1
1	[ויקרא]
2	משה
3	אל כל
4	ראל ויאמר
5	אלהם שמעה
6	ישראל את החקים
7	ו[א]ת המשפטים אשר
8	א[נכי ד]בר באזניכם היום ה[זה]
9	ולמדתם אתם [ו]שמרתם לעשותם יהוה אלהינו כרת עמנו ברית בחר[ב]
10	לא את אבתינו כרת יהוה את הברית הזאת כי אתנו אנחנו אלה פה
11	היום כלנו חיים פנים בפנים דבר יהוה עמכם בהר מתוך האש אנכי
12	עמד בין יהוה וביניכם בעת ההיא להגיד לכם את דבר יהוה כ[י ]
13	אתם מפני האש ולא עליתם בהר ל[א]מר אנכי יהוה אלהיך א[ש]ר
14	הוציאתך מארץ מצרים מבית עבדים לא יהיה לך אלהים אחר[ים]
15	על פני לא תעשה לך פסל וכל תמונה אשר בשמים ממעל אשר ב[אר]ץ
16	מתחת אשר המים מתחת לארץ לא תשתחוה להם ולא תעבדם כי אנכי
17	יהוה אלהיך אל קנא פקד עון אבות על בנים על שלשים ועל רבעים לשנאי
18	ועשה חסד לאלפים לאהבי ולשמרי מצותי לא תשא את שם יהוה
19	אלהיך לשוא כי לא ינקה יהוה את אשר ישא את שמו לשוא שמור את
20	יום השבת לקדשו כאשר צוך יהוה אלהיך ששת ימים תעבד ועשיתה
21	כל מלאכתך וביום השביעי שבת ליהוה אלהיך לא תעשה כל
22	מלאכה אתה ובנך ובתך ועבדך ואמתך שורך וחמרך וכל בהמתך וגרך
23	אשר בשעריך למען ינוח עבדך ואמתך כמוך וזכרת כי עבד היית
24	בארץ מצרים ויוצאך יהוה אלהיך משם וביד חזקה ובאזרוע
25	נטויה על כן צוך יהוה אלהיך לעשות את יום השבת כבד את אביך ואת
26	אמך כאשר צוך יהוה אלהיך למען יאריכון ימיך ולמען ייטב
27	לך על האדמה אשר יהוה אלהיך נתן לך לא תרצח לא תנאף לא
28	תגנב לא תענה ברעך עד שקר לא תחמד אשת רעך לא תחמד בית רעך
29	שדהו עבדו ואמתו שורו וחמרו כל אשר לרעך והיה כי יביאך
30	יהוה אל ארץ הכנעני כאשר נשבע לך ולאבתיך ונתנה לך והעברת כל
31	פטר רחם ליהוה וכל פטר שגר בהמה אשר יהיה לך הזכרים ליהוה וכל
32	פטר חמר [ת]פדה בשה ואם לא תפדה וערפתו וכל בכור אדם בבניך תפדה
33	והיה כי ישאלך בנך מחר לאמר מה זאת ואמרת אליו בחזק יד הוציאנו
34	יהוה ממצרים מבית עבדים ויהי כי הקשה פרעה לשלחנו ויהרג
35	יהוה כל בכור בארץ מצרים מבכר אדם ועד בכור בהמה על כן אני זבח ליהוה
36	כל פטר רחם הזכרים וכל בכור בני אפדה והיה לאות על ידכה ולט[ו]טפת
37	בין עיניך כי בחזק יד הוציאנו יהוה ממצרים