1
1	וידעת עם לבבך כי כאשר ייסר איש את בנו יהוה אלוהיך מיסרך ושמרתה את
2	מצות יהוה אלוהיך ללכת בדרכיו ולאהבה אותו
3	כי יהוה אלוהיך מביאך אל ארץ טובה ורחבה ארץ נחלי מים עינות ותהומות
4	יצאים בבקעה ובהר ארץ חטה ושעורה וגפן תאנה ורמון ארץ זית שמן ודבש
6	ארץ אשר לוא במסכנות תאכל בה לחם ולוא תחסר כול בה ארץ אשר
7	אבניה ברזל ומהריה תחצוב נחושת ואכלת ושבעתה
8	וברכתה את יהוה אלוהיך על הארץ הטובה אשר נתן לך

2
1	ויקרא משה אל כל ישראל ויאמר
2	אליהם שמעה ישראל את החוקים ואת
3	המשפטים אשר אנוכי דובר באוזניכם
4	היום ולמדתם אותם ושמרתם לעשותם
5	יהוה אלוהינו כרת עמנו ברית בחורב לא
6	את אבותינו כרת יהוה את הברית הזות כי
7	אתנו אנחנו אלה פה היום כולנו חיים היום
8	פנים בפנים דבר יהוה עמכם בהר מתוך
9	האש ואנוכי עומד בין יהוה וביניכם בעת
10	ההיא להגיד לכם את דברי יהוה
11	אלוהיכם כי יראתם מפני האש ולוא עליתם
12	בהר לאמר אנוכי יהוה אלוהיך אשר

3
1	הוצאתיך מארץ מצרים מבית עבדים לוא יהיה
2	לך אלוהים אחרים על פני לא תעשה לך פסל וכול
3	תמונה אשר בשמים ממעל ואשר בארץ מתחת ואשר
4	במים מתחת לארץ לוא תשתחוה להם ולוא תעובדם
5	כי אנוכי יהוה אלוהיך אל קנא פוקד עוון אבות על
6	בנים על שלשים ועל רבעים לשנאי עושה חסד לאלפים
7	לאוהבי ולשומרי מצוותי לוא תשא את שם יהוה אלוהיך
8	לשוא כי לוא ינקה יהוה את אשר ישא את שמו לשוא
9	שמור את יום השבת לקדשו כאשר צוך יהוה
10	אלוהיך ששת ימים תעבוד ועשית את כול מלאכתך
11	וביום השביעי שבת ליהוה אלוהיך לוא תעשה בו כל מלאכה
12	אתה בנך בתך עבדך ואמתך שורך וחמורך

4
1	ובהמתך גריך אשר בשעריך למען ינוח עבדך ואמתך
2	כמוך וזכרתה כי עבד היית בארץ מצרים ויציאך
3	יהוה אלוהיך משם ביד חזקה ובזרוע נטויה
4	על כן צוך יהוה אלוהיך לשמור את יום השבת
5	לקדשו כי ששת ימים עשה יהוה את השמים ואת הארץ
6	את הים וכול אשר בם וינוח ביום השביעי על כן ברך יהוה
7	את יום השבת לקדשו כבד את אביך ואת אמך כאשר
8	צוך יהוה אלוהיך למען יאריכון ימיך ולמען ייטב
9	לך על האדמה אשר יהוה אלוהיך נותן לך לוא תרצח לוא
10	תנאף לוא תגנוב לוא תענה ברעיך עד שוא לוא תחמוד
11	אשת רעיך לוא תחמוד בית רעיך שדהו עבדו אמתו
12	שורו חמורו וכול אשר לרעיך

5
1	את הדברים האלה דבר יהוה אל כול קהלכם בהר מתוך האש
2	חושך ענן וערפל קול ג[ד]ו֯ל ולוא יסף ויכותבם על שני לוחות
3	אבנים ויתנם אלי ויהי֯ [כשו]מעכם את הקול מתוך החושך וההר
4	בוער באש ותקרבון אלי כול ראשי שבטיכם וזקניכם ותא֯[מרו]
5	הן הראנו יהוה אלוהינו את כבודו ואת גודלו ואת קו֯לו[ שמ]ע֯נ֯ו֯
6	מתוך האש ביום הזה ראינו כי ידבר יהוה את ה[אדם וחי]
7	ועתה למה נמות כי תאכלנו האש הגדולה הזואת אם י[וספים]
8	אנחנו לשמוע את קול יהוה אלוהינו עוד ומתנו כי מי כ֯[ול בשר]
9	אשר שמע קול אלוהים חי מדבר מתוך האש כמונו ויחי
10	קרב אתה ושמע את כול אשר ידבר יהוה אלוהינו ואת֯ה
11	תדבר אלינו את כול אשר ידבר יהוה אלוהינו אליך ושמע֯[נו]
12	ועשינו וישמע יהוה א֯ת קול דבריכם בדברכם א[לי]

6
1	ויאמר י[הוה אלי שמעתי את קול דברי העם הזה אשר]
2	דברו אליך[ היטיבו כל אשר דברו מי יתן והיה לבבם זה]
3	להמה ליראה או֯ת֯[י ולשמר את כל מצותי כל הימים למען ייטב]
4	להם ולבניהם לעולם[ לך אמר להם שובו לכם לאהליכם ואתה]
5	פה עמוד עמדי ואדבר[ה אליך את כל המצוה והחקים]
6	והמשפטים אשר תלמ[דם ועשו בארץ אשר אנכי נתן]
7	להם לרשתה ושמרתם[ לעשות כאשר צוה יהוה אלהיכם]
8	אתכם לוא תסורו י[מין ושמאל בכל הדרך אשר צוה יהוה]
9	אלוהיכם אתכם תלכו[ למען תחיון וטוב לכם והארכתם ימים]
10	בארצ אשר[ תי]ר֯[שון וזאת המצוה החקים והמשפטים]
11	א֯[שר צוה יהוה אלהיכם ללמד אתכם לעשות בארץ אשר]