְרִשְׁתּ֣וֹ אֲשֶׁר־ טָמַ֣ן תִּלְכְּד֑וֹ בְּ֝שׁוֹאָ֗ה יִפָּל־ בָּֽהּ׃
	(4Q98 2,2) תבואהו שואה לוא ידע ורשתו אשר טמן] (4Q98 2,3) תלכדהו ש[ואה יפל בה
9	וְ֭נַפְשִׁי תָּגִ֣יל בַּיהוָ֑ה תָּ֝שִׂישׂ בִּישׁוּעָתֽוֹ׃
	(4Q98 2,3) ונפשי תגיל ביהוה תשיש בישועתו
10	כָּ֥ל עַצְמוֹתַ֨י ׀ תֹּאמַרְנָה֮ יְהוָ֗ה מִ֥י כָ֫מ֥וֹךָ מַצִּ֣יל עָ֭נִי מֵחָזָ֣ק מִמֶּ֑נּוּ וְעָנִ֥י וְ֝אֶבְי֗וֹן מִגֹּזְלֽוֹ׃
	(4Q98 2,3) כול עצמותי תאמרנה יהוה מי] (4Q98 2,4) כמוך מציל[ עני מחזק ממנו ועני ואביון מגזלו
11	יְ֭קוּמוּן עֵדֵ֣י חָמָ֑ס אֲשֶׁ֥ר לֹא־ יָ֝דַ֗עְתִּי יִשְׁאָלֽוּנִי׃
	(4Q98 2,4) יקומון עדי חמס אשר לוא ידעתי ישאלוני
12	יְשַׁלְּמ֣וּנִי רָ֭עָה תַּ֥חַת טוֹבָ֗ה שְׁכ֣וֹל לְנַפְשִֽׁי׃
	(4Q98 2,4) ישלמוני] (4Q98 2,5) רעה תחת טו[בה שכול לנפשי
13	וַאֲנִ֤י ׀ בַּחֲלוֹתָ֡ם לְב֬וּשִׁי שָׂ֗ק עִנֵּ֣יתִי בַצּ֣וֹם נַפְשִׁ֑י וּ֝תְפִלָּתִ֗י עַל־ חֵיקִ֥י תָשֽׁוּב׃
	(4Q83 frg. 6,1) [בחלותם לבושי שק עניתי ב]צ֯ו֯ם נ֯[פשי ותפלתי על חיקי תשוב (4Q98 2,5) ואני בחלותם לבושי שק עניתי בצום נפשי ותפלתי על חיקי תשוב]
14	כְּרֵֽעַ־ כְּאָ֣ח לִ֭י הִתְהַלָּ֑כְתִּי כַּאֲבֶל־ אֵ֝֗ם קֹדֵ֥ר שַׁחֽוֹתִי׃
	(4Q83 frg. 6,1) כרע כאח לי התהלכתי כאבל אם] (4Q83 frg. 6,2) קדר שחותי (4Q98 2,6) כרע כאח לי הת[הלכתי כאבל אם קדר שחותי
15	וּבְצַלְעִי֮ שָׂמְח֢וּ וְֽנֶאֱ֫סָ֥פוּ נֶאֶסְפ֬וּ עָלַ֣י נֵ֭כִים וְלֹ֣א יָדַ֑עְתִּי קָֽרְע֥וּ וְלֹא־ דָֽמּוּ׃
	(4Q83 frg. 6,2) ובצלעי שמחו נ֯אס֯פו ○[ -- ולא ידעתי קרעו ולא דמו (4Q98 2,6) ובצלעי שמחו ונספו] (4Q98 2,7) נספו עלי תכים ו֯[לוא ידעתי קרעו ולוא דמו
16	בְּ֭חַנְפֵי לַעֲגֵ֣י מָע֑וֹג חָרֹ֖ק עָלַ֣י שִׁנֵּֽימוֹ׃
	(4Q83 frg. 6,2) בחנפי לעגי] (4Q83 frg. 6,3) מעוג חרקו עלי שנים (4Q98 2,7) בחנפי לעגי מעוג חרק עלי שנימו
17	אֲדֹנָי֮ כַּמָּ֢ה תִ֫רְאֶ֥ה הָשִׁ֣יבָה נַ֭פְשִׁי מִשֹּׁאֵיהֶ֑ם מִ֝כְּפִירִ֗ים יְחִידָתִֽי׃
	(4Q83 frg. 6,3) אדוני כמה֯[ תראה השיבה נפשי משאיהם מכפירים יחידתי (4Q98 2,7) אדני כמה] (4Q98 2,8) תראה השיבה נפ[שי משאיהם מכפירים יחידתי
18	א֭וֹדְךָ בְּקָהָ֣ל רָ֑ב בְּעַ֖ם עָצ֣וּם אֲהַֽלְלֶֽךָּ׃
	(4Q83 frg. 6,3) אודך] (4Q83 frg. 6,4) בקה֯ל֯[ ]רב בעם עצום א[הללכ]ה֯[ (4Q98 2,8) אודך בקהל רב בעם עצום אהללך
19	אַֽל־ יִשְׂמְחוּ־ לִ֣י אֹיְבַ֣י שֶׁ֑קֶר שֹׂנְאַ֥י חִ֝נָּ֗ם יִקְרְצוּ־ עָֽיִן׃
	(4Q83 frg. 6,4) אל ישמחו לי איבי שקר שנאי חנם יקרצו עין (4Q98 2,8) אל] (4Q98 2,9) ישמחו לי איבי ש[קר שנאי חנם יקרצו עין
20	כִּ֤י לֹ֥א שָׁל֗וֹם יְדַ֫בֵּ֥רוּ וְעַ֥ל רִגְעֵי־ אֶ֑רֶץ דִּבְרֵ֥י מִ֝רְמוֹת יַחֲשֹׁבֽוּן׃
	(4Q83 frg. 6,4) כי לא שלום] (4Q83 frg. 6,5) [ידבר]ו֯ ו֯אל ר[גע]י֯ ארץ[ דברי מרמות יחשבון -- ] (4Q98 2,9) כי לוא שלום ידברו ועל רגעי ארץ דברי] (4Q98 2,10) מרמות יחשובן[ -- ]
21	וַיַּרְחִ֥יבוּ עָלַ֗י פִּ֫יהֶ֥ם אָ֭מְרוּ הֶאָ֣ח ׀ הֶאָ֑ח רָאֲתָ֥ה עֵינֵֽינוּ׃
22	רָאִ֣יתָה יְ֭הוָה אַֽל־ תֶּחֱרַ֑שׁ אֲ֝דֹנָ֗י אֲל־ תִּרְחַ֥ק מִמֶּֽנִּי׃
23	הָעִ֣ירָה וְ֭הָקִיצָה לְמִשְׁפָּטִ֑י אֱלֹהַ֖י וַֽאדֹנָ֣י לְרִיבִֽי׃
24	שָׁפְטֵ֣נִי כְ֭צִדְקְךָ יְהוָ֥ה אֱלֹהָ֗י וְאַל־ יִשְׂמְחוּ־ לִֽי׃
25	אַל־ יֹאמְר֣וּ בְ֭לִבָּם הֶאָ֣ח נַפְשֵׁ֑נוּ אַל־ יֹ֝אמְר֗וּ בִּֽלַּעֲנֽוּהוּ׃
26	יֵ֘בֹ֤שׁוּ וְיַחְפְּר֨וּ ׀ יַחְדָּו֮ שְׂמֵחֵ֢י רָעָ֫תִ֥י יִֽלְבְּשׁוּ־ בֹ֥שֶׁת וּכְלִמָּ֑ה הַֽמַּגְדִּילִ֥ים עָלָֽי׃
	(4Q83 frg. 4 ii,1) שמחי רעת֯[י ילבשו בשת וכלמה המגדילים עלי
27	יָרֹ֣נּוּ וְיִשְׂמְחוּ֮ חֲפֵצֵ֢י צִ֫דְקִ֥י וְיֹאמְר֣וּ תָ֭מִיד יִגְדַּ֣ל יְהוָ֑ה הֶ֝חָפֵ֗ץ שְׁל֣וֹם עַבְדּֽוֹ׃
	(4Q83 frg. 4 ii,1) ירנו וישמחו חפצי צדקי ויאמרו תמיד יגדל יהוה] (4Q83 frg. 4 ii,2) ח֯פ֯צי שלו֯ם֯[ עבדו (4Q85 frg. 8,1) [חפצי צדקי ויאמרו ת]מ֯יד יגדל יה֯[וה החפץ שלום] (4Q85 frg. 8,2) [עבדו
28	וּ֭לְשׁוֹנִי תֶּהְגֶּ֣ה צִדְקֶ֑ךָ כָּל־ הַ֝יּוֹם תְּהִלָּתֶֽךָ׃
	(4Q83 frg. 4 ii,2) ולשוני תהגה צדקך כל היום תהלתך ] (4Q85 frg. 8,2) ולשוני] ת֯הגה צדק[ך כל היום תהלתך]

36
1	לַמְנַצֵּ֬חַ ׀ לְעֶֽבֶד־ יְהוָ֬ה לְדָוִֽד׃
	(4Q83 frg. 4 ii,3) [ל]מ֯נ֯צ֯ח לעבד יהוה לדויד֯[
2	נְאֻֽם־ פֶּ֣שַׁע לָ֭רָשָׁע בְּקֶ֣רֶב לִבִּ֑י אֵֽין־ פַּ֥חַד אֱ֝לֹהִ֗ים לְנֶ֣גֶד עֵינָֽיו׃
	(4Q83 frg. 4 ii,3) נאם פשע לרשע בקרב לבי אין פחד אלהים לנגד עיניו
3	כִּֽי־ הֶחֱלִ֣יק אֵלָ֣יו בְּעֵינָ֑יו לִמְצֹ֖א עֲוֺנ֣וֹ לִשְׂנֹֽא׃
	(4Q83 frg. 4 ii,3) כי החליק] (4Q83 frg. 4 ii,4) א֯ליו בעיניו למצוא עונו [לשנא
4	דִּבְרֵי־ פִ֭יו אָ֣וֶן וּמִרְמָ֑ה חָדַ֖ל לְהַשְׂכִּ֣יל לְהֵיטִֽיב׃
	(4Q83 frg. 4 ii,4) דברי פיו און ומרמה חדל להשכיל להיטיב
5	אָ֤וֶן ׀ יַחְשֹׁ֗ב עַֽל־ מִשְׁכָּ֫ב֥וֹ יִ֭תְיַצֵּב עַל־ דֶּ֣רֶךְ לֹא־ ט֑וֹב רָ֝֗ע לֹ֣א יִמְאָֽס׃
	(4Q83 frg. 4 ii,4) און יחשב על] (4Q83 frg. 4 ii,5) משכבו יתיעץ כול דרך ל֯[וא טוב רע לוא ימאס ]
6	יְ֭הוָה בְּהַשָּׁמַ֣יִם חַסְדֶּ֑ךָ אֱ֝מֽוּנָתְךָ֗ עַד־ שְׁחָקִֽים׃
	(4Q83 frg. 4 ii,6) יהוה מהשמים ח֯ס֯ד֯[כה אמונתך עד שחקים
7	צִדְקָֽתְךָ֨ ׀ כְּֽהַרְרֵי־ אֵ֗ל מִ֭שְׁפָּטֶךָ תְּה֣וֹם רַבָּ֑ה אָ֤דָֽם־ וּבְהֵמָ֖ה תוֹשִׁ֣יעַ יְהוָֽה׃
	(4Q83 frg. 4 ii,6) צדקתך כהררי אל משפטך תהום רבה אדם ובהמה] (4Q83 frg. 4 ii,7) בה תושיע֯[ יהוה
8	מַה־ יָּקָ֥ר חַסְדְּךָ֗ אֱלֹ֫הִ֥ים וּבְנֵ֥י אָדָ֑ם בְּצֵ֥ל כְּ֝נָפֶ֗יךָ יֶחֱסָיֽוּן׃
	(4Q83 frg. 4 ii,7) מה יקר חסדך אלהים ובני אדם בצל כנפיך יחסיון
9	יִ֭רְוְיֻן מִדֶּ֣שֶׁן בֵּיתֶ֑ךָ וְנַ֖חַל עֲדָנֶ֣יךָ תַשְׁקֵֽם׃
	(4Q83 frg. 4 ii,7) ירוין מדשן ביתך] (4Q83 frg. 4 ii,8) ו֯נחל [עדניכה תשקם -- ]
10	כִּֽי־ עִ֭מְּךָ מְק֣וֹר חַיִּ֑ים בְּ֝אוֹרְךָ֗ נִרְאֶה־ אֽוֹר׃
11	מְשֹׁ֣ךְ חַ֭סְדְּךָ לְיֹדְעֶ֑יךָ וְ֝צִדְקָֽתְךָ֗ לְיִשְׁרֵי־ לֵֽב׃
12	אַל־ תְּ֭בוֹאֵנִי רֶ֣גֶל גַּאֲוָ֑ה וְיַד־ רְ֝שָׁעִ֗ים אַל־ תְּנִדֵֽנִי׃
13	שָׁ֣ם נָ֭פְלוּ פֹּ֣עֲלֵי אָ֑וֶן דֹּ֝ח֗וּ וְלֹא־ יָ֥כְלוּ קֽוּם׃
	(11Q8 frg. 5,1) [קו]ם

37
1	לְדָוִ֨ד ׀ אַל־ תִּתְחַ֥ר בַּמְּרֵעִ֑ים אַל־ תְּ֝קַנֵּ֗א בְּעֹשֵׂ֥י עַוְלָֽה׃
	(11Q8 frg. 5,2) לדויד א[ל תתחר במרעים] (11Q8 frg. 5,3) [א]ל תקנא בעש[י עולה
2	כִּ֣י כֶ֭חָצִיר מְהֵרָ֣ה יִמָּ֑לוּ וּכְיֶ֥רֶק דֶּ֝֗שֶׁא יִבּוֹלֽוּן׃
	(11Q8 frg. 5,3) כי כחציר מהרה ימלו וכירק] (11Q8 frg. 5,4) [ד]שא יבלון
3	בְּטַ֣ח בַּֽ֭יהוָה וַעֲשֵׂה־ ט֑וֹב שְׁכָן־ אֶ֝֗רֶץ וּרְעֵ֥ה אֱמוּנָֽה׃
	(11Q8 frg. 5,4) בט[ח ביהוה ועשה טוב] (11Q8 frg. 5,5) [שכן ]א֯רץ ורע[]ה֯ א֯מ֯ונה
4	וְהִתְעַנַּ֥ג עַל־ יְהוָ֑ה וְיִֽתֶּן־ לְ֝ךָ֗ מִשְׁאֲלֹ֥ת לִבֶּֽךָ׃
	(11Q8 frg. 5,5) וה֯[תענג על יהוה ויתן לכה] (11Q8 frg. 5,6) [משא]לות לבכה֯[ גו]ל[ -- ]
5	גּ֣וֹל עַל־ יְהוָ֣ה דַּרְכֶּ֑ךָ וּבְטַ֥ח עָ֝לָ֗יו וְה֣וּא יַעֲשֶֽׂה׃
6	וְהוֹצִ֣יא כָא֣וֹר צִדְקֶ֑ךָ וּ֝מִשְׁפָּטֶ֗ךָ כַּֽצָּהֳרָֽיִם׃
	(4Q171 frg. 1-2 i,12) ]צ֯ה֯רים
7	דּ֤וֹם ׀ לַיהוָה֮ וְהִתְח֢וֹלֵ֫ל ל֥וֹ אַל־ תִּ֭תְחַר בְּמַצְלִ֣יחַ דַּרְכּ֑וֹ בְּ֝אִ֗ישׁ עֹשֶׂ֥ה מְזִמּֽוֹת׃
	(4Q171 frg. 1-2 i,17) [דו]ם֯ ל[יהוה ו]ה֯תחולל לו ואל תחר במצליח דרכו באיש (4Q171 frg. 1-2 i,18) [עוש]ה מזמות …
8	הֶ֣רֶף מֵ֭אַף וַעֲזֹ֣ב חֵמָ֑ה אַל־ תִּ֝תְחַ֗ר אַךְ־ לְהָרֵֽעַ׃
	(4Q171 frg. 1-2 ii,1) הרף מאף ועזוב חמה ואל (4Q171 frg. 1-2 ii,2) תחר אך להרע
9	כִּֽי־ מְ֭רֵעִים יִכָּרֵת֑וּן וְקֹוֵ֥י יְ֝הוָ֗ה הֵ֣מָּה יִֽירְשׁוּ־ אָֽרֶץ׃
	(4Q171 frg. 1-2 ii,2) כיא מרעים יכרתו … (4Q171 frg. 1-2 ii,4) וקואי יהוה המה ירשו ארץ פשרו
10	וְע֣וֹד מְ֭עַט וְאֵ֣ין רָשָׁ֑ע וְהִתְבּוֹנַ֖נְתָּ עַל־ מְקוֹמ֣וֹ וְאֵינֶֽנּוּ׃
	(4Q171 frg. 1-2 ii,5) ועוד מעט ואין רשע (4Q171 frg. 1-2 ii,6) ואתבוננה על מקומו ואיננו …
11	וַעֲנָוִ֥ים יִֽירְשׁוּ־ אָ֑רֶץ וְ֝הִתְעַנְּג֗וּ עַל־ רֹ֥ב שָׁלֽוֹם׃
	(4Q171 frg. 1-2 ii,8) וענוים ירשו ארץ והתענגו על רוב שלום פשרו על
12	זֹמֵ֣ם רָ֭שָׁע לַצַּדִּ֑יק וְחֹרֵ֖ק עָלָ֣יו שִׁנָּֽיו׃
	(4Q171 frg. 1-2 ii,12) זומם רשע לצדיק וחורק ע֯[ליו שניו …
13	אֲדֹנָ֥י יִשְׂחַק־ ל֑וֹ כִּֽי־ רָ֝אָ֗ה כִּֽי־ יָבֹ֥א יוֹמֽוֹ׃
	(4Q171 frg. 1-2 ii,13) כיא בא יומו …
14	חֶ֤רֶב ׀ פָּֽתְח֣וּ רְשָׁעִים֮ וְדָרְכ֢וּ קַ֫שְׁתָּ֥ם לְ֭הַפִּיל עָנִ֣י וְאֶבְי֑וֹן לִ֝טְב֗וֹחַ יִשְׁרֵי־ דָֽרֶךְ׃
	(4Q171 frg. 1-2 ii,15) חרב פתחו רשעים וידרוכו קשתם לפיל עני ואביון (4Q171 frg. 1-2 ii,16) ולטבוח ישרי דרך
15	חַ֭רְבָּם תָּב֣וֹא בְלִבָּ֑ם וְ֝קַשְּׁתוֹתָ֗ם תִּשָּׁבַֽרְנָה׃
	(4Q171 frg. 1-2 ii,16) חרבם תבוא בלבם וקשתותיהם תשברנה
16	טוֹב־ מְ֭עַט לַצַּדִּ֑יק מֵ֝הֲמ֗וֹן רְשָׁעִ֥ים רַבִּֽים׃
	(4Q171 frg. 1-2 ii,21) טוב מעט לצדיק מהמון רשעים רבי[ם -- פשרו על]
17	כִּ֤י זְרוֹע֣וֹת רְ֭שָׁעִים תִּשָּׁבַ֑רְנָה וְסוֹמֵ֖ךְ צַדִּיקִ֣ים יְהוָֽה׃
	(4Q171 frg. 1-2 ii,23) כיא אזרוע[ות רשעים תשברנה וסומך צדיקים] (4Q171 frg. 1-2 ii,24) יה[וה
18	יוֹדֵ֣עַ יְ֭הוָה יְמֵ֣י תְמִימִ֑ם וְ֝נַחֲלָתָ֗ם לְעוֹלָ֥ם תִּהְיֶֽה׃
	(4Q171 frg. 1-2 ii,24) יודע יהוה ימי תמימים ונחלתם לעולם תהיה פשרו על אנשי] (4Q85 frg. 9,1) יודע יהוה֯[ ימי תמימם ונחלתם לעולם תהיה]
19	לֹֽא־ יֵ֭בֹשׁוּ בְּעֵ֣ת רָעָ֑ה וּבִימֵ֖י רְעָב֣וֹן יִשְׂבָּֽעוּ׃
	(4Q171 frg. 1-2 ii,26) ל[וא י]בושו ב[עת רעה … (4Q171 frg. 1+3-4 iii,2) ובימי רעב יש֯[בע]ו֯ (4Q85 frg. 9,2) לא יבשו בע֯[ת רעה ובימי רעבון ישבעו]
20	כִּ֤י רְשָׁעִ֨ים ׀ יֹאבֵ֗דוּ וְאֹיְבֵ֣י יְ֭הוָה כִּיקַ֣ר כָּרִ֑ים כָּל֖וּ בֶעָשָׁ֣ן כָּֽלוּ׃
	(4Q171 frg. 1+3-4 iii,2) כיא רשעים (4Q171 frg. 1+3-4 iii,3) יובדו … (4Q171 frg. 1+3-4 iii,5) ואוהבי יהוה כיקר כורים פשר[ו --] (4Q171 frg. 1+3-4 iii,7) כלו כעשן כולו …
21	לֹוֶ֣ה רָ֭שָׁע וְלֹ֣א יְשַׁלֵּ֑ם וְ֝צַדִּ֗יק חוֹנֵ֥ן וְנוֹתֵֽן׃
	… (4Q171 frg. 1+3-4 iii,8) לוה רשע ולוא ישלם (4Q171 frg. 1+3-4 iii,9) וצדיק חונן ונותן
22	כִּ֣י מְ֭בֹרָכָיו יִ֣ירְשׁוּ אָ֑רֶץ וּ֝מְקֻלָּלָ֗יו יִכָּרֵֽתוּ׃
	(4Q171 frg. 1+3-4 iii,9) כיא מבורכ[ו יר]שו ארץ ומק^ולל[ו יכר]תו … (4Q171 frg. 1+3-4 iii,11) ו֯[מקול]ל֯ו֯ (4Q171 frg. 1+3-4 iii,12) יכרתו …
23	מֵ֭יְהוָה מִֽצְעֲדֵי־ גֶ֥בֶר כּוֹנָ֗נוּ וְדַרְכּ֥וֹ יֶחְפָּֽץ׃
	(4Q171 frg. 1+3-4 iii,14) מיהו[ה מצעדי גבר ]כ֯ו֯נ֯נ֯ו֯[ () (ב֯כ֯ו֯ל֯) ו]ד֯רכו יחפץ
24	כִּֽי־ יִפֹּ֥ל לֹֽא־ יוּטָ֑ל כִּֽי־ יְ֝הוָ֗ה סוֹמֵ֥ךְ יָדֽוֹ׃
	(4Q171 frg. 1+3-4 iii,14) כיא יפ֯[ול] ל[וא] (4Q171 frg. 1+3-4 iii,15) יוטל כיא י[הוה סומך ידו] …
25	נַ֤עַר ׀ הָיִ֗יתִי גַּם־ זָ֫קַ֥נְתִּי וְֽלֹא־ רָ֭אִיתִי צַדִּ֣יק נֶעֱזָ֑ב וְ֝זַרְע֗וֹ מְבַקֶּשׁ־ לָֽחֶם׃
	(4Q171 frg. 1+3-4 iii,17) נער היי]תי וגם זקנתי ולוא[ ראיתי צדיק] (4Q171 frg. 1+3-4 iii,18) נעזב וזרעו מבקש לח֯ם֯[
26	כָּל־ הַ֭יּוֹם חוֹנֵ֣ן וּמַלְוֶ֑ה וְ֝זַרְע֗וֹ לִבְרָכָֽה׃
	(4Q171 frg. 1+3-4 iii,18) כול היום] חונן ומלוה וזר[עו לברכה פשר]
27	ס֣וּר מֵ֭רָע וַעֲשֵׂה־ ט֗וֹב וּשְׁכֹ֥ן לְעוֹלָֽם׃
28	כִּ֤י יְהוָ֨ה ׀ אֹ֘הֵ֤ב מִשְׁפָּ֗ט וְלֹא־ יַעֲזֹ֣ב אֶת־ חֲ֭סִידָיו לְעוֹלָ֣ם נִשְׁמָ֑רוּ וְזֶ֖רַע רְשָׁעִ֣ים נִכְרָֽת׃
	(4Q171 frg. 3-10 iv,1) מש֯[פט עולים לעו]לם נשמדו וזרע ר֯[שעים נכרת] ה֯מה ערי֯צי
29	צַדִּיקִ֥ים יִֽירְשׁוּ־ אָ֑רֶץ וְיִשְׁכְּנ֖וּ לָעַ֣ד עָלֶֽיהָ׃
	(4Q171 frg. 3-10 iv,2) צד֯יקי֯[ם ירשו ארץ וישכנו ל]עד עליה
30	פִּֽי־ צַ֭דִּיק יֶהְגֶּ֣ה חָכְמָ֑ה וּ֝לְשׁוֹנ֗וֹ תְּדַבֵּ֥ר מִשְׁפָּֽט׃
	(4Q171 frg. 3-10 iv,3) פי צדיק יהגה] ח֯כמה ולשונו תדבר (4Q171 frg. 3-10 iv,4) [משפט
31	תּוֹרַ֣ת אֱלֹהָ֣יו בְּלִבּ֑וֹ לֹ֖א תִמְעַ֣ד אֲשֻׁרָיו׃
	(4Q171 frg. 3-10 iv,4) תורת אלהיו בלבו לוא תמעד אשריו …
32	צוֹפֶ֣ה רָ֭שָׁע לַצַּדִּ֑יק וּ֝מְבַקֵּ֗שׁ לַהֲמִיתוֹ׃
	(4Q171 frg. 3-10 iv,7) צופה רשע לצדיק ומבקש[ להמיתו
33	יְ֭הוָה לֹא־ יַעַזְבֶ֣נּוּ בְיָד֑וֹ וְלֹ֥א יַ֝רְשִׁיעֶ֗נּוּ בְּהִשָּׁפְטֽוֹ׃
	(4Q171 frg. 3-10 iv,7) יה]וה [לוא יעזבנו בידו ולוא י]רשיענו ובהשפטו
34	קַוֵּ֤ה אֶל־ יְהוָ֨ה ׀ וּשְׁמֹ֬ר דַּרְכּ֗וֹ וִֽ֭ירוֹמִמְךָ לָרֶ֣שֶׁת אָ֑רֶץ בְּהִכָּרֵ֖ת רְשָׁעִ֣ים תִּרְאֶֽה׃
	(4Q171 frg. 3-10 iv,10) משפט קוה אל י]הוה ושמור דרכ֯ו ו[י]רוממכה לרשת (4Q171 frg. 3-10 iv,11) ארץ בהכרת רשעים תר֯[אה …
35	רָ֭אִיתִי רָשָׁ֣ע עָרִ֑יץ וּ֝מִתְעָרֶ֗ה כְּאֶזְרָ֥ח רַעֲנָֽן׃
	(4Q171 frg. 3-10 iv,13) [ראי]ת֯י֯ ר֯ש֯ע עריץ מתע֯[רה כאזרח רענן]
36	וַ֭יּֽ͏ַעֲבֹר וְהִנֵּ֣ה אֵינֶ֑נּוּ וָֽ֝אֲבַקְשֵׁ֗הוּ וְלֹ֣א נִמְצָֽא׃
	(4Q171 frg. 3-10 iv,13) אעבור על פ[ניו והנה אינ]נו וא֯[בקשהו] ו֯לוא (4Q171 frg. 3-10 iv,14) [נמצא …
37	שְׁמָר־ תָּ֭ם וּרְאֵ֣ה יָשָׁ֑ר כִּֽי־ אַחֲרִ֖ית לְאִ֣ישׁ שָׁלֽוֹם׃
	(4Q171 frg. 3-10 iv,16) שמור תם וראה] ישר[ כיא אח]ר[ית לאי]ש֯ שלום פשרו ע[ל]
38	וּֽ֭פֹשְׁעִים נִשְׁמְד֣וּ יַחְדָּ֑ו אַחֲרִ֖ית רְשָׁעִ֣ים נִכְרָֽתָה׃
	… (4Q171 frg. 3-10 iv,17) ופושעים (4Q171 frg. 3-10 iv,18) נשמדו יחד ואחר֯[ית רשעים נכרתה …
39	וּתְשׁוּעַ֣ת צַ֭דִּיקִים מֵיְהוָ֑ה מָֽ֝עוּזָּ֗ם בְּעֵ֣ת צָרָֽה׃
	(4Q171 frg. 3-10 iv,19) ות֯[שוע]ת֯[ צדיקים מיהוה מעוזם בעת צרה
40	וַֽיַּעְזְרֵ֥ם יְהוָ֗ה וַֽיְפַ֫לְּטֵ֥ם יְפַלְּטֵ֣ם מֵ֭רְשָׁעִים וְיוֹשִׁיעֵ֑ם כִּי־ חָ֥סוּ בֽוֹ׃
	(4Q171 frg. 3-10 iv,19) ויעזרם יהוה] (4Q171 frg. 3-10 iv,20) וימלטם ויפלטם֯ מר֯שעים֯[ ויושיעם כיא חסו בו פשרו --]

38
1	מִזְמ֖וֹר לְדָוִ֣ד לְהַזְכִּֽיר׃
2	יְֽהוָ֗ה אַל־ בְּקֶצְפְּךָ֥ תוֹכִיחֵ֑נִי וּֽבַחֲמָתְךָ֥ תְיַסְּרֵֽנִי׃
	(4Q83 frg. 7-8,1) [יהוה אל בקצפך תוכיחני ובח]מתכה ת֯[יסרני
3	כִּֽי־ חִ֭צֶּיךָ נִ֣חֲתוּ בִ֑י וַתִּנְחַ֖ת עָלַ֣י יָדֶֽךָ׃
	(4Q83 frg. 7-8,1) כי חציך נחתו בי ותנחת] (4Q83 frg. 7-8,2) [עלי ידך
4	אֵין־ מְתֹ֣ם בִּ֭בְשָׂרִי מִפְּנֵ֣י זַעְמֶ֑ךָ אֵין־ שָׁל֥וֹם בַּ֝עֲצָמַ֗י מִפְּנֵ֥י חַטָּאתִֽי׃
	(4Q83 frg. 7-8,2) אין מתם בבשרי מ]פני זעמכה ○[ין ש]לום בעצמי מ[פני חטאתי
5	כִּ֣י עֲ֭וֺנֹתַי עָבְר֣וּ רֹאשִׁ֑י כְּמַשָּׂ֥א כָ֝בֵ֗ד יִכְבְּד֥וּ מִמֶּֽנִּי׃
	(4Q83 frg. 7-8,2) כי עונתי] (4Q83 frg. 7-8,3) [עברו ראשי כמשא כבד יכבדו ממני
6	הִבְאִ֣ישׁוּ נָ֭מַקּוּ חַבּוּרֹתָ֑י מִ֝פְּנֵ֗י אִוַּלְתִּֽי׃
	(4Q83 frg. 7-8,3) הבאי]ש֯ו֯ ו֯נמקו ח֯[בורו]תי מפני אולת[י
7	נַעֲוֵ֣יתִי שַׁחֹ֣תִי עַד־ מְאֹ֑ד כָּל־ הַ֝יּ֗וֹם קֹדֵ֥ר הִלָּֽכְתִּי׃
	(4Q83 frg. 7-8,3) נעויתי] (4Q83 frg. 7-8,4) [שחתי עד מאד כל היום קדר הלכתי -- ]○[ --
8	כִּֽי־ כְ֭סָלַי מָלְא֣וּ נִקְלֶ֑ה וְאֵ֥ין מְ֝תֹ֗ם בִּבְשָׂרִֽי׃
	(4Q83 frg. 7-8,4) ואין ]מ֯תם בבשרי
9	נְפוּג֣וֹתִי וְנִדְכֵּ֣יתִי עַד־ מְאֹ֑ד שָׁ֝אַ֗גְתִּי מִֽנַּהֲמַ֥ת לִבִּֽי׃
	(4Q83 frg. 7-8,4) נפגא○[ ונדכיתי] (4Q83 frg. 7-8,5) [עד מאד שאגתי מנהמת לבי
10	אֲ‍ֽדנָ֗י נֶגְדְּךָ֥ כָל־ תַּאֲוָתִ֑י וְ֝אַנְחָתִ֗י מִמְּךָ֥ לֹא־ נִסְתָּֽרָה׃
	(4Q83 frg. 7-8,5) אדני נגדך כל תאותי ואנחתי ]ממכה לוא נסתר
11	לִבִּ֣י סְ֭חַרְחַר עֲזָבַ֣נִי כֹחִ֑י וְֽאוֹר־ עֵינַ֥י גַּם־ הֵ֝֗ם אֵ֣ין אִתִּֽי׃
	(4Q83 frg. 7-8,5) [לבי] (4Q83 frg. 7-8,6) [סחרחר עזבני כחי ואור עיני גם הם אין אתי --
12	אֹֽהֲבַ֨י ׀ וְרֵעַ֗י מִנֶּ֣גֶד נִגְעִ֣י יַעֲמֹ֑דוּ וּ֝קְרוֹבַ֗י מֵרָחֹ֥ק עָמָֽדוּ׃
	(4Q83 frg. 7-8,6) מנ]גד רעי ומיוד֯[עי -- ]
13	וַיְנַקְשׁ֤וּ ׀ מְבַקְשֵׁ֬י נַפְשִׁ֗י וְדֹרְשֵׁ֣י רָ֭עָתִי דִּבְּר֣וּ הַוּ֑וֹת וּ֝מִרְמ֗וֹת כָּל־ הַיּ֥וֹם יֶהְגּֽוּ׃
14	וַאֲנִ֣י כְ֭חֵרֵשׁ לֹ֣א אֶשְׁמָ֑ע וּ֝כְאִלֵּ֗ם לֹ֣א יִפְתַּח־ פִּֽיו׃
15	וָאֱהִ֗י כְּ֭אִישׁ אֲשֶׁ֣ר לֹא־ שֹׁמֵ֑עַ וְאֵ֥ין בְּ֝פִ֗יו תּוֹכָחֽוֹת׃
16	כִּֽי־ לְךָ֣ יְהוָ֣ה הוֹחָ֑לְתִּי אַתָּ֥ה תַ֝עֲנֶ֗ה אֲדֹנָ֥י אֱלֹהָֽי׃
	(4Q83 frg. 9 ii,1) כי לך יהוה הוחלתי] (4Q83 frg. 9 ii,2) אדני אתה תענני כי אלהי
17	כִּֽי־ אָ֭מַרְתִּי פֶּן־ יִשְׂמְחוּ־ לִ֑י בְּמ֥וֹט רַ֝גְלִ֗י עָלַ֥י הִגְדִּֽילוּ׃
	(4Q83 frg. 9 ii,2) כי אלהי [אמרתי פן ישמחו לי במוט רגלי עלי ]יגדילו
18	כִּֽי־ אֲ֭נִי לְצֶ֣לַע נָכ֑וֹן וּמַכְאוֹבִ֖י נֶגְדִּ֣י תָמִֽיד׃
	(4Q83 frg. 9 ii,2) כי אני לצ֯[לע נכון] (4Q83 frg. 9 ii,3) ומכאבי נגדי תמיד
19	כִּֽי־ עֲוֺנִ֥י אַגִּ֑יד אֶ֝דְאַ֗ג מֵֽחַטָּאתִֽי׃
	(4Q83 frg. 9 ii,3) כה עונתי [אגיד] אדאג מן ח֯טאותי
20	וְֽ֭אֹיְבַי חַיִּ֣ים עָצֵ֑מוּ וְרַבּ֖וּ שֹׂנְאַ֣י שָֽׁקֶר׃
	(4Q83 frg. 9 ii,3) ואיבי ח֯נם ע֯צמו ו֯ר֯[בו שנאי] (4Q83 frg. 9 ii,4) שקרי
21	וּמְשַׁלְּמֵ֣י רָ֭עָה תַּ֣חַת טוֹבָ֑ה יִ֝שְׂטְנ֗וּנִי תַּ֣חַת רדופי־ (רָֽדְפִי־) טֽוֹב׃
	(4Q83 frg. 9 ii,4) משלימי רע֯ה תחת טובה י֯שסני תחת דבר טוב אל
22	אַל־ תַּֽעַזְבֵ֥נִי יְהוָ֑ה אֱ֝לֹהַ֗י אַל־ תִּרְחַ֥ק מִמֶּֽנִּי׃
	(4Q83 frg. 9 ii,4) תעזובני אלה֯[י אל תרחק] (4Q83 frg. 9 ii,5) [מ]מ֯ני
23	ח֥וּשָׁה לְעֶזְרָתִ֑י אֲ֝דֹנָ֗י תְּשׁוּעָתִֽי׃
	(4Q83 frg. 9 ii,5) חישה לי לעזרתי אדני תשועתי …

39
1	לַמְנַצֵּ֥חַ לידיתון (לִֽידוּת֗וּן) מִזְמ֥וֹר לְדָוִֽד׃
2	אָמַ֗רְתִּי אֶֽשְׁמְרָ֣ה דְרָכַי֮ מֵחֲט֢וֹא בִלְשׁ֫וֹנִ֥י אֶשְׁמְרָ֥ה לְפִ֥י מַחְס֑וֹם בְּעֹ֖ד רָשָׁ֣ע לְנֶגְדִּֽי׃
3	נֶאֱלַ֣מְתִּי ד֭וּמִיָּה הֶחֱשֵׁ֣יתִי מִטּ֑וֹב וּכְאֵבִ֥י נֶעְכָּֽר׃
4	חַם־ לִבִּ֨י ׀ בְּקִרְבִּ֗י בַּהֲגִיגִ֥י תִבְעַר־ אֵ֑שׁ דִּ֝בַּ֗רְתִּי בִּלְשֽׁוֹנִי׃
5	הוֹדִ֘יעֵ֤נִי יְהוָ֨ה ׀ קִצִּ֗י וּמִדַּ֣ת יָמַ֣י מַה־ הִ֑יא אֵ֝דְעָ֗ה מֶה־ חָדֵ֥ל אָֽנִי׃
6	הִנֵּ֤ה טְפָח֨וֹת ׀ נָ֘תַ֤תָּה יָמַ֗י וְחֶלְדִּ֣י כְאַ֣יִן נֶגְדֶּ֑ךָ אַ֥ךְ כָּֽל־ הֶ֥בֶל כָּל־ אָ֝דָ֗ם נִצָּ֥ב סֶֽלָה׃
7	אַךְ־ בְּצֶ֤לֶם ׀ יִֽתְהַלֶּךְ־ אִ֗ישׁ אַךְ־ הֶ֥בֶל יֶהֱמָי֑וּן יִ֝צְבֹּ֗ר וְֽלֹא־ יֵדַ֥ע מִי־ אֹסְפָֽם׃
8	וְעַתָּ֣ה מַה־ קִּוִּ֣יתִי אֲדֹנָ֑י תּ֝וֹחַלְתִּ֗י לְךָ֣ הִֽיא׃
9	מִכָּל־ פְּשָׁעַ֥י הַצִּילֵ֑נִי חֶרְפַּ֥ת נָ֝בָ֗ל אַל־ תְּשִׂימֵֽנִי׃
10	נֶ֭אֱלַמְתִּי לֹ֣א אֶפְתַּח־ פִּ֑י כִּ֖י אַתָּ֣ה עָשִֽׂיתָ׃
11	הָסֵ֣ר מֵעָלַ֣י נִגְעֶ֑ךָ מִתִּגְרַ֥ת יָ֝דְךָ֗ אֲנִ֣י כָלִֽיתִי׃
12	בְּֽתוֹכָ֘ח֤וֹת עַל־ עָוֺ֨ן ׀ יִסַּ֬רְתָּ אִ֗ישׁ וַתֶּ֣מֶס כָּעָ֣שׁ חֲמוּד֑וֹ אַ֤ךְ הֶ֖בֶל כָּל־ אָדָ֣ם סֶֽלָה׃
13	שִֽׁמְעָ֥ה־ תְפִלָּתִ֨י ׀ יְהוָ֡ה וְשַׁוְעָתִ֨י ׀ הַאֲזִינָה֮ אֶֽל־ דִּמְעָתִ֗י אַֽל־ תֶּ֫חֱרַ֥שׁ כִּ֤י גֵ֣ר אָנֹכִ֣י עִמָּ֑ךְ תּ֝וֹשָׁ֗ב כְּכָל־ אֲבוֹתָֽי׃
	(11Q8 frg. 6,1) [האזי]נה֯[ אל דמעתי אל תחרש כי גר אנוכי עמכה] (11Q8 frg. 6,2) ת֯ושב[ ככול אבותי
14	הָשַׁ֣ע מִמֶּ֣נִּי וְאַבְלִ֑יגָה בְּטֶ֖רֶם אֵלֵ֣ךְ וְאֵינֶֽנִּי׃
	(11Q8 frg. 6,2) השע ממני ואבליגה בטרם אלך] (11Q8 frg. 6,3) ואיננ֯[י ]

40
1	לַ֝מְנַצֵּ֗חַ לְדָוִ֥ד מִזְמֽוֹר׃
	(11Q8 frg. 6,4) למנצ[ח לדוד מזמור -- ]
2	קַוֺּ֣ה קִוִּ֣יתִי יְהוָ֑ה וַיֵּ֥ט אֵ֝לַ֗י וַיִּשְׁמַ֥ע שַׁוְעָתִֽי׃
3	וַיַּעֲלֵ֤נִי ׀ מִבּ֥וֹר שָׁאוֹן֮ מִטִּ֢יט הַיָּ֫וֵ֥ן וַיָּ֖קֶם עַל־ סֶ֥לַע רַגְלַ֗י כּוֹנֵ֥ן אֲשֻׁרָֽי׃
4	וַיִּתֵּ֬ן בְּפִ֨י ׀ שִׁ֥יר חָדָשׁ֮ תְּהִלָּ֢ה לֵֽאלֹ֫הֵ֥ינוּ יִרְא֣וּ רַבִּ֣ים וְיִירָ֑אוּ וְ֝יִבְטְח֗וּ בַּיהוָֽה׃
5	אַ֥שְֽׁרֵי הַגֶּ֗בֶר אֲשֶׁר־ שָׂ֣ם יְ֭הֹוָה מִבְטַח֑וֹ וְֽלֹא־ פָנָ֥ה אֶל־ רְ֝הָבִ֗ים וְשָׂטֵ֥י כָזָֽב׃
6	רַבּ֤וֹת עָשִׂ֨יתָ ׀ אַתָּ֤ה ׀ יְהוָ֣ה אֱלֹהַי֮ נִֽפְלְאֹתֶ֥יךָ וּמַחְשְׁבֹתֶ֗יךָ אֵ֫לֵ֥ינוּ אֵ֤ין ׀ עֲרֹ֬ךְ אֵלֶ֗יךָ אַגִּ֥ידָה וַאֲדַבֵּ֑רָה עָ֝צְמ֗וּ מִסַּפֵּֽר׃
7	זֶ֤בַח וּמִנְחָ֨ה ׀ לֹֽא־ חָפַ֗צְתָּ אָ֭זְנַיִם כָּרִ֣יתָ לִּ֑י עוֹלָ֥ה וַ֝חֲטָאָ֗ה לֹ֣א שָׁאָֽלְתָּ׃
8	אָ֣ז אָ֭מַרְתִּי הִנֵּה־ בָ֑אתִי בִּמְגִלַּת־ סֵ֝֗פֶר כָּת֥וּב עָלָֽי׃
9	לַֽעֲשֽׂוֹת־ רְצוֹנְךָ֣ אֱלֹהַ֣י חָפָ֑צְתִּי וְ֝ת֥וֹרָתְךָ֗ בְּת֣וֹךְ מֵעָֽי׃
10	בִּשַּׂ֤רְתִּי צֶ֨דֶק ׀ בְּקָ֘הָ֤ל רָ֗ב הִנֵּ֣ה שְׂ֭פָתַי לֹ֣א אֶכְלָ֑א יְ֝הוָ֗ה אַתָּ֥ה יָדָֽעְתָּ׃
11	צִדְקָתְךָ֬ לֹא־ כִסִּ֨יתִי ׀ בְּת֬וֹךְ לִבִּ֗י אֱמוּנָתְךָ֣ וּתְשׁוּעָתְךָ֣ אָמָ֑רְתִּי לֹא־ כִחַ֥דְתִּי חַסְדְּךָ֥ וַ֝אֲמִתְּךָ֗ לְקָהָ֥ל רָֽב׃
12	אַתָּ֤ה יְהוָ֗ה לֹא־ תִכְלָ֣א רַחֲמֶ֣יךָ מִמֶּ֑נִּי חַסְדְּךָ֥ וַ֝אֲמִתְּךָ֗ תָּמִ֥יד יִצְּרֽוּנִי׃
13	כִּ֤י אָפְפ֥וּ־ עָלַ֨י ׀ רָע֡וֹת עַד־ אֵ֬ין מִסְפָּ֗ר הִשִּׂיג֣וּנִי עֲ֭וֺנֹתַי וְלֹא־ יָכֹ֣לְתִּי לִרְא֑וֹת עָצְמ֥וּ מִשַּֽׂעֲר֥וֹת רֹ֝אשִׁ֗י וְלִבִּ֥י עֲזָבָֽנִי׃
14	רְצֵ֣ה יְ֭הוָה לְהַצִּילֵ֑נִי יְ֝הוָ֗ה לְעֶזְרָ֥תִי חֽוּשָׁה׃
15	יֵ֘בֹ֤שׁוּ וְיַחְפְּר֨וּ ׀ יַחַד֮ מְבַקְשֵׁ֥י נַפְשִׁ֗י לִסְפּ֫וֹתָ֥הּ יִסֹּ֣גוּ אָ֭חוֹר וְיִכָּלְמ֑וּ חֲ֝פֵצֵ֗י רָעָתִֽי׃
16	יָ֭שֹׁמּוּ עַל־ עֵ֣קֶב בָּשְׁתָּ֑ם הָאֹמְרִ֥ים לִ֝֗י הֶ֘אָ֥ח ׀ הֶאָֽח׃
17	יָ֘שִׂ֤ישׂוּ וְיִשְׂמְח֨וּ ׀ בְּךָ֗ כָּֽל־ מְבַ֫קְשֶׁ֥יךָ יֹאמְר֣וּ תָ֭מִיד יִגְדַּ֣ל יְהוָ֑ה אֹֽ֝הֲבֵ֗י תְּשׁוּעָתֶֽךָ׃
18	וַאֲנִ֤י ׀ עָנִ֣י וְאֶבְיוֹן֮ אֲדֹנָ֢י יַחֲשָׁ֫ב לִ֥י עֶזְרָתִ֣י וּמְפַלְטִ֣י אַ֑תָּה אֱ֝לֹהַ֗י אַל־ תְּאַחַֽר׃

41
1	לַמְנַצֵּ֗חַ מִזְמ֥וֹר לְדָוִֽד׃
2	אַ֭שְׁרֵי מַשְׂכִּ֣יל אֶל־ דָּ֑ל בְּי֥וֹם רָ֝עָ֗ה יְֽמַלְּטֵ֥הוּ יְהוָֽה׃
3	יְהוָ֤ה ׀ יִשְׁמְרֵ֣הוּ וִֽ֭יחַיֵּהוּ יאשר (וְאֻשַּׁ֣ר) בָּאָ֑רֶץ וְאַֽל־ תִּ֝תְּנֵ֗הוּ בְּנֶ֣פֶשׁ אֹיְבָֽיו׃
4	יְֽהוָ֗ה יִ֭סְעָדֶנּוּ עַל־ עֶ֣רֶשׂ דְּוָ֑י כָּל־ מִ֝שְׁכָּב֗וֹ הָפַ֥כְתָּ בְחָלְיֽוֹ׃
5	אֲ‍ֽנִי־ אָ֭מַרְתִּי יְהוָ֣ה חָנֵּ֑נִי רְפָאָ֥ה נַ֝פְשִׁ֗י כִּי־ חָטָ֥אתִי לָֽךְ׃
6	אוֹיְבַ֗י יֹאמְר֣וּ רַ֣ע לִ֑י מָתַ֥י יָ֝מ֗וּת וְאָבַ֥ד שְׁמֽוֹ׃
7	וְאִם־ בָּ֤א לִרְא֨וֹת ׀ שָׁ֤וְא יְדַבֵּ֗ר לִבּ֗וֹ יִקְבָּץ־ אָ֥וֶן ל֑וֹ יֵצֵ֖א לַח֣וּץ יְדַבֵּֽר׃
8	יַ֗חַד עָלַ֣י יִ֭תְלַחֲשׁוּ כָּל־ שֹׂנְאָ֑י עָלַ֓י ׀ יַחְשְׁב֖וּ רָעָ֣ה לִֽי׃
9	דְּֽבַר־ בְּ֭לִיַּעַל יָצ֣וּק בּ֑וֹ וַאֲשֶׁ֥ר שָׁ֝כַ֗ב לֹא־ יוֹסִ֥יף לָקֽוּם׃
10	גַּם־ אִ֤ישׁ שְׁלוֹמִ֨י ׀ אֲשֶׁר־ בָּטַ֣חְתִּי ב֭וֹ אוֹכֵ֣ל לַחְמִ֑י הִגְדִּ֖יל עָלַ֣י עָקֵֽב׃
	… (1QH^a 13,25) ג[ם א]ו֯כלי לחמי (1QH^a 13,26) עלי הגדיל+«ו»+ עקב …
11	וְאַתָּ֤ה יְהוָ֗ה חָנֵּ֥נִי וַהֲקִימֵ֑נִי וַֽאֲשַׁלְּמָ֥ה לָהֶֽם׃
12	בְּזֹ֣את יָ֭דַעְתִּי כִּֽי־ חָפַ֣צְתָּ בִּ֑י כִּ֤י לֹֽא־ יָרִ֖יעַ אֹיְבִ֣י עָלָֽי׃
13	וַאֲנִ֗י בְּ֭תֻמִּי תָּמַ֣כְתָּ בִּ֑י וַתַּצִּיבֵ֖נִי לְפָנֶ֣יךָ לְעוֹלָֽם׃
14	בָּ֘ר֤וּךְ יְהוָ֨ה ׀ אֱלֹ֘הֵ֤י יִשְׂרָאֵ֗ל מֵֽ֭הָעוֹלָם וְעַ֥ד הָעוֹלָ֗ם אָ֘מֵ֥ן ׀ וְאָמֵֽן׃

42
1	לַמְנַצֵּ֗חַ מַשְׂכִּ֥יל לִבְנֵי־ קֹֽרַח׃
2	כְּאַיָּ֗ל תַּעֲרֹ֥ג עַל־ אֲפִֽיקֵי־ מָ֑יִם כֵּ֤ן נַפְשִׁ֨י תַעֲרֹ֖ג אֵלֶ֣יךָ אֱלֹהִֽים׃
3	צָמְאָ֬ה נַפְשִׁ֨י ׀ לֵאלֹהִים֮ לְאֵ֢ל חָ֥י מָתַ֥י אָב֑וֹא וְ֝אֵרָאֶ֗ה פְּנֵ֣י אֱלֹהִֽים׃
4	הָֽיְתָה־ לִּ֬י דִמְעָתִ֣י לֶ֭חֶם יוֹמָ֣ם וָלָ֑יְלָה בֶּאֱמֹ֥ר אֵלַ֥י כָּל־ הַ֝יּ֗וֹם אַיֵּ֥ה אֱלֹהֶֽיךָ׃
5	אֵ֤לֶּה אֶזְכְּרָ֨ה ׀ וְאֶשְׁפְּכָ֬ה עָלַ֨י ׀ נַפְשִׁ֗י כִּ֤י אֶֽעֱבֹ֨ר ׀ בַּסָּךְ֮ אֶדַּדֵּ֗ם עַד־ בֵּ֥ית אֱלֹ֫הִ֥ים בְּקוֹל־ רִנָּ֥ה וְתוֹדָ֗ה הָמ֥וֹן חוֹגֵֽג׃
	(PAM 43.696 frg. 61,1) אלה֯[ --] (PAM 43.696 frg. 61,2) רנה ו[ --] (4Q85 frg. 10,1) [בסך אדדם עד בית אלהים בקול רנה ותודה ]המון חוג֯[ג -- ] (4Q98d frg. 1,1) אלה [אזכרה ואשפכה עלי נפשי כי אעבר בסך אדדם עד בית אלהים בקול] (4Q98d frg. 1,2) רנה ו֯ת֯[ודה המון חוגג -- ]
6	מַה־ תִּשְׁתּ֬וֹחֲחִ֨י ׀ נַפְשִׁי֮ וַתֶּהֱמִ֢י עָ֫לָ֥י הוֹחִ֣ילִי לֵֽ֭אלֹהִים כִּי־ ע֥וֹד אוֹדֶ֗נּוּ יְשׁוּע֥וֹת פָּנָֽיו׃
7	אֱ‍ֽלֹהַ֗י עָלַי֮ נַפְשִׁ֢י תִשְׁתּ֫וֹחָ֥ח עַל־ כֵּ֗ן אֶ֭זְכָּרְךָ מֵאֶ֣רֶץ יַרְדֵּ֑ן וְ֝חֶרְמוֹנִ֗ים מֵהַ֥ר מִצְעָֽר׃
	(1QH^a 16,33) ונפשי עלי תשתוחח …
8	תְּהֽוֹם־ אֶל־ תְּה֣וֹם ק֭וֹרֵא לְק֣וֹל צִנּוֹרֶ֑יךָ כָּֽל־ מִשְׁבָּרֶ֥יךָ וְ֝גַלֶּ֗יךָ עָלַ֥י עָבָֽרוּ׃
9	יוֹמָ֤ם ׀ יְצַוֶּ֬ה יְהוָ֨ה ׀ חַסְדּ֗וֹ וּ֭בַלַּיְלָה שירה (שִׁיר֣וֹ) עִמִּ֑י תְּ֝פִלָּ֗ה לְאֵ֣ל חַיָּֽי׃
10	אוֹמְרָ֤ה ׀ לְאֵ֥ל סַלְעִי֮ לָמָ֢ה שְׁכַ֫חְתָּ֥נִי לָֽמָּה־ קֹדֵ֥ר אֵלֵ֗ךְ בְּלַ֣חַץ אוֹיֵֽב׃
11	בְּרֶ֤צַח ׀ בְּֽעַצְמוֹתַ֗י חֵרְפ֥וּנִי צוֹרְרָ֑י בְּאָמְרָ֥ם אֵלַ֥י כָּל־ הַ֝יּ֗וֹם אַיֵּ֥ה אֱלֹהֶֽיךָ׃
12	מַה־ תִּשְׁתּ֬וֹחֲחִ֨י ׀ נַפְשִׁי֮ וּֽמַה־ תֶּהֱמִ֢י עָ֫לָ֥י הוֹחִ֣ילִי לֽ͏ֵ֭אלֹהִים כִּי־ ע֣וֹד אוֹדֶ֑נּוּ יְשׁוּעֹ֥ת פָּ֝נַ֗י וֵֽאלֹהָֽי׃

43
1	שָׁפְטֵ֤נִי אֱלֹהִ֨ים ׀ וְרִ֘יבָ֤ה רִיבִ֗י מִגּ֥וֹי לֹא־ חָסִ֑יד מֵ֤אִישׁ־ מִרְמָ֖ה וְעַוְלָ֣ה תְפַלְּטֵֽנִי׃
	(11Q8 frg. 7,1) [מרמה וע]ולה תפלטני
2	כִּֽי־ אַתָּ֤ה ׀ אֱלֹהֵ֣י מָֽעוּזִּי֮ לָמָ֢ה זְנַ֫חְתָּ֥נִי לָֽמָּה־ קֹדֵ֥ר אֶתְהַלֵּ֗ךְ בְּלַ֣חַץ אוֹיֵֽב׃
	(11Q8 frg. 7,1) כי[ אתה אלוהי מעוזי למה זנחתני למה] (11Q8 frg. 7,2) [קודר א]תהלך בל[חץ אויב
3	שְׁלַח־ אוֹרְךָ֣ וַ֭אֲמִתְּךָ הֵ֣מָּה יַנְח֑וּנִי יְבִיא֥וּנִי אֶל־ הַֽר־ קָ֝דְשְׁךָ֗ וְאֶל־ מִשְׁכְּנוֹתֶֽיךָ׃
	(11Q8 frg. 7,2) שלח אורכה ואמתכה המה ינחוני] (11Q8 frg. 7,3) [יביאוני א]ל[ הר קדשך ואל משכנותיך -- ]
4	וְאָב֤וֹאָה ׀ אֶל־ מִזְבַּ֬ח אֱלֹהִ֗ים אֶל־ אֵל֮ שִׂמְחַ֢ת גִּ֫ילִ֥י וְאוֹדְךָ֥ בְכִנּ֗וֹר אֱלֹהִ֥ים אֱלֹהָֽי׃
5	מַה־ תִּשְׁתּ֬וֹחֲחִ֨י ׀ נַפְשִׁי֮ וּֽמַה־ תֶּהֱמִ֢י עָ֫לָ֥י הוֹחִ֣ילִי לֽ͏ֵ֭אלֹהִים כִּי־ ע֣וֹד אוֹדֶ֑נּוּ יְשׁוּעֹ֥ת פָּ֝נַ֗י וֵֽאלֹהָֽי׃

44
1	לַמְנַצֵּ֬חַ לִבְנֵי־ קֹ֬רַח מַשְׂכִּֽיל׃
2	אֱלֹהִ֤ים ׀ בְּאָזְנֵ֬ינוּ שָׁמַ֗עְנוּ אֲבוֹתֵ֥ינוּ סִפְּרוּ־ לָ֑נוּ פֹּ֥עַל פָּעַ֥לְתָּ בִֽ֝ימֵיהֶ֗ם בִּ֣ימֵי קֶֽדֶם׃
3	אַתָּ֤ה ׀ יָדְךָ֡ גּוֹיִ֣ם ה֭וֹרַשְׁתָּ וַתִּטָּעֵ֑ם תָּרַ֥ע לְ֝אֻמִּ֗ים וַֽתְּשַׁלְּחֵֽם׃
	(1Q12 frg. 1-2,1) אתה ידך גוים] (1Q12 frg. 1-2,2) [הורשת ותטעם תרע לא]מים ותשל[ח]ם
4	כִּ֤י לֹ֪א בְחַרְבָּ֡ם יָ֥רְשׁוּ אָ֗רֶץ וּזְרוֹעָם֮ לֹא־ הוֹשִׁ֢יעָ֫ה לָּ֥מוֹ כִּֽי־ יְמִֽינְךָ֣ וּ֭זְרוֹעֲךָ וְא֥וֹר פָּנֶ֗יךָ כִּ֣י רְצִיתָֽם׃
	(1Q12 frg. 1-2,2) [כי לא בחרבם ירשו] (1Q12 frg. 1-2,3) [ארץ וזרועם לא הו]שיעה למו כי[ ימינך וזרוע]כה ואו[ר פניך] (1Q12 frg. 1-2,4) [כי רציתם ]○[ --
5	אַתָּה־ ה֣וּא מַלְכִּ֣י אֱלֹהִ֑ים צַ֝וֵּ֗ה יְשׁוּע֥וֹת יַעֲקֹֽב׃
	(1Q12 frg. 1-2,4) ]הוא מ֯[לכי אלהים צוה ישועות יעקב]
6	בְּ֭ךָ צָרֵ֣ינוּ נְנַגֵּ֑חַ בְּ֝שִׁמְךָ֗ נָב֥וּס קָמֵֽינוּ׃
7	כִּ֤י לֹ֣א בְקַשְׁתִּ֣י אֶבְטָ֑ח וְ֝חַרְבִּ֗י לֹ֣א תוֹשִׁיעֵֽנִי׃
	(1Q12 frg. 3,1) [כי לא בק]שתי [אבטח וחרבי לא תושיעני]
8	כִּ֣י ה֭וֹשַׁעְתָּנוּ מִצָּרֵ֑ינוּ וּמְשַׂנְאֵ֥ינוּ הֱבִישֽׁוֹתָ׃
	(4Q85 frg. 11,2) [כי הושעתנו מצר]ינו מ[שנאינו הבישות
9	בֵּֽ֭אלֹהִים הִלַּלְ֣נוּ כָל־ הַיּ֑וֹם וְשִׁמְךָ֓ ׀ לְעוֹלָ֖ם נוֹדֶ֣ה סֶֽלָה׃
	(1Q12 frg. 4,1) ]ב֯אלו[הים הללנו כל היום ושמך לעולם נודה סלה] (4Q85 frg. 11,2) באלהים הללנו כל היום] (4Q85 frg. 11,3) [ושמך לעולם נודה] סל[ה -- ]
10	אַף־ זָ֭נַחְתָּ וַתַּכְלִימֵ֑נוּ וְלֹא־ תֵ֝צֵ֗א בְּצִבְאוֹתֵֽינוּ׃
11	תְּשִׁיבֵ֣נוּ אָ֭חוֹר מִנִּי־ צָ֑ר וּ֝מְשַׂנְאֵ֗ינוּ שָׁ֣סוּ לָֽמוֹ׃
12	תִּ֭תְּנֵנוּ כְּצֹ֣אן מַאֲכָ֑ל וּ֝בַגּוֹיִ֗ם זֵרִיתָֽנוּ׃
13	תִּמְכֹּֽר־ עַמְּךָ֥ בְלֹא־ ה֑וֹן וְלֹ֥א־ רִ֝בִּ֗יתָ בִּמְחִירֵיהֶֽם׃
14	תְּשִׂימֵ֣נוּ חֶ֭רְפָּה לִשְׁכֵנֵ֑ינוּ לַ֥עַג וָ֝קֶ֗לֶס לִסְבִיבוֹתֵֽינוּ׃
15	תְּשִׂימֵ֣נוּ מָ֭שָׁל בַּגּוֹיִ֑ם מְנֽוֹד־ רֹ֝֗אשׁ בַּל־ אֻמִּֽים׃
16	כָּל־ הַ֭יּוֹם כְּלִמָּתִ֣י נֶגְדִּ֑י וּבֹ֖שֶׁת פָּנַ֣י כִּסָּֽתְנִי׃
17	מִ֭קּוֹל מְחָרֵ֣ף וּמְגַדֵּ֑ף מִפְּנֵ֥י א֝וֹיֵ֗ב וּמִתְנַקֵּֽם׃
18	כָּל־ זֹ֣את בָּ֭אַתְנוּ וְלֹ֣א שְׁכַחֲנ֑וּךָ וְלֹֽא־ שִׁ֝קַּ֗רְנוּ בִּבְרִיתֶֽךָ׃
19	לֹא־ נָס֣וֹג אָח֣וֹר לִבֵּ֑נוּ וַתֵּ֥ט אֲ֝שֻׁרֵ֗ינוּ מִנִּ֥י אָרְחֶֽךָ׃
20	כִּ֣י דִ֭כִּיתָנוּ בִּמְק֣וֹם תַּנִּ֑ים וַתְּכַ֖ס עָלֵ֣ינוּ בְצַלְמָֽוֶת׃
21	אִם־ שָׁ֭כַחְנוּ שֵׁ֣ם אֱלֹהֵ֑ינוּ וַנִּפְרֹ֥שׂ כַּ֝פֵּ֗ינוּ לְאֵ֣ל זָֽר׃
22	הֲלֹ֣א אֱ֭לֹהִים יַֽחֲקָר־ זֹ֑את כִּֽי־ ה֥וּא יֹ֝דֵ֗עַ תַּעֲלֻמ֥וֹת לֵֽב׃
23	כִּֽי־ עָ֭לֶיךָ הֹרַ֣גְנוּ כָל־ הַיּ֑וֹם נֶ֝חְשַׁ֗בְנוּ כְּצֹ֣אן טִבְחָֽה׃
	(1Q12 frg. 5-6,1) [כי עליך הרגנו כל היום נחשבנו ]כצואן[ טבחה]
24	ע֤וּרָה ׀ לָ֖מָּה תִישַׁ֥ן ׀ אֲדֹנָ֑י הָ֝קִ֗יצָה אַל־ תִּזְנַ֥ח לָנֶֽצַח׃
	(1Q12 frg. 5-6,2) [עורה למה תישן אדני ה]קיצה א[ל תזנח] לנצח
25	לָֽמָּה־ פָנֶ֥יךָ תַסְתִּ֑יר תִּשְׁכַּ֖ח עָנְיֵ֣נוּ וְֽלַחֲצֵֽנוּ׃
	(1Q12 frg. 7,1) [למה פניך תס]תיר ת֯[שכח ענינו ולחצנו]
26	כִּ֤י שָׁ֣חָה לֶעָפָ֣ר נַפְשֵׁ֑נוּ דָּבְקָ֖ה לָאָ֣רֶץ בִּטְנֵֽנוּ׃
27	ק֭וּמָֽה עֶזְרָ֣תָה לָּ֑נוּ וּ֝פְדֵ֗נוּ לְמַ֣עַן חַסְדֶּֽךָ׃

45
1	לַמְנַצֵּ֣חַ עַל־ שֹׁ֭שַׁנִּים לִבְנֵי־ קֹ֑רַח מַ֝שְׂכִּ֗יל שִׁ֣יר יְדִידֹֽת׃
	(4Q171 frg. 3-10 iv,23) למנצח על [שושנ]ים֯[ לבני קרח משכיל שיר ידידות …
2	רָ֘חַ֤שׁ לִבִּ֨י ׀ דָּ֘בָ֤ר ט֗וֹב אֹמֵ֣ר אָ֭נִי מַעֲשַׂ֣י לְמֶ֑לֶךְ לְ֝שׁוֹנִ֗י עֵ֤ט ׀ סוֹפֵ֬ר מָהִֽיר׃
	(4Q171 frg. 3-10 iv,24) רח]ש֯ ל[ב]י דבר טוב (4Q171 frg. 3-10 iv,25) [אומר אני מעשי למלך … (4Q171 frg. 3-10 iv,26) ולשוני עט (4Q171 frg. 3-10 iv,27) [סופר מהיר …
3	יָפְיָפִ֡יתָ מִבְּנֵ֬י אָדָ֗ם ה֣וּצַק חֵ֭ן בְּשְׂפְתוֹתֶ֑יךָ עַל־ כֵּ֤ן בֵּֽרַכְךָ֖ אֱלֹהִ֣ים לְעוֹלָֽם׃
4	חֲגֽוֹר־ חַרְבְּךָ֣ עַל־ יָרֵ֣ךְ גִּבּ֑וֹר ה֝וֹדְךָ֗ וַהֲדָרֶֽךָ׃
5	וַהֲדָ֬רְךָ֨ ׀ צְלַ֬ח רְכַ֗ב עַֽל־ דְּבַר־ אֱ֭מֶת וְעַנְוָה־ צֶ֑דֶק וְתוֹרְךָ֖ נוֹרָא֣וֹת יְמִינֶֽךָ׃
6	חִצֶּ֗יךָ שְׁנ֫וּנִ֥ים עַ֭מִּים תַּחְתֶּ֣יךָ יִפְּל֑וּ בְּ֝לֵ֗ב אוֹיְבֵ֥י הַמֶּֽלֶךְ׃
	(11Q8 frg. 8,1) [חציך שנונים עמים תחתיך יפלו בלב אוי]ב֯י המלך אלף
7	כִּסְאֲךָ֣ אֱ֭לֹהִים עוֹלָ֣ם וָעֶ֑ד שֵׁ֥בֶט מִ֝ישֹׁ֗ר שֵׁ֣בֶט מַלְכוּתֶֽךָ׃
	(11Q8 frg. 8,2) [כסאכה אלהים עולם ועד ש]ב֯ט מיש^ור (11Q8 frg. 8,3) [שבט מלכותכה
8	אָהַ֣בְתָּ צֶּדֶק֮ וַתִּשְׂנָ֫א רֶ֥שַׁע עַל־ כֵּ֤ן ׀ מְשָׁחֲךָ֡ אֱלֹהִ֣ים אֱ֭לֹהֶיךָ שֶׁ֥מֶן שָׂשׂ֗וֹן מֵֽחֲבֵרֶֽיךָ׃
	(4Q85 frg. 12,1) [א]ה֯ב֯ת֯[ צדק ותשנא רשע על כן משחך אלהים אלהיך] (4Q85 frg. 12,2) שמ֯ן ששן מ[חבריך (11Q8 frg. 8,3) אהבת צדק ותשנא רשע על כן משחכה א]ל[הים]
9	מֹר־ וַאֲהָל֣וֹת קְ֭צִיעוֹת כָּל־ בִּגְדֹתֶ֑יךָ מִֽן־ הֵ֥יכְלֵי שֵׁ֝֗ן מִנִּ֥י שִׂמְּחֽוּךָ׃
	(4Q85 frg. 12,2) מר ואהלות קציעות כל בגדתיך] (4Q85 frg. 12,3) מן היכלי שן מני ש֯[מחוך
10	בְּנ֣וֹת מְ֭לָכִים בְּיִקְּרוֹתֶ֑יךָ נִצְּבָ֥ה שֵׁגַ֥ל לִֽ֝ימִינְךָ֗ בְּכֶ֣תֶם אוֹפִֽיר׃
	(4Q85 frg. 12,3) בנות מלכים ביקרותיך] (4Q85 frg. 12,4) נצבה שגל לימינך בכת֯[ם אופיר
11	שִׁמְעִי־ בַ֣ת וּ֭רְאִי וְהַטִּ֣י אָזְנֵ֑ךְ וְשִׁכְחִ֥י עַ֝מֵּ֗ךְ וּבֵ֥ית אָבִֽיךְ׃
	(4Q85 frg. 12,4) שמעי בת וראי] (4Q85 frg. 12,5) ו֯ה֯ט֯י֯ א֯זנך֯ ושכח֯י ע[מך ובית אביך -- ]
12	וְיִתְאָ֣ו הַמֶּ֣לֶךְ יָפְיֵ֑ךְ כִּי־ ה֥וּא אֲ֝דֹנַ֗יִךְ וְהִשְׁתַּֽחֲוִי־ לֽוֹ׃
13	וּבַֽת־ צֹ֨ר ׀ בְּ֭מִנְחָה פָּנַ֥יִךְ יְחַלּ֗וּ עֲשִׁ֣ירֵי עָֽם׃
14	כָּל־ כְּבוּדָּ֣ה בַת־ מֶ֣לֶךְ פְּנִ֑ימָה מִֽמִּשְׁבְּצ֖וֹת זָהָ֣ב לְבוּשָֽׁהּ׃
15	לִרְקָמוֹת֮ תּוּבַ֢ל לַ֫מֶּ֥לֶךְ בְּתוּל֣וֹת אַ֭חֲרֶיהָ רֵעוֹתֶ֑יהָ מ֖וּבָא֣וֹת לָֽךְ׃
16	תּ֭וּבַלְנָה בִּשְׂמָחֹ֣ת וָגִ֑יל תְּ֝בֹאֶ֗ינָה בְּהֵ֣יכַל מֶֽלֶךְ׃
17	תַּ֣חַת אֲ֭בֹתֶיךָ יִהְי֣וּ בָנֶ֑יךָ תְּשִׁיתֵ֥מוֹ לְ֝שָׂרִ֗ים בְּכָל־ הָאָֽרֶץ׃
18	אַזְכִּ֣ירָה שִׁ֭מְךָ בְּכָל־ דֹּ֣ר וָדֹ֑ר עַל־ כֵּ֥ן עַמִּ֥ים יְ֝הוֹדֻ֗ךָ לְעֹלָ֥ם וָעֶֽד׃

46
1	לַמְנַצֵּ֥חַ לִבְנֵי־ קֹ֑רַח עַֽל־ עֲלָמ֥וֹת שִֽׁיר׃
2	אֱלֹהִ֣ים לָ֭נוּ מַחֲסֶ֣ה וָעֹ֑ז עֶזְרָ֥ה בְ֝צָר֗וֹת נִמְצָ֥א מְאֹֽד׃
3	עַל־ כֵּ֣ן לֹא־ נִ֭ירָא בְּהָמִ֣יר אָ֑רֶץ וּבְמ֥וֹט הָ֝רִ֗ים בְּלֵ֣ב יַמִּֽים׃
4	יֶהֱמ֣וּ יֶחְמְר֣וּ מֵימָ֑יו יִֽרְעֲשֽׁוּ־ הָרִ֖ים בְּגַאֲוָת֣וֹ סֶֽלָה׃
5	נָהָ֗ר פְּלָגָ֗יו יְשַׂמְּח֥וּ עִיר־ אֱלֹהִ֑ים קְ֝דֹ֗שׁ מִשְׁכְּנֵ֥י עֶלְיֽוֹן׃
6	אֱלֹהִ֣ים בְּ֭קִרְבָּהּ בַּל־ תִּמּ֑וֹט יַעְזְרֶ֥הָ אֱ֝לֹהִ֗ים לִפְנ֥וֹת בֹּֽקֶר׃
7	הָמ֣וּ ג֭וֹיִם מָ֣טוּ מַמְלָכ֑וֹת נָתַ֥ן בְּ֝קוֹל֗וֹ תָּמ֥וּג אָֽרֶץ׃
8	יְהוָ֣ה צְבָא֣וֹת עִמָּ֑נוּ מִשְׂגָּֽב־ לָ֝נוּ אֱלֹהֵ֖י יַעֲקֹ֣ב סֶֽלָה׃
9	לְֽכוּ־ חֲ֭זוּ מִפְעֲל֣וֹת יְהוָ֑ה אֲשֶׁר־ שָׂ֖ם שַׁמּ֣וֹת בָּאָֽרֶץ׃
10	מַשְׁבִּ֥ית מִלְחָמוֹת֮ עַד־ קְצֵ֢ה הָ֫אָ֥רֶץ קֶ֣שֶׁת יְ֭שַׁבֵּר וְקִצֵּ֣ץ חֲנִ֑ית עֲ֝גָל֗וֹת יִשְׂרֹ֥ף בָּאֵֽשׁ׃
11	הַרְפּ֣וּ וּ֭דְעוּ כִּי־ אָנֹכִ֣י אֱלֹהִ֑ים אָר֥וּם בַּ֝גּוֹיִ֗ם אָר֥וּם בָּאָֽרֶץ׃
12	יְהוָ֣ה צְבָא֣וֹת עִמָּ֑נוּ מִשְׂגָּֽב־ לָ֝נוּ אֱלֹהֵ֖י יַעֲקֹ֣ב סֶֽלָה׃

47
1	לַמְנַצֵּ֬חַ ׀ לִבְנֵי־ קֹ֬רַח מִזְמֽוֹר׃
2	כָּֽל־ הָ֭עַמִּים תִּקְעוּ־ כָ֑ף הָרִ֥יעוּ לֵ֝אלֹהִ֗ים בְּק֣וֹל רִנָּֽה׃
	(4Q83 frg. 10,1) [כל העמים תקעו כף הריעו לאלה]ים בקול [רנה -- ]
3	כִּֽי־ יְהוָ֣ה עֶלְי֣וֹן נוֹרָ֑א מֶ֥לֶךְ גָּ֝דוֹל עַל־ כָּל־ הָאָֽרֶץ׃
4	יַדְבֵּ֣ר עַמִּ֣ים תַּחְתֵּ֑ינוּ וּ֝לְאֻמִּ֗ים תַּ֣חַת רַגְלֵֽינוּ׃
5	יִבְחַר־ לָ֥נוּ אֶת־ נַחֲלָתֵ֑נוּ אֶ֥ת גְּא֨וֹן יַעֲקֹ֖ב אֲשֶׁר־ אָהֵ֣ב סֶֽלָה׃
6	עָלָ֣ה אֱ֭לֹהִים בִּתְרוּעָ֑ה יְ֝הֹוָ֗ה בְּק֣וֹל שׁוֹפָֽר׃
7	זַמְּר֣וּ אֱלֹהִ֣ים זַמֵּ֑רוּ זַמְּר֖וּ לְמַלְכֵּ֣נוּ זַמֵּֽרוּ׃
8	כִּ֤י מֶ֖לֶךְ כָּל־ הָאָ֥רֶץ אֱלֹהִ֗ים זַמְּר֥וּ מַשְׂכִּֽיל׃
9	מָלַ֣ךְ אֱ֭לֹהִים עַל־ גּוֹיִ֑ם אֱ֝לֹהִ֗ים יָשַׁ֤ב ׀ עַל־ כִּסֵּ֬א קָדְשֽׁוֹ׃
10	נְדִ֘יבֵ֤י עַמִּ֨ים ׀ נֶאֱסָ֗פוּ עַם֮ אֱלֹהֵ֢י אַבְרָ֫הָ֥ם כִּ֣י לֵֽ֭אלֹהִים מָֽגִנֵּי־ אֶ֗רֶץ מְאֹ֣ד נַעֲלָֽה׃

48
1	שִׁ֥יר מִ֝זְמוֹר לִבְנֵי־ קֹֽרַח׃
	(4Q91 frg. 1,1) שיר מז֯[מור לבני קורח
2	גָּ֘ד֤וֹל יְהוָ֣ה וּמְהֻלָּ֣ל מְאֹ֑ד בְּעִ֥יר אֱ֝לֹהֵ֗ינוּ הַר־ קָדְשֽׁוֹ׃
	(4Q91 frg. 1,1) גדול יהוה ומהולל מאוד בעיר] (4Q91 frg. 1,2) אלוה֯ינו[ הר קדשו
3	יְפֵ֥ה נוֹף֮ מְשׂ֢וֹשׂ כָּל־ הָ֫אָ֥רֶץ הַר־ צִ֭יּוֹן יַרְכְּתֵ֣י צָפ֑וֹן קִ֝רְיַ֗ת מֶ֣לֶךְ רָֽב׃
	(4Q91 frg. 1,2) יפה נוף משוש כול הארץ הר ציון ירכתי צפון] (4Q91 frg. 1,3) ק֯ר֯[י]ת מ֯[לך רב
4	אֱלֹהִ֥ים בְּאַרְמְנוֹתֶ֗יהָ נוֹדַ֥ע לְמִשְׂגָּֽב׃
	(4Q91 frg. 1,3) אלוהים בארמנותיה נודע למשגב
5	כִּֽי־ הִנֵּ֣ה הַ֭מְּלָכִים נֽוֹעֲד֑וּ עָבְר֥וּ יַחְדָּֽו׃
	(4Q91 frg. 1,3) כי] (4Q91 frg. 1,4) הנה מלכ֯[ים נועדו עברו יחדו
6	הֵ֣מָּה רָ֭אוּ כֵּ֣ן תָּמָ֑הוּ נִבְהֲל֥וּ נֶחְפָּֽזוּ׃
	(4Q91 frg. 1,4) המה ראו כן תמהו נבהלו נחפזו ]
7	רְ֭עָדָה אֲחָזָ֣תַם שָׁ֑ם חִ֝֗יל כַּיּוֹלֵֽדָה׃
	(4Q91 frg. 1,5) רעדה א֯[חזתם שם חיל כיולדה
8	בְּר֥וּחַ קָדִ֑ים תְּ֝שַׁבֵּ֗ר אֳנִיּ֥וֹת תַּרְשִֽׁישׁ׃
	(4Q91 frg. 1,5) ברוח קדים תשבר אניות תרשיש]
9	כַּאֲשֶׁ֤ר שָׁמַ֨עְנוּ ׀ כֵּ֤ן רָאִ֗ינוּ בְּעִיר־ יְהוָ֣ה צְ֭בָאוֹת בְּעִ֣יר אֱלֹהֵ֑ינוּ אֱלֹ֘הִ֤ים יְכוֹנְנֶ֖הָ עַד־ עוֹלָ֣ם סֶֽלָה׃
	(4Q91 frg. 1,6) כ֯א֯ש֯[ר שמענו כן ראינו בעיר יהוה צבאות בעיר אלוהינו אלוהים]
10	דִּמִּ֣ינוּ אֱלֹהִ֣ים חַסְדֶּ֑ךָ בְּ֝קֶ֗רֶב הֵיכָלֶֽךָ׃
11	כְּשִׁמְךָ֤ אֱלֹהִ֗ים כֵּ֣ן תְּ֭הִלָּתְךָ עַל־ קַצְוֵי־ אֶ֑רֶץ צֶ֝֗דֶק מָלְאָ֥ה יְמִינֶֽךָ׃
12	יִשְׂמַ֤ח ׀ הַר־ צִיּ֗וֹן תָּ֭גֵלְנָה בְּנ֣וֹת יְהוּדָ֑ה לְ֝מַ֗עַן מִשְׁפָּטֶֽיךָ׃
13	סֹ֣בּוּ צִ֭יּוֹן וְהַקִּיפ֑וּהָ סִ֝פְר֗וּ מִגְדָּלֶֽיהָ׃
14	שִׁ֤יתוּ לִבְּכֶ֨ם ׀ לְֽחֵילָ֗ה פַּסְּג֥וּ אַרְמְנוֹתֶ֑יהָ לְמַ֥עַן תְּ֝סַפְּר֗וּ לְד֣וֹר אַחֲרֽוֹן׃
15	כִּ֤י זֶ֨ה ׀ אֱלֹהִ֣ים אֱ֭לֹהֵינוּ עוֹלָ֣ם וָעֶ֑ד ה֖וּא יְנַהֲגֵ֣נוּ עַל־ מֽוּת׃

