| 1 | וידבר יהוה אל משה לאמר קדש לי כל בכ֯ו֯ר֯ בבני ישראל באדם ובה בהם לי הוא ויאמר משה אל העם זכר את היום הז֯ה אשר יצאתם ממצרים מבית עבדים כי בחזק יד הוציא יהוה אתכם מזה ולא יאכל חמץ היום אתם |
| 2 | יציאים בחדש האביב ››פטר כל רחם‹‹ והיה כי יביאך יהוה אל ארץ הכנעני והחתי והאמרי והחוי והיבוסי אשר נשבע לאבותך לתת לך ארץ זבת חלב ודבש ועבדת את העבדה הזת בחדש הזה שבעת ימים |
| 3 | תאכל מצת וביום השבעי חג ליהוה מצות יאכל את שבעת הימים ולא ירארה לך חמץ ולא יראה שאר בכל גבלך והגדת לבנך ביום ההוא בעבור זה עשה יהוה לי בצאתי ממצרים והיה לך לאות על י֯ד֯י֯ך֯ |
| 4 | ולאזכרון בין עיניך למען תהיה תרות יהוה בפיך כי ביד חזקה הציאך יהוה ממצרים ושמרת את החקה הזת למועדה מימים ימימה והיה כי יבאך יהוה אל ארץ הכנעני כאשר נשבע֯ לך |
| 5 | ולאבותך ונתנה לך והעברת כל פטר רחם ליהוה וכל פטר שגר בהמה אשר יהיה הזכרים ליהוה וכל פטר חמר תפדה בשה ואם לא תפדה וערפתו וכל בכור אדם בבנך תפדה ויהיה כי |
| 6 | ישאלך בנך מחר לאמר מא זת ואמרת א֯ל֯י֯ו֯ ב֯ח֯ז֯ק֯ י֯ד֯ ה֯ו֯צ֯י֯א֯נ֯ו֯ יהוה ממצרים ויהי כי הקשה פרעה לשלחנו ויהרג יהוה כל בכור בארץ מצרים מבכר אדם עד בכר בהמה על כן אני זבח ליהוה |
| 7 | כל פטר רחם הזכרים וכל בכור בני אפדה [ו]ה֯יה לאו֯ת על י֯ד֯כ֯ה ולטוטפת בין עיניך כי בחזק יד הציאנו יהוה ממצרים |
| 8 | שמע ישראל יהוה אחד ואהבת֯ א֯ת֯ י֯ה֯ו֯ה֯ א֯ל֯היך בכל לבבך ו֯ב֯כ֯ל֯ נ֯פשך ובכל מאדך והיו הדברים האלה אשר אנכי מ○צוך היום על לבבך וש֯ננת לבנך ודברת בם בשבתך בביתך ובלכת |
| 9 | בדרך ובשכבך ובקומך וקשרתם לאות על ידיך והיו לטטפת בין עיניך וכתבתם על מזוזת |
| 10 | ביתך ובשערך והיה אם שמע תשמעו אל מצותי אשר אנוכי מצוה |
| 11 | אתכם היום֯ ל֯א֯הבה את יהוה אלהיכם ולעבדו בכל לבבך○ ונתתי מטר |
| 12 | ארצכם בעתו ויורה ומלקוש ואספת ד֯גנך ותירשך ויצהרך ונתתי עשב בשדך |
| 13 | לבהמתך ואכלת ושבעת השמרו לכם פן יפתה לבבכם |
| 14 | ושרתם ועבדתם אלהים אחרים והשתחויתם |
| 15 | להם וחרה אף יהוה בכם ועצר את |