| 1 | [ועתה ישראל מה יהוה אלהיך שאל מעמך כי אם ליראה את] |
| 2 | [יהוה אלהיך ללכת בכל דרכיו ולאהבה אתו ולעבד את יהוה אל]היך |
| 3 | [בכל לבבך ובכל נפשך לשמר את מצות יה]וה אלהיך ואת חק[תיו ]אשר אנכי |
| 4 | [מצוך היום לטוב לך הן ליהוה אלהיך השמי]ם ו[ש]מ֯י֯ ה[שמי]ם ה[א]רץ[ וכל] |
| 5 | [אשר בה רק באבתיך חשק יהוה לאהבה או]תם ויבחר בזרעם אחריהם |
| 6 | [בכם מכל העמים כיום הזה ומלת]ם את ערלות לבבכם וערפכם לא |
| 7 | [תקשו עוד כי יהוה אלהיכם הוא אלה]י האלהים ואדני האדנים ה[אל] |
| 8 | [הגדל הגבר והנורא אשר לא ישא פנים ]ולא יקח שחד עשה מש[פט] |
| 9 | [יתום ואלמנה ואהב גר לתת לו לחם ושמלה ואהבת]ם[ א]ת הגר כי |
| 10 | [גרים הייתם בארץ מצרים את יה]וה[ אל]היך תירא ואתו תעבוד ובו |
| 11 | [תדבק ובשמו תשבע הוא תה]לתך והוא אלהיך אשר עשה אותך |
| 12 | [את הגדלת ואת הנוראת האלה ]אשר ראו עיניך כי בשבעים נפש |
| 13 | [ירדו אבתיך מצרימה ועתה שמך ]יהוה אלהיך[ כ]ככבי השמים לרב |
| 14 | [ואהבת את יהוה אלהיך ושמרת משמרתו וחקתיו ו]מצותיו ומשפ[טיו] |
| 15 | [כל הימים וידעתם היום כי לא את בני]כם אשר לא ידעו ואשר לא ראו את מוסר |
| 16 | [יהוה אלהיכם את גדל]ו ואת ידו החזקה ואזרעו הנטויה את |
| 17 | [אתתיו ואת מעשיו אשר עשה בתוך מצ]ר֯[י]ם לפרעה מלך מצרים ולכל |
| 18 | א[ר]צו וא[שר ]עשה יהוה לחיל מצרים לסוסו ולרכבו ולפר[שיו] |
| 19 | [אשר הצי]ף֯ א֯ת֯[ מי ים סוף ע]ל פניהם ברדפם אחריכם ויאבדם יהוה עד היום |
| 20 | [הזה ואשר עשה לכם במדבר עד באכם עד המקום הזה ואשר ]עשה לדתן |
| 21 | [ולאבירם בני אליאב בן ראובן אשר פצת]ה֯ הארץ את פיה ותבלעם ואת |
| 22 | [בתיהם ואת אהליהם ואת כל ה]אדם אשר לקרח ואת כל היקום אשר |
| 23 | [ברגליהם בקרב כל ישראל כי עיניכם ה]ר֯אות את כול מעשי יהוה הגדלים |
| 24 | [אשר עש]ה אתכם ה֯[יום וש]מרתם[ את ]כל החקים והמשפטים אשר אנכי |
| 25 | [מצוה אתכ]ם היום למען תחזקו ורביתם ובאתם וירשתם את הארץ אש[ר] |
| 26 | [אתם עברים שמה ]לרשתה ולמען תאריכו[ ימים ]על האדמה אשר נשב[ע] |
| 27 | [יהוה לאבתיכם לתת להם ולזרעם ארץ זבת חלב ]ודבש כי הארץ |
| 28 | [אשר אתה בא שמה לרשתה לא כארץ ]מצרים היא אשר יצאתם משם |
| 29 | [אשר תזרע את זרעך והשקית ]בר֯גלך כגן הירק והארץ אשר אתם באים |
| 30 | [שמה לרשתה ארץ הרים ובק]ע֯ת למטר השמים תשתה מים ארץ אשר |
| 31 | יהוה אלוה[י]ך דר[ש אתה תמיד עיני יהוה א]ל[הי]ך בה מראשית שנה עד אח[ר]ית |
| 32 | [ש]נה ו֯ה֯[יה אם שמע תשמ]עו אל מצותי אשר אנכי מצוה אתכם היום |
| 33 | [לאה]בה את יהוה אלה֯[י]כ֯ם ולעבדו בכל לבבכם ובכל נפשכם ונתן מטר ארצכם |
| 34 | [בעתו יור]ה ומ֯לקוש ואספת דגנך[ ו]תירשך וי֯צהרך ונתן עשב ב֯ש[דך] ל[ב]המתך |
| 35 | [ואכלת ושבעת השמרו לכם פן יפתה ]לבבכם וס[רתם ועבד]תם אלוים אחרים |
| 36 | [והשתחויתם להם וחרה אף יהוה בכם ועצר ]את השמים ולא יהיה מט[ר] |
| 37 | [והאדמה לא תתן את יבולה ואבדתם מ]ה֯ר֯ מעל הארץ הטובה אשר יהוה |
| 38 | נת֯[ן לכם ושמתם את דברי אלה ]על לבבכם ועל נפשכם וקשרתם אותם |
| 39 | לאו[ת על ידכם והיו לטוטפת בי]ן עיניכ[ם ]ולמ֯ד֯תם אותם [א]ת בניכם לד[בר] |
| 40 | בם ב[שב]תך בביתך [ו]ב[ל]כתך ב֯דרך ובש[כבך ו]בקומך ו[כתבתם על מזוזות] |
| 41 | בתיך [ובש]עריך ל[מען ]ירבו ימי[כם ו]י֯מי בניכם על האדמה א֯ש֯ר נ֯[שבע] |
| 42 | יהוה לא[בתיכם לתת להם כימי ]ה֯שמים על הארץ֯ [--] |