49
1	לַמְנַצֵּ֬חַ ׀ לִבְנֵי־ קֹ֬רַח מִזְמֽוֹר׃
	(4Q85 frg. 13-15 i,15) [למנצח ]לב֯ני ק֯ר֯ח מזמ֯[ור
2	שִׁמְעוּ־ זֹ֭את כָּל־ הָֽעַמִּ֑ים הַ֝אֲזִ֗ינוּ כָּל־ יֹ֥שְׁבֵי חָֽלֶד׃
	(4Q85 frg. 13-15 i,15) שמעו זאת כל העמים] (4Q85 frg. 13-15 i,16) [האזינו כל ישבי ח]לד
3	גַּם־ בְּנֵ֣י אָ֭דָם גַּם־ בְּנֵי־ אִ֑ישׁ יַ֝֗חַד עָשִׁ֥יר וְאֶבְיֽוֹן׃
	(4Q85 frg. 13-15 i,16) גם[ בני אדם גם בני איש] (4Q85 frg. 13-15 i,17) [יחד עשיר וא]ביון
4	פִּ֭י יְדַבֵּ֣ר חָכְמ֑וֹת וְהָג֖וּת לִבִּ֣י תְבוּנֽוֹת׃
	(4Q85 frg. 13-15 i,17) פי ידבר חכ[מות והגות לבי תבונות]
5	אַטֶּ֣ה לְמָשָׁ֣ל אָזְנִ֑י אֶפְתַּ֥ח בְּ֝כִנּ֗וֹר חִידָתֽ͏ִי׃
	(4Q85 frg. 13-15 i,18) אטה ]למשל אזני א֯[פתח בכנור חידתי]
6	לָ֣מָּה אִ֭ירָא בִּ֣ימֵי רָ֑ע עֲוֺ֖ן עֲקֵבַ֣י יְסוּבֵּֽנִי׃
	(4Q85 frg. 13-15 i,19) [למה אירא בימי] רע ע[ון עקבי יסוב]נ֯י (4Q91 frg. 2,1) [למה אי]רא בי[מי רע עון עקבי יסובני -- ]
7	הַבֹּטְחִ֥ים עַל־ חֵילָ֑ם וּבְרֹ֥ב עָ֝שְׁרָ֗ם יִתְהַלָּֽלוּ׃
	(4Q85 frg. 13-15 i,20) [הבטחים על חי]לם וברב֯[ עשר]ם֯ יתהללו
8	אָ֗ח לֹא־ פָדֹ֣ה יִפְדֶּ֣ה אִ֑ישׁ לֹא־ יִתֵּ֖ן לֵאלֹהִ֣ים כָּפְרֽוֹ׃
	(4Q85 frg. 13-15 i,21) [אח לא פדה יפדה איש] לא יתן לאלהים כפרו
9	וְ֭יֵקַר פִּדְי֥וֹן נַפְשָׁ֗ם וְחָדַ֥ל לְעוֹלָֽם׃
	(4Q85 frg. 13-15 i,22) [ויקר פדיון נפשם ]ו֯חדל לעולם (4Q91 frg. 3-7,1) [ויקר פ]ד֯יון נפשם וחלו○[ --
10	וִֽיחִי־ ע֥וֹד לָנֶ֑צַח לֹ֖א יִרְאֶ֣ה הַשָּֽׁחַת׃
	(4Q85 frg. 13-15 i,22) ויחי עוד לנצח ולא (4Q85 frg. 13-15 i,23) [יראה השחת] (4Q91 frg. 3-7,1) ויחי] עוד לנ[צח לוא יראה השחת]
11	כִּ֤י יִרְאֶ֨ה ׀ חֲכָ֘מִ֤ים יָמ֗וּתוּ יַ֤חַד כְּסִ֣יל וָבַ֣עַר יֹאבֵ֑דוּ וְעָזְב֖וּ לַאֲחֵרִ֣ים חֵילָֽם׃
	(4Q85 frg. 13-15 i,23) כי יראה חכמים ימתו (4Q85 frg. 13-15 i,24) [יחד כסי]ל ובער יאבדו ועזבו לאחרים חילם (4Q91 frg. 3-7,2) [כי ירא]ה֯ חכ֯[מ]י֯ם ימותו֯[ יחד כס]יל ובער יו[אבדו ועזבו לאחרים] (4Q91 frg. 3-7,3) [חילם
12	קִרְבָּ֤ם בָּתֵּ֨ימוֹ ׀ לְֽעוֹלָ֗ם מִ֭שְׁכְּנֹתָם לְדֹ֣ר וָדֹ֑ר קָֽרְא֥וּ בִ֝שְׁמוֹתָ֗ם עֲלֵ֣י אֲדָמֽוֹת׃
	(4Q85 frg. 13-15 i,25) [קרבם ב]ת֯ימו לעולם משכנותם לדר ודר (4Q85 frg. 13-15 i,26) [קראו בש]מותם עלי אדמות (4Q91 frg. 3-7,3) קרבם ב]תימו לע[ולם ]מ֯שכנו֯[תם ]ל[דור ודור קראו בשמותם עלי] (4Q91 frg. 3-7,4) [אדמות
13	וְאָדָ֣ם בִּ֭יקָר בַּל־ יָלִ֑ין נִמְשַׁ֖ל כַּבְּהֵמ֣וֹת נִדְמֽוּ׃
	(4Q85 frg. 13-15 i,26) ואדם ביקר בל יבין (4Q85 frg. 13-15 i,27) [נמשל כבהמ]ו֯ת נ֯ד֯מו (4Q91 frg. 3-7,4) ואדם ביקר בל ילין נמשל כבהמות נדמו
14	זֶ֣ה דַ֭רְכָּם כֵּ֣סֶל לָ֑מוֹ וְאַחֲרֵיהֶ֓ם ׀ בְּפִיהֶ֖ם יִרְצ֣וּ סֶֽלָה׃
	(4Q85 frg. 13-15 i,27) ז֯ה֯ דרכם כ֯סל למו (4Q85 frg. 13-15 i,28) [ואחריהם בפיהם ירצו ]סלה (4Q91 frg. 3-7,4) זה דרכם כסל] (4Q91 frg. 3-7,5) [למו ואחריהם בפיהם ירצו סלה
15	כַּצֹּ֤אן ׀ לִֽשְׁא֣וֹל שַׁתּוּ֮ מָ֤וֶת יִ֫רְעֵ֥ם וַיִּרְדּ֘וּ בָ֤ם יְשָׁרִ֨ים ׀ לַבֹּ֗קֶר וצירם (וְ֭צוּרָם) לְבַלּ֥וֹת שְׁא֗וֹל מִזְּבֻ֥ל לֽוֹ׃
	(4Q85 frg. 13-15 i,28) כצאן לשאול (4Q85 frg. 13-15 i,29) [שתו מות ירעם וירדו ]ב֯ם ישרים לב֯ק֯ר (4Q85 frg. 13-15 i,30) [וצירם לבלות שאול מזב]ל לו (4Q91 frg. 3-7,5) כצאון לשאול שתו מות ירעם] (4Q91 frg. 3-7,6) [וירדו בם ישרים לבוקר וצורם ]לבלות [שאול מזבול לו
16	אַךְ־ אֱלֹהִ֗ים יִפְדֶּ֣ה נַ֭פְשִׁי מִֽיַּד־ שְׁא֑וֹל כִּ֖י יִקָּחֵ֣נִי סֶֽלָה׃
	(4Q85 frg. 13-15 i,30) אך אלהים יפדה (4Q85 frg. 13-15 i,31) [נפשי מיד שאול] כי יקחני סלה (4Q91 frg. 3-7,6) אך] (4Q91 frg. 3-7,7) [אלוהים יפדה נפשי מיד שאול כי יקחני סלה
17	אַל־ תִּ֭ירָא כִּֽי־ יַעֲשִׁ֣ר אִ֑ישׁ כִּֽי־ יִ֝רְבֶּה כְּב֣וֹד בֵּיתֽוֹ׃
	(4Q85 frg. 13-15 i,32) [אל תירא כי יעשר איש כי ירבה ]כ֯ב֯וד ביתו (4Q91 frg. 3-7,7) אל תירא כי יעשר] (4Q91 frg. 3-7,8) א֯יש כי֯[ ירבה כבוד ביתו -- ]
18	כִּ֤י לֹ֣א בְ֭מוֹתוֹ יִקַּ֣ח הַכֹּ֑ל לֹא־ יֵרֵ֖ד אַחֲרָ֣יו כְּבוֹדֽוֹ׃
19	כִּֽי־ נַ֭פְשׁוֹ בְּחַיָּ֣יו יְבָרֵ֑ךְ וְ֝יוֹדֻ֗ךָ כִּי־ תֵיטִ֥יב לָֽךְ׃
20	תָּ֭בוֹא עַד־ דּ֣וֹר אֲבוֹתָ֑יו עַד־ נֵ֝֗צַח לֹ֣א יִרְאוּ־ אֽוֹר׃
21	אָדָ֣ם בִּ֭יקָר וְלֹ֣א יָבִ֑ין נִמְשַׁ֖ל כַּבְּהֵמ֣וֹת נִדְמֽוּ׃

50
1	מִזְמ֗וֹר לְאָ֫סָ֥ף אֵ֤ל ׀ אֱ‍ֽלֹהִ֡ים יְֽהוָ֗ה דִּבֶּ֥ר וַיִּקְרָא־ אָ֑רֶץ מִמִּזְרַח־ שֶׁ֝֗מֶשׁ עַד־ מְבֹאֽוֹ׃
2	מִצִיּ֥וֹן מִכְלַל־ יֹ֗פִי אֱלֹהִ֥ים הוֹפִֽיעַ׃
3	יָ֤בֹ֥א אֱלֹהֵ֗ינוּ וְֽאַל־ יֶ֫חֱרַ֥שׁ אֵשׁ־ לְפָנָ֥יו תֹּאכֵ֑ל וּ֝סְבִיבָ֗יו נִשְׂעֲרָ֥ה מְאֹֽד׃
	(11Q9 frg. 1,1) [לפניו תא]כ֯[ל וסביביו נשערה מאד
4	יִקְרָ֣א אֶל־ הַשָּׁמַ֣יִם מֵעָ֑ל וְאֶל־ הָ֝אָ֗רֶץ לָדִ֥ין עַמּֽוֹ׃
	(11Q9 frg. 1,1) יקרא אל השמים מעל ואל הארץ לדין עמו
5	אִסְפוּ־ לִ֥י חֲסִידָ֑י כֹּרְתֵ֖י בְרִיתִ֣י עֲלֵי־ זָֽבַח׃
	(11Q9 frg. 1,1) אספו לי] (11Q9 frg. 1,2) [חסידי כר]ת֯[י ]ב֯[ר]יתי עלי זב[ח
6	וַיַּגִּ֣ידוּ שָׁמַ֣יִם צִדְק֑וֹ כִּֽי־ אֱלֹהִ֓ים ׀ שֹׁפֵ֖ט ה֣וּא סֶֽלָה׃
	(11Q9 frg. 1,2) ויגידו שמים צדקו כי אלהים שפט הוא סלה
7	שִׁמְעָ֤ה עַמִּ֨י ׀ וַאֲדַבֵּ֗רָה יִ֭שְׂרָאֵל וְאָעִ֣ידָה בָּ֑ךְ אֱלֹהִ֖ים אֱלֹהֶ֣יךָ אָנֹֽכִי׃
	(11Q9 frg. 1,2) שמעה עמי] (11Q9 frg. 1,3) [ואדברה י]שראל[ ואעידה בך אלהים אלהיך אנכי -- ]
8	לֹ֣א עַל־ זְ֭בָחֶיךָ אוֹכִיחֶ֑ךָ וְעוֹלֹתֶ֖יךָ לְנֶגְדִּ֣י תָמִֽיד׃
9	לֹא־ אֶקַּ֣ח מִבֵּיתְךָ֣ פָ֑ר מִ֝מִּכְלְאֹתֶ֗יךָ עַתּוּדִֽים׃
10	כִּי־ לִ֥י כָל־ חַיְתוֹ־ יָ֑עַר בְּ֝הֵמ֗וֹת בְּהַרְרֵי־ אָֽלֶף׃
11	יָ֭דַעְתִּי כָּל־ ע֣וֹף הָרִ֑ים וְזִ֥יז שָׂ֝דַ֗י עִמָּדִֽי׃
12	אִם־ אֶ֭רְעַב לֹא־ אֹ֣מַר לָ֑ךְ כִּי־ לִ֥י תֵ֝בֵ֗ל וּמְלֹאָֽהּ׃
13	הַֽ֭אוֹכַל בְּשַׂ֣ר אַבִּירִ֑ים וְדַ֖ם עַתּוּדִ֣ים אֶשְׁתֶּֽה׃
14	זְבַ֣ח לֵאלֹהִ֣ים תּוֹדָ֑ה וְשַׁלֵּ֖ם לְעֶלְי֣וֹן נְדָרֶֽיךָ׃
	(4Q85 frg. 15 ii-16,19) [ושל]ם֯ לעליון נד֯[ריך
15	וּ֭קְרָאֵנִי בְּי֣וֹם צָרָ֑ה אֲ֝חַלֶּצְךָ֗ וּֽתְכַבְּדֵֽנִי׃
	(4Q85 frg. 15 ii-16,19) וקראני ביום צרה] (4Q85 frg. 15 ii-16,20) אחל֯[צך ותכבדני
16	וְלָ֤רָשָׁ֨ע ׀ אָ֘מַ֤ר אֱלֹהִ֗ים מַה־ לְּ֭ךָ לְסַפֵּ֣ר חֻקָּ֑י וַתִּשָּׂ֖א בְרִיתִ֣י עֲלֵי־ פִֽיךָ׃
	(4Q85 frg. 15 ii-16,20) ולרשע אמר אלהים] (4Q85 frg. 15 ii-16,21) מה לך לספר[ חקי ותשא בריתי עלי פיך]
17	וְ֭אַתָּה שָׂנֵ֣אתָ מוּסָ֑ר וַתַּשְׁלֵ֖ךְ דְּבָרַ֣י אַחֲרֶֽיךָ׃
	(4Q85 frg. 15 ii-16,22) ואתה שנאת מו֯[סר ותשלך דברי אחריך]
18	אִם־ רָאִ֣יתָ גַ֭נָּב וַתִּ֣רֶץ עִמּ֑וֹ וְעִ֖ם מְנָאֲפִ֣ים חֶלְקֶֽךָ׃
	(4Q85 frg. 15 ii-16,23) אם ראית גנב ותרץ עמו ועם מנאפים ח֯[לקך]
19	פִּ֭יךָ שָׁלַ֣חְתָּ בְרָעָ֑ה וּ֝לְשׁוֹנְךָ֗ תַּצְמִ֥יד מִרְמָֽה׃
	(4Q85 frg. 15 ii-16,24) פיך שלחת ברעה ולשונך תצמיד מרמה[ ]
20	תֵּ֭שֵׁב בְּאָחִ֣יךָ תְדַבֵּ֑ר בְּבֶֽן־ אִ֝מְּךָ֗ תִּתֶּן־ דֹּֽפִי׃
	(4Q85 frg. 15 ii-16,25) תשב באחיך תדבר בבן אמך תתן ד[פי]
21	אֵ֤לֶּה עָשִׂ֨יתָ ׀ וְֽהֶחֱרַ֗שְׁתִּי דִּמִּ֗יתָ הֱֽיוֹת־ אֶֽהְיֶ֥ה כָמ֑וֹךָ אוֹכִיחֲךָ֖ וְאֶֽעֶרְכָ֣ה לְעֵינֶֽיךָ׃
	(4Q85 frg. 15 ii-16,26) א֯לה עשית והחרשתי דמית א֯יות אהיה כמוך (4Q85 frg. 15 ii-16,27) או֯[כי]ח֯[ך ]ו֯אערך לעיניך
22	בִּֽינוּ־ נָ֣א זֹ֭את שֹׁכְחֵ֣י אֱל֑וֹהַּ פֶּן־ אֶ֝טְרֹ֗ף וְאֵ֣ין מַצִּֽיל׃
	(4Q85 frg. 15 ii-16,27) בינו נא זאת שכח[י] אלוה (4Q85 frg. 15 ii-16,28) פן [אט]ר֯ף ואין מציל
23	זֹבֵ֥חַ תּוֹדָ֗ה יְֽכַ֫בְּדָ֥נְנִי וְשָׂ֥ם דֶּ֑רֶךְ אַ֝רְאֶ֗נּוּ בְּיֵ֣שַׁע אֱלֹהִֽים׃
	(4Q85 frg. 15 ii-16,28) זבח תודה יכבדנני (4Q85 frg. 15 ii-16,29) ושם דרך אראנו בישע אלהים

51
1	לַמְנַצֵּ֗חַ מִזְמ֥וֹר לְדָוִֽד׃
	(4Q85 frg. 15 ii-16,30) למנצח מזמור לדוד
2	בְּֽבוֹא־ אֵ֭לָיו נָתָ֣ן הַנָּבִ֑יא כַּֽאֲשֶׁר־ בָּ֝֗א אֶל־ בַּת־ שָֽׁבַע׃
	(4Q85 frg. 15 ii-16,30) בבוא אליו נתן הנביא (4Q85 frg. 15 ii-16,31) כאשר בא [אל] בת שבע (4Q91 frg. 8,1) בבוא אליו נתן הנביא כאשר בא אל ]ב֯ת֯ (4Q91 frg. 8,2) [שבע
3	חָנֵּ֣נִי אֱלֹהִ֣ים כְּחַסְדֶּ֑ךָ כְּרֹ֥ב רַ֝חֲמֶ֗יךָ מְחֵ֣ה פְשָׁעָֽי׃
	(4Q85 frg. 15 ii-16,31) חנני אלהים כחסדך֯ (4Q85 frg. 15 ii-16,32) כרב רחמיך מח֯[ה ]פ֯שעי (4Q91 frg. 8,2) חנני אלוהים כחסדכה כרוב רחמיכה ]מ֯חה֯ [פ]שעי
4	הרבה (הֶ֭רֶב) כַּבְּסֵ֣נִי מֵעֲוֺנִ֑י וּֽמֵחַטָּאתִ֥י טַהֲרֵֽנִי׃
	(4Q85 frg. 15 ii-16,32) הרבה כבסני מעוני (4Q85 frg. 15 ii-16,33) ומחטאתי טהר[נ]י֯ (4Q91 frg. 8,2) הרבה (4Q91 frg. 8,3) [כבסני מעווני ומחטאתי טהרני
5	כִּֽי־ פְ֭שָׁעַי אֲנִ֣י אֵדָ֑ע וְחַטָּאתִ֖י נֶגְדִּ֣י תָמִֽיד׃
	(4Q85 frg. 15 ii-16,33) כי פשעי אני אדע (4Q91 frg. 8,3) כי פשעי אני] אדע֯[ וחט]א֯ת֯[י נ]גדי֯ (4Q91 frg. 8,4) [תמיד
6	לְךָ֤ לְבַדְּךָ֨ ׀ חָטָאתִי֮ וְהָרַ֥ע בְּעֵינֶ֗יךָ עָ֫שִׂ֥יתִי לְ֭מַעַן תִּצְדַּ֥ק בְּדָבְרֶ֗ךָ תִּזְכֶּ֥ה בְשָׁפְטֶֽךָ׃
	(4Q91 frg. 8,4) לכה לבדכה חטאתי והרע בעיניכה עשית]י ל֯[מען ]ת֯צ֯ד֯ק֯
7	הֵן־ בְּעָו֥וֹן חוֹלָ֑לְתִּי וּ֝בְחֵ֗טְא יֶֽחֱמַ֥תְנִי אִמִּֽי׃
8	הֵן־ אֱ֭מֶת חָפַ֣צְתָּ בַטֻּח֑וֹת וּ֝בְסָתֻ֗ם חָכְמָ֥ה תוֹדִיעֵֽנִי׃
9	תְּחַטְּאֵ֣נִי בְאֵז֣וֹב וְאֶטְהָ֑ר תְּ֝כַבְּסֵ֗נִי וּמִשֶּׁ֥לֶג אַלְבִּֽין׃
10	תַּ֭שְׁמִיעֵנִי שָׂשׂ֣וֹן וְשִׂמְחָ֑ה תָּ֝גֵ֗לְנָה עֲצָמ֥וֹת דִּכִּֽיתָ׃
11	הַסְתֵּ֣ר פָּ֭נֶיךָ מֵחֲטָאָ֑י וְֽכָל־ עֲוֺ֖נֹתַ֣י מְחֵֽה׃
12	לֵ֣ב טָ֭הוֹר בְּרָא־ לִ֣י אֱלֹהִ֑ים וְר֥וּחַ נָ֝כ֗וֹן חַדֵּ֥שׁ בְּקִרְבִּֽי׃
13	אַל־ תַּשְׁלִיכֵ֥נִי מִלְּפָנֶ֑יךָ וְר֥וּחַ קָ֝דְשְׁךָ֗ אַל־ תִּקַּ֥ח מִמֶּֽנִּי׃
14	הָשִׁ֣יבָה לִּ֭י שְׂשׂ֣וֹן יִשְׁעֶ֑ךָ וְר֖וּחַ נְדִיבָ֣ה תִסְמְכֵֽנִי׃
15	אֲלַמְּדָ֣ה פֹשְׁעִ֣ים דְּרָכֶ֑יךָ וְ֝חַטָּאִ֗ים אֵלֶ֥יךָ יָשֽׁוּבוּ׃
16	הַצִּ֘ילֵ֤נִי מִדָּמִ֨ים ׀ אֱ‍ֽלֹהִ֗ים אֱלֹהֵ֥י תְשׁוּעָתִ֑י תְּרַנֵּ֥ן לְ֝שׁוֹנִ֗י צִדְקָתֶֽךָ׃
17	אֲ֭דֹנָי שְׂפָתַ֣י תִּפְתָּ֑ח וּ֝פִ֗י יַגִּ֥יד תְּהִלָּתֶֽךָ׃
18	כִּ֤י ׀ לֹא־ תַחְפֹּ֣ץ זֶ֣בַח וְאֶתֵּ֑נָה ע֝וֹלָ֗ה לֹ֣א תִרְצֶֽה׃
19	זִֽבְחֵ֣י אֱלֹהִים֮ ר֢וּחַ נִשְׁבָּ֫רָ֥ה לֵב־ נִשְׁבָּ֥ר וְנִדְכֶּ֑ה אֱ֝לֹהִ֗ים לֹ֣א תִבְזֶֽה׃
20	הֵיטִ֣יבָה בִ֭רְצוֹנְךָ אֶת־ צִיּ֑וֹן תִּ֝בְנֶ֗ה חוֹמ֥וֹת יְרוּשָׁלָֽ͏ִם׃
21	אָ֤ז תַּחְפֹּ֣ץ זִבְחֵי־ צֶ֭דֶק עוֹלָ֣ה וְכָלִ֑יל אָ֤ז יַעֲל֖וּ עַל־ מִזְבַּחֲךָ֣ פָרִֽים׃

52
1	לַמְנַצֵּ֗חַ מַשְׂכִּ֥יל לְדָוִֽד׃
2	בְּב֤וֹא ׀ דּוֹאֵ֣ג הָאֲדֹמִי֮ וַיַּגֵּ֢ד לְשָׁ֫א֥וּל וַיֹּ֥אמֶר ל֑וֹ בָּ֥א דָ֝וִ֗ד אֶל־ בֵּ֥ית אֲחִימֶֽלֶךְ׃
3	מַה־ תִּתְהַלֵּ֣ל בְּ֭רָעָה הַגִּבּ֑וֹר חֶ֥סֶד אֵ֝֗ל כָּל־ הַיּֽוֹם׃
4	הַ֭וּוֹת תַּחְשֹׁ֣ב לְשׁוֹנֶ֑ךָ כְּתַ֥עַר מְ֝לֻטָּ֗שׁ עֹשֵׂ֥ה רְמִיָּֽה׃
5	אָהַ֣בְתָּ רָּ֣ע מִטּ֑וֹב שֶׁ֓קֶר ׀ מִדַּבֵּ֖ר צֶ֣דֶק סֶֽלָה׃
	(4Q85 frg. 15 iii+17,24) [ש]ק֯[ר מדבר צדק סלה
6	אָהַ֥בְתָּ כָֽל־ דִּבְרֵי־ בָ֗לַע לְשׁ֣וֹן מִרְמָֽה׃
	(4Q85 frg. 15 iii+17,24) אהבת כל דברי בלע לשון] (4Q85 frg. 15 iii+17,25) [מ]ר֯מה
7	גַּם־ אֵל֮ יִתָּצְךָ֢ לָ֫נֶ֥צַח יַחְתְּךָ֣ וְיִסָּחֲךָ֣ מֵאֹ֑הֶל וְשֵֽׁרֶשְׁךָ֨ מֵאֶ֖רֶץ חַיִּ֣ים סֶֽלָה׃
	(4Q85 frg. 15 iii+17,25) גם אל יתצך֯ ל֯נ֯צ֯ח֯ [יחתך] ויסחך מאהל (4Q85 frg. 15 iii+17,26) ושרשך מארץ החיים סלה
8	וְיִרְא֖וּ צַדִּיקִ֥ים וְיִירָ֗אוּ וְעָלָ֥יו יִשְׂחָֽקוּ׃
	(4Q85 frg. 15 iii+17,26) ו֯[י]ר֯או צדיקים (4Q85 frg. 15 iii+17,27) וייראו עליו ישחקו
9	הִנֵּ֤ה הַגֶּ֗בֶר לֹ֤א יָשִׂ֥ים אֱלֹהִ֗ים מָֽע֫וּזּ֥וֹ וַ֭יִּבְטַח בְּרֹ֣ב עָשְׁר֑וֹ יָ֝עֹ֗ז בְּהַוָּתֽוֹ׃
	(4Q85 frg. 15 iii+17,27) ה֯נה הגבר לא ישים (4Q85 frg. 15 iii+17,28) אלהים מעוזו ויבטח ברב עשרו (4Q85 frg. 15 iii+17,29) יעז בהותו
10	וַאֲנִ֤י ׀ כְּזַ֣יִת רַ֭עֲנָן בְּבֵ֣ית אֱלֹהִ֑ים בָּטַ֥חְתִּי בְחֶֽסֶד־ אֱ֝לֹהִ֗ים עוֹלָ֥ם וָעֶֽד׃
	(4Q85 frg. 15 iii+17,29) ואני כזית רענן בבית אלהי֯ם (4Q85 frg. 15 iii+17,30) בטחתי בחסד אל֯[הי]ם֯ עולם ועד
11	אוֹדְךָ֣ לְ֭עוֹלָם כִּ֣י עָשִׂ֑יתָ וַאֲקַוֶּ֖ה שִׁמְךָ֥ כִֽי־ ט֝֗וֹב נֶ֣גֶד חֲסִידֶֽיךָ׃
	(4Q85 frg. 15 iii+17,31) וא֯ודך לעולם כי֯ עשית וא[קו]ה֯ שמך כ֯י֯ [טוב] (4Q85 frg. 15 iii+17,32) נגד חסידך

53
1	לַמְנַצֵּ֥חַ עַֽל־ מָחֲלַ֗ת מַשְׂכִּ֥יל לְדָוִֽד׃
	(4Q85 frg. 15 iii+17,33) למנצח על מחלת משכיל לד[וד] (11Q7 frg. 4-7,11) [למנצח לדויד (Ps 14,1) לַמְנַצֵּ֗חַ לְדָ֫וִ֥ד
2	אָ֘מַ֤ר נָבָ֣ל בְּ֭לִבּוֹ אֵ֣ין אֱלֹהִ֑ים הִֽ֝שְׁחִ֗יתוּ וְהִֽתְעִ֥יבוּ עָ֝֗וֶל אֵ֣ין עֹֽשֵׂה־ טֽוֹב׃
	(4Q83 frg. 11-12,1) [אלהים השחיתו והתעיבו עול אין ]ע֯וש[ה טוב (11Q7 frg. 4-7,11) אמר נבל בלבו אין אלוהים השחיתו ה]תעיב֯[ו ]עולה֯[ אין] (11Q7 frg. 4-7,12) [עושה טוב (Ps 14,1) אָ֘מַ֤ר נָבָ֣ל בְּ֭לִבּוֹ אֵ֣ין אֱלֹהִ֑ים הִֽשְׁחִ֗יתוּ הִֽתְעִ֥יבוּ עֲלִילָ֗ה אֵ֣ין עֹֽשֵׂה־ טֽוֹב׃
3	אֱ‍ֽלֹהִ֗ים מִשָּׁמַיִם֮ הִשְׁקִ֢יף עַֽל־ בְּנֵ֫י אָדָ֥ם לִ֭רְאוֹת הֲיֵ֣שׁ מַשְׂכִּ֑יל דֹּ֝רֵ֗שׁ אֶת־ אֱלֹהִֽים׃
	(4Q83 frg. 11-12,1) אלהים משמים השקיף על בני אדם לראות] (4Q83 frg. 11-12,2) [היש משכיל דרש את אלהים (11Q7 frg. 4-7,12) יהוה משמים השקיף על בני אדם לראות ה]יש מ֯[ש]כ֯י֯ל[ דורש] (11Q7 frg. 4-7,13) [את אלוהים (5/6Hev1b frg. 1 iv+3,22) ל֯ר֯[אות היש משכיל דרש את אלהים (Ps 14,2) יְֽהוָ֗ה מִשָּׁמַיִם֮ הִשְׁקִ֢יף עַֽל־ בְּנֵי־ אָדָ֥ם לִ֭רְאוֹת הֲיֵ֣שׁ מַשְׂכִּ֑יל דֹּ֝רֵשׁ אֶת־ אֱלֹהִֽים׃
4	כֻּלּ֥וֹ סָג֮ יַחְדָּ֢ו נֶ֫אֱלָ֥חוּ אֵ֤ין עֹֽשֵׂה־ ט֑וֹב אֵ֝֗ין גַּם־ אֶחָֽד׃
	(4Q83 frg. 11-12,2) ]כול סג יחד֯[ו נאלחו אין עשה טוב אין גם אחד (11Q7 frg. 4-7,13) הכול סר יחדו נאלחו אין עושה טוב אין גם ]אחד (5/6Hev1b frg. 1 iv+3,22) הכל סר יחדו] (5/6Hev1b frg. 1 iv+3,23) נאלחו֯[ אין עשה טוב אין גם אחד] (Ps 14,3) הַכֹּ֥ל סָר֮ יַחְדָּ֢ו נֶ֫אֱלָ֥חוּ אֵ֤ין עֹֽשֵׂה־ ט֑וֹב אֵ֝֗ין גַּם־ אֶחָֽד׃
5	הֲלֹ֥א יָדְעוּ֮ פֹּ֤עֲלֵ֫י אָ֥וֶן אֹכְלֵ֣י עַ֭מִּי אָ֣כְלוּ לֶ֑חֶם אֱ֝לֹהִ֗ים לֹ֣א קָרָֽאוּ׃
	(4Q83 frg. 11-12,2) הלא] (4Q83 frg. 11-12,3) [ידעו פעלי און אכלי עמי אכלו ]ל֯[חם] אלהים ל֯וא קרא (11Q7 frg. 4-7,13) [הלוא] (11Q7 frg. 4-7,14) [ידעו כול פועלי און אוכלי עמי אכלו לחם יהוה לוא ]קר֯[או] (5/6Hev1b frg. 1 iv+3,24) ה֯ל֯[א ידעו כל פעלי און אכלי עמי אכלו לחם יהוה לא קראו] (Ps 14,4) הֲלֹ֥א יָדְעוּ֮ כָּל־ פֹּ֢עֲלֵ֫י אָ֥וֶן אֹכְלֵ֣י עַ֭מִּי אָ֣כְלוּ לֶ֑חֶם יְ֝הוָ֗ה לֹ֣א קָרָֽאוּ׃
6	שָׁ֤ם ׀ פָּֽחֲדוּ־ פַחַד֮ לֹא־ הָ֢יָה֫ פָ֥חַד כִּֽי־ אֱלֹהִ֗ים פִּ֭זַּר עַצְמ֣וֹת חֹנָ֑ךְ הֱ֝בִשֹׁ֗תָה כִּֽי־ אֱלֹהִ֥ים מְאָסָֽם׃
	(4Q83 frg. 11-12,4) [שם פחדו פחד לא היה פחד כי אלהים פזר עצמות חנך הבשתה כי אלהים מאסם (11Q7 frg. 4-7,14) ש֯מ֯ה֯ (11Q7 frg. 4-7,15) [פחדו פחד כי אלוהים בדור צדיק עצת עני תבישו כי] י֯הו֯ה֯ מח֯[סהו] (Ps 14,5) שָׁ֤ם ׀ פָּ֣חֲדוּ פָ֑חַד כִּֽי־ אֱ֝לֹהִ֗ים בְּד֣וֹר צַדִּֽיק׃ (Ps 14,6) עֲצַת־ עָנִ֥י תָבִ֑ישׁוּ כִּ֖י יְהוָ֣ה מַחְסֵֽהוּ׃
7	מִ֥י יִתֵּ֣ן מִצִיּוֹן֮ יְשֻׁע֢וֹת יִשְׂרָ֫אֵ֥ל בְּשׁ֣וּב אֱ֭לֹהִים שְׁב֣וּת עַמּ֑וֹ יָגֵ֥ל יַ֝עֲקֹ֗ב יִשְׂמַ֥ח יִשְׂרָאֵֽל׃
	(4Q83 frg. 11-12,4) מי י]ת֯ן ביום ציון (4Q83 frg. 11-12,5) [ישעות ישראל בשוב אלהים שבות עמו יגל יעקב ישמח ישראל ] (Ps 14,7) מִ֥י יִתֵּ֣ן מִצִיּוֹן֮ יְשׁוּעַ֢ת יִשְׂרָ֫אֵ֥ל בְּשׁ֣וּב יְ֭הוָה שְׁב֣וּת עַמּ֑וֹ יָגֵ֥ל יַ֝עֲקֹ֗ב יִשְׂמַ֥ח יִשְׂרָֽאֵל׃

54
1	לַמְנַצֵּ֥חַ בִּנְגִינֹ֗ת מַשְׂכִּ֥יל לְדָוִֽד׃
	(4Q83 frg. 11-12,6) [למנצח בנגינת משכיל לדוד
2	בְּב֣וֹא הַ֭זִּיפִים וַיֹּאמְר֣וּ לְשָׁא֑וּל הֲלֹ֥א דָ֝וִ֗ד מִסְתַּתֵּ֥ר עִמָּֽנוּ׃
	(4Q83 frg. 11-12,6) בבוא הזיפים ויאמרו לשאול הלוא דויד ]מ֯סתתר עמנו
3	אֱ֭לֹהִים בְּשִׁמְךָ֣ הוֹשִׁיעֵ֑נִי וּבִגְבוּרָתְךָ֥ תְדִינֵֽנִי׃
	(4Q83 frg. 11-12,6) אלהים (4Q83 frg. 11-12,7) [בשמך הושיעני ובגבורתך תדינני
4	אֱ֭לֹהִים שְׁמַ֣ע תְּפִלָּתִ֑י הַ֝אֲזִ֗ינָה לְאִמְרֵי־ פִֽי׃
	(4Q83 frg. 11-12,7) אלהים שמע תפלתי האזינה לאמרי פי
5	כִּ֤י זָרִ֨ים ׀ קָ֤מוּ עָלַ֗י וְֽ֭עָרִיצִים בִּקְשׁ֣וּ נַפְשִׁ֑י לֹ֤א שָׂ֨מוּ אֱלֹהִ֖ים לְנֶגְדָּ֣ם סֶֽלָה׃
	(4Q83 frg. 11-12,7) כי] זרים קמו עלי[ ] (4Q83 frg. 11-12,8) [ועריצים בקשו נפשי לא שמו אלהים לנגדם סלה
6	הִנֵּ֣ה אֱ֭לֹהִים עֹזֵ֣ר לִ֑י אֲ֝דֹנָ֗י בְּֽסֹמְכֵ֥י נַפְשִֽׁי׃
	(4Q83 frg. 11-12,8) הנה אלהים עזר לי א]ד֯ני בס֯מ[כי נפשי]
7	ישוב (יָשִׁ֣יב) הָ֭רַע לְשֹׁרְרָ֑י בַּ֝אֲמִתְּךָ֗ הַצְמִיתֵֽם׃
8	בִּנְדָבָ֥ה אֶזְבְּחָה־ לָּ֑ךְ א֤וֹדֶה שִּׁמְךָ֖ יְהוָ֣ה כִּי־ טֽוֹב׃
9	כִּ֣י מִכָּל־ צָ֭רָה הִצִּילָ֑נִי וּ֝בְאֹיְבַ֗י רָאֲתָ֥ה עֵינִֽי׃

55
1	לַמְנַצֵּ֥חַ בִּנְגִינֹ֗ת מַשְׂכִּ֥יל לְדָוִֽד׃
2	הַאֲזִ֣ינָה אֱ֭לֹהִים תְּפִלָּתִ֑י וְאַל־ תִּ֝תְעַלַּ֗ם מִתְּחִנָּתִֽי׃
3	הַקְשִׁ֣יבָה לִּ֣י וַעֲנֵ֑נִי אָרִ֖יד בְּשִׂיחִ֣י וְאָהִֽימָה׃
4	מִקּ֤וֹל אוֹיֵ֗ב מִפְּנֵ֣י עָקַ֣ת רָשָׁ֑ע כִּי־ יָמִ֥יטוּ עָלַ֥י אָ֝֗וֶן וּבְאַ֥ף יִשְׂטְמֽוּנִי׃
5	לִ֭בִּי יָחִ֣יל בְּקִרְבִּ֑י וְאֵימ֥וֹת מָ֝֗וֶת נָפְל֥וּ עָלָֽי׃
6	יִרְאָ֣ה וָ֭רַעַד יָ֣בֹא בִ֑י וַ֝תְּכַסֵּ֗נִי פַּלָּצֽוּת׃
7	וָאֹמַ֗ר מִֽי־ יִתֶּן־ לִּ֣י אֵ֭בֶר כַּיּוֹנָ֗ה אָע֥וּפָה וְאֶשְׁכֹּֽנָה׃
8	הִ֭נֵּה אַרְחִ֣יק נְדֹ֑ד אָלִ֖ין בַּמִּדְבָּ֣ר סֶֽלָה׃
9	אָחִ֣ישָׁה מִפְלָ֣ט לִ֑י מֵר֖וּחַ סֹעָ֣ה מִסָּֽעַר׃
10	בַּלַּ֣ע אֲ֭דֹנָי פַּלַּ֣ג לְשׁוֹנָ֑ם כִּֽי־ רָאִ֨יתִי חָמָ֖ס וְרִ֣יב בָּעִֽיר׃
11	יוֹמָ֤ם וָלַ֗יְלָה יְסוֹבְבֻ֥הָ עַל־ חוֹמֹתֶ֑יהָ וְאָ֖וֶן וְעָמָ֣ל בְּקִרְבָּֽהּ׃
12	הַוּ֥וֹת בְּקִרְבָּ֑הּ וְֽלֹא־ יָמִ֥ישׁ מֵ֝רְחֹבָ֗הּ תֹּ֣ךְ וּמִרְמָֽה׃
13	כִּ֤י לֹֽא־ אוֹיֵ֥ב יְחָֽרְפֵ֗נִי וְאֶ֫שָּׂ֥א לֹֽא־ מְ֭שַׂנְאִי עָלַ֣י הִגְדִּ֑יל וְאֶסָּתֵ֥ר מִמֶּֽנּוּ׃
14	וְאַתָּ֣ה אֱנ֣וֹשׁ כְּעֶרְכִּ֑י אַ֝לּוּפִ֗י וּמְיֻדָּֽעִי׃
15	אֲשֶׁ֣ר יַ֭חְדָּו נַמְתִּ֣יק ס֑וֹד בְּבֵ֥ית אֱ֝לֹהִ֗ים נְהַלֵּ֥ךְ בְּרָֽגֶשׁ׃
16	ישימות (יַשִּׁ֤י מָ֨וֶת ׀) עָלֵ֗ימוֹ יֵרְד֣וּ שְׁא֣וֹל חַיִּ֑ים כִּֽי־ רָע֖וֹת בִּמְגוּרָ֣ם בְּקִרְבָּֽם׃
17	אֲ֭נִי אֶל־ אֱלֹהִ֣ים אֶקְרָ֑א וַ֝יהוָ֗ה יוֹשִׁיעֵֽנִי׃
18	עֶ֤רֶב וָבֹ֣קֶר וְ֭צָהֳרַיִם אָשִׂ֣יחָה וְאֶהֱמֶ֑ה וַיִּשְׁמַ֥ע קוֹלִֽי׃
19	פָּ֘דָ֤ה בְשָׁל֣וֹם נַ֭פְשִׁי מִקֲּרָב־ לִ֑י כִּֽי־ בְ֝רַבִּ֗ים הָי֥וּ עִמָּדִֽי׃
20	יִשְׁמַ֤ע ׀ אֵ֨ל ׀ וְֽיַעֲנֵם֮ וְיֹ֤שֵׁ֥ב קֶ֗דֶם סֶ֥לָה אֲשֶׁ֤ר אֵ֣ין חֲלִיפ֣וֹת לָ֑מוֹ וְלֹ֖א יָרְא֣וּ אֱלֹהִֽים׃
21	שָׁלַ֣ח יָ֭דָיו בִּשְׁלֹמָ֗יו חִלֵּ֥ל בְּרִיתֽוֹ׃
22	חָלְק֤וּ ׀ מַחְמָאֹ֣ת פִּיו֮ וּֽקֲרָב־ לִ֫בּ֥וֹ רַכּ֖וּ דְבָרָ֥יו מִשֶּׁ֗מֶן וְהֵ֣מָּה פְתִחֽוֹת׃
23	הַשְׁלֵ֤ךְ עַל־ יְהוָ֨ה ׀ יְהָבְךָ֮ וְה֢וּא יְכַ֫לְכְּלֶ֥ךָ לֹא־ יִתֵּ֖ן לְעוֹלָ֥ם מ֗וֹט לַצַּדִּֽיק׃
24	וְאַתָּ֤ה אֱלֹהִ֨ים ׀ תּוֹרִדֵ֬ם ׀ לִבְאֵ֬ר שַׁ֗חַת אַנְשֵׁ֤י דָמִ֣ים וּ֭מִרְמָה לֹא־ יֶחֱצ֣וּ יְמֵיהֶ֑ם וַ֝אֲנִ֗י אֶבְטַח־ בָּֽךְ׃

56
1	לַמְנַצֵּ֤חַ ׀ עַל־ י֬וֹנַת אֵ֣לֶם רְ֭חֹקִים לְדָוִ֣ד מִכְתָּ֑ם בֶּֽאֱחֹ֨ז אֹת֖וֹ פְלִשְׁתִּ֣ים בְּגַֽת׃
2	חָנֵּ֣נִי אֱ֭לֹהִים כִּֽי־ שְׁאָפַ֣נִי אֱנ֑וֹשׁ כָּל־ הַ֝יּ֗וֹם לֹחֵ֥ם יִלְחָצֵֽנִי׃
3	שָׁאֲפ֣וּ שׁ֭וֹרְרַי כָּל־ הַיּ֑וֹם כִּֽי־ רַבִּ֨ים לֹחֲמִ֖ים לִ֣י מָרֽוֹם׃
4	י֥וֹם אִירָ֑א אֲ֝נִ֗י אֵלֶ֥יךָ אֶבְטָֽח׃
	(4Q83 frg. 13,1) יום אירא[ אני אליכה אבטח -- ]
5	בֵּאלֹהִים֮ אֲהַלֵּ֢ל דְּבָ֫ר֥וֹ בֵּאלֹהִ֣ים בָּ֭טַחְתִּי לֹ֣א אִירָ֑א מַה־ יַּעֲשֶׂ֖ה בָשָׂ֣ר לִֽי׃
6	כָּל־ הַ֭יּוֹם דְּבָרַ֣י יְעַצֵּ֑בוּ עָלַ֖י כָּל־ מַחְשְׁבֹתָ֣ם לָרָֽע׃
7	יָג֤וּרוּ ׀ יצפינו (יִצְפּ֗וֹנוּ) הֵ֭מָּה עֲקֵבַ֣י יִשְׁמֹ֑רוּ כַּ֝אֲשֶׁ֗ר קִוּ֥וּ נַפְשִֽׁי׃
8	עַל־ אָ֥וֶן פַּלֶּט־ לָ֑מוֹ בְּ֝אַ֗ף עַמִּ֤ים ׀ הוֹרֵ֬ד אֱלֹהִֽים׃
9	נֹדִי֮ סָפַ֢רְתָּ֫ה אָ֥תָּה שִׂ֣ימָה דִמְעָתִ֣י בְנֹאדֶ֑ךָ הֲ֝לֹ֗א בְּסִפְרָתֶֽךָ׃
10	אָ֥֨ז יָ֘שׁ֤וּבוּ אוֹיְבַ֣י אָ֭חוֹר בְּי֣וֹם אֶקְרָ֑א זֶה־ יָ֝דַ֗עְתִּי כִּֽי־ אֱלֹהִ֥ים לִֽי׃
11	בֵּֽ֭אלֹהִים אֲהַלֵּ֣ל דָּבָ֑ר בַּ֝יהוָ֗ה אֲהַלֵּ֥ל דָּבָֽר׃
12	בֵּֽאלֹהִ֣ים בָּ֭טַחְתִּי לֹ֣א אִירָ֑א מַה־ יַּעֲשֶׂ֖ה אָדָ֣ם לִֽי׃
13	עָלַ֣י אֱלֹהִ֣ים נְדָרֶ֑יךָ אֲשַׁלֵּ֖ם תּוֹדֹ֣ת לָֽךְ׃
14	כִּ֤י הִצַּ֪לְתָּ נַפְשִׁ֡י מִמָּוֶת֮ הֲלֹ֥א רַגְלַ֗י מִ֫דֶּ֥חִי לְ֭הִֽתְהַלֵּךְ לִפְנֵ֣י אֱלֹהִ֑ים בְּ֝א֗וֹר הֽ͏ַחַיִּֽים׃

57
1	לַמְנַצֵּ֣חַ אַל־ תַּ֭שְׁחֵת לְדָוִ֣ד מִכְתָּ֑ם בְּבָרְח֥וֹ מִפְּנֵי־ שָׁ֝א֗וּל בַּמְּעָרֽ͏ָה׃
	(1Q16 frg. 1,1) ב]בורחו מלפני [שאול -- ]
2	חָנֵּ֤נִי אֱלֹהִ֨ים ׀ חָנֵּ֗נִי כִּ֥י בְךָ֮ חָסָ֢יָה נַ֫פְשִׁ֥י וּבְצֵֽל־ כְּנָפֶ֥יךָ אֶחְסֶ֑ה עַ֝֗ד יַעֲבֹ֥ר הַוּֽוֹת׃
3	אֶ֭קְרָא לֵֽאלֹהִ֣ים עֶלְי֑וֹן לָ֝אֵ֗ל גֹּמֵ֥ר עָלָֽי׃
4	יִשְׁלַ֤ח מִשָּׁמַ֨יִם ׀ וְֽיוֹשִׁיעֵ֗נִי חֵרֵ֣ף שֹׁאֲפִ֣י סֶ֑לָה יִשְׁלַ֥ח אֱ֝לֹהִ֗ים חַסְדּ֥וֹ וַאֲמִתּֽוֹ׃
	(1Q16 frg. 2,1) א]מ֯ת֯ו בטר[ם --]
5	נַפְשִׁ֤י ׀ בְּת֥וֹךְ לְבָאִם֮ אֶשְׁכְּבָ֢ה לֹ֫הֲטִ֥ים בְּֽנֵי־ אָדָ֗ם שִׁ֭נֵּיהֶם חֲנִ֣ית וְחִצִּ֑ים וּ֝לְשׁוֹנָ֗ם חֶ֣רֶב חַדָּֽה׃
6	ר֣וּמָה עַל־ הַשָּׁמַ֣יִם אֱלֹהִ֑ים עַ֖ל כָּל־ הָאָ֣רֶץ כְּבוֹדֶֽךָ׃
7	רֶ֤שֶׁת ׀ הֵכִ֣ינוּ לִפְעָמַי֮ כָּפַ֢ף נַ֫פְשִׁ֥י כָּר֣וּ לְפָנַ֣י שִׁיחָ֑ה נָפְל֖וּ בְתוֹכָ֣הּ סֶֽלָה׃
8	נָ֘כ֤וֹן לִבִּ֣י אֱ֭לֹהִים נָכ֣וֹן לִבִּ֑י אָ֝שִׁ֗ירָה וַאֲזַמֵּֽרָה׃
9	ע֤וּרָה כְבוֹדִ֗י ע֭וּרָֽה הַנֵּ֥בֶל וְכִנּ֗וֹר אָעִ֥ירָה שָּֽׁחַר׃
10	אוֹדְךָ֖ בָעַמִּ֥ים ׀ אֲדֹנָ֑י אֲ֝זַמֶּרְךָ֗ בַּל־ אֻמִּֽים׃
11	כִּֽי־ גָדֹ֣ל עַד־ שָׁמַ֣יִם חַסְדֶּ֑ךָ וְֽעַד־ שְׁחָקִ֥ים אֲמִתֶּֽךָ׃
12	ר֣וּמָה עַל־ שָׁמַ֣יִם אֱלֹהִ֑ים עַ֖ל כָּל־ הָאָ֣רֶץ כְּבוֹדֶֽךָ׃

58
1	לַמְנַצֵּ֥חַ אַל־ תַּשְׁחֵ֗ת לְדָוִ֥ד מִכְתָּֽם׃
2	הַֽאֻמְנָ֗ם אֵ֣לֶם צֶ֭דֶק תְּדַבֵּר֑וּן מֵישָׁרִ֥ים תִּ֝שְׁפְּט֗וּ בְּנֵ֣י אָדָֽם׃
3	אַף־ בְּלֵב֮ עוֹלֹ֢ת תִּפְעָ֫ל֥וּן בָּאָ֡רֶץ חֲמַ֥ס יְ֝דֵיכֶ֗ם תְּפַלֵּֽסֽוּן׃
4	זֹ֣רוּ רְשָׁעִ֣ים מֵרָ֑חֶם תָּע֥וּ מִ֝בֶּ֗טֶן דֹּבְרֵ֥י כָזָֽב׃
5	חֲמַת־ לָ֗מוֹ כִּדְמ֥וּת חֲמַת־ נָחָ֑שׁ כְּמוֹ־ פֶ֥תֶן חֵ֝רֵ֗שׁ יַאְטֵ֥ם אָזְנֽוֹ׃
6	אֲשֶׁ֣ר לֹא־ יִ֭שְׁמַע לְק֣וֹל מְלַחֲשִׁ֑ים חוֹבֵ֖ר חֲבָרִ֣ים מְחֻכָּֽם׃
7	אֱ‍ֽלֹהִ֗ים הֲרָס־ שִׁנֵּ֥ימוֹ בְּפִ֑ימוֹ מַלְתְּע֥וֹת כְּ֝פִירִ֗ים נְתֹ֣ץ ׀ יְהוָֽה׃
8	יִמָּאֲס֣וּ כְמוֹ־ מַ֭יִם יִתְהַלְּכוּ־ לָ֑מוֹ יִדְרֹ֥ךְ חצו (חִ֝צָּ֗יו) כְּמ֣וֹ יִתְמֹלָֽלוּ׃
9	כְּמ֣וֹ שַׁ֭בְּלוּל תֶּ֣מֶס יַהֲלֹ֑ךְ נֵ֥פֶל אֵ֝֗שֶׁת בַּל־ חָ֥זוּ שָֽׁמֶשׁ׃
10	בְּטֶ֤רֶם יָבִ֣ינוּ סִּֽירֹתֵיכֶ֣ם אָטָ֑ד כְּמוֹ־ חַ֥י כְּמוֹ־ חָ֝ר֗וֹן יִשְׂעָרֶֽנּוּ׃
11	יִשְׂמַ֣ח צַ֭דִּיק כִּי־ חָזָ֣ה נָקָ֑ם פְּעָמָ֥יו יִ֝רְחַ֗ץ בְּדַ֣ם הָרָשָֽׁע׃
12	וְיֹאמַ֣ר אָ֭דָם אַךְ־ פְּרִ֣י לַצַּדִּ֑יק אַ֥ךְ יֵשׁ־ אֱ֝לֹהִ֗ים שֹׁפְטִ֥ים בָּאָֽרֶץ׃

59
1	לַמְנַצֵּ֣חַ אַל־ תַּשְׁחֵת֮ לְדָוִ֢ד מִ֫כְתָּ֥ם בִּשְׁלֹ֥חַ שָׁא֑וּל וַֽיִּשְׁמְר֥וּ אֶת־ הַ֝בַּ֗יִת לַהֲמִיתֽוֹ׃
2	הַצִּילֵ֖נִי מֵאֹיְבַ֥י ׀ אֱלֹהָ֑י מִּמִתְקוֹמְמַ֥י תְּשַׂגְּבֵֽנִי׃
3	הַ֭צִּילֵנִי מִפֹּ֣עֲלֵי אָ֑וֶן וּֽמֵאַנְשֵׁ֥י דָ֝מִ֗ים הוֹשִׁיעֵֽנִי׃
4	כִּ֤י הִנֵּ֪ה אָֽרְב֡וּ לְנַפְשִׁ֗י יָג֣וּרוּ עָלַ֣י עַזִ֑ים לֹא־ פִשְׁעִ֖י וְלֹא־ חַטָּאתִ֣י יְהוָֽה׃
5	בְּֽלִי־ עָ֭וֺן יְרוּצ֣וּן וְיִכּוֹנָ֑נוּ ע֖וּרָה לִקְרָאתִ֣י וּרְאֵה׃
	(11Q8 frg. 9,1) בלי עון] (11Q8 frg. 9,2) י֯רצון וי[כוננו עורה לקראתי וראה
6	וְאַתָּ֤ה יְהוָֽה־ אֱלֹהִ֥ים ׀ צְבָא֡וֹת אֱלֹ֘הֵ֤י יִשְׂרָאֵ֗ל הָקִ֗יצָה לִפְקֹ֥ד כָּֽל־ הַגּוֹיִ֑ם אַל־ תָּחֹ֨ן כָּל־ בֹּ֖גְדֵי אָ֣וֶן סֶֽלָה׃
	(11Q8 frg. 9,2) ואתה יהוה אלהים צבאות] (11Q8 frg. 9,3) אלהי ישר[אל הקיצה לפקד כל הגוים אל תחן כל בגדי] (11Q8 frg. 9,4) און סלה[
7	יָשׁ֣וּבוּ לָ֭עֶרֶב יֶהֱמ֥וּ כַכָּ֗לֶב וִיס֥וֹבְבוּ עִֽיר׃
	(11Q8 frg. 9,4) ישובו לערב יהמו ככלב ויסובבו עיר
8	הִנֵּ֤ה ׀ יַבִּ֘יע֤וּן בְּפִיהֶ֗ם חֲ֭רָבוֹת בְּשִׂפְתוֹתֵיהֶ֑ם כִּי־ מִ֥י שֹׁמֵֽעַ׃
	(11Q8 frg. 9,4) הנה יביעון] (11Q8 frg. 9,5) ב֯פיהם [חרבות בשפתותיהם כי מי שמע -- ]
9	וְאַתָּ֣ה יְ֭הוָה תִּשְׂחַק־ לָ֑מוֹ תִּ֝לְעַ֗ג לְכָל־ גּוֹיִֽם׃
10	עֻ֭זּוֹ אֵלֶ֣יךָ אֶשְׁמֹ֑רָה כִּֽי־ אֱ֝לֹהִ֗ים מִשְׂגַּבִּֽי׃
11	אֱלֹהֵ֣י חסדו (חַסְדִּ֣י) יְקַדְּמֵ֑נִי אֱ֝לֹהִ֗ים יַרְאֵ֥נִי בְשֹׁרְרָֽי׃
12	אַל־ תַּהַרְגֵ֤ם ׀ פֶּֽן־ יִשְׁכְּח֬וּ עַמִּ֗י הֲנִיעֵ֣מוֹ בְ֭חֵילְךָ וְהוֹרִידֵ֑מוֹ מָֽגִנֵּ֣נוּ אֲדֹנָֽי׃
13	חַטַּאת־ פִּ֗ימוֹ דְּֽבַר־ שְׂפָ֫תֵ֥ימוֹ וְיִלָּכְד֥וּ בִגְאוֹנָ֑ם וּמֵאָלָ֖ה וּמִכַּ֣חַשׁ יְסַפֵּֽרוּ׃
14	כַּלֵּ֥ה בְחֵמָה֮ כַּלֵּ֢ה וְֽאֵ֫ינֵ֥מוֹ וְֽיֵדְע֗וּ כִּֽי־ אֱ֭לֹהִים מֹשֵׁ֣ל בְּיַעֲקֹ֑ב לְאַפְסֵ֖י הָאָ֣רֶץ סֶֽלָה׃
15	וְיָשׁ֣וּבוּ לָ֭עֶרֶב יֶהֱמ֥וּ כַכָּ֗לֶב וִיס֥וֹבְבוּ עִֽיר׃
16	הֵ֭מָּה ינועון (יְנִיע֣וּן) לֶאֱכֹ֑ל אִם־ לֹ֥א יִ֝שְׂבְּע֗וּ וַיָּלִֽינוּ׃
17	וַאֲנִ֤י ׀ אָשִׁ֣יר עֻזֶּךָ֮ וַאֲרַנֵּ֥ן לַבֹּ֗קֶר חַ֫סְדֶּ֥ךָ כִּֽי־ הָיִ֣יתָ מִשְׂגָּ֣ב לִ֑י וּ֝מָנ֗וֹס בְּי֣וֹם צַר־ לִֽי׃
18	עֻ֭זִּי אֵלֶ֣יךָ אֲזַמֵּ֑רָה כִּֽי־ אֱלֹהִ֥ים מִ֝שְׂגַּבִּ֗י אֱלֹהֵ֥י חַסְדִּֽי׃

60
1	לַ֭מְנַצֵּחַ עַל־ שׁוּשַׁ֣ן עֵד֑וּת מִכְתָּ֖ם לְדָוִ֣ד לְלַמֵּֽד׃
2	בְּהַצּוֹת֨וֹ ׀ אֶ֥ת אֲרַ֣ם נַהֲרַיִם֮ וְאֶת־ אֲרַ֢ם צ֫וֹבָ֥ה וַיָּ֤שָׁב יוֹאָ֗ב וַיַּ֣ךְ אֶת־ אֱד֣וֹם בְּגֵיא־ מֶ֑לַח שְׁנֵ֖ים עָשָׂ֣ר אָֽלֶף׃
3	אֱ֭לֹהִים זְנַחְתָּ֣נוּ פְרַצְתָּ֑נוּ אָ֝נַ֗פְתָּ תְּשׁ֣וֹבֵ֥ב לָֽנוּ׃
4	הִרְעַ֣שְׁתָּה אֶ֣רֶץ פְּצַמְתָּ֑הּ רְפָ֖ה שְׁבָרֶ֣יהָ כִי־ מָֽטָה׃
5	הִרְאִ֣יתָה עַמְּךָ֣ קָשָׁ֑ה הִ֝שְׁקִיתָ֗נוּ יַ֣יִן תַּרְעֵלָֽה׃
6	נָ֘תַ֤תָּה לִּירֵאֶ֣יךָ נֵּ֭ס לְהִתְנוֹסֵ֑ס מִ֝פְּנֵ֗י קֹ֣שֶׁט סֶֽלָה׃
7	לְ֭מַעַן יֵחָלְצ֣וּן יְדִידֶ֑יךָ הוֹשִׁ֖יעָה יְמִֽינְךָ֣ ועננו (וַעֲנֵֽנִי׃)
8	אֱלֹהִ֤ים ׀ דִּבֶּ֥ר בְּקָדְשׁ֗וֹ אֶ֫עְלֹ֥זָה אֲחַלְּקָ֥ה שְׁכֶ֑ם וְעֵ֖מֶק סֻכּ֣וֹת אֲמַדֵּֽד׃
	(4Q171 frg. 13,3) אלו]ה֯ים דבר [בקדשו אעלזה אחלקה שכם] (4Q171 frg. 13,4) [ועמק סכ]ו֯ת אמדדה
9	לִ֤י גִלְעָ֨ד ׀ וְלִ֬י מְנַשֶּׁ֗ה וְ֭אֶפְרַיִם מָע֣וֹז רֹאשִׁ֑י יְ֝הוּדָ֗ה מְחֹֽקְקִי׃
	(4Q171 frg. 13,4) לי[ גלעד ולי מנשה ואפרים מעוז ראשי]
10	מוֹאָ֤ב ׀ סִ֬יר רַחְצִ֗י עַל־ אֱ֭דוֹם אַשְׁלִ֣יךְ נַעֲלִ֑י עָ֝לַ֗י פְּלֶ֣שֶׁת הִתְרֹעָֽעִֽי׃
11	מִ֣י יֹ֭בִלֵנִי עִ֣יר מָצ֑וֹר מִ֖י נָחַ֣נִי עַד־ אֱדֽוֹם׃
12	הֲלֹֽא־ אַתָּ֣ה אֱלֹהִ֣ים זְנַחְתָּ֑נוּ וְֽלֹא־ תֵצֵ֥א אֱ֝לֹהִ֗ים בְּצִבְאוֹתֵֽינוּ׃
13	הָֽבָה־ לָּ֣נוּ עֶזְרָ֣ת מִצָּ֑ר וְ֝שָׁ֗וְא תְּשׁוּעַ֥ת אָדָם׃
14	בֵּֽאלֹהִ֥ים נַעֲשֶׂה־ חָ֑יִל וְ֝ה֗וּא יָב֥וּס צָרֵֽינוּ׃

61
1	לַמְנַצֵּ֬חַ ׀ עַֽל־ נְגִינַ֬ת לְדָוִֽד׃
2	שִׁמְעָ֣ה אֱ֭לֹהִים רִנָּתִ֑י הַ֝קְשִׁ֗יבָה תְּפִלָּתִֽי׃
3	מִקְצֵ֤ה הָאָ֨רֶץ ׀ אֵלֶ֣יךָ אֶ֭קְרָא בַּעֲטֹ֣ף לִבִּ֑י בְּצוּר־ יָר֖וּם מִמֶּ֣נִּי תַנְחֵֽנִי׃
4	כִּֽי־ הָיִ֣יתָ מַחְסֶ֣ה לִ֑י מִגְדַּל־ עֹ֝֗ז מִפְּנֵ֥י אוֹיֵֽב׃
5	אָג֣וּרָה בְ֭אָהָלְךָ עוֹלָמִ֑ים אֶֽחֱסֶ֨ה בְסֵ֖תֶר כְּנָפֶ֣יךָ סֶּֽלָה׃
6	כִּֽי־ אַתָּ֣ה אֱ֭לֹהִים שָׁמַ֣עְתָּ לִנְדָרָ֑י נָתַ֥תָּ יְ֝רֻשַּׁ֗ת יִרְאֵ֥י שְׁמֶֽךָ׃
7	יָמִ֣ים עַל־ יְמֵי־ מֶ֣לֶךְ תּוֹסִ֑יף שְׁ֝נוֹתָ֗יו כְּמוֹ־ דֹ֥ר וָדֹֽר׃
8	יֵשֵׁ֣ב ע֭וֹלָם לִפְנֵ֣י אֱלֹהִ֑ים חֶ֥סֶד וֶ֝אֱמֶ֗ת מַ֣ן יִנְצְרֻֽהוּ׃
9	כֵּ֤ן אֲזַמְּרָ֣ה שִׁמְךָ֣ לָעַ֑ד לְֽשַׁלְּמִ֥י נְ֝דָרַ֗י י֣וֹם ׀ יֽוֹם׃

62
1	לַמְנַצֵּ֥חַ עַֽל־ יְדוּת֗וּן מִזְמ֥וֹר לְדָוִֽד׃
2	אַ֣ךְ אֶל־ אֱ֭לֹהִים דּֽוּמִיָּ֣ה נַפְשִׁ֑י מִ֝מֶּ֗נּוּ יְשׁוּעָתִֽי׃
3	אַךְ־ ה֣וּא צ֭וּרִי וִֽישׁוּעָתִ֑י מִ֝שְׂגַּבִּ֗י לֹא־ אֶמּ֥וֹט רַבָּֽה׃
4	עַד־ אָ֤נָה ׀ תְּהֽוֹתְת֣וּ עַל אִישׁ֮ תְּרָצְּח֢וּ כֻ֫לְּכֶ֥ם כְּקִ֥יר נָט֑וּי גָּ֝דֵ֗ר הַדְּחוּיֽ͏ָה׃
5	אַ֤ךְ מִשְּׂאֵת֨וֹ ׀ יָעֲצ֣וּ לְהַדִּיחַ֮ יִרְצ֢וּ כָ֫זָ֥ב בְּפִ֥יו יְבָרֵ֑כוּ וּ֝בְקִרְבָּ֗ם יְקַלְלוּ־ סֶֽלָה׃
6	אַ֣ךְ לֵ֭אלֹהִים דּ֣וֹמִּי נַפְשִׁ֑י כִּי־ מִ֝מֶּ֗נּוּ תִּקְוָתִֽי׃
7	אַךְ־ ה֣וּא צ֭וּרִי וִֽישׁוּעָתִ֑י מִ֝שְׂגַּבִּ֗י לֹ֣א אֶמּֽוֹט׃
8	עַל־ אֱ֭לֹהִים יִשְׁעִ֣י וּכְבוֹדִ֑י צוּר־ עֻזִּ֥י מַ֝חְסִ֗י בֵּֽאלֹהִֽים׃
9	בִּטְח֘וּ ב֤וֹ בְכָל־ עֵ֨ת ׀ עָ֗ם שִׁפְכֽוּ־ לְפָנָ֥יו לְבַבְכֶ֑ם אֱלֹהִ֖ים מַחֲסֶה־ לָּ֣נוּ סֶֽלָה׃
10	אַ֤ךְ ׀ הֶ֥בֶל בְּנֵֽי־ אָדָם֮ כָּזָ֢ב בְּנֵ֫י אִ֥ישׁ בְּמֹאזְנַ֥יִם לַעֲל֑וֹת הֵ֝֗מָּה מֵהֶ֥בֶל יָֽחַד׃
11	אַל־ תִּבְטְח֣וּ בְעֹשֶׁק֮ וּבְגָזֵ֢ל אַל־ תֶּ֫הְבָּ֥לוּ חַ֤יִל ׀ כִּֽי־ יָנ֑וּב אַל־ תָּשִׁ֥יתוּ לֵֽב׃
12	אַחַ֤ת ׀ דִּבֶּ֬ר אֱלֹהִ֗ים שְׁתַּֽיִם־ ז֥וּ שָׁמָ֑עְתִּי כִּ֥י עֹ֝֗ז לֵאלֹהִֽים׃
13	וּלְךָֽ־ אֲדֹנָ֥י חָ֑סֶד כִּֽי־ אַתָּ֨ה תְשַׁלֵּ֖ם לְאִ֣ישׁ כְּֽמַעֲשֵֽׂהוּ׃
	(4Q83 frg. 14 i,31) ולך אדני חסד כי אתה תשלם לאיש כמעש]הו

63
1	מִזְמ֥וֹר לְדָוִ֑ד בִּ֝הְיוֹת֗וֹ בְּמִדְבַּ֥ר יְהוּדָֽה׃
	(4Q83 frg. 14 i,33) [מזמור לדוד בהיותו במדבר יהודה
2	אֱלֹהִ֤ים ׀ אֵלִ֥י אַתָּ֗ה אֲ‍ֽשַׁחֲ֫רֶ֥ךָּ צָמְאָ֬ה לְךָ֨ ׀ נַפְשִׁ֗י כָּמַ֣הּ לְךָ֣ בְשָׂרִ֑י בְּאֶֽרֶץ־ צִיָּ֖ה וְעָיֵ֣ף בְּלִי־ מָֽיִם׃
	(4Q83 frg. 14 i,33) אלהים אלי אתה אשחרכה צמאה לכה נ]פשי (4Q83 frg. 14 i,34) [כמה לכה בשרי בארץ ציה ועי]ף֯ בלי מי֯[ם
3	כֵּ֭ן בַּקֹּ֣דֶשׁ חֲזִיתִ֑יךָ לִרְא֥וֹת עֻ֝זְּךָ֗ וּכְבוֹדֶֽךָ׃
	(4Q83 frg. 14 i,34) כן בקדש חזיתיך לראות עזך וכבודך]
4	כִּי־ ט֣וֹב חַ֭סְדְּךָ מֵֽחַיִּ֗ים שְׂפָתַ֥י יְשַׁבְּחֽוּנְךָ׃
	(4Q83 frg. 14 i,35) [כי טוב חסדכה מחיים שפ]ת֯י ישבחו[נכה -- ]
5	כֵּ֣ן אֲבָרֶכְךָ֣ בְחַיָּ֑י בְּ֝שִׁמְךָ אֶשָּׂ֥א כַפָּֽי׃
6	כְּמ֤וֹ חֵ֣לֶב וָ֭דֶשֶׁן תִּשְׂבַּ֣ע נַפְשִׁ֑י וְשִׂפְתֵ֥י רְ֝נָנ֗וֹת יְהַלֶּל־ פִּֽי׃
7	אִם־ זְכַרְתִּ֥יךָ עַל־ יְצוּעָ֑י בְּ֝אַשְׁמֻר֗וֹת אֶהְגֶּה־ בָּֽךְ׃
8	כִּֽי־ הָיִ֣יתָ עֶזְרָ֣תָה לִּ֑י וּבְצֵ֖ל כְּנָפֶ֣יךָ אֲרַנֵּֽן׃
9	דָּבְקָ֣ה נַפְשִׁ֣י אַחֲרֶ֑יךָ בִּ֝֗י תָּמְכָ֥ה יְמִינֶֽךָ׃
10	וְהֵ֗מָּה לְ֭שׁוֹאָה יְבַקְשׁ֣וּ נַפְשִׁ֑י יָ֝בֹ֗אוּ בְּֽתַחְתִּיּ֥וֹת הָאָֽרֶץ׃
11	יַגִּירֻ֥הוּ עַל־ יְדֵי־ חָ֑רֶב מְנָ֖ת שֻׁעָלִ֣ים יִהְיֽוּ׃
12	וְהַמֶּלֶךְ֮ יִשְׂמַ֢ח בֵּאלֹ֫הִ֥ים יִ֭תְהַלֵּל כָּל־ הַנִּשְׁבָּ֣ע בּ֑וֹ כִּ֥י יִ֝סָּכֵ֗ר פִּ֣י דֽוֹבְרֵי־ שָֽׁקֶר׃

64
1	לַמְנַצֵּ֗חַ מִזְמ֥וֹר לְדָוִֽד׃
2	שְׁמַע־ אֱלֹהִ֣ים קוֹלִ֣י בְשִׂיחִ֑י מִפַּ֥חַד א֝וֹיֵ֗ב תִּצֹּ֥ר חַיָּֽי׃
3	תַּ֭סְתִּירֵנִי מִסּ֣וֹד מְרֵעִ֑ים מֵ֝רִגְשַׁ֗ת פֹּ֣עֲלֵי אָֽוֶן׃
4	אֲשֶׁ֤ר שָׁנְנ֣וּ כַחֶ֣רֶב לְשׁוֹנָ֑ם דָּרְכ֥וּ חִ֝צָּ֗ם דָּבָ֥ר מָֽר׃
	… (1QH^a 13,15) אשר שננו כחרב לשונם
5	לִיר֣וֹת בַּמִּסְתָּרִ֣ים תָּ֑ם פִּתְאֹ֥ם יֹ֝רֻ֗הוּ וְלֹ֣א יִירָֽאוּ׃
6	יְחַזְּקוּ־ לָ֨מוֹ ׀ דָּ֘בָ֤ר רָ֗ע יְֽ֭סַפְּרוּ לִטְמ֣וֹן מוֹקְשִׁ֑ים אָ֝מְר֗וּ מִ֣י יִרְאֶה־ לָּֽמוֹ׃
7	יַֽחְפְּֽשׂוּ־ עוֹלֹ֗ת תַּ֭מְנוּ חֵ֣פֶשׂ מְחֻפָּ֑שׂ וְקֶ֥רֶב אִ֝֗ישׁ וְלֵ֣ב עָמֹֽק׃
8	וַיֹּרֵ֗ם אֱלֹ֫הִ֥ים חֵ֥ץ פִּתְא֑וֹם הָ֝י֗וּ מַכּוֹתָֽם׃
9	וַיַּכְשִׁיל֣וּהוּ עָלֵ֣ימוֹ לְשׁוֹנָ֑ם יִ֝תְנֹדֲד֗וּ כָּל־ רֹ֥אֵה בָֽם׃
10	וַיִּֽירְא֗וּ כָּל־ אָ֫דָ֥ם וַ֭יַּגִּידוּ פֹּ֥עַל אֱלֹהִ֗ים וּֽמַעֲשֵׂ֥הוּ הִשְׂכִּֽילוּ׃
11	יִשְׂמַ֬ח צַדִּ֣יק בַּ֭יהוָה וְחָ֣סָה ב֑וֹ וְ֝יִתְהַֽלְל֗וּ כָּל־ יִשְׁרֵי־ לֵֽב׃

65
1	לַמְנַצֵּ֥חַ מִזְמ֗וֹר לְדָוִ֥ד שִֽׁיר׃
2	לְךָ֤ דֻֽמִיָּ֬ה תְהִלָּ֓ה אֱלֹ֘הִ֥ים בְּצִיּ֑וֹן וּ֝לְךָ֗ יְשֻׁלַּם־ נֶֽדֶר׃
3	שֹׁמֵ֥עַ תְּפִלָּ֑ה עָ֝דֶ֗יךָ כָּל־ בָּשָׂ֥ר יָבֹֽאוּ׃
4	דִּבְרֵ֣י עֲ֭וֺנֹת גָּ֣בְרוּ מֶ֑נִּי פְּ֝שָׁעֵ֗ינוּ אַתָּ֥ה תְכַפְּרֵֽם׃
5	אַשְׁרֵ֤י ׀ תִּֽבְחַ֣ר וּתְקָרֵב֮ יִשְׁכֹּ֢ן חֲצֵ֫רֶ֥יךָ נִ֭שְׂבְּעָה בְּט֣וּב בֵּיתֶ֑ךָ קְ֝דֹ֗שׁ הֵיכָלֶֽךָ׃
6	נ֤וֹרָא֨וֹת ׀ בְּצֶ֣דֶק תַּ֭עֲנֵנוּ אֱלֹהֵ֣י יִשְׁעֵ֑נוּ מִבְטָ֥ח כָּל־ קַצְוֵי־ אֶ֝֗רֶץ וְיָ֣ם רְחֹקִֽים׃
7	מֵכִ֣ין הָרִ֣ים בְּכֹח֑וֹ נֶ֝אְזָ֗ר בִּגְבוּרָֽה׃
8	מַשְׁבִּ֤יחַ ׀ שְׁא֣וֹן יַ֭מִּים שְׁא֥וֹן גַּלֵּיהֶ֗ם וַהֲמ֥וֹן לְאֻמִּֽים׃
9	וַיִּ֤ירְא֨וּ ׀ יֹשְׁבֵ֣י קְ֭צָוֺת מֵאוֹתֹתֶ֑יךָ מ֤וֹצָֽאֵי־ בֹ֖קֶר וָעֶ֣רֶב תַּרְנִֽין׃
10	פָּ֤קֽ͏ַדְתָּ הָאָ֨רֶץ ׀ וַתְּשֹׁ֪קְקֶ֡הָ רַבַּ֬ת תַּעְשְׁרֶ֗נָּה פֶּ֣לֶג אֱ֭לֹהִים מָ֣לֵא מָ֑יִם תָּכִ֥ין דְּ֝גָנָ֗ם כִּי־ כֵ֥ן תְּכִינֶֽהָ׃
11	תְּלָמֶ֣יהָ רַ֭וֵּה נַחֵ֣ת גְּדוּדֶ֑יהָ בִּרְבִיבִ֥ים תְּ֝מֹגְגֶ֗נָּה צִמְחָ֥הּ תְּבָרֵֽךְ׃
12	עִ֭טַּרְתָּ שְׁנַ֣ת טוֹבָתֶ֑ךָ וּ֝מַעְגָּלֶ֗יךָ יִרְעֲפ֥וּן דָּֽשֶׁן׃
13	יִ֭רְעֲפוּ נְא֣וֹת מִדְבָּ֑ר וְ֝גִ֗יל גְּבָע֥וֹת תַּחְגֹּֽרְנָה׃
14	לָבְשׁ֬וּ כָרִ֨ים ׀ הַצֹּ֗אן וַעֲמָקִ֥ים יַֽעַטְפוּ־ בָ֑ר יִ֝תְרוֹעֲע֗וּ אַף־ יָשִֽׁירוּ׃

66
1	לַ֭מְנַצֵּחַ שִׁ֣יר מִזְמ֑וֹר הָרִ֥יעוּ לֵ֝אלֹהִים כָּל־ הָאָֽרֶץ׃
2	זַמְּר֥וּ כְבֽוֹד־ שְׁמ֑וֹ שִׂ֥ימוּ כָ֝ב֗וֹד תְּהִלָּתֽוֹ׃
3	אִמְר֣וּ לֵ֭אלֹהִים מַה־ נּוֹרָ֣א מַעֲשֶׂ֑יךָ בְּרֹ֥ב עֻ֝זְּךָ֗ יְֽכַחֲשׁ֖וּ לְךָ֣ אֹיְבֶֽיךָ׃
4	כָּל־ הָאָ֤רֶץ ׀ יִשְׁתַּחֲו֣וּ לְ֭ךָ וִֽיזַמְּרוּ־ לָ֑ךְ יְזַמְּר֖וּ שִׁמְךָ֣ סֶֽלָה׃
5	לְכ֣וּ וּ֭רְאוּ מִפְעֲל֣וֹת אֱלֹהִ֑ים נוֹרָ֥א עֲ֝לִילָ֗ה עַל־ בְּנֵ֥י אָדָֽם׃
6	הָ֤פַךְ יָ֨ם ׀ לְֽיַבָּשָׁ֗ה בַּ֭נָּהָר יַֽעַבְר֣וּ בְרָ֑גֶל שָׁ֝֗ם נִשְׂמְחָה־ בּֽוֹ׃
7	מֹ֘שֵׁ֤ל בִּגְבוּרָת֨וֹ ׀ עוֹלָ֗ם עֵ֭ינָיו בַּגּוֹיִ֣ם תִּצְפֶּ֑ינָה הַסּוֹרְרִ֓ים ׀ אַל־ ירימו (יָר֖וּמוּ) לָ֣מוֹ סֶֽלָה׃
8	בָּרְכ֖וּ עַמִּ֥ים ׀ אֱלֹהֵ֑ינוּ וְ֝הַשְׁמִ֗יעוּ ק֣וֹל תְּהִלָּתֽוֹ׃
9	הַשָּׂ֣ם נַ֭פְשֵׁנוּ בַּֽחַיִּ֑ים וְלֹֽא־ נָתַ֖ן לַמּ֣וֹט רַגְלֵֽנוּ׃
10	כִּֽי־ בְחַנְתָּ֥נוּ אֱלֹהִ֑ים צְ֝רַפְתָּ֗נוּ כִּצְרָף־ כָּֽסֶף׃
11	הֲבֵאתָ֥נוּ בַמְּצוּדָ֑ה שַׂ֖מְתָּ מוּעָקָ֣ה בְמָתְנֵֽינוּ׃
12	הִרְכַּ֥בְתָּ אֱנ֗וֹשׁ לְרֹ֫אשֵׁ֥נוּ בָּֽאנוּ־ בָאֵ֥שׁ וּבַמַּ֑יִם וַ֝תּוֹצִיאֵ֗נוּ לָֽרְוָיָֽה׃
13	אָב֣וֹא בֵיתְךָ֣ בְעוֹל֑וֹת אֲשַׁלֵּ֖ם לְךָ֣ נְדָרָֽי׃
14	אֲשֶׁר־ פָּצ֥וּ שְׂפָתָ֑י וְדִבֶּר־ פִּ֝֗י בַּצַּר־ לִֽי׃
15	עֹ֘ל֤וֹת מֵחִ֣ים אַעֲלֶה־ לָּ֭ךְ עִם־ קְטֹ֣רֶת אֵילִ֑ים אֶ֥עֱשֶֽׂה בָקָ֖ר עִם־ עַתּוּדִ֣ים סֶֽלָה׃
16	לְכֽוּ־ שִׁמְע֣וּ וַ֭אֲסַפְּרָה כָּל־ יִרְאֵ֣י אֱלֹהִ֑ים אֲשֶׁ֖ר עָשָׂ֣ה לְנַפְשִֽׁי׃
	(4Q83 frg. 14 ii,28) לכ]ו֯ ושמעו[ ואספרה כול יראי] (4Q83 frg. 14 ii,29) א֯ל֯הים[ אשר עשה לנפשי
17	אֵלָ֥יו פִּֽי־ קָרָ֑אתִי וְ֝רוֹמַ֗ם תַּ֣חַת לְשׁוֹנִֽי׃
	(4Q83 frg. 14 ii,29) אליו פי קראתי ורומם תחת לשוני
18	אָ֭וֶן אִם־ רָאִ֣יתִי בְלִבִּ֑י לֹ֖א יִשְׁמַ֣ע ׀ אֲדֹנָֽי׃
	(4Q83 frg. 14 ii,29) א]ו֯ן אם ר[איתי בלבי לוא ישמע] (4Q83 frg. 14 ii,30) אדני
19	אָ֭כֵן שָׁמַ֣ע אֱלֹהִ֑ים הִ֝קְשִׁ֗יב בְּק֣וֹל תְּפִלָּתִֽי׃
	(4Q83 frg. 14 ii,30) אכן [שמע אלהים הקשיב בקול תפלתי
20	בָּר֥וּךְ אֱלֹהִ֑ים אֲשֶׁ֥ר לֹֽא־ הֵסִ֘יר תְּפִלָּתִ֥י וְ֝חַסְדּ֗וֹ מֵאִתִּֽי׃
	(4Q83 frg. 14 ii,30) ברוך אלהים א]שר לוא [הסיר תפ]לתי וחסד֯[ו] (4Q83 frg. 14 ii,31) מאותי

