| 1 | את הדברים האלה דבר יהוה עם כל קהלכם בהר מתוך האש חשך ענן וערפל |
| 2 | קול גדול לא יוסף ויכתבם על שני לחות אבנים ויתנם אלי ויהי כשמעכם את |
| 3 | הקול מתוך החשך וההר בוער באש ותקרבון אלי כל ראשי שבטיכם וזקניכם [ותאמ]רו |
| 4 | הן הראנו יהוה אלהינו את כבודו ואת גדלו ואת קולו שמענו מתוך האש |
| 5 | היום הזה ראינ[ו] כי ידבר אלהים את האדם וחי ועתה למה נמות כי תאכלנו |
| 6 | האש הגדולה ה[זא]ת אם יספים אנחנו לשמוע את קול יהוה אלהינו |
| 7 | עוד ומתתנו כי מי כל בשר אשר שמע קול אלהים חיים מדבר מתוך האש |
| 8 | כמנו ויחי קרב אתה ושמע את כל אשר יאמר יהוה אלהינו ואתה תדבר |
| 9 | אלינו את כל אשר ידבר יהוה אלהינו אליך ושמענו ועשינו וישמע יהוה |
| 10 | את קול דבריכם בדברכם אלי ויאמר יהוה אלי שמעתי את קול דברי העם |
| 11 | הזה אשר דברו אליך היטבו כל אשר דברו מי יתן והיה לבבם זה להם ליראה |
| 12 | אתי ולשמר מצותי כל הימים למען ייטב להם ולבניהם לעלם לך אמר |
| 13 | להם שובו לכם לאהליכם ואתה פה עמד עמדי ואדברה אליך את כל המצוה |
| 14 | והחקים והמש[פ]טים אשר תלמדם ועשו בארץ אשר אנכי נתן להם |
| 15 | לרשתה ושמרתם לעשות ככל אשר צוה יהוה אלהיכם אתכם לא תסורו |
| 16 | ימין ושמאול בכל הדרך אשר צוה יהוה אלהיכם אתכם תלכו למען תחיו[ן] |
| 17 | וטוב לכם והארכתם ימים בארץ אשר תירשון זאת המצוה והחקים וה |
| 18 | שפטיםאשר צוה יהוה אלהיכם ללמד אתכם לעשות בארץ אשר אתם |
| 19 | באים שמה לרשתה ולמען תירא את יהוה אלהיך לשמר חקתיו ומצותיו |
| 20 | ומשפטיו אשר אנכי מצוך היום אתה ובנך ובן בנך כל ימי חייך ולמען |
| 21 | יאריכון ימיך ושמעתה ישראל ושמרתה לעשות אשר ייטב לך ואש[ר] |
| 22 | תרבה מאד כאשר דבר יהוה אלהי אבותיך לך ארץ זבת חלב ודבש |
| 23 | שמע ישראל יהוה אלהינו יהוה אחד ואהבת את יהוה אלהיך בכל לבבך |
| 24 | ובכל נפשך ובכל מאדך והיו הדברים האלה אשר אנכי מצוך היום על לבבך |
| 25 | ושננתם לבניך ודברת בם בשבתך בביתך ובלכתך בדרך ובשכבך ובקומך |
| 26 | וקשרתם לאות על ידך והיו לטטפת בין עיניך וכתבתם על מזוזות ביתך ובשעריך |