67
1	לַמְנַצֵּ֥ח בִּנְגִינֹ֗ת מִזְמ֥וֹר שִֽׁיר׃
	(4Q83 frg. 14 ii,32) למנצח֯[ בנגינת מזמור שיר
2	אֱלֹהִ֗ים יְחָנֵּ֥נוּ וִֽיבָרְכֵ֑נוּ יָ֤אֵ֥ר פָּנָ֖יו אִתָּ֣נוּ סֶֽלָה׃
	(4Q83 frg. 14 ii,32) אלהים יחננו ויבר]כ֯נ֯ו֯ יאר פניו א[תנו סלה
3	לָדַ֣עַת בָּאָ֣רֶץ דַּרְכֶּ֑ךָ בְּכָל־ גּ֝וֹיִ֗ם יְשׁוּעָתֶֽךָ׃
	(4Q83 frg. 14 ii,32) לדעת בארץ דרכך] (4Q83 frg. 14 ii,33) [בכל גוים ישועתך
4	יוֹד֖וּךָ עַמִּ֥ים ׀ אֱלֹהִ֑ים י֝וֹד֗וּךָ עַמִּ֥ים כֻּלָּֽם׃
	(4Q83 frg. 14 ii,33) יודוכה עמים ]אלהים יודוכה[ עמים כולם
5	יִֽשְׂמְח֥וּ וִֽירַנְּנ֗וּ לְאֻ֫מִּ֥ים כִּֽי־ תִשְׁפֹּ֣ט עַמִּ֣ים מִישׁ֑וֹר וּלְאֻמִּ֓ים ׀ בָּאָ֖רֶץ תַּנְחֵ֣ם סֶֽלָה׃
	(4Q83 frg. 14 ii,33) ישמחו וירננו לא]מ֯ים (4Q83 frg. 14 ii,34) [כי תשפט עמים מישור ולאמים בארץ תנח]ם סלה
6	יוֹד֖וּךָ עַמִּ֥ים ׀ אֱלֹהִ֑ים י֝וֹד֗וּךָ עַמִּ֥ים כֻּלָּֽם׃
	(4Q83 frg. 14 ii,34) וידוכה [עמים אלהים יודוך עמים] (4Q83 frg. 14 ii,35) [כלם
7	אֶ֭רֶץ נָתְנָ֣ה יְבוּלָ֑הּ יְ֝בָרְכֵ֗נוּ אֱלֹהִ֥ים אֱלֹהֵֽינוּ׃
	(4Q83 frg. 14 ii,35) ארץ נתנה יבולה יברכנו אלהים אלהי]נ֯ו֯
8	יְבָרְכֵ֥נוּ אֱלֹהִ֑ים וְיִֽירְא֥וּ אֹ֝ת֗וֹ כָּל־ אַפְסֵי־ אָֽרֶץ׃
	(4Q83 frg. 14 ii,35) יברכוכה אלהים[ וייראו אתו כל אפסי ארץ]

68
1	לַמְנַצֵּ֥חַ לְדָוִ֗ד מִזְמ֥וֹר שִֽׁיר׃
	(11Q8 frg. 10,1) [למנצח לדויד מזמו]ר שי[ר
2	יָק֣וּם אֱ֭לֹהִים יָפ֣וּצוּ אוֹיְבָ֑יו וְיָנ֥וּסוּ מְ֝שַׂנְאָ֗יו מִפָּנָֽיו׃
	(11Q8 frg. 10,1) יקום אלהים יפוצו אויביו] (11Q8 frg. 10,2) [וינוסו משנאיו מפניו
3	כְּהִנְדֹּ֥ף עָשָׁ֗ן תִּ֫נְדֹּ֥ף כְּהִמֵּ֣ס דּ֭וֹנַג מִפְּנֵי־ אֵ֑שׁ יֹאבְד֥וּ רְ֝שָׁעִ֗ים מִפְּנֵ֥י אֱלֹהִֽים׃
	(11Q8 frg. 10,2) ]כ֯הנדף [עשן תנדף כהמס דונג מפני] (11Q8 frg. 10,3) [אש יאבדו רשעים ]מפני [אלהים
4	וְֽצַדִּיקִ֗ים יִשְׂמְח֣וּ יַֽ֭עַלְצוּ לִפְנֵ֥י אֱלֹהִ֗ים וְיָשִׂ֥ישׂוּ בְשִׂמְחָֽה׃
	(11Q8 frg. 10,3) וצדיקים ישמחו יעלצו] (11Q8 frg. 10,4) [לפני אלהים וישישו] בשמחה֯[
5	שִׁ֤ירוּ ׀ לֵֽאלֹהִים֮ זַמְּר֢וּ שְׁ֫מ֥וֹ סֹ֡לּוּ לָרֹכֵ֣ב בָּ֭עֲרָבוֹת בְּיָ֥הּ שְׁמ֗וֹ וְעִלְז֥וּ לְפָנָֽיו׃
	(11Q8 frg. 10,4) שירו לאלהים זמרו שמו סלו] (11Q8 frg. 10,5) [לרכב בערבות ביה ש]מו ועל[זו לפניו -- ]
6	אֲבִ֣י יְ֭תוֹמִים וְדַיַּ֣ן אַלְמָנ֑וֹת אֱ֝לֹהִ֗ים בִּמְע֥וֹן קָדְשֽׁוֹ׃
7	אֱלֹהִ֤ים ׀ מ֘וֹשִׁ֤יב יְחִידִ֨ים ׀ בַּ֗יְתָה מוֹצִ֣יא אֲ֭סִירִים בַּכּוֹשָׁר֑וֹת אַ֥ךְ ס֝וֹרֲרִ֗ים שָׁכְנ֥וּ צְחִיחָֽה׃
8	אֱ‍ֽלֹהִ֗ים בְּ֭צֵאתְךָ לִפְנֵ֣י עַמֶּ֑ךָ בְּצַעְדְּךָ֖ בִֽישִׁימ֣וֹן סֶֽלָה׃
9	אֶ֤רֶץ רָעָ֨שָׁה ׀ אַף־ שָׁמַ֣יִם נָטְפוּ֮ מִפְּנֵ֢י אֱלֹ֫הִ֥ים זֶ֥ה סִינַ֑י מִפְּנֵ֥י אֱ֝לֹהִ֗ים אֱלֹהֵ֥י יִשְׂרָאֵֽל׃
10	גֶּ֣שֶׁם נְ֭דָבוֹת תָּנִ֣יף אֱלֹהִ֑ים נַחֲלָתְךָ֥ וְ֝נִלְאָ֗ה אַתָּ֥ה כֽוֹנַנְתּֽ͏ָהּ׃
11	חַיָּתְךָ֥ יָֽשְׁבוּ־ בָ֑הּ תָּ֤כִ֥ין בְּטוֹבָתְךָ֖ לֶעָנִ֣י אֱלֹהִֽים׃
12	אֲדֹנָ֥י יִתֶּן־ אֹ֑מֶר הַֽ֝מְבַשְּׂר֗וֹת צָבָ֥א רָֽב׃
13	מַלְכֵ֣י צְ֭בָאוֹת יִדֹּד֣וּן יִדֹּד֑וּן וּנְוַת־ בַּ֝֗יִת תְּחַלֵּ֥ק שָׁלָֽל׃
	(1Q16 frg. 3-7,3) מלכי צבאות ידו֯[דון ידודון ונות בית תחלק שלל] …
14	אִֽם־ תִּשְׁכְּבוּן֮ בֵּ֢ין שְׁפַ֫תָּ֥יִם כַּנְפֵ֣י י֭וֹנָה נֶחְפָּ֣ה בַכֶּ֑סֶף וְ֝אֶבְרוֹתֶ֗יהָ בִּֽירַקְרַ֥ק חָרֽוּץ׃
	(11Q8 frg. 11,1) [בירקר]ק֯[ חרוץ
15	בְּפָ֘רֵ֤שׂ שַׁדַּ֓י מְלָ֘כִ֤ים בָּ֗הּ תַּשְׁלֵ֥ג בְּצַלְמֽוֹן׃
	(11Q8 frg. 11,1) בפרש שדי מלכים בה תשלג בצלמון]
16	הַר־ אֱ֭לֹהִים הַר־ בָּשָׁ֑ן הַ֥ר גַּ֝בְנֻנִּ֗ים הַר־ בָּשָֽׁן׃
	(11Q8 frg. 11,2) [הר] אלוהים ז[ה הר בשן הר גבננים הר בשן
17	לָ֤מָּה ׀ תְּֽרַצְּדוּן֮ הָרִ֢ים גַּבְנֻ֫נִּ֥ים הָהָ֗ר חָמַ֣ד אֱלֹהִ֣ים לְשִׁבְתּ֑וֹ אַף־ יְ֝הוָ֗ה יִשְׁכֹּ֥ן לָנֶֽצַח׃
	(11Q8 frg. 11,2) למה תרצדון] (11Q8 frg. 11,3) [הרים ג]בנונים ה[הר חמד אלהים לשבתו אף יהוה ישכן] (11Q8 frg. 11,4) [לנצ]ח
18	רֶ֤כֶב אֱלֹהִ֗ים רִבֹּתַ֣יִם אַלְפֵ֣י שִׁנְאָ֑ן אֲדֹנָ֥י בָ֝֗ם סִינַ֥י בַּקֹּֽדֶשׁ׃
	(11Q8 frg. 11,4) רכב אל֯[והים רבתים אלפי שנאן אדני בם סיני]
19	עָ֘לִ֤יתָ לַמָּר֨וֹם ׀ שָׁ֘בִ֤יתָ שֶּׁ֗בִי לָקַ֣חְתָּ מַ֭תָּנוֹת בָּאָדָ֑ם וְאַ֥ף ס֝וֹרְרִ֗ים לִשְׁכֹּ֤ן ׀ יָ֬הּ אֱלֹהִֽים׃
20	בָּ֤ר֣וּךְ אֲדֹנָי֮ י֤וֹם ׀ י֥וֹם יַֽעֲמָס־ לָ֗נוּ הָ֘אֵ֤ל יְֽשׁוּעָתֵ֬נוּ סֶֽלָה׃
21	הָ֤אֵ֣ל ׀ לָנוּ֮ אֵ֤ל לְֽמוֹשָׁ֫ע֥וֹת וְלֵיהוִ֥ה אֲדֹנָ֑י לַ֝מָּ֗וֶת תּוֹצָאֽוֹת׃
22	אַךְ־ אֱלֹהִ֗ים יִמְחַץ֮ רֹ֤אשׁ אֹ֫יְבָ֥יו קָדְקֹ֥ד שֵׂעָ֑ר מִ֝תְהַלֵּ֗ךְ בַּאֲשָׁמָֽיו׃
23	אָמַ֣ר אֲ֭דֹנָי מִבָּשָׁ֣ן אָשִׁ֑יב אָ֝שִׁ֗יב מִֽמְּצֻל֥וֹת יָֽם׃
24	לְמַ֤עַן ׀ תִּֽמְחַ֥ץ רַגְלְךָ֗ בְּ֫דָ֥ם לְשׁ֥וֹן כְּלָבֶ֑יךָ מֵאֹיְבִ֥ים מִנֵּֽהוּ׃
25	רָא֣וּ הֲלִיכוֹתֶ֣יךָ אֱלֹהִ֑ים הֲלִ֘יכ֤וֹת אֵלִ֖י מַלְכִּ֣י בַקֹּֽדֶשׁ׃
26	קִדְּמ֣וּ שָׁ֭רִים אַחַ֣ר נֹגְנִ֑ים בְּת֥וֹךְ עֲ֝לָמ֗וֹת תּוֹפֵפֽוֹת׃
	(1Q16 frg. 8,1) בתוך עולמות תופפו]ת
27	בְּֽ֭מַקְהֵלוֹת בָּרְכ֣וּ אֱלֹהִ֑ים יְ֝הוָ֗ה מִמְּק֥וֹר יִשְׂרָאֵֽל׃
	(1Q16 frg. 8,1) במקהלות ברכו אלוהי[ם --]
28	שָׁ֤ם בִּנְיָמִ֨ן ׀ צָעִ֡יר רֹדֵ֗ם שָׂרֵ֣י יְ֭הוּדָה רִגְמָתָ֑ם שָׂרֵ֥י זְ֝בֻל֗וּן שָׂרֵ֥י נַפְתָּלִֽי׃
29	צִוָּ֥ה אֱלֹהֶ֗יךָ עֻ֫זֶּ֥ךָ עוּזָּ֥ה אֱלֹהִ֑ים ז֝֗וּ פָּעַ֥לְתָּ לָּֽנוּ׃
30	מֵֽ֭הֵיכָלֶךָ עַל־ יְרוּשָׁלָ֑͏ִם לְךָ֤ יוֹבִ֖ילוּ מְלָכִ֣ים שָֽׁי׃
	(1Q16 frg. 9-10,1) [מהיכלך על ירושלם לך יובילו מלכי]ם שי …
31	גְּעַ֨ר חַיַּ֪ת קָנֶ֡ה עֲדַ֤ת אַבִּירִ֨ים ׀ בְּעֶגְלֵ֬י עַמִּ֗ים מִתְרַפֵּ֥ס בְּרַצֵּי־ כָ֑סֶף בִּזַּ֥ר עַ֝מִּ֗ים קְרָב֥וֹת יֶחְפָּֽצוּ׃
	(1Q16 frg. 9-10,2) גערת [חיית קנה] (1Q16 frg. 9-10,3) [עדת אבירים בעגלי עמים מתרפס ברוצי] כסף …
32	יֶאֱתָ֣יוּ חַ֭שְׁמַנִּים מִנִּ֣י מִצְרָ֑יִם כּ֥וּשׁ תָּרִ֥יץ יָ֝דָ֗יו לֵאלֹהִֽים׃
33	מַמְלְכ֣וֹת הָ֭אָרֶץ שִׁ֣ירוּ לֵאלֹהִ֑ים זַמְּר֖וּ אֲדֹנָ֣י סֶֽלָה׃
34	לָ֭רֹכֵב בִּשְׁמֵ֣י שְׁמֵי־ קֶ֑דֶם הֵ֥ן יִתֵּ֥ן בְּ֝קוֹלוֹ ק֣וֹל עֹֽז׃
35	תְּנ֥וּ עֹ֗ז לֵֽאלֹ֫הִ֥ים עַֽל־ יִשְׂרָאֵ֥ל גַּאֲוָת֑וֹ וְ֝עֻזּ֗וֹ בַּשְּׁחָקִֽים׃
36	נ֤וֹרָ֥א אֱלֹהִ֗ים מִֽמִּקְדָּ֫שֶׁ֥יךָ אֵ֤ל יִשְׂרָאֵ֗ל ה֤וּא נֹתֵ֨ן ׀ עֹ֖ז וְתַעֲצֻמ֥וֹת לָעָ֗ם בָּר֥וּךְ אֱלֹהִֽים׃

69
1	לַמְנַצֵּ֬חַ עַֽל־ שׁוֹשַׁנִּ֬ים לְדָוִֽד׃
	(4Q83 frg. 19 ii-20,25) [למנצח ]ע֯ל שושנים לדויד
2	הוֹשִׁיעֵ֥נִי אֱלֹהִ֑ים כִּ֤י בָ֖אוּ מַ֣יִם עַד־ נָֽפֶשׁ׃
	(4Q83 frg. 19 ii-20,25) הוש[יעני אלהים כי באו מים ע]ד֯ נפש
3	טָבַ֤עְתִּי ׀ בִּיוֵ֣ן מְ֭צוּלָה וְאֵ֣ין מָעֳמָ֑ד בָּ֥אתִי בְמַעֲמַקֵּי־ מַ֝֗יִם וְשִׁבֹּ֥לֶת שְׁטָפָֽתְנִי׃
	(4Q83 frg. 19 ii-20,25) טבעתי בין מצולה אין מ[עמד] (4Q83 frg. 19 ii-20,26) [באתי ]במעמקי מים שבולת ש֯[טפתני
4	יָגַ֣עְתִּי בְקָרְאִי֮ נִחַ֢ר גְּר֫וֹנִ֥י כָּל֥וּ עֵינַ֑י מְ֝יַחֵ֗ל לֵאלֹהָֽי׃
	(4Q83 frg. 19 ii-20,26) יגעתי בקראי נחר גרונ]י כליו שני בחיל לאלהי יש[ראל]
5	רַבּ֤וּ ׀ מִשַּׂעֲר֣וֹת רֹאשִׁי֮ שֹׂנְאַ֢י חִ֫נָּ֥ם עָצְמ֣וּ מַ֭צְמִיתַי אֹיְבַ֣י שֶׁ֑קֶר אֲשֶׁ֥ר לֹא־ גָ֝זַ֗לְתִּי אָ֣ז אָשִֽׁיב׃
	(4Q83 frg. 19 ii-20,27) [ר]ב֯ו֯ משערי ראשי שונאי חנם[ עצמו מצמיתי איבי שקר אשר] לוא גזלתי֯ [אז אשיב
6	אֱ‍ֽלֹהִ֗ים אַתָּ֣ה יָ֭דַעְתָּ לְאִוַּלְתִּ֑י וְ֝אַשְׁמוֹתַ֗י מִמְּךָ֥ לֹא־ נִכְחָֽדוּ׃
	(4Q83 frg. 19 ii-20,27) אלהים] (4Q83 frg. 19 ii-20,28) א֯תה ידעתה לוא לויתי ואשלמנ֯[ה --
7	אַל־ יֵ֘בֹ֤שׁוּ בִ֨י ׀ קֹוֶיךָ֮ אֲדֹנָ֥י יְהוִ֗ה צְבָ֫א֥וֹת אַל־ יִכָּ֣לְמוּ בִ֣י מְבַקְשֶׁ֑יךָ אֱ֝לֹהֵ֗י יִשְׂרָאֵֽל׃
	(4Q83 frg. 19 ii-20,28) אל י]ב֯ושו קויכה א֯[דני יה]ו֯ה֯[ צבאות אל] (4Q83 frg. 19 ii-20,29) [י]כ֯למו מבקשיכה אלהי ישראל
8	כִּֽי־ עָ֭לֶיךָ נָשָׂ֣אתִי חֶרְפָּ֑ה כִּסְּתָ֖ה כְלִמָּ֣ה פָנָֽי׃
	(4Q83 frg. 19 ii-20,29) כ[י ע]ל֯יכה נ[שאתי חרפה כסת]ה֯ כלמה פני מי
9	מ֭וּזָר הָיִ֣יתִי לְאֶחָ֑י וְ֝נָכְרִ֗י לִבְנֵ֥י אִמִּֽי׃
	(4Q83 frg. 19 ii-20,29) זר היית[י לאחי] (4Q83 frg. 19 ii-20,30) נכרי לבני אמי
10	כִּֽי־ קִנְאַ֣ת בֵּיתְךָ֣ אֲכָלָ֑תְנִי וְחֶרְפּ֥וֹת ח֝וֹרְפֶ֗יךָ נָפְל֥וּ עָלָֽי׃
	(4Q83 frg. 19 ii-20,30) כי קנא[ת ביתכה] אכלתני וחרפ֯[ות חורפיכה נ]פ֯לו עלי
11	וָאֶבְכֶּ֣ה בַצּ֣וֹם נַפְשִׁ֑י וַתְּהִ֖י לַחֲרָפ֣וֹת לִֽי׃
	(4Q83 frg. 19 ii-20,30) ואך בצום נפשי ות֯[הי] (4Q83 frg. 19 ii-20,31) לחרפות לי
12	וָאֶתְּנָ֣ה לְבוּשִׁ֣י שָׂ֑ק וָאֱהִ֖י לָהֶ֣ם לְמָשָֽׁל׃
	(4Q83 frg. 19 ii-20,31) ואתנה לב֯[ושי ]שק ותהי להם [למשל
13	יָשִׂ֣יחוּ בִ֭י יֹ֣שְׁבֵי שָׁ֑עַר וּ֝נְגִינ֗וֹת שׁוֹתֵ֥י שֵׁכָֽר׃
	(4Q83 frg. 19 ii-20,31) י]שיחו ישבי שער בי ינגנו[ ש]תי֯ (4Q83 frg. 19 ii-20,32) שכר
14	וַאֲנִ֤י תְפִלָּתִֽי־ לְךָ֨ ׀ יְהוָ֡ה עֵ֤ת רָצ֗וֹן אֱלֹהִ֥ים בְּרָב־ חַסְדֶּ֑ךָ עֲ֝נֵ֗נִי בֶּאֱמֶ֥ת יִשְׁעֶֽךָ׃
	(4Q83 frg. 19 ii-20,32) ואני תפלתי למה[ יהו]ה עתה רצון אלה֯[ים ב]רב חסדכה ענני באמת ישעכה ○[ ]
15	הַצִּילֵ֣נִי מִ֭טִּיט וְאַל־ אֶטְבָּ֑עָה אִנָּצְלָ֥ה מִ֝שֹּֽׂנְאַ֗י וּמִמַּֽעֲמַקֵּי־ מָֽיִם׃
	(4Q83 frg. 19 ii-20,33) הצילני מטיט [ו]א֯ל֯ א֯טבע֯[ה … הצ]ילני משנאי מעמקי מים
16	אַל־ תִּשְׁטְפֵ֤נִי ׀ שִׁבֹּ֣לֶת מַ֭יִם וְאַל־ תִּבְלָעֵ֣נִי מְצוּלָ֑ה וְאַל־ תֶּאְטַר־ עָלַ֖י בְּאֵ֣ר פִּֽיהָ׃
	(4Q83 frg. 19 ii-20,33) אל תשט֯[פני] (4Q83 frg. 19 ii-20,34) שבולת מים ואל תטבעני מצולה ואל ת[אטר על]י בא֯ר פי
17	עֲנֵ֣נִי יְ֭הוָה כִּי־ ט֣וֹב חַסְדֶּ֑ךָ כְּרֹ֥ב רַ֝חֲמֶ֗יךָ פְּנֵ֣ה אֵלָֽי׃
	(4Q83 frg. 19 ii-20,34) ענני כטוב חסדכה כר֯[ב רחמיכה] (4Q83 frg. 19 ii-20,35) פנה אלי
18	וְאַל־ תַּסְתֵּ֣ר פָּ֭נֶיךָ מֵֽעַבְדֶּ֑ךָ כִּֽי־ צַר־ לִ֝֗י מַהֵ֥ר עֲנֵֽנִי׃
	(4Q83 frg. 19 ii-20,35) אל תסתר פניכה מעבדכה כי[ צר לי מה]ר֯ה ענני
19	קָרְבָ֣ה אֶל־ נַפְשִׁ֣י גְאָלָ֑הּ לְמַ֖עַן אֹיְבַ֣י פְּדֵֽנִי׃
	(4Q83 frg. 19 ii-20,35) קרב על נפשי גאלה ל[מען איבי]
20	אַתָּ֤ה יָדַ֗עְתָּ חֶרְפָּתִ֣י וּ֭בָשְׁתִּי וּכְלִמָּתִ֑י נֶ֝גְדְּךָ֗ כָּל־ צוֹרְרָֽי׃
21	חֶרְפָּ֤ה ׀ שָֽׁבְרָ֥ה לִבִּ֗י וָֽאָ֫נ֥וּשָׁה וָאֲקַוֶּ֣ה לָנ֣וּד וָאַ֑יִן וְ֝לַמְנַחֲמִ֗ים וְלֹ֣א מָצָֽאתִי׃
22	וַיִּתְּנ֣וּ בְּבָרוּתִ֣י רֹ֑אשׁ וְ֝לִצְמָאִ֗י יַשְׁק֥וּנִי חֹֽמֶץ׃
23	יְהִֽי־ שֻׁלְחָנָ֣ם לִפְנֵיהֶ֣ם לְפָ֑ח וְלִשְׁלוֹמִ֥ים לְמוֹקֵֽשׁ׃
24	תֶּחְשַׁ֣כְנָה עֵ֭ינֵיהֶם מֵרְא֑וֹת וּ֝מָתְנֵ֗יהֶם תָּמִ֥יד הַמְעַֽד׃
25	שְׁפָךְ־ עֲלֵיהֶ֥ם זַעְמֶ֑ךָ וַחֲר֥וֹן אַ֝פְּךָ֗ יַשִּׂיגֵֽם׃
26	תְּהִי־ טִֽירָתָ֥ם נְשַׁמָּ֑ה בְּ֝אָהֳלֵיהֶ֗ם אַל־ יְהִ֥י יֹשֵֽׁב׃
27	כִּֽי־ אַתָּ֣ה אֲשֶׁר־ הִכִּ֣יתָ רָדָ֑פוּ וְאֶל־ מַכְא֖וֹב חֲלָלֶ֣יךָ יְסַפֵּֽרוּ׃
28	תְּֽנָה־ עָ֭וֺן עַל־ עֲוֺנָ֑ם וְאַל־ יָ֝בֹ֗אוּ בְּצִדְקָתֶֽךָ׃
29	יִ֭מָּחֽוּ מִסֵּ֣פֶר חַיִּ֑ים וְעִ֥ם צַ֝דִּיקִ֗ים אַל־ יִכָּתֵֽבוּ׃
30	וַ֭אֲנִי עָנִ֣י וְכוֹאֵ֑ב יְשׁוּעָתְךָ֖ אֱלֹהִ֣ים תְּשַׂגְּבֵֽנִי׃
31	אֲהַֽלְלָ֣ה שֵׁם־ אֱלֹהִ֣ים בְּשִׁ֑יר וַאֲגַדְּלֶ֥נּוּ בְתוֹדָֽה׃
32	וְתִיטַ֣ב לַֽ֭יהוָה מִשּׁ֥וֹר פָּ֗ר מַקְרִ֥ן מַפְרִֽיס׃
33	רָא֣וּ עֲנָוִ֣ים יִשְׂמָ֑חוּ דֹּרְשֵׁ֥י אֱ֝לֹהִ֗ים וִיחִ֥י לְבַבְכֶֽם׃
34	כִּֽי־ שֹׁמֵ֣עַ אֶל־ אֶבְיוֹנִ֣ים יְהוָ֑ה וְאֶת־ אֲ֝סִירָ֗יו לֹ֣א בָזָֽה׃
35	יְֽ֭הַלְלוּהוּ שָׁמַ֣יִם וָאָ֑רֶץ יַ֝מִּ֗ים וְֽכָל־ רֹמֵ֥שׂ בָּֽם׃
36	כִּ֤י אֱלֹהִ֨ים ׀ י֘וֹשִׁ֤יעַ צִיּ֗וֹן וְ֭יִבְנֶה עָרֵ֣י יְהוּדָ֑ה וְיָ֥שְׁבוּ שָׁ֝֗ם וִירֵשֽׁוּהָ׃
37	וְזֶ֣רַע עֲ֭בָדָיו יִנְחָל֑וּהָ וְאֹהֲבֵ֥י שְׁ֝מ֗וֹ יִשְׁכְּנוּ־ בָֽהּ׃

70
1	לַ֝מְנַצֵּ֗חַ לְדָוִ֥ד לְהַזְכִּֽיר׃
2	אֱלֹהִ֥ים לְהַצִּילֵ֑נִי יְ֝הוָ֗ה לְעֶזְרָ֥תִי חֽוּשָֽׁה׃
3	יֵבֹ֣שׁוּ וְיַחְפְּרוּ֮ מְבַקְשֵׁ֢י נַ֫פְשִׁ֥י יִסֹּ֣גוּ אָ֭חוֹר וְיִכָּלְמ֑וּ חֲ֝פֵצֵ֗י רָעָתִֽי׃
4	יָ֭שׁוּבוּ עַל־ עֵ֣קֶב בָּשְׁתָּ֑ם הָ֝אֹמְרִ֗ים הֶ֘אָ֥ח ׀ הֶאָֽח׃
5	יָ֘שִׂ֤ישׂוּ וְיִשְׂמְח֨וּ ׀ בְּךָ֗ כָּֽל־ מְבַ֫קְשֶׁ֥יךָ וְיֹאמְר֣וּ תָ֭מִיד יִגְדַּ֣ל אֱלֹהִ֑ים אֹ֝הֲבֵ֗י יְשׁוּעָתֶֽךָ׃
6	וַאֲנִ֤י ׀ עָנִ֣י וְאֶבְיוֹן֮ אֱלֹהִ֢ים חֽוּשָׁ֫ה־ לִּ֥י עֶזְרִ֣י וּמְפַלְטִ֣י אַ֑תָּה יְ֝הוָ֗ה אַל־ תְּאַחַֽר׃

71
1	בְּךָֽ־ יְהוָ֥ה חָסִ֑יתִי אַל־ אֵב֥וֹשָׁה לְעוֹלָֽם׃
	(4Q83 frg. 9 ii,5) תשועתי בכה יהוה חסיתי אל אבושה לעו֯[לם
2	בְּצִדְקָתְךָ֗ תַּצִּילֵ֥נִי וּֽתְפַלְּטֵ֑נִי הַטֵּֽה־ אֵלַ֥י אָ֝זְנְךָ֗ וְהוֹשִׁיעֵֽנִי׃
	(4Q83 frg. 9 ii,5) בצדקתכה] (4Q83 frg. 9 ii,6) הצילני תפלטני הטה אלי אוזנכה הצילני
3	הֱיֵ֤ה לִ֨י ׀ לְצ֥וּר מָע֡וֹן לָב֗וֹא תָּמִ֗יד צִוִּ֥יתָ לְהוֹשִׁיעֵ֑נִי כִּֽי־ סַלְעִ֖י וּמְצוּדָתִ֣י אָֽתָּה׃
	(4Q83 frg. 9 ii,6) היה לי לצור מעון לבי עדמ○[ -- ] (4Q83 frg. 9 ii,7) כ֯י֯ סלעי ומצודתי אתה
4	אֱ‍ֽלֹהַ֗י פַּ֭לְּטֵנִי מִיַּ֣ד רָשָׁ֑ע מִכַּ֖ף מְעַוֵּ֣ל וְחוֹמֵץ׃
	(4Q83 frg. 9 ii,7) אלהי פלטני מיד רשע מכף מעול ו֯חמוץ
5	כִּֽי־ אַתָּ֥ה תִקְוָתִ֑י אֲדֹנָ֥י יְ֝הוִ֗ה מִבְטַחִ֥י מִנְּעוּרָֽי׃
	(4Q83 frg. 9 ii,7) כי א[תה תקותי אדני] (4Q83 frg. 9 ii,8) [י]ה֯וה מבטחי מנעורי
6	עָלֶ֤יךָ ׀ נִסְמַ֬כְתִּי מִבֶּ֗טֶן מִמְּעֵ֣י אִ֭מִּי אַתָּ֣ה גוֹזִ֑י בְּךָ֖ תְהִלָּתִ֣י תָמִֽיד׃
	(4Q83 frg. 9 ii,8) עליכ֯ה נסמכתי֯ מ֯[בטן ]ממעי אמי את֯ה֯ עוזי בכה֯[ תהלתי תמיד]
7	כְּ֭מוֹפֵת הָיִ֣יתִי לְרַבִּ֑ים וְ֝אַתָּ֗ה מַֽחֲסִי־ עֹֽז׃
	(4Q83 frg. 9 ii,9) כמופת הייתי לרבים ואתה מחסי עוז
8	יִמָּ֣לֵא פִ֭י תְּהִלָּתֶ֑ךָ כָּל־ הַ֝יּ֗וֹם תִּפְאַרְתֶּֽךָ׃
	(4Q83 frg. 9 ii,9) ימלא֯ פ֯י֯ תהלתכה כול היום ת[פארתכה]
9	אַֽל־ תַּ֭שְׁלִיכֵנִי לְעֵ֣ת זִקְנָ֑ה כִּכְל֥וֹת כֹּ֝חִ֗י אֽ͏ַל־ תַּעַזְבֵֽנִי׃
	(4Q83 frg. 9 ii,10) אל תשליכני לעת זקנה ככלות כוחי אל תעז[בני]
10	כִּֽי־ אָמְר֣וּ אוֹיְבַ֣י לִ֑י וְשֹׁמְרֵ֥י נַ֝פְשִׁ֗י נוֹעֲצ֥וּ יַחְדָּֽו׃
	(4Q83 frg. 9 ii,10) כי֯ אמרו א֯יבי ל֯[י ושמרי נפשי נועצו] (4Q83 frg. 9 ii,11) י֯חדו֯
11	לֵ֭אמֹר אֱלֹהִ֣ים עֲזָב֑וֹ רִֽדְפ֥וּ וְ֝תִפְשׂ֗וּהוּ כִּי־ אֵ֥ין מַצִּֽיל׃
	(4Q83 frg. 9 ii,11) לאמור אלהים עזבו רדפו תפ[שוהו כי אין מציל
12	אֱ֭לֹהִים אַל־ תִּרְחַ֣ק מִמֶּ֑נִּי אֱ֝לֹהַ֗י לְעֶזְרָ֥תִי חישה (חֽוּשָׁה׃)
	(4Q83 frg. 9 ii,11) א]ל[הי]ם֯[ אל תרחק ממני אלהי] (4Q83 frg. 9 ii,12) [לע]ז֯רתי חישה
13	יֵבֹ֣שׁוּ יִכְלוּ֮ שֹׂטְנֵ֢י נַ֫פְשִׁ֥י יַֽעֲט֣וּ חֶ֭רְפָּה וּכְלִמָּ֑ה מְ֝בַקְשֵׁ֗י רָעָתִֽי׃
	(4Q83 frg. 9 ii,12) יבושו ויכל[ו שטני נפשי יעטו חרפה וכלמה מבקשי רעתי
14	וַ֭אֲנִי תָּמִ֣יד אֲיַחֵ֑ל וְ֝הוֹסַפְתִּ֗י עַל־ כָּל־ תְּהִלָּתֶֽךָ׃
	(4Q83 frg. 9 ii,12) ואני תמיד] (4Q83 frg. 9 ii,13) [או]ח֯יל ([אי]ח֯יל) ו֯הוספתי על כול ת֯[הלתכה -- ]
15	פִּ֤י ׀ יְסַפֵּ֬ר צִדְקָתֶ֗ךָ כָּל־ הַיּ֥וֹם תְּשׁוּעָתֶ֑ךָ כִּ֤י לֹ֖א יָדַ֣עְתִּי סְפֹרֽוֹת׃
16	אָב֗וֹא בִּ֭גְבֻרוֹת אֲדֹנָ֣י יְהוִ֑ה אַזְכִּ֖יר צִדְקָתְךָ֣ לְבַדֶּֽךָ׃
17	אֱ‍ֽלֹהִ֗ים לִמַּדְתַּ֥נִי מִנְּעוּרָ֑י וְעַד־ הֵ֝֗נָּה אַגִּ֥יד נִפְלְאוֹתֶֽיךָ׃
18	וְגַ֤ם עַד־ זִקְנָ֨ה ׀ וְשֵׂיבָה֮ אֱלֹהִ֢ים אַֽל־ תַּעַ֫זְבֵ֥נִי עַד־ אַגִּ֣יד זְרוֹעֲךָ֣ לְד֑וֹר לְכָל־ יָ֝ב֗וֹא גְּבוּרָתֶֽךָ׃
19	וְצִדְקָתְךָ֥ אֱלֹהִ֗ים עַד־ מָ֫ר֥וֹם אֲשֶׁר־ עָשִׂ֥יתָ גְדֹל֑וֹת אֱ֝לֹהִ֗ים מִ֣י כָמֽוֹךָ׃
20	אֲשֶׁ֤ר הראיתנו (הִרְאִיתַ֨נִי ׀) צָר֥וֹת רַבּ֗וֹת וְרָ֫ע֥וֹת תָּשׁ֥וּב תחיינו (תְּחַיֵּ֑ינִי) וּֽמִתְּהֹמ֥וֹת הָ֝אָ֗רֶץ תָּשׁ֥וּב תַּעֲלֵֽנִי׃
21	תֶּ֤רֶב ׀ גְּֽדֻלָּתִ֗י וְתִסֹּ֥ב תְּֽנַחֲמֵֽנִי׃
22	גַּם־ אֲנִ֤י ׀ אוֹדְךָ֣ בִכְלִי־ נֶבֶל֮ אֲמִתְּךָ֢ אֱלֹ֫הָ֥י אֲזַמְּרָ֣ה לְךָ֣ בְכִנּ֑וֹר קְ֝ד֗וֹשׁ יִשְׂרָאֵֽל׃
23	תְּרַנֵּ֣נָּ֣ה שְׂ֭פָתַי כִּ֣י אֲזַמְּרָה־ לָּ֑ךְ וְ֝נַפְשִׁ֗י אֲשֶׁ֣ר פָּדִֽיתָ׃
24	גַּם־ לְשׁוֹנִ֗י כָּל־ הַ֭יּוֹם תֶּהְגֶּ֣ה צִדְקָתֶ֑ךָ כִּי־ בֹ֥שׁוּ כִֽי־ חָ֝פְר֗וּ מְבַקְשֵׁ֥י רָעָתִֽי׃

72
1	לִשְׁלֹמֹ֨ה ׀ אֱ‍ֽלֹהִ֗ים מִ֭שְׁפָּטֶיךָ לְמֶ֣לֶךְ תֵּ֑ן וְצִדְקָתְךָ֥ לְבֶן־ מֶֽלֶךְ׃
2	יָדִ֣ין עַמְּךָ֣ בְצֶ֑דֶק וַעֲנִיֶּ֥יךָ בְמִשְׁפָּֽט׃
3	יִשְׂא֤וּ הָרִ֓ים שָׁ֘ל֥וֹם לָעָ֑ם וּ֝גְבָע֗וֹת בִּצְדָקָֽה׃
4	יִשְׁפֹּ֤ט ׀ עֲ‍ֽנִיֵּי־ עָ֗ם י֭וֹשִׁיעַ לִבְנֵ֣י אֶבְי֑וֹן וִֽידַכֵּ֣א עוֹשֵֽׁק׃
5	יִֽירָא֥וּךָ עִם־ שָׁ֑מֶשׁ וְלִפְנֵ֥י יָ֝רֵ֗חַ דּ֣וֹר דּוֹרִֽים׃
6	יֵ֭רֵד כְּמָטָ֣ר עַל־ גֵּ֑ז כִּ֝רְבִיבִ֗ים זַרְזִ֥יף אָֽרֶץ׃
7	יִֽפְרַח־ בְּיָמָ֥יו צַדִּ֑יק וְרֹ֥ב שָׁ֝ל֗וֹם עַד־ בְּלִ֥י יָרֵֽחַ׃
8	וְ֭יֵרְדְּ מִיָּ֣ם עַד־ יָ֑ם וּ֝מִנָּהָ֗ר עַד־ אַפְסֵי־ אָֽרֶץ׃
9	לְ֭פָנָיו יִכְרְע֣וּ צִיִּ֑ים וְ֝אֹיְבָ֗יו עָפָ֥ר יְלַחֵֽכוּ׃
10	מַלְכֵ֬י תַרְשִׁ֣ישׁ וְ֭אִיִּים מִנְחָ֣ה יָשִׁ֑יבוּ מַלְכֵ֥י שְׁבָ֥א וּ֝סְבָ֗א אֶשְׁכָּ֥ר יַקְרִֽיבוּ׃
11	וְיִשְׁתַּחֲווּ־ ל֥וֹ כָל־ מְלָכִ֑ים כָּל־ גּוֹיִ֥ם יַֽעַבְדֽוּהוּ׃
12	כִּֽי־ יַ֭צִּיל אֶבְי֣וֹן מְשַׁוֵּ֑עַ וְ֝עָנִ֗י וְֽאֵין־ עֹזֵ֥ר לֽוֹ׃
13	יָ֭חֹס עַל־ דַּ֣ל וְאֶבְי֑וֹן וְנַפְשׁ֖וֹת אֶבְיוֹנִ֣ים יוֹשִֽׁיעַ׃
14	מִתּ֣וֹךְ וּ֭מֵחָמָס יִגְאַ֣ל נַפְשָׁ֑ם וְיֵיקַ֖ר דָּמָ֣ם בְּעֵינָֽיו׃
15	וִיחִ֗י וְיִתֶּן־ לוֹ֮ מִזְּהַ֢ב שְׁ֫בָ֥א וְיִתְפַּלֵּ֣ל בַּעֲד֣וֹ תָמִ֑יד כָּל־ הַ֝יּ֗וֹם יְבָרֲכֶֽנְהֽוּ׃
16	יְהִ֤י פִסַּת־ בַּ֨ר ׀ בָּאָרֶץ֮ בְּרֹ֢אשׁ הָ֫רִ֥ים יִרְעַ֣שׁ כַּלְּבָנ֣וֹן פִּרְי֑וֹ וְיָצִ֥יצוּ מֵ֝עִ֗יר כְּעֵ֣שֶׂב הָאָֽרֶץ׃
17	יְהִ֤י שְׁמ֨וֹ לְֽעוֹלָ֗ם לִפְנֵי־ שֶׁמֶשׁ֮ ינין (יִנּ֢וֹן) שְׁ֫מ֥וֹ וְיִתְבָּ֥רְכוּ ב֑וֹ כָּל־ גּוֹיִ֥ם יְאַשְּׁרֽוּהוּ׃
18	בָּר֤וּךְ ׀ יְהוָ֣ה אֱ֭לֹהִים אֱלֹהֵ֣י יִשְׂרָאֵ֑ל עֹשֵׂ֖ה נִפְלָא֣וֹת לְבַדּֽוֹ׃
19	וּבָר֤וּךְ ׀ שֵׁ֥ם כְּבוֹד֗וֹ לְע֫וֹלָ֥ם וְיִמָּלֵ֣א כְ֭בוֹדוֹ אֶת־ כֹּ֥ל הָאָ֗רֶץ אָ֘מֵ֥ן ׀ וְאָמֵֽן׃
20	כָּלּ֥וּ תְפִלּ֑וֹת דָּ֝וִ֗ד בֶּן־ יִשָֽׁי׃

73
1	מִזְמ֗וֹר לְאָ֫סָ֥ף אַ֤ךְ ט֭וֹב לְיִשְׂרָאֵ֥ל אֱלֹהִ֗ים לְבָרֵ֥י לֵבָֽב׃
2	וַאֲנִ֗י כִּ֭מְעַט נטוי (נָטָ֣יוּ) רַגְלָ֑י כְּ֝אַ֗יִן שפכה (שֻׁפְּכ֥וּ) אֲשֻׁרָֽי׃
3	כִּֽי־ קִ֭נֵּאתִי בַּֽהוֹלְלִ֑ים שְׁל֖וֹם רְשָׁעִ֣ים אֶרְאֶֽה׃
4	כִּ֤י אֵ֖ין חַרְצֻבּ֥וֹת לְמוֹתָ֗ם וּבָרִ֥יא אוּלָֽם׃
5	בַּעֲמַ֣ל אֱנ֣וֹשׁ אֵינֵ֑מוֹ וְעִם־ אָ֝דָ֗ם לֹ֣א יְנֻגָּֽעוּ׃
6	לָ֭כֵן עֲנָקַ֣תְמוֹ גַאֲוָ֑ה יַעֲטָף־ שִׁ֝֗ית חָמָ֥ס לָֽמוֹ׃
7	יָ֭צָא מֵחֵ֣לֶב עֵינֵ֑מוֹ עָ֝בְר֗וּ מַשְׂכִּיּ֥וֹת לֵבָֽב׃
8	יָמִ֤יקוּ ׀ וִידַבְּר֣וּ בְרָ֣ע עֹ֑שֶׁק מִמָּר֥וֹם יְדַבֵּֽרוּ׃
9	שַׁתּ֣וּ בַשָּׁמַ֣יִם פִּיהֶ֑ם וּ֝לְשׁוֹנָ֗ם תִּֽהֲלַ֥ךְ בָּאָֽרֶץ׃
10	לָכֵ֤ן ׀ ישיב (יָשׁ֣וּב) עַמּ֣וֹ הֲלֹ֑ם וּמֵ֥י מָ֝לֵ֗א יִמָּ֥צוּ לָֽמוֹ׃
11	וְֽאָמְר֗וּ אֵיכָ֥ה יָדַֽע־ אֵ֑ל וְיֵ֖שׁ דֵּעָ֣ה בְעֶלְיֽוֹן׃
12	הִנֵּה־ אֵ֥לֶּה רְשָׁעִ֑ים וְשַׁלְוֵ֥י ע֝וֹלָ֗ם הִשְׂגּוּ־ חָֽיִל׃
13	אַךְ־ רִ֭יק זִכִּ֣יתִי לְבָבִ֑י וָאֶרְחַ֖ץ בְּנִקָּי֣וֹן כַּפָּֽי׃
14	וָאֱהִ֣י נָ֭גוּעַ כָּל־ הַיּ֑וֹם וְ֝תוֹכַחְתִּ֗י לַבְּקָרִֽים׃
15	אִם־ אָ֭מַרְתִּי אֲסַפְּרָ֥ה כְמ֑וֹ הִנֵּ֤ה ד֭וֹר בָּנֶ֣יךָ בָגָֽדְתִּי׃
16	וָֽ֭אֲחַשְּׁבָה לָדַ֣עַת זֹ֑את עָמָ֖ל היא (ה֣וּא) בְעֵינָֽי׃
17	עַד־ אָ֭בוֹא אֶל־ מִקְדְּשֵׁי־ אֵ֑ל אָ֝בִ֗ינָה לְאַחֲרִיתָֽם׃
18	אַ֣ךְ בַּ֭חֲלָקוֹת תָּשִׁ֣ית לָ֑מוֹ הִ֝פַּלְתָּ֗ם לְמַשּׁוּאֽוֹת׃
19	אֵ֤יךְ הָי֣וּ לְשַׁמָּ֣ה כְרָ֑גַע סָ֥פוּ תַ֝֗מּוּ מִן־ בַּלָּהֽוֹת׃
20	כַּחֲל֥וֹם מֵהָקִ֑יץ אֲ֝דֹנָי בָּעִ֤יר ׀ צַלְמָ֬ם תִּבְזֶֽה׃
21	כִּ֭י יִתְחַמֵּ֣ץ לְבָבִ֑י וְ֝כִלְיוֹתַ֗י אֶשְׁתּוֹנָֽן׃
22	וַאֲנִי־ בַ֭עַר וְלֹ֣א אֵדָ֑ע בְּ֝הֵמ֗וֹת הָיִ֥יתִי עִמָּֽךְ׃
23	וַאֲנִ֣י תָמִ֣יד עִמָּ֑ךְ אָ֝חַ֗זְתָּ בְּיַד־ יְמִינִֽי׃
24	בַּעֲצָתְךָ֥ תַנְחֵ֑נִי וְ֝אַחַ֗ר כָּב֥וֹד תִּקָּחֵֽנִי׃
25	מִי־ לִ֥י בַשָּׁמָ֑יִם וְ֝עִמְּךָ֗ לֹא־ חָפַ֥צְתִּי בָאָֽרֶץ׃
26	כָּלָ֥ה שְׁאֵרִ֗י וּלְבָ֫בִ֥י צוּר־ לְבָבִ֥י וְחֶלְקִ֗י אֱלֹהִ֥ים לְעוֹלָֽם׃
27	כִּֽי־ הִנֵּ֣ה רְחֵקֶ֣יךָ יֹאבֵ֑דוּ הִ֝צְמַ֗תָּה כָּל־ זוֹנֶ֥ה מִמֶּֽךָּ׃
28	וַאֲנִ֤י ׀ קִֽרֲבַ֥ת אֱלֹהִ֗ים לִ֫י־ ט֥וֹב שַׁתִּ֤י ׀ בַּאדֹנָ֣י יְהֹוִ֣ה מַחְסִ֑י לְ֝סַפֵּ֗ר כָּל־ מַלְאֲכוֹתֶֽיךָ׃

74
1	מַשְׂכִּ֗יל לְאָ֫סָ֥ף לָמָ֣ה אֱ֭לֹהִים זָנַ֣חְתָּ לָנֶ֑צַח יֶעְשַׁ֥ן אַ֝פְּךָ֗ בְּצֹ֣אן מַרְעִיתֶֽךָ׃
2	זְכֹ֤ר עֲדָתְךָ֨ ׀ קָ֘נִ֤יתָ קֶּ֗דֶם גָּ֭אַלְתָּ שֵׁ֣בֶט נַחֲלָתֶ֑ךָ הַר־ צִ֝יּ֗וֹן זֶ֤ה ׀ שָׁכַ֬נְתָּ בּֽוֹ׃
3	הָרִ֣ימָה פְ֭עָמֶיךָ לְמַשֻּׁא֣וֹת נֶ֑צַח כָּל־ הֵרַ֖ע אוֹיֵ֣ב בַּקֹּֽדֶשׁ׃
4	שָׁאֲג֣וּ צֹ֭רְרֶיךָ בְּקֶ֣רֶב מוֹעֲדֶ֑ךָ שָׂ֖מוּ אוֹתֹתָ֣ם אֹתֽוֹת׃
5	יִ֭וָּדַע כְּמֵבִ֣יא לְמָ֑עְלָה בִּֽסֲבָךְ־ עֵ֝֗ץ קַרְדֻּמּֽוֹת׃
6	ועת (וְ֭עַתָּה) פִּתּוּחֶ֣יהָ יָּ֑חַד בְּכַשִּׁ֥יל וְ֝כֵֽילַפֹּ֗ת יַהֲלֹמֽוּן׃
7	שִׁלְח֣וּ בָ֭אֵשׁ מִקְדָּשֶׁ֑ךָ לָ֝אָ֗רֶץ חִלְּל֥וּ מִֽשְׁכַּן־ שְׁמֶֽךָ׃
8	אָמְר֣וּ בְ֭לִבָּם נִינָ֣ם יָ֑חַד שָׂרְפ֖וּ כָל־ מוֹעֲדֵי־ אֵ֣ל בָּאָֽרֶץ׃
9	אֽוֹתֹתֵ֗ינוּ לֹ֥א רָ֫אִ֥ינוּ אֵֽין־ ע֥וֹד נָבִ֑יא וְלֹֽא־ אִ֝תָּ֗נוּ יֹדֵ֥עַ עַד־ מָֽה׃
10	עַד־ מָתַ֣י אֱ֭לֹהִים יְחָ֣רֶף צָ֑ר יְנָ֘אֵ֤ץ אוֹיֵ֖ב שִׁמְךָ֣ לָנֶֽצַח׃
11	לָ֤מָּה תָשִׁ֣יב יָ֭דְךָ וִֽימִינֶ֑ךָ מִקֶּ֖רֶב חוקך (חֽ͏ֵיקְךָ֣) כַלֵּֽה׃
12	וֵ֭אלֹהִים מַלְכִּ֣י מִקֶּ֑דֶם פֹּעֵ֥ל יְ֝שׁוּע֗וֹת בְּקֶ֣רֶב הָאָֽרֶץ׃
13	אַתָּ֤ה פוֹרַ֣רְתָּ בְעָזְּךָ֣ יָ֑ם שִׁבַּ֖רְתָּ רָאשֵׁ֥י תַ֝נִּינִ֗ים עַל־ הַמָּֽיִם׃
14	אַתָּ֣ה רִ֭צַּצְתָּ רָאשֵׁ֣י לִוְיָתָ֑ן תִּתְּנֶ֥נּוּ מַ֝אֲכָ֗ל לְעָ֣ם לְצִיִּֽים׃
15	אַתָּ֣ה בָ֭קַעְתָּ מַעְיָ֣ן וָנָ֑חַל אַתָּ֥ה ה֝וֹבַ֗שְׁתָּ נַהֲר֥וֹת אֵיתָֽן׃
16	לְךָ֣ י֭וֹם אַף־ לְךָ֥ לָ֑יְלָה אַתָּ֥ה הֲ֝כִינ֗וֹתָ מָא֥וֹר וָשָֽׁמֶשׁ׃
17	אַתָּ֣ה הִ֭צַּבְתָּ כָּל־ גְּבוּל֣וֹת אָ֑רֶץ קַ֥יִץ וָ֝חֹ֗רֶף אַתָּ֥ה יְצַרְתָּם׃
18	זְכָר־ זֹ֗את א֭וֹיֵב חֵרֵ֣ף ׀ יְהוָ֑ה וְעַ֥ם נָ֝בָ֗ל נִֽאֲצ֥וּ שְׁמֶֽךָ׃
19	אַל־ תִּתֵּ֣ן לְ֭חַיַּת נֶ֣פֶשׁ תּוֹרֶ֑ךָ חַיַּ֥ת עֲ֝נִיֶּ֗יךָ אַל־ תִּשְׁכַּ֥ח לָנֶֽצַח׃
20	הַבֵּ֥ט לַבְּרִ֑ית כִּ֥י מָלְא֥וּ מַחֲשַׁכֵּי־ אֶ֝֗רֶץ נְא֣וֹת חָמָֽס׃
21	אַל־ יָשֹׁ֣ב דַּ֣ךְ נִכְלָ֑ם עָנִ֥י וְ֝אֶבְי֗וֹן יְֽהַלְל֥וּ שְׁמֶֽךָ׃
22	קוּמָ֣ה אֱ֭לֹהִים רִיבָ֣ה רִיבֶ֑ךָ זְכֹ֥ר חֶרְפָּתְךָ֥ מִנִּי־ נָ֝בָ֗ל כָּל־ הַיּֽוֹם׃
23	אַל־ תִּ֭שְׁכַּח ק֣וֹל צֹרְרֶ֑יךָ שְׁא֥וֹן קָ֝מֶ֗יךָ עֹלֶ֥ה תָמִֽיד׃

75
1	לַמְנַצֵּ֥חַ אַל־ תַּשְׁחֵ֑ת מִזְמ֖וֹר לְאָסָ֣ף שִֽׁיר׃
2	ה֘וֹדִ֤ינוּ לְּךָ֨ ׀ אֱ‍ֽלֹהִ֗ים ה֭וֹדִינוּ וְקָר֣וֹב שְׁמֶ֑ךָ סִ֝פְּר֗וּ נִפְלְאוֹתֶֽיךָ׃
3	כִּ֭י אֶקַּ֣ח מוֹעֵ֑ד אֲ֝נִ֗י מֵישָׁרִ֥ים אֶשְׁפֹּֽט׃
4	נְֽמֹגִ֗ים אֶ֥רֶץ וְכָל־ יֹשְׁבֶ֑יהָ אָנֹכִ֨י תִכַּ֖נְתִּי עַמּוּדֶ֣יהָ סֶּֽלָה׃
5	אָמַ֣רְתִּי לַֽ֭הוֹלְלִים אַל־ תָּהֹ֑לּוּ וְ֝לָרְשָׁעִ֗ים אַל־ תָּרִ֥ימוּ קָֽרֶן׃
6	אַל־ תָּרִ֣ימוּ לַמָּר֣וֹם קַרְנְכֶ֑ם תְּדַבְּר֖וּ בְצַוָּ֣אר עָתָֽק׃
7	כִּ֤י לֹ֣א מִ֭מּוֹצָא וּמִֽמַּעֲרָ֑ב וְ֝לֹ֗א מִמִּדְבַּ֥ר הָרִֽים׃
8	כִּֽי־ אֱלֹהִ֥ים שֹׁפֵ֑ט זֶ֥ה יַ֝שְׁפִּ֗יל וְזֶ֣ה יָרִֽים׃
9	כִּ֤י כ֪וֹס בְּֽיַד־ יְהוָ֡ה וְיַ֤יִן חָמַ֨ר ׀ מָ֥לֵא מֶסֶךְ֮ וַיַּגֵּ֢ר מִ֫זֶּ֥ה אַךְ־ שְׁ֭מָרֶיהָ יִמְצ֣וּ יִשְׁתּ֑וּ כֹּ֝֗ל רִשְׁעֵי־ אָֽרֶץ׃
10	וַ֭אֲנִי אַגִּ֣יד לְעֹלָ֑ם אֲ֝זַמְּרָ֗ה לֵאלֹהֵ֥י יַעֲקֹֽב׃
11	וְכָל־ קַרְנֵ֣י רְשָׁעִ֣ים אֲגַדֵּ֑עַ תְּ֝רוֹמַ֗מְנָה קַֽרְנ֥וֹת צַדִּֽיק׃

76
1	לַמְנַצֵּ֥חַ בִּנְגִינֹ֑ת מִזְמ֖וֹר לְאָסָ֣ף שִֽׁיר׃
2	נוֹדָ֣ע בִּֽיהוּדָ֣ה אֱלֹהִ֑ים בְּ֝יִשְׂרָאֵ֗ל גָּד֥וֹל שְׁמֽוֹ׃
3	וַיְהִ֣י בְשָׁלֵ֣ם סֻכּ֑וֹ וּמְע֖וֹנָת֣וֹ בְצִיּֽוֹן׃
4	שָׁ֭מָּה שִׁבַּ֣ר רִשְׁפֵי־ קָ֑שֶׁת מָגֵ֬ן וְחֶ֖רֶב וּמִלְחָמָ֣ה סֶֽלָה׃
5	נָ֭אוֹר אַתָּ֥ה אַדִּ֗יר מֵֽהַרְרֵי־ טָֽרֶף׃
6	אֶשְׁתּוֹלְל֨וּ ׀ אַבִּ֣ירֵי לֵ֭ב נָמ֣וּ שְׁנָתָ֑ם וְלֹא־ מָצְא֖וּ כָל־ אַנְשֵׁי־ חַ֣יִל יְדֵיהֶֽם׃
7	מִ֭גַּעֲרָ֣תְךָ אֱלֹהֵ֣י יַעֲקֹ֑ב נִ֝רְדָּ֗ם וְרֶ֣כֶב וָסֽוּס׃
8	אַתָּ֤ה ׀ נ֥וֹרָא אַ֗תָּה וּמִֽי־ יַעֲמֹ֥ד לְפָנֶ֗יךָ מֵאָ֥ז אַפֶּֽךָ׃
9	מִ֭שָּׁמַיִם הִשְׁמַ֣עְתָּ דִּ֑ין אֶ֖רֶץ יָֽרְאָ֣ה וְשָׁקָֽטָה׃
10	בְּקוּם־ לַמִּשְׁפָּ֥ט אֱלֹהִ֑ים לְהוֹשִׁ֖יעַ כָּל־ עַנְוֵי־ אֶ֣רֶץ סֶֽלָה׃
	(4Q87 frg. 1,1) [למשפט אלוהים ל]ה֯ושיע[ כול ענוי ארץ סלה
11	כִּֽי־ חֲמַ֣ת אָדָ֣ם תּוֹדֶ֑ךָּ שְׁאֵרִ֖ית חֵמֹ֣ת תַּחְגֹּֽר׃
	(4Q87 frg. 1,1) כי חמת] (4Q87 frg. 1,2) [אדם תודך שא]רית חימות֯[ תחגר
12	נִֽדֲר֣וּ וְשַׁלְּמוּ֮ לַיהוָ֢ה אֱ‍ֽלֹהֵ֫יכֶ֥ם כָּל־ סְבִיבָ֑יו יוֹבִ֥ילוּ שַׁ֝֗י לַמּוֹרָֽא׃
	(4Q87 frg. 1,2) נדרו ושלמו ליהוה] (4Q87 frg. 1,3) [אלוהיכם כול ס]ביביו יבילו [שי למורא
13	יִ֭בְצֹר ר֣וּחַ נְגִידִ֑ים נ֝וֹרָ֗א לְמַלְכֵי־ אָֽרֶץ׃
	(4Q87 frg. 1,3) יבצר רוח נגידים] (4Q87 frg. 1,4) [נורא למלכי ארץ ]

77
1	לַמְנַצֵּ֥חַ עַֽל־ ידיתון (יְדוּת֗וּן) לְאָסָ֥ף מִזְמֽוֹר׃
	(4Q87 frg. 1,5) [למנצח על ידיתון ]לא֯ס֯[ף מזמור -- ]
2	קוֹלִ֣י אֶל־ אֱלֹהִ֣ים וְאֶצְעָ֑קָה קוֹלִ֥י אֶל־ אֱ֝לֹהִ֗ים וְהַאֲזִ֥ין אֵלָֽי׃
3	בְּי֥וֹם צָרָתִי֮ אֲדֹנָ֢י דָּ֫רָ֥שְׁתִּי יָדִ֤י ׀ לַ֣יְלָה נִ֭גְּרָה וְלֹ֣א תָפ֑וּג מֵאֲנָ֖ה הִנָּחֵ֣ם נַפְשִֽׁי׃
4	אֶזְכְּרָ֣ה אֱלֹהִ֣ים וְאֶֽהֱמָיָ֑ה אָשִׂ֓יחָה ׀ וְתִתְעַטֵּ֖ף רוּחִ֣י סֶֽלָה׃
5	אָ֭חַזְתָּ שְׁמֻר֣וֹת עֵינָ֑י נִ֝פְעַ֗מְתִּי וְלֹ֣א אֲדַבֵּֽר׃
6	חִשַּׁ֣בְתִּי יָמִ֣ים מִקֶּ֑דֶם שְׁ֝נ֗וֹת עוֹלָמִֽים׃
7	אֶֽזְכְּרָ֥ה נְגִינָתִ֗י בַּ֫לָּ֥יְלָה עִם־ לְבָבִ֥י אָשִׂ֑יחָה וַיְחַפֵּ֥שׂ רוּחִֽי׃
8	הַֽ֭לְעוֹלָמִים יִזְנַ֥ח ׀ אֲדֹנָ֑י וְלֹֽא־ יֹסִ֖יף לִרְצ֣וֹת עֽוֹד׃
9	הֶאָפֵ֣ס לָנֶ֣צַח חַסְדּ֑וֹ גָּ֥מַר אֹ֝֗מֶר לְדֹ֣ר וָדֹֽר׃
10	הֲשָׁכַ֣ח חַנּ֣וֹת אֵ֑ל אִם־ קָפַ֥ץ בְּ֝אַ֗ף רַחֲמָ֥יו סֶֽלָה׃
11	וָ֭אֹמַר חַלּ֣וֹתִי הִ֑יא שְׁ֝נ֗וֹת יְמִ֣ין עֶלְיֽוֹן׃
12	אזכיר (אֶזְכּ֥וֹר) מַֽעַלְלֵי־ יָ֑הּ כִּֽי־ אֶזְכְּרָ֖ה מִקֶּ֣דֶם פִּלְאֶֽךָ׃
13	וְהָגִ֥יתִי בְכָל־ פָּעֳלֶ֑ךָ וּֽבַעֲלִ֖ילוֹתֶ֣יךָ אָשִֽׂיחָה׃
14	אֱ֭לֹהִים בַּקֹּ֣דֶשׁ דַּרְכֶּ֑ךָ מִי־ אֵ֥ל גָּ֝ד֗וֹל כֵּֽאלֹהִֽים׃
15	אַתָּ֣ה הָ֭אֵל עֹ֣שֵׂה פֶ֑לֶא הוֹדַ֖עְתָּ בָעַמִּ֣ים עֻזֶּֽךָ׃
16	גָּאַ֣לְתָּ בִּזְר֣וֹעַ עַמֶּ֑ךָ בְּנֵי־ יַעֲקֹ֖ב וְיוֹסֵ֣ף סֶֽלָה׃
17	רָ֘א֤וּךָ מַּ֨יִם ׀ אֱ‍ֽלֹהִ֗ים רָא֣וּךָ מַּ֣יִם יָחִ֑ילוּ אַ֝֗ף יִרְגְּז֥וּ תְהֹמֽוֹת׃
18	זֹ֤רְמוּ מַ֨יִם ׀ עָב֗וֹת ק֭וֹל נָתְנ֣וּ שְׁחָקִ֑ים אַף־ חֲ֝צָצֶ֗יךָ יִתְהַלָּֽכוּ׃
	(11Q6 frg. 1,1) [אף חצציכה יתה]לכו (Mur. 88 19,12) הרים זרמו מים עבות נתן תהום קולו רום (Hab 3,10) זֶ֥רֶם מַ֖יִם עָבָ֑ר נָתַ֤ן תְּהוֹם֙ קוֹל֔וֹ ר֖וֹם יָדֵ֥יהוּ נָשָֽׂא׃
19	ק֤וֹל רַעַמְךָ֨ ׀ בַּגַּלְגַּ֗ל הֵאִ֣ירוּ בְרָקִ֣ים תֵּבֵ֑ל רָגְזָ֖ה וַתִּרְעַ֣שׁ הָאָֽרֶץ׃
	(11Q6 frg. 1,1) קול רעמכה בגלגל האירו ברק[ים] (11Q6 frg. 1,2) [תבל רגזה ותרעש הארץ
20	בַּיָּ֤ם דַּרְכֶּ֗ךָ ושביליך (וּֽ֭שְׁבִֽילְךָ) בְּמַ֣יִם רַבִּ֑ים וְ֝עִקְּבוֹתֶ֗יךָ לֹ֣א נֹדָֽעוּ׃
	(11Q6 frg. 1,2) בים דרככה וש]ב֯יליכה במים ר[בים] (11Q6 frg. 1,3) [ועקבותיכה לוא נודעו
21	נָחִ֣יתָ כַצֹּ֣אן עַמֶּ֑ךָ בְּֽיַד־ מֹשֶׁ֥ה וְאַהֲרֹֽן׃
	(11Q6 frg. 1,3) נחית כצאן עמכה בי]ד֯ מושה ואה֯[רון ]

78
1	מַשְׂכִּ֗יל לְאָ֫סָ֥ף הַאֲזִ֣ינָה עַ֭מִּי תּוֹרָתִ֑י הַטּ֥וּ אָ֝זְנְכֶ֗ם לְאִמְרֵי־ פִֽי׃
	(11Q6 frg. 1,5) [משכיל לאסף האזינה עמי תורתי ]ה֯טו אוזנכמה לא[מרי]
2	אֶפְתְּחָ֣ה בְמָשָׁ֣ל פִּ֑י אַבִּ֥יעָה חִ֝יד֗וֹת מִנִּי־ קֶֽדֶם׃
3	אֲשֶׁ֣ר שָׁ֭מַעְנוּ וַנֵּדָעֵ֑ם וַ֝אֲבוֹתֵ֗ינוּ סִפְּרוּ־ לָֽנוּ׃
4	לֹ֤א נְכַחֵ֨ד ׀ מִבְּנֵיהֶ֗ם לְד֥וֹר אַחֲר֗וֹן מְֽ֭סַפְּרִים תְּהִלּ֣וֹת יְהוָ֑ה וֶעֱזוּז֥וֹ וְ֝נִפְלְאוֹתָ֗יו אֲשֶׁ֣ר עָשָֽׂה׃
5	וַיָּ֤קֶם עֵד֨וּת ׀ בְּֽיַעֲקֹ֗ב וְתוֹרָה֮ שָׂ֤ם בְּיִשְׂרָ֫אֵ֥ל אֲשֶׁ֣ר צִ֭וָּה אֶת־ אֲבוֹתֵ֑ינוּ לְ֝הוֹדִיעָ֗ם לִבְנֵיהֶֽם׃
	(11Q8 frg. 12,1) לבני]ה֯ם
6	לְמַ֤עַן יֵדְע֨וּ ׀ דּ֣וֹר אַ֭חֲרוֹן בָּנִ֣ים יִוָּלֵ֑דוּ יָ֝קֻ֗מוּ וִֽיסַפְּר֥וּ לִבְנֵיהֶֽם׃
	(4Q87 frg. 2 i,1) למען ידעו דור אח]רון (4Q87 frg. 2 i,2) [בנים יולדו יקומו ויספרו לבניהם (11Q8 frg. 12,1) [למען ידעו] (11Q8 frg. 12,2) [דור אחרון בנים יולדו יקמו וי]ספרו לבנ֯[יהם
7	וְיָשִׂ֥ימוּ בֵֽאלֹהִ֗ים כִּ֫סְלָ֥ם וְלֹ֣א יִ֭שְׁכְּחוּ מַֽעַלְלֵי־ אֵ֑ל וּמִצְוֺתָ֥יו יִנְצֹֽרוּ׃
	(4Q87 frg. 2 i,2) וישימו באלהים ]כ֯סלם (11Q8 frg. 12,2) וישימו] (11Q8 frg. 12,3) [באלהים כסלם ולא ישכחו מ]עללי אל ומ֯[צותיו ינצרו]
8	וְלֹ֤א יִהְי֨וּ ׀ כַּאֲבוֹתָ֗ם דּוֹר֮ סוֹרֵ֢ר וּמֹ֫רֶ֥ה דּ֭וֹר לֹא־ הֵכִ֣ין לִבּ֑וֹ וְלֹא־ נֶאֶמְנָ֖ה אֶת־ אֵ֣ל רוּחֽוֹ׃
	(11Q8 frg. 12,4) [ולא יהיו כאבותם דור סורר ו]מרה דור לא הכין (11Q8 frg. 12,5) [לבו ולא נאמנה את אל רוחו
9	בְּֽנֵי־ אֶפְרַ֗יִם נוֹשְׁקֵ֥י רוֹמֵי־ קָ֑שֶׁת הָ֝פְכ֗וּ בְּי֣וֹם קְרָֽב׃
	(11Q8 frg. 12,5) בני ]א֯פרים נושקי (11Q8 frg. 12,6) [רומי קשת הפכו ביום קרב
10	לֹ֣א שָׁ֭מְרוּ בְּרִ֣ית אֱלֹהִ֑ים וּ֝בְתוֹרָת֗וֹ מֵאֲנ֥וּ לָלֶֽכֶת׃
	(11Q8 frg. 12,6) לא ]שמרו ברית אלהים ובתור[תו] (11Q8 frg. 12,7) [מאנו ללכת
11	וַיִּשְׁכְּח֥וּ עֲלִילוֹתָ֑יו וְ֝נִפְלְאוֹתָ֗יו אֲשֶׁ֣ר הֶרְאָֽם׃
	(11Q8 frg. 12,7) וישכחו עלילותיו] ונפלאותיו אשר (11Q8 frg. 12,8) [הראם
12	נֶ֣גֶד אֲ֭בוֹתָם עָ֣שָׂה פֶ֑לֶא בְּאֶ֖רֶץ מִצְרַ֣יִם שְׂדֵה־ צֹֽעַן׃
	(11Q8 frg. 12,8) נגד אבותם עשה פלא באר]ץ מצרים ש[דה]
13	בָּ֣קַע יָ֭ם וַיַּֽעֲבִירֵ֑ם וַֽיַּצֶּב־ מַ֥יִם כְּמוֹ־ נֵֽד׃
14	וַיַּנְחֵ֣ם בֶּעָנָ֣ן יוֹמָ֑ם וְכָל־ הַ֝לַּ֗יְלָה בְּא֣וֹר אֵֽשׁ׃
15	יְבַקַּ֣ע צֻ֭רִים בַּמִּדְבָּ֑ר וַ֝יַּ֗שְׁקְ כִּתְהֹמ֥וֹת רַבָּֽה׃
16	וַיּוֹצִ֣א נוֹזְלִ֣ים מִסָּ֑לַע וַיּ֖וֹרֶד כַּנְּהָר֣וֹת מָֽיִם׃
17	וַיּוֹסִ֣יפוּ ע֭וֹד לַחֲטֹא־ ל֑וֹ לַֽמְר֥וֹת עֶ֝לְי֗וֹן בַּצִּיָּֽה׃
18	וַיְנַסּוּ־ אֵ֥ל בִּלְבָבָ֑ם לִֽשְׁאָל־ אֹ֥כֶל לְנַפְשָֽׁם׃
19	וַֽיְדַבְּר֗וּ בֵּֽאלֹ֫הִ֥ים אָ֭מְרוּ הֲי֣וּכַל אֵ֑ל לַעֲרֹ֥ךְ שֻׁ֝לְחָ֗ן בַּמִּדְבָּֽר׃
20	הֵ֤ן הִכָּה־ צ֨וּר ׀ וַיָּז֣וּבוּ מַיִם֮ וּנְחָלִ֢ים יִ֫שְׁטֹ֥פוּ הֲגַם־ לֶ֭חֶם י֣וּכַל תֵּ֑ת אִם־ יָכִ֖ין שְׁאֵ֣ר לְעַמּֽוֹ׃
21	לָכֵ֤ן ׀ שָׁמַ֥ע יְהוָ֗ה וַֽיִּתְעַבָּ֥ר וְ֭אֵשׁ נִשְּׂקָ֣ה בְיַעֲקֹ֑ב וְגַם־ אַ֝֗ף עָלָ֥ה בְיִשְׂרָאֵֽל׃
22	כִּ֤י לֹ֣א הֶ֭אֱמִינוּ בֵּאלֹהִ֑ים וְלֹ֥א בָ֝טְח֗וּ בִּֽישׁוּעָתֽוֹ׃
23	וַיְצַ֣ו שְׁחָקִ֣ים מִמָּ֑עַל וְדַלְתֵ֖י שָׁמַ֣יִם פָּתָֽח׃
24	וַיַּמְטֵ֬ר עֲלֵיהֶ֣ם מָ֣ן לֶאֱכֹ֑ל וּדְגַן־ שָׁ֝מַ֗יִם נָ֣תַן לָֽמוֹ׃
25	לֶ֣חֶם אַ֭בִּירִים אָ֣כַל אִ֑ישׁ צֵידָ֬ה שָׁלַ֖ח לָהֶ֣ם לָשֹֽׂבַע׃
26	יַסַּ֣ע קָ֭דִים בַּשָּׁמָ֑יִם וַיְנַהֵ֖ג בְּעֻזּ֣וֹ תֵימָֽן׃
27	וַיַּמְטֵ֬ר עֲלֵיהֶ֣ם כֶּעָפָ֣ר שְׁאֵ֑ר וּֽכְח֥וֹל יַ֝מִּ֗ים ע֣וֹף כָּנָֽף׃
28	וַ֭יַּפֵּל בְּקֶ֣רֶב מַחֲנֵ֑הוּ סָ֝בִ֗יב לְמִשְׁכְּנֹתָֽיו׃
29	וַיֹּאכְל֣וּ וַיִּשְׂבְּע֣וּ מְאֹ֑ד וְ֝תַֽאֲוָתָ֗ם יָבִ֥א לָהֶֽם׃
30	לֹא־ זָ֥רוּ מִתַּאֲוָתָ֑ם ע֝֗וֹד אָכְלָ֥ם בְּפִיהֶֽם׃
31	וְאַ֤ף אֱלֹהִ֨ים ׀ עָ֘לָ֤ה בָהֶ֗ם וַֽ֭יַּהֲרֹג בְּמִשְׁמַנֵּיהֶ֑ם וּבַחוּרֵ֖י יִשְׂרָאֵ֣ל הִכְרִֽיעַ׃
	(4Q87 frg. 2 ii,1) משמנ֯[יהם ובחורי ישראל הכריע
32	בְּכָל־ זֹ֭את חָֽטְאוּ־ ע֑וֹד וְלֹֽא־ הֶ֝אֱמִ֗ינוּ בְּנִפְלְאוֹתָֽיו׃
	(4Q87 frg. 2 ii,1) בכול זאות חטאו עוד] (4Q87 frg. 2 ii,2) ולוא ה[אמינו בנפלאותיו
33	וַיְכַל־ בַּהֶ֥בֶל יְמֵיהֶ֑ם וּ֝שְׁנוֹתָ֗ם בַּבֶּהָלָֽה׃
	(4Q87 frg. 2 ii,2) ויכל בהבל ימיהם ושנותם] (4Q87 frg. 2 ii,3) בבהל[ה
34	אִם־ הֲרָגָ֥ם וּדְרָשׁ֑וּהוּ וְ֝שָׁ֗בוּ וְשִֽׁחֲרוּ־ אֵֽל׃
	(4Q87 frg. 2 ii,3) אם הרגם ודרשוהו ושבו ושחרו אל
35	וַֽ֭יִּזְכְּרוּ כִּֽי־ אֱלֹהִ֣ים צוּרָ֑ם וְאֵ֥ל עֶ֝לְיוֹן גֹּאֲלָֽם׃
	(4Q87 frg. 2 ii,3) ויזכרו]
36	וַיְפַתּ֥וּהוּ בְּפִיהֶ֑ם וּ֝בִלְשׁוֹנָ֗ם יְכַזְּבוּ־ לֽוֹ׃

37	וְ֭לִבָּם לֹא־ נָכ֣וֹן עִמּ֑וֹ וְלֹ֥א נֶ֝אֶמְנ֗וּ בִּבְרִיתֽוֹ׃

38	וְה֤וּא רַח֨וּם ׀ יְכַפֵּ֥ר עָוֺן֮ וְֽלֹא־ יַ֫שְׁחִ֥ית וְ֭הִרְבָּה לְהָשִׁ֣יב אַפּ֑וֹ וְלֹֽא־ יָ֝עִיר כָּל־ חֲמָתֽוֹ׃
39	וַ֭יִּזְכֹּר כִּי־ בָשָׂ֣ר הֵ֑מָּה ר֥וּחַ ה֝וֹלֵ֗ךְ וְלֹ֣א יָשֽׁוּב׃
40	כַּ֭מָּה יַמְר֣וּהוּ בַמִּדְבָּ֑ר יַ֝עֲצִיב֗וּהוּ בִּֽישִׁימֽוֹן׃
41	וַיָּשׁ֣וּבוּ וַיְנַסּ֣וּ אֵ֑ל וּקְד֖וֹשׁ יִשְׂרָאֵ֣ל הִתְווּ׃
42	לֹא־ זָכְר֥וּ אֶת־ יָד֑וֹ י֝֗וֹם אֲ‍ֽשֶׁר־ פָּדָ֥ם מִנִּי־ צָֽר׃
43	אֲשֶׁר־ שָׂ֣ם בְּ֭מִצְרַיִם אֹֽתוֹתָ֑יו וּ֝מוֹפְתָ֗יו בִּשְׂדֵה־ צֹֽעַן׃
44	וַיַּהֲפֹ֣ךְ לְ֭דָם יְאֹרֵיהֶ֑ם וְ֝נֹזְלֵיהֶ֗ם בַּל־ יִשְׁתָּיֽוּן׃
45	יְשַׁלַּ֬ח בָּהֶ֣ם עָ֭רֹב וַיֹּאכְלֵ֑ם וּ֝צְפַרְדֵּ֗עַ וַתַּשְׁחִיתֵֽם׃
46	וַיִּתֵּ֣ן לֶחָסִ֣יל יְבוּלָ֑ם וִֽ֝יגִיעָ֗ם לָאַרְבֶּֽה׃
47	יַהֲרֹ֣ג בַּבָּרָ֣ד גַּפְנָ֑ם וְ֝שִׁקְמוֹתָ֗ם בַּֽחֲנָמַֽל׃
48	וַיַּסְגֵּ֣ר לַבָּרָ֣ד בְּעִירָ֑ם וּ֝מִקְנֵיהֶ֗ם לָרְשָׁפִֽים׃
49	יְשַׁלַּח־ בָּ֨ם ׀ חֲר֬וֹן אַפּ֗וֹ עֶבְרָ֣ה וָזַ֣עַם וְצָרָ֑ה מִ֝שְׁלַ֗חַת מַלְאֲכֵ֥י רָעִֽים׃
50	יְפַלֵּ֥ס נָתִ֗יב לְאַ֫פּ֥וֹ לֹא־ חָשַׂ֣ךְ מִמָּ֣וֶת נַפְשָׁ֑ם וְ֝חַיָּתָ֗ם לַדֶּ֥בֶר הִסְגִּֽיר׃
51	וַיַּ֣ךְ כָּל־ בְּכ֣וֹר בְּמִצְרָ֑יִם רֵאשִׁ֥ית א֝וֹנִ֗ים בְּאָהֳלֵי־ חָֽם׃
52	וַיַּסַּ֣ע כַּצֹּ֣אן עַמּ֑וֹ וַֽיְנַהֲגֵ֥ם כַּ֝עֵ֗דֶר בַּמִּדְבָּֽר׃
53	וַיַּנְחֵ֣ם לָ֭בֶטַח וְלֹ֣א פָחָ֑דוּ וְאֶת־ א֝וֹיְבֵיהֶ֗ם כִּסָּ֥ה הַיָּֽם׃
54	וַ֭יְבִיאֵם אֶל־ גְּב֣וּל קָדְשׁ֑וֹ הַר־ זֶ֝֗ה קָנְתָ֥ה יְמִינֽוֹ׃
55	וַיְגָ֤רֶשׁ מִפְּנֵיהֶ֨ם ׀ גּוֹיִ֗ם וַֽ֭יַּפִּילֵם בְּחֶ֣בֶל נַחֲלָ֑ה וַיַּשְׁכֵּ֥ן בְּ֝אָהֳלֵיהֶ֗ם שִׁבְטֵ֥י יִשְׂרָאֵֽל׃
56	וַיְנַסּ֣וּ וַ֭יַּמְרוּ אֶת־ אֱלֹהִ֣ים עֶלְי֑וֹן וְ֝עֵדוֹתָ֗יו לֹ֣א שָׁמָֽרוּ׃
57	וַיִּסֹּ֣גוּ וַֽ֭יִּבְגְּדוּ כַּאֲבוֹתָ֑ם נֶ֝הְפְּכ֗וּ כְּקֶ֣שֶׁת רְמִיָּֽה׃
58	וַיַּכְעִיס֥וּהוּ בְּבָמוֹתָ֑ם וּ֝בִפְסִילֵיהֶ֗ם יַקְנִיאֽוּהוּ׃
59	שָׁמַ֣ע אֱ֭לֹהִים וַֽיִּתְעַבָּ֑ר וַיִּמְאַ֥ס מְ֝אֹ֗ד בְּיִשְׂרָאֵֽל׃
60	וַ֭יִּטֹּשׁ מִשְׁכַּ֣ן שִׁל֑וֹ אֹ֝֗הֶל שִׁכֵּ֥ן בָּאָדָֽם׃
61	וַיִּתֵּ֣ן לַשְּׁבִ֣י עֻזּ֑וֹ וְֽתִפְאַרְתּ֥וֹ בְיַד־ צָֽר׃
62	וַיַּסְגֵּ֣ר לַחֶ֣רֶב עַמּ֑וֹ וּ֝בְנַחֲלָת֗וֹ הִתְעַבָּֽר׃
63	בַּחוּרָ֥יו אָֽכְלָה־ אֵ֑שׁ וּ֝בְתוּלֹתָ֗יו לֹ֣א הוּלָּֽלוּ׃
64	כֹּ֭הֲנָיו בַּחֶ֣רֶב נָפָ֑לוּ וְ֝אַלְמְנֹתָ֗יו לֹ֣א תִבְכֶּֽינָה׃
65	וַיִּקַ֖ץ כְּיָשֵׁ֥ן ׀ אֲדֹנָ֑י כְּ֝גִבּ֗וֹר מִתְרוֹנֵ֥ן מִיָּֽיִן׃
66	וַיַּךְ־ צָרָ֥יו אָח֑וֹר חֶרְפַּ֥ת ע֝וֹלָ֗ם נָ֣תַן לָֽמוֹ׃
67	וַ֭יִּמְאַס בְּאֹ֣הֶל יוֹסֵ֑ף וּֽבְשֵׁ֥בֶט אֶ֝פְרַ֗יִם לֹ֣א בָחָֽר׃
68	וַ֭יִּבְחַר אֶת־ שֵׁ֣בֶט יְהוּדָ֑ה אֶֽת־ הַ֥ר צִ֝יּ֗וֹן אֲשֶׁ֣ר אָהֵֽב׃
69	וַיִּ֣בֶן כְּמוֹ־ רָ֭מִים מִקְדָּשׁ֑וֹ כְּ֝אֶ֗רֶץ יְסָדָ֥הּ לְעוֹלָֽם׃
70	וַ֭יִּבְחַר בְּדָוִ֣ד עַבְדּ֑וֹ וַ֝יִּקָּחֵ֗הוּ מִֽמִּכְלְאֹ֥ת צֹֽאן׃
71	מֵאַחַ֥ר עָל֗וֹת הֱ֫בִיא֥וֹ לִ֭רְעוֹת בְּיַעֲקֹ֣ב עַמּ֑וֹ וּ֝בְיִשְׂרָאֵ֗ל נַחֲלָתֽוֹ׃
72	וַ֭יִּרְעֵם כְּתֹ֣ם לְבָב֑וֹ וּבִתְבוּנ֖וֹת כַּפָּ֣יו יַנְחֵֽם׃

79
1	מִזְמ֗וֹר לְאָ֫סָ֥ף אֱ‍ֽלֹהִ֡ים בָּ֤אוּ גוֹיִ֨ם ׀ בְּֽנַחֲלָתֶ֗ךָ טִ֭מְּאוּ אֶת־ הֵיכַ֣ל קָדְשֶׁ֑ךָ שָׂ֖מוּ אֶת־ יְרוּשָׁלַ֣͏ִם לְעִיִּֽים׃
2	נָֽתְנ֡וּ אֶת־ נִבְלַ֬ת עֲבָדֶ֗יךָ מַ֭אֲכָל לְע֣וֹף הַשָּׁמָ֑יִם בְּשַׂ֥ר חֲ֝סִידֶ֗יךָ לְחַיְתוֹ־ אָֽרֶץ׃
3	שָׁפְכ֬וּ דָמָ֨ם ׀ כַּמַּ֗יִם סְֽבִ֘יב֤וֹת יְֽרוּשָׁלִָ֗ם וְאֵ֣ין קוֹבֵֽר׃
4	הָיִ֣ינוּ חֶ֭רְפָּה לִשְׁכֵנֵ֑ינוּ לַ֥עַג וָ֝קֶ֗לֶס לִסְבִיבוֹתֵֽינוּ׃
5	עַד־ מָ֣ה יְ֭הוָה תֶּאֱנַ֣ף לָנֶ֑צַח תִּבְעַ֥ר כְּמוֹ־ אֵ֝֗שׁ קִנְאָתֶֽךָ׃
6	שְׁפֹ֤ךְ חֲמָתְךָ֗ אֶֽל־ הַגּוֹיִם֮ אֲשֶׁ֢ר לֹא־ יְדָ֫ע֥וּךָ וְעַ֥ל מַמְלָכ֑וֹת אֲשֶׁ֥ר בְּ֝שִׁמְךָ֗ לֹ֣א קָרָֽאוּ׃
7	כִּ֭י אָכַ֣ל אֶֽת־ יַעֲקֹ֑ב וְֽאֶת־ נָוֵ֥הוּ הֵשַֽׁמּוּ׃
8	אַֽל־ תִּזְכָּר־ לָנוּ֮ עֲוֺנֹ֢ת רִאשֹׁ֫נִ֥ים מַ֭הֵר יְקַדְּמ֣וּנוּ רַחֲמֶ֑יךָ כִּ֖י דַלּ֣וֹנוּ מְאֹֽד׃
9	עָזְרֵ֤נוּ ׀ אֱלֹ֘הֵ֤י יִשְׁעֵ֗נוּ עַל־ דְּבַ֥ר כְּבֽוֹד־ שְׁמֶ֑ךָ וְהַצִּילֵ֥נוּ וְכַפֵּ֥ר עַל־ חַ֝טֹּאתֵ֗ינוּ לְמַ֣עַן שְׁמֶֽךָ׃
10	לָ֤מָּה ׀ יֹאמְר֣וּ הַגּוֹיִם֮ אַיֵּ֢ה אֱ‍ֽלֹהֵ֫יהֶ֥ם יִוָּדַ֣ע בגיים (בַּגּוֹיִ֣ם) לְעֵינֵ֑ינוּ נִ֝קְמַ֗ת דַּֽם־ עֲבָדֶ֥יךָ הַשָּׁפֽוּךְ׃
11	תָּ֤ב֣וֹא לְפָנֶיךָ֮ אֶנְקַ֢ת אָ֫סִ֥יר כְּגֹ֥דֶל זְרוֹעֲךָ֑ ה֝וֹתֵ֗ר בְּנֵ֣י תְמוּתָֽה׃
12	וְהָ֘שֵׁ֤ב לִשְׁכֵנֵ֣ינוּ שִׁ֭בְעָתַיִם אֶל־ חֵיקָ֑ם חֶרְפָּ֘תָ֤ם אֲשֶׁ֖ר חֵרְפ֣וּךָ אֲדֹנֽ͏ָי׃
13	וַאֲנַ֤חְנוּ עַמְּךָ֨ ׀ וְצֹ֥אן מַרְעִיתֶךָ֮ נ֤וֹדֶ֥ה לְּךָ֗ לְע֫וֹלָ֥ם לְדֹ֥ר וָדֹ֑ר נְ֝סַפֵּ֗ר תְּהִלָּתֶֽךָ׃

80
1	לַמְנַצֵּ֥חַ אֶל־ שֹׁשַׁנִּ֑ים עֵד֖וּת לְאָסָ֣ף מִזְמֽוֹר׃
2	רֹ֘עֵ֤ה יִשְׂרָאֵ֨ל ׀ הַאֲזִ֗ינָה נֹהֵ֣ג כַּצֹּ֣אן יוֹסֵ֑ף יֹשֵׁ֖ב הַכְּרוּבִ֣ים הוֹפִֽיעָה׃
3	לִפְנֵ֤י אֶפְרַ֨יִם ׀ וּבִנְיָ֘מִ֤ן וּמְנַשֶּׁ֗ה עוֹרְרָ֥ה אֶת־ גְּבֽוּרָתֶ֑ךָ וּלְכָ֖ה לִישֻׁעָ֣תָה לָּֽנוּ׃
4	אֱלֹהִ֥ים הֲשִׁיבֵ֑נוּ וְהָאֵ֥ר פָּ֝נֶ֗יךָ וְנִוָּשֵֽׁעָה׃
5	יְהוָ֣ה אֱלֹהִ֣ים צְבָא֑וֹת עַד־ מָתַ֥י עָ֝שַׁ֗נְתָּ בִּתְפִלַּ֥ת עַמֶּֽךָ׃
6	הֶ֭אֱכַלְתָּם לֶ֣חֶם דִּמְעָ֑ה וַ֝תַּשְׁקֵ֗מוֹ בִּדְמָע֥וֹת שָׁלִֽישׁ׃
7	תְּשִׂימֵ֣נוּ מָ֭דוֹן לִשְׁכֵנֵ֑ינוּ וְ֝אֹיְבֵ֗ינוּ יִלְעֲגוּ־ לָֽמוֹ׃
8	אֱלֹהִ֣ים צְבָא֣וֹת הֲשִׁיבֵ֑נוּ וְהָאֵ֥ר פָּ֝נֶ֗יךָ וְנִוָּשֵֽׁעָה׃
9	גֶּ֭פֶן מִמִּצְרַ֣יִם תַּסִּ֑יעַ תְּגָרֵ֥שׁ גּ֝וֹיִ֗ם וַתִּטָּעֶֽהָ׃
10	פִּנִּ֥יתָ לְפָנֶ֑יהָ וַתַּשְׁרֵ֥שׁ שָׁ֝רָשֶׁ֗יהָ וַתְּמַלֵּא־ אָֽרֶץ׃
11	כָּסּ֣וּ הָרִ֣ים צִלָּ֑הּ וַ֝עֲנָפֶ֗יהָ אַֽרְזֵי־ אֵֽל׃
12	תְּשַׁלַּ֣ח קְצִירֶ֣הָ עַד־ יָ֑ם וְאֶל־ נָ֝הָ֗ר יֽוֹנְקוֹתֶֽיהָ׃
13	לָ֭מָּה פָּרַ֣צְתָּ גְדֵרֶ֑יהָ וְ֝אָר֗וּהָ כָּל־ עֹ֥בְרֵי דָֽרֶךְ׃
14	יְכַרְסְמֶ֣נָּֽה חֲזִ֣יר מִיָּ֑^עַר וְזִ֖יז שָׂדַ֣י יִרְעֶֽנָּה׃
15	אֱלֹהִ֣ים צְבָאוֹת֮ שֽׁ֫וּב־ נָ֥א הַבֵּ֣ט מִשָּׁמַ֣יִם וּרְאֵ֑ה וּ֝פְקֹ֗ד גֶּ֣פֶן זֹֽאת׃
16	וְ֭כַנָּה אֲשֶׁר־ נָטְעָ֣ה יְמִינֶ֑ךָ וְעַל־ בֵּ֝֗ן אִמַּ֥צְתָּה לָּֽךְ׃
17	שְׂרֻפָ֣ה בָאֵ֣שׁ כְּסוּחָ֑ה מִגַּעֲרַ֖ת פָּנֶ֣יךָ יֹאבֵֽדוּ׃
18	תְּֽהִי־ יָ֭דְךָ עַל־ אִ֣ישׁ יְמִינֶ֑ךָ עַל־ בֶּן־ אָ֝דָ֗ם אִמַּ֥צְתָּ לָּֽךְ׃
19	וְלֹא־ נָס֥וֹג מִמֶּ֑ךָּ תְּ֝חַיֵּ֗נוּ וּבְשִׁמְךָ֥ נִקְרָֽא׃
20	יְה֘וָ֤ה אֱלֹהִ֣ים צְבָא֣וֹת הֲשִׁיבֵ֑נוּ הָאֵ֥ר פָּ֝נֶ֗יךָ וְנִוָּשֵֽׁעָה׃

81
1	לַמְנַצֵּ֬חַ ׀ עַֽל־ הַגִּתִּ֬ית לְאָסָֽף׃
2	הַ֭רְנִינוּ לֵאלֹהִ֣ים עוּזֵּ֑נוּ הָ֝רִ֗יעוּ לֵאלֹהֵ֥י יַעֲקֹֽב׃
	(4Q87 frg. 3,1) ה]רנינו [לאלהים עוזנו הריעו] (4Q87 frg. 3,2) [לאלהי יעקוב (Mas1e 1,14) [הרנינו לאלהים עוזנו הריעו לאלהי י]ע֯ק֯ב֯
3	שְֽׂאוּ־ זִ֭מְרָה וּתְנוּ־ תֹ֑ף כִּנּ֖וֹר נָעִ֣ים עִם־ נָֽבֶל׃
	(4Q87 frg. 3,2) שאו זמרה ותנו ]ת֯וף [כנור נעים עם נבל] (Mas1e 1,15) [שאו זמרה ותנו תף כנור נעים] ע֯ם֯ [נ]ב֯ל֯
4	תִּקְע֣וּ בַחֹ֣דֶשׁ שׁוֹפָ֑ר בַּ֝כֵּ֗סֶה לְי֣וֹם חַגֵּֽנוּ׃
	(11Q8 frg. 13,1) [בכסה ל]יום [חגנו (Mas1e 1,16) [תקעו בחדש שופר בכסה ליום] חג֯נ֯ו֯
5	כִּ֤י חֹ֣ק לְיִשְׂרָאֵ֣ל ה֑וּא מִ֝שְׁפָּ֗ט לֵאלֹהֵ֥י יַעֲקֹֽב׃
	(11Q8 frg. 13,1) כי חוק לישראל הוא משפט] (11Q8 frg. 13,2) [לאלוהי ]יעקוב֯[ (Mas1e 1,17) [כי חק לישראל הוא משפט לא]ל֯ה֯י יעקב
6	עֵד֤וּת ׀ בִּֽיה֘וֹסֵ֤ף שָׂמ֗וֹ בְּ֭צֵאתוֹ עַל־ אֶ֣רֶץ מִצְרָ֑יִם שְׂפַ֖ת לֹא־ יָדַ֣עְתִּי אֶשְׁמָֽע׃
	(11Q8 frg. 13,2) עדות ביהוסף שמו בצאתו על] (11Q8 frg. 13,3) [ארץ מצרי]ם שפות ל֯[וא ידעתי אשמע (Mas1e 1,18) [עדות ביהוסף שמו בצאתו על א]רץ מצר֯י֯ם֯ (Mas1e 1,19) [שפת לא ידעתי אשמע
7	הֲסִיר֣וֹתִי מִסֵּ֣בֶל שִׁכְמ֑וֹ כַּ֝פָּ֗יו מִדּ֥וּד תַּעֲבֹֽרְנָה׃
	(11Q8 frg. 13,3) הסירותי] (11Q8 frg. 13,4) [מסבל ש]כמו כפו מ֯[דוד תעברנה (Mas1e 1,19) הסירותי] מסב֯ל֯ שכמו (Mas1e 1,20) [כפיו מדוד תעברנה
8	בַּצָּרָ֥ה קָרָ֗אתָ וָאֲחַ֫לְּצֶ֥ךָּ אֶ֭עֶנְךָ בְּסֵ֣תֶר רַ֑עַם אֶבְחָֽנְךָ֨ עַל־ מֵ֖י מְרִיבָ֣ה סֶֽלָה׃
	(11Q8 frg. 13,4) בצרה] (11Q8 frg. 13,5) [קראת וא]ח֯לצכה א[ענכה בסתר רעם אבחנכה על] (11Q8 frg. 13,6) [מי מריבה ]ס֯לה֯ (Mas1e 1,20) בצ]רה ק[ר]את וא[ח]לצכה (Mas1e 1,21) [אענך בסתר רעם אבח]נ֯ך על מי מריבה סלה
9	שְׁמַ֣ע עַ֭מִּי וְאָעִ֣ידָה בָּ֑ךְ יִ֝שְׂרָאֵ֗ל אִם־ תִּֽשְׁמַֽע־ לִֽי׃
	(11Q8 frg. 13,6) ש[מע עמי ואעידה בך ישראל] (Mas1e 1,22) [שמע עמי ואעידה בך י]שראל אם תשמע ק֯ו֯לי
10	לֹֽא־ יִהְיֶ֣ה בְ֭ךָ אֵ֣ל זָ֑ר וְלֹ֥א תִ֝שְׁתַּחֲוֶ֗ה לְאֵ֣ל נֵכָֽר׃
	(Mas1e 1,23) [לא יהיה בך אל זר ולא] ת֯שתחוה לאל נכר
11	אָנֹכִ֨י ׀ יְה֘וָ֤ה אֱלֹהֶ֗יךָ הַֽ֭מַּעַלְךָ מֵאֶ֣רֶץ מִצְרָ֑יִם הַרְחֶב־ פִּ֝֗יךָ וַאֲמַלְאֵֽהוּ׃
	(Mas1e 1,24) [אנכי יהוה אלהיך המע]לך מארץ מצרים (Mas1e 1,25) [הרחב פיך ואמלאהו
12	וְלֹא־ שָׁמַ֣ע עַמִּ֣י לְקוֹלִ֑י וְ֝יִשְׂרָאֵ֗ל לֹא־ אָ֥בָה לִֽי׃
	(Mas1e 1,25) ולא] שמע עמי לקולי (Mas1e 1,26) [וישראל לא אבה לי
13	וָֽ֭אֲשַׁלְּחֵהוּ בִּשְׁרִיר֣וּת לִבָּ֑ם יֵ֝לְכ֗וּ בְּֽמוֹעֲצוֹתֵיהֶֽם׃
	(Mas1e 1,26) ואש]ל֯חהו בשררות לבם (Mas1e 1,27) [ילכו במועצותיהם
14	ל֗וּ עַ֭מִּי שֹׁמֵ֣עַֽ לִ֑י יִ֝שְׂרָאֵ֗ל בִּדְרָכַ֥י יְהַלֵּֽכוּ׃
	(Mas1e 1,27) לו] עמי שמע לי (Mas1e 1,28) [ישראל בדרכי יהלכו
15	כִּ֭מְעַט אוֹיְבֵיהֶ֣ם אַכְנִ֑יעַ וְעַ֥ל צָ֝רֵיהֶ֗ם אָשִׁ֥יב יָדִֽי׃
	(Mas1e 1,28) כמעט] אויביהם אכניע (Mas1e 1,29) [ועל צריהם אשיב ידי
16	מְשַׂנְאֵ֣י יְ֭הוָה יְכַֽחֲשׁוּ־ ל֑וֹ וִיהִ֖י עִתָּ֣ם לְעוֹלָֽם׃
	(Mas1e 1,29) משנא]י יהוה יכחשו לו (Mas1e 2,1) [ויהי עתם] לעולם
17	וֽ͏ַ֭יַּאֲכִילֵהוּ מֵחֵ֣לֶב חִטָּ֑ה וּ֝מִצּ֗וּר דְּבַ֣שׁ אַשְׂבִּיעֶֽךָ׃
	(Mas1e 2,1) ויאכילהו מחלב ח֯ט֯ה֯ (Mas1e 2,2) [ומצור דב]ש֯ אשביעך

82
1	מִזְמ֗וֹר לְאָ֫סָ֥ף אֱ‍ֽלֹהִ֗ים נִצָּ֥ב בַּעֲדַת־ אֵ֑ל בְּקֶ֖רֶב אֱלֹהִ֣ים יִשְׁפֹּֽט׃
	(11Q13 2,10) אלוהים [נ]צב בע[דת אל ]בקרוב אלוהים ישפוט ועליו אמ[ר ו]עלי[ה] (Mas1e 2,3) מזמו[ר] לאסף (Mas1e 2,4) אלהים נצב בעדת אל בקרב אלהים ישפט
2	עַד־ מָתַ֥י תִּשְׁפְּטוּ־ עָ֑וֶל וּפְנֵ֥י רְ֝שָׁעִ֗ים תִּשְׂאוּ־ סֶֽלָה׃
	(11Q13 2,11) ואשר א[מר עד מתי ת]שפוטו עוול ופני רשע[י]ם תש[או ס]לה (Mas1e 2,5) עד מתי תשפטו עול ופני רשעים תשאו סלה
3	שִׁפְטוּ־ דַ֥ל וְיָת֑וֹם עָנִ֖י וָרָ֣שׁ הַצְדִּֽיקוּ׃
	(Mas1e 2,6) שפטו דל ויתום עני ורש הצדי[קו]
4	פַּלְּטוּ־ דַ֥ל וְאֶבְי֑וֹן מִיַּ֖ד רְשָׁעִ֣ים הַצִּֽילוּ׃
	(Mas1e 2,7) פלטו דל ואביון מיד רשעים הצילו
5	לֹ֤א יָֽדְע֨וּ ׀ וְלֹ֥א יָבִ֗ינוּ בַּחֲשֵׁכָ֥ה יִתְהַלָּ֑כוּ יִ֝מּ֗וֹטוּ כָּל־ מ֥וֹסְדֵי אָֽרֶץ׃
	(Mas1e 2,8) לא ידעו ולא יבינו ב֯חשכה יתהלכו (Mas1e 2,9) ימוטו כל מוסדי ארץ
6	אֲ‍ֽנִי־ אָ֭מַרְתִּי אֱלֹהִ֣ים אַתֶּ֑ם וּבְנֵ֖י עֶלְי֣וֹן כֻּלְּכֶֽם׃
	(Mas1e 2,9) אני אמרתי אלהים אתם (Mas1e 2,10) ובני עליון כלכם
7	אָ֭כֵן כְּאָדָ֣ם תְּמוּת֑וּן וּכְאַחַ֖ד הַשָּׂרִ֣ים תִּפֹּֽלוּ׃
	(Mas1e 2,10) אכן כאדם תמותון (Mas1e 2,11) ו֯כ֯אחד השרים תפלו
8	קוּמָ֣ה אֱ֭לֹהִים שָׁפְטָ֣ה הָאָ֑רֶץ כִּֽי־ אַתָּ֥ה תִ֝נְחַ֗ל בְּכָל־ הַגּוֹיִֽם׃
	(Mas1e 2,11) קומה אלהים שפטה הארץ (Mas1e 2,12) כי אתה תנח֯ל בכל הגוים

83
1	שִׁ֖יר מִזְמ֣וֹר לְאָסָֽף׃
	(Mas1e 2,14) שיר מזמור לאסף
2	אֱלֹהִ֥ים אַל־ דֳּמִי־ לָ֑ךְ אַל־ תֶּחֱרַ֖שׁ וְאַל־ תִּשְׁקֹ֣ט אֵֽל׃
	(Mas1e 2,14) אלהים אל דמי לך (Mas1e 2,15) אל תחרש ואל תשק֯ט אל
3	כִּֽי־ הִנֵּ֣ה א֭וֹיְבֶיךָ יֶהֱמָי֑וּן וּ֝מְשַׂנְאֶ֗יךָ נָ֣שְׂאוּ רֹֽאשׁ׃
	(Mas1e 2,15) כיא֯ ה֯נה אויביך֯ י֯ה֯מ֯י֯ון (Mas1e 2,16) ומשנא֯יך נשאו ראש֯
4	עַֽל־ עַ֭מְּךָ יַעֲרִ֣ימוּ ס֑וֹד וְ֝יִתְיָעֲצ֗וּ עַל־ צְפוּנֶֽיךָ׃
	(Mas1e 2,16) על עמך [יע]ר[ימו ס]וד֯ (Mas1e 2,17) ויתיעצו על צפוניך
5	אָמְר֗וּ לְ֭כוּ וְנַכְחִידֵ֣ם מִגּ֑וֹי וְלֹֽא־ יִזָּכֵ֖ר שֵֽׁם־ יִשְׂרָאֵ֣ל עֽוֹד׃
	(Mas1e 2,17) אמרו לכו ונכח[יד]ם֯ מגוי (Mas1e 2,18) ולא יזכר שם ישראל עוד
6	כִּ֤י נוֹעֲצ֣וּ לֵ֣ב יַחְדָּ֑ו עָ֝לֶ֗יךָ בְּרִ֣ית יִכְרֹֽתוּ׃
	(Mas1e 2,18) כי נועצו לב יח[דו] (Mas1e 2,19) עלי֯ך֯ ברית יכרתו
7	אָהֳלֵ֣י אֱ֭דוֹם וְיִשְׁמְעֵאלִ֗ים מוֹאָ֥ב וְהַגְרֽ͏ִים׃
	(Mas1e 2,19) אלהי אדום וישמעאל֯[י]ם֯ (Mas1e 2,20) מואב והגרים
8	גְּבָ֣ל וְ֭עַמּוֹן וַעֲמָלֵ֑ק פְּ֝לֶ֗שֶׁת עִם־ יֹ֥שְׁבֵי צֽוֹר׃
	(Mas1e 2,20) גבל עמון ועמלק (Mas1e 2,21) פלשת עם ישבי צור
9	גַּם־ אַ֭שּׁוּר נִלְוָ֣ה עִמָּ֑ם הָ֤י֥וּ זְר֖וֹעַ לִבְנֵי־ ל֣וֹט סֶֽלָה׃
	(Mas1e 2,21) גם אשור נלוה עמם (Mas1e 2,22) היו זרוע לבני לוט סלה
10	עֲשֵֽׂה־ לָהֶ֥ם כְּמִדְיָ֑ן כְּֽסִֽיסְרָ֥א כְ֝יָבִ֗ין בְּנַ֣חַל קִישֽׁוֹן׃
	(Mas1e 2,22) עשה להם כמדין כסיסרא (Mas1e 2,23) כיבין בנחל קישון
11	נִשְׁמְד֥וּ בְֽעֵין־ דֹּ֑אר הָ֥יוּ דֹ֝֗מֶן לָאֲדָמָֽה׃
	(Mas1e 2,23) נשמדו בעין דאר (Mas1e 2,24) היו דמן לאדמה
12	שִׁיתֵ֣מוֹ נְ֭דִיבֵמוֹ כְּעֹרֵ֣ב וְכִזְאֵ֑ב וּֽכְזֶ֥בַח וּ֝כְצַלְמֻנָּ֗ע כָּל־ נְסִיכֵֽמוֹ׃
	(Mas1e 2,24) שיתמו נדיבימו כערב וכזאב (Mas1e 2,25) וכזבח וכצלמנע֯ [כ]ל [נ]סיכמו
13	אֲשֶׁ֣ר אָ֭מְרוּ נִ֣ירֲשָׁה לָּ֑נוּ אֵ֝֗ת נְא֣וֹת אֱלֹהִֽים׃
	(Mas1e 2,25) אשר אמרו נירשה לנו (Mas1e 2,26) את נאות אלהים
14	אֱ‍ֽלֹהַ֗י שִׁיתֵ֥מוֹ כַגַּלְגַּ֑ל כְּ֝קַ֗שׁ לִפְנֵי־ רֽוּחַ׃
	(Mas1e 2,26) אלהים שיתמו כגלגל (Mas1e 2,27) כקש לפני רוח
15	כְּאֵ֥שׁ תִּבְעַר־ יָ֑עַר וּ֝כְלֶהָבָ֗ה תְּלַהֵ֥ט הָרִֽים׃
	(Mas1e 2,27) כאש תבער יער (Mas1e 2,28) וכלהבה תלהט הרים
16	כֵּ֭ן תִּרְדְּפֵ֣ם בְּסַעֲרֶ֑ךָ וּבְסוּפָתְךָ֥ תְבַהֲלֵֽם׃
	(Mas1e 2,28) כן תרדפם בסערך (Mas1e 2,29) ובסופתך תבהלם
17	מַלֵּ֣א פְנֵיהֶ֣ם קָל֑וֹן וִֽיבַקְשׁ֖וּ שִׁמְךָ֣ יְהוָֽה׃
	(Mas1e 2,29) מלא פניהם קלון (Mas1e 3,1) [ויבקשו שמך יהוה
18	יֵבֹ֖שׁוּ וְיִבָּהֲל֥וּ עֲדֵי־ עַ֗ד וְֽיַחְפְּר֥וּ וְיֹאבֵֽדוּ׃
	(Mas1e 3,1) יבשו ויבהלו עדי עד] (Mas1e 3,2) ו֯י֯ח֯[פרו ויאבדו
19	וְֽיֵדְע֗וּ כִּֽי־ אַתָּ֬ה שִׁמְךָ֣ יְהוָ֣ה לְבַדֶּ֑ךָ עֶ֝לְי֗וֹן עַל־ כָּל־ הָאָֽרֶץ׃
	(Mas1e 3,2) וידעו כי אתה שמך יהוה לבדך] (Mas1e 3,3) על֯י[ון על כל הארץ ]

84
1	לַמְנַצֵּ֥חַ עַֽל־ הַגִּתִּ֑ית לִבְנֵי־ קֹ֥רַח מִזְמֽוֹר׃
	(Mas1e 3,5) למנצח֯ [על הגתית לבני קרח מזמור ]
2	מַה־ יְּדִיד֥וֹת מִשְׁכְּנוֹתֶ֗יךָ יְהוָ֥ה צְבָאֽוֹת׃
	(Mas1e 3,6) מה ידידות מ[שכנותיך יהוה צבאות]
3	נִכְסְפָ֬ה וְגַם־ כָּלְתָ֨ה ׀ נַפְשִׁי֮ לְחַצְר֢וֹת יְה֫וָ֥ה לִבִּ֥י וּבְשָׂרִ֑י יְ֝רַנְּנ֗וּ אֶ֣ל אֵֽל־ חָֽי׃
	(Mas1e 3,7) נכספה וגם כ[לתה נפשי לחצרות יהוה] (Mas1e 3,8) לבי ובשרי יר[ננו אל אל חי]
4	גַּם־ צִפּ֨וֹר ׀ מָ֪צְאָה בַ֡יִת וּדְר֤וֹר ׀ קֵ֥ן לָהּ֮ אֲשֶׁר־ שָׁ֢תָה אֶפְרֹ֫חֶ֥יהָ אֶֽת־ מִ֭זְבְּחוֹתֶיךָ יְהוָ֣ה צְבָא֑וֹת מַ֝לְכִּ֗י וֵאלֹהָֽי׃
	(Mas1e 3,9) גם צפור מצא֯[ה בית ודרור קן לה] (Mas1e 3,10) אשר שתה א[פרחיה את מזבחותיך] (Mas1e 3,11) יהוה צבאות [מלכי ואלהי
5	אַ֭שְׁרֵי יוֹשְׁבֵ֣י בֵיתֶ֑ךָ ע֝֗וֹד יְֽהַלְל֥וּךָ סֶּֽלָה׃
	(Mas1e 3,11) אשרי יושבי ביתך] (Mas1e 3,12) עוד יהללוך ס[לה
6	אַשְׁרֵ֣י אָ֭דָם עֽוֹז־ ל֥וֹ בָ֑ךְ מְ֝סִלּ֗וֹת בִּלְבָבָֽם׃
	(Mas1e 3,12) אשרי אדם עוז לו בך] (Mas1e 3,13) מסלות בלבבם
7	עֹבְרֵ֤י ׀ בְּעֵ֣מֶק הַ֭בָּכָא מַעְיָ֣ן יְשִׁית֑וּהוּ גַּם־ בְּ֝רָכ֗וֹת יַעְטֶ֥ה מוֹרֶֽה׃
	(Mas1e 3,13) עברי בעמק הבכא] (Mas1e 3,14) מעין ישיתהו גם ברכות יעטה מורה]
8	יֵ֭לְכוּ מֵחַ֣יִל אֶל־ חָ֑יִל יֵרָאֶ֖ה אֶל־ אֱלֹהִ֣ים בְּצִיּֽוֹן׃
	(Mas1e 3,15) ילכו מחיל אל ח[יל יראה אל אלהים בציון]
9	יְה֘וָ֤ה אֱלֹהִ֣ים צְ֭בָאוֹת שִׁמְעָ֣ה תְפִלָּתִ֑י הַאֲזִ֨ינָה אֱלֹהֵ֖י יַעֲקֹ֣ב סֶֽלָה׃
	(Mas1e 3,16) יהוה אלהי֯ם צב[אות שמעה תפלתי] (Mas1e 3,17) ה֯[אזינה] אלהי יע[קב סלה
10	מָ֭גִנֵּנוּ רְאֵ֣ה אֱלֹהִ֑ים וְ֝הַבֵּ֗ט פְּנֵ֣י מְשִׁיחֶֽךָ׃
	(Mas1e 3,17) מגננו ראה אלהים] (Mas1e 3,18) ו֯ה֯[בט פני משיחך
11	כִּ֤י טֽוֹב־ י֥וֹם בַּחֲצֵרֶ֗יךָ מֵ֫אָ֥לֶף בָּחַ֗רְתִּי הִ֭סְתּוֹפֵף בְּבֵ֣ית אֱלֹהַ֑י מִ֝דּ֗וּר בְּאָהֳלֵי־ רֶֽשַׁע׃
	(Mas1e 3,18) כי טוב יום בחצריך] (Mas1e 3,19) [מאלף בחרתי הסתופף בבית אלהי] (Mas1e 3,20) מד[ו]ר֯ באה֯[לי רשע
12	כִּ֤י שֶׁ֨מֶשׁ ׀ וּמָגֵן֮ יְהוָ֢ה אֱלֹ֫הִ֥ים חֵ֣ן וְ֭כָבוֹד יִתֵּ֣ן יְהוָ֑ה לֹ֥א יִמְנַע־ ט֝֗וֹב לַֽהֹלְכִ֥ים בְּתָמִֽים׃
	(Mas1e 3,20) כי שמש ומגן יהוה אלהים] (Mas1e 3,21) חן וכבוד יתן יה[וה לא ימנע טוב להלכים בתמים]
13	יְהוָ֥ה צְבָא֑וֹת אַֽשְׁרֵ֥י אָ֝דָ֗ם בֹּטֵ֥חַ בָּֽךְ׃
	(Mas1e 3,22) יהוה צבאות אשרי אדם בטח בך]

85
1	לַמְנַצֵּ֬חַ ׀ לִבְנֵי־ קֹ֬רַח מִזְמֽוֹר׃
	(Mas1e 3,24) למנצח לבני קרח מזמ[ור ]
2	רָצִ֣יתָ יְהוָ֣ה אַרְצֶ֑ךָ שַׁ֝֗בְתָּ שבות (שְׁבִ֣ית) יַעֲקֹֽב׃
	(Mas1e 3,25) רצית יהוה ארצך שבת שבות יעקב]
3	נָ֭שָׂאתָ עֲוֺ֣ן עַמֶּ֑ךָ כִּסִּ֖יתָ כָל־ חַטָּאתָ֣ם סֶֽלָה׃
	(Mas1e 3,26) נשאת עון עמך כסית כל חטאתם סלה]
4	אָסַ֥פְתָּ כָל־ עֶבְרָתֶ֑ךָ הֱ֝שִׁיב֗וֹתָ מֵחֲר֥וֹן אַפֶּֽךָ׃
	(Mas1e 3,27) אספת כל עברתך השיבות מחרון אפך]
5	שׁ֭וּבֵנוּ אֱלֹהֵ֣י יִשְׁעֵ֑נוּ וְהָפֵ֖ר כַּֽעַסְךָ֣ עִמָּֽנוּ׃
	(Mas1e 3,28) שובנו אלהי ישענו והפר כעסך עמנו]
6	הַלְעוֹלָ֥ם תֶּֽאֱנַף־ בָּ֑נוּ תִּמְשֹׁ֥ךְ אַ֝פְּךָ֗ לְדֹ֣ר וָדֹֽר׃
	(Mas1e 3,29) הלעולם תאנף בנו תמשך אפך לדר ודר]
7	הֽ͏ֲלֹא־ אַ֭תָּה תָּשׁ֣וּב תְּחַיֵּ֑נוּ וְ֝עַמְּךָ֗ יִשְׂמְחוּ־ בָֽךְ׃
8	הַרְאֵ֣נוּ יְהוָ֣ה חַסְדֶּ֑ךָ וְ֝יֶשְׁעֲךָ֗ תִּתֶּן־ לָֽנוּ׃
9	אֶשְׁמְעָ֗ה מַה־ יְדַבֵּר֮ הָאֵ֢ל ׀ יְה֫וָ֥ה כִּ֤י ׀ יְדַבֵּ֬ר שָׁל֗וֹם אֶל־ עַמּ֥וֹ וְאֶל־ חֲסִידָ֑יו וְֽאַל־ יָשׁ֥וּבוּ לְכִסְלָֽה׃
10	אַ֤ךְ ׀ קָר֣וֹב לִירֵאָ֣יו יִשְׁע֑וֹ לִשְׁכֹּ֖ן כָּב֣וֹד בְּאַרְצֵֽנוּ׃
11	חֶֽסֶד־ וֶאֱמֶ֥ת נִפְגָּ֑שׁוּ צֶ֖דֶק וְשָׁל֣וֹם נָשָֽׁקוּ׃
12	אֱ֭מֶת מֵאֶ֣רֶץ תִּצְמָ֑ח וְ֝צֶ֗דֶק מִשָּׁמַ֥יִם נִשְׁקָֽף׃
13	גַּם־ יְ֭הוָה יִתֵּ֣ן הַטּ֑וֹב וְ֝אַרְצֵ֗נוּ תִּתֵּ֥ן יְבוּלָֽהּ׃
14	צֶ֭דֶק לְפָנָ֣יו יְהַלֵּ֑ךְ וְיָשֵׂ֖ם לְדֶ֣רֶךְ פְּעָמָֽיו׃

86
1	תְּפִלָּ֗ה לְדָ֫וִ֥ד הַטֵּֽה־ יְהוָ֣ה אָזְנְךָ֣ עֲנֵ֑נִי כִּֽי־ עָנִ֖י וְאֶבְי֣וֹן אָֽנִי׃
2	שָֽׁמְרָ֣ה נַפְשִׁי֮ כִּֽי־ חָסִ֢יד אָ֥נִי הוֹשַׁ֣ע עַ֭בְדְּךָ אַתָּ֣ה אֱלֹהַ֑י הַבּוֹטֵ֥חַ אֵלֶֽיךָ׃
3	חָנֵּ֥נִי אֲדֹנָ֑י כִּ֥י אֵלֶ֥יךָ אֶ֝קְרָ֗א כָּל־ הַיּֽוֹם׃
4	שַׂ֭מֵּחַ נֶ֣פֶשׁ עַבְדֶּ֑ךָ כִּ֥י אֵלֶ֥יךָ אֲ֝דֹנָ֗י נַפְשִׁ֥י אֶשָּֽׂא׃
5	כִּֽי־ אַתָּ֣ה אֲ֭דֹנָי ט֣וֹב וְסַלָּ֑ח וְרַב־ חֶ֝֗סֶד לְכָל־ קֹרְאֶֽיךָ׃
	(1Q10 frg. 1,1) כי אתה א]דני טוב וסלח֯[ ורב חסד לכל] (1Q10 frg. 1,2) [קראיך
6	הַאֲזִ֣ינָה יְ֭הוָה תְּפִלָּתִ֑י וְ֝הַקְשִׁ֗יבָה בְּק֣וֹל תַּחֲנוּנוֹתָֽי׃
	(1Q10 frg. 1,2) האזינה יהוה ]ת֯פלתי והקש֯[יבה בקול תחנונותי]
7	בְּי֣וֹם צָ֭רָתִ֥י אֶקְרָאֶ֗ךָּ כִּ֣י תַעֲנֵֽנִי׃
	(1Q10 frg. 1,3) [ביום צרתי אקראך כי תענני
8	אֵין־ כָּמ֖וֹךָ בָאֱלֹהִ֥ים ׀ אֲדֹנָ֗י וְאֵ֣ין כְּֽמַעֲשֶֽׂיךָ׃
	(1Q10 frg. 1,3) ]א֯ין [כמוך באלהים אדני]
9	כָּל־ גּוֹיִ֤ם ׀ אֲשֶׁ֥ר עָשִׂ֗יתָ יָב֤וֹאוּ ׀ וְיִשְׁתַּחֲו֣וּ לְפָנֶ֣יךָ אֲדֹנָ֑י וִֽיכַבְּד֣וּ לִשְׁמֶֽךָ׃
10	כִּֽי־ גָד֣וֹל אַ֭תָּה וְעֹשֵׂ֣ה נִפְלָא֑וֹת אַתָּ֖ה אֱלֹהִ֣ים לְבַדֶּֽךָ׃
	(4Q87 frg. 4,1) [גדול אתה ועושה נפלאות אתה אלוהי]ם לבדכ֯[ה
11	ה֘וֹרֵ֤נִי יְהוָ֨ה ׀ דַּרְכֶּ֗ךָ אֲהַלֵּ֥ךְ בַּאֲמִתֶּ֑ךָ יַחֵ֥ד לְ֝בָבִ֗י לְיִרְאָ֥ה שְׁמֶֽךָ׃
	(4Q87 frg. 4,1) הורני] (4Q87 frg. 4,2) [יהוה דרככה אהלך באמתכה יחד לבבי ]ליר֯[אה שמכה] (11Q8 frg. 14,1) באמתכ֯[ה יחד לבבי ליראה שמכה
12	אוֹדְךָ֤ ׀ אֲדֹנָ֣י אֱ֭לֹהַי בְּכָל־ לְבָבִ֑י וַאֲכַבְּדָ֖ה שִׁמְךָ֣ לְעוֹלָֽם׃
	(11Q8 frg. 14,1) אודכה אדני] (11Q8 frg. 14,2) אלוהי ב[כול לבבי ואכבדה שמכה לעולם
13	כִּֽי־ חַ֭סְדְּךָ גָּד֣וֹל עָלָ֑י וְהִצַּ֥לְתָּ נַ֝פְשִׁ֗י מִשְּׁא֥וֹל תַּחְתִּיּֽ͏ָה׃
	(11Q8 frg. 14,2) כי] (11Q8 frg. 14,3) גדול ע[לי חסדכה והצלת נפשי משאול תחתיה]
14	אֱלֹהִ֤ים ׀ זֵ֘דִ֤ים קָֽמוּ־ עָלַ֗י וַעֲדַ֣ת עָ֭רִיצִים בִּקְשׁ֣וּ נַפְשִׁ֑י וְלֹ֖א שָׂמ֣וּךָ לְנֶגְדָּֽם׃
	(11Q8 frg. 14,4) א֯ל[ו]הים[ זדים קמו עלי ועדת עריצים בקשו נפשי]
15	וְאַתָּ֣ה אֲ֭דֹנָי אֵל־ רַח֣וּם וְחַנּ֑וּן אֶ֥רֶךְ אַ֝פַּ֗יִם וְרַב־ חֶ֥סֶד וֶאֱמֶֽת׃
16	פְּנֵ֥ה אֵלַ֗י וְחָ֫נֵּ֥נִי תְּנָֽה־ עֻזְּךָ֥ לְעַבְדֶּ֑ךָ וְ֝הוֹשִׁ֗יעָה לְבֶן־ אֲמָתֶֽךָ׃
17	עֲשֵֽׂה־ עִמִּ֥י א֗וֹת לְט֫וֹבָ֥ה וְיִרְא֣וּ שֹׂנְאַ֣י וְיֵבֹ֑שׁוּ כִּֽי־ אַתָּ֥ה יְ֝הוָ֗ה עֲזַרְתַּ֥נִי וְנִחַמְתָּֽנִי׃

87
1	לִבְנֵי־ קֹ֭רַח מִזְמ֣וֹר שִׁ֑יר יְ֝סוּדָת֗וֹ בְּהַרְרֵי־ קֹֽדֶשׁ׃
2	אֹהֵ֣ב יְ֭הוָה שַׁעֲרֵ֣י צִיּ֑וֹן מִ֝כֹּ֗ל מִשְׁכְּנ֥וֹת יַעֲקֹֽב׃
3	נִ֭כְבָּדוֹת מְדֻבָּ֣ר בָּ֑ךְ עִ֖יר הָאֱלֹהִ֣ים סֶֽלָה׃
4	אַזְכִּ֤יר ׀ רַ֥הַב וּבָבֶ֗ל לְֽיֹ֫דְעָ֥י הִנֵּ֤ה פְלֶ֣שֶׁת וְצ֣וֹר עִם־ כּ֑וּשׁ זֶ֝֗ה יֻלַּד־ שָֽׁם׃
5	וּֽלֲצִיּ֨וֹן ׀ יֵאָמַ֗ר אִ֣ישׁ וְ֭אִישׁ יֻלַּד־ בָּ֑הּ וְה֖וּא יְכוֹנְנֶ֣הָ עֶלְיֽוֹן׃
6	יְֽהוָ֗ה יִ֭סְפֹּר בִּכְת֣וֹב עַמִּ֑ים זֶ֖ה יֻלַּד־ שָׁ֣ם סֶֽלָה׃
7	וְשָׁרִ֥ים כְּחֹלְלִ֑ים כָּֽל־ מַעְיָנַ֥י בָּֽךְ׃

88
1	שִׁ֥יר מִזְמ֗וֹר לִבְנֵ֫י קֹ֥רַח לַמְנַצֵּ֣חַ עַל־ מָחֲלַ֣ת לְעַנּ֑וֹת מַ֝שְׂכִּ֗יל לְהֵימָ֥ן הָאֶזְרָחִֽי׃
	(4Q87 frg. 5,1) שיר מזמור לבני] (4Q87 frg. 5,2) [קורח למנצח על מחלת לענות משכיל ]ל֯הימן האזר[חי]
2	יְ֭הוָה אֱלֹהֵ֣י יְשׁוּעָתִ֑י יוֹם־ צָעַ֖קְתִּי בַלַּ֣יְלָה נֶגְדֶּֽךָ׃
	(4Q87 frg. 5,3) [יהוה אלוהי ישועתי יום צעקתי בליל]ה֯ נגדכה
3	תָּב֣וֹא לְ֭פָנֶיךָ תְּפִלָּתִ֑י הַטֵּֽה־ אָ֝זְנְךָ֗ לְרִנָּתִֽי׃
	(4Q87 frg. 5,3) תבוא֯[ ] (4Q87 frg. 5,4) [לפניכה תפלתי הטה אזנכה לרנתי
4	כִּֽי־ שָֽׂבְעָ֣ה בְרָע֣וֹת נַפְשִׁ֑י וְחַיַּ֗י לִשְׁא֥וֹל הִגִּֽיעוּ׃
	(4Q87 frg. 5,4) כי שב]עה ברעות (4Q87 frg. 5,5) [נפשי וחיי לשאול הגיעו
5	נֶ֭חְשַׁבְתִּי עִם־ י֣וֹרְדֵי ב֑וֹר הָ֝יִ֗יתִי כְּגֶ֣בֶר אֵֽין־ אֱיָֽל׃
	(4Q87 frg. 5,5) נחשבתי עם יור]ד֯[י בור ]ה[ייתי]
6	בַּמֵּתִ֗ים חָ֫פְשִׁ֥י כְּמ֤וֹ חֲלָלִ֨ים ׀ שֹׁ֥כְבֵי קֶ֗בֶר אֲשֶׁ֤ר לֹ֣א זְכַרְתָּ֣ם ע֑וֹד וְ֝הֵ֗מָּה מִיָּדְךָ֥ נִגְזָֽרוּ׃
7	שַׁ֭תַּנִי בְּב֣וֹר תַּחְתִּיּ֑וֹת בְּ֝מַחֲשַׁכִּ֗ים בִּמְצֹלֽוֹת׃
8	עָ֭לַי סָמְכָ֣ה חֲמָתֶ֑ךָ וְכָל־ מִ֝שְׁבָּרֶ֗יךָ עִנִּ֥יתָ סֶּֽלָה׃
9	הִרְחַ֥קְתָּ מְיֻדָּעַ֗י מִ֫מֶּ֥נִּי שַׁתַּ֣נִי תוֹעֵב֣וֹת לָ֑מוֹ כָּ֝לֻ֗א וְלֹ֣א אֵצֵֽא׃
10	עֵינִ֥י דָאֲבָ֗ה מִנִּ֫י עֹ֥נִי קְרָאתִ֣יךָ יְהוָ֣ה בְּכָל־ י֑וֹם שִׁטַּ֖חְתִּי אֵלֶ֣יךָ כַפָּֽי׃
11	הֲלַמֵּתִ֥ים תַּעֲשֶׂה־ פֶּ֑לֶא אִם־ רְ֝פָאִ֗ים יָק֤וּמוּ ׀ יוֹד֬וּךָ סֶּֽלָה׃
12	הַיְסֻפַּ֣ר בַּקֶּ֣בֶר חַסְדֶּ֑ךָ אֱ֝מֽוּנָתְךָ֗ בָּאֲבַדּֽוֹן׃
13	הֲיִוָּדַ֣ע בַּחֹ֣שֶׁךְ פִּלְאֶ֑ךָ וְ֝צִדְקָתְךָ֗ בְּאֶ֣רֶץ נְשִׁיָּֽה׃
14	וַאֲנִ֤י ׀ אֵלֶ֣יךָ יְהוָ֣ה שִׁוַּ֑עְתִּי וּ֝בַבֹּ֗קֶר תְּֽפִלָּתִ֥י תְקַדְּמֶֽךָּ׃
15	לָמָ֣ה יְ֭הוָה תִּזְנַ֣ח נַפְשִׁ֑י תַּסְתִּ֖יר פָּנֶ֣יךָ מִמֶּֽנִּי׃
	(4Q98c frg. 1,1) [תסתיר ]פ֯ניכה ממני
16	עָ֘נִ֤י אֲנִ֣י וְגֹוֵ֣עַ מִנֹּ֑עַר נָשָׂ֖אתִי אֵמֶ֣יךָ אָפֽוּנָה׃
	(4Q98c frg. 1,1) ע[ני אני וגווע מנוער נשאתי] (4Q98c frg. 1,2) [אמיכה ]א֯פורה
17	עָ֭לַי עָבְר֣וּ חֲרוֹנֶ֑יךָ בִּ֝עוּתֶ֗יךָ צִמְּתוּתֻֽנִי׃
	(4Q98c frg. 1,2) על[י] ע[ברו חרוניכה בעותיכה]
18	סַבּ֣וּנִי כַ֭מַּיִם כָּל־ הַיּ֑וֹם הִקִּ֖יפוּ עָלַ֣י יָֽחַד׃
19	הִרְחַ֣קְתָּ מִ֭מֶּנִּי אֹהֵ֣ב וָרֵ֑עַ מְֽיֻדָּעַ֥י מַחְשָֽׁךְ׃

89
1	מַ֝שְׂכִּ֗יל לְאֵיתָ֥ן הָֽאֶזְרָחִֽי׃
2	חַֽסְדֵ֣י יְ֭הוָה עוֹלָ֣ם אָשִׁ֑ירָה לְדֹ֥ר וָדֹ֓ר ׀ אוֹדִ֖יעַ אֱמוּנָתְךָ֣ בְּפִֽי׃
3	כִּֽי־ אָמַ֗רְתִּי ע֭וֹלָם חֶ֣סֶד יִבָּנֶ֑ה שָׁמַ֓יִם ׀ תָּכִ֖ן אֱמוּנָתְךָ֣ בָהֶֽם׃
4	כָּרַ֣תִּֽי בְ֭רִית לִבְחִירִ֑י נִ֝שְׁבַּ֗עְתִּי לְדָוִ֥ד עַבְדִּֽי׃
5	עַד־ ע֭וֹלָם אָכִ֣ין זַרְעֶ֑ךָ וּבָנִ֨יתִי לְדֹר־ וָד֖וֹר כִּסְאֲךָ֣ סֶֽלָה׃
6	וְי֘וֹד֤וּ שָׁמַ֣יִם פִּלְאֲךָ֣ יְהוָ֑ה אַף־ אֱ֝מֽוּנָתְךָ֗ בִּקְהַ֥ל קְדֹשִֽׁים׃
7	כִּ֤י מִ֣י בַ֭שַּׁחַק יַעֲרֹ֣ךְ לַיהוָ֑ה יִדְמֶ֥ה לַ֝יהוָ֗ה בִּבְנֵ֥י אֵלִים׃
8	אֵ֣ל נַ֭עֲרָץ בְּסוֹד־ קְדֹשִׁ֣ים רַבָּ֑ה וְ֝נוֹרָ֗א עַל־ כָּל־ סְבִיבָֽיו׃
9	יְהוָ֤ה ׀ אֱלֹ֘הֵ֤י צְבָא֗וֹת מִֽי־ כָֽמ֖וֹךָ חֲסִ֥ין ׀ יָ֑הּ וֶ֝אֱמֽוּנָתְךָ֗ סְבִיבוֹתֶֽיךָ׃
10	אַתָּ֣ה מ֭וֹשֵׁל בְּגֵא֣וּת הַיָּ֑ם בְּשׂ֥וֹא גַ֝לָּ֗יו אַתָּ֥ה תְשַׁבְּחֵֽם׃
11	אַתָּ֤ה דִכִּ֣אתָ כֶחָלָ֣ל רָ֑הַב בִּזְר֥וֹעַ עֻ֝זְּךָ֗ פִּזַּ֥רְתָּ אוֹיְבֶֽיךָ׃
12	לְךָ֣ שָׁ֭מַיִם אַף־ לְךָ֥ אָ֑רֶץ תֵּבֵ֥ל וּ֝מְלֹאָ֗הּ אַתָּ֥ה יְסַדְתָּֽם׃
13	צָפ֣וֹן וְ֭יָמִין אַתָּ֣ה בְרָאתָ֑ם תָּב֥וֹר וְ֝חֶרְמ֗וֹן בְּשִׁמְךָ֥ יְרַנֵּֽנוּ׃
14	לְךָ֣ זְ֭רוֹעַ עִם־ גְּבוּרָ֑ה תָּעֹ֥ז יָ֝דְךָ֗ תָּר֥וּם יְמִינֶֽךָ׃
15	צֶ֣דֶק וּ֭מִשְׁפָּט מְכ֣וֹן כִּסְאֶ֑ךָ חֶ֥סֶד וֶ֝אֱמֶ֗ת יְֽקַדְּמ֥וּ פָנֶֽיךָ׃
16	אַשְׁרֵ֣י הָ֭עָם יוֹדְעֵ֣י תְרוּעָ֑ה יְ֝הוָ֗ה בְּֽאוֹר־ פָּנֶ֥יךָ יְהַלֵּכֽוּן׃
17	בְּ֭שִׁמְךָ יְגִיל֣וּן כָּל־ הַיּ֑וֹם וּבְצִדְקָתְךָ֥ יָרֽוּמוּ׃
18	כִּֽי־ תִפְאֶ֣רֶת עֻזָּ֣מוֹ אָ֑תָּה וּ֝בִרְצֹנְךָ֗ תרים (תָּר֥וּם) קַרְנֵֽנוּ׃
19	כִּ֣י לַֽ֭יהוָה מָֽגִנֵּ֑נוּ וְלִקְד֖וֹשׁ יִשְׂרָאֵ֣ל מַלְכֵּֽנוּ׃
20	אָ֤ז דִּבַּ֥רְתָּֽ־ בְחָ֡זוֹן לַֽחֲסִידֶ֗יךָ וַתֹּ֗אמֶר שִׁוִּ֣יתִי עֵ֭זֶר עַל־ גִּבּ֑וֹר הֲרִימ֖וֹתִי בָח֣וּר מֵעָֽם׃
	(4Q98g frg. 1,1) [בחזון ל]ב֯ח֯ריכ תא֯מר שת עו[זר על] ››ג֯[בור]‹‹ (4Q98g frg. 1,2) [הרימותי ב]חר מן עמ
21	מָ֭צָאתִי דָּוִ֣ד עַבְדִּ֑י בְּשֶׁ֖מֶן קָדְשִׁ֣י מְשַׁחְתִּֽיו׃
	(4Q98g frg. 1,2) מצתי֯[ ] (4Q98g frg. 1,3) [דוד עבדי ]מן שמן קדשי (4Q98g frg. 1,4) [משחתיו
22	אֲשֶׁ֣ר יָ֭דִי תִּכּ֣וֹן עִמּ֑וֹ אַף־ זְרוֹעִ֥י תְאַמְּצֶֽנּוּ׃
	(4Q98g frg. 1,4) אש]ר֯ ~~שמן~~ ידו תכנכם (4Q98g frg. 1,5) [ותאמצכם …
23	לֹֽא־ יַשִּׁ֣א אוֹיֵ֣ב בּ֑וֹ וּבֶן־ עַ֝וְלָ֗ה לֹ֣א יְעַנֶּֽנּוּ׃
	(4Q98g frg. 1,6) לא יוסיף ]אואב ובן על לענות^ו
24	וְכַתּוֹתִ֣י מִפָּנָ֣יו צָרָ֑יו וּמְשַׂנְאָ֥יו אֶגּֽוֹף׃
25	וֶֽאֶֽמוּנָתִ֣י וְחַסְדִּ֣י עִמּ֑וֹ וּ֝בִשְׁמִ֗י תָּר֥וּם קַרְנֽוֹ׃
26	וְשַׂמְתִּ֣י בַיָּ֣ם יָד֑וֹ וּֽבַנְּהָר֥וֹת יְמִינֽוֹ׃
	(4Q98g frg. 1,5) ו]ש֯מתי בימ יד בנהר^ת (4Q98g frg. 1,6) [ימינו …
27	ה֣וּא יִ֭קְרָאֵנִי אָ֣בִי אָ֑תָּה אֵ֝לִ֗י וְצ֣וּר יְשׁוּעָתִֽי׃
	(4Q98g frg. 1,7) [יקראני א]ב֯י
28	אַף־ אָ֭נִי בְּכ֣וֹר אֶתְּנֵ֑הוּ עֶ֝לְי֗וֹן לְמַלְכֵי־ אָֽרֶץ׃
	(4Q98g frg. 1,7) את אני בכור א֯ת֯נ^נ[ו] (4Q98g frg. 1,8) [עלין למלכי ]א֯ר֯ץ֯
29	לְ֭עוֹלָ֗ם אשמור־ (אֶשְׁמָר־) ל֣וֹ חַסְדִּ֑י וּ֝בְרִיתִ֗י נֶאֱמֶ֥נֶת לֽוֹ׃
30	וְשַׂמְתִּ֣י לָעַ֣ד זַרְע֑וֹ וְ֝כִסְא֗וֹ כִּימֵ֥י שָׁמָֽיִם׃
31	אִם־ יַֽעַזְב֣וּ בָ֭נָיו תּוֹרָתִ֑י וּ֝בְמִשְׁפָּטַ֗י לֹ֣א יֵלֵכֽוּן׃
	(4Q98g frg. 1,8) אמ יעזבו
32	אִם־ חֻקֹּתַ֥י יְחַלֵּ֑לוּ וּ֝מִצְוֺתַ֗י לֹ֣א יִשְׁמֹֽרוּ׃
33	וּפָקַדְתִּ֣י בְשֵׁ֣בֶט פִּשְׁעָ֑ם וּבִנְגָעִ֥ים עֲוֺנָֽם׃
34	וְ֭חַסְדִּי לֹֽא־ אָפִ֣יר מֵֽעִמּ֑וֹ וְלֹֽא־ אֲ֝שַׁקֵּ֗ר בֶּאֱמוּנָתִֽי׃
35	לֹא־ אֲחַלֵּ֥ל בְּרִיתִ֑י וּמוֹצָ֥א שְׂ֝פָתַ֗י לֹ֣א אֲשַׁנֶּֽה׃
36	אַ֭חַת נִשְׁבַּ֣עְתִּי בְקָדְשִׁ֑י אִֽם־ לְדָוִ֥ד אֲכַזֵּֽב׃
37	זַ֭רְעוֹ לְעוֹלָ֣ם יִהְיֶ֑ה וְכִסְא֖וֹ כַשֶּׁ֣מֶשׁ נֶגְדִּֽי׃
38	כְּ֭יָרֵחַ יִכּ֣וֹן עוֹלָ֑ם וְעֵ֥ד בַּ֝שַּׁ֗חַק נֶאֱמָ֥ן סֶֽלָה׃
39	וְאַתָּ֣ה זָ֭נַחְתָּ וַתִּמְאָ֑ס הִ֝תְעַבַּ֗רְתָּ עִם־ מְשִׁיחֶֽךָ׃
40	נֵ֭אַרְתָּה בְּרִ֣ית עַבְדֶּ֑ךָ חִלַּ֖לְתָּ לָאָ֣רֶץ נִזְרֽוֹ׃
41	פָּרַ֥צְתָּ כָל־ גְּדֵרֹתָ֑יו שַׂ֖מְתָּ מִבְצָרָ֣יו מְחִתָּה׃
42	שַׁ֭סֻּהוּ כָּל־ עֹ֣בְרֵי דָ֑רֶךְ הָיָ֥ה חֶ֝רְפָּ֗ה לִשְׁכֵנֽ͏ָיו׃
43	הֲ֭רִימוֹתָ יְמִ֣ין צָרָ֑יו הִ֝שְׂמַ֗חְתָּ כָּל־ אוֹיְבָֽיו׃
44	אַף־ תָּ֭שִׁיב צ֣וּר חַרְבּ֑וֹ וְלֹ֥א הֲ֝קֵימֹת֗וֹ בַּמִּלְחָמָֽה׃
	(4Q87 frg. 6-7,1) [אף תשיב צור חרבו ולוא הקימות]ו֯ ל֯מלחמה
45	הִשְׁבַּ֥תָּ מִטְּהָר֑וֹ וְ֝כִסְא֗וֹ לָאָ֥רֶץ מִגַּֽרְתָּה׃
	(4Q87 frg. 6-7,1) ה[שבתה] (4Q87 frg. 6-7,2) [מטהרו וכסאו לארץ מגרתה
46	הִ֭קְצַרְתָּ יְמֵ֣י עֲלוּמָ֑יו הֶֽעֱטִ֨יתָ עָלָ֖יו בּוּשָׁ֣ה סֶֽלָה׃
	(4Q87 frg. 6-7,2) הקצ]ר֯תה ימי֯ עלומ[יו] (4Q87 frg. 6-7,3) [העטיתה עליו בושה סלה
47	עַד־ מָ֣ה יְ֭הוָה תִּסָּתֵ֣ר לָנֶ֑צַח תִּבְעַ֖ר כְּמוֹ־ אֵ֣שׁ חֲמָתֶֽךָ׃
	(4Q87 frg. 6-7,3) עד מה יהוה תסת]ר֯ לנצח (4Q87 frg. 6-7,4) [תבער כמו אש חמתך
48	זְכָר־ אֲנִ֥י מֶה־ חָ֑לֶד עַל־ מַה־ שָּׁ֝֗וְא בָּרָ֥אתָ כָל־ בְּנֵי־ אָדָֽם׃
	(4Q87 frg. 6-7,4) זכר אני מה חלד על מה שו]א
49	מִ֤י גֶ֣בֶר יִֽ֭חְיֶה וְלֹ֣א יִרְאֶה־ מָּ֑וֶת יְמַלֵּ֨ט נַפְשׁ֖וֹ מִיַּד־ שְׁא֣וֹל סֶֽלָה׃
50	אַיֵּ֤ה ׀ חֲסָדֶ֖יךָ הָרִאשֹׁנִ֥ים ׀ אֲדֹנָ֑י נִשְׁבַּ֥עְתָּ לְ֝דָוִ֗ד בֶּאֱמוּנָתֶֽךָ׃
	(4Q87 frg. 8,1) איה חסדיכה הראשונים א]דוני (4Q87 frg. 8,2) [אשר נשבעתה לדויד באמונתכה
51	זְכֹ֣ר אֲ֭דֹנָי חֶרְפַּ֣ת עֲבָדֶ֑יךָ שְׂאֵתִ֥י בְ֝חֵיקִ֗י כָּל־ רַבִּ֥ים עַמִּֽים׃
	(4Q87 frg. 8,2) זכו]ר֯ אדוני חרפת (4Q87 frg. 8,3) [עבדיכה שאתי בחיקי כול רבים עמים
52	אֲשֶׁ֤ר חֵרְפ֖וּ אוֹיְבֶ֥יךָ ׀ יְהוָ֑ה אֲשֶׁ֥ר חֵ֝רְפ֗וּ עִקְּב֥וֹת מְשִׁיחֶֽךָ׃
	(4Q87 frg. 8,3) ]אשר חרפו (4Q87 frg. 8,4) [אויביכה יהוה אשר חרפו עקבות מ]ש֯יחכה
53	בָּר֖וּךְ יְהוָ֥ה לְ֝עוֹלָ֗ם אָ֘מֵ֥ן ׀ וְאָמֵֽן׃
	(4Q87 frg. 8,4) ברו֯ך֯

90
1	תְּפִלָּה֮ לְמֹשֶׁ֢ה אִֽישׁ־ הָאֱלֹ֫הִ֥ים אֲ‍ֽדֹנָ֗י מָע֣וֹן אַ֭תָּה הָיִ֥יתָ לָּ֗נוּ בְּדֹ֣ר וָדֹֽר׃
2	בְּטֶ֤רֶם ׀ הָ֘רִ֤ים יֻלָּ֗דוּ וַתְּח֣וֹלֵֽל אֶ֣רֶץ וְתֵבֵ֑ל וּֽמֵעוֹלָ֥ם עַד־ ע֝וֹלָ֗ם אַתָּ֥ה אֵֽל׃
3	תָּשֵׁ֣ב אֱ֭נוֹשׁ עַד־ דַּכָּ֑א וַ֝תֹּ֗אמֶר שׁ֣וּבוּ בְנֵי־ אָדָֽם׃
4	כִּ֤י אֶ֪לֶף שָׁנִ֡ים בְּֽעֵינֶ֗יךָ כְּי֣וֹם אֶ֭תְמוֹל כִּ֣י יַעֲבֹ֑ר וְאַשְׁמוּרָ֥ה בַלָּֽיְלָה׃
5	זְ֭רַמְתָּם שֵׁנָ֣ה יִהְי֑וּ בַּ֝בֹּ֗קֶר כֶּחָצִ֥יר יַחֲלֹֽף׃
6	בַּ֭בֹּקֶר יָצִ֣יץ וְחָלָ֑ף לָ֝עֶ֗רֶב יְמוֹלֵ֥ל וְיָבֵֽשׁ׃
7	כִּֽי־ כָלִ֥ינוּ בְאַפֶּ֑ךָ וּֽבַחֲמָתְךָ֥ נִבְהָֽלְנוּ׃
8	שת (שַׁתָּ֣ה) עֲוֺנֹתֵ֣ינוּ לְנֶגְדֶּ֑ךָ עֲ֝לֻמֵ֗נוּ לִמְא֥וֹר פָּנֶֽיךָ׃
9	כִּ֣י כָל־ יָ֭מֵינוּ פָּנ֣וּ בְעֶבְרָתֶ֑ךָ כִּלִּ֖ינוּ שָׁנֵ֣ינוּ כְמוֹ־ הֶֽגֶה׃
10	יְמֵֽי־ שְׁנוֹתֵ֨ינוּ בָהֶ֥ם שִׁבְעִ֪ים שָׁנָ֡ה וְאִ֤ם בִּגְבוּרֹ֨ת ׀ שְׁמ֘וֹנִ֤ים שָׁנָ֗ה וְ֭רָהְבָּם עָמָ֣ל וָאָ֑וֶן כִּי־ גָ֥ז חִ֝֗ישׁ וַנָּעֻֽפָה׃
11	מִֽי־ י֭וֹדֵעַ עֹ֣ז אַפֶּ֑ךָ וּ֝כְיִרְאָתְךָ֗ עֶבְרָתֶֽךָ׃
12	לִמְנ֣וֹת יָ֭מֵינוּ כֵּ֣ן הוֹדַ֑ע וְ֝נָבִ֗א לְבַ֣ב חָכְמָֽה׃
13	שׁוּבָ֣ה יְ֭הוָה עַד־ מָתָ֑י וְ֝הִנָּחֵ֗ם עַל־ עֲבָדֶֽיךָ׃
14	שַׂבְּעֵ֣נוּ בַבֹּ֣קֶר חַסְדֶּ֑ךָ וּֽנְרַנְּנָ֥ה וְ֝נִשְׂמְחָ֗ה בְּכָל־ יָמֵֽינוּ׃
15	שַׂ֭מְּחֵנוּ כִּימ֣וֹת עִנִּיתָ֑נוּ שְׁ֝נ֗וֹת רָאִ֥ינוּ רָעָֽה׃
16	יֵרָאֶ֣ה אֶל־ עֲבָדֶ֣יךָ פָעֳלֶ֑ךָ וַ֝הֲדָרְךָ֗ עַל־ בְּנֵיהֶֽם׃
17	וִיהִ֤י ׀ נֹ֤עַם אֲדֹנָ֥י אֱלֹהֵ֗ינוּ עָ֫לֵ֥ינוּ וּמַעֲשֵׂ֣ה יָ֭דֵינוּ כּוֹנְנָ֥ה עָלֵ֑ינוּ וּֽמַעֲשֵׂ֥ה יָ֝דֵ֗ינוּ כּוֹנְנֵֽהוּ׃

91
1	יֹ֭שֵׁב בְּסֵ֣תֶר עֶלְי֑וֹן בְּצֵ֥ל שַׁ֝דַּ֗י יִתְלוֹנָֽן׃
2	אֹמַ֗ר לַֽ֭יהוָה מַחְסִ֣י וּמְצוּדָתִ֑י אֱ֝לֹהַ֗י אֶבְטַח־ בּֽוֹ׃
3	כִּ֤י ה֣וּא יַ֭צִּֽילְךָ מִפַּ֥ח יָק֗וּשׁ מִדֶּ֥בֶר הַוּֽוֹת׃
4	בְּאֶבְרָת֨וֹ ׀ יָ֣סֶךְ לָ֭ךְ וְתַֽחַת־ כְּנָפָ֣יו תֶּחְסֶ֑ה צִנָּ֖ה וְֽסֹחֵרָ֣ה אֲמִתּֽוֹ׃
5	לֹא־ תִ֭ירָא מִפַּ֣חַד לָ֑יְלָה מֵ֝חֵ֗ץ יָע֥וּף יוֹמָֽם׃
	(4Q84 frg. 1 i+2-3,10) [מחץ י]ע֯וף[ יומם]
6	מִ֭דֶּבֶר בָּאֹ֣פֶל יַהֲלֹ֑ךְ מִ֝קֶּ֗טֶב יָשׁ֥וּד צָהֳרָֽיִם׃
	(4Q84 frg. 1 i+2-3,11) [מדבר בא]פל יהלך֯ (4Q84 frg. 1 i+2-3,12) מק֯[טב ישוד ]צהרים
7	יִפֹּ֤ל מִצִּדְּךָ֨ ׀ אֶ֗לֶף וּרְבָבָ֥ה מִימִינֶ֑ךָ אֵ֝לֶ֗יךָ לֹ֣א יִגָּֽשׁ׃
	(4Q84 frg. 1 i+2-3,13) יפל [מצד]ך֯ אל[ף] (4Q84 frg. 1 i+2-3,14) [ור]ב֯בה [מי]מ[ינ]ך֯ (4Q84 frg. 1 i+2-3,15) [אליך לא י]ג֯ש
8	רַ֭ק בְּעֵינֶ֣יךָ תַבִּ֑יט וְשִׁלֻּמַ֖ת רְשָׁעִ֣ים תִּרְאֶֽה׃
	(4Q84 frg. 1 i+2-3,16) [רק בעיניך] ת֯ביט
9	כִּֽי־ אַתָּ֣ה יְהוָ֣ה מַחְסִ֑י עֶ֝לְי֗וֹן שַׂ֣מְתָּ מְעוֹנֶֽךָ׃
10	לֹֽא־ תְאֻנֶּ֣ה אֵלֶ֣יךָ רָעָ֑ה וְ֝נֶ֗גַע לֹא־ יִקְרַ֥ב בְּאָהֳלֶֽךָ׃
11	כִּ֣י מַ֭לְאָכָיו יְצַוֶּה־ לָּ֑ךְ לִ֝שְׁמָרְךָ֗ בְּכָל־ דְּרָכֶֽיךָ׃
12	עַל־ כַּפַּ֥יִם יִשָּׂא֑וּנְךָ פֶּן־ תִּגֹּ֖ף בָּאֶ֣בֶן רַגְלֶֽךָ׃
	(4Q84 frg. 1 ii+4,8) [ע]ל֯ כ֯פ֯[י]ם י֯[שאונ]ך֯ (4Q84 frg. 1 ii+4,9) פן תגף באבן רגלך
13	עַל־ שַׁ֣חַל וָפֶ֣תֶן תִּדְרֹ֑ךְ תִּרְמֹ֖ס כְּפִ֣יר וְתַנִּֽין׃
	(4Q84 frg. 1 ii+4,10) על שחל ופתן תדרך (4Q84 frg. 1 ii+4,11) תרמס כפיר ותנין
14	כִּ֤י בִ֣י חָ֭שַׁק וַאֲפַלְּטֵ֑הוּ אֲ֝שַׂגְּבֵ֗הוּ כִּֽי־ יָדַ֥ע שְׁמִֽי׃
	(4Q84 frg. 1 ii+4,12) כי בי חשק ואפלטהו (4Q84 frg. 1 ii+4,13) אשג֯ב֯ה֯[ו כי ידע ]ש֯[מ]○
15	יִקְרָאֵ֨נִי ׀ וְֽאֶעֱנֵ֗הוּ עִמּֽוֹ־ אָנֹכִ֥י בְצָרָ֑ה אֲ֝חַלְּצֵ֗הוּ וַֽאֲכַבְּדֵֽהוּ׃
	(4Q84 frg. 1 ii+4,14) [יקראני ואענה]ו֯ (4Q84 frg. 1 ii+4,15) [עמו אנכי ב]צרה (4Q84 frg. 1 ii+4,16) [אחלצהו ו]א[כב]ד֯הו
16	אֹ֣רֶךְ יָ֭מִים אַשְׂבִּיעֵ֑הוּ וְ֝אַרְאֵ֗הוּ בִּֽישׁוּעָתִֽי׃

92
1	מִזְמ֥וֹר שִׁ֗יר לְי֣וֹם הַשַׁבָּֽת׃
2	ט֗וֹב לְהֹד֥וֹת לַיהוָ֑ה וּלְזַמֵּ֖ר לְשִׁמְךָ֣ עֶלְיֽוֹן׃
3	לְהַגִּ֣יד בַּבֹּ֣קֶר חַסְֽדֶּ֑ךָ וֶ֝אֱמֽוּנָתְךָ֗ בַּלֵּילֽוֹת׃
4	עֲ‍ֽלֵי־ עָ֭שׂוֹר וַעֲלֵי־ נָ֑בֶל עֲלֵ֖י הִגָּי֣וֹן בְּכִנּֽוֹר׃
	(4Q84 frg. 1 iii+5 i,8) ע֯ל֯י עשו֯[ר ועלי נבל] (4Q84 frg. 1 iii+5 i,9) עלי הגיון בכנור֯[ ]
5	כִּ֤י שִׂמַּחְתַּ֣נִי יְהוָ֣ה בְּפָעֳלֶ֑ךָ בְּֽמַעֲשֵׂ֖י יָדֶ֣יךָ אֲרַנֵּֽן׃
	(4Q84 frg. 1 iii+5 i,10) כי שמחתני יהוה [בפעלך] (4Q84 frg. 1 iii+5 i,11) [במ]עשה ידיך ירנן
6	מַה־ גָּדְל֣וּ מַעֲשֶׂ֣יךָ יְהוָ֑ה מְ֝אֹ֗ד עָמְק֥וּ מַחְשְׁבֹתֶֽיךָ׃
	(4Q84 frg. 1 iii+5 i,12) מה גדלו מעשיך יה֯[וה] (4Q84 frg. 1 iii+5 i,13) [מא]ד֯ עמקו מחשבת[יך]
7	אִֽישׁ־ בַּ֭עַר לֹ֣א יֵדָ֑ע וּ֝כְסִ֗יל לֹא־ יָבִ֥ין אֶת־ זֹֽאת׃
	(4Q84 frg. 1 iii+5 i,14) א֯יש בער ולא ידע (4Q84 frg. 1 iii+5 i,15) [ו]כס֯יל לא יבין את זאת
8	בִּפְרֹ֤חַ רְשָׁעִ֨ים ׀ כְּמ֥וֹ עֵ֗שֶׂב וַ֭יָּצִיצוּ כָּל־ פֹּ֣עֲלֵי אָ֑וֶן לְהִשָּֽׁמְדָ֥ם עֲדֵי־ עַֽד׃
	(4Q84 frg. 1 iii+5 i,16) [ב]פרח רשעים כמו עשב
9	וְאַתָּ֥ה מָר֗וֹם לְעֹלָ֥ם יְהוָֽה׃
10	כִּ֤י הִנֵּ֪ה אֹיְבֶ֡יךָ יְֽהוָ֗ה כִּֽי־ הִנֵּ֣ה אֹיְבֶ֣יךָ יֹאבֵ֑דוּ יִ֝תְפָּרְד֗וּ כָּל־ פֹּ֥עֲלֵי אָֽוֶן׃
11	וַתָּ֣רֶם כִּרְאֵ֣ים קַרְנִ֑י בַּ֝לֹּתִ֗י בְּשֶׁ֣מֶן רַעֲנָֽן׃
12	וַתַּבֵּ֥ט עֵינִ֗י בְּשׁ֫וּרָ֥י בַּקָּמִ֖ים עָלַ֥י מְרֵעִ֗ים תִּשְׁמַ֥עְנָה אָזְנָֽי׃
	(1Q10 frg. 2,1) [בשורי בקמים עלי מרע]ים שמעה[ אזני]
13	צַ֭דִּיק כַּתָּמָ֣ר יִפְרָ֑ח כְּאֶ֖רֶז בַּלְּבָנ֣וֹן יִשְׂגֶּֽה׃
	(1Q10 frg. 2,2) [צדיק כתמר יפרח כא]רז בלבנון֯[ ישגה (4Q84 frg. 5 ii,12) כא֯[רז בלבנון ישגה]
14	שְׁ֭תוּלִים בְּבֵ֣ית יְהוָ֑ה בְּחַצְר֖וֹת אֱלֹהֵ֣ינוּ יַפְרִֽיחוּ׃
	(1Q10 frg. 2,2) שתולים] (4Q84 frg. 5 ii,13) שת[ולים ב]בית יה֯[ו]ה֯ (4Q84 frg. 5 ii,14) בחצרות֯ אלהינו יפרחו֯
15	ע֭וֹד יְנוּב֣וּן בְּשֵׂיבָ֑ה דְּשֵׁנִ֖ים וְרַֽעֲנַנִּ֣ים יִהְיֽוּ׃
	(4Q84 frg. 5 ii,15) עוד֯ י֯נבון בשיבה טובה[ ] (4Q84 frg. 5 ii,16) [דשנים ]ו֯רעננים והיו
16	לְ֭הַגִּיד כִּֽי־ יָשָׁ֣ר יְהוָ֑ה צ֝וּרִ֗י וְֽלֹא־ עלתה (עַוְלָ֥תָה) בּֽוֹ׃

93
1	יְהוָ֣ה מָלָךְ֮ גֵּא֢וּת לָ֫בֵ֥שׁ לָבֵ֣שׁ יְ֭הוָה עֹ֣ז הִתְאַזָּ֑ר אַף־ תִּכּ֥וֹן תֵּ֝בֵ֗ל בַּל־ תִּמּֽוֹט׃
	(11Q5 22,16) יהוה מלך גאות לבש לבש יהוה[ עז ]ויתאזר אף (11Q5 22,17) י֯כ֯י֯ן֯ ([ת]כ֯ן) תבל בל טמוט
2	נָכ֣וֹן כִּסְאֲךָ֣ מֵאָ֑ז מֵֽעוֹלָ֣ם אָֽתָּה׃
	(11Q5 22,17) נכון כסאכה מאז מ[עו]לם [אתה
3	נָשְׂא֤וּ נְהָר֨וֹת ׀ יְֽהוָ֗ה נָשְׂא֣וּ נְהָר֣וֹת קוֹלָ֑ם יִשְׂא֖וּ נְהָר֣וֹת דָּכְיָֽם׃
	(11Q5 22,17) ]נשא֯ו נהרות (4Q94 frg. 1-2,1) נשאו נהרות יהוה] נשאו נה[רות קולם] (4Q94 frg. 1-2,2) [ישאו נהרות דכים
4	מִקֹּל֨וֹת ׀ מַ֤יִם רַבִּ֗ים אַדִּירִ֣ים מִשְׁבְּרֵי־ יָ֑ם אַדִּ֖יר בַּמָּר֣וֹם יְהוָֽה׃
	(4Q94 frg. 1-2,2) מק]לות מים ר[בים אדירים משברי] (4Q94 frg. 1-2,3) [ים אדיר במרום יהוה
5	עֵֽדֹתֶ֨יךָ ׀ נֶאֶמְנ֬וּ מְאֹ֗ד לְבֵיתְךָ֥ נַאֲוָה־ קֹ֑דֶשׁ יְ֝הוָ֗ה לְאֹ֣רֶךְ יָמִֽים׃
	(4Q84 frg. 6,13) [ע]ד֯ת֯[יך נ]א֯[מנו מאד] (4Q84 frg. 6,14) [ל]ב֯יתך נוה קד֯[ש] (4Q84 frg. 6,15) [י]הוה לארך֯[ ימים ] (4Q94 frg. 1-2,3) ]עדותיך נא[מנו מאד] לביתך (4Q94 frg. 1-2,4) [נוה קדש יהוה לארך ימים ]

94
1	אֵל־ נְקָמ֥וֹת יְהוָ֑ה אֵ֖ל נְקָמ֣וֹת הוֹפִֽיעַ׃
	(4Q84 frg. 7 i+8 i+9 i,1) [אל נקמות ]יהוה (4Q84 frg. 7 i+8 i+9 i,2) [אל נקמות] הופיע
2	הִ֭נָּשֵׂא שֹׁפֵ֣ט הָאָ֑רֶץ הָשֵׁ֥ב גְּ֝מ֗וּל עַל־ גֵּאִֽים׃
	(4Q84 frg. 7 i+8 i+9 i,3) [הנשא שפט ]הארץ (4Q84 frg. 7 i+8 i+9 i,4) [השב גמול ע]ל גאים
3	עַד־ מָתַ֖י רְשָׁעִ֥ים ׀ יְהוָ֑ה עַד־ מָ֝תַ֗י רְשָׁעִ֥ים יַעֲלֹֽזוּ׃
	(4Q84 frg. 7 i+8 i+9 i,5) [עד מתי רשע]י֯ם יהוה (4Q84 frg. 7 i+8 i+9 i,6) [עד מתי רש]ע֯ים יעלזו֯
4	יַבִּ֣יעוּ יְדַבְּר֣וּ עָתָ֑ק יִֽ֝תְאַמְּר֗וּ כָּל־ פֹּ֥עֲלֵי אָֽוֶן׃
	(4Q84 frg. 7 i+8 i+9 i,7) [יביעו ידברו ע]תק (4Q84 frg. 7 i+8 i+9 i,8) [יתאמרו כל פעלי און]
5	עַמְּךָ֣ יְהוָ֣ה יְדַכְּא֑וּ וְֽנַחֲלָתְךָ֥ יְעַנּֽוּ׃
6	אַ֭לְמָנָה וְגֵ֣ר יַהֲרֹ֑גוּ וִֽיתוֹמִ֣ים יְרַצֵּֽחוּ׃
7	וַ֭יֹּ֣אמְרוּ לֹ֣א יִרְאֶה־ יָּ֑הּ וְלֹא־ יָ֝בִ֗ין אֱלֹהֵ֥י יַעֲקֹֽב׃
	(4Q84 frg. 7 i+8 i+9 i,13) [ויאמרו לא יראה יה] (4Q84 frg. 7 i+8 i+9 i,14) [ולא יבין ]א֯[להי יע]ק֯ב֯
8	בִּ֭ינוּ בֹּעֲרִ֣ים בָּעָ֑ם וּ֝כְסִילִ֗ים מָתַ֥י תַּשְׂכִּֽילוּ׃
	(4Q84 frg. 7 i+8 i+9 i,15) [בינו בערים ]בעם (4Q84 frg. 7 i+8 i+9 i,16) [וכסילים מתי תשכ]ילו
9	הֲנֹ֣טַֽע אֹ֭זֶן הֲלֹ֣א יִשְׁמָ֑ע אִֽם־ יֹ֥צֵֽר עַ֝֗יִן הֲלֹ֣א יַבִּֽיט׃
	(4Q84 frg. 7 i+8 i+9 i,17) [הנטע אזן הל]א֯ ישמע (4Q84 frg. 7 i+8 i+9 i,18) [אם יצר עין הל]א יביט
10	הֲיֹסֵ֣ר גּ֭וֹיִם הֲלֹ֣א יוֹכִ֑יחַ הַֽמְלַמֵּ֖ד אָדָ֣ם דָּֽעַת׃
	(4Q84 frg. 7 ii+8 ii+9 ii+10,1) היס֯[ר גוים הלא יוכיח] (4Q84 frg. 7 ii+8 ii+9 ii+10,2) המל[מד אדם דעת]
11	יְֽהוָ֗ה יֹ֭דֵעַ מַחְשְׁב֣וֹת אָדָ֑ם כִּי־ הֵ֥מָּה הָֽבֶל׃
	(4Q84 frg. 7 ii+8 ii+9 ii+10,3) יהוה ידע מח֯שבות אדם (4Q84 frg. 7 ii+8 ii+9 ii+10,4) כי המה הבל
12	אַשְׁרֵ֤י ׀ הַגֶּ֣בֶר אֲשֶׁר־ תְּיַסְּרֶ֣נּוּ יָּ֑הּ וּֽמִתּוֹרָתְךָ֥ תְלַמְּדֶֽנּוּ׃
	(4Q84 frg. 7 ii+8 ii+9 ii+10,5) אשרי הגבר אשר תיסרנו יה (4Q84 frg. 7 ii+8 ii+9 ii+10,6) ומתורתך תלמדנו
13	לְהַשְׁקִ֣יט ל֭וֹ מִ֣ימֵי רָ֑ע עַ֤ד יִכָּרֶ֖ה לָרָשָׁ֣ע שָֽׁחַת׃
	(4Q84 frg. 7 ii+8 ii+9 ii+10,7) להשקיט לו מימי רע (4Q84 frg. 7 ii+8 ii+9 ii+10,8) עד [י]כ֯ר֯ה֯ לרשע שחת
14	כִּ֤י ׀ לֹא־ יִטֹּ֣שׁ יְהוָ֣ה עַמּ֑וֹ וְ֝נַחֲלָת֗וֹ לֹ֣א יַעֲזֹֽב׃
	(4Q84 frg. 7 ii+8 ii+9 ii+10,9) כי לא[ יט]ש֯ יהוה[ ]את עמו (4Q84 frg. 7 ii+8 ii+9 ii+10,10) [ונחלתו לא יעזב]
15	כִּֽי־ עַד־ צֶ֭דֶק יָשׁ֣וּב מִשְׁפָּ֑ט וְ֝אַחֲרָ֗יו כָּל־ יִשְׁרֵי־ לֵֽב׃
	(4Q84 frg. 7 ii+8 ii+9 ii+10,11) [כי עד צדק ישוב משפט] (4Q84 frg. 7 ii+8 ii+9 ii+10,12) [ואחריו כל ישרי לב]
16	מִֽי־ יָק֣וּם לִ֭י עִם־ מְרֵעִ֑ים מִֽי־ יִתְיַצֵּ֥ב לִ֝י עִם־ פֹּ֥עֲלֵי אָֽוֶן׃
	(1Q10 frg. 3-4,1) [מי יקום לי עם מרעים מ]י יתיצב[ לי עם פ]עלי א֯[ו]ן[ -- ] (4Q84 frg. 7 ii+8 ii+9 ii+10,13) [מי יקום לי עם מרעים] (4Q84 frg. 7 ii+8 ii+9 ii+10,14) [מי יתיצב לי עם פ]ע֯[לי און]
17	לוּלֵ֣י יְ֭הוָה עֶזְרָ֣תָה לִּ֑י כִּמְעַ֓ט ׀ שָֽׁכְנָ֖ה דוּמָ֣ה נַפְשִֽׁי׃
	(4Q84 frg. 7 ii+8 ii+9 ii+10,15) לולי יהוה עזרתה [לי] (4Q84 frg. 7 ii+8 ii+9 ii+10,16) כמעט שכנה דומה נפ֯[שי]
18	אִם־ אָ֭מַרְתִּי מָ֣טָה רַגְלִ֑י חַסְדְּךָ֥ יְ֝הוָ֗ה יִסְעָדֵֽנִי׃
	(4Q84 frg. 7 ii+8 ii+9 ii+10,17) אם אמרתי מטה רגל֯[י] (4Q84 frg. 7 ii+8 ii+9 ii+10,18) חסדך יה֯[ו]ה יסעד[ני]
19	בְּרֹ֣ב שַׂרְעַפַּ֣י בְּקִרְבִּ֑י תַּ֝נְחוּמֶ֗יךָ יְֽשַׁעַשְׁע֥וּ נַפְשִֽׁי׃
20	הַֽ֭יְחָבְרְךָ כִּסֵּ֣א הַוּ֑וֹת יֹצֵ֖ר עָמָ֣ל עֲלֵי־ חֹֽק׃
21	יָ֭גוֹדּוּ עַל־ נֶ֣פֶשׁ צַדִּ֑יק וְדָ֖ם נָקִ֣י יַרְשִֽׁיעוּ׃
	(4Q84 frg. 7 iii,5) יג[ודו על נפש צדיק] (4Q84 frg. 7 iii,6) ו֯ד֯[ם נקי ירשיעו]
22	וַיְהִ֬י יְהוָ֣ה לִ֣י לְמִשְׂגָּ֑ב וֵ֝אלֹהַ֗י לְצ֣וּר מַחְסִֽי׃
	(4Q84 frg. 7 iii,7) ויה֯[י יהוה לי למשגב] (4Q84 frg. 7 iii,8) וא[להי לצור מחסי]
23	וַיָּ֤שֶׁב עֲלֵיהֶ֨ם ׀ אֶת־ אוֹנָ֗ם וּבְרָעָתָ֥ם יַצְמִיתֵ֑ם יַ֝צְמִיתֵ֗ם יְהוָ֥ה אֱלֹהֵֽינוּ׃

95
1	לְ֭כוּ נְרַנְּנָ֣ה לַיהוָ֑ה נָ֝רִ֗יעָה לְצ֣וּר יִשְׁעֵֽנוּ׃
2	נְקַדְּמָ֣ה פָנָ֣יו בְּתוֹדָ֑ה בִּ֝זְמִר֗וֹת נָרִ֥יעַֽ לֽוֹ׃
3	כִּ֤י אֵ֣ל גָּד֣וֹל יְהוָ֑ה וּמֶ֥לֶךְ גָּ֝ד֗וֹל עַל־ כָּל־ אֱלֹהִֽים׃
	(4Q94 frg. 3-4,1) [ומלך גדול על כל אלה]י֯ם
4	אֲשֶׁ֣ר בְּ֭יָדוֹ מֶחְקְרֵי־ אָ֑רֶץ וְתוֹעֲפ֖וֹת הָרִ֣ים לֽוֹ׃
	(4Q94 frg. 3-4,1) אשר [בידו מחקרי ארץ] (4Q94 frg. 3-4,2) [ותועפות הרים לו
5	אֲשֶׁר־ ל֣וֹ הַ֭יָּם וְה֣וּא עָשָׂ֑הוּ וְ֝יַבֶּ֗שֶׁת יָדָ֥יו יָצָֽרוּ׃
	(4Q94 frg. 3-4,2) אשר ל]ו֯ הים והוא [עשהו ו]יבשה [ידיו] (4Q94 frg. 3-4,3) [יצרו
6	בֹּ֭אוּ נִשְׁתַּחֲוֶ֣ה וְנִכְרָ֑עָה נִ֝בְרְכָ֗ה לִֽפְנֵי־ יְהוָ֥ה עֹשֵֽׂנוּ׃
	(4Q94 frg. 3-4,3) באו נשתחוה ונכרע]ה֯ נברכה לפ[ני יהו]ה עשנו
7	כִּ֘י ה֤וּא אֱלֹהֵ֗ינוּ וַאֲנַ֤חְנוּ עַ֣ם מַ֭רְעִיתוֹ וְצֹ֣אן יָד֑וֹ הַ֝יּ֗וֹם אִֽם־ בְּקֹל֥וֹ תִשְׁמָֽעוּ׃
	(4Q94 frg. 3-4,3) כ[י] (4Q94 frg. 3-4,4) [הוא אלהינו ואנחנו עם מרעיתו וצאן ידו היום אם ]בקלו֯ ת֯[שמעו]
8	אַל־ תַּקְשׁ֣וּ לְ֭בַבְכֶם כִּמְרִיבָ֑ה כְּי֥וֹם מַ֝סָּ֗ה בַּמִּדְבָּֽר׃
9	אֲשֶׁ֣ר נִ֭סּוּנִי אֲבוֹתֵיכֶ֑ם בְּ֝חָנ֗וּנִי גַּם־ רָא֥וּ פָעֳלֽ͏ִי׃
10	אַרְבָּ֘עִ֤ים שָׁנָ֨ה ׀ אָ֘ק֤וּט בְּד֗וֹר וָאֹמַ֗ר עַ֤ם תֹּעֵ֣י לֵבָ֣ב הֵ֑ם וְ֝הֵ֗ם לֹא־ יָדְע֥וּ דְרָכָֽי׃
11	אֲשֶׁר־ נִשְׁבַּ֥עְתִּי בְאַפִּ֑י אִם־ יְ֝בֹא֗וּן אֶל־ מְנוּחָתִֽי׃
	(1Q10 frg. 5,1) [אשר נשבעתי באפי אם יבאון ]א֯ל מנוחתי

96
1	שִׁ֣ירוּ לַ֭יהוָה שִׁ֣יר חָדָ֑שׁ שִׁ֥ירוּ לַ֝יהוָ֗ה כָּל־ הָאָֽרֶץ׃
	(1Q10 frg. 5,2) [שירו ליהו]ה שיר חדש [שירו ליהוה כל הארץ]
2	שִׁ֣ירוּ לַ֭יהוָה בָּרֲכ֣וּ שְׁמ֑וֹ בַּשְּׂר֥וּ מִיּֽוֹם־ לְ֝י֗וֹם יְשׁוּעָתֽוֹ׃
	(1Q10 frg. 5,3) [שירו ליהוה ]ברכו שמו [בשרו מיום ליום ישועתו] (4Q84 frg. 11,3) [שירו ליהוה ברכו שמו] (4Q84 frg. 11,4) [בשרו מיו]ם ליו[ם ישועתו]
3	סַפְּר֣וּ בַגּוֹיִ֣ם כְּבוֹד֑וֹ בְּכָל־ הָֽ֝עַמִּ֗ים נִפְלְאוֹתָֽיו׃
4	כִּ֥י גָ֘ד֤וֹל יְהוָ֣ה וּמְהֻלָּ֣ל מְאֹ֑ד נוֹרָ֥א ה֝֗וּא עַל־ כָּל־ אֱלֹהִֽים׃
5	כִּ֤י ׀ כָּל־ אֱלֹהֵ֣י הָעַמִּ֣ים אֱלִילִ֑ים וַֽ֝יהוָ֗ה שָׁמַ֥יִם עָשָֽׂה׃
6	הוֹד־ וְהָדָ֥ר לְפָנָ֑יו עֹ֥ז וְ֝תִפְאֶ֗רֶת בְּמִקְדָּשֽׁוֹ׃
7	הָב֣וּ לַ֭יהוָה מִשְׁפְּח֣וֹת עַמִּ֑ים הָב֥וּ לַ֝יהוָ֗ה כָּב֥וֹד וָעֹֽז׃
8	הָב֣וּ לַ֭יהוָה כְּב֣וֹד שְׁמ֑וֹ שְׂאֽוּ־ מִ֝נְחָ֗ה וּבֹ֥אוּ לְחַצְרוֹתָֽיו׃
9	הִשְׁתַּחֲו֣וּ לַ֭יהוָה בְּהַדְרַת־ קֹ֑דֶשׁ חִ֥ילוּ מִ֝פָּנָ֗יו כָּל־ הָאָֽרֶץ׃
10	אִמְר֤וּ בַגּוֹיִ֨ם ׀ יְה֘וָ֤ה מָלָ֗ךְ אַף־ תִּכּ֣וֹן תֵּ֭בֵל בַּל־ תִּמּ֑וֹט יָדִ֥ין עַ֝מִּ֗ים בְּמֵישָׁרִֽים׃
11	יִשְׂמְח֣וּ הַ֭שָּׁמַיִם וְתָגֵ֣ל הָאָ֑רֶץ יִֽרְעַ֥ם הַ֝יָּ֗ם וּמְלֹאֽוֹ׃
12	יַעֲלֹ֣ז שָׂ֭דַי וְכָל־ אֲשֶׁר־ בּ֑וֹ אָ֥ז יְ֝רַנְּנ֗וּ כָּל־ עֲצֵי־ יָֽעַר׃
13	לִפְנֵ֤י יְהוָ֨ה ׀ כִּ֬י בָ֗א כִּ֥י בָא֮ לִשְׁפֹּ֢ט הָ֫אָ֥רֶץ יִשְׁפֹּֽט־ תֵּבֵ֥ל בְּצֶ֑דֶק וְ֝עַמִּ֗ים בֶּאֱמוּנָתֽוֹ׃

97
1	יְהוָ֣ה מָ֭לָךְ תָּגֵ֣ל הָאָ֑רֶץ יִ֝שְׂמְח֗וּ אִיִּ֥ים רַבִּֽים׃
2	עָנָ֣ן וַעֲרָפֶ֣ל סְבִיבָ֑יו צֶ֥דֶק וּ֝מִשְׁפָּ֗ט מְכ֣וֹן כִּסְאֽוֹ׃
3	אֵ֭שׁ לְפָנָ֣יו תֵּלֵ֑ךְ וּתְלַהֵ֖ט סָבִ֣יב צָרָֽיו׃
4	הֵאִ֣ירוּ בְרָקָ֣יו תֵּבֵ֑ל רָאֲתָ֖ה וַתָּחֵ֣ל הָאָֽרֶץ׃
5	הָרִ֗ים כַּדּוֹנַ֗ג נָ֭מַסּוּ מִלִּפְנֵ֣י יְהוָ֑ה מִ֝לִּפְנֵ֗י אֲד֣וֹן כָּל־ הָאָֽרֶץ׃
6	הִגִּ֣ידוּ הַשָּׁמַ֣יִם צִדְק֑וֹ וְרָא֖וּ כָל־ הָעַמִּ֣ים כְּבוֹדֽוֹ׃
	(4Q94 frg. 5-6,1) הגידו השמים צדקו ור]א֯ו כל הע[מים כבודו]
7	יֵבֹ֤שׁוּ ׀ כָּל־ עֹ֬בְדֵי פֶ֗סֶל הַמִּֽתְהַלְלִ֥ים בָּאֱלִילִ֑ים הִשְׁתַּחֲווּ־ ל֝וֹ כָּל־ אֱלֹהִֽים׃
	(4Q94 frg. 5-6,2) [יבשו כל עבדי פסל המת]הללים באלי֯ל[ים] (4Q94 frg. 5-6,3) [השתחוו לו כל אלהים
8	שָׁמְעָ֬ה וַתִּשְׂמַ֨ח ׀ צִיּ֗וֹן וַ֭תָּגֵלְנָה בְּנ֣וֹת יְהוּדָ֑ה לְמַ֖עַן מִשְׁפָּטֶ֣יךָ יְהוָֽה׃
	(4Q94 frg. 5-6,3) שמע]ה ותשמח[ ציון ו]תגלנה (4Q94 frg. 5-6,4) [בנות יהודה למען משפטיך] יהוה֯[
9	כִּֽי־ אַתָּ֤ה יְהוָ֗ה עֶלְי֥וֹן עַל־ כָּל־ הָאָ֑רֶץ מְאֹ֥ד נַ֝עֲלֵ֗יתָ עַל־ כָּל־ אֱלֹהִֽים׃
	(4Q94 frg. 5-6,4) כי אתה ]י֯הוה
10	אֹהֲבֵ֥י יְהוָ֗ה שִׂנְא֫וּ רָ֥ע שֹׁ֭מֵר נַפְשׁ֣וֹת חֲסִידָ֑יו מִיַּ֥ד רְ֝שָׁעִ֗ים יַצִּילֵֽם׃
11	א֭וֹר זָרֻ֣עַ לַצַּדִּ֑יק וּֽלְיִשְׁרֵי־ לֵ֥ב שִׂמְחָֽה׃
12	שִׂמְח֣וּ צַ֭דִּיקִים בַּֽיהוָ֑ה וְ֝הוֹד֗וּ לְזֵ֣כֶר קָדְשֽׁוֹ׃

98
1	מִזְמ֡וֹר שִׁ֤ירוּ לַֽיהוָ֨ה ׀ שִׁ֣יר חָ֭דָשׁ כִּֽי־ נִפְלָא֣וֹת עָשָׂ֑ה הוֹשִֽׁיעָה־ לּ֥וֹ יְ֝מִינ֗וֹ וּזְר֥וֹעַ קָדְשֽׁוֹ׃
2	הוֹדִ֣יעַ יְ֭הוָה יְשׁוּעָת֑וֹ לְעֵינֵ֥י הַ֝גּוֹיִ֗ם גִּלָּ֥ה צִדְקָתֽוֹ׃
3	זָ֘כַ֤ר חַסְדּ֨וֹ ׀ וֶֽאֱֽמוּנָתוֹ֮ לְבֵ֢ית יִשְׂרָ֫אֵ֥ל רָא֥וּ כָל־ אַפְסֵי־ אָ֑רֶץ אֵ֝֗ת יְשׁוּעַ֥ת אֱלֹהֵֽינוּ׃
4	הָרִ֣יעוּ לַֽ֭יהוָה כָּל־ הָאָ֑רֶץ פִּצְח֖וּ וְרַנְּנ֣וּ וְזַמֵּֽרוּ׃
	(4Q84 frg. 12,13) [הריעו ליהוה כל הארץ] (4Q84 frg. 12,14) [פצחו ור]ננו וזמרו (4Q94 frg. 7-9,1) הרי[ע]ו֯ ליהוה[ כל הארץ פצחו ורננו וזמרו]
5	זַמְּר֣וּ לַיהוָ֣ה בְּכִנּ֑וֹר בְּ֝כִנּ֗וֹר וְק֣וֹל זִמְרָֽה׃
	(4Q84 frg. 12,15) [זמרו ליהוה ]ב֯כ֯נ֯ו֯[ר] (4Q84 frg. 12,16) [בכנור וקול זמרה] (4Q94 frg. 7-9,2) [זמ]רו ליהוה[ ב]כ֯נור בכנור [וקול זמרה]
6	בַּ֭חֲצֹ֣צְרוֹת וְק֣וֹל שׁוֹפָ֑ר הָ֝רִ֗יעוּ לִפְנֵ֤י ׀ הַמֶּ֬לֶךְ יְהוָֽה׃
	(4Q94 frg. 7-9,3) [בחצצרות וקו]ל שופר הרי֯[עו לפני] (4Q94 frg. 7-9,4) [המלך יהוה
7	יִרְעַ֣ם הַ֭יָּם וּמְלֹא֑וֹ תֵּ֝בֵ֗ל וְיֹ֣שְׁבֵי בָֽהּ׃
	(4Q94 frg. 7-9,4) ירעם ]הים ומלאו֯[ תבל] (4Q94 frg. 7-9,5) [וישבי בה
8	נְהָר֥וֹת יִמְחֲאוּ־ כָ֑ף יַ֝֗חַד הָרִ֥ים יְרַנֵּֽנוּ׃
	(4Q94 frg. 7-9,5) נהרות ימחאו ]כף[ יחד הרים]
9	לִֽפְֽנֵי־ יְהוָ֗ה כִּ֥י בָא֮ לִשְׁפֹּ֢ט הָ֫אָ֥רֶץ יִשְׁפֹּֽט־ תֵּבֵ֥ל בְּצֶ֑דֶק וְ֝עַמִּ֗ים בְּמֵישָׁרִֽים׃

99
1	יְהוָ֣ה מָ֭לָךְ יִרְגְּז֣וּ עַמִּ֑ים יֹשֵׁ֥ב כְּ֝רוּבִ֗ים תָּנ֥וּט הָאָֽרֶץ׃
	(4Q92 2,3) יהוה מלך ירגזו עמים ישב כרובים תנוט הארץ (4Q98e frg. 1,1) יהוה ]מלך ירגז֯ו֯[ עמים ישב כרובים תנוט הארץ]
2	יְ֭הוָה בְּצִיּ֣וֹן גָּד֑וֹל וְרָ֥ם ה֝֗וּא עַל־ כָּל־ הָֽעַמִּֽים׃
	(4Q92 2,3) יהוה בציון גדול ורם הוא על כל] (4Q92 2,4) העמים
3	יוֹד֣וּ שִׁ֭מְךָ גָּד֥וֹל וְנוֹרָ֗א קָד֥וֹשׁ הֽוּא׃
	(4Q92 2,4) [יודו שמך גדול ונורא קדוש הוא
4	וְעֹ֥ז מֶלֶךְ֮ מִשְׁפָּ֢ט אָ֫הֵ֥ב אַ֭תָּה כּוֹנַ֣נְתָּ מֵישָׁרִ֑ים מִשְׁפָּ֥ט וּ֝צְדָקָ֗ה בְּיַעֲקֹ֤ב ׀ אַתָּ֬ה עָשִֽׂיתָ׃
	(4Q92 2,4) ועז מלך משפט אהב אתה כוננת מישרים משפט וצדקה ביעקב אתה עשית]
5	רֽוֹמְמ֡וּ יְה֘וָ֤ה אֱלֹהֵ֗ינוּ וְֽ֭הִשְׁתַּחֲווּ לַהֲדֹ֥ם רַגְלָ֗יו קָד֥וֹשׁ הֽוּא׃
	(4Q84 frg. 13 i,1) [רוממו יהו]ה אלהינו (4Q84 frg. 13 i,2) [והשתח]ו֯ו֯ להדם רגליו (4Q84 frg. 13 i,3) [כי קדו]ש הוא (4Q92 2,5) רממו יה֯[וה אלהינו והשתחוו להדם רגליו קדוש הוא -- ]
6	מֹ֘שֶׁ֤ה וְאַהֲרֹ֨ן ׀ בְּֽכֹהֲנָ֗יו וּ֭שְׁמוּאֵל בְּקֹרְאֵ֣י שְׁמ֑וֹ קֹרִ֥אים אֶל־ יְ֝הוָ֗ה וְה֣וּא יַעֲנֵֽם׃
	(4Q84 frg. 13 i,4) [משה וא]הרן בכהניו
7	בְּעַמּ֣וּד עָ֭נָן יְדַבֵּ֣ר אֲלֵיהֶ֑ם שָׁמְר֥וּ עֵ֝דֹתָ֗יו וְחֹ֣ק נָֽתַן־ לָֽמוֹ׃
8	יְהוָ֣ה אֱלֹהֵינוּ֮ אַתָּ֢ה עֲנִ֫יתָ֥ם אֵ֣ל נֹ֭שֵׂא הָיִ֣יתָ לָהֶ֑ם וְ֝נֹקֵ֗ם עַל־ עֲלִילוֹתָֽם׃
9	רֽוֹמְמ֡וּ יְה֘וָ֤ה אֱלֹהֵ֗ינוּ וְ֭הִֽשְׁתַּחֲווּ לְהַ֣ר קָדְשׁ֑וֹ כִּֽי־ קָ֝ד֗וֹשׁ יְהוָ֥ה אֱלֹהֵֽינוּ׃

100
1	מִזְמ֥וֹר לְתוֹדָ֑ה הָרִ֥יעוּ לַ֝יהוָ֗ה כָּל־ הָאָֽרֶץ׃
	(4Q84 frg. 13 ii,1) [ה]ר֯[יעו ליהוה כל הארץ]
2	עִבְד֣וּ אֶת־ יְהוָ֣ה בְּשִׂמְחָ֑ה בֹּ֥אוּ לְ֝פָנָ֗יו בִּרְנָנָֽה׃
	(4Q84 frg. 13 ii,2) עבד[ו את יהוה בשמחה] (4Q84 frg. 13 ii,3) באו[ לפניו ברננה]
3	דְּע֗וּ כִּֽי־ יְהוָה֮ ה֤וּא אֱלֹ֫הִ֥ים הֽוּא־ עָ֭שָׂנוּ ולא (וְל֣וֹ) אֲנַ֑חְנוּ עַ֝מּ֗וֹ וְצֹ֣אן מַרְעִיתֽוֹ׃
4	בֹּ֤אוּ שְׁעָרָ֨יו ׀ בְּתוֹדָ֗ה חֲצֵרֹתָ֥יו בִּתְהִלָּ֑ה הֽוֹדוּ־ ל֝֗וֹ בָּרֲכ֥וּ שְׁמֽוֹ׃
5	כִּי־ ט֣וֹב יְ֭הֹוָה לְעוֹלָ֣ם חַסְדּ֑וֹ וְעַד־ דֹּ֥ר וָ֝דֹ֗ר אֱמוּנָתֽוֹ׃

101
1	לְדָוִ֗ד מִ֫זְמ֥וֹר חֶֽסֶד־ וּמִשְׁפָּ֥ט אָשִׁ֑ירָה לְךָ֖ יְהוָ֣ה אֲזַמֵּֽרָה׃
	(11Q5 frg. A-C i,1) חסד ומ]שפט אשירה לכה[ יה]ו֯ה אזמרה
2	אַשְׂכִּ֤ילָה ׀ בְּדֶ֬רֶךְ תָּמִ֗ים מָ֭תַי תָּב֣וֹא אֵלָ֑י אֶתְהַלֵּ֥ךְ בְּתָם־ לְ֝בָבִ֗י בְּקֶ֣רֶב בֵּיתִֽי׃
	(11Q5 frg. A-C i,2) [אשכילה בדרך תמים מת]י תבוא לי אתהל[ך] בתום לבבי (11Q5 frg. A-C i,3) [בקרב ביתי
3	לֹֽא־ אָשִׁ֨ית ׀ לְנֶ֥גֶד עֵינַ֗י דְּֽבַר־ בְּלִ֫יָּ֥עַל עֲשֹֽׂה־ סֵטִ֥ים שָׂנֵ֑אתִי לֹ֖א יִדְבַּ֣ק בִּֽי׃
	(11Q5 frg. A-C i,3) לוא אשית לנגד ]עיני דבר בל֯[יעל ]ע֯שה (11Q5 frg. A-C i,4) [סטים שנאתי לוא ידבק ב]י
4	לֵבָ֣ב עִ֭קֵּשׁ יָס֣וּר מִמֶּ֑נִּי רָ֝֗ע לֹ֣א אֵדָֽע׃
	(11Q5 frg. A-C i,4) לבב[ עקש יסור ממני] (11Q5 frg. A-C i,5) [רע לוא אדע
5	מלושני (מְלָשְׁנִ֬י) בַסֵּ֨תֶר ׀ רֵעֵהוּ֮ אוֹת֢וֹ אַ֫צְמִ֥ית גְּֽבַהּ־ עֵ֭ינַיִם וּרְחַ֣ב לֵבָ֑ב אֹ֝ת֗וֹ לֹ֣א אוּכָֽל׃
	(11Q5 frg. A-C i,5) מלושני בסתר רעהו אותו אצמית] (11Q5 frg. A-C i,6) [גבה עינים] ורחב ל[בב אתו לוא אוכל
6	עֵינַ֤י ׀ בְּנֶֽאֶמְנֵי־ אֶרֶץ֮ לָשֶׁ֢בֶת עִמָּ֫דִ֥י הֹ֭לֵךְ בְּדֶ֣רֶךְ תָּמִ֑ים ה֝֗וּא יְשָׁרְתֵֽנִי׃
	(11Q5 frg. A-C i,6) עיני בנ]אמני (11Q5 frg. A-C i,7) [ארץ לש]בת עמדי ה[לך בדרך תמים הוא יש]רתני
7	לֹֽא־ יֵשֵׁ֨ב ׀ בְּקֶ֥רֶב בֵּיתִי֮ עֹשֵׂ֢ה רְמִ֫יָּ֥ה דֹּבֵ֥ר שְׁקָרִ֑ים לֹֽא־ יִ֝כּ֗וֹן לְנֶ֣גֶד עֵינָֽי׃
	(11Q5 frg. A-C i,8) [לוא ישב] בקרב ביתי [עשה רמיה דבר שקרים] לוא (11Q5 frg. A-C i,9) [יכון לנגד] עיני
8	לַבְּקָרִ֗ים אַצְמִ֥ית כָּל־ רִשְׁעֵי־ אָ֑רֶץ לְהַכְרִ֥ית מֵֽעִיר־ יְ֝הוָ֗ה כָּל־ פֹּ֥עֲלֵי אָֽוֶן׃
	(11Q5 frg. A-C i,9) לבקרים א[צמית כול רשעי ארץ להכרי]ת (11Q5 frg. A-C i,10) [מעיר ]יהוה כול פ[וע]ל[י און ]

102
1	תְּ֭פִלָּה לְעָנִ֣י כִֽי־ יַעֲטֹ֑ף וְלִפְנֵ֥י יְ֝הוָ֗ה יִשְׁפֹּ֥ךְ שִׂיחֽוֹ׃
	(11Q5 frg. A-C i,11) [תפלה] לעני כי יעטו[ף ולפני יהוה ישפך שיחו ]
2	יְ֭הוָה שִׁמְעָ֣ה תְפִלָּתִ֑י וְ֝שַׁוְעָתִ֗י אֵלֶ֥יךָ תָבֽוֹא׃
	(11Q5 frg. A-C i,12) [יהוה ]שמעה תפל[תי ושועתי אליך תבוא ]
3	אַל־ תַּסְתֵּ֬ר פָּנֶ֨יךָ ׀ מִמֶּנִּי֮ בְּי֢וֹם צַ֫ר לִ֥י הַטֵּֽה־ אֵלַ֥י אָזְנֶ֑ךָ בְּי֥וֹם אֶ֝קְרָ֗א מַהֵ֥ר עֲנֵֽנִי׃
4	כִּֽי־ כָל֣וּ בְעָשָׁ֣ן יָמָ֑י וְ֝עַצְמוֹתַ֗י כְּמוֹ־ קֵ֥ד נִחָֽרוּ׃
5	הוּכָּֽה־ כָ֭עֵשֶׂב וַיִּבַ֣שׁ לִבִּ֑י כִּֽי־ שָׁ֝כַ֗חְתִּי מֵאֲכֹ֥ל לַחְמִֽי׃
	(4Q84 frg. 14,7) [הוכה כעשב ויב]ש לבי (4Q84 frg. 14,8) [כי שכחתי לחמי מאכ]ל
6	מִקּ֥וֹל אַנְחָתִ֑י דָּבְקָ֥ה עַ֝צְמִ֗י לִבְשָׂרִֽי׃
7	דָּ֭מִיתִי לִקְאַ֣ת מִדְבָּ֑ר הָ֝יִ֗יתִי כְּכ֣וֹס חֳרָבֽוֹת׃
8	שָׁקַ֥דְתִּי וָאֶֽהְיֶ֑ה כְּ֝צִפּ֗וֹר בּוֹדֵ֥ד עַל־ גָּֽג׃
9	כָּל־ הַ֭יּוֹם חֵרְפ֣וּנִי אוֹיְבָ֑י מְ֝הוֹלָלַ֗י בִּ֣י נִשְׁבָּֽעוּ׃
10	כִּי־ אֵ֭פֶר כַּלֶּ֣חֶם אָכָ֑לְתִּי וְ֝שִׁקֻּוַ֗י בִּבְכִ֥י מָסָֽכְתִּי׃
	(4Q84 frg. 15 i+16-18 i,1) כי אפר כלחם אכלתי (4Q84 frg. 15 i+16-18 i,2) ושקוי בבכי מסכתי
11	מִפְּנֵֽי־ זַֽעַמְךָ֥ וְקִצְפֶּ֑ךָ כִּ֥י נְ֝שָׂאתַ֗נִי וַתַּשְׁלִיכֵֽנִי׃
	(4Q84 frg. 15 i+16-18 i,3) [מפני זעמך ]וקצפך (4Q84 frg. 15 i+16-18 i,4) [כי נשאתנ]י ותשליכני
12	יָ֭מַי כְּצֵ֣ל נָט֑וּי וַ֝אֲנִ֗י כָּעֵ֥שֶׂב אִיבָֽשׁ׃
	(4Q84 frg. 15 i+16-18 i,5) [ימי כצל נ]טוי (4Q84 frg. 15 i+16-18 i,6) [ואני כעשב ]איבש
13	וְאַתָּ֣ה יְ֭הוָה לְעוֹלָ֣ם תֵּשֵׁ֑ב וְ֝זִכְרְךָ֗ לְדֹ֣ר וָדֹֽר׃
	(4Q84 frg. 15 i+16-18 i,7) [ואתה יהוה] לעולם תשב (4Q84 frg. 15 i+16-18 i,8) וזכר֯ך ל֯דור֯[ ודר]
14	אַתָּ֣ה תָ֭קוּם תְּרַחֵ֣ם צִיּ֑וֹן כִּי־ עֵ֥ת לְ֝חֶֽנְנָ֗הּ כִּי־ בָ֥א מוֹעֵֽד׃
	(4Q84 frg. 15 i+16-18 i,9) אתה תקום ת֯ר֯ח֯ם[ ציון] (4Q84 frg. 15 i+16-18 i,10) כ[י ע]ת לחננה כי בא מועד
15	כִּֽי־ רָצ֣וּ עֲ֭בָדֶיךָ אֶת־ אֲבָנֶ֑יהָ וְֽאֶת־ עֲפָרָ֥הּ יְחֹנֵֽנוּ׃
	(4Q84 frg. 15 i+16-18 i,11) כי ר֯צ֯ו֯ [ע]ב֯[די]ך את א[בניה] (4Q84 frg. 15 i+16-18 i,12) ואת עפרה יחננו
16	וְיִֽירְא֣וּ ג֭וֹיִם אֶת־ שֵׁ֣ם יְהוָ֑ה וְֽכָל־ מַלְכֵ֥י הָ֝אָ֗רֶץ אֶת־ כְּבוֹדֶֽךָ׃
	(4Q84 frg. 15 i+16-18 i,13) ייראו גוים את שם יהו֯ה֯ (4Q84 frg. 15 i+16-18 i,14) וכל מלכי ^הארץ את כבודו
17	כִּֽי־ בָנָ֣ה יְהוָ֣ה צִיּ֑וֹן נִ֝רְאָ֗ה בִּכְבוֹדֽוֹ׃
	(4Q84 frg. 15 i+16-18 i,15) [כי ]ב֯נה יהוה צי֯ו֯ן (4Q84 frg. 15 i+16-18 i,16) נראה בכבוד
18	פָּ֭נָה אֶל־ תְּפִלַּ֣ת הָעַרְעָ֑ר וְלֹֽא־ בָ֝זָ֗ה אֶת־ תְּפִלָּתָֽם׃
	(11Q5 frg. C ii,1) תולעת הערער ולוא [בזה את תפלתם (4Q84 frg. 15 ii+18 ii+19,1) פנה אל תפלת הערער (4Q84 frg. 15 ii+18 ii+19,2) ולא בזה את תפלתם
19	תִּכָּ֣תֶב זֹ֭את לְד֣וֹר אַחֲר֑וֹן וְעַ֥ם נִ֝בְרָ֗א יְהַלֶּל־ יָֽהּ׃
	(11Q5 frg. C ii,1) תכתב זאת לדור] (11Q5 frg. C ii,2) אחרון ועם נברא יהללי֯[ה (יהלל○[) () (י[ה (4Q84 frg. 15 ii+18 ii+19,3) תכתב זאת לדור אחרון (4Q84 frg. 15 ii+18 ii+19,4) ועם נברא יהלל יה
20	כִּֽי־ הִ֭שְׁקִיף מִמְּר֣וֹם קָדְשׁ֑וֹ יְ֝הוָ֗ה מִשָּׁמַ֤יִם ׀ אֶל־ אֶ֬רֶץ הִבִּֽיט׃
	(11Q5 frg. C ii,2) כי השקיף ממרום קדשו] (11Q5 frg. C ii,3) יהוה משמים אל האר[ץ הביט (4Q84 frg. 15 ii+18 ii+19,5) כי הש֯קיף ממעון ק֯ד֯שו (4Q84 frg. 15 ii+18 ii+19,6) יהוה משמים לארץ[ הביט]
21	לִ֭שְׁמֹעַ אֶנְקַ֣ת אָסִ֑יר לְ֝פַתֵּ֗חַ בְּנֵ֣י תְמוּתָֽה׃
	(11Q5 frg. C ii,3) לשמע אנקת אסיר] (11Q5 frg. C ii,4) [לפ]תח בני תמותה (4Q84 frg. 15 ii+18 ii+19,7) לשמע אנקת [אסיר] (4Q84 frg. 15 ii+18 ii+19,8) לפתח בני תמו֯[תה]
22	לְסַפֵּ֣ר בְּ֭צִיּוֹן שֵׁ֣ם יְהוָ֑ה וּ֝תְהִלָּת֗וֹ בִּירוּשָׁלָֽ͏ִם׃
	(11Q5 frg. C ii,4) לספר בצ[יון שם יהוה ותהלתו] (11Q5 frg. C ii,5) בירושלים (4Q84 frg. 15 ii+18 ii+19,9) לספר ב֯צ֯[יון שם יהוה] (4Q84 frg. 15 ii+18 ii+19,10) [ותה]ל[תו ]בירו֯ש֯לם
23	בְּהִקָּבֵ֣ץ עַמִּ֣ים יַחְדָּ֑ו וּ֝מַמְלָכ֗וֹת לַעֲבֹ֥ד אֶת־ יְהוָֽה׃
	(11Q5 frg. C ii,5) בהקבץ עמים[ יחדו וממלכות לעבד את] (11Q5 frg. C ii,6) יהוה כי (4Q84 frg. 15 ii+18 ii+19,11) [בהקבץ עמי]ם יחדו (4Q84 frg. 15 ii+18 ii+19,12) [וממלכות לע]בד את יהוה
24	עִנָּ֖ה בַדֶּ֥רֶךְ כחו (כֹּחִ֗י) קִצַּ֥ר יָמָֽי׃
	(11Q5 frg. C ii,6) ענה בדרך [כחי קצר ימי (4Q84 frg. 15 ii+18 ii+19,13) ענה בד֯[רך ]כ֯חי (4Q84 frg. 15 ii+18 ii+19,14) קצר ימי
25	אֹמַ֗ר אֵלִ֗י אַֽל־ תַּ֭עֲלֵנִי בַּחֲצִ֣י יָמָ֑י בְּד֖וֹר דּוֹרִ֣ים שְׁנוֹתֶֽיךָ׃
	(11Q5 frg. C ii,6) אמר אלי אל] (11Q5 frg. C ii,7) תעלני בחצי ימי בדור ד[ורים שנותיך (4Q84 frg. 15 ii+18 ii+19,14) אמר אלי (4Q84 frg. 15 ii+18 ii+19,15) אל תעלני בחצי ימ[י] (4Q84 frg. 15 ii+18 ii+19,16) בדור דרים שנתיך
26	לְ֭פָנִים הָאָ֣רֶץ יָסַ֑דְתָּ וּֽמַעֲשֵׂ֖ה יָדֶ֣יךָ שָׁמָֽיִם׃
	(11Q5 frg. C ii,7) לפנים הארץ] (11Q5 frg. C ii,8) נוסדה ומעשי ידיכה ש[מים (4Q84 frg. 15 iii+20-21 i+22,1) לפנים הארץ יסדת (4Q84 frg. 15 iii+20-21 i+22,2) ומעשה ידיך שמים
27	הֵ֤מָּה ׀ יֹאבֵדוּ֮ וְאַתָּ֢ה תַ֫עֲמֹ֥ד וְ֭כֻלָּם כַּבֶּ֣גֶד יִבְל֑וּ כַּלְּב֖וּשׁ תַּחֲלִיפֵ֣ם וְֽיַחֲלֹֽפוּ׃
	(11Q5 frg. C ii,8) המה יאבדו ואתה תעמד] (11Q5 frg. C ii,9) וכולם כבגד יבלו וכלבוש[ תחליפם ויחלפו (4Q84 frg. 15 iii+20-21 i+22,3) המה יאבדו ואתה תעמד (4Q84 frg. 15 iii+20-21 i+22,4) וכלם כבגד יבלו (4Q84 frg. 15 iii+20-21 i+22,5) כלבוש תחליפם ויחלפו
28	וְאַתָּה־ ה֑וּא וּ֝שְׁנוֹתֶ֗יךָ לֹ֣א יִתָּֽמּוּ׃
	(11Q5 frg. C ii,9) ואתה הוא] (11Q5 frg. C ii,10) ושנותיכה לוא יתמו (4Q84 frg. 15 iii+20-21 i+22,6) ואתה הוא[ ו]ש֯נ֯ו֯[תיך ]ל[א י]תמו
29	בְּנֵֽי־ עֲבָדֶ֥יךָ יִשְׁכּ֑וֹנוּ וְ֝זַרְעָ֗ם לְפָנֶ֥יךָ יִכּֽוֹן׃
	(11Q5 frg. C ii,10) בני[ עבדיך ישכונו וזרעם לפניך יכון ] (4Q84 frg. 15 iii+20-21 i+22,7) בנ[י עבדיך ישכונו] (4Q84 frg. 15 iii+20-21 i+22,8) וז[רעם לפניך יכון]

103
1	לְדָוִ֨ד ׀ בָּרֲכִ֣י נַ֭פְשִׁי אֶת־ יְהוָ֑ה וְכָל־ קְ֝רָבַ֗י אֶת־ שֵׁ֥ם קָדְשֽׁוֹ׃
	(11Q5 frg. C ii,11) ]לדור (11Q5 frg. C ii,12) [ב]ר֯֯כי נפשי את י[הוה וכול קרבי את שם קדשו] (4Q84 frg. 15 iii+20-21 i+22,10) [לדו]ד (4Q84 frg. 15 iii+20-21 i+22,11) בר[כי נ]פשי את יהוה (4Q84 frg. 15 iii+20-21 i+22,12) [וכל קרב]י את שם קדשו
2	בָּרֲכִ֣י נַ֭פְשִׁי אֶת־ יְהוָ֑ה וְאַל־ תִּ֝שְׁכְּחִ֗י כָּל־ גְּמוּלָֽיו׃
	(2Q14 frg. 1,1) ברכי נפשי את יהוה ואל] תשכחי כול ג[מוליו] (4Q84 frg. 15 iii+20-21 i+22,13) [ברכי נפשי] את יהוה (4Q84 frg. 15 iii+20-21 i+22,14) [וא]ל תשכחי כל גמ^וליו
3	הַסֹּלֵ֥חַ לְכָל־ עֲוֺנֵ֑כִי הָ֝רֹפֵ֗א לְכָל־ תַּחֲלֻאָֽיְכִי׃
	(2Q14 frg. 1,2) [הסולח לכול עונך הרופא לכול תחלואיך (4Q84 frg. 15 iii+20-21 i+22,15) הסולח לכל עונך (4Q84 frg. 15 iii+20-21 i+22,16) ורפא לכל תחלו^איך
4	הַגּוֹאֵ֣ל מִשַּׁ֣חַת חַיָּ֑יְכִי הַֽ֝מְעַטְּרֵ֗כִי חֶ֣סֶד וְרַחֲמִֽים׃
	(2Q14 frg. 1,2) הגואל משחת חייך המעט]רך חסד ורחמים (4Q84 frg. 15 iv+21 ii-24,1) הגאל משחת חייך (4Q84 frg. 15 iv+21 ii-24,2) המעטרך חסד ורחמים
5	הַמַּשְׂבִּ֣יעַ בַּטּ֣וֹב עֶדְיֵ֑ךְ תִּתְחַדֵּ֖שׁ כַּנֶּ֣שֶׁר נְעוּרָֽיְכִי׃
	(2Q14 frg. 1,3) [המשביע בטוב עדיך תתחדש כנשר נעוריך (4Q84 frg. 15 iv+21 ii-24,3) המשביע בטוב עדיך (4Q84 frg. 15 iv+21 ii-24,4) תתחדש֯ כ֯[נ]ש֯ר נעוריך
6	עֹשֵׂ֣ה צְדָק֣וֹת יְהוָ֑ה וּ֝מִשְׁפָּטִ֗ים לְכָל־ עֲשׁוּקִֽים׃
	(2Q14 frg. 1,3) עושה צדקות יהוה ומשפ]טים לכול עשוקים (4Q84 frg. 15 iv+21 ii-24,5) עשה צדקות יהוה (4Q84 frg. 15 iv+21 ii-24,6) ומשפטים לכ֯ל[ עשוקים]
7	יוֹדִ֣יעַ דְּרָכָ֣יו לְמֹשֶׁ֑ה לִבְנֵ֥י יִ֝שְׂרָאֵ֗ל עֲלִילֽוֹתָיו׃
	(2Q14 frg. 1,4) [יודיע דרכיו למושה לבני ישראל עלילותיו
8	רַח֣וּם וְחַנּ֣וּן יְהוָ֑ה אֶ֖רֶךְ אַפַּ֣יִם וְרַב־ חָֽסֶד׃
	(2Q14 frg. 1,4) רחום וחנון יהוה ארך א]פים ורב חסד
9	לֹֽא־ לָנֶ֥צַח יָרִ֑יב וְלֹ֖א לְעוֹלָ֣ם יִטּֽוֹר׃
	(2Q14 frg. 1,4) ל[וא לנצח] (2Q14 frg. 1,5) [יריב ולוא לעולם יטור (4Q84 frg. 15 iv+21 ii-24,11) ל[א לנצח יריב] (4Q84 frg. 15 iv+21 ii-24,12) [ו]ל֯א ל[עולם יטור]
10	לֹ֣א כַ֭חֲטָאֵינוּ עָ֣שָׂה לָ֑נוּ וְלֹ֥א כַ֝עֲוֺנֹתֵ֗ינוּ גָּמַ֥ל עָלֵֽינוּ׃
	(2Q14 frg. 1,5) לוא כחטאינו עשה לנו ולוא כעונותינו גמל ע]לינו (4Q84 frg. 15 iv+21 ii-24,13) לא כ֯[חטאינו עשה לנו] (4Q84 frg. 15 iv+21 ii-24,14) ולא [כעונתינו גמל עלינו]
11	כִּ֤י כִגְבֹ֣הַּ שָׁ֭מַיִם עַל־ הָאָ֑רֶץ גָּבַ֥ר חַ֝סְדּ֗וֹ עַל־ יְרֵאָֽיו׃
	(2Q14 frg. 1,5) כי כג[בוה שמים] (2Q14 frg. 1,6) [על הארץ גבר חסדו על יראיו -- ] (4Q84 frg. 15 iv+21 ii-24,15) כי כג[בה שמים על הארץ] (4Q84 frg. 15 iv+21 ii-24,16) גבר[ חסדו על יראיו]
12	כִּרְחֹ֣ק מִ֭זְרָח מִֽמַּֽעֲרָ֑ב הִֽרְחִ֥יק מִ֝מֶּ֗נּוּ אֶת־ פְּשָׁעֵֽינוּ׃
	(4Q84 frg. 15 v+25 i,1) כרחק מזרח ממערב (4Q84 frg. 15 v+25 i,2) הרחיק ממנ֯ו את פשעינו
13	כְּרַחֵ֣ם אָ֭ב עַל־ בָּנִ֑ים רִחַ֥ם יְ֝הוָ֗ה עַל־ יְרֵאָֽיו׃
	(4Q84 frg. 15 v+25 i,3) כרחם אב על בנים (4Q84 frg. 15 v+25 i,4) רחם יהוה על יראיו
14	כִּי־ ה֖וּא יָדַ֣ע יִצְרֵ֑נוּ זָ֝כ֗וּר כִּי־ עָפָ֥ר אֲנָֽחְנוּ׃
	(4Q84 frg. 15 v+25 i,5) כי הו֯א֯ י֯[ד]ע֯ י֯צ֯רנו
15	אֱ֭נוֹשׁ כֶּחָצִ֣יר יָמָ֑יו כְּצִ֥יץ הַ֝שָּׂדֶ֗ה כֵּ֣ן יָצִֽיץ׃
16	כִּ֤י ר֣וּחַ עָֽבְרָה־ בּ֣וֹ וְאֵינֶ֑נּוּ וְלֹא־ יַכִּירֶ֖נּוּ ע֣וֹד מְקוֹמֽוֹ׃
17	וְחֶ֤סֶד יְהוָ֨ה ׀ מֵעוֹלָ֣ם וְעַד־ ע֭וֹלָם עַל־ יְרֵאָ֑יו וְ֝צִדְקָת֗וֹ לִבְנֵ֥י בָנִֽים׃
18	לְשֹׁמְרֵ֥י בְרִית֑וֹ וּלְזֹכְרֵ֥י פִ֝קֻּדָ֗יו לַעֲשׂוֹתָֽם׃
19	יְֽהוָ֗ה בַּ֭שָּׁמַיִם הֵכִ֣ין כִּסְא֑וֹ וּ֝מַלְכוּת֗וֹ בַּכֹּ֥ל מָשָֽׁלָה׃
20	בָּרֲכ֥וּ יְהוָ֗ה מַלְאָ֫כָ֥יו גִּבֹּ֣רֵי כֹ֭חַ עֹשֵׂ֣י דְבָר֑וֹ לִ֝שְׁמֹ֗עַ בְּק֣וֹל דְּבָרֽוֹ׃
	(4Q84 frg. 25 ii,1) ברכו את יהוה מלאכיו (4Q84 frg. 25 ii,2) גבורי כח עשי דבריו (4Q84 frg. 25 ii,3) לשמע בקול דבריו
21	בָּרֲכ֣וּ יְ֭הוָה כָּל־ צְבָאָ֑יו מְ֝שָׁרְתָ֗יו עֹשֵׂ֥י רְצוֹנֽוֹ׃
	(4Q84 frg. 25 ii,4) ברכו יהוה כל צבאיו (4Q84 frg. 25 ii,5) מ֯ש֯ר֯ת֯[י]ו֯[ עשי רצונו]
22	בָּרֲכ֤וּ יְהוָ֨ה ׀ כָּֽל־ מַעֲשָׂ֗יו בְּכָל־ מְקֹמ֥וֹת מֶמְשַׁלְתּ֑וֹ בָּרֲכִ֥י נַ֝פְשִׁ֗י אֶת־ יְהוָֽה׃
	(4Q87 frg. 9,1) [נפשי את יהו]ה

104
1	בָּרֲכִ֥י נַפְשִׁ֗י אֶת־ יְה֫וָ֥ה יְהוָ֣ה אֱ֭לֹהַי גָּדַ֣לְתָּ מְּאֹ֑ד ה֭וֹד וְהָדָ֣ר לָבָֽשְׁתָּ׃
	(11Q5 frg. E i,6) ברכי נפשי (11Q5 frg. E i,7) [את יהוה י]הוה אלוהינו גדלתה מואדה ה֯וד֯ (11Q5 frg. E i,8) [והדר לבשתה (4Q86 2,11) [ברכי נפשי א]ת יהוה יהוה֯[ אלהי]ם (4Q86 2,12) [גדלת מא]ד֯ ה֯ו֯ד והדר תלבש (4Q87 frg. 14,2) בר]כ֯י נפשי את יהוה יה֯[וה אלוהינו גדלתה מאוד הוד והדר לבשתה
2	עֹֽטֶה־ א֭וֹר כַּשַּׂלְמָ֑ה נוֹטֶ֥ה שָׁ֝מַ֗יִם כַּיְרִיעָֽה׃
	(11Q5 frg. E i,8) עוטה א]ור כשלמה נוטה שמים כיריעה (4Q86 2,12) עטי (4Q86 2,13) [אור כש]למה ^נוט[י] ^שמים ^כיריעה (4Q87 frg. 14,2) עוטה] (4Q87 frg. 14,3) [אור כשלמ]ה נוטה שמים כי[ריעה
3	הַ֥מְקָרֶֽה בַמַּ֗יִם עֲ‍ֽלִיּ֫וֹתָ֥יו הַשָּׂם־ עָבִ֥ים רְכוּב֑וֹ הַֽ֝מְהַלֵּ֗ךְ עַל־ כַּנְפֵי־ רֽוּחַ׃
	(11Q5 frg. E i,9) [המקרה במים עליותיו ה]שם עבים רכובו המהלך על (11Q5 frg. E i,10) [כנפי רוח (4Q86 2,13) מקרה [במי]ם ע֯ל[יו]תו (4Q86 2,14) השם עבים רכבו מהלך֯[ על] כנפי רוח (4Q87 frg. 14,3) המקרה במים עליותיו השם עבים רכובו] (4Q87 frg. 14,4) [המהלך על ]כנפי רוח[ -- ] (4Q93 1,6) [המ]ק֯[רה במים עליותיו] (4Q93 1,7) השם עבים [רכובו] (4Q93 1,8) המהלך על כנ֯[פי רו]ח
4	עֹשֶׂ֣ה מַלְאָכָ֣יו רוּח֑וֹת מְ֝שָׁרְתָ֗יו אֵ֣שׁ לֹהֵֽט׃
	(11Q5 frg. E i,10) עושה מלאכיו ר]ו֯ח֯[ות מ]ש֯ר֯ת֯יו אש לוהטת (4Q86 2,15) עשי מלאכיו רוח֯[ות משרת]יו אש[ ] (4Q86 2,16) [לה]ט (4Q93 1,9) עשי מלאכו רוחו֯ת (4Q93 1,10) משירתו אש להט
5	יָֽסַד־ אֶ֭רֶץ עַל־ מְכוֹנֶ֑יהָ בַּל־ תִּ֝מּ֗וֹט עוֹלָ֥ם וָעֶֽד׃
	(11Q5 frg. E i,11) [יסד ארץ על מכוניה בל תמוט עולם ו]עד (4Q86 2,16) יוסד א[רץ על מכוניה בל תמ]ו֯ט (4Q93 1,11) ישד ארץ על מכוניה (4Q93 1,12) בל תמו֯ט֯ לעלם֯ ו֯[עד]
6	תְּ֭הוֹם כַּלְּב֣וּשׁ כִּסִּית֑וֹ עַל־ הָ֝רִ֗ים יַֽעַמְדוּ־ מָֽיִם׃
	(11Q5 frg. E i,11) תהום (2Q14 frg. 2,1) תהום כלבוש כסיתו ע]ל הרים[ יעמדו מים
7	מִן־ גַּעֲרָ֣תְךָ֣ יְנוּס֑וּן מִן־ ק֥וֹל רַֽ֝עַמְךָ֗ יֵחָפֵזֽוּן׃
	(2Q14 frg. 2,1) מן גערתך ינוסון מן קול] (2Q14 frg. 2,2) [רעמך יחפזון
8	יַעֲל֣וּ הָ֭רִים יֵרְד֣וּ בְקָע֑וֹת אֶל־ מְ֝ק֗וֹם זֶ֤ה ׀ יָסַ֬דְתָּ לָהֶֽם׃
	(2Q14 frg. 2,2) יעלו הרים ירדו ]בקעות ולכו[ל מקום זה יסדת להם] (4Q86 3,1) יעלו הרים ירדו[ בק]עות[ אל מק]ו֯ם … (4Q86 3,2) י֯[סד]ת֯ה להם
9	גְּֽבוּל־ שַׂ֭מְתָּ בַּל־ יֽ͏ַעֲבֹר֑וּן בַּל־ יְ֝שׁוּב֗וּן לְכַסּ֥וֹת הָאָֽרֶץ׃
	(2Q14 frg. 2,3) [גבול שמת בל יעברון בל ישובון ]לכסות הא[רץ (4Q86 3,2) [ג]ב֯[ול ]שמת (4Q86 3,3) [בל] יעברון בל ישו֯[בון לכסות ]האר[ץ]
10	הַֽמְשַׁלֵּ֣חַ מַ֭עְיָנִים בַּנְּחָלִ֑ים בֵּ֥ין הָ֝רִ֗ים יְהַלֵּכֽוּן׃
	(2Q14 frg. 2,3) המשלח מעינים בנחלים] (2Q14 frg. 2,4) [בין הרים יהלכון (4Q86 3,4) משלח מעינים בנחלים בין ההרים (4Q86 3,5) יהלכו
11	יַ֭שְׁקוּ כָּל־ חַיְת֣וֹ שָׂדָ֑י יִשְׁבְּר֖וּ פְרָאִ֣ים צְמָאָֽם׃
	(2Q14 frg. 2,4) ישקו כול חיתו שדי ]ישבר[ו פראים צמאם] (4Q86 3,5) ישקו חיות … (4Q86 3,6) י֯ש֯כירו פראים צמאם (4Q93 2,8) י֯[שקו כל חיתו שדי] (4Q93 2,9) יש֯[ברו פראים צמאם]
12	עֲ֭לֵיהֶם עוֹף־ הַשָּׁמַ֣יִם יִשְׁכּ֑וֹן מִבֵּ֥ין עֳ֝פָאיִ֗ם יִתְּנוּ־ קֽוֹל׃
	(4Q93 2,10) עליה[ם עוף השמים ישכון] (4Q93 2,11) מב֯[ין עפאים יתנו קול]
13	מַשְׁקֶ֣ה הָ֭רִים מֵעֲלִיּוֹתָ֑יו מִפְּרִ֥י מַ֝עֲשֶׂ֗יךָ תִּשְׂבַּ֥ע הָאָֽרֶץ׃
14	מַצְמִ֤יחַ חָצִ֨יר ׀ לַבְּהֵמָ֗ה וְ֭עֵשֶׂב לַעֲבֹדַ֣ת הָאָדָ֑ם לְה֥וֹצִיא לֶ֝֗חֶם מִן־ הָאָֽרֶץ׃
	(4Q86 3,13) להצ֯[יא לחם מן הארץ]
15	וְיַ֤יִן ׀ יְשַׂמַּ֬ח לְֽבַב־ אֱנ֗וֹשׁ לְהַצְהִ֣יל פָּנִ֣ים מִשָּׁ֑מֶן וְ֝לֶ֗חֶם לְֽבַב־ אֱנ֥וֹשׁ יִסְעָֽד׃
	(4Q86 3,14) ויין[ ישמח לבב ]אנוש (4Q86 3,15) לה[צהיל פנים ]○ שמן (4Q86 3,16) [ולחם לבב אנוש י]סעד
16	יִ֭שְׂבְּעוּ עֲצֵ֣י יְהוָ֑ה אַֽרְזֵ֥י לְ֝בָנ֗וֹן אֲשֶׁ֣ר נָטָֽע׃
17	אֲשֶׁר־ שָׁ֭ם צִפֳּרִ֣ים יְקַנֵּ֑נוּ חֲ֝סִידָ֗ה בְּרוֹשִׁ֥ים בֵּיתָֽהּ׃
18	הָרִ֣ים הַ֭גְּבֹהִים לַיְּעֵלִ֑ים סְ֝לָעִ֗ים מַחְסֶ֥ה לַֽשְׁפַנִּֽים׃
19	עָשָׂ֣ה יָ֭רֵחַ לְמוֹעֲדִ֑ים שֶׁ֝֗מֶשׁ יָדַ֥ע מְבוֹאֽוֹ׃
20	תָּֽשֶׁת־ חֹ֭שֶׁךְ וִ֣יהִי לָ֑יְלָה בּֽוֹ־ תִ֝רְמֹ֗שׂ כָּל־ חַיְתוֹ־ יָֽעַר׃
	(4Q87 frg. 15-16,1) תשת חושך ויהי ליל]ה בו תרמוש֯ כול חית[ו יער]
21	הַ֭כְּפִירִים שֹׁאֲגִ֣ים לַטָּ֑רֶף וּלְבַקֵּ֖שׁ מֵאֵ֣ל אָכְלָֽם׃
	(11Q5 frg. E ii,1) הכפירים ש]א֯ג֯[ים לטרף ולבקש מאל אוכלם (4Q87 frg. 15-16,2) [הכפירים שואגים לטרף ]ולבקש מא֯[ל ]א֯כ֯ל[ם
22	תִּזְרַ֣ח הַ֭שֶּׁמֶשׁ יֵאָסֵפ֑וּן וְאֶל־ מְ֝עוֹנֹתָ֗ם יִרְבָּצֽוּן׃
	(11Q5 frg. E ii,1) תזרח] (11Q5 frg. E ii,2) השמש יאספון וא֯ל מעונותיהם [ירבצון (4Q86 4,10) [תזרח הש]מש ויאספו (4Q86 4,11) [ואל מעונ]○○ ירבצו (4Q87 frg. 15-16,2) תזרח] (4Q87 frg. 15-16,3) [השמש ויאספון ואל מעונותי]ה֯ם֯ יר[בצון -- ]
23	יֵצֵ֣א אָדָ֣ם לְפָעֳל֑וֹ וְֽלַעֲבֹ֖דָת֣וֹ עֲדֵי־ עָֽרֶב׃
	(11Q5 frg. E ii,2) יצא אדם] (11Q5 frg. E ii,3) לפועלו ולעבודתו עד ערב (4Q86 4,12) [י]צא אדם ל[פעלו] (4Q86 4,13) ולעבדתו עדי ערב[ ]
24	מָֽה־ רַבּ֬וּ מַעֲשֶׂ֨יךָ ׀ יְֽהוָ֗ה כֻּ֭לָּם בְּחָכְמָ֣ה עָשִׂ֑יתָ מָלְאָ֥ה הָ֝אָ֗רֶץ קִנְיָנֶֽךָ׃
	(11Q5 frg. E ii,3) מה רבו מעש[י]כ֯[ה יהוה] (11Q5 frg. E ii,4) כולם בחוכ^מה עשיתה מלאה הארץ קנינכה (4Q86 4,14) [מה] רבו מעשיך יהו[ה] (4Q86 4,15) כלם בחכמה נעשו (4Q86 4,16) מלאה הארץ קנינך
25	זֶ֤ה ׀ הַיָּ֥ם גָּדוֹל֮ וּרְחַ֢ב יָ֫דָ֥יִם שָֽׁם־ רֶ֭מֶשׂ וְאֵ֣ין מִסְפָּ֑ר חַיּ֥וֹת קְ֝טַנּ֗וֹת עִם־ גְּדֹלֽוֹת׃
	(11Q5 frg. E ii,4) הים ג֯[דול] (11Q5 frg. E ii,5) ורחב ידים שמה רמש הרבה ואין למספר חיות קטנ[ות] (11Q5 frg. E ii,6) עם גדולות (4Q86 4,17) [זה הים גדו]ל ורחב[ ידים] (4Q86 4,18) [שם רמ]ש֯ ואין מס֯[פר] (4Q86 4,19) [חיות קטנות עם גדלות]
26	שָׁ֭ם אֳנִיּ֣וֹת יְהַלֵּכ֑וּן לִ֝וְיָתָ֗ן זֶֽה־ יָצַ֥רְתָּ לְשַֽׂחֶק־ בּֽוֹ׃
	(11Q5 frg. E ii,6) שם אוניות יהלכון לויתן זה יצרתה לשחק (11Q5 frg. E ii,7) בו
27	כֻּ֭לָּם אֵלֶ֣יךָ יְשַׂבֵּר֑וּן לָתֵ֖ת אָכְלָ֣ם בְּעִתּֽוֹ׃
	(11Q5 frg. E ii,7) כולם אליכה ישברו לתת להם אוכלם בעתו
28	תִּתֵּ֣ן לָ֭הֶם יִלְקֹט֑וּן תִּפְתַּ֥ח יָֽ֝דְךָ֗ יִשְׂבְּע֥וּן טֽוֹב׃
	(11Q5 frg. E ii,7) תתן להם (11Q5 frg. E ii,8) וילקטון תפתח ידכה ישבעו טוב
29	תַּסְתִּ֥יר פָּנֶיךָ֮ יִֽבָּהֵ֫ל֥וּן תֹּסֵ֣ף ר֭וּחָם יִגְוָע֑וּן וְֽאֶל־ עֲפָרָ֥ם יְשׁוּבֽוּן׃
	(11Q5 frg. E ii,8) תוסף רוחכה ויגועו (11Q5 frg. E ii,9) ואל עפרם ישובו
30	תְּשַׁלַּ֣ח ר֭וּחֲךָ יִבָּרֵא֑וּן וּ֝תְחַדֵּ֗שׁ פְּנֵ֣י אֲדָמָֽה׃
	(11Q5 frg. E ii,9) תשלח רוחכה ויבראון ותחדש פני (11Q5 frg. E ii,10) אדמה
31	יְהִ֤י כְב֣וֹד יְהוָ֣ה לְעוֹלָ֑ם יִשְׂמַ֖ח יְהוָ֣ה בְּמַעֲשָֽׂיו׃
	(11Q5 frg. E ii,10) ויהי כבוד יהוה לעולם ישמח יהוה במעשיו
32	הַמַּבִּ֣יט לָ֭אָרֶץ וַתִּרְעָ֑ד יִגַּ֖ע בֶּהָרִ֣ים וְֽיֶעֱשָֽׁנוּ׃
	(11Q5 frg. E ii,11) [המ]ביט אל הארץ ותרעד יגע בהרים ויעש^נו
33	אָשִׁ֣ירָה לַיהוָ֣ה בְּחַיָּ֑י אֲזַמְּרָ֖ה לֵאלֹהַ֣י בְּעוֹדִֽי׃
	(11Q5 frg. E ii,11) אשירה (11Q5 frg. E ii,12) [ליה]ו֯ה בחיי אזמרה לאלוהי בעודי (4Q86 5,15) א֯ש֯[י]ר֯ה [ליהוה] ב֯חי֯י֯ (4Q86 5,16) אזמרה[ לאלהי ]בעדי
34	יֶעֱרַ֣ב עָלָ֣יו שִׂיחִ֑י אָ֝נֹכִ֗י אֶשְׂמַ֥ח בַּיהוָֽה׃
	(11Q5 frg. E ii,12) יערב עליו שיחי (11Q5 frg. E ii,13) [אנכי אשמח ב]י֯הוה כאשר (4Q86 5,17) יערב[ עליו ]ש֯יחי
35	יִתַּ֤מּוּ חַטָּאִ֨ים ׀ מִן־ הָאָ֡רֶץ וּרְשָׁעִ֤ים ׀ ע֤וֹד אֵינָ֗ם בָּרֲכִ֣י נַ֭פְשִׁי אֶת־ יְהוָ֗ה הַֽלְלוּ־ יָֽהּ׃
	(11Q5 frg. E ii,13) יתמו חוטאים מארץ (11Q5 frg. E ii,14) [ורשעים עוד אינם ב]רכי נפשי את יהוה הללו יה (4Q86 5,18) ית[מו חטאי]ם֯ מן האר֯[ץ] (4Q86 5,19) ורשע[ים עוד אינם]

105
1	הוֹד֣וּ לַ֭יהוָה קִרְא֣וּ בִשְׁמ֑וֹ הוֹדִ֥יעוּ בָ֝עַמִּ֗ים עֲלִילוֹתָֽיו׃
	… (11Q5 frg. E iii,8) קראו] (11Q5 frg. E iii,9) בשמו הודיעו בעמים עלי[לותיו (1QIsa^a 11,9) אודו ליהוה קראו בשמו הודיעו בעמים עלילותיו הזכירו (1Q8 5b,1) ההוא הודו ליהוה קראו בשמו הודיעו] (1Q8 5b,2) [בעמים … (4Q55 frg. 8,1) הודו ליהוה קראו בשמו הודיעו בעמים עלילתיו הזכירו כי נשגב] (4Q59 frg. 17-18 i+19,4) הודו ליהוה קראו בשמו הודיעו בעמים עלילתיו … (4Q87 frg. 17+18 i,3) הודו ליהוה] (4Q87 frg. 17+18 i,4) [קראו ב]שמו הוד֯[יעו בעמים עלילותיו (Jes 12,4) הוֹד֤וּ לַֽיהוָה֙ קִרְא֣וּ בִשְׁמ֔וֹ הוֹדִ֥יעוּ בָֽעַמִּ֖ים עֲלִֽילֹתָ֑יו … (1 Chron 16,8) הוֹד֤וּ לַֽיהוָה֙ קִרְא֣וּ בִשְׁמ֔וֹ הוֹדִ֥יעוּ בָעַמִּ֖ים עֲלִילֹתָֽיו׃
2	שִֽׁירוּ־ ל֭וֹ זַמְּרוּ־ ל֑וֹ שִׂ֝֗יחוּ בְּכָל־ נִפְלְאוֹתָֽיו׃
	(11Q5 frg. E iii,9) שירו לו זמרו לו שיחו] (11Q5 frg. E iii,10) בכול נפלאותיו (4Q87 frg. 17+18 i,4) שירו לו זמרו ל]ו֯ (4Q87 frg. 17+18 i,5) [שיחו בכול נפלאו]תיו
3	הִֽ֭תְהַלְלוּ בְּשֵׁ֣ם קָדְשׁ֑וֹ יִ֝שְׂמַ֗ח לֵ֤ב ׀ מְבַקְשֵׁ֬י יְהוָֽה׃
	(11Q5 frg. E iii,10) התהללו בשם ק[ודשו ישמח לב מבקש] (11Q5 frg. E iii,11) רצונו (4Q87 frg. 17+18 i,5) התה֯[ללו בשם קדשו ישמח ]לב
4	דִּרְשׁ֣וּ יְהוָ֣ה וְעֻזּ֑וֹ בַּקְּשׁ֖וּ פָנָ֣יו תָּמִֽיד׃
	(11Q5 frg. E iii,11) דרושו יהוה ועוזו בקשו֯ [פניו ]תמיד
5	זִכְר֗וּ נִפְלְאוֹתָ֥יו אֲשֶׁר־ עָשָׂ֑ה מֹ֝פְתָ֗יו וּמִשְׁפְּטֵי־ פִֽיו׃
	(11Q5 frg. E iii,11) ז֯[כורו] (11Q5 frg. E iii,12) נפלאותיו אשר עשה מופתיו ומשפט[י פיו
6	זֶ֭רַע אַבְרָהָ֣ם עַבְדּ֑וֹ בְּנֵ֖י יַעֲקֹ֣ב בְּחִירָֽיו׃
	(11Q5 frg. E iii,12) זרע אברהם] (11Q5 frg. E iii,13) ~~עבוד~~ עבדיו בני יעקוב בחירו כי
7	ה֭וּא יְהוָ֣ה אֱלֹהֵ֑ינוּ בְּכָל־ הָ֝אָ֗רֶץ מִשְׁפָּטָֽיו׃
	(11Q5 frg. E iii,13) הוא י֯[הוה ובארץ] (11Q5 frg. E iii,14) משפטיו
8	זָכַ֣ר לְעוֹלָ֣ם בְּרִית֑וֹ דָּבָ֥ר צִ֝וָּ֗ה לְאֶ֣לֶף דּֽוֹר׃
	(11Q5 frg. E iii,14) זכר לעולם בריתו דבר צוה לאלף[ דור
9	אֲשֶׁ֣ר כָּ֭רַת אֶת־ אַבְרָהָ֑ם וּשְׁב֖וּעָת֣וֹ לְיִשְׂחָֽק׃
	(11Q5 frg. E iii,14) אשר כרת] (11Q5 frg. E iii,15) עם אברהם שבועתו לישחק
10	וַיַּֽעֲמִידֶ֣הָ לְיַעֲקֹ֣ב לְחֹ֑ק לְ֝יִשְׂרָאֵ֗ל בְּרִ֣ית עוֹלָֽם׃
	(11Q5 frg. E iii,15) ויעמידה לי֯[עקוב לחוק] (11Q5 frg. E iii,16) לישראל ברית עולם
11	לֵאמֹ֗ר לְךָ֗ אֶתֵּ֥ן אֶת־ אֶֽרֶץ־ כְּנָ֑עַן חֶ֝֗בֶל נַחֲלַתְכֶֽם׃
	(11Q5 frg. E iii,16) לאמור לכם אתן את֯ א֯[רץ כנען] (11Q5 frg. E iii,17) [חב]ל[ נחלתכם -- ]
12	בִּֽ֭הְיוֹתָם מְתֵ֣י מִסְפָּ֑ר כִּ֝מְעַ֗ט וְגָרִ֥ים בָּֽהּ׃
13	וַֽ֭יִּתְהַלְּכוּ מִגּ֣וֹי אֶל־ גּ֑וֹי מִ֝מַּמְלָכָ֗ה אֶל־ עַ֥ם אַחֵֽר׃
14	לֹֽא־ הִנִּ֣יחַ אָדָ֣ם לְעָשְׁקָ֑ם וַיּ֖וֹכַח עֲלֵיהֶ֣ם מְלָכִֽים׃
15	אַֽל־ תִּגְּע֥וּ בִמְשִׁיחָ֑י וְ֝לִנְבִיאַי אַל־ תָּרֵֽעוּ׃
16	וַיִּקְרָ֣א רָ֭עָב עַל־ הָאָ֑רֶץ כָּֽל־ מַטֵּה־ לֶ֥חֶם שָׁבָֽר׃
17	שָׁלַ֣ח לִפְנֵיהֶ֣ם אִ֑ישׁ לְ֝עֶ֗בֶד נִמְכַּ֥ר יוֹסֵֽף׃
18	עִנּ֣וּ בַכֶּ֣בֶל רגליו (רַגְל֑וֹ) בַּ֝רְזֶ֗ל בָּ֣אָה נַפְשֽׁוֹ׃
19	עַד־ עֵ֥ת בֹּֽא־ דְבָר֑וֹ אִמְרַ֖ת יְהוָ֣ה צְרָפָֽתְהוּ׃
20	שָׁ֣לַח מֶ֭לֶךְ וַיַּתִּירֵ֑הוּ מֹשֵׁ֥ל עַ֝מִּ֗ים וַֽיְפַתְּחֵֽהוּ׃
21	שָׂמ֣וֹ אָד֣וֹן לְבֵית֑וֹ וּ֝מֹשֵׁ֗ל בְּכָל־ קִנְיָנֽוֹ׃
22	לֶאְסֹ֣ר שָׂרָ֣יו בְּנַפְשׁ֑וֹ וּזְקֵנָ֥יו יְחַכֵּֽם׃
23	וַיָּבֹ֣א יִשְׂרָאֵ֣ל מִצְרָ֑יִם וְ֝יַעֲקֹ֗ב גָּ֣ר בְּאֶֽרֶץ־ חָֽם׃
	(4Q87 frg. 19,1) ויבוא ישראל ]מצרים י[עקוב גר בארץ חם]
24	וַיֶּ֣פֶר אֶת־ עַמּ֣וֹ מְאֹ֑ד וַ֝יַּֽעֲצִמֵהוּ מִצָּרָֽיו׃
	(4Q87 frg. 19,2) [ויפר את עמו מאד ויעצמהו ]מצריו
25	הָפַ֣ךְ לִ֭בָּם לִשְׂנֹ֣א עַמּ֑וֹ לְ֝הִתְנַכֵּ֗ל בַּעֲבָדָֽיו׃
	(11Q5 1,1) הפך ]לבם לשנוא (11Q5 1,2) [עמו להתנכל בעבדיו (4Q87 frg. 19,2) ה[פך לבם לשנא]
26	שָׁ֭לַח מֹשֶׁ֣ה עַבְדּ֑וֹ אַ֝הֲרֹ֗ן אֲשֶׁ֣ר בָּֽחַר־ בּֽוֹ׃
	(11Q5 1,2) שלח משה עבדו אה]רון אשר בחר (11Q5 1,3) [בו
27	שָֽׂמוּ־ בָ֭ם דִּבְרֵ֣י אֹתוֹתָ֑יו וּ֝מֹפְתִ֗ים בְּאֶ֣רֶץ חָֽם׃
	(11Q5 1,3) שמו בם דברי אתותיו ומפתים בארץ חם
28	שָׁ֣לַֽח חֹ֭שֶׁךְ וַיַּחְשִׁ֑ךְ וְלֹֽא־ מָ֝ר֗וּ אֶת־ דברוו (דְּבָרֽוֹ׃)
	(11Q5 1,3) של]ח חושך (11Q5 1,4) [ויחשך ולוא מרו את דברם -- ]רם שם
29	הָפַ֣ךְ אֶת־ מֵימֵיהֶ֣ם לְדָ֑ם וַ֝יָּ֗מֶת אֶת־ דְּגָתָֽם׃
	(11Q5 1,5) [את מימיהם לדם וימת את דגתם
30	שָׁרַ֣ץ אַרְצָ֣ם צְפַרְדְּעִ֑ים בְּ֝חַדְרֵ֗י מַלְכֵיהֶֽם׃
	(11Q5 1,5) ש]רצה ארצם (11Q5 1,6) [צפרדעים בחדרי מלכיהם
31	אָ֭מַר וַיָּבֹ֣א עָרֹ֑ב כִּ֝נִּ֗ים בְּכָל־ גְּבוּלָֽם׃
	(11Q5 1,6) אמר ויבא ערב כ]נ֯ים בכול (11Q5 1,7) [גבולם
32	נָתַ֣ן גִּשְׁמֵיהֶ֣ם בָּרָ֑ד אֵ֖שׁ לֶהָב֣וֹת בְּאַרְצָֽם׃
	(11Q5 1,7) נתן גשמיהם ברד אש להבות בארצם
33	וַיַּ֣ךְ גַּ֭פְנָם וּתְאֵנָתָ֑ם וַ֝יְשַׁבֵּ֗ר עֵ֣ץ גְּבוּלָֽם׃
	(11Q5 1,7) וי]ך גפנם (11Q5 1,8) [ותאנתם וישבר עץ גבולם
34	אָ֭מַר וַיָּבֹ֣א אַרְבֶּ֑ה וְ֝יֶ֗לֶק וְאֵ֣ין מִסְפָּֽר׃
	(11Q5 1,8) אמר ויבא ארבה ]וילק ואין (11Q5 1,9) [מספר
35	וַיֹּ֣אכַל כָּל־ עֵ֣שֶׂב בְּאַרְצָ֑ם וַ֝יֹּ֗אכַל פְּרִ֣י אַדְמָתָֽם׃
	(11Q5 1,9) ויאכל כול עשב בארצם ויאכל פרי א]דמתם
36	וַיַּ֣ךְ כָּל־ בְּכ֣וֹר בְּאַרְצָ֑ם רֵ֝אשִׁ֗ית לְכָל־ אוֹנָֽם׃
	(11Q5 1,10) [ויך כול בכור בארצם ראשית לכול אונם (4Q87 frg. 18 ii+20-24,1) [ויך כול בכור בארצ]ם֯[ ראשית לכו]ל אונם
37	וַֽ֭יּוֹצִיאֵם בְּכֶ֣סֶף וְזָהָ֑ב וְאֵ֖ין בִּשְׁבָטָ֣יו כּוֹשֵֽׁל׃
	(11Q5 1,10) ויוצא א]ת עמו (11Q5 1,11) [בכסף וזהב ואין בשבטיו כושל (4Q87 frg. 18 ii+20-24,1) ויוצ֯א עמ[ו בכסף וזהב] (4Q87 frg. 18 ii+20-24,2) [ואי]ן֯ בשבטי֯[ו] כושל
38	שָׂמַ֣ח מִצְרַ֣יִם בְּצֵאתָ֑ם כִּֽי־ נָפַ֖ל פַּחְדָּ֣ם עֲלֵיהֶֽם׃
	(11Q5 1,11) שמח מצרים בצא]תם כי (11Q5 1,12) [נפל פחדם עליהם (4Q87 frg. 18 ii+20-24,2) שמחו מ[צרי]ם֯ בצאתם כי נ֯פ֯ל פח֯[דם עליהם]
39	פָּרַ֣שׂ עָנָ֣ן לְמָסָ֑ךְ וְ֝אֵ֗שׁ לְהָאִ֥יר לָֽיְלָה׃
	(11Q5 1,12) פרש ענן למסך ואש להאיר] לילה (4Q87 frg. 18 ii+20-24,3) [פרש ]ע֯נן למסך ואש להאיר [לי]לה
40	שָׁאַ֣ל וַיָּבֵ֣א שְׂלָ֑ו וְלֶ֥חֶם שָׁ֝מַ֗יִם יַשְׂבִּיעֵֽם׃
	(11Q5 1,13) [שאל ויבא שלו ולחם שמים ישביעם (4Q87 frg. 18 ii+20-24,3) ש֯א֯ל ו֯י֯[בא שליו ולחם] (4Q87 frg. 18 ii+20-24,4) ש[מים י]שביעם
41	פָּ֣תַח צ֭וּר וַיָּז֣וּבוּ מָ֑יִם הָ֝לְכ֗וּ בַּצִּיּ֥וֹת נָהָֽר׃
	(11Q5 1,13) פתח צ]ור ויזובו (11Q5 1,14) [מים הלכו בציות נהר (4Q87 frg. 18 ii+20-24,4) [פתח צור ויזובו ]מים [הלכו בציות נ]הר
42	כִּֽי־ זָ֭כַר אֶת־ דְּבַ֣ר קָדְשׁ֑וֹ אֶֽת־ אַבְרָהָ֥ם עַבְדּֽוֹ׃
	(11Q5 1,14) כי זכר את דבר קדשו את ]אברהם (11Q5 1,15) [עבדו (4Q87 frg. 18 ii+20-24,4) כי [זכר את] (4Q87 frg. 18 ii+20-24,5) דבר קוד[שו ]את[ אברהם עבדו
43	וַיּוֹצִ֣א עַמּ֣וֹ בְשָׂשׂ֑וֹן בְּ֝רִנָּ֗ה אֶת־ בְּחִירָֽיו׃
	(11Q5 1,15) ויוצא עמו בששון ברנה את בחיריו (4Q87 frg. 18 ii+20-24,5) ויוצא ע]מו בש[שון ברנה] (4Q87 frg. 18 ii+20-24,6) את בחיר[יו
44	וַיִּתֵּ֣ן לָ֭הֶם אַרְצ֣וֹת גּוֹיִ֑ם וַעֲמַ֖ל לְאֻמִּ֣ים יִירָֽשׁוּ׃
	(11Q5 1,15) ויתן ] (11Q5 1,16) [להם ארצות גוים ועמל לאמים יירשו (4Q87 frg. 18 ii+20-24,6) ויתן להם א]רצות ג[וים ועמל לואמים יירשו
45	בַּעֲב֤וּר ׀ יִשְׁמְר֣וּ חֻ֭קָּיו וְתוֹרֹתָ֥יו יִנְצֹ֗רוּ הַֽלְלוּ־ יָֽהּ׃
	(11Q5 1,16) בעבו]ר ישמורו (4Q87 frg. 18 ii+20-24,6) בעבור] (4Q87 frg. 18 ii+20-24,7) ישמר֯[ו חוקיו ותורותיו י]נצו֯ר֯[ו הללו יה]

106
1	הַֽלְלְויָ֨הּ ׀ הוֹד֣וּ לַיהוָ֣ה כִּי־ ט֑וֹב כִּ֖י לְעוֹלָ֣ם חַסְדּֽוֹ׃
	(4Q87 frg. 18 ii+20-24,8) הללויה[ -- ]
2	מִ֗י יְ֭מַלֵּל גְּבוּר֣וֹת יְהוָ֑ה יַ֝שְׁמִ֗יעַ כָּל־ תְּהִלָּתֽוֹ׃
3	אַ֭שְׁרֵי שֹׁמְרֵ֣י מִשְׁפָּ֑ט עֹשֵׂ֖ה צְדָקָ֣ה בְכָל־ עֵֽת׃
4	זָכְרֵ֣נִי יְ֭הוָה בִּרְצ֣וֹן עַמֶּ֑ךָ פָּ֝קְדֵ֗נִי בִּישׁוּעָתֶֽךָ׃
5	לִרְא֤וֹת ׀ בְּט֘וֹבַ֤ת בְּחִירֶ֗יךָ לִ֭שְׂמֹחַ בְּשִׂמְחַ֣ת גּוֹיֶ֑ךָ לְ֝הִתְהַלֵּ֗ל עִם־ נַחֲלָתֶֽךָ׃
6	חָטָ֥אנוּ עִם־ אֲבוֹתֵ֗ינוּ הֶעֱוִ֥ינוּ הִרְשָֽׁעְנוּ׃
7	אֲב֘וֹתֵ֤ינוּ בְמִצְרַ֨יִם ׀ לֹא־ הִשְׂכִּ֬ילוּ נִפְלְאוֹתֶ֗יךָ לֹ֣א זָ֭כְרוּ אֶת־ רֹ֣ב חֲסָדֶ֑יךָ וַיַּמְר֖וּ עַל־ יָ֣ם בְּיַם־ סֽוּף׃
8	וַֽ֭יּוֹשִׁיעֵם לְמַ֣עַן שְׁמ֑וֹ לְ֝הוֹדִ֗יעַ אֶת־ גְּבוּרָתֽוֹ׃
9	וַיִּגְעַ֣ר בְּיַם־ ס֭וּף וֽ͏ַיֶּחֱרָ֑ב וַיּוֹלִיכֵ֥ם בַּ֝תְּהֹמ֗וֹת כַּמִּדְבָּֽר׃
10	וַֽ֭יּוֹשִׁיעֵם מִיַּ֣ד שׂוֹנֵ֑א וַ֝יִּגְאָלֵ֗ם מִיַּ֥ד אוֹיֵֽב׃
11	וַיְכַסּוּ־ מַ֥יִם צָרֵיהֶ֑ם אֶחָ֥ד מֵ֝הֶ֗ם לֹ֣א נוֹתָֽר׃
12	וַיַּאֲמִ֥ינוּ בִדְבָרָ֑יו יָ֝שִׁ֗ירוּ תְּהִלָּתֽוֹ׃
13	מִֽ֭הֲרוּ שָׁכְח֣וּ מַעֲשָׂ֑יו לֹֽא־ חִ֝כּ֗וּ לַעֲצָתֽוֹ׃
14	וַיִּתְאַוּ֣וּ תַ֭אֲוָה בַּמִּדְבָּ֑ר וַיְנַסּוּ־ אֵ֝֗ל בִּֽישִׁימֽוֹן׃
15	וַיִּתֵּ֣ן לָ֭הֶם שֶׁאֱלָתָ֑ם וַיְשַׁלַּ֖ח רָז֣וֹן בְּנַפְשָֽׁם׃
16	וַיְקַנְא֣וּ לְ֭מֹשֶׁה בַּֽמַּחֲנֶ֑ה לְ֝אַהֲרֹ֗ן קְד֣וֹשׁ יְהוָֽה׃
17	תִּפְתַּח־ אֶ֭רֶץ וַתִּבְלַ֣ע דָּתָ֑ן וַ֝תְּכַ֗ס עַל־ עֲדַ֥ת אֲבִירָֽם׃
18	וַתִּבְעַר־ אֵ֥שׁ בַּעֲדָתָ֑ם לֶ֝הָבָ֗ה תְּלַהֵ֥ט רְשָׁעִֽים׃
19	יַעֲשׂוּ־ עֵ֥גֶל בְּחֹרֵ֑ב וַ֝יִּשְׁתַּחֲו֗וּ לְמַסֵּכָֽה׃
20	וַיָּמִ֥ירוּ אֶת־ כְּבוֹדָ֑ם בְּתַבְנִ֥ית שׁ֝֗וֹר אֹכֵ֥ל עֵֽשֶׂב׃
21	שָׁ֭כְחוּ אֵ֣ל מוֹשִׁיעָ֑ם עֹשֶׂ֖ה גְדֹל֣וֹת בְּמִצְרָֽיִם׃
22	נִ֭פְלָאוֹת בְּאֶ֣רֶץ חָ֑ם נ֝וֹרָא֗וֹת עַל־ יַם־ סֽוּף׃
23	וַיֹּ֗אמֶר לְֽהַשְׁמִ֫ידָ֥ם לוּלֵ֡י מֹ֘שֶׁ֤ה בְחִיר֗וֹ עָמַ֣ד בַּפֶּ֣רֶץ לְפָנָ֑יו לְהָשִׁ֥יב חֲ֝מָת֗וֹ מֵֽהַשְׁחִֽית׃
24	וַֽ֭יִּמְאֲסוּ בְּאֶ֣רֶץ חֶמְדָּ֑ה לֹֽא־ הֶ֝אֱמִ֗ינוּ לִדְבָרֽוֹ׃
25	וַיֵּרָגְנ֥וּ בְאָהֳלֵיהֶ֑ם לֹ֥א שָׁ֝מְע֗וּ בְּק֣וֹל יְהוָֽה׃
26	וַיִּשָּׂ֣א יָד֣וֹ לָהֶ֑ם לְהַפִּ֥יל א֝וֹתָ֗ם בַּמִּדְבָּֽר׃
27	וּלְהַפִּ֣יל זַ֭רְעָם בַּגּוֹיִ֑ם וּ֝לְזָרוֹתָ֗ם בָּאֲרָצֽוֹת׃
28	וַ֭יִּצָּ֣מְדוּ לְבַ֣עַל פְּע֑וֹר וַ֝יֹּאכְל֗וּ זִבְחֵ֥י מֵתִֽים׃
29	וַ֭יַּכְעִיסוּ בְּמַֽעַלְלֵיהֶ֑ם וַתִּפְרָץ־ בָּ֝֗ם מַגֵּפָֽה׃
30	וַיַּעֲמֹ֣ד פִּֽ֭ינְחָס וַיְפַלֵּ֑ל וַ֝תֵּעָצַ֗ר הַמַּגֵּפָֽה׃
31	וַתֵּחָ֣שֶׁב ל֭וֹ לִצְדָקָ֑ה לְדֹ֥ר וָ֝דֹ֗ר עַד־ עוֹלָֽם׃
32	וַ֭יַּקְצִיפוּ עַל־ מֵ֥י מְרִיבָ֑ה וַיֵּ֥רַע לְ֝מֹשֶׁ֗ה בַּעֲבוּרָֽם׃
33	כִּֽי־ הִמְר֥וּ אֶת־ רוּח֑וֹ וַ֝יְבַטֵּ֗א בִּשְׂפָתָֽיו׃
34	לֹֽא־ הִ֭שְׁמִידוּ אֶת־ הָֽעַמִּ֑ים אֲשֶׁ֤ר אָמַ֖ר יְהוָ֣ה לָהֶֽם׃
35	וַיִּתְעָרְב֥וּ בַגּוֹיִ֑ם וַֽ֝יִּלְמְד֗וּ מַֽעֲשֵׂיהֶֽם׃
36	וַיַּעַבְד֥וּ אֶת־ עֲצַבֵּיהֶ֑ם וַיִּהְי֖וּ לָהֶ֣ם לְמוֹקֵֽשׁ׃
37	וַיִּזְבְּח֣וּ אֶת־ בְּ֭נֵיהֶם וְאֶת־ בְּנֽוֹתֵיהֶ֗ם לַשֵּֽׁדִים׃
38	וַיִּֽשְׁפְּכ֨וּ דָ֪ם נָקִ֡י דַּם־ בְּנֵ֘יהֶ֤ם וּֽבְנוֹתֵיהֶ֗ם אֲשֶׁ֣ר זִ֭בְּחוּ לַעֲצַבֵּ֣י כְנָ֑עַן וַתֶּחֱנַ֥ף הָ֝אָ֗רֶץ בַּדָּמִֽים׃
39	וַיִּטְמְא֥וּ בְמַעֲשֵׂיהֶ֑ם וַ֝יִּזְנוּ֗ בְּמַֽעַלְלֵיהֶֽם׃
40	וַיִּֽחַר־ אַ֣ף יְהוָ֣ה בְּעַמּ֑וֹ וַ֝יְתָעֵ֗ב אֶת־ נַחֲלָתֽוֹ׃
41	וַיִּתְּנֵ֥ם בְּיַד־ גּוֹיִ֑ם וַֽיִּמְשְׁל֥וּ בָ֝הֶ֗ם שֹׂנְאֵיהֶֽם׃
42	וַיִּלְחָצ֥וּם אוֹיְבֵיהֶ֑ם וַ֝יִּכָּנְע֗וּ תַּ֣חַת יָדָֽם׃
43	פְּעָמִ֥ים רַבּ֗וֹת יַצִּ֫ילֵ֥ם וְ֭הֵמָּה יַמְר֣וּ בַעֲצָתָ֑ם וַ֝יָּמֹ֗כּוּ בַּעֲוֺנָֽם׃
44	וַ֭יַּרְא בַּצַּ֣ר לָהֶ֑ם בְּ֝שָׁמְע֗וֹ אֶת־ רִנָּתָֽם׃
45	וַיִּזְכֹּ֣ר לָהֶ֣ם בְּרִית֑וֹ וַ֝יִּנָּחֵ֗ם כְּרֹ֣ב חסדו (חֲסָדָֽיו׃)
46	וַיִּתֵּ֣ן אוֹתָ֣ם לְרַחֲמִ֑ים לִ֝פְנֵ֗י כָּל־ שׁוֹבֵיהֶֽם׃
47	הוֹשִׁיעֵ֨נוּ ׀ יְה֘וָ֤ה אֱלֹהֵ֗ינוּ וְקַבְּצֵנוּ֮ מִֽן־ הַגּ֫וֹיִ֥ם לְ֭הֹדוֹת לְשֵׁ֣ם קָדְשֶׁ֑ךָ לְ֝הִשְׁתַּבֵּ֗חַ בִּתְהִלָּתֶֽךָ׃
48	בָּר֤וּךְ־ יְהוָ֨ה אֱלֹהֵ֪י יִשְׂרָאֵ֡ל מִן־ הָ֤עוֹלָ֨ם ׀ וְעַ֬ד הָעוֹלָ֗ם וְאָמַ֖ר כָּל־ הָעָ֥ם אָמֵ֗ן הַֽלְלוּ־ יָֽהּ׃
	(4Q86 1,5) [ואמר כל העם אמ]ן֯ [ה]ל֯ל֯ויה

107
1	הֹד֣וּ לַיהוָ֣ה כִּי־ ט֑וֹב כִּ֖י לְעוֹלָ֣ם חַסְדּֽוֹ׃
2	יֹ֭אמְרוּ גְּאוּלֵ֣י יְהוָ֑ה אֲשֶׁ֥ר גְּ֝אָלָ֗ם מִיַּד־ צָֽר׃
	(4Q88 1,15) [יאמרו ]ג֯א֯[ולי יהוה] (4Q88 1,16) [אשר ג]א֯לם מיד צר
3	וּֽמֵאֲרָצ֗וֹת קִ֫בְּצָ֥ם מִמִּזְרָ֥ח וּמִֽמַּעֲרָ֑ב מִצָּפ֥וֹן וּמִיָּֽם׃
	(4Q88 1,17) [ומארצו]ת קבצם (4Q88 1,18) [ממזרח ומ]מ֯ערב (4Q88 1,19) [מצפון ומי]ם֯
4	תָּע֣וּ בַ֭מִּדְבָּר בִּישִׁימ֣וֹן דָּ֑רֶךְ עִ֥יר מ֝וֹשָׁ֗ב לֹ֣א מָצָֽאוּ׃
	(4Q88 1,19) תעו (4Q88 1,20) ב֯מ֯ד֯ב֯[ר ]ב֯[י]שימון (4Q88 1,21) [דר]ך עיר מ֯[ו]שב לוא (4Q88 1,22) [מ]צ֯א[ו
5	רְעֵבִ֥ים גַּם־ צְמֵאִ֑ים נַ֝פְשָׁ֗ם בָּהֶ֥ם תִּתְעַטָּֽף׃
	(4Q88 1,22) רעבים ג]ם֯ (4Q88 1,23) [צמאים נפשם בהם]
6	וַיִּצְעֲק֣וּ אֶל־ יְ֭הוָה בַּצַּ֣ר לָהֶ֑ם מִ֝מְּצֽוּקוֹתֵיהֶ֗ם יַצִּילֵֽם׃
7	וַ֭יּֽ͏ַדְרִיכֵם בְּדֶ֣רֶךְ יְשָׁרָ֑ה לָ֝לֶ֗כֶת אֶל־ עִ֥יר מוֹשָֽׁב׃
8	יוֹד֣וּ לַיהוָ֣ה חַסְדּ֑וֹ וְ֝נִפְלְאוֹתָ֗יו לִבְנֵ֥י אָדָֽם׃
	(4Q88 2,5) יודו ליהוה חסדו] (4Q88 2,6) [ונפלאותיו לבני ]אדם
9	כִּי־ הִ֭שְׂבִּיעַ נֶ֣פֶשׁ שֹׁקֵקָ֑ה וְנֶ֥פֶשׁ רְ֝עֵבָה מִלֵּא־ טֽוֹב׃
	(4Q88 2,7) [כי השביע נפש ]רעבה֯ (4Q88 2,8) [ונפש ש]ק֯קה [מ]לא֯ (4Q88 2,9) [טוב
10	יֹ֭שְׁבֵי חֹ֣שֶׁךְ וְצַלְמָ֑וֶת אֲסִירֵ֖י עֳנִ֣י וּבַרְזֶֽל׃
	(4Q88 2,9) יש]בי ח[ושך] (4Q88 2,10) [וצלמות] אסיר[י עני] (4Q88 2,11) [וברזל
11	כִּֽי־ הִמְר֥וּ אִמְרֵי־ אֵ֑ל וַעֲצַ֖ת עֶלְי֣וֹן נָאָֽצוּ׃
	(4Q88 2,11) ]ה֯ם ה֯[מרו] (4Q88 2,12) [אמרי אל ועצת] (4Q88 2,13) [עליון נאצו
12	וַיַּכְנַ֣ע בֶּעָמָ֣ל לִבָּ֑ם כָּ֝שְׁל֗וּ וְאֵ֣ין עֹזֵֽר׃
	(4Q88 2,13) ויכנע] (4Q88 2,14) [בעמל לבם ]כשלו [ואין] (4Q88 2,15) [עזר
13	וַיִּזְעֲק֣וּ אֶל־ יְ֭הוָה בַּצַּ֣ר לָהֶ֑ם מִ֝מְּצֻֽקוֹתֵיהֶ֗ם יוֹשִׁיעֵֽם׃
	(4Q88 2,15) ויז]ע֯קו אל יה[וה] (4Q88 2,16) בצר [לה]ם ממציק[ותי]ה֯ם֯ (4Q88 2,17) יושיעם (וישיעם
14	יֽ֭וֹצִיאֵם מֵחֹ֣שֶׁךְ וְצַלְמָ֑וֶת וּמוֹסְר֖וֹתֵיהֶ֣ם יְנַתֵּֽק׃
	(4Q88 2,17) ויוציאם מחושך (4Q88 2,18) וצלמות ומ֯[וסר]ותיהם (4Q88 2,19) ינתק֯
15	יוֹד֣וּ לַיהוָ֣ה חַסְדּ֑וֹ וְ֝נִפְלְאוֹתָ֗יו לִבְנֵ֥י אָדָֽם׃
	(4Q88 2,19) ה[ודו ]ליהוה חסידו (4Q88 2,20) ונפלא[ותיו לבני אד]ם֯
16	כִּֽי־ שִׁ֭בַּר דַּלְת֣וֹת נְחֹ֑שֶׁת וּבְרִיחֵ֖י בַרְזֶ֣ל גִּדֵּֽעַ׃
	(4Q88 2,20) כי (4Q88 2,21) ש֯[בר דלתות נחש]ה (4Q88 2,22) [ובריחי ברזל גד]ע֯
17	אֱ֭וִלִים מִדֶּ֣רֶךְ פִּשְׁעָ֑ם וּֽ֝מֵעֲוֺֽנֹתֵיהֶ֗ם יִתְעַנּֽוּ׃
18	כָּל־ אֹ֭כֶל תְּתַעֵ֣ב נַפְשָׁ֑ם וַ֝יַּגִּ֗יעוּ עַד־ שַׁ֥עֲרֵי מָֽוֶת׃
	(4Q88 3,2) [כל אכל תתעב נפש]ם֯ (4Q88 3,3) [ויגיעו עד שערי] מות
19	וַיִּזְעֲק֣וּ אֶל־ יְ֭הוָה בַּצַּ֣ר לָהֶ֑ם מִ֝מְּצֻֽקוֹתֵיהֶ֗ם יוֹשִׁיעֵֽם׃
	(4Q88 3,4) [ויזעקו אל יה]ו֯ה בצר (4Q88 3,5) [להם ממצ]קותיהם (4Q88 3,6) [יושיעם
20	יִשְׁלַ֣ח דְּ֭בָרוֹ וְיִרְפָּאֵ֑ם וִֽ֝ימַלֵּ֗ט מִשְּׁחִיתוֹתָֽם׃ ׆
	(4Q88 3,6) ישלח דברו] (4Q88 3,7) [וירפאם וימלט משחיתותם]
21	יוֹד֣וּ לַיהוָ֣ה חַסְדּ֑וֹ וְ֝נִפְלְאוֹתָ֗יו לִבְנֵ֥י אָדָֽם׃ ׆
22	וְ֭יִזְבְּחוּ זִבְחֵ֣י תוֹדָ֑ה וִֽיסַפְּר֖וּ מַעֲשָׂ֣יו בְּרִנָּֽה׃ ׆
	(4Q88 3,8) [ויזבחו זבחי ]ת֯ו֯ד֯ה֯ (4Q88 3,9) [ויספרו מעשיו ]ברנה
23	יוֹרְדֵ֣י הַ֭יָּם בָּאֳנִיּ֑וֹת עֹשֵׂ֥י מְ֝לָאכָ֗ה בְּמַ֣יִם רַבִּֽים׃ ׆
	(4Q88 3,10) [יורדי הי]ם֯ באוניות (4Q88 3,11) [עשי מל]אכה במי֯ם֯ (4Q88 3,12) [רבים
24	הֵ֣מָּה רָ֭אוּ מַעֲשֵׂ֣י יְהוָ֑ה וְ֝נִפְלְאוֹתָ֗יו בִּמְצוּלָֽה׃ ׆
	(4Q88 3,12) המה ראו מעשי] (4Q88 3,13) [יהוה ]יודו נפלאו֯תו (4Q88 3,14) [במצולה
25	וַיֹּ֗אמֶר וַֽ֭יַּעֲמֵד ר֣וּחַ סְעָרָ֑ה וַתְּרוֹמֵ֥ם גַּלָּֽיו׃ ׆
	(4Q88 3,14) ויאמר וי]עמד רוח (4Q88 3,15) [סערה ותרומם ]גלים
26	יַעֲל֣וּ שָׁ֭מַיִם יֵרְד֣וּ תְהוֹמ֑וֹת נַ֝פְשָׁ֗ם בְּרָעָ֥ה תִתְמוֹגָֽג׃
	(4Q88 3,15) יעלו (4Q88 3,16) שמים [יר]דו תהומות ונפשם (4Q88 3,17) בה[ם] ת֯ת֯מוגג
27	יָח֣וֹגּוּ וְ֭יָנוּעוּ כַּשִּׁכּ֑וֹר וְכָל־ חָ֝כְמָתָ֗ם תִּתְבַּלָּֽע׃
	(4Q88 3,17) ויח^וגו (4Q88 3,18) וינ[ועו כ]ש֯כור וכל חוכמתם (4Q88 3,19) ת֯[תב]לע
28	וַיִּצְעֲק֣וּ אֶל־ יְ֭הוָה בַּצַּ֣ר לָהֶ֑ם וּֽ֝מִמְּצֽוּקֹתֵיהֶ֗ם יוֹצִיאֵֽם׃
	(4Q88 3,19) ויזעקו אל יהוה (4Q88 3,20) ב֯[צר ]להם ממציקותיהם (4Q88 3,21) יושיעם (וישיעם
29	יָקֵ֣ם סְ֭עָרָה לִדְמָמָ֑ה וַ֝יֶּחֱשׁ֗וּ גַּלֵּיהֶֽם׃
	(4Q88 3,21) ויופך שערה (4Q88 3,22) לדממ[ה] ויחשו גלי ים
30	וַיִּשְׂמְח֥וּ כִֽי־ יִשְׁתֹּ֑קוּ וַ֝יַּנְחֵ֗ם אֶל־ מְח֥וֹז חֶפְצָֽם׃
	(4Q88 3,23) [וינחם א]ל֯ מחוז חפצם
31	יוֹד֣וּ לַיהוָ֣ה חַסְדּ֑וֹ וְ֝נִפְלְאוֹתָ֗יו לִבְנֵ֥י אָדָֽם׃
32	וִֽ֭ירֹמְמוּהוּ בִּקְהַל־ עָ֑ם וּבְמוֹשַׁ֖ב זְקֵנִ֣ים יְהַלְלֽוּהוּ׃
33	יָשֵׂ֣ם נְהָר֣וֹת לְמִדְבָּ֑ר וּמֹצָ֥אֵי מַ֝֗יִם לְצִמָּאֽוֹן׃
34	אֶ֣רֶץ פְּ֭רִי לִמְלֵחָ֑ה מֵ֝רָעַ֗ת יֹ֣שְׁבֵי בָֽהּ׃
35	יָשֵׂ֣ם מִ֭דְבָּר לַֽאֲגַם־ מַ֑יִם וְאֶ֥רֶץ צִ֝יָּ֗ה לְמֹצָ֥אֵי מָֽיִם׃
	(4Q88 4,10) ישם] (4Q88 4,11) [מדבר לאגם מים] (4Q88 4,13) ארץ ציה למבועי מים
36	וַיּ֣וֹשֶׁב שָׁ֣ם רְעֵבִ֑ים וַ֝יְכוֹנְנ֗וּ עִ֣יר מוֹשָֽׁב׃
	(4Q88 4,14) וישב֯ שם עם רב ו[יכ]וננו (4Q88 4,15) ערי [מושב
37	וַיִּזְרְע֣וּ שָׂ֭דוֹת וַיִּטְּע֣וּ כְרָמִ֑ים וַ֝יַּעֲשׂ֗וּ פְּרִ֣י תְבֽוּאָה׃
	(4Q88 4,15) ]ו֯י֯ז֯[רעו ש]ד֯[ות] (4Q88 4,16) ויט[עו כרמים ויעשו פרי] (4Q88 4,17) תבו[אה
38	וַיְבָרֲכֵ֣ם וַיִּרְבּ֣וּ מְאֹ֑ד וּ֝בְהֶמְתָּ֗ם לֹ֣א יַמְעִֽיט׃
	(4Q88 4,17) ויברכם וירבו מאוד] (4Q88 4,18) ובה[מתם לא ימעיט]
39	וַיִּמְעֲט֥וּ וַיָּשֹׁ֑חוּ מֵעֹ֖צֶר רָעָ֣ה וְיָגֽוֹן׃ ׆
	(4Q88 4,19) ימ[עטו וישחו מעצר רעה] (4Q88 4,20) וי֯ג[ון
40	שֹׁפֵ֣ךְ בּ֭וּז עַל־ נְדִיבִ֑ים וַ֝יַּתְעֵ֗ם בְּתֹ֣הוּ לֹא־ דָֽרֶךְ׃
	(4Q88 4,20) שפך בוז על נדיבים] (4Q88 4,21) וית[עם] ב֯ת֯ה֯[ו לא דרך
41	וַיְשַׂגֵּ֣ב אֶבְי֣וֹן מֵע֑וֹנִי וַיָּ֥שֶׂם כַּ֝צֹּ֗אן מִשְׁפָּחֽוֹת׃
	(4Q88 4,21) וישגב] (4Q88 4,22) אביון֯ בעני[ -- ] (4Q88 4,23) עלו○[ ]○ כצ[אן משפחות]
42	יִרְא֣וּ יְשָׁרִ֣ים וְיִשְׂמָ֑חוּ וְכָל־ עַ֝וְלָ֗ה קָ֣פְצָה פִּֽיהָ׃
	(4Q88 4,24) יראו[ י]ש֯רים[ וישמחו וכל] (4Q88 4,25) עולה קפץ פי[ה -- ]
43	מִי־ חָכָ֥ם וְיִשְׁמָר־ אֵ֑לֶּה וְ֝יִתְבּֽוֹנְנ֗וּ חַֽסְדֵ֥י יְהוָֽה׃

108
1	שִׁ֖יר מִזְמ֣וֹר לְדָוִֽד׃
2	נָכ֣וֹן לִבִּ֣י אֱלֹהִ֑ים אָשִׁ֥ירָה וַ֝אֲזַמְּרָ֗ה אַף־ כְּבוֹדִֽי׃
3	ע֭וּרָֽה הַנֵּ֥בֶל וְכִנּ֗וֹר אָעִ֥ירָה שָּֽׁחַר׃
4	אוֹדְךָ֖ בָעַמִּ֥ים ׀ יְהוָ֑ה וַ֝אֲזַמֶּרְךָ֗ בַּל־ אֻמִּֽים׃
5	כִּֽי־ גָד֣וֹל מֵֽעַל־ שָׁמַ֣יִם חַסְדֶּ֑ךָ וְֽעַד־ שְׁחָקִ֥ים אֲמִתֶּֽךָ׃
6	ר֣וּמָה עַל־ שָׁמַ֣יִם אֱלֹהִ֑ים וְעַ֖ל כָּל־ הָאָ֣רֶץ כְּבוֹדֶֽךָ׃
7	לְ֭מַעַן יֵחָלְצ֣וּן יְדִידֶ֑יךָ הוֹשִׁ֖יעָה יְמִֽינְךָ֣ וַעֲנֵֽנִי׃
8	אֱלֹהִ֤ים ׀ דִּבֶּ֥ר בְּקָדְשׁ֗וֹ אֶעְלֹ֥זָה אֲחַלְּקָ֥ה שְׁכֶ֑ם וְעֵ֖מֶק סֻכּ֣וֹת אֲמַדֵּֽד׃
9	לִ֤י גִלְעָ֨ד ׀ לִ֤י מְנַשֶּׁ֗ה וְ֭אֶפְרַיִם מָע֣וֹז רֹאשִׁ֑י יְ֝הוּדָ֗ה מְחֹקְקִֽי׃
10	מוֹאָ֤ב ׀ סִ֬יר רַחְצִ֗י עַל־ אֱ֭דוֹם אַשְׁלִ֣יךְ נַעֲלִ֑י עֲלֵֽי־ פְ֝לֶ֗שֶׁת אֶתְרוֹעָֽע׃
11	מִ֣י יֹ֭בִלֵנִי עִ֣יר מִבְצָ֑ר מִ֖י נָחַ֣נִי עַד־ אֱדֽוֹם׃
12	הֲלֹֽא־ אֱלֹהִ֥ים זְנַחְתָּ֑נוּ וְֽלֹא־ תֵצֵ֥א אֱ֝לֹהִ֗ים בְּצִבְאֹתֵֽינוּ׃
13	הָֽבָה־ לָּ֣נוּ עֶזְרָ֣ת מִצָּ֑ר וְ֝שָׁ֗וְא תְּשׁוּעַ֥ת אָדָֽם׃
14	בֵּֽאלֹהִ֥ים נַעֲשֶׂה־ חָ֑יִל וְ֝ה֗וּא יָב֥וּס צָרֵֽינוּ׃

109
1	לַ֭מְנַצֵּחַ לְדָוִ֣ד מִזְמ֑וֹר אֱלֹהֵ֥י תְ֝הִלָּתִ֗י אַֽל־ תֶּחֱרַֽשׁ׃
	(4Q87 frg. 9,2) [למנצח לדו]י֯ד מזמו[ר אלהי תהלתי אל תחרש]
2	כִּ֤י פִ֪י רָשָׁ֡ע וּֽפִי־ מִ֭רְמָה עָלַ֣י פָּתָ֑חוּ דִּבְּר֥וּ אִ֝תִּ֗י לְשׁ֣וֹן שָֽׁקֶר׃
3	וְדִבְרֵ֣י שִׂנְאָ֣ה סְבָב֑וּנִי וַיִּֽלָּחֲמ֥וּנִי חִנָּֽם׃
	(11Q6 frg. 8,1) ודברי שנאה סבבוני] (11Q6 frg. 8,2) [וילחמוני חנ]ם
4	תַּֽחַת־ אַהֲבָתִ֥י יִשְׂטְנ֗וּנִי וַאֲנִ֥י תְפִלָּֽה׃
	(4Q88 6,1) [אהבתי ]יסטמוני (11Q6 frg. 8,2) תחת֯[ אהבתי ישטנוני ואני תפלה]
5	וַיָּ֘שִׂ֤ימוּ עָלַ֣י רָ֭עָה תַּ֣חַת טוֹבָ֑ה וְ֝שִׂנְאָ֗ה תַּ֣חַת אַהֲבָתִֽי׃
	(4Q88 6,1) יסי[מו עלי רעה] (4Q88 6,2) [תחת טוב]ה ושנאה תחת[ אהבתי]
6	הַפְקֵ֣ד עָלָ֣יו רָשָׁ֑ע וְ֝שָׂטָ֗ן יַעֲמֹ֥ד עַל־ יְמִינֽוֹ׃
	(4Q88 6,3) [הפקד עליו ]רשע ושוט[ן יעמד על] (4Q88 6,4) [ימינו …
7	בְּ֭הִשָּׁ֣פְטוֹ יֵצֵ֣א רָשָׁ֑ע וּ֝תְפִלָּת֗וֹ תִּהְיֶ֥ה לַֽחֲטָאָֽה׃
8	יִֽהְיֽוּ־ יָמָ֥יו מְעַטִּ֑ים פְּ֝קֻדָּת֗וֹ יִקַּ֥ח אַחֵֽר׃
	(4Q87 frg. 10,1) [יהיו ימיו מעטים פקדתו] יקח[ אחר -- ]
9	יִֽהְיוּ־ בָנָ֥יו יְתוֹמִ֑ים וְ֝אִשְׁתּוֹ אַלְמָנָֽה׃
10	וְנ֤וֹעַ יָנ֣וּעוּ בָנָ֣יו וְשִׁאֵ֑לוּ וְ֝דָרְשׁ֗וּ מֵחָרְבוֹתֵיהֶֽם׃
11	יְנַקֵּ֣שׁ נ֭וֹשֶׁה לְכָל־ אֲשֶׁר־ ל֑וֹ וְיָבֹ֖זּוּ זָרִ֣ים יְגִיעֽוֹ׃
12	אַל־ יְהִי־ ל֭וֹ מֹשֵׁ֣ךְ חָ֑סֶד וְֽאַל־ יְהִ֥י ח֝וֹנֵ֗ן לִיתוֹמָֽיו׃
13	יְהִֽי־ אַחֲרִית֥וֹ לְהַכְרִ֑ית בְּד֥וֹר אַ֝חֵ֗ר יִמַּ֥ח שְׁמָֽם׃
	(4Q87 frg. 11,1) [יהי אחרי]ת֯ו להכרית[ בדור אחר ימח שמם]
14	יִזָּכֵ֤ר ׀ עֲוֺ֣ן אֲ֭בֹתָיו אֶל־ יְהוָ֑ה וְחַטַּ֥את אִ֝מּ֗וֹ אַל־ תִּמָּֽח׃
15	יִהְי֣וּ נֶֽגֶד־ יְהוָ֣ה תָּמִ֑יד וְיַכְרֵ֖ת מֵאֶ֣רֶץ זִכְרָֽם׃
16	יַ֗עַן אֲשֶׁ֤ר ׀ לֹ֥א זָכַר֮ עֲשׂ֢וֹת חָ֥סֶד וַיִּרְדֹּ֡ף אִישׁ־ עָנִ֣י וְ֭אֶבְיוֹן וְנִכְאֵ֨ה לֵבָ֬ב לְמוֹתֵֽת׃
17	וַיֶּאֱהַ֣ב קְ֭לָלָה וַתְּבוֹאֵ֑הוּ וְֽלֹא־ חָפֵ֥ץ בִּ֝בְרָכָ֗ה וַתִּרְחַ֥ק מִמֶּֽנּוּ׃
18	וַיִּלְבַּ֥שׁ קְלָלָ֗ה כְּמַ֫דּ֥וֹ וַתָּבֹ֣א כַמַּ֣יִם בְּקִרְבּ֑וֹ וְ֝כַשֶּׁ֗מֶן בְּעַצְמוֹתָֽיו׃
19	תְּהִי־ ל֭וֹ כְּבֶ֣גֶד יַעְטֶ֑ה וּ֝לְמֵ֗זַח תָּמִ֥יד יַחְגְּרֶֽהָ׃
20	זֹ֤את פְּעֻלַּ֣ת שֹׂ֭טְנַי מֵאֵ֣ת יְהוָ֑ה וְהַדֹּבְרִ֥ים רָ֝֗ע עַל־ נַפְשִֽׁי׃
21	וְאַתָּ֤ה ׀ יְה֘וִ֤ה אֲדֹנָ֗י עֲ‍ֽשֵׂה־ אִ֭תִּי לְמַ֣עַן שְׁמֶ֑ךָ כִּי־ ט֥וֹב חַ֝סְדְּךָ֗ הַצִּילֵֽנִי׃
	(11Q5 frg. D,1) [ואתה יהוה אדני עשה אתי למען ש]מכה כי טוב (11Q5 frg. D,2) [חסדך הצילני
22	כִּֽי־ עָנִ֣י וְאֶבְי֣וֹן אָנֹ֑כִי וְ֝לִבִּ֗י חָלַ֥ל בְּקִרְבִּֽי׃
	(11Q5 frg. D,2) כי עני ואביון אנכי ולב]י חלל בקרבי
23	כְּצֵל־ כִּנְטוֹת֥וֹ נֶהֱלָ֑כְתִּי נִ֝נְעַ֗רְתִּי כָּֽאַרְבֶּֽה׃
	(11Q5 frg. D,3) [כצל כנטותו נהלכתי ננערתי כארבה
24	בִּ֭רְכַּי כָּשְׁל֣וּ מִצּ֑וֹם וּ֝בְשָׂרִ֗י כָּחַ֥שׁ מִשָּֽׁמֶן׃
	(4Q88 7,2) ברכי] (4Q88 7,3) [כשלו מצום ובשר]י֯ כ֯[חש משמ]ן֯ (11Q5 frg. D,3) בר]כי כשלו מצום (11Q5 frg. D,4) [ובשרי כחש משמן
25	וַאֲנִ֤י ׀ הָיִ֣יתִי חֶרְפָּ֣ה לָהֶ֑ם יִ֝רְא֗וּנִי יְנִיע֥וּן רֹאשָֽׁם׃
	(4Q88 7,4) [ואני הייתי ]חרפה[ להם] (4Q88 7,5) [יראוני יניעו]ן֯ רושם (11Q5 frg. D,4) ואני הייתי חרפה ]לה֯ם יראוני (11Q5 frg. D,5) [יניעון ראשם
26	עָ֭זְרֵנִי יְהוָ֣ה אֱלֹהָ֑י ה֭וֹשִׁיעֵ֣נִי כְחַסְדֶּֽךָ׃
	(4Q88 7,5) עוזרנ[י יה]וה (4Q88 7,6) [אלוהי (11Q5 frg. D,5) עזרני יהוה אלהי ה]ושיעני (11Q5 frg. D,6) [כחסדך
27	וְֽ֭יֵדְעוּ כִּי־ יָ֣דְךָ זֹּ֑את אַתָּ֖ה יְהוָ֣ה עֲשִׂיתָֽהּ׃
	(4Q88 7,6) ]וידעו כי ידכה[ זא]ת (11Q5 frg. D,6) וידעו כי ידך זאת יהוה ]אתה עשיתה
28	יְקַֽלְלוּ־ הֵמָּה֮ וְאַתָּ֢ה תְבָ֫רֵ֥ךְ קָ֤מוּ ׀ וַיֵּבֹ֗שׁוּ וְֽעַבְדְּךָ֥ יִשְׂמָֽח׃
	(4Q88 7,7) [יק]ללו המה ואת[ה תברך] (4Q88 7,8) [קמו ויבו]שו עבדכ֯[ה ישמח] (11Q5 frg. D,7) [יקללו המה ואתה תברך קמו ויבשו ועבד]כה ישמח
29	יִלְבְּשׁ֣וּ שׂוֹטְנַ֣י כְּלִמָּ֑ה וְיַעֲט֖וּ כַמְעִ֣יל בָּשְׁתָּֽם׃
	(11Q5 frg. D,8) [ילבשו שוטני כלמה ויעטו כמעיל בשת]ם
30	א֘וֹדֶ֤ה יְהוָ֣ה מְאֹ֣ד בְּפִ֑י וּבְת֖וֹךְ רַבִּ֣ים אֲהַֽלְלֶֽנּוּ׃
	(11Q5 frg. D,8) אודה (11Q5 frg. D,9) [יהוה מאד בפי ובתוך רבים אהללנו
31	כִּֽי־ יַ֭עֲמֹד לִימִ֣ין אֶבְי֑וֹן לְ֝הוֹשִׁ֗יעַ מִשֹּׁפְטֵ֥י נַפְשֽׁוֹ׃
	(11Q5 frg. D,9) ]כי עמד

110
1	לְדָוִ֗ד מִ֫זְמ֥וֹר נְאֻ֤ם יְהוָ֨ה ׀ לַֽאדֹנִ֗י שֵׁ֥ב לִֽימִינִ֑י עַד־ אָשִׁ֥ית אֹ֝יְבֶ֗יךָ הֲדֹ֣ם לְרַגְלֶֽיךָ׃
2	מַטֵּֽה־ עֻזְּךָ֗ יִשְׁלַ֣ח יְ֭הוָה מִצִיּ֑וֹן רְ֝דֵ֗ה בְּקֶ֣רֶב אֹיְבֶֽיךָ׃
3	עַמְּךָ֣ נְדָבֹת֮ בְּי֢וֹם חֵ֫ילֶ֥ךָ בְּֽהַדְרֵי־ קֹ֭דֶשׁ מֵרֶ֣חֶם מִשְׁחָ֑ר לְ֝ךָ֗ טַ֣ל יַלְדֻתֶֽיךָ׃
4	נִשְׁבַּ֤ע יְהוָ֨ה ׀ וְלֹ֥א יִנָּחֵ֗ם אַתָּֽה־ כֹהֵ֥ן לְעוֹלָ֑ם עַל־ דִּ֝בְרָתִ֗י מַלְכִּי־ צֶֽדֶק׃
5	אֲדֹנָ֥י עַל־ יְמִֽינְךָ֑ מָחַ֖ץ בְּיוֹם־ אַפּ֣וֹ מְלָכִֽים׃
6	יָדִ֣ין בַּ֭גּוֹיִם מָלֵ֣א גְוִיּ֑וֹת מָ֥חַץ רֹ֝֗אשׁ עַל־ אֶ֥רֶץ רַבָּֽה׃
7	מִ֭נַּחַל בַּדֶּ֣רֶךְ יִשְׁתֶּ֑ה עַל־ כֵּ֝֗ן יָרִ֥ים רֹֽאשׁ׃

111
1	הַ֥לְלוּ יָ֨הּ ׀ אוֹדֶ֣ה יְ֭הוָה בְּכָל־ לֵבָ֑ב בְּס֖וֹד יְשָׁרִ֣ים וְעֵדָֽה׃
2	גְּ֭דֹלִים מַעֲשֵׂ֣י יְהוָ֑ה דְּ֝רוּשִׁ֗ים לְכָל־ חֶפְצֵיהֶֽם׃
3	הוֹד־ וְהָדָ֥ר פָּֽעֳל֑וֹ וְ֝צִדְקָת֗וֹ עֹמֶ֥דֶת לָעַֽד׃
4	זֵ֣כֶר עָ֭שָׂה לְנִפְלְאֹתָ֑יו חַנּ֖וּן וְרַח֣וּם יְהוָֽה׃
5	טֶ֭רֶף נָתַ֣ן לִֽירֵאָ֑יו יִזְכֹּ֖ר לְעוֹלָ֣ם בְּרִיתֽוֹ׃
6	כֹּ֣חַ מַ֭עֲשָׂיו הִגִּ֣יד לְעַמּ֑וֹ לָתֵ֥ת לָ֝הֶ֗ם נַחֲלַ֥ת גּוֹיִֽם׃
7	מַעֲשֵׂ֣י יָ֭דָיו אֱמֶ֣ת וּמִשְׁפָּ֑ט נֶ֝אֱמָנִ֗ים כָּל־ פִּקּוּדָֽיו׃
8	סְמוּכִ֣ים לָעַ֣ד לְעוֹלָ֑ם עֲ֝שׂוּיִ֗ם בֶּאֱמֶ֥ת וְיָשָֽׁר׃
9	פְּד֤וּת ׀ שָׁ֘לַ֤ח לְעַמּ֗וֹ צִוָּֽה־ לְעוֹלָ֥ם בְּרִית֑וֹ קָד֖וֹשׁ וְנוֹרָ֣א שְׁמֽוֹ׃
10	רֵ֘אשִׁ֤ית חָכְמָ֨ה ׀ יִרְאַ֬ת יְהוָ֗ה שֵׂ֣כֶל ט֭וֹב לְכָל־ עֹשֵׂיהֶ֑ם תְּ֝הִלָּת֗וֹ עֹמֶ֥דֶת לָעַֽד׃

112
1	הַ֥לְלוּ יָ֨הּ ׀ אַשְׁרֵי־ אִ֭ישׁ יָרֵ֣א אֶת־ יְהוָ֑ה בְּ֝מִצְוֺתָ֗יו חָפֵ֥ץ מְאֹֽד׃
	(4Q98f frg. 1-2,1) [אשרי איש ירא יהוה ]במצו֯תו חפץ מ֯[אד
2	גִּבּ֣וֹר בָּ֭אָרֶץ יִהְיֶ֣ה זַרְע֑וֹ דּ֭וֹר יְשָׁרִ֣ים יְבֹרָֽךְ׃
	(4Q98f frg. 1-2,1) גבור בארץ יהיה זרעו דור ישרים יברך]
3	הוֹן־ וָעֹ֥שֶׁר בְּבֵית֑וֹ וְ֝צִדְקָת֗וֹ עֹמֶ֥דֶת לָעַֽד׃
	(4Q98f frg. 1-2,2) [הון ועשר בביתו ]ו֯צד֯קתו עמדת֯[ לעד
4	זָ֘רַ֤ח בַּחֹ֣שֶׁךְ א֭וֹר לַיְשָׁרִ֑ים חַנּ֖וּן וְרַח֣וּם וְצַדִּֽיק׃
	(4Q84 frg. 25 iii,1) זרח בחשך אור לישרים (4Q84 frg. 25 iii,2) חנון ורחום וצדי֯[ק] (4Q98f frg. 1-2,2) זרח בחשך אור לישרים חנון ורחום וצדיק]
5	טֽוֹב־ אִ֭ישׁ חוֹנֵ֣ן וּמַלְוֶ֑ה יְכַלְכֵּ֖ל דְּבָרָ֣יו בְּמִשְׁפָּֽט׃
	(4Q84 frg. 25 iii,3) טוב אי[ש חונן ומלוה] (4Q98f frg. 1-2,3) [טוב איש חונן ומלוה יכ]לכל ד֯בר֯ו[ במשפט
6	כִּֽי־ לְעוֹלָ֥ם לֹא־ יִמּ֑וֹט לְזֵ֥כֶר ע֝וֹלָ֗ם יִהְיֶ֥ה צַדִּֽיק׃
	(4Q98f frg. 1-2,3) כי לעולם לא ימוט לזכר עולם יהיה צדיק]
7	מִשְּׁמוּעָ֣ה רָ֭עָה לֹ֣א יִירָ֑א נָכ֥וֹן לִ֝בּ֗וֹ בָּטֻ֥חַ בַּיהוָֽה׃
	(4Q98f frg. 1-2,4) [משמועה רעה לא יי]רא נכון … לבו בטח֯[ ביהוה
8	סָמ֣וּךְ לִ֭בּוֹ לֹ֣א יִירָ֑א עַ֖ד אֲשֶׁר־ יִרְאֶ֣ה בְצָרָֽיו׃
	(4Q98f frg. 1-2,4) סמוך לבו לא יירא עד אשר יראה בצריו]
9	פִּזַּ֤ר ׀ נָ֘תַ֤ן לָאֶבְיוֹנִ֗ים צִ֭דְקָתוֹ עֹמֶ֣דֶת לָעַ֑ד קַ֝רְנ֗וֹ תָּר֥וּם בְּכָבֽוֹד׃
	(4Q98f frg. 1-2,5) [פזר נתן לאביונים ]צ֯דקתו עמד֯[ת לעד קרנו תרום בכבוד -- ]
10	רָ֘שָׁ֤ע יִרְאֶ֨ה ׀ וְכָעָ֗ס שִׁנָּ֣יו יַחֲרֹ֣ק וְנָמָ֑ס תַּאֲוַ֖ת רְשָׁעִ֣ים תֹּאבֵֽד׃

113
1	הַ֥לְלוּ יָ֨הּ ׀ הַ֭לְלוּ עַבְדֵ֣י יְהוָ֑ה הֽ͏ַ֝לְלוּ אֶת־ שֵׁ֥ם יְהוָֽה׃
	(4Q84 frg. 25 iv,1) הללו֯ יה (4Q84 frg. 25 iv,2) [הללו עבדי יהוה] (4Q84 frg. 25 iv,3) [הללו את שם יהוה]
2	יְהִ֤י שֵׁ֣ם יְהוָ֣ה מְבֹרָ֑ךְ מֵֽ֝עַתָּ֗ה וְעַד־ עוֹלָֽם׃
3	מִמִּזְרַח־ שֶׁ֥מֶשׁ עַד־ מְבוֹא֑וֹ מְ֝הֻלָּ֗ל שֵׁ֣ם יְהוָֽה׃
4	רָ֖ם עַל־ כָּל־ גּוֹיִ֥ם ׀ יְהוָ֑ה עַ֖ל הַשָּׁמַ֣יִם כְּבוֹדֽוֹ׃
5	מִ֭י כַּיהוָ֣ה אֱלֹהֵ֑ינוּ הַֽמַּגְבִּיהִ֥י לָשָֽׁבֶת׃
6	הַֽמַּשְׁפִּילִ֥י לִרְא֑וֹת בַּשָּׁמַ֥יִם וּבָאָֽרֶץ׃
7	מְקִֽימִ֣י מֵעָפָ֣ר דָּ֑ל מֵֽ֝אַשְׁפֹּ֗ת יָרִ֥ים אֶבְיֽוֹן׃
8	לְהוֹשִׁיבִ֥י עִם־ נְדִיבִ֑ים עִ֝֗ם נְדִיבֵ֥י עַמּֽוֹ׃
9	מֽוֹשִׁיבִ֨י ׀ עֲקֶ֬רֶת הַבַּ֗יִת אֵֽם־ הַבָּנִ֥ים שְׂמֵחָ֗ה הַֽלְלוּ־ יָֽהּ׃

114
1	בְּצֵ֣את יִ֭שְׂרָאֵל מִמִּצְרָ֑יִם בֵּ֥ית יַ֝עֲקֹ֗ב מֵעַ֥ם לֹעֵֽז׃
2	הָיְתָ֣ה יְהוּדָ֣ה לְקָדְשׁ֑וֹ יִ֝שְׂרָאֵ֗ל מַמְשְׁלוֹתָֽיו׃
3	הַיָּ֣ם רָ֭אָה וַיָּנֹ֑ס הַ֝יַּרְדֵּ֗ן יִסֹּ֥ב לְאָחֽוֹר׃
4	הֶֽ֭הָרִים רָקְד֣וּ כְאֵילִ֑ים גְּ֝בָע֗וֹת כִּבְנֵי־ צֹֽאן׃
5	מַה־ לְּךָ֣ הַ֭יָּם כִּ֣י תָנ֑וּס הַ֝יַּרְדֵּ֗ן תִּסֹּ֥ב לְאָחֽוֹר׃
	(4Q87 frg. 12,1) [מה לכה הים כי ]תנוס [הירדן תסב לאחור]
6	הֶֽ֭הָרִים תִּרְקְד֣וּ כְאֵילִ֑ים גְּ֝בָע֗וֹת כִּבְנֵי־ צֹֽאן׃
7	מִלִּפְנֵ֣י אָ֭דוֹן ח֣וּלִי אָ֑רֶץ מִ֝לִּפְנֵ֗י אֱל֣וֹהַּ יַעֲקֹֽב׃
	(4Q96 frg. 1,1) [אדון חולי אר]ץ֯[ ]ו֯מלפני אלוה[ ]י֯עק[וב
8	הַהֹפְכִ֣י הַצּ֣וּר אֲגַם־ מָ֑יִם חַ֝לָּמִ֗ישׁ לְמַעְיְנוֹ־ מָֽיִם׃
	(4Q96 frg. 1,1) ההופכי הצור אגם מים חלמיש למעינו] (4Q96 frg. 1,2) [מים

115
1	לֹ֤א לָ֥נוּ יְהוָ֗ה לֹ֫א לָ֥נוּ כִּֽי־ לְ֭שִׁמְךָ תֵּ֣ן כָּב֑וֹד עַל־ חַ֝סְדְּךָ֗ עַל־ אֲמִתֶּֽךָ׃
	(4Q96 frg. 1,2) לוא] לנו יהוה ולוא [לנו כיא לשמכה תן כבוד על חסדכה על] (4Q96 frg. 1,3) [אמת]כה
2	לָ֭מָּה יֹאמְר֣וּ הַגּוֹיִ֑ם אַיֵּה־ נָ֝֗א אֱלֹהֵיהֶֽם׃
	(4Q84 frg. 26-27,8) [למה יאמרו הגוים] (4Q84 frg. 26-27,9) איה אלה֯י֯הם (4Q96 frg. 1,3) למה֯ י֯ו֯א֯מרו הגו֯[יים איה אלוהיהם
3	וֵֽאלֹהֵ֥ינוּ בַשָּׁמָ֑יִם כֹּ֭ל אֲשֶׁר־ חָפֵ֣ץ עָשָֽׂה׃
	(4Q84 frg. 26-27,10) ואלהינו בשמים (4Q84 frg. 26-27,11) [כ]ל[ א]ש֯ר חפץ עש[ה] (4Q96 frg. 1,3) ואלוהינו בשמים כול אשר] (4Q96 frg. 1,4) [--] חפץ ___
4	עֲ‍ֽ֭צַבֵּיהֶם כֶּ֣סֶף וְזָהָ֑ב מַ֝עֲשֵׂ֗ה יְדֵ֣י אָדָֽם׃
	(4Q96 frg. 1,4) עצ[בי ה]גויים[ כסף וזהב מעשה ידי אדם -- ]
5	פֶּֽה־ לָ֭הֶם וְלֹ֣א יְדַבֵּ֑רוּ עֵינַ֥יִם לָ֝הֶ֗ם וְלֹ֣א יִרְאֽוּ׃
6	אָזְנַ֣יִם לָ֭הֶם וְלֹ֣א יִשְׁמָ֑עוּ אַ֥ף לָ֝הֶ֗ם וְלֹ֣א יְרִיחֽוּן׃
7	יְדֵיהֶ֤ם ׀ וְלֹ֬א יְמִישׁ֗וּן רַ֭גְלֵיהֶם וְלֹ֣א יְהַלֵּ֑כוּ לֹֽא־ יֶ֝הְגּ֗וּ בִּגְרוֹנָֽם׃
8	כְּ֭מוֹהֶם יִהְי֣וּ עֹשֵׂיהֶ֑ם כֹּ֭ל אֲשֶׁר־ בֹּטֵ֣חַ בָּהֶֽם׃
9	יִ֭שְׂרָאֵל בְּטַ֣ח בַּיהוָ֑ה עֶזְרָ֖ם וּמָגִנָּ֣ם הֽוּא׃
10	בֵּ֣ית אַ֭הֲרֹן בִּטְח֣וּ בַיהוָ֑ה עֶזְרָ֖ם וּמָגִנָּ֣ם הֽוּא׃
11	יִרְאֵ֣י יְ֭הוָה בִּטְח֣וּ בַיהוָ֑ה עֶזְרָ֖ם וּמָגִנָּ֣ם הֽוּא׃
12	יְהוָה֮ זְכָרָ֢נוּ יְבָ֫רֵ֥ךְ יְ֭בָרֵךְ אֶת־ בֵּ֣ית יִשְׂרָאֵ֑ל יְ֝בָרֵ֗ךְ אֶת־ בֵּ֥ית אַהֲרֹֽן׃
13	יְ֭בָרֵךְ יִרְאֵ֣י יְהוָ֑ה הַ֝קְּטַנִּ֗ים עִם־ הַגְּדֹלִֽים׃
14	יֹסֵ֣ף יְהוָ֣ה עֲלֵיכֶ֑ם עֲ֝לֵיכֶ֗ם וְעַל־ בְּנֵיכֶֽם׃
15	בְּרוּכִ֣ים אַ֭תֶּם לַיהוָ֑ה עֹ֝שֵׂ֗ה שָׁמַ֥יִם וָאָֽרֶץ׃
	(4Q87 frg. 13,1) ברוכים אתם ליהוה ע]ושה שמים [וארץ
16	הַשָּׁמַ֣יִם שָׁ֭מַיִם לַיהוָ֑ה וְ֝הָאָ֗רֶץ נָתַ֥ן לִבְנֵי־ אָדָֽם׃
	(4Q87 frg. 13,1) השמים] (4Q87 frg. 13,2) [שמים ליהוה והארץ נתן לבנ]י֯ אדם (11Q8 frg. 15,1) השמים שמים ]ליהו֯[ה והארץ נתן] (11Q8 frg. 15,2) [לבני אדם
17	לֹ֣א הַ֭מֵּתִים יְהַֽלְלוּ־ יָ֑הּ וְ֝לֹ֗א כָּל־ יֹרְדֵ֥י דוּמָֽה׃
	(4Q87 frg. 13,2) לוא מתים יהל[לו יה ולוא כול] (4Q87 frg. 13,3) [יורדי דומה (11Q8 frg. 15,2) לוא המתים יהללו יה ]ולוא[ כול יורדי] (11Q8 frg. 15,3) [דומה
18	וַאֲנַ֤חְנוּ ׀ נְבָ֘רֵ֤ךְ יָ֗הּ מֵֽעַתָּ֥ה וְעַד־ עוֹלָ֗ם הַֽלְלוּ־ יָֽהּ׃
	(4Q87 frg. 13,3) ואנחנו נברך יה מ]עתה ועד עולם הל֯[לו יה ] (11Q8 frg. 15,3) ואנחנו נברך יה מעתה וע]ד ע[ולם הללו יה ]

116
1	אָ֭הַבְתִּי כִּֽי־ יִשְׁמַ֥ע ׀ יְהוָ֑ה אֶת־ ק֝וֹלִ֗י תַּחֲנוּנָֽי׃
	(4Q87 frg. 13,4) [אהבתי כי ישמע יהוה את קולי ]תחנוני (11Q8 frg. 15,5) [אהבתי כי ישמע יהוה את קולי תחנ]ו֯ני --
2	כִּֽי־ הִטָּ֣ה אָזְנ֣וֹ לִ֑י וּבְיָמַ֥י אֶקְרָֽא׃
	(4Q87 frg. 13,4) כי הטה א[זנו לי ובימי] (4Q87 frg. 13,5) [אקרא
3	אֲפָפ֤וּנִי ׀ חֶבְלֵי־ מָ֗וֶת וּמְצָרֵ֣י שְׁא֣וֹל מְצָא֑וּנִי צָרָ֖ה וְיָג֣וֹן אֶמְצָֽא׃
	(4Q87 frg. 13,5) אפפוני חבלי מות ומצרי שא]ול מצאוני צרה ו[יגון אמצא] (4Q96 frg. 2,1) ו֯[יגון אמצא
4	וּבְשֵֽׁם־ יְהוָ֥ה אֶקְרָ֑א אָנָּ֥ה יְ֝הוָ֗ה מַלְּטָ֥ה נַפְשִֽׁי׃
	(4Q87 frg. 13,6) [ובשם יהוה אקרא אנה יהוה מלטה נפ]ש֯י֯[ -- ] (4Q96 frg. 2,1) ובשם יהוה אקרא אנה יהוה מלטה נפשי
5	חַנּ֣וּן יְהֹוָ֣ה וְצַדִּ֑יק וֵ֖אלֹהֵ֣ינוּ מְרַחֵֽם׃
	(4Q96 frg. 2,1) חנון יהוה וצדיק] (4Q96 frg. 2,2) ואלוהינו מ[רחם
6	שֹׁמֵ֣ר פְּתָאיִ֣ם יְהֹוָ֑ה דַּ֝לּוֹתִ֗י וְלִ֣י יְהוֹשִֽׁיעַ׃
	(4Q96 frg. 2,2) שומר פתאים יהוה דלותי ולי יהושיע
7	שׁוּבִ֣י נַ֭פְשִׁי לִמְנוּחָ֑יְכִי כִּֽי־ יְ֝הוָ֗ה גָּמַ֥ל עָלָֽיְכִי׃
	(4Q96 frg. 2,2) שובי נפשי למנוחיכי] (4Q96 frg. 2,3) כיא יהוה גםל [עליכי
8	כִּ֤י חִלַּ֥צְתָּ נַפְשִׁ֗י מִ֫מָּ֥וֶת אֶת־ עֵינִ֥י מִן־ דִּמְעָ֑ה אֶת־ רַגְלִ֥י מִדֶּֽחִי׃
	(4Q96 frg. 2,3) כיא חלצתה נפשי ממות את רגלי מדחי את עיני] (4Q96 frg. 2,4) מדמעה
9	אֶ֭תְהַלֵּךְ לִפְנֵ֣י יְהוָ֑ה בְּ֝אַרְצ֗וֹת הַֽחַיִּֽים׃
	(4Q96 frg. 2,4) אתהל[ך לפני יהוה בארצות החיים ]
10	הֶ֭אֱמַנְתִּי כִּ֣י אֲדַבֵּ֑ר אֲ֝נִ֗י עָנִ֥יתִי מְאֹֽד׃
	(4Q96 frg. 2,5) האמ֯[נת]י֯[ כיא ]א֯[דבר אני עניתי מאוד -- ]
11	אֲ֭נִי אָמַ֣רְתִּי בְחָפְזִ֑י כָּֽל־ הָאָדָ֥ם כֹּזֵֽב׃
12	מָֽה־ אָשִׁ֥יב לַיהוָ֑ה כָּֽל־ תַּגְמוּל֥וֹהִי עָלָֽי׃
13	כּוֹס־ יְשׁוּע֥וֹת אֶשָּׂ֑א וּבְשֵׁ֖ם יְהוָ֣ה אֶקְרָֽא׃
14	נְ֭דָרַי לַיהוָ֣ה אֲשַׁלֵּ֑ם נֶגְדָה־ נָּ֝֗א לְכָל־ עַמּֽוֹ׃
15	יָ֭קָר בְּעֵינֵ֣י יְהוָ֑ה הַ֝מָּ֗וְתָה לַחֲסִידָֽיו׃
16	אֽ͏ָנָּ֣ה יְהוָה֮ כִּֽי־ אֲנִ֢י עַ֫בְדֶּ֥ךָ אֲ‍ֽנִי־ עַ֭בְדְּךָ בֶּן־ אֲמָתֶ֑ךָ פִּ֝תַּ֗חְתָּ לְמוֹסֵרָֽי׃
17	לְֽךָ־ אֶ֭זְבַּח זֶ֣בַח תּוֹדָ֑ה וּבְשֵׁ֖ם יְהוָ֣ה אֶקְרָֽא׃
	(4Q84 frg. 28 i,13) [לך אזבח זב]ח תודה (4Q84 frg. 28 i,14) [ובשם יהו]ה אקרא
18	נְ֭דָרַי לַיהוָ֣ה אֲשַׁלֵּ֑ם נֶגְדָה־ נָּ֝֗א לְכָל־ עַמּֽוֹ׃
	(4Q84 frg. 28 i,15) [נדרי ליהוה ]אשלם (4Q84 frg. 28 i,16) [נגדה נא ל]כל עמו
19	בְּחַצְר֤וֹת ׀ בֵּ֤ית יְהוָ֗ה בְּֽת֘וֹכֵ֤כִי יְֽרוּשָׁלִָ֗ם הַֽלְלוּ־ יָֽהּ׃
	(4Q84 frg. 28 i,17) [בחצרו]ת בית יהוה (4Q84 frg. 28 i,18) [בתוכ]כי ירושלם

117
1	הַֽלְל֣וּ אֶת־ יְ֭הוָה כָּל־ גּוֹיִ֑ם שַׁ֝בְּח֗וּהוּ כָּל־ הָאֻמִּֽים׃
2	כִּ֥י גָ֘בַ֤ר עָלֵ֨ינוּ ׀ חַסְדּ֗וֹ וֶֽאֱמֶת־ יְהוָ֥ה לְעוֹלָ֗ם הַֽלְלוּ־ יָֽהּ׃

118
1	הוֹד֣וּ לַיהוָ֣ה כִּי־ ט֑וֹב כִּ֖י לְעוֹלָ֣ם חַסְדּֽוֹ׃
	(11Q5 16,1) הודו ליהוה כי טוב כי לעולם חסדו קול (11Q6 frg. 3,1) [הודו ליהוה כי טוב כי לעול]ם֯ חסדו ק[ול רנה וישועה] (4Q84 frg. 28 ii-30 i+31,7) [הודו ליהו]ה כי טוב כי לעולם חסדו
2	יֹֽאמַר־ נָ֥א יִשְׂרָאֵ֑ל כִּ֖י לְעוֹלָ֣ם חַסְדּֽוֹ׃
	(4Q84 frg. 28 ii-30 i+31,8) [יאמר נא י]שראל כי לעולם חסדו
3	יֹֽאמְרוּ־ נָ֥א בֵֽית־ אַהֲרֹ֑ן כִּ֖י לְעוֹלָ֣ם חַסְדּֽוֹ׃
	(4Q84 frg. 28 ii-30 i+31,9) [יאמרו נא בית אהרן כי ]ל[עו]לם֯[ חסדו]
4	יֹֽאמְרוּ־ נָ֭א יִרְאֵ֣י יְהוָ֑ה כִּ֖י לְעוֹלָ֣ם חַסְדּֽוֹ׃
	(4Q84 frg. 28 ii-30 i+31,10) [יאמרו נא יראי יהוה כי לעולם חסדו]
5	מִֽן־ הַ֭מֵּצַ֥ר קָרָ֣אתִי יָּ֑הּ עָנָ֖נִי בַמֶּרְחָ֣ב יָֽהּ׃
	(4Q84 frg. 28 ii-30 i+31,11) [מן המצר קראתי יה ענני במרח]ב֯ י֯ה֯
6	יְהוָ֣ה לִ֭י לֹ֣א אִירָ֑א מַה־ יַּעֲשֶׂ֖ה לִ֣י אָדָֽם׃
	(4Q84 frg. 28 ii-30 i+31,12) [י]הוה לי לא[ אירא מ]ה יעשה לי אדם
7	יְהוָ֣ה לִ֭י בְּעֹזְרָ֑י וַ֝אֲנִ֗י אֶרְאֶ֥ה בְשֹׂנְאָֽי׃
	(4Q84 frg. 28 ii-30 i+31,13) יהוה לי בעזרי אני אראה בשנאי
8	ט֗וֹב לַחֲס֥וֹת בַּיהוָ֑ה מִ֝בְּטֹ֗חַ בָּאָדָֽם׃
	(11Q5 16,3) גבורה טוב לבטוח (11Q5 16,4) ביהוה מבטוח באדם (4Q84 frg. 28 ii-30 i+31,14) טוב לבטח ביהוה מבטח באדם
9	ט֗וֹב לַחֲס֥וֹת בַּיהוָ֑ה מִ֝בְּטֹ֗חַ בִּנְדִיבִֽים׃
	(11Q5 16,4) טוב לחסות ביהוה מבטוב (מבטוח^!) (11Q5 16,5) בנדיבים … (4Q84 frg. 28 ii-30 i+31,15) טוב לחסות ביהוה מבטח֯ ב֯[נדי]ב֯[ים]
10	כָּל־ גּוֹיִ֥ם סְבָב֑וּנִי בְּשֵׁ֥ם יְ֝הוָ֗ה כִּ֣י אֲמִילַֽם׃
	(4Q84 frg. 28 ii-30 i+31,16) כל גוים סבבני בשם יה[וה כי אמילם]
11	סַבּ֥וּנִי גַם־ סְבָב֑וּנִי בְּשֵׁ֥ם יְ֝הוָ֗ה כִּ֣י אֲמִילַֽם׃
12	סַבּ֤וּנִי כִדְבוֹרִ֗ים דֹּ֭עֲכוּ כְּאֵ֣שׁ קוֹצִ֑ים בְּשֵׁ֥ם יְ֝הוָ֗ה כִּ֣י אֲמִילַֽם׃
	(4Q84 frg. 28 ii-30 i+31,17) סבוני כדברים דעכו כאש קצים בש֯[ם יהוה] (4Q84 frg. 28 ii-30 i+31,18) כי אמילם
13	דַּחֹ֣ה דְחִיתַ֣נִי לִנְפֹּ֑ל וַ֖יהוָ֣ה עֲזָרָֽנִי׃
14	עָזִּ֣י וְזִמְרָ֣ת יָ֑הּ וַֽיְהִי־ לִ֝֗י לִֽישׁוּעָֽה׃
15	ק֤וֹל ׀ רִנָּ֬ה וִֽישׁוּעָ֗ה בְּאָהֳלֵ֥י צַדִּיקִ֑ים יְמִ֥ין יְ֝הוָה עֹ֣שָׂה חָֽיִל׃
	… (11Q5 16,1) קול (11Q5 16,2) רנה וישועה באהלי צדיקים ימין יהוה עשה חיל (11Q6 frg. 3,1) לעול]ם֯ חסדו ק[ול רנה וישועה] (11Q6 frg. 3,2) [באהלי צדיקים ימין יהוה ע]שה חיל
16	יְמִ֣ין יְ֭הוָה רוֹמֵמָ֑ה יְמִ֥ין יְ֝הוָה עֹ֣שָׂה חָֽיִל׃
	(11Q5 16,2) ימין (11Q5 16,3) יהוה רוממה ימין יהוה עשתה גבורה טוב לבטוח (11Q6 frg. 3,2) ימ[ין יהוה רוממה]
17	לֹֽא אָמ֥וּת כִּי־ אֶֽחְיֶ֑ה וַ֝אֲסַפֵּ֗ר מַֽעֲשֵׂ֥י יָֽהּ׃
18	יַסֹּ֣ר יִסְּרַ֣נִּי יָּ֑הּ וְ֝לַמָּ֗וֶת לֹ֣א נְתָנָֽנִי׃
	(4Q84 frg. 30 ii+32 i+33-3,7) יסור יס֯רני יה ולמות[ לא] נתנני
19	פִּתְחוּ־ לִ֥י שַׁעֲרֵי־ צֶ֑דֶק אָֽבֹא־ בָ֝ם אוֹדֶ֥ה יָֽהּ׃
	(4Q84 frg. 30 ii+32 i+33-3,8) פתחו לי שערי צדק אבואם אודה יה
20	זֶֽה־ הַשַּׁ֥עַר לַיהוָ֑ה צַ֝דִּיקִ֗ים יָבֹ֥אוּ בֽוֹ׃
	(4Q173 frg. 5,4) זה] השער לאל צדי֯[קים יבאו בו --] (4Q84 frg. 30 ii+32 i+33-3,9) [זה השער ]ל[יהוה צדיקים יבאו בו]
21	א֭וֹדְךָ כִּ֣י עֲנִיתָ֑נִי וַתְּהִי־ לִ֝֗י לִֽישׁוּעָֽה׃
22	אֶ֭בֶן מָאֲס֣וּ הַבּוֹנִ֑ים הָ֝יְתָ֗ה לְרֹ֣אשׁ פִּנָּֽה׃
23	מֵאֵ֣ת יְ֭הוָה הָ֣יְתָה זֹּ֑את הִ֖יא נִפְלָ֣את בְּעֵינֵֽינוּ׃
	(4Q84 frg. 30 ii+32 i+33-3,12) מאת יהוה הי[תה זאת היא נפלאת בעינינו]
24	זֶה־ הַ֭יּוֹם עָשָׂ֣ה יְהוָ֑ה נָגִ֖ילָה וְנִשְׂמְחָ֣ה בֽוֹ׃
	(4Q84 frg. 30 ii+32 i+33-3,13) זה֯[ היום עשה י]ה֯וה נגילה֯[ ונשמחה בו]
25	אָנָּ֣א יְ֭הוָה הוֹשִׁ֘יעָ֥ה נָּ֑א אָֽנָּ֥א יְ֝הוָ֗ה הַצְלִ֘יחָ֥ה נָּֽא׃
	(11Q5 frg. E i,1) אנא יהוה ]הושיעה נא אנא יהוה (11Q5 frg. E i,2) [הצליחה נ]א֯ (4Q84 frg. 30 ii+32 i+33-3,14) [אנא יהוה ה]ו֯שיעה נא (4Q84 frg. 30 ii+32 i+33-3,15) [אנא ]י֯הוה הצליחה נא
26	בָּר֣וּךְ הַ֭בָּא בְּשֵׁ֣ם יְהוָ֑ה בֵּ֝רַֽכְנוּכֶ֗ם מִבֵּ֥ית יְהוָֽה׃
	(11Q5 frg. E i,2) ברו֯ך֯[ ה]בא֯ בשם יהוה ברכנוכם ~~בשם~~ (11Q5 frg. E i,3) [מבית ]י֯הוה (4Q84 frg. 30 ii+32 i+33-3,16) [ב]רוך הבא בשם יהוה (4Q84 frg. 30 ii+32 i+33-3,17) [ב]ר֯כ֯נו אתכם מבית יהוה
27	אֵ֤ל ׀ יְהוָה֮ וַיָּ֢אֶר לָ֥נוּ אִסְרוּ־ חַ֥ג בַּעֲבֹתִ֑ים עַד־ קַ֝רְנ֗וֹת הַמִּזְבֵּֽחַ׃
	(11Q5 frg. E i,3) אל יהוה ויאר לנו אסורי חג בעבותים (11Q5 frg. E i,4) [עד קר]נות המזבח
28	אֵלִ֣י אַתָּ֣ה וְאוֹדֶ֑ךָּ אֱ֝לֹהַ֗י אֲרוֹמְמֶֽךָּ׃
	(11Q5 frg. E i,4) אלי אתה ואודכה אלוהי ארוממכה
29	הוֹד֣וּ לַיהוָ֣ה כִּי־ ט֑וֹב כִּ֖י לְעוֹלָ֣ם חַסְדּֽוֹ׃
	(11Q5 frg. E i,5) [הודו ]ליהוה כי טוב כי לעולם חסדו … (11Q5 16,5) הודו (11Q5 16,6) ליהוה כי טוב כי לעולם חסדו הללו יה (4Q84 frg. 32 ii,6) [הודו ליהוה כי טוב] (4Q84 frg. 32 ii,7) כי [לעולם חסדו] (4Q87 frg. 14,1) [ליהוה כי ]ט֯ו֯ב כי ל֯ע[ולם חסדו ]

119
1	אַשְׁרֵ֥י תְמִֽימֵי־ דָ֑רֶךְ הַֽ֝הֹלְכִ֗ים בְּתוֹרַ֥ת יְהוָֽה׃
	(11Q5 6,11) אשרי תמי[מי דרך ה]הולכים בתורת יהוה
2	אַ֭שְׁרֵי נֹצְרֵ֥י עֵדֹתָ֗יו בְּכָל־ לֵ֥ב יִדְרְשֽׁוּהוּ׃
	(11Q5 6,12) אשרי[ -- ]עת ידורשוה
3	אַ֭ף לֹֽא־ פָעֲל֣וּ עַוְלָ֑ה בִּדְרָכָ֥יו הָלָֽכוּ׃
	(11Q5 6,13) אף ל[א פעלו עולה בדרכי]ו הלכו
4	אַ֭תָּה צִוִּ֥יתָה פִקֻּדֶ֗יךָ לִשְׁמֹ֥ר מְאֹֽד׃
	(11Q5 6,14) את [צויתה פקודיכה לשמ]ור מואדה
5	אַ֭חֲלַי יִכֹּ֥נוּ דְרָכָ֗י לִשְׁמֹ֥ר חֻקֶּֽיךָ׃
	(11Q5 6,15) אחל[י -- ]מתכה
6	אָ֥ז לֹא־ אֵב֑וֹשׁ בְּ֝הַבִּיטִ֗י אֶל־ כָּל־ מִצְוֺתֶֽיךָ׃
	(11Q5 6,16) אז ל[א אבוש בהביטי אל כ]ל מצוותיכה
7	א֭וֹדְךָ בְּיֹ֣שֶׁר לֵבָ֑ב בְּ֝לָמְדִ֗י מִשְׁפְּטֵ֥י צִדְקֶֽךָ׃
8	אֶת־ חֻקֶּ֥יךָ אֶשְׁמֹ֑ר אַֽל־ תַּעַזְבֵ֥נִי עַד־ מְאֹֽד׃
9	בַּמֶּ֣ה יְזַכֶּה־ נַּ֭עַר אֶת־ אָרְח֑וֹ לִ֝שְׁמֹ֗ר כִּדְבָרֶֽךָ׃
10	בְּכָל־ לִבִּ֥י דְרַשְׁתִּ֑יךָ אַל־ תַּ֝שְׁגֵּ֗נִי מִמִּצְוֺתֶֽיךָ׃
	(4Q90 frg. 1-2,10) [בכל לב]י֯ ד֯ר֯ש֯ת֯י֯ך[ אל תשגני ממצותיך]
11	בְּ֭לִבִּי צָפַ֣נְתִּי אִמְרָתֶ֑ךָ לְ֝מַ֗עַן לֹ֣א אֶֽחֱטָא־ לָֽךְ׃
	(4Q90 frg. 1-2,11) ב֯[ל]ב֯י֯ צפנתי אמר[תך למען לוא אחטא לך]
12	בָּר֖וּךְ אַתָּ֥ה יְהוָ֗ה לַמְּדֵ֥נִי חֻקֶּֽיךָ׃
	(4Q90 frg. 1-2,12) ברוך אתה יהוה ל֯[מדני חוקיך]
13	בִּשְׂפָתַ֥י סִפַּ֑רְתִּי כֹּ֝֗ל מִשְׁפְּטֵי־ פִֽיךָ׃
	(4Q90 frg. 1-2,13) בשפתי שפרתי כל מ֯[שפטי פיך]
14	בְּדֶ֖רֶךְ עֵדְוֺתֶ֥יךָ שַּׂ֗שְׂתִּי כְּעַ֣ל כָּל־ הֽוֹן׃
	(4Q90 frg. 1-2,14) בדרך עדואתיך ש[שתי כעל כל הון]
15	בְּפִקֻּדֶ֥יךָ אָשִׂ֑יחָה וְ֝אַבִּ֗יטָה אֹרְחֹתֶֽיךָ׃
	(11Q5 7,1) בפקודיכה אשיחה ואביטה אורחותיכה (4Q90 frg. 1-2,15) בפקודיך אשיח ואביט֯[ אורחותיך]
16	בְּחֻקֹּתֶ֥יךָ אֶֽשְׁתַּעֲשָׁ֑ע לֹ֭א אֶשְׁכַּ֣ח דְּבָרֶֽךָ׃
	(11Q5 7,2) בחוקיכה אשתעשע לוא אשכח דבריכה (4Q90 frg. 1-2,16) בחוקותיך אשתעשע ל[וא אשכח דברך]
17	גְּמֹ֖ל עַֽל־ עַבְדְּךָ֥ אֶֽחְיֶ֗ה וְאֶשְׁמְרָ֥ה דְבָרֶֽךָ׃
	(11Q5 7,3) גמור על עבדכה ואחיה ואשמורה דבריכה (4Q90 frg. 1-2,17) גמור על עבדך ואחיה[ ואשמר דברך]
18	גַּל־ עֵינַ֥י וְאַבִּ֑יטָה נִ֝פְלָא֗וֹת מִתּוֹרָתֶֽךָ׃
	(11Q5 7,4) גל עיני ואביטה נפלאות מתורותיכה (4Q90 frg. 1-2,18) גל עינ֯י֯ א֯ביט נפלאו֯[ת מתורתך]
19	גֵּ֣ר אָנֹכִ֣י בָאָ֑רֶץ אַל־ תַּסְתֵּ֥ר מִ֝מֶּ֗נִּי מִצְוֺתֶֽיךָ׃
	(11Q5 7,5) גר אנוכי בארץ אל תסתר ממני מצוותיכה (4Q90 frg. 1-2,19) גר אנוכי בא[ר]ץ֯[ אל תסתר ממני מצותיך]
20	גָּרְסָ֣ה נַפְשִׁ֣י לְתַאֲבָ֑ה אֶֽל־ מִשְׁפָּטֶ֥יךָ בְכָל־ עֵֽת׃
	(11Q5 7,6) גרשה נפשי לתאבה אל משפטיכה בכול עת (4Q90 frg. 1-2,20) גרסה נ֯פשי֯[ לתאבה אל משפטיך בכל עת]
21	גָּ֭עַרְתָּ זֵדִ֣ים אֲרוּרִ֑ים הַ֝שֹּׁגִים מִמִּצְוֺתֶֽיךָ׃
	(11Q5 7,7) גערתה זדים ארורים השוגים ממצוותיכה (4Q90 frg. 1-2,21) גערת זידים[ ארורים השוגים ממצותיך ]
22	גַּ֣ל מֵֽ֭עָלַי חֶרְפָּ֣ה וָב֑וּז כִּ֖י עֵדֹתֶ֣יךָ נָצָֽרְתִּי׃
	(11Q5 7,8) גול מעלי חרפה ובוז כי עדוותיכה נצרתי
23	גַּ֤ם יָֽשְׁב֣וּ שָׂ֭רִים בִּ֣י נִדְבָּ֑רוּ עַ֝בְדְּךָ֗ יָשִׂ֥יחַ בְּחֻקֶּֽיךָ׃
	(11Q5 7,9) גם ישבו שרים בי נדברו עבדכה ישיח בחוקיכה
24	גַּֽם־ עֵ֭דֹתֶיךָ שַׁעֲשֻׁעָ֗י אַנְשֵׁ֥י עֲצָתִֽי׃
	(11Q5 7,10) גם עדוותיכה שעש֯ו֯עי֯[ ]אנשי עצתי
25	דָּֽבְקָ֣ה לֶעָפָ֣ר נַפְשִׁ֑י חַ֝יֵּ֗נִי כִּדְבָרֶֽךָ׃
	(11Q5 7,11) דבקה לעפר נפ[שי חיני כדברכה]
26	דְּרָכַ֣י סִ֭פַּרְתִּי וַֽתַּעֲנֵ֗נִי לַמְּדֵ֥נִי חֻקֶּֽיךָ׃
	(11Q5 7,12) דרכי ספרתי ות֯[ענני למדני חוקיכ]ה
27	דֶּֽרֶךְ־ פִּקּוּדֶ֥יךָ הֲבִינֵ֑נִי וְ֝אָשִׂ֗יחָה בְּנִפְלְאוֹתֶֽיךָ׃
	(11Q5 7,13) דרך פקוד^יכה ה֯[בינני ואשיחה בנפ]לאותיכה
28	דָּלְפָ֣ה נַ֭פְשִׁי מִתּוּגָ֑ה קַ֝יְּמֵ֗נִי כִּדְבָרֶֽךָ׃
	(11Q5 7,14) דלפה נפשי מ[תוגה קימני כדבר]כ֯ה
29	דֶּֽרֶךְ־ שֶׁ֭קֶר הָסֵ֣ר מִמֶּ֑נִּי וְֽתוֹרָתְךָ֥ חָנֵּֽנִי׃
30	דֶּֽרֶךְ־ אֱמוּנָ֥ה בָחָ֑רְתִּי מִשְׁפָּטֶ֥יךָ שִׁוִּֽיתִי׃
31	דָּבַ֥קְתִּי בְעֵֽדְוֺתֶ֑יךָ יְ֝הוָ֗ה אַל־ תְּבִישֵֽׁנִי׃
	(1Q10 frg. 6-7,1) [דבקתי בעד]ו֯ת[י]ך [יהוה אל תבישני]
32	דֶּֽרֶךְ־ מִצְוֺתֶ֥יךָ אָר֑וּץ כִּ֖י תַרְחִ֣יב לִבִּֽי׃
	(1Q10 frg. 6-7,2) [דרך מ]צותך ארוץ[ כי תרחיב לבי]
33	הוֹרֵ֣נִי יְ֭הוָה דֶּ֥רֶךְ חֻקֶּ֗יךָ וְאֶצְּרֶ֥נָּה עֵֽקֶב׃
	(1Q10 frg. 6-7,3) [הורני יה]וה ד֯[ר]ך חקיך וא[צרנה עקב]
34	הֲ֭בִינֵנִי וְאֶצְּרָ֥ה תֽוֹרָתֶ֗ךָ וְאֶשְׁמְרֶ֥נָּה בְכָל־ לֵֽב׃
	(1Q10 frg. 6-7,4) [הבינני ואצרה ]תורתך וא[שמרנה בכל לב]
35	הַ֭דְרִיכֵנִי בִּנְתִ֣יב מִצְוֺתֶ֑יךָ כִּי־ ב֥וֹ חָפָֽצְתִּי׃
36	הַט־ לִ֭בִּי אֶל־ עֵדְוֺתֶ֗יךָ וְאַ֣ל אֶל־ בָּֽצַע׃
37	הַעֲבֵ֣ר עֵ֭ינַי מֵרְא֣וֹת שָׁ֑וְא בִּדְרָכֶ֥ךָ חַיֵּֽנִי׃
	(11Q5 8,1) העבר עיני מראות שוא כדברכה חונני (4Q89 frg. 1 i,1) העביר עיני מראות שוא בדרכך חיני
38	הָקֵ֣ם לְ֭עַבְדְּךָ אִמְרָתֶ֑ךָ אֲ֝שֶׁ֗ר לְיִרְאָתֶֽךָ׃
	(11Q5 8,2) הקם לעבדכה אמרתכה אשר ליראתכה (4Q89 frg. 1 i,2) הקם לעבדך אמרתך אשר ליראתך
39	הַעֲבֵ֣ר חֶ֭רְפָּתִי אֲשֶׁ֣ר יָגֹ֑רְתִּי כִּ֖י מִשְׁפָּטֶ֣יךָ טוֹבִֽים׃
	(11Q5 8,3) העבר חרפתי אשר יגרתי כי משפטיכה טובים (4Q89 frg. 1 i,3) העבר חרפתי אשר יגרתי כי משפטיך ט[ובים]
40	הִ֭נֵּה תָּאַ֣בְתִּי לְפִקֻּדֶ֑יךָ בְּצִדְקָתְךָ֥ חַיֵּֽנִי׃
	(11Q5 8,4) הנה תאבתי לפקודיכה בצדקתכה חונני (4Q89 frg. 1 i,4) הנה תאבתי לפקדיך בצדקתך חיני֯
41	וִֽיבֹאֻ֣נִי חֲסָדֶ֣ךָ יְהוָ֑ה תְּ֝שֽׁוּעָתְךָ֗ כְּאִמְרָתֶֽךָ׃
	(11Q5 8,5) ויבואוני חסד יהוה תשועתכה כאמרתכה (4Q89 frg. 1 i,6) ויביאני חסדך יהוה תשועתך[ כ]אמרתך
42	וְאֶֽעֱנֶ֣ה חֹרְפִ֣י דָבָ֑ר כִּֽי־ בָ֝טַחְתִּי בִּדְבָרֶֽךָ׃
	(11Q5 8,6) ו^אענה חורפי דבר כי בטחתי בדברכה (4Q89 frg. 1 i,7) ואענה חורפי דבר כי פקודיך נצרתי
43	וְֽאַל־ תַּצֵּ֬ל מִפִּ֣י דְבַר־ אֱמֶ֣ת עַד־ מְאֹ֑ד כִּ֖י לְמִשְׁפָּטֶ֣ךָ יִחָֽלְתִּי׃
	(11Q5 8,7) ואל תצל מפי דבר אמת עד מואדה כי לדבריכה יחלתי (1Q10 frg. 8-10,2) [ואל ]תצל מפי דב[ר אמת עד מאד כי למשפטך יחלתי] (4Q89 frg. 1 i,8) ואל תצל מפי דבר אמתך עד מאד כ֯י֯ למשפטך֯ יחלתי
44	וְאֶשְׁמְרָ֖ה תוֹרָתְךָ֥ תָמִ֗יד לְעוֹלָ֥ם וָעֶֽד׃
	(11Q5 8,8) ואשמורה תורתכה תמיד ועד (1Q10 frg. 8-10,3) [ו]א֯שמרה תורתך תמיד[ לעולם ועד (4Q89 frg. 1 ii-3,1) [ואשמרה ]תורתיך[ תמיד לעולם ועד]
45	וְאֶתְהַלְּכָ֥ה בָרְחָבָ֑ה כִּ֖י פִקֻּדֶ֣יךָ דָרָֽשְׁתִּי׃
	(11Q5 8,8) ואתהלכה ברחוביה (11Q5 8,9) כי פקודיכה דרשתי (1Q10 frg. 8-10,3) ואתהלכה ברחבה] (1Q10 frg. 8-10,4) [כי ]פקדיך[ דרשתי ] (4Q89 frg. 1 ii-3,2) [ואתהלכה ]ב֯רחבה֯[ כי פקדיך דרשתי]
46	וַאֲדַבְּרָ֣ה בְ֭עֵדֹתֶיךָ נֶ֥גֶד מְלָכִ֗ים וְלֹ֣א אֵבֽוֹשׁ׃
	(11Q5 8,10) ואדברה בעדוותיכ֯ה [נ]ג֯ד מלכים ולוא אבוש (1Q10 frg. 8-10,5) ואדב[רה בעדתיך] נגד מלכ[ים ולא אבוש] (4Q89 frg. 1 ii-3,3) [ואדברה ב]ע֯דת֯י֯[ך נגד מלכים ולא אבוש]
47	וְאֶשְׁתַּֽעֲשַׁ֥ע בְּמִצְוֺתֶ֗יךָ אֲשֶׁ֣ר אָהָֽבְתִּי׃
	(11Q5 8,11) ואשתעשעה במ[צוותיכה א]ש֯ר אהבתי (1Q10 frg. 8-10,6) ואשת[עשע במצותי]ך אשר א֯[הבתי
48	וְאֶשָּֽׂא־ כַפַּ֗י אֶֽל־ מִ֭צְוֺתֶיךָ אֲשֶׁ֥ר אָהָ֗בְתִּי וְאָשִׂ֥יחָה בְחֻקֶּֽיךָ׃
	(11Q5 8,12) ואשא כפי אל מצוו[תיכה אש]ר אהבתי ואשישה בחוקיכה (1Q10 frg. 8-10,6) ואשא כפי אל] (1Q10 frg. 8-10,7) [מצותיך אשר ]אהבתי ואש[יחה בחקיך]
49	זְכֹר־ דָּבָ֥ר לְעַבְדֶּ֑ךָ עַ֝֗ל אֲשֶׁ֣ר יִֽחַלְתָּֽנִי׃
	(11Q5 8,13) זכורה דבריכה[ ]ל֯[עבדך על אשר] יחלתני (4Q89 frg. 1 ii-3,7) [זכור דבר לעבדיך על אש]ר יחלתנ[י]
50	זֹ֣את נֶחָמָתִ֣י בְעָנְיִ֑י כִּ֖י אִמְרָתְךָ֣ חִיָּֽתְנִי׃
	(4Q89 frg. 1 ii-3,8) ז֯[אות נחמתי בעניי כי אמ]ר֯תך חית֯[ני]
51	זֵ֭דִים הֱלִיצֻ֣נִי עַד־ מְאֹ֑ד מִ֝תּֽוֹרָתְךָ֗ לֹ֣א נָטִֽיתִי׃
52	זָ֘כַ֤רְתִּי מִשְׁפָּטֶ֖יךָ מֵעוֹלָ֥ם ׀ יְהוָ֗ה וָֽאֶתְנֶחָֽם׃
53	זַלְעָפָ֣ה אֲ֭חָזַתְנִי מֵרְשָׁעִ֑ים עֹ֝זְבֵ֗י תּוֹרָתֶֽךָ׃
54	זְ֭מִרוֹת הָֽיוּ־ לִ֥י חֻקֶּ֗יךָ בְּבֵ֣ית מְגוּרָֽי׃
55	זָ֘כַ֤רְתִּי בַלַּ֣יְלָה שִׁמְךָ֣ יְהוָ֑ה וָֽ֝אֶשְׁמְרָ֗ה תּוֹרָתֶֽךָ׃
56	זֹ֥את הָֽיְתָה־ לִּ֑י כִּ֖י פִקֻּדֶ֣יךָ נָצָֽרְתִּי׃
57	חֶלְקִ֖י יְהוָ֥ה אָמַ֗רְתִּי לִשְׁמֹ֥ר דְּבָרֶֽיךָ׃
58	חִלִּ֣יתִי פָנֶ֣יךָ בְכָל־ לֵ֑ב חָ֝נֵּ֗נִי כְּאִמְרָתֶֽךָ׃
59	חִשַּׁ֥בְתִּי דְרָכָ֑י וָאָשִׁ֥יבָה רַ֝גְלַ֗י אֶל־ עֵדֹתֶֽיךָ׃
	(11Q5 9,1) חשבתי דרכי ואשיבה רגלי אל עדוותיכה
60	חַ֭שְׁתִּי וְלֹ֣א הִתְמַהְמָ֑הְתִּי לִ֝שְׁמֹ֗ר מִצְוֺתֶֽיךָ׃
	(11Q5 9,2) חשתי ולוא התמהמהתי לשמור מצוותיכה
61	חֶבְלֵ֣י רְשָׁעִ֣ים עִוְּדֻ֑נִי תּֽ֝וֹרָתְךָ֗ לֹ֣א שָׁכָֽחְתִּי׃
	(11Q5 9,3) חבלי רשעים עודוני תורתכה לוא שכחתי
62	חֲצֽוֹת־ לַ֗יְלָה אָ֭קוּם לְהוֹד֣וֹת לָ֑ךְ עַ֝֗ל מִשְׁפְּטֵ֥י צִדְקֶֽךָ׃
	(11Q5 9,4) חצות לילה אקום להודות לכה על משפטי צדקכה
63	חָבֵ֣ר אָ֭נִי לְכָל־ אֲשֶׁ֣ר יְרֵא֑וּךָ וּ֝לְשֹׁמְרֵ֗י פִּקּוּדֶֽיךָ׃
	(11Q5 9,5) חבר אני לכול אשר יראוכה ולשומרי פקודיכה
64	חַסְדְּךָ֣ יְ֭הוָה מָלְאָ֥ה הָאָ֗רֶץ חֻקֶּ֥יךָ לַמְּדֵֽנִי׃
	(11Q5 9,6) חסדכה יהוה מלאה הארץ חוקכה למדני
65	ט֭וֹב עָשִׂ֣יתָ עִֽם־ עַבְדְּךָ֑ יְ֝הוָ֗ה כִּדְבָרֶֽךָ׃
	(11Q5 9,7) טוב עשיתה עם עבדכה יהוה כדברכה
66	ט֤וּב טַ֣עַם וָדַ֣עַת לַמְּדֵ֑נִי כִּ֖י בְמִצְוֺתֶ֣יךָ הֶאֱמָֽנְתִּי׃
	(11Q5 9,8) טוב טעם ודעת למדני כי במצוותיכה האמנתי
67	טֶ֣רֶם אֶ֭עֱנֶה אֲנִ֣י שֹׁגֵ֑ג וְ֝עַתָּ֗ה אִמְרָתְךָ֥ שָׁמָֽרְתִּי׃
	(11Q5 9,9) טרם אענה אני שוגג ועתה אמרתכה שמרתי
68	טוֹב־ אַתָּ֥ה וּמֵטִ֗יב לַמְּדֵ֥נִי חֻקֶּֽיךָ׃
	(11Q5 9,10) טוב אתה אדוני ומטיב למדני חוקיכה
69	טָפְל֬וּ עָלַ֣י שֶׁ֣קֶר זֵדִ֑ים אֲ֝נִ֗י בְּכָל־ לֵ֤ב ׀ אֱצֹּ֬ר פִּקּוּדֶֽיךָ׃
	(11Q5 9,11) טפלו עלי שקר זדים אני בכ֯ול ל[ב] אצורה פקודיכה
70	טָפַ֣שׁ כַּחֵ֣לֶב לִבָּ֑ם אֲ֝נִ֗י תּוֹרָתְךָ֥ שִֽׁעֲשָֽׁעְתִּי׃
	(11Q5 9,12) טפש כחלב לבם אני תורתכ[ה] ש֯ע֯[ש]ועי
71	טֽוֹב־ לִ֥י כִֽי־ עֻנֵּ֑יתִי לְ֝מַ֗עַן אֶלְמַ֥ד חֻקֶּֽיךָ׃
	(11Q5 9,13) טוב לי כי עניתני למען אלמ[ד חוק]יכה
72	טֽוֹב־ לִ֥י תֽוֹרַת־ פִּ֑יךָ מֵ֝אַלְפֵ֗י זָהָ֥ב וָכָֽסֶף׃
	(11Q5 9,14) טוב לי תורת פיכה מאלף֯[ זהב וכסף]
73	יָדֶ֣יךָ עָ֭שׂוּנִי וַֽיְכוֹנְנ֑וּנִי הֲ֝בִינֵ֗נִי וְאֶלְמְדָ֥ה מִצְוֺתֶֽיךָ׃
	(11Q5 9,15) [ידיכה עשוני ויכוננוני הבינני ואלמדה מצותי]כ֯ה֯ (4Q89 frg. 4,2) [ידיך עשוני ויכוננוני ]הבינני ואלמד֯[ה מצותיך]
74	יְ֭רֵאֶיךָ יִרְא֣וּנִי וְיִשְׂמָ֑חוּ כִּ֖י לִדְבָרְךָ֣ יִחָֽלְתִּי׃
	(4Q89 frg. 4,3) [יראיך יראוני וישמחו ]כ֯י֯ לד֯ב֯[רך יחלתי -- ]
75	יָדַ֣עְתִּי יְ֭הוָה כִּי־ צֶ֣דֶק מִשְׁפָּטֶ֑יךָ וֶ֝אֱמוּנָ֗ה עִנִּיתָֽנִי׃
76	יְהִי־ נָ֣א חַסְדְּךָ֣ לְנַחֲמֵ֑נִי כְּאִמְרָתְךָ֥ לְעַבְדֶּֽךָ׃
77	יְבֹא֣וּנִי רַחֲמֶ֣יךָ וְאֶֽחְיֶ֑ה כִּי־ תֽ֝וֹרָתְךָ֗ שַֽׁעֲשֻׁעָֽי׃
	(1Q10 frg. 11,1) [יבאוני רחמיך ואחי]ה כי ת[ורתך] שעשעי ○○[ ]
78	יֵבֹ֣שׁוּ זֵ֭דִים כִּי־ שֶׁ֣קֶר עִוְּת֑וּנִי אֲ֝נִ֗י אָשִׂ֥יחַ בְּפִקּוּדֶֽיךָ׃
	(1Q10 frg. 11,2) [יבשו זדים כי שקר ע]ותני אני[ א]ש֯יח בפקדיך
79	יָשׁ֣וּבוּ לִ֣י יְרֵאֶ֑יךָ וידעו (וְ֝יֹדְעֵ֗י) עֵדֹתֶֽיךָ׃
	(1Q10 frg. 11,3) [ישובו לי יראיך] וידעו עדותיך --
80	יְהִֽי־ לִבִּ֣י תָמִ֣ים בְּחֻקֶּ֑יךָ לְ֝מַ֗עַן לֹ֣א אֵבֽוֹשׁ׃
81	כָּלְתָ֣ה לִתְשׁוּעָתְךָ֣ נַפְשִׁ֑י לִדְבָרְךָ֥ יִחָֽלְתִּי׃
	(4Q89 frg. 5,3) [כ]לתה לתשוע֯[תך נפשי לדברך יחלתי]
82	כָּל֣וּ עֵ֭ינַי לְאִמְרָתֶ֑ךָ לֵ֝אמֹ֗ר מָתַ֥י תְּֽנַחֲמֵֽנִי׃
	(11Q5 10,1) כלתה עיני לאמרתכה לאמור מתי תנחמני (4Q89 frg. 5,4) [כל]ו עיני לאמרתך[ לאמור מתי תנחמני]
83	כִּֽי־ הָ֭יִיתִי כְּנֹ֣אד בְּקִיט֑וֹר חֻ֝קֶּ֗יךָ לֹ֣א שָׁכָֽחְתִּי׃
	(11Q5 10,2) כי עשיתני כנאוד בקיטור חסדכה לוא שכחתי (4Q89 frg. 5,5) [כי ]ה֯ייתי כנא^וד בקי֯[טור חקיך לא שכחתי]
84	כַּמָּ֥ה יְמֵֽי־ עַבְדֶּ֑ךָ מָתַ֬י תַּעֲשֶׂ֖ה בְרֹדְפַ֣י מִשְׁפָּֽט׃
	(11Q5 10,3) כמה ימי עבדכה מתי תעשה ברודפי משפט
85	כָּֽרוּ־ לִ֣י זֵדִ֣ים שִׁיח֑וֹת אֲ֝שֶׁ֗ר לֹ֣א כְתוֹרָתֶֽךָ׃
	(11Q5 10,4) כרו לי זידים שחת אשר לוא כתורתכה
86	כָּל־ מִצְוֺתֶ֥יךָ אֱמוּנָ֑ה שֶׁ֖קֶר רְדָפ֣וּנִי עָזְרֵֽנִי׃
	(11Q5 10,5) כול מצוותיכה אמונה שקר רדפוני עוזרני
87	כִּ֭מְעַט כִּלּ֣וּנִי בָאָ֑רֶץ וַ֝אֲנִ֗י לֹא־ עָזַ֥בְתִּי פִקֻּודֶֽיךָ׃
	(11Q5 10,6) כמעט כלוני מארץ ואני לוא עזבתי פקודיכה
88	כְּחַסְדְּךָ֥ חַיֵּ֑נִי וְ֝אֶשְׁמְרָ֗ה עֵד֥וּת פִּֽיךָ׃
	(11Q5 10,7) כחסדכה חונני ואשמורה עדוות פיכה
89	לְעוֹלָ֥ם יְהוָ֑ה דְּ֝בָרְךָ֗ נִצָּ֥ב בַּשָּׁמָֽיִם׃
	(11Q5 10,8) לעולם יהוה דברכה נצב בשמים (4Q89 frg. 6,4) [לעולם יהוה דברך נצב בשמי]ם֯[ ]
90	לְדֹ֣ר וָ֭דֹר אֱמֽוּנָתֶ֑ךָ כּוֹנַ֥נְתָּ אֶ֝֗רֶץ וַֽתַּעֲמֹֽד׃
	(11Q5 10,9) לדור ודור אמונתכה כוננתה ארץ ותעמד (4Q89 frg. 6,5) [לדר ודר אמונתך כוננ]ת ]○○[ אר֯ץ ות[ע]מ֯ד֯
91	לְֽ֭מִשְׁפָּטֶיךָ עָמְד֣וּ הַיּ֑וֹם כִּ֖י הַכֹּ֣ל עֲבָדֶֽיךָ׃
	(11Q5 10,10) למשפטיכה עמדו היום כי הכול עבדי֯כה (4Q89 frg. 6,6) [למשפטיך עמדו היום כי הכ]ל עבדיך
92	לוּלֵ֣י ת֭וֹרָתְךָ שַׁעֲשֻׁעָ֑י אָ֝֗ז אָבַ֥דְתִּי בְעָנְיִֽי׃
	(11Q5 10,11) לולי תורתכה שעשועי אז אבדתי בעווני (4Q89 frg. 6,7) [לולי תורתך שעשעי אז אבד]ת֯י ב֯ע֯נ֯י֯[י]
93	לְ֭עוֹלָם לֹא־ אֶשְׁכַּ֣ח פִּקּוּדֶ֑יךָ כִּ֥י בָ֝֗ם חִיִּיתָֽנִי׃
	(11Q5 10,12) לעולם לוא אשכח פקודיכה כי במה חייתני
94	לְֽךָ־ אֲ֭נִי הוֹשִׁיעֵ֑נִי כִּ֖י פִקּוּדֶ֣יךָ דָרָֽשְׁתִּי׃
	(11Q5 10,13) לכה אני הושיעני כי פקודיכה דרשתי
95	לִ֤י קִוּ֣וּ רְשָׁעִ֣ים לְאַבְּדֵ֑נִי עֵ֝דֹתֶ֗יךָ אֶתְבּוֹנָֽן׃
	(11Q5 10,14) לי קוו רשעים לאבדני עדוותיכה אתבונן
96	לְֽכָל תִּ֭כְלָה רָאִ֣יתִי קֵ֑ץ רְחָבָ֖ה מִצְוָתְךָ֣ מְאֹֽד׃
	(11Q5 10,15) לכול תכלה ראיתי קץ רחבה מצותכ[ה] מואדה
97	מָֽה־ אָהַ֥בְתִּי תוֹרָתֶ֑ךָ כָּל־ הַ֝יּ֗וֹם הִ֣יא שִׂיחָתִֽי׃
98	מֵ֭אֹ֣יְבַי תְּחַכְּמֵ֣נִי מִצְוֺתֶ֑ךָ כִּ֖י לְעוֹלָ֣ם הִיא־ לִֽי׃
99	מִכָּל־ מְלַמְּדַ֥י הִשְׂכַּ֑לְתִּי כִּ֥י עֵ֝דְוֺתֶ֗יךָ שִׂ֣יחָה לִֽֿי׃
	(5Q5 frg. 1 i,3) [מכל מלמדי השכלתי כי עדותיך שיחה ל]י֯
100	מִזְּקֵנִ֥ים אֶתְבּוֹנָ֑ן כִּ֖י פִקּוּדֶ֣יךָ נָצָֽרְתִּי׃
	(5Q5 frg. 1 i,4) [מזקנים אתבונן כי פקודיך נצר]ת֯י
101	מִכָּל־ אֹ֣רַח רָ֭ע כָּלִ֣אתִי רַגְלָ֑י לְ֝מַ֗עַן אֶשְׁמֹ֥ר דְּבָרֶֽךָ׃
	(5Q5 frg. 1 i,5) [מכל ארח רע כלאתי רגלי למען אשמר ]ד֯ב֯ר֯ך
102	מִמִּשְׁפָּטֶ֥יךָ לֹא־ סָ֑רְתִּי כִּֽי־ אַ֝תָּ֗ה הוֹרֵתָֽנִי׃
103	מַה־ נִּמְלְצ֣וּ לְ֭חִכִּי אִמְרָתֶ֗ךָ מִדְּבַ֥שׁ לְפִֽי׃
104	מִפִּקּוּדֶ֥יךָ אֶתְבּוֹנָ֑ן עַל־ כֵּ֝֗ן שָׂנֵ֤אתִי ׀ כָּל־ אֹ֬רַח שָֽׁקֶר׃
	(5Q5 frg. 1 i,8) [מפקודיך אתבונן על כן שנאתי כל ]ארח שק[ר]
105	נֵר־ לְרַגְלִ֥י דְבָרֶ֑ךָ וְ֝א֗וֹר לִנְתִיבָתִֽי׃
	(11Q5 11,1) נר לרגלי דבריכה אור לנתיבותי
106	נִשְׁבַּ֥עְתִּי וָאֲקַיֵּ֑מָה לִ֝שְׁמֹ֗ר מִשְׁפְּטֵ֥י צִדְקֶֽךָ׃
	(11Q5 11,2) נשבעתי ואקימה לעשות משפט צדקכה
107	נַעֲנֵ֥יתִי עַד־ מְאֹ֑ד יְ֝הוָ֗ה חַיֵּ֥נִי כִדְבָרֶֽךָ׃
	(11Q5 11,3) נעויתי עד מואדה יהוה כאמרתכה חונני
108	נִדְב֣וֹת פִּ֭י רְצֵה־ נָ֣א יְהוָ֑ה וּֽמִשְׁפָּטֶ֥יךָ לַמְּדֵֽנִי׃
	(11Q5 11,4) נדבות פי רצה יהוה ממשפטיכה למדני
109	נַפְשִׁ֣י בְכַפִּ֣י תָמִ֑יד וְ֝תֽוֹרָתְךָ֗ לֹ֣א שָׁכָֽחְתִּי׃
	(11Q5 11,5) נפשי בכפי תמיד תורתכה לוא שכחתי
110	נָתְנ֬וּ רְשָׁעִ֣ים פַּ֣ח לִ֑י וּ֝מִפִּקּוּדֶ֗יךָ לֹ֣א תָעִֽיתִי׃
	(11Q5 11,6) נתנו רשעים פח לי אני פקודיכה לוא תעיתי
111	נָחַ֣לְתִּי עֵדְוֺתֶ֣יךָ לְעוֹלָ֑ם כִּֽי־ שְׂשׂ֖וֹן לִבִּ֣י הֵֽמָּה׃
	(11Q5 11,7) נחלתי עדוותיכה לעולם כי ששון לבי המה
112	נָטִ֣יתִי לִ֭בִּי לַעֲשׂ֥וֹת חֻקֶּ֗יךָ לְעוֹלָ֥ם עֵֽקֶב׃
	(11Q5 11,8) נטיתי לבי לעשות חוקיכה לעולם עקב
113	סֵעֲפִ֥ים שָׂנֵ֑אתִי וְֽתוֹרָתְךָ֥ אָהָֽבְתִּי׃
	(11Q5 11,9) סעפים שנאתי תורתכה אהבתי (5Q5 frg. 1 ii,1) סעפ֯[ים שנאתי ותורתך אהבתי]
114	סִתְרִ֣י וּמָגִנִּ֣י אָ֑תָּה לִדְבָרְךָ֥ יִחָֽלְתִּי׃
	(11Q5 11,10) סתרי ומגני אתה לדבריכה יחלתי (5Q5 frg. 1 ii,2) סתר[י ומגני אתה לדברך יחלתי]
115	סֽוּרוּ־ מִמֶּ֥נִּי מְרֵעִ֑ים וְ֝אֶצְּרָ֗ה מִצְוֺ֥ת אֱלֹהָֽי׃
	(11Q5 11,11) סורו ממני מרעים ואצורה מצות אלוהי (5Q5 frg. 1 ii,3) ס[ורו ממני מרעים ואצרה …
116	סָמְכֵ֣נִי כְאִמְרָתְךָ֣ וְאֶֽחְיֶ֑ה וְאַל־ תְּ֝בִישֵׁ֗נִי מִשִּׂבְרִֽי׃
	(11Q5 11,12) סמכני כאמרתכה ואחיה ואל תבישני ממשברי (5Q5 frg. 1 ii,4) [סמכני כאמרתך ואחיה ואל ת]ב֯ישנ֯י מש֯ב֯רי
117	סְעָדֵ֥נִי וְאִוָּשֵׁ֑עָה וְאֶשְׁעָ֖ה בְחֻקֶּ֣יךָ תָמִֽיד׃
	(11Q5 11,13) סעדני ואושעה ואשא חוקיכה תמיד (5Q5 frg. 1 ii,5) [סעדני ואושעה ואשעה ב]ח֯קיך תמי֯ד֯
118	סָ֭לִיתָ כָּל־ שׁוֹגִ֣ים מֵחֻקֶּ֑יךָ כִּי־ שֶׁ֝֗קֶר תַּרְמִיתָֽם׃
	(11Q5 11,14) סליתה כול שוגים מחוקיכה כי שקר תרמיתם (5Q5 frg. 1 ii,6) [סלית כל שוגים ]מחקיך כי שקר תרמ֯י֯תם
119	סִגִ֗ים הִשְׁבַּ֥תָּ כָל־ רִשְׁעֵי־ אָ֑רֶץ לָ֝כֵ֗ן אָהַ֥בְתִּי עֵדֹתֶֽיךָ׃
	(11Q5 11,15) סיגים חשבתי כול רשעי ארץ על כן אהבתי כול עדוותיכה (5Q5 frg. 1 ii,7) [סגים השבת כ]ל רשעי א֯ר֯ץ לכן אהבתי ע֯[דתי]ך
120	סָמַ֣ר מִפַּחְדְּךָ֣ בְשָׂרִ֑י וּֽמִמִּשְׁפָּטֶ֥יךָ יָרֵֽאתִי׃
	(11Q5 11,16) סמר מפחד[כה ]בשרי וממשפטיכה יראתי (5Q5 frg. 1 ii,8) [סמר מפחדך בשרי ומ]מ֯שפטיך ירא[תי]
121	עָ֭שִׂיתִי מִשְׁפָּ֣ט וָצֶ֑דֶק בַּל־ תַּ֝נִּיחֵ֗נִי לְעֹֽשְׁקָֽי׃
122	עֲרֹ֣ב עַבְדְּךָ֣ לְט֑וֹב אַֽל־ יַעַשְׁקֻ֥נִי זֵדִֽים׃
123	עֵ֭ינַי כָּל֣וּ לִֽישׁוּעָתֶ֑ךָ וּלְאִמְרַ֥ת צִדְקֶֽךָ׃
124	עֲשֵׂ֖ה עִם־ עַבְדְּךָ֥ כְחַסְדֶּ֗ךָ וְחֻקֶּ֥יךָ לַמְּדֵֽנִי׃
125	עַבְדְּךָ־ אָ֥נִי הֲבִינֵ֑נִי וְ֝אֵדְעָ֗ה עֵדֹתֶֽיךָ׃
126	עֵ֭ת לַעֲשׂ֣וֹת לַיהוָ֑ה הֵ֝פֵ֗רוּ תּוֹרָתֶֽךָ׃
127	עַל־ כֵּ֭ן אָהַ֣בְתִּי מִצְוֺתֶ֑יךָ מִזָּהָ֥ב וּמִפָּֽז׃
128	עַל־ כֵּ֤ן ׀ כָּל־ פִּקּ֣וּדֵי כֹ֣ל יִשָּׁ֑רְתִּי כָּל־ אֹ֖רַח שֶׁ֣קֶר שָׂנֵֽאתִי׃
	(11Q5 12,1) על כן פקודי כול ישרתי כול אורח שקר שנאתי
129	פְּלָא֥וֹת עֵדְוֺתֶ֑יךָ עַל־ כֵּ֝֗ן נְצָרָ֥תַם נַפְשִֽׁי׃
	(11Q5 12,2) פלגי נפת עדוותיכה על כן נצרתם נפשי
130	פֵּ֖תַח דְּבָרֶ֥יךָ יָאִ֗יר מֵבִ֥ין פְּתָיִֽים׃
	(11Q5 12,3) פתח דבריכה והאר מבין פותאים
131	פִּֽי־ פָ֭עַרְתִּי וָאֶשְׁאָ֑פָה כִּ֖י לְמִצְוֺתֶ֣יךָ יָאָֽבְתִּי׃
	(11Q5 12,4) פי פערתי ואשאפה למצוותיכה תאבתי
132	פְּנֵה־ אֵלַ֥י וְחָנֵּ֑נִי כְּ֝מִשְׁפָּ֗ט לְאֹהֲבֵ֥י שְׁמֶֽךָ׃
	(11Q5 12,5) פנה אלי וחונני כמשפט לאוהבי שמכה
133	פְּ֭עָמַי הָכֵ֣ן בְּאִמְרָתֶ֑ךָ וְֽאַל־ תַּשְׁלֶט־ בִּ֥י כָל־ אָֽוֶן׃
	(11Q5 12,6) פעמי הכן לאמרתכה ואל תשלט בי כול און
134	פְּ֭דֵנִי מֵעֹ֣שֶׁק אָדָ֑ם וְ֝אֶשְׁמְרָ֗ה פִּקּוּדֶֽיךָ׃
	(11Q5 12,7) פדני מעשק אדם ואשמורה פקודיכה
135	פָּ֭נֶיךָ הָאֵ֣ר בְּעַבְדֶּ֑ךָ וְ֝לַמְּדֵ֗נִי אֶת־ חֻקֶּֽיךָ׃
	(11Q5 12,8) פניכה האר בעבדכה ולמדני את חוקיכה
136	פַּלְגֵי־ מַ֭יִם יָרְד֣וּ עֵינָ֑י עַ֝֗ל לֹא־ שָׁמְר֥וּ תוֹרָתֶֽךָ׃
	(11Q5 12,9) פלגי מים ירדו עיני על כי לוא שמרו תורתכה
137	צַדִּ֣יק אַתָּ֣ה יְהוָ֑ה וְ֝יָשָׁ֗ר מִשְׁפָּטֶֽיךָ׃
	(11Q5 12,10) צדיק אתה יהוה וישרים משפטיכה
138	צִ֭וִּיתָ צֶ֣דֶק עֵדֹתֶ֑יךָ וֶֽאֱמוּנָ֥ה מְאֹֽד׃
	(11Q5 12,11) צויתה צדק עדוותיכה ואמונה מואדה (5Q5 frg. 2,10) צ֯ו֯ית[ צד]ק֯ [עדתיך ואמונה מאד]
139	צִמְּתַ֥תְנִי קִנְאָתִ֑י כִּֽי־ שָׁכְח֖וּ דְבָרֶ֣יךָ צָרָֽי׃
	(11Q5 12,12) צמתתני קנאתי כי שכחו דבריכה צרי (5Q5 frg. 2,11) צמתת֯[ני] קנאתי כי ש֯כ֯[חו דבריך צרי]
140	צְרוּפָ֖ה אִמְרָתְךָ֥ מְאֹ֗ד וְֽעַבְדְּךָ֥ אֲהֵבָֽהּ׃
	(11Q5 12,13) צרופה אמרתכה מואדה ועב^דכה אהבה (5Q5 frg. 2,12) צרופה אמרתך מאד ועבד[ך אהבה]
141	צָעִ֣יר אָנֹכִ֣י וְנִבְזֶ֑ה פִּ֝קֻּדֶ֗יךָ לֹ֣א שָׁכָֽחְתִּי׃
	(11Q5 12,14) צעיר אנוכי ונבזה פקודיכה לוא שכחתי (5Q5 frg. 2,13) צעיר א֯[נכ]י֯ ונבזה פקודיך [לא שכחתי]
142	צִדְקָתְךָ֣ צֶ֣דֶק לְעוֹלָ֑ם וְֽתוֹרָתְךָ֥ אֱמֶֽת׃
	(11Q5 12,15) ]ות [צ]דקות עולם ותורתך אמת (5Q5 frg. 2,14) [צדקתך צדק] לע[ו]לם ות[ורתך אמת]
143	צַר־ וּמָצ֥וֹק מְצָא֑וּנִי מִ֝צְוֺתֶ֗יךָ שַׁעֲשֻׁעָֽי׃
144	צֶ֖דֶק עֵדְוֺתֶ֥יךָ לְעוֹלָ֗ם הֲבִינֵ֥נִי וְאֶחְיֶֽה׃
145	קָרָ֣אתִי בְכָל־ לֵ֭ב עֲנֵ֥נִי יְהוָ֗ה חֻקֶּ֥יךָ אֶצֹּֽרָה׃
146	קְרָאתִ֥יךָ הוֹשִׁיעֵ֑נִי וְ֝אֶשְׁמְרָ֗ה עֵדֹתֶֽיךָ׃
147	קִדַּ֣מְתִּי בַ֭נֶּשֶׁף וָאֲשַׁוֵּ֑עָה לדבריך (לִדְבָרְךָ֥) יִחָֽלְתִּי׃
148	קִדְּמ֣וּ עֵ֭ינַי אַשְׁמֻר֑וֹת לָ֝שִׂ֗יחַ בְּאִמְרָתֶֽךָ׃
149	ק֭וֹלִי שִׁמְעָ֣ה כְחַסְדֶּ֑ךָ יְ֝הוָ֗ה כְּֽמִשְׁפָּטֶ֥ךָ חַיֵּֽנִי׃
150	קָ֭רְבוּ רֹדְפֵ֣י זִמָּ֑ה מִתּוֹרָתְךָ֥ רָחָֽקוּ׃
	(11Q5 13,1) קרבו רודפי זמה מתורתכה רחקו
151	קָר֣וֹב אַתָּ֣ה יְהוָ֑ה וְֽכָל־ מִצְוֺתֶ֥יךָ אֱמֶֽת׃
	(11Q5 13,2) קרוב אתה יהוה וכול מצוותיכה אמת
152	קֶ֣דֶם יָ֭דַעְתִּי מֵעֵדֹתֶ֑יךָ כִּ֖י לְעוֹלָ֣ם יְסַדְתָּֽם׃
	(11Q5 13,3) קדם ידעתי מדעתכה כי לעולם יסדתני
153	רְאֵֽה־ עָנְיִ֥י וְחַלְּצֵ֑נִי כִּי־ תֽ֝וֹרָתְךָ֗ לֹ֣א שָׁכָֽחְתִּי׃
	(11Q5 13,4) ראה עוניי וחלצני תורתכה לוא שכחתי
154	רִיבָ֣ה רִ֭יבִי וּגְאָלֵ֑נִי לְאִמְרָתְךָ֥ חַיֵּֽנִי׃
	(11Q5 13,5) ריב^ה ריבי וגאלני לאמרתכה חיני
155	רָח֣וֹק מֵרְשָׁעִ֣ים יְשׁוּעָ֑ה כִּֽי־ חֻ֝קֶּיךָ לֹ֣א דָרָֽשׁוּ׃
	(11Q5 13,6) רחוק מרשעים ^ישועה כי חוקיכה לוא דרשו
156	רַחֲמֶ֖יךָ רַבִּ֥ים ׀ יְהוָ֑ה כְּֽמִשְׁפָּטֶ֥יךָ חַיֵּֽנִי׃
	(11Q5 13,7) רחמיכה רבים יהוה כמשפטיכה חונני
157	רַ֭בִּים רֹדְפַ֣י וְצָרָ֑י מֵ֝עֵדְוֺתֶ֗יךָ לֹ֣א נָטִֽיתִי׃
	(11Q5 13,8) רבים רודפי וצרי מעדוותיכה לוא נטיתי
158	רָאִ֣יתִי בֹ֭גְדִים וָֽאֶתְקוֹטָ֑טָה אֲשֶׁ֥ר אִ֝מְרָתְךָ֗ לֹ֣א שָׁמָֽרוּ׃
	(11Q5 13,9) ראיתי בוגדים ואתקוטטה אשר אמרתכה (11Q5 13,10) לוא שמרו
159	רְ֭אֵה כִּי־ פִקּוּדֶ֣יךָ אָהָ֑בְתִּי יְ֝הוָ֗ה כְּֽחַסְדְּךָ֥ חַיֵּֽנִי׃
	(11Q5 13,11) ראה כי פקודיכה אהבתי יהוה כאמרתכה חונני
160	רֹאשׁ־ דְּבָרְךָ֥ אֱמֶ֑ת וּ֝לְעוֹלָ֗ם כָּל־ מִשְׁפַּ֥ט צִדְקֶֽךָ׃
	(11Q5 13,12) רו[אש] דבריכה אמת ולעולם כול משפט צדק
161	שָׂ֭רִים רְדָפ֣וּנִי חִנָּ֑ם ומדבריך (וּ֝מִדְּבָרְךָ֗) פָּחַ֥ד לִבִּֽי׃
	(11Q5 13,13) שרים רדפוני חנום ומדבריכה פחד לבי
162	שָׂ֣שׂ אָ֭נֹכִֽי עַל־ אִמְרָתֶ֑ךָ כְּ֝מוֹצֵ֗א שָׁלָ֥ל רָֽב׃
	(11Q5 13,14) שש א֯נוכי על אמרתכה ממוצא שלל רב
163	שֶׁ֣קֶר שָׂ֭נֵאתִי וַאֲתַעֵ֑בָה תּוֹרָתְךָ֥ אָהָֽבְתִּי׃
	(11Q5 13,15) שק[ר שנא]תי ואת֯עבה ותורתכה אהבתי (11Q6 frg. 2,1) [שקר שנאתי וא]תעבה [ותורתכה אהבתי]
164	שֶׁ֣בַע בַּ֭יּוֹם הִלַּלְתִּ֑יךָ עַ֝֗ל מִשְׁפְּטֵ֥י צִדְקֶֽךָ׃
	(11Q5 13,16) [שבע ביום הללתיכה ע]ל [מ]ש֯פ֯ט֯י֯ (11Q5 13,17) [צדקכה -- ] (11Q6 frg. 2,2) [שבע ביום אה]ללכה על[ משפטי צדקכה]
165	שָׁל֣וֹם רָ֭ב לְאֹהֲבֵ֣י תוֹרָתֶ֑ךָ וְאֵֽין־ לָ֥מוֹ מִכְשֽׁוֹל׃
	(11Q6 frg. 2,3) [שלום רב לאוהבי] תור[תכ]ה֯[ ואין למו מכשול]
166	שִׂבַּ֣רְתִּי לִֽישׁוּעָתְךָ֣ יְהוָ֑ה וּֽמִצְוֺתֶ֥יךָ עָשִֽׂיתִי׃
167	שָֽׁמְרָ֣ה נַ֭פְשִׁי עֵדֹתֶ֑יךָ וָאֹהֲבֵ֥ם מְאֹֽד׃
168	שָׁמַ֣רְתִּי פִ֭קּוּדֶיךָ וְעֵדֹתֶ֑יךָ כִּ֖י כָל־ דְּרָכַ֣י נֶגְדֶּֽךָ׃
169	תִּקְרַ֤ב רִנָּתִ֣י לְפָנֶ֣יךָ יְהוָ֑ה כִּדְבָרְךָ֥ הֲבִינֵֽנִי׃
170	תָּב֣וֹא תְחִנָּתִ֣י לְפָנֶ֑יךָ כְּ֝אִמְרָתְךָ֗ הַצִּילֵֽנִי׃
171	תַּבַּ֣עְנָה שְׂפָתַ֣י תְּהִלָּ֑ה כִּ֖י תְלַמְּדֵ֣נִי חֻקֶּֽיךָ׃
	(11Q5 14,1) תבענה שפתי תהלה לכה כי תלמדני חוקיכה
172	תַּ֣עַן לְ֭שׁוֹנִי אִמְרָתֶ֑ךָ כִּ֖י כָל־ מִצְוֺתֶ֣יךָ צֶּֽדֶק׃
	(11Q5 14,2) תענה לשוני אמרתכה כי כול מצוותיכה צדק
173	תְּהִֽי־ יָדְךָ֥ לְעָזְרֵ֑נִי כִּ֖י פִקּוּדֶ֣יךָ בָחָֽרְתִּי׃
	(11Q5 14,3) תהי ידכה לעוזרני כי פקודיכה בחרתי
174	תָּאַ֣בְתִּי לִֽישׁוּעָתְךָ֣ יְהוָ֑ה וְ֝תֽוֹרָתְךָ֗ שַׁעֲשֻׁעָֽי׃
	(11Q5 14,4) תאבתי לישועתכה יהוה תורתכה שעשועי
175	תְּֽחִי־ נַ֭פְשִׁי וּֽתְהַֽלְלֶ֑ךָּ וּֽמִשְׁפָּטֶ֥ךָ יַעֲזְרֻֽנִי׃
	(11Q5 14,5) תחי נפשי ותהללכה ומשפטיכה יעוזרני
176	תָּעִ֗יתִי כְּשֶׂ֣ה אֹ֭בֵד בַּקֵּ֣שׁ עַבְדֶּ֑ךָ כִּ֥י מִ֝צְוֺתֶ֗יךָ לֹ֣א שָׁכָֽחְתִּי׃
	(11Q5 14,6) תעיתי כשה אובד בקש עבדכה כי עדוותיכה לוא שכחתי

120
1	שִׁ֗יר הַֽמַּ֫עֲל֥וֹת אֶל־ יְ֭הוָה בַּצָּרָ֣תָה לִּ֑י קָ֝רָ֗אתִי וֽ͏ַיַּעֲנֵֽנִי׃
2	יְֽהוָ֗ה הַצִּ֣ילָה נַ֭פְשִׁי מִשְּׂפַת־ שֶׁ֑קֶר מִלָּשׁ֥וֹן רְמִיָּֽה׃
3	מַה־ יִּתֵּ֣ן לְ֭ךָ וּמַה־ יֹּסִ֥יף לָ֗ךְ לָשׁ֥וֹן רְמִיָּֽה׃
4	חִצֵּ֣י גִבּ֣וֹר שְׁנוּנִ֑ים עִ֝֗ם גַּחֲלֵ֥י רְתָמִֽים׃
5	אֽוֹיָה־ לִ֭י כִּי־ גַ֣רְתִּי מֶ֑שֶׁךְ שָׁ֝כַ֗נְתִּי עִֽם־ אָהֳלֵ֥י קֵדָֽר׃
6	רַ֭בַּת שָֽׁכְנָה־ לָּ֣הּ נַפְשִׁ֑י עִ֝֗ם שׂוֹנֵ֥א שָׁלֽוֹם׃
	(4Q87 frg. 25,2) ר]בת שכנה לנפ[שי עם שונא שלום] (Ps 120,6) לָּ֣הּ נַפְשִׁ֑י עִ֝֗ם שׂוֹנֵ֥א שָׁלֽוֹם׃
7	אֲ‍ֽנִי־ שָׁ֭לוֹם וְכִ֣י אֲדַבֵּ֑ר הֵ֝֗מָּה לַמִּלְחָמָֽה׃
	(4Q87 frg. 25,3) [אני שלום וכי אדבר ה]מ֯ה֯ ל[מלחמה -- ]

121
1	שִׁ֗יר לַֽמַּ֫עֲל֥וֹת אֶשָּׂ֣א עֵ֭ינַי אֶל־ הֶהָרִ֑ים מֵ֝אַ֗יִן יָבֹ֥א עֶזְרִֽי׃
	(11Q5 3,1) שיר המעלות אשא עיני אל ההרים מאין יבוא [עזרי]
2	עֶ֭זְרִי מֵעִ֣ם יְהוָ֑ה עֹ֝שֵׂ֗ה שָׁמַ֥יִם וָאָֽרֶץ׃
	(11Q5 3,2) עזרי מ^עם יהוה עושה שמים וארץ
3	אַל־ יִתֵּ֣ן לַמּ֣וֹט רַגְלֶ֑ךָ אַל־ יָ֝נ֗וּם שֹֽׁמְרֶֽךָ׃
	(11Q5 3,2) אל יתן ל[מוט] (11Q5 3,3) [רג]לכה ואל [י]נום שומרכה
4	הִנֵּ֣ה לֹֽא־ יָ֭נוּם וְלֹ֣א יִישָׁ֑ן שׁ֝וֹמֵ֗ר יִשְׂרָאֵֽל׃
	(11Q5 3,3) הנה לוא ינום ולוא יישן[ שומר] (11Q5 3,4) [י]שראל בלילה
5	יְהוָ֥ה שֹׁמְרֶ֑ךָ יְהוָ֥ה צִ֝לְּךָ֗ עַל־ יַ֥ד יְמִינֶֽךָ׃
	(11Q5 3,4) י֯הוה שומרכה ____ צלכה על יד ימינכה
6	יוֹמָ֗ם הַשֶּׁ֥מֶשׁ לֹֽא־ יַכֶּ֗כָּה וְיָרֵ֥חַ בַּלָּֽיְלָה׃
	(11Q5 3,4) יומ֯[ם] (11Q5 3,5) [הש]מש לוא יככה וירח בלילה
7	יְֽהוָ֗ה יִשְׁמָרְךָ֥ מִכָּל־ רָ֑ע יִ֝שְׁמֹ֗ר אֶת־ נַפְשֶֽׁךָ׃
	(11Q5 3,5) יהוה ישומרכה מכו[ל רע] יש[מור] (11Q5 3,6) [א]ת֯ נפשכה
8	יְֽהוָ֗ה יִשְׁמָר־ צֵאתְךָ֥ וּבוֹאֶ֑ךָ מֵֽ֝עַתָּ֗ה וְעַד־ עוֹלָֽם׃
	(11Q5 3,6) ישמור צאתכה ובואכה מעתה ועד ע[ולם]

122
1	שִׁ֥יר הַֽמַּעֲל֗וֹת לְדָ֫וִ֥ד שָׂ֭מַחְתִּי בְּאֹמְרִ֣ים לִ֑י בֵּ֖ית יְהוָ֣ה נֵלֵֽךְ׃
	(11Q5 3,7) שיר המעלות לדויד ש[מחתי באומרים] (11Q5 3,8) [לי ]בית יהוה נלך
2	עֹ֭מְדוֹת הָי֣וּ רַגְלֵ֑ינוּ בִּ֝שְׁעָרַ֗יִךְ יְרוּשָׁלָֽ͏ִם׃
	(11Q5 3,8) עומדות היו רגלי בשעריך (11Q5 3,9) [יר]ושלים
3	יְרוּשָׁלַ֥͏ִם הַבְּנוּיָ֑ה כְּ֝עִ֗יר שֶׁחֻבְּרָה־ לָּ֥הּ יַחְדָּֽו׃
	(11Q5 3,9) ירושלים הבנו^יה כעיר שחברה לו
4	שֶׁשָּׁ֨ם עָל֪וּ שְׁבָטִ֡ים שִׁבְטֵי־ יָ֭הּ עֵד֣וּת לְיִשְׂרָאֵ֑ל לְ֝הֹד֗וֹת לְשֵׁ֣ם יְהוָֽה׃
	(11Q5 3,9) שמה[ עלו שבטים שבטי] (11Q5 3,10) [יה עדת ישראל להודות לשם יהוה
5	כִּ֤י שָׁ֨מָּה ׀ יָשְׁב֣וּ כִסְא֣וֹת לְמִשְׁפָּ֑ט כִּ֝סְא֗וֹת לְבֵ֣ית דָּוִֽיד׃
	(11Q5 3,10) כי ש[מה ישבו כסאות] (11Q5 3,11) [ל]משפט כסא לבית דויד
6	שַׁ֭אֲלוּ שְׁל֣וֹם יְרוּשָׁלָ֑͏ִם יִ֝שְׁלָ֗יוּ אֹהֲבָֽיִךְ׃
	(11Q5 3,11) שאלו ~~שא○~~ שלום ירוש[לים ישליו] (11Q5 3,12) [א]והביך
7	יְהִֽי־ שָׁל֥וֹם בְּחֵילֵ֑ךְ שַׁ֝לְוָ֗ה בְּאַרְמְנוֹתָֽיִךְ׃
	(11Q5 3,12) יהי שלום בחילך ושלוה בארמונותיך
8	לְ֭מַעַן אַחַ֣י וְרֵעָ֑י אֲדַבְּרָה־ נָּ֖א שָׁל֣וֹם בָּֽךְ׃
	(11Q5 3,12) [למען אחי] (11Q5 3,13) [ו]רעי אדברה שלום בך
9	לְ֭מַעַן בֵּית־ יְהוָ֣ה אֱלֹהֵ֑ינוּ אֲבַקְשָׁ֖ה ט֣וֹב לָֽךְ׃
	(11Q5 3,13) למען בית יהוה אלו[הינו אבקשה] (11Q5 3,14) []טובה לך

123
1	שִׁ֗יר הַֽמַּ֫עֲל֥וֹת אֵ֭לֶיךָ נָשָׂ֣אתִי אֶת־ עֵינַ֑י הַ֝יֹּשְׁבִ֗י בַּשָּׁמָֽיִם׃
	(11Q5 3,15) [שיר ]דויד למעלות[ א]ליכה נ^ש[את]י [את עי]ני היושב בשמ[ים]
2	הִנֵּ֨ה כְעֵינֵ֪י עֲבָדִ֡ים אֶל־ יַ֤ד אֲ‍ֽדוֹנֵיהֶ֗ם כְּעֵינֵ֣י שִׁפְחָה֮ אֶל־ יַ֢ד גְּבִ֫רְתָּ֥הּ כֵּ֣ן עֵ֭ינֵינוּ אֶל־ יְהוָ֣ה אֱלֹהֵ֑ינוּ עַ֝֗ד שֶׁיְּחָנֵּֽנוּ׃
	(11Q5 3,15) [הנה] (11Q5 3,16) [כעיני ]עבדים אל[ יד אדונ]יהם[ כ]ע֯[י]נ֯י֯[ שפחה אל יד גברתה ]
3	חָנֵּ֣נוּ יְהוָ֣ה חָנֵּ֑נוּ כִּֽי־ רַ֝֗ב שָׂבַ֥עְנוּ בֽוּז׃
4	רַבַּת֮ שָֽׂבְעָה־ לָּ֢הּ נַ֫פְשֵׁ֥נוּ הַלַּ֥עַג הַשַּׁאֲנַנִּ֑ים הַ֝בּ֗וּז לִגְאֵ֥יוֹנִֽים׃

124
1	שִׁ֥יר הַֽמַּעֲל֗וֹת לְדָ֫וִ֥ד לוּלֵ֣י יְ֭הוָה שֶׁהָ֣יָה לָ֑נוּ יֹֽאמַר־ נָ֝א יִשְׂרָאֵֽל׃
2	לוּלֵ֣י יְ֭הוָה שֶׁהָ֣יָה לָ֑נוּ בְּק֖וּם עָלֵ֣ינוּ אָדָֽם׃
3	אֲ֭זַי חַיִּ֣ים בְּלָע֑וּנוּ בַּחֲר֖וֹת אַפָּ֣ם בָּֽנוּ׃
4	אֲ֭זַי הַמַּ֣יִם שְׁטָפ֑וּנוּ נַ֗֜חְלָה עָבַ֥ר עַל־ נַפְשֵֽׁנוּ׃
5	אֲ֭זַי עָבַ֣ר עַל־ נַפְשֵׁ֑נוּ הַ֝מַּ֗יִם הַזֵּֽידוֹנִֽים׃
6	בָּר֥וּךְ יְהוָ֑ה שֶׁלֹּ֥א נְתָנָ֥נוּ טֶ֝֗רֶף לְשִׁנֵּיהֶֽם׃
7	נַפְשֵׁ֗נוּ כְּצִפּ֥וֹר נִמְלְטָה֮ מִפַּ֢ח י֫וֹקְשִׁ֥ים הַפַּ֥ח נִשְׁבָּ֗ר וַאֲנַ֥חְנוּ נִמְלָֽטְנוּ׃
	(11Q5 4,1) [הפח נשבר ואנח]^נ֯[ו] נמלטנו
8	עֶ֭זְרֵנוּ בְּשֵׁ֣ם יְהוָ֑ה עֹ֝שֵׂ֗ה שָׁמַ֥יִם וָאָֽרֶץ׃
	(11Q5 4,1) עוזרנו בשם יהוה עושה (11Q5 4,2) [שמים וארץ ]

125
1	שִׁ֗יר הַֽמַּ֫עֲל֥וֹת הַבֹּטְחִ֥ים בַּיהוָ֑ה כְּֽהַר־ צִיּ֥וֹן לֹא־ יִ֝מּ֗וֹט לְעוֹלָ֥ם יֵשֵֽׁב׃
	(11Q5 4,3) [שיר המעלות] הבוטחים ביהוה כהר ציון שלוא (11Q5 4,4) [ימוט לעולם י]שב
2	יְֽרוּשָׁלִַ֗ם הָרִים֮ סָבִ֢יב לָ֥הּ וַ֭יהוָה סָבִ֣יב לְעַמּ֑וֹ מֵ֝עַתָּ֗ה וְעַד־ עוֹלָֽם׃
	(11Q5 4,4) ירושלים הרים סביב לו יהוה (11Q5 4,5) [סביב לעמו מ]ע֯תה ועד עולם (4Q87 frg. 26 i,2) [סביב לה ויהוה לע]מו סביב מעתה ועד ע֯[ול]ם
3	כִּ֤י לֹ֪א יָנ֡וּחַ שֵׁ֤בֶט הָרֶ֗שַׁע עַל֮ גּוֹרַ֢ל הַֽצַּדִּ֫יקִ֥ים לְמַ֡עַן לֹא־ יִשְׁלְח֖וּ הַצַּדִּיקִ֨ים בְּעַוְלָ֬תָה יְדֵיהֶֽם׃
	(11Q5 4,5) כי לוא ינוח שבט הרשע (11Q5 4,6) [על גורל הצ]ד֯יקים למען לוא ישלחו הצדיקים בעולתה (11Q5 4,7) [ידיהם (4Q87 frg. 26 i,2) [כי לו]א֯ (4Q87 frg. 26 i,3) [ינוח ש]בט הרשע על גורל הצדיקים למען לו[א] (4Q87 frg. 26 i,4) [ישלחו ]ה֯צדיקים בעולתה יד^ים
4	הֵיטִ֣יבָה יְ֭הוָה לַטּוֹבִ֑ים וְ֝לִֽישָׁרִ֗ים בְּלִבּוֹתָֽם׃
	(11Q5 4,7) היטי]ב֯ה יהוה לטובים ולישרים בלב (4Q87 frg. 26 i,4) היטיבה יהו[ה לטו]בים (4Q87 frg. 26 i,5) [ולישר]ים בלב
5	וְהַמַּטִּ֤ים עַֽקַלְקַלּוֹתָ֗ם יוֹלִיכֵ֣ם יְ֭הוָה אֶת־ פֹּעֲלֵ֣י הָאָ֑וֶן שָׁ֝ל֗וֹם עַל־ יִשְׂרָאֵֽל׃
	(11Q5 4,7) עקלקולות (11Q5 4,8) [יוליכם יהו]ה את כול פועלי און שלום על ישראל (4Q87 frg. 26 i,5) ^והמטים עקלקול^תים יוליכם יהוה א֯ת פועלי (4Q87 frg. 26 i,6) [האון ש]ל[ו]ם֯ על ישראל

126
1	שִׁ֗יר הַֽמַּ֫עֲל֥וֹת בְּשׁ֣וּב יְ֭הוָה אֶת־ שִׁיבַ֣ת צִיּ֑וֹן הָ֝יִ֗ינוּ כְּחֹלְמִֽים׃
	(11Q5 4,9) שיר המעלות בשוב יהוה (11Q5 4,10) [את שיבת ציון ]היינו כחלומים (4Q87 frg. 26 i,6) ^שיר ^המעלות בשוב יה[וה ]את שבות (4Q87 frg. 26 i,7) [ציון היינו ]כחלמים
2	אָ֤ז יִמָּלֵ֪א שְׂח֡וֹק פִּינוּ֮ וּלְשׁוֹנֵ֢נוּ רִ֫נָּ֥ה אָ֭ז יֹאמְר֣וּ בַגּוֹיִ֑ם הִגְדִּ֥יל יְ֝הוָ֗ה לַעֲשׂ֥וֹת עִם־ אֵֽלֶּה׃
	(11Q5 4,10) אז ימלא שחוק פינו ולשוננו (11Q5 4,11) [רנה אז י]א֯מרו בגויים הגדיל יהוה לעשות עם (11Q5 4,12) [אלה (4Q87 frg. 26 i,7) אז ימלא שחוק פינו ול[שו]נ֯נו רנה (4Q87 frg. 26 i,8) [אז יואמרו ]ב֯גויים הגדיל ^יהוה לעשות עם אלה
3	הִגְדִּ֣יל יְ֭הוָה לַעֲשׂ֥וֹת עִמָּ֗נוּ הָיִ֥ינוּ שְׂמֵחִֽים׃
	(11Q5 4,12) הגד]י֯ל יהוה לעשות עםנו היינו שמחים (4Q87 frg. 26 i,8) הגדיל (4Q87 frg. 26 i,9) [יהוה לעשות עמנו ]היינו שמחים
4	שׁוּבָ֣ה יְ֭הוָה אֶת־ שבותנו (שְׁבִיתֵ֑נוּ) כַּאֲפִיקִ֥ים בַּנֶּֽגֶב׃
	(11Q5 4,13) [שובה יה]וה את שבותינו כאפיקים בנגב (4Q87 frg. 26 i,9) שבה יהוה [א]ת (4Q87 frg. 26 i,10) [שבותינו כאפיקים ]ב֯נגב
5	הַזֹּרְעִ֥ים בְּדִמְעָ֗ה בְּרִנָּ֥ה יִקְצֹֽרוּ׃
	(11Q5 4,13) הזורעים (11Q5 4,14) [בדמעה ברנ]ה יקצורו (4Q87 frg. 26 i,10) הזורעים בדמע֯ה֯ [ברנה] (4Q87 frg. 26 i,11) [יקצרו …
6	הָ֘ל֤וֹךְ יֵלֵ֨ךְ ׀ וּבָכֹה֮ נֹשֵׂ֢א מֶֽשֶׁךְ־ הַ֫זָּ֥רַע בֹּֽ֬א־ יָב֥וֹא בְרִנָּ֑ה נֹ֝שֵׂ֗א אֲלֻמֹּתָֽיו׃
	(11Q5 4,14) הלוך ילך ובכו נושאי משך הזרע (11Q5 4,15) [בוא יבוא בר]נה נושאי אלומותו (1Q11 frg. 1,1) [הלוך ילך ובכה נשא משך הזרע בא יבוא ברנה ]נ֯ושאי אלומ[ותיו]

127
1	שִׁ֥יר הַֽמַּֽעֲל֗וֹת לִשְׁלֹ֫מֹ֥ה אִם־ יְהוָ֤ה ׀ לֹא־ יִבְנֶ֬ה בַ֗יִת שָׁ֤וְא ׀ עָמְל֣וּ בוֹנָ֣יו בּ֑וֹ אִם־ יְהוָ֥ה לֹֽא־ יִשְׁמָר־ עִ֝֗יר שָׁ֤וְא ׀ שָׁקַ֬ד שׁוֹמֵֽר׃
	(11Q5 4,16) [שיר המעלות ]לשלומה א[ם יהו]ה לוא [י]בנה[ בי]ת שוא (1Q11 frg. 2-5,1) [לא יבנה] בית שו[א ע]מ֯לו[ בוניו בו אם יהוה לא ישמר עיר] (1Q11 frg. 2-5,2) שוא שקד[ שומר]
2	שָׁ֤וְא לָכֶ֨ם ׀ מַשְׁכִּ֪ימֵי ק֡וּם מְאַֽחֲרֵי־ שֶׁ֗בֶת אֹ֭כְלֵי לֶ֣חֶם הָעֲצָבִ֑ים כֵּ֤ן יִתֵּ֖ן לִֽידִיד֣וֹ שֵׁנָֽא׃
	(4Q173 frg. 1,2) שו]א לכם֯[ משכימי קום מאחרי שבת אוכלי לחם העצבים כן] (4Q173 frg. 1,3) [יתן לידידו שנא … (1Q11 frg. 2-5,2) שוא לכם[ משכימי קום מאחרי שבת אכלי] (1Q11 frg. 2-5,3) לחם העצ[בים כן ]יתן ל[ידידו שנא
3	הִנֵּ֤ה נַחֲלַ֣ת יְהוָ֣ה בָּנִ֑ים שָׂ֝כָ֗ר פְּרִ֣י הַבָּֽטֶן׃
	(1Q11 frg. 2-5,3) הנה נחלת יהו]ה (1Q11 frg. 2-5,4) [בנים ש]כר פרי[ הבטן
4	כְּחִצִּ֥ים בְּיַד־ גִּבּ֑וֹר כֵּ֝֗ן בְּנֵ֣י הַנְּעוּרִֽים׃
	(1Q11 frg. 2-5,4) כחצים ביד גבור כן בני ה]נ֯עורים
5	אַשְׁרֵ֤י הַגֶּ֗בֶר אֲשֶׁ֤ר מִלֵּ֥א אֶת־ אַשְׁפָּת֗וֹ מֵ֫הֶ֥ם לֹֽא־ יֵבֹ֑שׁוּ כִּֽי־ יְדַבְּר֖וּ אֶת־ אוֹיְבִ֣ים בַּשָּֽׁעַר׃
	(4Q173 frg. 3,1) א]ש֯ר֯י הגבר[ אשר מלא את אשפתו מהם --] (4Q173 frg. 3,3) [-- ]לו֯א֯ יבושו כ֯[י ידברו את אויבים בשער --] (1Q11 frg. 2-5,5) [אשרי ה]גבר אשר[ מלא את אשפתו מהם לא יב]שו כי

128
1	שִׁ֗יר הַֽמַּ֫עֲל֥וֹת אַ֭שְׁרֵי כָּל־ יְרֵ֣א יְהוָ֑ה הַ֝הֹלֵ֗ךְ בִּדְרָכָֽיו׃
2	יְגִ֣יעַ כַּ֭פֶּיךָ כִּ֣י תֹאכֵ֑ל אַ֝שְׁרֶ֗יךָ וְט֣וֹב לָֽךְ׃
3	אֶשְׁתְּךָ֤ ׀ כְּגֶ֥פֶן פֹּרִיָּה֮ בְּיַרְכְּתֵ֢י בֵ֫יתֶ֥ךָ בָּ֭נֶיךָ כִּשְׁתִלֵ֣י זֵיתִ֑ים סָ֝בִ֗יב לְשֻׁלְחָנֶֽךָ׃
	(11Q5 5,1) ל֯[שלחנכה (1Q11 frg. 6,1) אשתך] (1Q11 frg. 6,2) כגפן הפ[ריה בירכתי ביתך בניך] (1Q11 frg. 6,3) כשתי[לי זיתים סביב לשלחנך -- ]
4	הִנֵּ֣ה כִי־ כֵ֭ן יְבֹ֥רַךְ גָּ֗בֶר יְרֵ֣א יְהוָֽה׃
	(11Q5 5,1) הנה כי כן יברככה ]גבר ירא יהוה
5	יְבָרֶכְךָ֥ יְהוָ֗ה מִצִ֫יּ֥וֹן וּ֭רְאֵה בְּט֣וּב יְרוּשָׁלָ֑͏ִם כֹּ֝֗ל יְמֵ֣י חַיֶּֽיךָ׃
	(11Q5 5,1) יברככה אדוני (11Q5 5,2) [מציון וראה בטוב ירושל]ים כול ימי חייכה
6	וּרְאֵֽה־ בָנִ֥ים לְבָנֶ֑יךָ שָׁ֝ל֗וֹם עַל־ יִשְׂרָאֵֽל׃
	(11Q5 5,2) וראה בנים (11Q5 5,3) ל[בניכה שלום על ישראל ]

129
1	שִׁ֗יר הַֽמַּ֫עֲל֥וֹת רַ֭בַּת צְרָר֣וּנִי מִנְּעוּרַ֑י יֹֽאמַר־ נָ֝א יִשְׂרָאֵֽל׃
	(11Q5 5,4) ש[יר המעלות רבות צר]רוני מנעורי יואמר נא ישראל
2	רַ֭בַּת צְרָר֣וּנִי מִנְּעוּרָ֑י גַּ֝ם לֹא־ יָ֥כְלוּ לִֽי׃
	(11Q5 5,4) רבות (11Q5 5,5) [צררוני מנעורי גם לו]א יכולו לי
3	עַל־ גַּ֭בִּי חָרְשׁ֣וּ חֹרְשִׁ֑ים הֶ֝אֱרִ֗יכוּ למענותם (לְמַעֲנִיתָֽם׃)
	(11Q5 5,5) על גבי חרשו רשעים (11Q5 5,6) [האריכו למענותם
4	יְהוָ֥ה צַדִּ֑יק קִ֝צֵּ֗ץ עֲב֣וֹת רְשָׁעִֽים׃
	(11Q5 5,6) ]אדוני צדיק קצץ עבות רשעים
5	יֵ֭בֹשׁוּ וְיִסֹּ֣גוּ אָח֑וֹר כֹּ֝֗ל שֹׂנְאֵ֥י צִיּֽוֹן׃
	(11Q5 5,6) יבושו (11Q5 5,7) [ויסגו אחור כל ש]נאי ציון
6	יִ֭הְיוּ כַּחֲצִ֣יר גַּגּ֑וֹת שֶׁקַּדְמַ֖ת שָׁלַ֣ף יָבֵֽשׁ׃
	(11Q5 5,7) יהיו כחציר גגות שקדמת שלף (11Q5 5,8) יב[ש
7	שֶׁלֹּ֤א מִלֵּ֖א כַפּ֥וֹ קוֹצֵ֗ר וְחִצְנ֥וֹ מְעַמֵּֽר׃
	(4Q173 frg. 4,1) שלא] מ֯לא כפו קוצר֯ ו[חצנו מעמר (11Q5 5,8) שלוא מלא כפו קו]צר וחוצנו מעמר
8	וְלֹ֤א אָֽמְר֨וּ ׀ הָעֹבְרִ֗ים בִּרְכַּֽת־ יְהוָ֥ה אֲלֵיכֶ֑ם בֵּרַ֥כְנוּ אֶ֝תְכֶ֗ם בְּשֵׁ֣ם יְהוָֽה׃
	(4Q173 frg. 4,1) ולוא אמרו העברים] (4Q173 frg. 4,2) [ברכת י]הוה על[יכ]ם בר[כנו אתכם בשם יהוה --] (11Q5 5,8) שלוא אמרו העוברים (11Q5 5,9) בד[רך ברכת יהוה א]לוהיכמ עליכם ברכנו אתכם בשם יהוה (4Q87 frg. 26 ii,1) אמר֯[ו העוברים ברכת יהוה אליכם ברכנו אתכם בשם] (4Q87 frg. 26 ii,2) יהו֯[ה

130
1	שִׁ֥יר הַֽמַּעֲל֑וֹת מִמַּעֲמַקִּ֖ים קְרָאתִ֣יךָ יְהוָֽה׃
	(11Q5 5,10) שיר המעלות אדוני ממעמקים (11Q5 5,11) [קראתיך אדוני (4Q87 frg. 26 ii,2) שיר ה ] (4Q87 frg. 26 ii,3) ^עול[ות]ממ[עמקים קראתיכה יהוה (Ps 130,1) הַֽמַּעֲל֑וֹת מִמַּעֲמַקִּ֖ים קְרָאתִ֣יךָ יְהוָֽה׃
2	אֲדֹנָי֮ שִׁמְעָ֢ה בְק֫וֹלִ֥י תִּהְיֶ֣ינָה אָ֭זְנֶיךָ קַשֻּׁב֑וֹת לְ֝ק֗וֹל תַּחֲנוּנָֽי׃
	(11Q5 5,11) שמ]ע֯ה בקולי תהי נא אוזנכה קשובת לי (11Q5 5,12) [לקול תחנוני (4Q87 frg. 26 ii,3) אדוני שמעה בקולי תהי נא אזנכה] (4Q87 frg. 26 ii,4) קש֯[ובת לי לקול תחנוני
3	אִם־ עֲוֺנ֥וֹת תִּשְׁמָר־ יָ֑הּ אֲ֝דֹנָ֗י מִ֣י יַעֲמֹֽד׃
	(11Q5 5,12) אם עונות תש]מ֯ור יה אדוני מי יעמוד (4Q87 frg. 26 ii,4) אם עונות תשמור יה אדוני מי] (4Q87 frg. 26 ii,5) יע[מוד
4	כִּֽי־ עִמְּךָ֥ הַסְּלִיחָ֑ה לְ֝מַ֗עַן תִּוָּרֵֽא׃
	(11Q5 5,12) כי עמכה הסליחה (11Q5 5,13) [למען תורא (4Q87 frg. 26 ii,5) כי עמכה הסליחה למען תורא
5	קִוִּ֣יתִי יְ֭הוָה קִוְּתָ֣ה נַפְשִׁ֑י וְֽלִדְבָר֥וֹ הוֹחָֽלְתִּי׃
	(11Q5 5,13) קויתי יהו]ה קותה נפשי לדברו הוחלתי הוחילי (4Q87 frg. 26 ii,5) קויתי יהוה] (4Q87 frg. 26 ii,6) [קותה נפשי ולדברו הוחלתי הוחילי
6	נַפְשִׁ֥י לַֽאדֹנָ֑י מִשֹּׁמְרִ֥ים לַ֝בֹּ֗קֶר שֹׁמְרִ֥ים לַבֹּֽקֶר׃
	(11Q5 5,14) [נפשי לאדוני משומרים ל]בוקר שומרים לבוקר (4Q87 frg. 26 ii,6) נפשי לאדוני] (4Q87 frg. 26 ii,7) כש[ומרים לבוקר שומרים לבוקר -- ]
7	יַחֵ֥ל יִשְׂרָאֵ֗ל אֶל־ יְה֫וָה כִּֽי־ עִם־ יְהוָ֥ה הַחֶ֑סֶד וְהַרְבֵּ֖ה עִמּ֣וֹ פְדֽוּת׃
	(11Q5 5,14) יחל ישראל (11Q5 5,15) [אל יהוה כי עם יהוה ]החסד הרב עמו פדה
8	וְ֭הוּא יִפְדֶּ֣ה אֶת־ יִשְׂרָאֵ֑ל מִ֝כֹּ֗ל עֲוֺנֹתָֽיו׃
	(11Q5 5,15) הוא יפדה את (11Q5 5,16) [ישראל מכל עונתי]ו֯

131
1	שִׁ֥יר הַֽמַּֽעֲל֗וֹת לְדָ֫וִ֥ד יְהוָ֤ה ׀ לֹא־ גָבַ֣הּ לִ֭בִּי וְלֹא־ רָמ֣וּ עֵינַ֑י וְלֹֽא־ הִלַּ֓כְתִּי ׀ בִּגְדֹל֖וֹת וּבְנִפְלָא֣וֹת מִמֶּֽנִּי׃
	(11Q5 5,17) [שיר המעלות לדויד יה]ו֯ה֯[ …
2	אִם־ לֹ֤א שִׁוִּ֨יתִי ׀ וְדוֹמַ֗מְתִּי נַ֫פְשִׁ֥י כְּ֭גָמֻל עֲלֵ֣י אִמּ֑וֹ כַּגָּמֻ֖ל עָלַ֣י נַפְשִֽׁי׃
3	יַחֵ֣ל יִ֭שְׂרָאֵל אֶל־ יְהוָ֑ה מֵֽ֝עַתָּ֗ה וְעַד־ עוֹלָֽם׃

132
1	שִׁ֗יר הַֽמַּ֫עֲל֥וֹת זְכוֹר־ יְהוָ֥ה לְדָוִ֑ד אֵ֝ת כָּל־ עֻנּוֹתֽוֹ׃
2	אֲשֶׁ֣ר נִ֭שְׁבַּע לַיהוָ֑ה נָ֝דַ֗ר לַאֲבִ֥יר יַעֲקֹֽב׃
3	אִם־ אָ֭בֹא בְּאֹ֣הֶל בֵּיתִ֑י אִם־ אֶ֝עֱלֶ֗ה עַל־ עֶ֥רֶשׂ יְצוּעָֽי׃
4	אִם־ אֶתֵּ֣ן שְׁנַ֣ת לְעֵינָ֑י לְֽעַפְעַפַּ֥י תְּנוּמָֽה׃
5	עַד־ אֶמְצָ֣א מָ֭קוֹם לַיהוָ֑ה מִ֝שְׁכָּנ֗וֹת לַאֲבִ֥יר יַעֲקֹֽב׃
6	הִנֵּֽה־ שְׁמַֽעֲנ֥וּהָ בְאֶפְרָ֑תָה מְ֝צָאנ֗וּהָ בִּשְׂדֵי־ יָֽעַר׃
7	נָב֥וֹאָה לְמִשְׁכְּנוֹתָ֑יו נִ֝שְׁתַּחֲוֶ֗ה לַהֲדֹ֥ם רַגְלָֽיו׃
8	קוּמָ֣ה יְ֭הוָה לִמְנוּחָתֶ֑ךָ אַ֝תָּ֗ה וַאֲר֥וֹן עֻזֶּֽךָ׃
	(11Q5 6,1) למנוחתכה אתה וא[רון ]ע֯ו֯ז֯כ֯ה֯
9	כֹּהֲנֶ֥יךָ יִלְבְּשׁוּ־ צֶ֑דֶק וַחֲסִידֶ֥יךָ יְרַנֵּֽנוּ׃
	(11Q5 6,1) כוהניכה ילבשו צדק וחסידיכה (11Q5 6,2) ירננו
10	בַּ֭עֲבוּר דָּוִ֣ד עַבְדֶּ֑ךָ אַל־ תָּ֝שֵׁ֗ב פְּנֵ֣י מְשִׁיחֶֽךָ׃
	(11Q5 6,2) בעבור דויד עבדכה אל תשב ~~○○○~~ פני משיחכה
11	נִשְׁבַּֽע־ יְהוָ֨ה ׀ לְדָוִ֡ד אֱמֶת֮ לֹֽא־ יָשׁ֢וּב מִ֫מֶּ֥נָּה מִפְּרִ֥י בִטְנְךָ֑ אָ֝שִׁ֗ית לְכִסֵּא־ לָֽךְ׃
	(11Q5 6,2) נשבע (11Q5 6,3) יהוה לדויד [אמת ]ל[וא] ישוב ממנה כי מפרי בטנכה אשית (11Q5 6,4) על כסא לכה
12	אִֽם־ יִשְׁמְר֬וּ בָנֶ֨יךָ ׀ בְּרִיתִי֮ וְעֵדֹתִ֥י ז֗וֹ אֲלַ֫מְּדֵ֥ם גַּם־ בְּנֵיהֶ֥ם עֲדֵי־ עַ֑ד יֵ֝שְׁב֗וּ לְכִסֵּא־ לָֽךְ׃
	(11Q5 6,4) [אם י]שמ֯[ו]ר֯ו בניכה בריתי ועדוותי זה (11Q5 6,5) אלמדם גם בנ[יה]ם עודי עד יעלו לכסא לכה
13	כִּֽי־ בָחַ֣ר יְהוָ֣ה בְּצִיּ֑וֹן אִ֝וָּ֗הּ לְמוֹשָׁ֥ב לֽוֹ׃
	(11Q5 6,5) כי בחר (11Q5 6,6) יהוה בציון א[וה] למושב לו
14	זֹאת־ מְנוּחָתִ֥י עֲדֵי־ עַ֑ד פֹּֽה־ אֵ֝שֵׁ֗ב כִּ֣י אִוִּתִֽיהָ׃
	(11Q5 6,6) זואת מנוחתי עדי עד פה (11Q5 6,7) אשב כי אוית[יה]
15	צֵ֭ידָהּ בָּרֵ֣ךְ אֲבָרֵ֑ךְ אֶ֝בְיוֹנֶ֗יהָ אַשְׂבִּ֥יעַֽ לָֽחֶם׃
	(11Q5 6,7) [צידה] ברך אברך אביוניה אשביע (11Q5 6,8) לחם
16	וְֽ֭כֹהֲנֶיהָ אַלְבִּ֣ישׁ יֶ֑שַׁע וַ֝חֲסִידֶ֗יהָ רַנֵּ֥ן יְרַנֵּֽנוּ׃
	(11Q5 6,8) וכוהניה א[לבי]ש֯ה ישע וחסידיה ירננו
17	שָׁ֤ם אַצְמִ֣יחַ קֶ֣רֶן לְדָוִ֑ד עָרַ֥כְתִּי נֵ֝֗ר לִמְשִׁיחִֽי׃
	(11Q5 6,8) שם אצמיח (11Q5 6,9) קרן לדויד ער֯[כתי ]נ֯ר֯ למשיחי
18	א֭וֹיְבָיו אַלְבִּ֣ישׁ בֹּ֑שֶׁת וְ֝עָלָ֗יו יָצִ֥יץ נִזְרֽוֹ׃
	(11Q5 6,9) אויביו אלביש בושת ועליו (11Q5 6,10) יציץ נזרו

133
1	שִׁ֥יר הַֽמַּעֲל֗וֹת לְדָ֫וִ֥ד הִנֵּ֣ה מַה־ טּ֭וֹב וּמַה־ נָּעִ֑ים שֶׁ֖בֶת אַחִ֣ים גַּם־ יָֽחַד׃
	(11Q5 23,7) שיר המעלות לדויד הנה מה טוב ומה (11Q5 23,8) נעים שבת אחים גם יחד (11Q6 frg. 7a-e,2) שיר המעל]ות לדויד הנה מה֯ ט֯[וב ומה נעים שבת אחים] (11Q6 frg. 7a-e,3) [גם יחד
2	כַּשֶּׁ֤מֶן הַטּ֨וֹב ׀ עַל־ הָרֹ֗אשׁ יֹרֵ֗ד עַֽל־ הַזָּקָ֥ן זְקַֽן־ אַהֲרֹ֑ן שֶׁ֝יֹּרֵ֗ד עַל־ פִּ֥י מִדּוֹתָֽיו׃
	(11Q5 23,8) כשמן הטוב על הרואש (11Q5 23,9) יורד על הזקן זקן אהרון שירד על פי מדיו (11Q6 frg. 7a-e,3) כשמן] הטוב על הרואש[ יורד על הזקן זקן אהרון] (11Q6 frg. 7a-e,4) שיורד על פי מדיו
3	כְּטַל־ חֶרְמ֗וֹן שֶׁיֹּרֵד֮ עַל־ הַרְרֵ֢י צִ֫יּ֥וֹן כִּ֤י שָׁ֨ם ׀ צִוָּ֣ה יְ֭הוָה אֶת־ הַבְּרָכָ֑ה חַ֝יִּ֗ים עַד־ הָעוֹלָֽם׃
	(11Q5 23,9) כטל חרמון (11Q5 23,10) שיורד על הר ציון כי שמה צוה יהוה את הברכה עד (11Q5 23,11) עולם שלום על ישראל (11Q6 frg. 7a-e,4) כטל חרמון שיור[ד על הר ציון כי שמה צוה] (11Q6 frg. 7a-e,5) י[ה]וה את הברכה[ עד עו]לם …

134
1	שִׁ֗יר הַֽמַּ֫עֲל֥וֹת הִנֵּ֤ה ׀ בָּרֲכ֣וּ אֶת־ יְ֭הוָה כָּל־ עַבְדֵ֣י יְהוָ֑ה הָעֹמְדִ֥ים בְּבֵית־ יְ֝הוָ֗ה בַּלֵּילֽוֹת׃
	(11Q5 28,1) יהוה העומדים בבית יהוה בלילות
2	שְׂאֽוּ־ יְדֵכֶ֥ם קֹ֑דֶשׁ וּ֝בָרֲכוּ אֶת־ יְהוָֽה׃
	(11Q5 28,1) שאו ידיכם קודש וברכו (11Q5 28,2) את שם יהוה
3	יְבָרֶכְךָ֣ יְ֭הוָה מִצִיּ֑וֹן עֹ֝שֵׂ֗ה שָׁמַ֥יִם וָאָֽרֶץ׃
	(11Q5 28,2) יברככה יהוה מציו[ן] עושה שמים וארץ

135
1	הַ֥לְלוּ יָ֨הּ ׀ הַֽ֭לְלוּ אֶת־ שֵׁ֣ם יְהוָ֑ה הֽ͏ַ֝לְלוּ עַבְדֵ֥י יְהוָֽה׃
	(11Q5 14,7) הללו עבדי יהוה הללו את שם יהוה הללו יה
2	שֶׁ֣֭עֹֽמְדִים בְּבֵ֣ית יְהוָ֑ה בְּ֝חַצְר֗וֹת בֵּ֣ית אֱלֹהֵֽינוּ׃
	(11Q5 14,8) שעומדים בבית (11Q5 14,9) יהוה בחצרות בית אלוהינו ובתוכך ירושלים
3	הַֽ֭לְלוּ־ יָהּ כִּי־ ט֣וֹב יְהוָ֑ה זַמְּר֥וּ לִ֝שְׁמ֗וֹ כִּ֣י נָעִֽים׃
	(11Q5 14,10) הללו את יהוה כי טוב זמרו שמו כי נעים
4	כִּֽי־ יַעֲקֹ֗ב בָּחַ֣ר ל֣וֹ יָ֑הּ יִ֝שְׂרָאֵ֗ל לִסְגֻלָּתֽוֹ׃
	(11Q5 14,10) כי יעקוב (11Q5 14,11) בחר לו וישראל לסגולה
5	כִּ֤י אֲנִ֣י יָ֭דַעְתִּי כִּי־ גָד֣וֹל יְהוָ֑ה וַ֝אֲדֹנֵ֗ינוּ מִכָּל־ אֱלֹהִֽים׃
	(11Q5 14,11) לו אני ידעתי כי גדול יהוה (11Q5 14,12) ואלוהינו מכול אלוהים
6	כֹּ֤ל אֲשֶׁר־ חָפֵ֥ץ יְהוָ֗ה עָ֫שָׂ֥ה בַּשָּׁמַ֥יִם וּבָאָ֑רֶץ בַּ֝יַּמִּ֗ים וְכָל־ תְּהוֹמֽוֹת׃
	(11Q5 14,12) אשר חפץ יהוה עשה (11Q5 14,13) בשמים ובארץ … (11Q5 14,14) בימים ובכול תהומות (4Q92 1,1) [יהוה עשה בשמים ובארץ … בימים ובכל תהומות] (4Q95 frg. 1,1) [אשר חפץ יהוה עשה בשמים ובאר]ץ֯ … (4Q95 frg. 1,2) בימים ובכול תהו]מ֯ות
7	מַֽעֲלֶ֣ה נְשִׂאִים֮ מִקְצֵ֢ה הָ֫אָ֥רֶץ בְּרָקִ֣ים לַמָּטָ֣ר עָשָׂ֑ה מֽוֹצֵא־ ר֝וּחַ מֵאֽוֹצְרוֹתָֽיו׃
	(11Q5 14,14) מעלה (11Q5 14,15) נשיא֯[ים מ]קצה הארץ ברקים למטר עשה מוציא רוח (11Q5 14,16) [מאוצרותיו … (4Q92 1,2) [מעלה נשאים מקצה הארץ ברקים למטר עשה מוצא רוח ]מאצרתיו (4Q95 frg. 1,2) מעלה נשיאים [מקצה הארץ ברקים] (4Q95 frg. 1,3) [למטר עשה מוציא רוח מאוצר]ו֯תיו
8	שֶֽׁ֭הִכָּה בְּכוֹרֵ֣י מִצְרָ֑יִם מֵ֝אָדָ֗ם עַד־ בְּהֵמָֽה׃
	(4Q92 1,2) שהכה בכורי֯[ מצרים מאדם עד בהמה (4Q95 frg. 1,3) שהכה ב֯כורי מצרים[ מאדם עד בהמה]
9	שָׁלַ֤ח ׀ אֹת֣וֹת וּ֭מֹפְתִים בְּתוֹכֵ֣כִי מִצְרָ֑יִם בְּ֝פַרְעֹ֗ה וּבְכָל־ עֲבָדָֽיו׃
	(4Q92 1,2) שלח] (4Q92 1,3) [אתות ומפתים בתוככי מצרים בפרעה ובכל עבדיו (4Q95 frg. 1,4) [שלח אותות ומופתים בתוכיכי מצ]ר֯י֯ם֯ [בפרעוה ובכול עבדיו -- ]
10	שֶֽׁ֭הִכָּה גּוֹיִ֣ם רַבִּ֑ים וְ֝הָרַ֗ג מְלָכִ֥ים עֲצוּמִֽים׃
	(4Q92 1,3) שהכה גו]י֯ם רבים מלכים עצומים
11	לְסִיח֤וֹן ׀ מֶ֤לֶךְ הָאֱמֹרִ֗י וּ֭לְעוֹג מֶ֣לֶךְ הַבָּשָׁ֑ן וּ֝לְכֹ֗ל מַמְלְכ֥וֹת כְּנָֽעַן׃
	(4Q92 1,3) את סיחון מלך ה֯[אמר]י֯ (4Q92 1,4) [ולעוג מלך הבשן ולכל ממלכות כנען (4Q95 frg. 2-3,1) [לסיחון מלך האמורי ולעוג] מלך הב[שן ולכול] (4Q95 frg. 2-3,2) [ממלכות כנען
12	וְנָתַ֣ן אַרְצָ֣ם נַחֲלָ֑ה נַ֝חֲלָ֗ה לְיִשְׂרָאֵ֥ל עַמּֽוֹ׃
	(4Q92 1,4) ונתן ארצם נחלה נח]ל[ה ]ל[י]ש֯ר֯אל עמו (4Q95 frg. 2-3,2) ]ו֯נתן אר֯צ֯ם֯ נחל[ה ]ל[נו כי לעולם] (4Q95 frg. 2-3,3) [חסדו נחלה ]לישראל עמו כ[י לעולם חסדו]
13	יְ֭הוָה שִׁמְךָ֣ לְעוֹלָ֑ם יְ֝הוָ֗ה זִכְרְךָ֥ לְדֹר־ וָדֹֽר׃
	(4Q92 1,4) יהוה שמך לעולם (4Q92 1,5) [יהוה זכרך לדר ודר
14	כִּֽי־ יָדִ֣ין יְהוָ֣ה עַמּ֑וֹ וְעַל־ עֲ֝בָדָ֗יו יִתְנֶחָֽם׃
	(4Q92 1,5) כי ידין יהוה עמו ועל עבדיו יתנחם
15	עֲצַבֵּ֣י הַ֭גּוֹיִם כֶּ֣סֶף וְזָהָ֑ב מַ֝עֲשֵׂ֗ה יְדֵ֣י אָדָֽם׃
	(4Q92 1,5) עצבי הגוים כסף וזה]ב֯ מעשי ידי אדם
16	פֶּֽה־ לָ֭הֶם וְלֹ֣א יְדַבֵּ֑רוּ עֵינַ֥יִם לָ֝הֶ֗ם וְלֹ֣א יִרְאֽוּ׃
	(4Q92 1,5) פה
17	אָזְנַ֣יִם לָ֭הֶם וְלֹ֣א יַאֲזִ֑ינוּ אַ֝֗ף אֵין־ יֶשׁ־ ר֥וּחַ בְּפִיהֶֽם׃
	(11Q5 15,1) להם ולוא יאזינו ואין יש רוח בפיהם (Ps 135,17) אַ֝֗ף אֵין־ יֶשׁ־ ר֥וּחַ בְּפִיהֶֽם׃
18	כְּ֭מוֹהֶם יִהְי֣וּ עֹשֵׂיהֶ֑ם כֹּ֭ל אֲשֶׁר־ בֹּטֵ֣חַ בָּהֶֽם׃
	(11Q5 15,1) כמוהם יהיו עושיהם וכול (11Q5 15,2) אשר בטח בהם
19	בֵּ֣ית יִ֭שְׂרָאֵל בָּרֲכ֣וּ אֶת־ יְהוָ֑ה בֵּ֥ית אַ֝הֲרֹ֗ן בָּרֲכ֥וּ אֶת־ יְהוָֽה׃
	(11Q5 15,2) בית ישראל ברכו את יהוה בית אהרון (11Q5 15,3) ברכו את יהוה
20	בֵּ֣ית הַ֭לֵּוִי בָּרֲכ֣וּ אֶת־ יְהוָ֑ה יִֽרְאֵ֥י יְ֝הוָ֗ה בָּרֲכ֥וּ אֶת־ יְהוָֽה׃
	(11Q5 15,3) בית הלוי ברכו את יהוה יראי (11Q5 15,4) יהוה ברכו את יהוה
21	בָּ֘ר֤וּךְ יְהוָ֨ה ׀ מִצִיּ֗וֹן שֹׁ֘כֵ֤ן יְֽרוּשָׁלִָ֗ם הַֽלְלוּ־ יָֽהּ׃
	(11Q5 15,4) יברככה יהוה מציון שוכן (11Q5 15,5) ירושלים הללו יה

136
1	הוֹד֣וּ לַיהוָ֣ה כִּי־ ט֑וֹב כִּ֖י לְעוֹלָ֣ם חַסְדּֽוֹ׃
	(11Q5 15,6) הודו ליהוה כי טוב כי לעולם חסדו
2	ה֭וֹדוּ לֵֽאלֹהֵ֣י הָאֱלֹהִ֑ים כִּ֖י לְעוֹלָ֣ם חַסְדּֽוֹ׃
	(11Q5 15,6) הודו לאלוהי האלוהים (11Q5 15,7) כי לעולם חסדו
3	ה֭וֹדוּ לַאֲדֹנֵ֣י הָאֲדֹנִ֑ים כִּ֖י לְעֹלָ֣ם חַסְדּֽוֹ׃
	(11Q5 15,7) הודו לאדון האדונים כי לעולם חסדו
4	לְעֹ֘שֵׂ֤ה נִפְלָא֣וֹת גְּדֹל֣וֹת לְבַדּ֑וֹ כִּ֖י לְעוֹלָ֣ם חַסְדּֽוֹ׃
	(11Q5 15,8) לעושה נפלאות לבדו כי לעולם חסדו
5	לְעֹשֵׂ֣ה הַ֭שָּׁמַיִם בִּתְבוּנָ֑ה כִּ֖י לְעוֹלָ֣ם חַסְדּֽוֹ׃
	(11Q5 15,8) לעושה השמים (11Q5 15,9) בתבונה כי לעולם חסדו
6	לְרֹקַ֣ע הָ֭אָרֶץ עַל־ הַמָּ֑יִם כִּ֖י לְעוֹלָ֣ם חַסְדּֽוֹ׃
	(11Q5 15,9) לרוקע הארץ על המים כי (11Q5 15,10) לעולם חסדו
7	לְ֭עֹשֵׂה אוֹרִ֣ים גְּדֹלִ֑ים כִּ֖י לְעוֹלָ֣ם חַסְדּֽוֹ׃
	(11Q5 15,10) לעושה מאורות גדולים כי לעולם חסדו
8	אֶת־ הַ֭שֶּׁמֶשׁ לְמֶמְשֶׁ֣לֶת בַּיּ֑וֹם כִּ֖י לְעוֹלָ֣ם חַסְדּֽוֹ׃
	(11Q5 15,10) את … (11Q5 15,11) את השמש לממשלות יום (11Q5 15,12) כי לעולם חסדו
9	אֶת־ הַיָּרֵ֣חַ וְ֭כוֹכָבִים לְמֶמְשְׁל֣וֹת בַּלָּ֑יְלָה כִּ֖י לְעוֹלָ֣ם חַסְדּֽוֹ׃
	(11Q5 15,12) ירח וכוכבים לממשלות בלילה כי לעולם חסדו
10	לְמַכֵּ֣ה מִ֭צְרַיִם בִּבְכוֹרֵיהֶ֑ם כִּ֖י לְעוֹלָ֣ם חַסְדּֽוֹ׃
	(11Q5 15,13) למכה מצרים בבכוריהם כי לעולם חסדו
11	וַיּוֹצֵ֣א יִ֭שְׂרָאֵל מִתּוֹכָ֑ם כִּ֖י לְעוֹלָ֣ם חַסְדּֽוֹ׃
	(11Q5 15,13) ויוציא ישראל (11Q5 15,14) מתוכם כי לעולם חסדו
12	בְּיָ֣ד חֲ֭זָקָה וּבִזְר֣וֹעַ נְטוּיָ֑ה כִּ֖י לְעוֹלָ֣ם חַסְדּֽוֹ׃
	(11Q5 15,14) ביד חזקה ובאזרוע נטויה כי (11Q5 15,15) לעולם חסדו
13	לְגֹזֵ֣ר יַם־ ס֭וּף לִגְזָרִ֑ים כִּ֖י לְעוֹלָ֣ם חַסְדּֽוֹ׃
	(11Q5 15,15) לגוזר ים סוף לגזרים כי לעולם חסדו
14	וְהֶעֱבִ֣יר יִשְׂרָאֵ֣ל בְּתוֹכ֑וֹ כִּ֖י לְעוֹלָ֣ם חַסְדּֽוֹ׃
	(11Q5 15,15) והעבר (11Q5 15,16) ישראל בתוכו כי לעולם חסדו
15	וְנִ֘עֵ֤ר פַּרְעֹ֣ה וְחֵיל֣וֹ בְיַם־ ס֑וּף כִּ֖י לְעוֹלָ֣ם חַסְדּֽוֹ׃
	(11Q5 15,16) נער פרעוה וחילו בים (11Q5 15,17) [סוף כי] ל֯[עולם חסדו]
16	לְמוֹלִ֣יךְ עַ֭מּוֹ בַּמִּדְבָּ֑ר כִּ֖י לְעוֹלָ֣ם חַסְדּֽוֹ׃
	(11Q5 15,17) למוליך עמו ב[מד]בר כי ל[עו]ל[ם חסדו]
17	לְ֭מַכֵּה מְלָכִ֣ים גְּדֹלִ֑ים כִּ֖י לְעוֹלָ֣ם חַסְדּֽוֹ׃
18	וֽ͏ַ֭יַּהֲרֹג מְלָכִ֣ים אַדִּירִ֑ים כִּ֖י לְעוֹלָ֣ם חַסְדּֽוֹ׃
19	לְ֭סִיחוֹן מֶ֣לֶךְ הָאֱמֹרִ֑י כִּ֖י לְעוֹלָ֣ם חַסְדּֽוֹ׃
20	וּ֭לְעוֹג מֶ֣לֶךְ הַבָּשָׁ֑ן כִּ֖י לְעוֹלָ֣ם חַסְדּֽוֹ׃
21	וְנָתַ֣ן אַרְצָ֣ם לְנַחֲלָ֑ה כִּ֖י לְעוֹלָ֣ם חַסְדּֽוֹ׃
22	נַ֭חֲלָה לְיִשְׂרָאֵ֣ל עַבְדּ֑וֹ כִּ֖י לְעוֹלָ֣ם חַסְדּֽוֹ׃
23	שֶׁ֭בְּשִׁפְלֵנוּ זָ֣כַר לָ֑נוּ כִּ֖י לְעוֹלָ֣ם חַסְדּֽוֹ׃
	(4Q95 frg. 2-3,4) [שבשפלנו ]ז֯כ֯[ר] לנו כי לעו֯[לם חסדו]
24	וַיִּפְרְקֵ֥נוּ מִצָּרֵ֑ינוּ כִּ֖י לְעוֹלָ֣ם חַסְדּֽוֹ׃
	(4Q95 frg. 2-3,5) [ויפרקנו מצרינו כי ]ל֯[עו]לם֯[ חסדו -- ]
25	נֹתֵ֣ן לֶ֭חֶם לְכָל־ בָּשָׂ֑ר כִּ֖י לְעוֹלָ֣ם חַסְדּֽוֹ׃
26	ה֭וֹדוּ לְאֵ֣ל הַשָּׁמָ֑יִם כִּ֖י לְעוֹלָ֣ם חַסְדּֽוֹ׃
	(11Q5 16,1) כי לעולם חסדו …

137
1	עַ֥ל נַהֲר֨וֹת ׀ בָּבֶ֗ל שָׁ֣ם יָ֭שַׁבְנוּ גַּם־ בָּכִ֑ינוּ בְּ֝זָכְרֵ֗נוּ אֶת־ צִיּֽוֹן׃
	(11Q5 20,17) על נהרות בבבל שם ישב^נו ג֯[ם] בכ[ינו בזכרנו] את ציון
2	עַֽל־ עֲרָבִ֥ים בְּתוֹכָ֑הּ תָּ֝לִ֗ינוּ כִּנֹּרוֹתֵֽינוּ׃
3	כִּ֤י שָׁ֨ם שְֽׁאֵל֪וּנוּ שׁוֹבֵ֡ינוּ דִּבְרֵי־ שִׁ֭יר וְתוֹלָלֵ֣ינוּ שִׂמְחָ֑ה שִׁ֥ירוּ לָ֝֗נוּ מִשִּׁ֥יר צִיּֽוֹן׃
4	אֵ֗יךְ נָשִׁ֥יר אֶת־ שִׁיר־ יְהוָ֑ה עַ֝֗ל אַדְמַ֥ת נֵכָֽר׃
5	אִֽם־ אֶשְׁכָּחֵ֥ךְ יְֽרוּשָׁלִָ֗ם תִּשְׁכַּ֥ח יְמִינֽ͏ִי׃
6	תִּדְבַּ֥ק־ לְשׁוֹנִ֨י ׀ לְחִכִּי֮ אִם־ לֹ֢א אֶ֫זְכְּרֵ֥כִי אִם־ לֹ֣א אַ֭עֲלֶה אֶת־ יְרוּשָׁלַ֑͏ִם עַ֝֗ל רֹ֣אשׁ שִׂמְחָתֽ͏ִי׃
7	זְכֹ֤ר יְהוָ֨ה ׀ לִבְנֵ֬י אֱד֗וֹם אֵת֮ י֤וֹם יְֽרוּשָׁ֫לָ֥͏ִם הָ֭אֹ֣מְרִים עָ֤רוּ ׀ עָ֑רוּ עַ֝֗ד הַיְס֥וֹד בָּֽהּ׃
8	בַּת־ בָּבֶ֗ל הַשְּׁד֫וּדָ֥ה אַשְׁרֵ֥י שֶׁיְשַׁלֶּם־ לָ֑ךְ אֶת־ גְּ֝מוּלֵ֗ךְ שֶׁגָּמַ֥לְתְּ לָֽנוּ׃
9	אַשְׁרֵ֤י ׀ שֶׁיֹּאחֵ֓ז וְנִפֵּ֬ץ אֶֽת־ עֹלָלַ֗יִךְ אֶל־ הַסָּֽלַע׃
	(11Q5 21,1) ונפץ את עולליך אל הסלע

138
1	לְדָוִ֨ד ׀ אוֹדְךָ֥ בְכָל־ לִבִּ֑י נֶ֖גֶד אֱלֹהִ֣ים אֲזַמְּרֶֽךָּ׃
	(11Q5 21,1) לדויד אודכה (11Q5 21,2) יהוה בכול לבי נגד ~~יהוה~~ אלוהים אזמרכה
2	אֶשְׁתַּחֲוֶ֨ה אֶל־ הֵיכַ֪ל קָדְשְׁךָ֡ וְא֘וֹדֶ֤ה אֶת־ שְׁמֶ֗ךָ עַל־ חַסְדְּךָ֥ וְעַל־ אֲמִתֶּ֑ךָ כִּֽי־ הִגְדַּ֥לְתָּ עַל־ כָּל־ שִׁ֝מְךָ֗ אִמְרָתֶֽךָ׃
	(11Q5 21,2) אשתחוה (11Q5 21,3) אל היכל קודשכה ואודה את שמכה על חסדכה ועל אמתכה (11Q5 21,4) כי הגדלתה על כול שמכה אמרתכה
3	בְּי֣וֹם קָ֭רָֽאתִי וַֽתַּעֲנֵ֑נִי תַּרְהִבֵ֖נִי בְנַפְשִׁ֣י עֹֽז׃
	(11Q5 21,4) ביום קראתי ותענני (11Q5 21,5) תרהיבני בנפשי עז
4	יוֹד֣וּךָ יְ֭הוָה כָּל־ מַלְכֵי־ אָ֑רֶץ כִּ֥י שָׁ֝מְע֗וּ אִמְרֵי־ פִֽיךָ׃
	(11Q5 21,5) יודוך יהוה כול מלכי ארץ כי שמעו (11Q5 21,6) אמרי פיכה
5	וְ֭יָשִׁירוּ בְּדַרְכֵ֣י יְהוָ֑ה כִּ֥י גָ֝ד֗וֹל כְּב֣וֹד יְהוָֽה׃
	(11Q5 21,6) וישירו בדרכי יהוה כי גדול כבוד יהוה
6	כִּי־ רָ֣ם יְ֭הוָה וְשָׁפָ֣ל יִרְאֶ֑ה וְ֝גָבֹ֗הַּ מִמֶּרְחָ֥ק יְיֵדָֽע׃
	(11Q5 21,7) כי רם יהוה ושפל יראה וגבה ממרחק י֯ידע
7	אִם־ אֵלֵ֤ךְ ׀ בְּקֶ֥רֶב צָרָ֗ה תְּחַ֫יֵּ֥נִי עַ֤ל אַ֣ף אֹ֭יְבַי תִּשְׁלַ֣ח יָדֶ֑ךָ וְת֖וֹשִׁיעֵ֣נִי יְמִינֶֽךָ׃
	(11Q5 21,7) אם אלך (11Q5 21,8) בתוך צרה תחיני על אף אויבי תשלח ידכה ותושיעני (11Q5 21,9) ימינכה
8	יְהוָה֮ יִגְמֹ֢ר בַּ֫עֲדִ֥י יְ֭הוָה חַסְדְּךָ֣ לְעוֹלָ֑ם מַעֲשֵׂ֖י יָדֶ֣יךָ אַל־ תֶּֽרֶף׃
	(11Q5 21,9) יהוה יגמור בעדי יהוה חסדכה לעולם (11Q5 21,10) מעשי ידיכה אל תרף

139
1	לַ֭מְנַצֵּחַ לְדָוִ֣ד מִזְמ֑וֹר יְהוָ֥ה חֲ֝קַרְתַּ֗נִי וַתֵּדָֽע׃
2	אַתָּ֣ה יָ֭דַעְתָּ שִׁבְתִּ֣י וְקוּמִ֑י בַּ֥נְתָּה לְ֝רֵעִ֗י מֵרָחֽוֹק׃
3	אָרְחִ֣י וְרִבְעִ֣י זֵרִ֑יתָ וְֽכָל־ דְּרָכַ֥י הִסְכַּֽנְתָּה׃
4	כִּ֤י אֵ֣ין מִ֭לָּה בִּלְשׁוֹנִ֑י הֵ֥ן יְ֝הוָ֗ה יָדַ֥עְתָּ כֻלָּֽהּ׃
5	אָח֣וֹר וָקֶ֣דֶם צַרְתָּ֑נִי וַתָּ֖שֶׁת עָלַ֣י כַּפֶּֽכָה׃
6	פלאיה (פְּלִ֣יאָֽה) דַ֣עַת מִמֶּ֑נִּי נִ֝שְׂגְּבָ֗ה לֹא־ א֥וּכַֽל לָֽהּ׃
7	אָ֭נָ֥ה אֵלֵ֣ךְ מֵרוּחֶ֑ךָ וְ֝אָ֗נָה מִפָּנֶ֥יךָ אֶבְרָֽח׃
8	אִם־ אֶסַּ֣ק שָׁ֭מַיִם שָׁ֣ם אָ֑תָּה וְאַצִּ֖יעָה שְּׁא֣וֹל הִנֶּֽךָּ׃
	(11Q5 20,1) שאול הנכה
9	אֶשָּׂ֥א כַנְפֵי־ שָׁ֑חַר אֶ֝שְׁכְּנָ֗ה בְּאַחֲרִ֥ית יָֽם׃
	(11Q5 20,1) אשאה כנפי שחר אשכונה באחרית ים
10	גַּם־ שָׁ֭ם יָדְךָ֣ תַנְחֵ֑נִי וְֽתֹאחֲזֵ֥נִי יְמִינֶֽךָ׃
	(11Q5 20,1) שם (11Q5 20,2) ידכה תנחני ותאחזני ימינכה
11	וָ֭אֹמַר אַךְ־ חֹ֣שֶׁךְ יְשׁוּפֵ֑נִי וְ֝לַ֗יְלָה א֣וֹר בַּעֲדֵֽנִי׃
	(11Q5 20,2) ואומרה אך חושך ישופני (11Q5 20,3) ולילה אזור בעדי
12	גַּם־ חֹשֶׁךְ֮ לֹֽא־ יַחְשִׁ֢יךְ מִ֫מֶּ֥ךָ וְ֭לַיְלָה כַּיּ֣וֹם יָאִ֑יר כַּ֝חֲשֵׁיכָ֗ה כָּאוֹרָֽה׃
	(11Q5 20,3) גם חושך לוא יחשך ממכה ולילה (11Q5 20,4) כיום יאיר כחושך כאור
13	כִּֽי־ אַ֭תָּה קָנִ֣יתָ כִלְיֹתָ֑י תְּ֝סֻכֵּ֗נִי בְּבֶ֣טֶן אִמִּֽי׃
	(11Q5 20,4) כי אתה קניתה כליותי תסוכני בבטן (11Q5 20,5) אמי
14	אֽוֹדְךָ֗ עַ֤ל כִּ֥י נוֹרָא֗וֹת נִ֫פְלֵ֥יתִי נִפְלָאִ֥ים מַעֲשֶׂ֑יךָ וְ֝נַפְשִׁ֗י יֹדַ֥עַת מְאֹֽד׃
	(11Q5 20,5) אודכה על כי נורא אתה נפלאו֯ת נפלאים מעשיכה (11Q5 20,6) ונפשי ידעת מואדה
15	לֹא־ נִכְחַ֥ד עָצְמִ֗י מִ֫מֶּ֥ךָּ אֲשֶׁר־ עֻשֵּׂ֥יתִי בַסֵּ֑תֶר רֻ֝קַּ֗מְתִּי בְּֽתַחְתִּיּ֥וֹת אָֽרֶץ׃
	(11Q5 20,6) לוא נכחד עצבי ממכה אשר עשיתי֯ (11Q5 20,7) בסתר רוקמתי בתחתיות ארץ
16	גָּלְמִ֤י ׀ רָ֘א֤וּ עֵינֶ֗יךָ וְעַֽל־ סִפְרְךָ֮ כֻּלָּ֢ם יִכָּ֫תֵ֥בוּ יָמִ֥ים יֻצָּ֑רוּ ולא (וְל֖וֹ) אֶחָ֣ד בָּהֶֽם׃
	(11Q5 20,7) גלמי ראו עיניכה ועל (11Q5 20,8) ספריכה כולם יכתבו ימים יצרו ולו באח (11Q5 20,9) מהמה
17	וְלִ֗י מַה־ יָּקְר֣וּ רֵעֶ֣יךָ אֵ֑ל מֶ֥ה עָ֝צְמוּ רָאשֵׁיהֶֽם׃
	(11Q5 20,9) ולי מה יקרו רעיך אל על מה עצמו ר^אשיהם
18	אֶ֭סְפְּרֵם מֵח֣וֹל יִרְבּ֑וּן הֱ֝קִיצֹ֗תִי וְעוֹדִ֥י עִמָּֽךְ׃
	(11Q5 20,10) אספרם מחול ירבון הקיצותי ועוד עמכה
19	אִם־ תִּקְטֹ֖ל אֱל֥וֹהַּ ׀ רָשָׁ֑ע וְאַנְשֵׁ֥י דָ֝מִ֗ים ס֣וּרוּ מֶֽנִּי׃
	(11Q5 20,10) אם (11Q5 20,11) תקטול אלה רשע אנשי דמים סור מני
20	אֲשֶׁ֣ר יֹ֭אמְרֻךָ לִמְזִמָּ֑ה נָשֻׂ֖א לַשָּׁ֣וְא עָרֶֽיךָ׃
	(11Q5 20,11) אשר (11Q5 20,12) יאמרוך למזמה נשאו לשוא עריך
21	הֲלֽוֹא־ מְשַׂנְאֶ֖יךָ יְהוָ֥ה ׀ אֶשְׂנָ֑א וּ֝בִתְקוֹמְמֶ֗יךָ אֶתְקוֹטָֽט׃
	(11Q5 20,12) הלוא משנאיכה (11Q5 20,13) יהוה אשנא וממתקוממיכה ~~○○○○○~~ אתקוטט
22	תַּכְלִ֣ית שִׂנְאָ֣ה שְׂנֵאתִ֑ים לְ֝אוֹיְבִ֗ים הָ֣יוּ לִֽי׃
	(11Q5 20,14) תכלית שנאה שנאתים לאויבים היו לי
23	חָקְרֵ֣נִי אֵ֭ל וְדַ֣ע לְבָבִ֑י בְּ֝חָנֵ֗נִי וְדַ֣ע שַׂרְעַפָּֽי׃
	(11Q5 20,14) חקרני (11Q5 20,15) אל ודע לבי בחנני ודע סרעפי
24	וּרְאֵ֗ה אִם־ דֶּֽרֶךְ־ עֹ֥צֶב בִּ֑י וּ֝נְחֵ֗נִי בְּדֶ֣רֶךְ עוֹלָֽם׃
	(11Q5 20,15) וראה אם דרך (11Q5 20,16) עצב בי ונחני בדרך עולם

140
1	לַמְנַצֵּ֗חַ מִזְמ֥וֹר לְדָוִֽד׃
	(11Q5 27,12) למנצח מזמור לדויד
2	חַלְּצֵ֣נִי יְ֭הוָה מֵאָדָ֣ם רָ֑ע מֵאִ֖ישׁ חֲמָסִ֣ים תִּנְצְרֵֽנִי׃
	(11Q5 27,12) חלצני יהוה (11Q5 27,13) מאדם רע מ[א]יש חמסים תצרני
3	אֲשֶׁ֤ר חָשְׁב֣וּ רָע֣וֹת בְּלֵ֑ב כָּל־ י֝֗וֹם יָג֥וּרוּ מִלְחָמֽוֹת׃
	(11Q5 27,13) אשר חשבו רעות בלב כול (11Q5 27,14) היום יגרו [מ]ל[ח]מות
4	שָֽׁנֲנ֣וּ לְשׁוֹנָם֮ כְּֽמוֹ־ נָ֫חָ֥שׁ חֲמַ֥ת עַכְשׁ֑וּב תַּ֖חַת שְׂפָתֵ֣ימוֹ סֶֽלָה׃
	(11Q5 27,14) שננו לשונם כמו נחש חמת עכביש תחת (11Q5 27,15) [שפתימו סלה
5	שָׁמְרֵ֤נִי יְהוָ֨ה ׀ מִ֘ידֵ֤י רָשָׁ֗ע מֵאִ֣ישׁ חֲמָסִ֣ים תִּנְצְרֵ֑נִי אֲשֶׁ֥ר חָ֝שְׁב֗וּ לִדְח֥וֹת פְּעָמָֽי׃
	(11Q5 27,15) ]שומרני יהוה מידי רשע֯ מאיש[ חמסים תנצרני]
6	טָֽמְנֽוּ־ גֵאִ֨ים ׀ פַּ֡ח לִ֗י וַחֲבָלִ֗ים פָּ֣רְשׂוּ רֶ֭שֶׁת לְיַד־ מַעְגָּ֑ל מֹקְשִׁ֖ים שָֽׁתוּ־ לִ֣י סֶֽלָה׃
7	אָמַ֣רְתִּי לַ֭יהוָה אֵ֣לִי אָ֑תָּה הַאֲזִ֥ינָה יְ֝הוָ֗ה ק֣וֹל תַּחֲנוּנָֽי׃
8	יְהֹוִ֣ה אֲ֭דֹנָי עֹ֣ז יְשׁוּעָתִ֑י סַכֹּ֥תָה לְ֝רֹאשִׁ֗י בְּי֣וֹם נָֽשֶׁק׃
9	אַל־ תִּתֵּ֣ן יְ֭הוָה מַאֲוַיֵּ֣י רָשָׁ֑ע זְמָמ֥וֹ אַל־ תָּ֝פֵ֗ק יָר֥וּמוּ סֶֽלָה׃
10	רֹ֥אשׁ מְסִבָּ֑י עֲמַ֖ל שְׂפָתֵ֣ימוֹ יכסומו (יְכַסֵּֽמוֹ׃)
11	ימיטו (יִמּ֥וֹטוּ) עֲלֵיהֶ֗ם גֶּֽחָ֫לִ֥ים בָּאֵ֥שׁ יַפִּלֵ֑ם בְּ֝מַהֲמֹר֗וֹת בַּֽל־ יָקֽוּמוּ׃
12	אִ֥ישׁ לָשׁוֹן֮ בַּל־ יִכּ֢וֹן בָּ֫אָ֥רֶץ אִישׁ־ חָמָ֥ס רָ֑ע יְ֝צוּדֶ֗נּוּ לְמַדְחֵפֹֽת׃
13	ידעת (יָדַ֗עְתִּי) כִּֽי־ יַעֲשֶׂ֣ה יְ֭הוָה דִּ֣ין עָנִ֑י מִ֝שְׁפַּ֗ט אֶבְיֹנִֽים׃
14	אַ֣ךְ צַ֭דִּיקִים יוֹד֣וּ לִשְׁמֶ֑ךָ יֵשְׁב֥וּ יְ֝שָׁרִ֗ים אֶת־ פָּנֶֽיךָ׃

141
1	מִזְמ֗וֹר לְדָ֫וִ֥ד יְהוָ֣ה קְ֭רָאתִיךָ ח֣וּשָׁה לִּ֑י הַאֲזִ֥ינָה ק֝וֹלִ֗י בְּקָרְאִי־ לָֽךְ׃
2	תִּכּ֤וֹן תְּפִלָּתִ֣י קְטֹ֣רֶת לְפָנֶ֑יךָ מַֽשְׂאַ֥ת כַּ֝פַּ֗י מִנְחַת־ עָֽרֶב׃
3	שִׁיתָ֣ה יְ֭הוָה שָׁמְרָ֣ה לְפִ֑י נִ֝צְּרָ֗ה עַל־ דַּ֥ל שְׂפָתָֽי׃
4	אַל־ תַּט־ לִבִּ֨י לְדָבָ֪ר ׀ רָ֡ע לְהִתְע֘וֹלֵ֤ל עֲלִל֨וֹת ׀ בְּרֶ֗שַׁע אֶת־ אִישִׁ֥ים פֹּֽעֲלֵי־ אָ֑וֶן וּבַל־ אֶ֝לְחַ֗ם בְּמַנְעַמֵּיהֶֽם׃
5	יֶֽהֶלְמֵֽנִי־ צַדִּ֨יק ׀ חֶ֡סֶד וְֽיוֹכִיחֵ֗נִי שֶׁ֣מֶן רֹ֭אשׁ אַל־ יָנִ֣י רֹאשִׁ֑י כִּי־ ע֥וֹד וּ֝תְפִלָּתִ֗י בְּרָעוֹתֵיהֶֽם׃
	(11Q5 23,1) ויוכיחני שמן רואש אל יני רואשי כי עוד ו֯תלפתי֯ (11Q5 23,2) ברעותיהמה
6	נִשְׁמְט֣וּ בִֽידֵי־ סֶ֭לַע שֹׁפְטֵיהֶ֑ם וְשָׁמְע֥וּ אֲ֝מָרַ֗י כִּ֣י נָעֵֽמוּ׃
	(11Q5 23,2) נשמטו בידי סלע שופטיהם ו֯שמעו (11Q5 23,3) אמרי כי נעימו
7	כְּמ֤וֹ פֹלֵ֣חַ וּבֹקֵ֣עַ בָּאָ֑רֶץ נִפְזְר֥וּ עֲ֝צָמֵ֗ינוּ לְפִ֣י שְׁאֽוֹל׃
	(11Q5 23,3) כמו פלח ו֯בקע בארץ נפזרו עצמי לפי (11Q5 23,4) אשאול
8	כִּ֤י אֵלֶ֨יךָ ׀ יְהֹוִ֣ה אֲדֹנָ֣י עֵינָ֑י בְּכָ֥ה חָ֝סִ֗יתִי אַל־ תְּעַ֥ר נַפְשִֽׁי׃
	(11Q5 23,4) כי אליכה יהוה אדוני עיני בכה חסיתי אל (11Q5 23,5) תער נפשי
9	שָׁמְרֵ֗נִי מִ֣ידֵי פַ֭ח יָ֣קְשׁוּ לִ֑י וּ֝מֹקְשׁ֗וֹת פֹּ֣עֲלֵי אָֽוֶן׃
	(11Q5 23,5) שמורני מיד פח יקושו לי ומוקשות פועלי און
10	יִפְּל֣וּ בְמַכְמֹרָ֣יו רְשָׁעִ֑ים יַ֥חַד אָ֝נֹכִ֗י עַֽד־ אֶעֱבֽוֹר׃
	(11Q5 23,6) יפולו במכמריו רשעים יחד אנוכי עד אעב^ור (11Q6 frg. 7a-e,1) [רשעים יחד אנוכי עד ]אעבור

142
1	מַשְׂכִּ֥יל לְדָוִ֑ד בִּהְיוֹת֖וֹ בַמְּעָרָ֣ה תְפִלָּֽה׃
2	ק֭וֹלִי אֶל־ יְהוָ֣ה אֶזְעָ֑ק ק֝וֹלִ֗י אֶל־ יְהוָ֥ה אֶתְחַנָּֽן׃
3	אֶשְׁפֹּ֣ךְ לְפָנָ֣יו שִׂיחִ֑י צָ֝רָתִ֗י לְפָנָ֥יו אַגִּֽיד׃
4	בְּהִתְעַטֵּ֬ף עָלַ֨י ׀ רוּחִ֗י וְאַתָּה֮ יָדַ֢עְתָּ נְֽתִיבָ֫תִ֥י בְּאֹֽרַח־ ז֥וּ אֲהַלֵּ֑ךְ טָמְנ֖וּ פַ֣ח לִֽי׃
	(11Q5 25,1) לי
5	הַבֵּ֤יט יָמִ֨ין ׀ וּרְאֵה֮ וְאֵֽין־ לִ֢י מַ֫כִּ֥יר אָבַ֣ד מָנ֣וֹס מִמֶּ֑נִּי אֵ֖ין דּוֹרֵ֣שׁ לְנַפְשִֽׁי׃
	(11Q5 25,1) אביטה ימין ואראה ואין לי מכיר אבד מנוס ממני אין (11Q5 25,2) דורש לנפשי
6	זָעַ֥קְתִּי אֵלֶ֗יךָ יְה֫וָ֥ה אָ֭מַרְתִּי אַתָּ֣ה מַחְסִ֑י חֶ֝לְקִ֗י בְּאֶ֣רֶץ הַֽחַיִּים׃
	(11Q5 25,2) זעקתי אליכה יהוה אמרתי אתה מחסי (11Q5 25,3) חלקי בארץ החיים
7	הַקְשִׁ֤יבָה ׀ אֶֽל־ רִנָּתִי֮ כִּֽי־ דַלּ֢וֹתִ֫י מְאֹ֥ד הַצִּילֵ֥נִי מֵרֹדְפַ֑י כִּ֖י אָמְצ֣וּ מִמֶּֽנִּי׃
	(11Q5 25,3) הקשיבה אל רנתי כי דלותי מואדה (11Q5 25,4) הצילני מרודפי כי אמצו ממני
8	ה֘וֹצִ֤יאָה מִמַּסְגֵּ֨ר ׀ נַפְשִׁי֮ לְהוֹד֢וֹת אֶת־ שְׁ֫מֶ֥ךָ בִּ֭י יַכְתִּ֣רוּ צַדִּיקִ֑ים כִּ֖י תִגְמֹ֣ל עָלֽ͏ָי׃
	(11Q5 25,4) הוצא ממסגר נפשי להודות (11Q5 25,5) את שמכה בי יכתירו ○ צדיקים כי תגמול עלי

143
1	מִזְמ֗וֹר לְדָ֫וִ֥ד יְהוָ֤ה ׀ שְׁמַ֬ע תְּפִלָּתִ֗י הַאֲזִ֥ינָה אֶל־ תַּחֲנוּנַ֑י בֶּאֱמֻנָתְךָ֥ עֲ֝נֵ֗נִי בְּצִדְקָתֶֽךָ׃
	(11Q5 25,6) מזמור לדויד יהוה שמעה תפלתי (11Q5 25,7) האזינה אל תחנוני באמונתכה ענני בצדקתכה
2	וְאַל־ תָּב֣וֹא בְ֭מִשְׁפָּט אֶת־ עַבְדֶּ֑ךָ כִּ֤י לֹֽא־ יִצְדַּ֖ק לְפָנֶ֣יךָ כָל־ חָֽי׃
	(11Q5 25,7) ואל (11Q5 25,8) תבוא במשפט את עבדכה כי לוא יצדק לפניכה כול חי (4Q97 frg. 1-2,1) [את עבדך כי לא יצדק לפ]נ֯י֯ך֯[ כל חי
3	כִּ֥י רָ֘דַ֤ף אוֹיֵ֨ב ׀ נַפְשִׁ֗י דִּכָּ֣א לָ֭אָרֶץ חַיָּתִ֑י הוֹשִׁיבַ֥נִי בְ֝מַחֲשַׁכִּ֗ים כְּמֵתֵ֥י עוֹלָֽם׃
	(11Q5 25,8) כי (11Q5 25,9) ירדוף אויב נפשי דכ^אה לארץ חיתי הושיבני במחשכים (11Q5 25,10) כמיתי עולם (4Q97 frg. 1-2,1) כי רדף] (4Q97 frg. 1-2,2) [אויב נפשי דכא לארץ ]ח֯י֯ת֯י֯ ה֯ושיב֯ני ○מ֯[חשכים] (4Q97 frg. 1-2,3) [כמתי עולם
4	וַתִּתְעַטֵּ֣ף עָלַ֣י רוּחִ֑י בְּ֝תוֹכִ֗י יִשְׁתּוֹמֵ֥ם לִבִּֽי׃
	(11Q5 25,10) ותתעטף עלי רוחי בתוכי וישתומם לבבי (4Q97 frg. 1-2,3) ותתעטף ע]ל[י] רוחי֯ בת[וכי ישתומם] (4Q97 frg. 1-2,4) [לבי
5	זָ֘כַ֤רְתִּי יָמִ֨ים ׀ מִקֶּ֗דֶם הָגִ֥יתִי בְכָל־ פָּעֳלֶ֑ךָ בְּֽמַעֲשֵׂ֖ה יָדֶ֣יךָ אֲשׂוֹחֵֽחַ׃
	(11Q5 25,11) זכרתי ימים מקדם הגיתי ב^כול פועלכה במעשי ידיכה (11Q5 25,12) אשיחה (4Q97 frg. 1-2,4) זכרתי ימים מקדם הגיתי בכל פעלך במעשה] (4Q97 frg. 1-2,5) [ידיך אשוחח
6	פֵּרַ֣שְׂתִּי יָדַ֣י אֵלֶ֑יךָ נַפְשִׁ֓י ׀ כְּאֶֽרֶץ־ עֲיֵפָ֖ה לְךָ֣ סֶֽלָה׃
	(11Q5 25,12) פרשתי ידי א[ליכ]ה נפשי בארץ י ע^יפה לכה סלה (4Q97 frg. 1-2,5) ]פ֯רשתי֯ יד֯[י ]א֯[ליך נפשי כארץ עיפה] (4Q97 frg. 1-2,6) [לך סלה
7	מַ֘הֵ֤ר עֲנֵ֨נִי ׀ יְהוָה֮ כָּלְתָ֢ה ר֫וּחִ֥י אַל־ תַּסְתֵּ֣ר פָּנֶ֣יךָ מִמֶּ֑נִּי וְ֝נִמְשַׁ֗לְתִּי עִם־ יֹ֥רְדֵי בֽוֹר׃
	(11Q5 25,13) מהר ענני יהוה כ֯[לתה ]רוחי אל תסתר פניכה ממני (11Q5 25,14) ונמשלתי עם יור[די בור (4Q97 frg. 1-2,6) מהר ]ע֯נ֯נ֯י֯ יהוה כ֯ל֯תה רוח֯[י אל תסתר פניך] (4Q97 frg. 1-2,7) [ממני ונמשלתי עם ]י֯רדי ב֯ור
8	הַשְׁמִ֘יעֵ֤נִי בַבֹּ֨קֶר ׀ חַסְדֶּךָ֮ כִּֽי־ בְךָ֢ בָ֫טָ֥חְתִּי הוֹדִיעֵ֗נִי דֶּֽרֶךְ־ ז֥וּ אֵלֵ֑ךְ כִּֽי־ אֵ֝לֶיךָ נָשָׂ֥אתִי נַפְשִֽׁי׃
	(11Q5 25,14) ה]ש[מיענ]י בבוקר חסדכה (11Q5 25,15) [כי בכה בטחתי הודיעני דרך זו אלך כי] אליכה נשא[תי נפשי] (4Q97 frg. 1-2,7) הש[מיעני בבקר חסדך]
9	הַצִּילֵ֖נִי מֵאֹיְבַ֥י ׀ יְהוָ֗ה אֵלֶ֥יךָ כִסִּֽתִי׃
10	לַמְּדֵ֤נִי ׀ לַֽעֲשׂ֣וֹת רְצוֹנֶךָ֮ כִּֽי־ אַתָּ֢ה אֱל֫וֹהָ֥י רוּחֲךָ֥ טוֹבָ֑ה תַּ֝נְחֵ֗נִי בְּאֶ֣רֶץ מִישֽׁוֹר׃
11	לְמַֽעַן־ שִׁמְךָ֣ יְהוָ֣ה תְּחַיֵּ֑נִי בְּצִדְקָתְךָ֓ ׀ תּוֹצִ֖יא מִצָּרָ֣ה נַפְשִֽׁי׃
12	וּֽבְחַסְדְּךָ֮ תַּצְמִ֢ית אֹ֫יְבָ֥י וְֽ֭הַאֲבַדְתָּ כָּל־ צֹרֲרֵ֣י נַפְשִׁ֑י כִּ֝֗י אֲנִ֣י עַבְדֶּֽךָ׃

144
1	לְדָוִ֨ד ׀ בָּ֘ר֤וּךְ יְהוָ֨ה ׀ צוּרִ֗י הַֽמְלַמֵּ֣ד יָדַ֣י לַקְרָ֑ב אֶ֝צְבְּעוֹתַ֗י לַמִּלְחָמָֽה׃
	(11Q5 23,12) ברוך יהוה צורי המל^מד ידי לקרב ואצבעותי למלחמה (11Q6 frg. 7a-e,6) ברוך יהוה צו]רי המלמ[ד ידי לקרב ואצבעותי] (11Q6 frg. 7a-e,7) למלחמה
2	חַסְדִּ֥י וּמְצוּדָתִי֮ מִשְׂגַּבִּ֢י וּֽמְפַלְטִ֫י לִ֥י מָ֭גִנִּי וּב֣וֹ חָסִ֑יתִי הָרוֹדֵ֖ד עַמִּ֣י תַחְתָּֽי׃
	(11Q5 23,13) חסדי ומצודתי משגבי ומפלט לי מגני ובו חסיתי הרודד (11Q5 23,14) עמים תחתי (11Q6 frg. 7a-e,7) [חסדי ומצודתי משג]ב֯י ומפל[ט לי מגני ובו חסיתי הרודד] (11Q6 frg. 7a-e,8) עמ֯[ים תחתי -- ]
3	יְֽהוָ֗ה מָה־ אָ֭דָם וַתֵּדָעֵ֑הוּ בֶּן־ אֱ֝נ֗וֹשׁ וַֽתְּחַשְּׁבֵֽהוּ׃
	(11Q5 23,14) אלוהים מה אדם ותדעהו בן אנוש ות (11Q5 23,15) ותחושבהו
4	אָ֭דָם לַהֶ֣בֶל דָּמָ֑ה יָ֝מָ֗יו כְּצֵ֣ל עוֹבֵֽר׃
	(11Q5 23,15) אדם להבל דמה וימיו כצל עובר
5	יְ֭הוָה הַט־ שָׁמֶ֣יךָ וְתֵרֵ֑ד גַּ֖ע בֶּהָרִ֣ים וְֽיֶעֱשָֽׁנוּ׃
	(11Q5 23,15) אלוהים הט (11Q5 23,16) שמיכה ורד גע בה[רים ו]יעשנו
6	בְּר֣וֹק בָּ֭רָק וּתְפִיצֵ֑ם שְׁלַ֥ח חִ֝צֶּ֗יךָ וּתְהֻמֵּֽם׃
	(11Q5 23,16) ברק ברק ותפיצם שלח֯ חצ○○○ (11Q5 23,17) [ותהמם
7	שְׁלַ֥ח יָדֶ֗יךָ מִמָּ֫ר֥וֹם פְּצֵ֣נִי וְ֭הַצִּילֵנִי מִמַּ֣יִם רַבִּ֑ים מִ֝יַּ֗ד בְּנֵ֣י נֵכָֽר׃
	(11Q5 23,17) שלח ידי]כה ממרום פצני והציל[ני]
8	אֲשֶׁ֣ר פִּ֭יהֶם דִּבֶּר־ שָׁ֑וְא וִֽ֝ימִינָ֗ם יְמִ֣ין שָֽׁקֶר׃
9	אֱ‍ֽלֹהִ֗ים שִׁ֣יר חָ֭דָשׁ אָשִׁ֣ירָה לָּ֑ךְ בְּנֵ֥בֶל עָ֝שׂ֗וֹר אֲזַמְּרָה־ לָּֽךְ׃
10	הַנּוֹתֵ֥ן תְּשׁוּעָ֗ה לַמְּלָ֫כִ֥ים הַ֭פּוֹצֶה אֶת־ דָּוִ֥ד עַבְדּ֗וֹ מֵחֶ֥רֶב רָעָֽה׃
11	פְּצֵ֥נִי וְהַצִּילֵנִי֮ מִיַּ֢ד בְּֽנֵי־ נֵ֫כָ֥ר אֲשֶׁ֣ר פִּ֭יהֶם דִּבֶּר־ שָׁ֑וְא וִֽ֝ימִינָ֗ם יְמִ֣ין שָֽׁקֶר׃
12	אֲשֶׁ֤ר בָּנֵ֨ינוּ ׀ כִּנְטִעִים֮ מְגֻדָּלִ֢ים בִּֽנְעוּרֵ֫יהֶ֥ם בְּנוֹתֵ֥ינוּ כְזָוִיֹּ֑ת מְ֝חֻטָּב֗וֹת תַּבְנִ֥ית הֵיכָֽל׃
13	מְזָוֵ֣ינוּ מְלֵאִים֮ מְפִיקִ֥ים מִזַּ֗ן אֶ֫ל־ זַ֥ן צֹאונֵ֣נוּ מַ֭אֲלִיפוֹת מְרֻבָּב֗וֹת בְּחוּצוֹתֵֽינוּ׃
14	אַלּוּפֵ֗ינוּ מְֽסֻבָּ֫לִ֥ים אֵֽין־ פֶּ֭רֶץ וְאֵ֣ין יוֹצֵ֑את וְאֵ֥ין צְ֝וָחָ֗ה בִּרְחֹבֹתֵֽינוּ׃
15	אַשְׁרֵ֣י הָ֭עָם שֶׁכָּ֣כָה לּ֑וֹ אַֽשְׁרֵ֥י הָ֝עָ֗ם שֶׁיֲהוָ֥ה אֱלֹהָֽיו׃
	(11Q5 24,1) אשרי העם שככה לו אשרי העם אשר יהוה (11Q5 24,2) אלוהיו

145
1	תְּהִלָּ֗ה לְדָ֫וִ֥ד אֲרוֹמִמְךָ֣ אֱלוֹהַ֣י הַמֶּ֑לֶךְ וַאֲבָרֲכָ֥ה שִׁ֝מְךָ֗ לְעוֹלָ֥ם וָעֶֽד׃
	(11Q5 16,7) תפלה לדויד ארוממכה ~~יהוה~~ אלוהי המלך (11Q5 16,8) ואברכה שמכה לעולם ועד …
2	בְּכָל־ י֥וֹם אֲבָרֲכֶ֑ךָּ וַאֲהַלְלָ֥ה שִׁ֝מְךָ֗ לְעוֹלָ֥ם וָעֶֽד׃
	(11Q5 16,9) יום אברככה ואהללה שמכה לעולם ועד
3	גָּ֘ד֤וֹל יְהוָ֣ה וּמְהֻלָּ֣ל מְאֹ֑ד וְ֝לִגְדֻלָּת֗וֹ אֵ֣ין חֵֽקֶר׃
	(11Q5 16,10) ועד גדול יהוה ו^מהולל מואדה (11Q5 16,11) לגדולתו אין חקר …
4	דּ֣וֹר לְ֭דוֹר יְשַׁבַּ֣ח מַעֲשֶׂ֑יךָ וּגְב֖וּרֹתֶ֣יךָ יַגִּֽידוּ׃
	(11Q5 16,12) דור לדור ישבחו מעשיכה וגבורתיכה יגידו ברוך יהוה
5	הֲ֭דַר כְּב֣וֹד הוֹדֶ֑ךָ וְדִבְרֵ֖י נִפְלְאוֹתֶ֣יךָ אָשִֽׂיחָה׃
	(11Q5 16,13) הדר כבוד הודכה ידברו ונפלאותיכה (11Q5 16,14) אשיח …
6	וֶעֱז֣וּז נוֹרְאֹתֶ֣יךָ יֹאמֵ֑רוּ וגדולתיך (וּגְדוּלָּתְךָ֥) אֲסַפְּרֶֽנָּה׃
	(11Q5 16,14) לעולם ועד ועזוז (11Q5 16,15) נוראותיכה יואמרו וגדול^ותיכה אספר ברוך יהוה
7	זֵ֣כֶר רַב־ טוּבְךָ֣ יַבִּ֑יעוּ וְצִדְקָתְךָ֥ יְרַנֵּֽנוּ׃
	(11Q5 16,16) זכר רב טובכה [יביעו וצדקתכה ירננו]
8	חַנּ֣וּן וְרַח֣וּם יְהוָ֑ה אֶ֥רֶךְ אַ֝פַּ֗יִם וּגְדָל־ חָֽסֶד׃
9	טוֹב־ יְהוָ֥ה לַכֹּ֑ל וְ֝רַחֲמָ֗יו עַל־ כָּל־ מַעֲשָֽׂיו׃
10	יוֹד֣וּךָ יְ֭הוָה כָּל־ מַעֲשֶׂ֑יךָ וַ֝חֲסִידֶ֗יךָ יְבָרֲכֽוּכָה׃
11	כְּב֣וֹד מַלְכוּתְךָ֣ יֹאמֵ֑רוּ וּגְבוּרָתְךָ֥ יְדַבֵּֽרוּ׃
12	לְהוֹדִ֤יעַ ׀ לִבְנֵ֣י הָ֭אָדָם גְּבוּרֹתָ֑יו וּ֝כְב֗וֹד הֲדַ֣ר מַלְכוּתֽוֹ׃
13	מַֽלְכוּתְךָ֗ מַלְכ֥וּת כָּל־ עֹֽלָמִ֑ים וּ֝מֶֽמְשֶׁלְתְּךָ֗ בְּכָל־ דּ֥וֹר וָדֽוֹר׃
	(11Q5 17,1) מלכותכה מלכות כול עולמים וממשלתכה (11Q5 17,2) בכול דור ודור …
14	סוֹמֵ֣ךְ יְ֭הוָה לְכָל־ הַנֹּפְלִ֑ים וְ֝זוֹקֵ֗ף לְכָל־ הַכְּפוּפִֽים׃
	(11Q5 17,4) סומך יהוה לכול הנופלים וזוקף לכול (11Q5 17,5) הכפופים …
15	עֵֽינֵי־ כֹ֭ל אֵלֶ֣יךָ יְשַׂבֵּ֑רוּ וְאַתָּ֤ה נֽוֹתֵן־ לָהֶ֖ם אֶת־ אָכְלָ֣ם בְּעִתּֽוֹ׃
	(11Q5 17,5) לעולם ועד עיני (11Q5 17,6) כול אליכה ישברו ואתה נ^ותן להמה ^את אוכלמה בעתו
16	פּוֹתֵ֥חַ אֶת־ יָדֶ֑ךָ וּמַשְׂבִּ֖יעַ לְכָל־ חַ֣י רָצֽוֹן׃
	(11Q5 17,7) ועד פותח אתה את (11Q5 17,8) ידכה ומשביע לכול חי רצון …
17	צַדִּ֣יק יְ֭הוָה בְּכָל־ דְּרָכָ֑יו וְ֝חָסִ֗יד בְּכָל־ מַעֲשָֽׂיו׃
	(11Q5 17,9) צדיק יהוה בכול דרכיו וחסיד בכול (11Q5 17,10) מעשיו …
18	קָר֣וֹב יְ֭הוָה לְכָל־ קֹרְאָ֑יו לְכֹ֤ל אֲשֶׁ֖ר יִקְרָאֻ֣הוּ בֶאֱמֶֽת׃
	(11Q5 17,10) לעולם ועד קרוב יהוה (11Q5 17,11) וברוך שמו לעולם ועד יקראוהו באמונה ברוך יהוה
19	רְצוֹן־ יְרֵאָ֥יו יַעֲשֶׂ֑ה וְֽאֶת־ שַׁוְעָתָ֥ם יִ֝שְׁמַ֗ע וְיוֹשִׁיעֵֽם׃
	(11Q5 17,12) רצון יראיו יעשה ואת שועתמה (11Q5 17,13) ישמע ויושיעם …
20	שׁוֹמֵ֣ר יְ֭הוָה אֶת־ כָּל־ אֹהֲבָ֑יו וְאֵ֖ת כָּל־ הָרְשָׁעִ֣ים יַשְׁמִֽיד׃
	(11Q5 17,14) שומר יהוה את כול יראיו ואת כול הרשעים ישמיד
21	תְּהִלַּ֥ת יְהוָ֗ה יְֽדַבֶּ֫ר־ פִּ֥י וִיבָרֵ֣ךְ כָּל־ בָּ֭שָׂר שֵׁ֥ם קָדְשׁ֗וֹ לְעוֹלָ֥ם וָעֶֽד׃
	(11Q5 17,16) תהלת יהוה ידבר פי ויברך כול בשר את שם קודשו (11Q5 17,17) ברוך יהוה וברוך שמו לעולם ו[עד] זואת לזכרון

146
1	הַֽלְלוּ־ יָ֡הּ הַלְלִ֥י נַ֝פְשִׁ֗י אֶת־ יְהוָֽה׃
2	אֲהַלְלָ֣ה יְהוָ֣ה בְּחַיָּ֑י אֲזַמְּרָ֖ה לֵֽאלֹהַ֣י בְּעוֹדִֽי׃
3	אַל־ תִּבְטְח֥וּ בִנְדִיבִ֑ים בְּבֶן־ אָדָ֓ם ׀ שֶׁ֤אֵֽין ל֥וֹ תְשׁוּעָֽה׃
4	תֵּצֵ֣א ר֭וּחוֹ יָשֻׁ֣ב לְאַדְמָת֑וֹ בַּיּ֥וֹם הַ֝ה֗וּא אָבְד֥וּ עֶשְׁתֹּנֹתָֽיו׃
5	אַשְׁרֵ֗י שֶׁ֤אֵ֣ל יַעֲקֹ֣ב בְּעֶזְר֑וֹ שִׂ֝בְר֗וֹ עַל־ יְהוָ֥ה אֱלֹהָֽיו׃
6	עֹשֶׂ֤ה ׀ שָׁ֘מַ֤יִם וָאָ֗רֶץ אֶת־ הַיָּ֥ם וְאֶת־ כָּל־ אֲשֶׁר־ בָּ֑ם הַשֹּׁמֵ֖ר אֱמֶ֣ת לְעוֹלָֽם׃
7	עֹשֶׂ֤ה מִשְׁפָּ֨ט ׀ לָעֲשׁוּקִ֗ים נֹתֵ֣ן לֶ֭חֶם לָרְעֵבִ֑ים יְ֝הוָ֗ה מַתִּ֥יר אֲסוּרִֽים׃
8	יְהוָ֤ה ׀ פֹּ֘קֵ֤חַ עִוְרִ֗ים יְ֭הוָה זֹקֵ֣ף כְּפוּפִ֑ים יְ֝הוָ֗ה אֹהֵ֥ב צַדִּיקִֽים׃
9	יְהוָ֤ה ׀ שֹׁ֘מֵ֤ר אֶת־ גֵּרִ֗ים יָת֣וֹם וְאַלְמָנָ֣ה יְעוֹדֵ֑ד וְדֶ֖רֶךְ רְשָׁעִ֣ים יְעַוֵּֽת׃
	(11Q5 2,1) יתום ואלמנה יעודד ודרך[ רשעים יעות -- ]
10	יִמְלֹ֤ךְ יְהוָ֨ה ׀ לְעוֹלָ֗ם אֱלֹהַ֣יִךְ צִ֭יּוֹן לְדֹ֥ר וָדֹ֗ר הַֽלְלוּ־ יָֽהּ׃
	(11Q5 2,4) ימלוך יהוה[ לעולם אלוהיכה ציון לדוד] (11Q5 2,5) ודור הללו יה הללו יה]

147
1	הַ֥לְלוּ יָ֨הּ ׀ כִּי־ ט֭וֹב זַמְּרָ֣ה אֱלֹהֵ֑ינוּ כִּֽי־ נָ֝עִים נָאוָ֥ה תְהִלָּֽה׃
	(11Q5 frg. E ii,15) [הללו יה ] (11Q5 frg. E ii,16) [כי טוב זמרה אלוהינו כי נעים נאוה ת]הלה (4Q86 1,6) [הללו] י֯ה כי טוב זמרה אלהינו נ֯א֯[וה זמרה] (4Q86 1,7) [אל]ה֯[י]נו נאוה֯ נעים תהלה
2	בּוֹנֵ֣ה יְרוּשָׁלַ֣͏ִם יְהוָ֑ה נִדְחֵ֖י יִשְׂרָאֵ֣ל יְכַנֵּֽס׃
	(11Q5 frg. E ii,16) בונה ירושלים (4Q86 1,7) [בונה ירושלם] (4Q86 1,8) יהוה נדחי ישראל יכנס
3	הָ֭רֹפֵא לִשְׁב֣וּרֵי לֵ֑ב וּ֝מְחַבֵּ֗שׁ לְעַצְּבוֹתָֽם׃
	(4Q86 1,8) [הרפא לשבורי] (4Q86 1,9) לב ומחבש ל[ע]צ֯בתם[
4	מוֹנֶ֣ה מִ֭סְפָּר לַכּוֹכָבִ֑ים לְ֝כֻלָּ֗ם שֵׁמ֥וֹת יִקְרָֽא׃
	(4Q86 1,9) מונה מספר לכוכבים] (4Q86 1,10) ל[כ]ל[ם שמות יקרא -- ]
5	גָּד֣וֹל אֲדוֹנֵ֣ינוּ וְרַב־ כֹּ֑חַ לִ֝תְבוּנָת֗וֹ אֵ֣ין מִסְפָּֽר׃
6	מְעוֹדֵ֣ד עֲנָוִ֣ים יְהוָ֑ה מַשְׁפִּ֖יל רְשָׁעִ֣ים עֲדֵי־ אָֽרֶץ׃
7	עֱנ֣וּ לַיהוָ֣ה בְּתוֹדָ֑ה זַמְּר֖וּ לֵאלֹהֵ֣ינוּ בְכִנּֽוֹר׃
8	הַֽמְכַסֶּ֬ה שָׁמַ֨יִם ׀ בְּעָבִ֗ים הַמֵּכִ֣ין לָאָ֣רֶץ מָטָ֑ר הַמַּצְמִ֖יחַ הָרִ֣ים חָצִֽיר׃
9	נוֹתֵ֣ן לִבְהֵמָ֣ה לַחְמָ֑הּ לִבְנֵ֥י עֹ֝רֵ֗ב אֲשֶׁ֣ר יִקְרָֽאוּ׃
10	לֹ֤א בִגְבוּרַ֣ת הַסּ֣וּס יֶחְפָּ֑ץ לֹֽא־ בְשׁוֹקֵ֖י הָאִ֣ישׁ יִרְצֶֽה׃
11	רוֹצֶ֣ה יְ֭הוָה אֶת־ יְרֵאָ֑יו אֶת־ הַֽמְיַחֲלִ֥ים לְחַסְדּֽוֹ׃
12	שַׁבְּחִ֣י יְ֭רוּשָׁלִַם אֶת־ יְהוָ֑ה הַֽלְלִ֖י אֱלֹהַ֣יִךְ צִיּֽוֹן׃
13	כִּֽי־ חִ֭זַּק בְּרִיחֵ֣י שְׁעָרָ֑יִךְ בֵּרַ֖ךְ בָּנַ֣יִךְ בְּקִרְבֵּֽךְ׃
	(4Q86 2,1) [ש]ער֯[י]ך֯ ב֯[ר]ך בניך בקרבך
14	הַשָּׂם־ גְּבוּלֵ֥ךְ שָׁל֑וֹם חֵ֥לֶב חִ֝טִּ֗ים יַשְׂבִּיעֵֽךְ׃
	(4Q86 2,1) השם גב[ולך] (4Q86 2,2) שלום וחלב חטי[ם] ישביעך֯
15	הַשֹּׁלֵ֣חַ אִמְרָת֣וֹ אָ֑רֶץ עַד־ מְ֝הֵרָ֗ה יָר֥וּץ דְּבָרֽוֹ׃
	(4Q86 2,3) השלח אמרתו ארץ [ע]ד [מהרה ירו]ץ֯ (4Q86 2,4) ד[ברו]
16	הַנֹּתֵ֣ן שֶׁ֣לֶג כַּצָּ֑מֶר כְּ֝פ֗וֹר כָּאֵ֥פֶר יְפַזֵּֽר׃
	(4Q86 2,4) הנתן שלג֯[ כצמר כפור כאפר] (4Q86 2,5) [יפזר
17	מַשְׁלִ֣יךְ קַֽרְח֣וֹ כְפִתִּ֑ים לִפְנֵ֥י קָ֝רָת֗וֹ מִ֣י יַעֲמֹֽד׃
	(4Q86 2,5) ]משלי[ך קרחו כפתים לפני] (4Q86 2,6) [קרתו מי יעמד -- ]
18	יִשְׁלַ֣ח דְּבָר֣וֹ וְיַמְסֵ֑ם יַשֵּׁ֥ב ר֝וּח֗וֹ יִזְּלוּ־ מָֽיִם׃
	(11Q5 frg. E iii,5) ישלח דברו֯[ וימסם ישב רוחו יזלו מים (Mas1f 0,22) [ישלח דברו וימסם ישב רוחו] (Mas1f 0,23) [יזלו מים
19	מַגִּ֣יד דברו (דְּבָרָ֣יו) לְיַעֲקֹ֑ב חֻקָּ֥יו וּ֝מִשְׁפָּטָ֗יו לְיִשְׂרָאֵֽל׃
	(11Q5 frg. E iii,5) מגיד דבריו ליעקוב] (11Q5 frg. E iii,6) חוקיו ומשפטיו ל֯[ישראל (Mas1f 0,23) מגיד דברו ליעקב חקיו] (Mas1f 0,24) [ומשפטיו לישראל -- ]
20	לֹ֘א עָ֤שָׂה כֵ֨ן ׀ לְכָל־ גּ֗וֹי וּמִשְׁפָּטִ֥ים בַּל־ יְדָע֗וּם הַֽלְלוּ־ יָֽהּ׃
	(11Q5 frg. E iii,6) לוא עשה כן לכול גוי] (11Q5 frg. E iii,7) משפטים בל הודיעם[ הללו יה ] (4Q86 2,9) [לא עשה כן ל]כ֯ל֯ גוי ומ֯[שפטים] (4Q86 2,10) [בל ידעום ]הל֯לו יה

148
1	הַ֥לְלוּ יָ֨הּ ׀ הַֽלְל֣וּ אֶת־ יְ֭הוָה מִן־ הַשָּׁמַ֑יִם הֽ͏ַ֝לְל֗וּהוּ בַּמְּרוֹמִֽים׃
	(11Q5 2,6) הללו יהוה משמים הלל[והו במרומים
2	הֽ͏ַלְל֥וּהוּ כָל־ מַלְאָכָ֑יו הַֽ֝לְל֗וּהוּ כָּל־ צבאו (צְבָאָֽיו׃)
	(11Q5 2,6) הללוהו] (11Q5 2,7) כול מלאכיו הללוהו כול צבא[יו
3	הַֽ֭לְלוּהוּ שֶׁ֣מֶשׁ וְיָרֵ֑חַ הַ֝לְל֗וּהוּ כָּל־ כּ֥וֹכְבֵי אֽוֹר׃
	(11Q5 2,7) הללוהו שמש וירח] (11Q5 2,8) הללוהו כול כוכבי אור
4	הַֽ֭לְלוּהוּ שְׁמֵ֣י הַשָּׁמָ֑יִם וְ֝הַמַּ֗יִם אֲשֶׁ֤ר ׀ מֵעַ֬ל הַשָּׁמָֽיִם׃
	(11Q5 2,8) הללו[הו שמי השמים והמים] (11Q5 2,9) אשר מעל לשמים
5	יְֽ֭הַֽלְלוּ אֶת־ שֵׁ֣ם יְהוָ֑ה כִּ֤י ה֭וּא צִוָּ֣ה וְנִבְרָֽאוּ׃
	(11Q5 2,9) הללו את[ שם יהוה כי הוא] (11Q5 2,10) צוה ונבראו
6	וַיַּעֲמִידֵ֣ם לָעַ֣ד לְעוֹלָ֑ם חָק־ נָ֝תַ֗ן וְלֹ֣א יַעֲבֽוֹר׃
	(11Q5 2,10) ויעמידם לע[ד לעולם חוק נתן ולוא] (11Q5 2,11) יעבור
7	הַֽלְל֣וּ אֶת־ יְ֭הוָה מִן־ הָאָ֑רֶץ תַּ֝נִּינִ֗ים וְכָל־ תְּהֹמֽוֹת׃
	(11Q5 2,11) הללו את יהוה מ[ן הארץ תנינים וכול] (11Q5 2,12) תהומות
8	אֵ֣שׁ וּ֭בָרָד שֶׁ֣לֶג וְקִיט֑וֹר ר֥וּחַ סְ֝עָרָ֗ה עֹשָׂ֥ה דְבָרֽוֹ׃
	(11Q5 2,12) אש וברד שלג וק[יטור רוח סערה] (11Q5 2,13) עושה דברו
9	הֶהָרִ֥ים וְכָל־ גְּבָע֑וֹת עֵ֥ץ פְּ֝רִ֗י וְכָל־ אֲרָזִֽים׃
	(11Q5 2,13) ההרים וכול[ גבעות עץ פרי וכול] (11Q5 2,14) ארזים
10	הַֽחַיָּ֥ה וְכָל־ בְּהֵמָ֑ה רֶ֝֗מֶשׂ וְצִפּ֥וֹר כָּנָֽף׃
	(11Q5 2,14) החיה וכול בהמה [רמש וצפור כנף
11	מַלְכֵי־ אֶ֭רֶץ וְכָל־ לְאֻמִּ֑ים שָׂ֝רִ֗ים וְכָל־ שֹׁ֥פְטֵי אָֽרֶץ׃
	(11Q5 2,14) מלכי] (11Q5 2,15) אר֯[ץ] וכול לאומים שרים ו[כול שופטי ארץ
12	בַּחוּרִ֥ים וְגַם־ בְּתוּל֑וֹת זְ֝קֵנִ֗ים עִם־ נְעָרֽ͏ִים׃
	(11Q5 2,15) בחורים] (11Q5 2,16) [וגם בתו]לות זקנים עם נע[רים
13	יְהַלְל֤וּ ׀ אֶת־ שֵׁ֬ם יְהוָ֗ה כִּֽי־ נִשְׂגָּ֣ב שְׁמ֣וֹ לְבַדּ֑וֹ ה֝וֹד֗וֹ עַל־ אֶ֥רֶץ וְשָׁמָֽיִם׃
	(11Q5 2,16) יהללו את שם יהוה]
14	וַיָּ֤רֶם קֶ֨רֶן ׀ לְעַמּ֡וֹ תְּהִלָּ֤ה לְֽכָל־ חֲסִידָ֗יו לִבְנֵ֣י יִ֭שְׂרָאֵל עַֽם־ קְרֹב֗וֹ הַֽלְלוּ־ יָֽהּ׃
	(Ms.^B 21r,8) וירם קרן לעמו תהלה לכל חסידיו ׃ לבני ישראל עם קרבו _____ הללו יה ׃

149
1	הַ֥לְלוּ יָ֨הּ ׀ שִׁ֣ירוּ לַֽ֭יהוָה שִׁ֣יר חָדָ֑שׁ תְּ֝הִלָּת֗וֹ בִּקְהַ֥ל חֲסִידִֽים׃
2	יִשְׂמַ֣ח יִשְׂרָאֵ֣ל בְּעֹשָׂ֑יו בְּנֵֽי־ צִ֝יּ֗וֹן יָגִ֥ילוּ בְמַלְכָּֽם׃
3	יְהַֽלְל֣וּ שְׁמ֣וֹ בְמָח֑וֹל בְּתֹ֥ף וְ֝כִנּ֗וֹר יְזַמְּרוּ־ לֽוֹ׃
4	כִּֽי־ רוֹצֶ֣ה יְהוָ֣ה בְּעַמּ֑וֹ יְפָאֵ֥ר עֲ֝נָוִ֗ים בִּישׁוּעָֽה׃
5	יַעְלְז֣וּ חֲסִידִ֣ים בְּכָב֑וֹד יְ֝רַנְּנ֗וּ עַל־ מִשְׁכְּבוֹתָֽם׃
6	רוֹמְמ֣וֹת אֵ֭ל בִּגְרוֹנָ֑ם וְחֶ֖רֶב פִּֽיפִיּ֣וֹת בְּיָדָֽם׃
7	לַעֲשׂ֣וֹת נְ֭קָמָה בַּגּוֹיִ֑ם תּֽ֝וֹכֵחֹ֗ת בַּל־ אֻמִּֽים׃
	(11Q5 26,1) לעשות נקמה בגויים תוכחות בל אומים
8	לֶאְסֹ֣ר מַלְכֵיהֶ֣ם בְּזִקִּ֑ים וְ֝נִכְבְּדֵיהֶ֗ם בְּכַבְלֵ֥י בַרְזֶֽל׃
	(11Q5 26,1) לאסור מלכיהם (11Q5 26,2) בזקים ונכבדיהםה בכבלי ברזל
9	לַעֲשׂ֤וֹת בָּהֶ֨ם ׀ מִשְׁפָּ֬ט כָּת֗וּב הָדָ֣ר ה֭וּא לְכָל־ חֲסִידָ֗יו הַֽלְלוּ־ יָֽהּ׃
	(11Q5 26,2) לעשות בהם משפט כתוב (11Q5 26,3) הדר הוא לכול חסידיו לבני ישראל עם קודשו הללו יה

150
1	הַ֥לְלוּ יָ֨הּ ׀ הַֽלְלוּ־ אֵ֥ל בְּקָדְשׁ֑וֹ הֽ͏ַ֝לְל֗וּהוּ בִּרְקִ֥יעַ עֻזּֽוֹ׃
	(11Q5 26,4) הללו אל בקודשו הללוהו ברקיע עוזו (Mas1f 1,2) הללו אל בקדשו הללוהו (Mas1f 1,3) ברקיע עזו
2	הַֽלְל֥וּהוּ בִגְבוּרֹתָ֑יו הֽ͏ַ֝לְל֗וּהוּ כְּרֹ֣ב גֻּדְלֽוֹ׃
	(11Q5 26,4) הללוהו (11Q5 26,5) בגבורותיו הללוהו כרוב גודלו (Mas1f 1,3) הללה[ו בגבר]ת֯יו (Mas1f 1,4) הללהו כרב גדלו
3	הַֽ֭לְלוּהוּ בְּתֵ֣קַע שׁוֹפָ֑ר הַֽ֝לְל֗וּהוּ בְּנֵ֣בֶל וְכִנּֽוֹר׃
	(11Q5 26,5) הללוהו בתקוע שופר הללוהו (11Q5 26,6) בנבל וכנור (Mas1f 1,4) [הללהו] (Mas1f 1,5) ב֯תקע שפר֯[ הללהו בנבל] (Mas1f 1,6) [וכנור ]
4	הַֽ֭לְלוּהוּ בְּתֹ֣ף וּמָח֑וֹל הַֽ֝לְל֗וּהוּ בְּמִנִּ֥ים וְעוּגָֽב׃
	(11Q5 26,6) הללוהו בתוף ומחול הללוהו במנים ועוגב (Mas1f 2,1) [הלל]הו בתף ו[מ]חול הללהו (Mas1f 2,2) ב֯[מ]נ֯ים ועוגב
5	הַֽלְל֥וּהוּ בְצִלְצְלֵי־ שָׁ֑מַע הַֽ֝לְל֗וּהוּ בְּֽצִלְצְלֵ֥י תְרוּעָֽה׃
	(11Q5 26,7) הללוהו בצלצלי שמע הללוהו בצלצלי תרועה (Mas1f 2,2) הללהו בצלצלי (Mas1f 2,3) שמע הללהו בצלצלי תרועה
6	כֹּ֣ל הַ֭נְּשָׁמָה תְּהַלֵּ֥ל יָ֗הּ הַֽלְלוּ־ יָֽהּ׃
	(11Q5 26,7) כול הנשמות (11Q5 26,8) תהלל יה הללו יה (Mas1f 2,4) כל הנ֯[שמה ]ת֯הלל[ יה הללו יה]